هلووو حبايب قلبي
شلونكم شخباركم
مشتاقتلكم
#للكاتبة Mare Ail
#ملاكي....😘😘😘
///البارت١////
مالي سواك فلا تُغادر عالمي
أتظنُ أني في هواك سأُشرِكُ
لا والذي أجراك بين نسائِمي
إني أُحبك، ليت قلبك يُدركُ.
اسمي ملاك عمري 23 سنه شكلي عادي بشرتي حنطاوية وعيوني سودة مثل ليل وشعري لنص ضهري اسود كل عمري عايشة بامريكا ويا بابا احنه اصلنه من عراق بس لسبب ماعرفه شنو هوة عاش هنا حياته بعيد عن اهلة ماما من بغداد وبابا من بصرة ماما توفت من اني وصغيرة بابا ماخلاني محتاجهةالها صار الي ام واب صديق اني خلصت جامعه ادارة اعمال واساعد بابا بادارة شركه اني من نوع احب اضحك بس وية شخص اعرفة متعودة علية الي يشوفني يكول مغرورة بس الي يعرفني يغير راية بسرعه قوية ماجادل اخذ حقي مااحتاج لحد اني وحيدة اهلي
كعدت صبح سويت روتيني اليومي نزلت لكيت بابا كاعد قبلي بسته وكعدت يمه
ملاك....صباح الخير بابا
خالد. ..صباح الخير اميرتي تعالي نتريك منتضرج اني
ملاك. ..كعدت تريكنه سوة وسولفنه عن اوراق ومناقصة جديدة وطلعنه للشركه دخلنه وكل موضفين وكفو احترام لبابا سلم عليهم وكل شخص راح يكمل شغلة رحت لبابا حتى استشيرة ع ارواق مناقصة حتى استنسخهن دكيت باب محد جاوب فتحته لكيته واكع بلكاع صحت باعلى صوتي وخليتهم يخابرون اسعاف اول ماوصلنه للمستشفى ماكدرنه لحكة مات بابا وماتت دنيا ويا دكاترة خبرونه مات بسكته قلبية وهوة جان عندة مشاكل بلقلب من زمان ليش ماكالي ليششش دفنت بابا وكملت مراسيم دفن رجعت للبيت وحدي بعد ماطلعت منه اني وياك وحزن في كل مكان في بيت سمعت دك باب شفت محامي محمد
محمد... بقاء في حياتج انسة ملاك شلونج
ملاك...وحياتك باقية
محمد...اني محامي مال والدج وصديقة قبل ايام اجاني واطاني هاي اوراق
ملاك. ...شنو هاي اوراق
محمد. ...وصية
ملاك. ..وصية وليش اني ماعندي علم بيها
محمد...ماعندي علم اقراها الج
ملاك...اوكي تفضل اقرة وصية
بدة محامي يقرة وصية واني مصدومه من الي سمعته اني عندي اهلي بلعراق ولازم اروح يمهم اعيش وشرط وصية سنه ع اقل وادارة فروع شركه الي بلعراق باسمك ولازم يتنفذ حتى اكدر ادير شركه الي بامريكا وحدي....
راح محامي واني دايخه بهل وصية صح عندي علم بوجودهم بس اعيش وياهم شلون رحت لغرفتي واني احاول اكتم الم الي بية ماكدر اتحمل بعد ماعرف شلون نمت. ..
كعدت صبح واني مختنكه سويت روتيني اليومي جهزت نفسي للخروج الي مكتب اخر مرة لان عدنه كم مشكلة ولازم احلها قبل لا اسافر شخص الي راح يدير شركه شخص موثوق وصلت للمكتب كملت كلشي وجهزت اوراق الي علية وخابرت محامي يستلم شغل بغيابي ( من ضمن وصية )
حجزت اول طيارة رايحه للعراق طيارة بليل رجعت للبيت جهزت جنط الي احتاجهن كل شغلة احتاجها اطيت كل خدم اجازة لان ماعرف شنو منتضرني هناك بقيت وحدي بلبيت وضحكه بابا ومن جان يناديني باميرتي ( اشتقت لك ياابي )
سانفذ وصيتك اعتمد علية
اقفلت ابواب بيت وطلعت وية محامي هوة راح يوصلني
محمد. ..اهلا بنتي شلونج
ملاك. ...بخير
محمد...لا يضل بالج راح يكون كلشي مثل ماتردين
ملاك...اتمنى
محمد. ..هذا عنوان عمامج همة ناس معروفين بس اسالي همة يدلوج
ملاك. ...اوكي شكرا
محمد...لاشكريني هذا واجبي
ملاك...ابتسمت بوجها توجهنا للمطار خلصت كل اجراءات ونادو ع طيارة راح تقلع ودعت محامي وصعدت ربطت احزام واني افكر شراح يصير راح يصدكوني يعرفوني....
السلام عليكم اسمي فهد اني شيخ ابن شيوخ ابن عن جد عمري 30 سنه اكبر اخوتي خريج ادارة واقتصاد عدنه املاك هواي وحلال اني اديرهن كلمتي مسموعه عند كل من بعد جدي والدي متوفي بس امي ربي يحفظها النه اني طبعي عصبي نار ماحب احد يعاند ابد ولا احب احد يوصل اغراض مالتي او شي يخصني. ....اني متزوج بس مرتي ميته عندي طفل اسمه صهيب عمرة سنه
عندي اخ واحداصغر مني اسمة علي واخوات 3 مزوجات 2 مريم وهديل ولد عمي وحدة بعدها سارة عندي عمام 2 سعد عندة 3 ولد واحمد عندة بنية ولد وعماتي 3
كعدت صبح اليوم عدنه كعدة ولازم تنحل لان اذا بقت صير بحر دم جدي طلب اني احلها وامي ماارفض طلب جدي رحت للحمام سبحت وبدلت ملابسي نزلت لكيت كل ع سفرة
فهد. ...صباح الخير
الكل ...صباح الخير
فاضل (جد)...موتنسة ابني اليوم طلابة لازم تنحل لان صار هواي متاخرين بحلها
فهد. ...تدلل شيخ
كملنه اكلنه وطلعت مريت ع حلال وشفت ولد عمي وأصدقائي وسري يمهم حسين و ابن عمتي سامي
فهد. ..سلام عليكم شباب
سامي. ..هلة بيك شيخ شلونك
فهد...زين حمد الله
سامي. ..شذكرك ومريت علينه لا ومن صبح حلمان بينه
فهد. ..مشتاكلك واجيت اشوفك
سامي. ...ههههه
حسين..شكو ياخوي مو ع بعضك
فهد. ..تعبان شوية وعندي طلابة لازم اروح اجيت اسلم واطلع
سامي. ..هلة بيك شيخ
حسن..الله يساعدك شيخ وتنحل لا شيل هم
فهد. ..كعدت وية شباب سوالف وشفت سامي صافن...سامي شكو صافن صاير شي احجيلي
سامي. ...لا ماصار شي لاشيل هم
حسين...فهد ماتعرف سامي واكع بلحب
فهد. ..صدك سامي يوم اشوف عرسك
جسين...هوة خلي يعرف شنو اسمها وبعدين يتوكل
فهد. ..شنو يعني
سامي...صار سبوع دائما اشوفها واريد احجي وياها صير شغلة ومااكدر حتى اهلها ماعرف منين
فهد. ..الله يعينك ياخوي ...كملنه سوالف وطلعت من يمهم ورحت للكعدى تلكوني شيوخ يعرفوني وصار صياح ومحد يقبل ع حل اخر شي نحلت بعد ساعات رجعت للبيت وشفت. .....
نرجع لملاك
نزلت من طيارة بعد رحلة 11 ساعه من تعب بمطار بغداد حجزت طيارة للبصرة مابية حيل اروح بسيارة طريق طويل واني تعبانه اول ماوصلت للبصرة اخذت تكسي واطيته عنوان طريق حلو بس اني تعبانه مابية حيل صح خضار يريح نفس اول مرة اشوف هيح مناطق تعطلت سيارة بلطريق نزل سايق يشوف شكو عطل بيها وكفت سيارة ثانية نزل منها ولد شاف سايق ماعرف شكالة اجه علية....
فهد. ..شفت سيارة واكفه بلطريق نزلت ايجوز تكدر اساعدة سلام عليكم اخي محتاج مساعدة
سائف. ..وعليكم السلام اي والله سيارة تعطلت وماتصلح هنا وماعرف وين اخلي هاي بنية
فهد. ..بنية وين تريد تروح
سائق. ..بيت شيخ فاضل
فهد. ..شنو منو كال هل كلام
سائق...هية اطتني عنوان هذا بيتهم
فهد...روح انت صلح سيارة واني شيخ فهد حفيد شيخ فاضل اني اوصلها للبيت مشكور
سائق. ..اعذرني شيخ ماعرفتك
فهد. ..لا عادي راح احجي وياها
( بكلبي منين هاي بنية وشرايدة ) وصلت يمها
وكلت سلام عليكم
ملاك. ..اجه ولد وسلم علية جان طويل واسمر ماتبين ملامحه عدل لان لابس نضارة نزلت من سيارة ورديت سلام
فهد...نزلت من سيارة بنية حلوة وحنطاوية ملابسها سود زايدتها جمال ضليت صافن عليها ردت سلام صحيت ...وكلت سيارة عطلانه ويلغني سائق انتي تريدين تروحين لبيت شيخ فاضل اني راح اوصلج لهناك
ملاك. ..اي صح بس انت منين تعرفهم
فهد...شيخ فاضل يكون جدي
ملاك...هااااا (انصدمت من كال جدي. صارت خوفة بكلبي)
فهد..اسمي فهد مديت ايدي حتى اسلم عليها
ملاك...اسمي ملاك سلمت علية هذا ضل صافن ع وجهي
فهد...سلمت علية ايدها ناعمة حيل وعيونها بيهن حزن وتعب متكدرتةابعد عيني عنها وهاي اول مرة صير بية رغم هواي بنات شايف بس هاي عيونها بيهن لغز واريدواحلة صحيت من سحبت ايدها اضاهر اني طولت كتلها تفضلي انسة ملاك نكدر نروح هسة
ملاك. ...اي بس جنط مالتي بلسيارة
فهد. ..ماشي يلة نزلت من سيارة جنط هواي تعيش هنا هواي جنط منهن خلصنه وصعدت ترحكت سيارة وحبيت اعرف منو هاي بنية ممكن اسال سؤال انسة ملاك انتي منين تعرفين جدي
ملاك...احتاريت شجاوب كتلة شيخ فاضل هوة يكدر يجاوبك ع كل اسئلتك
فهد. ..صدمتني بجوابها وزاد فضولي اكثر اريد اعرف منو هية ...ضليت ساكته لحد ما وصلنه بيت ونزلت كتلها تكدرين تنتضرين هنا ابلغ جدي واجي
ملاك. ..وصلت للبيت عبارة عن قصر بصراحه ماتوقعت بهيج مكان موجود مثل هل بيت من كل جه خضار وبيوت بعيدة عن طريق اني بعدني خايفة شلون راح اعيش وياهم صحيت من كال انتضري اشرت براسي بمعنى اي انتضرت شوية فهد ...رحت للديوان لكيت جدي وعمامي سلمت
سلام عليكم
الكل. ..وعليكم السلام
جد...هلا بوليدي حليت طلابة
فهد. ..اي شيخ نحلت
جد. ..عفية عرفتك كدها
فهد. ..شيخ اكو شخص يسال عنك واكف برة
جد...منو هذا شخص وليش مافوته صيحه ابني عيب
فهد. ..بنية اسمها ملاك سالتها منو هية بس ماجاوبت وكالت جواب عندك وانت راح تعرف منو هية
جد...ابني ماعرف احد بهيج اسم بس خليها تجي ونشوف شنو مشكلتها
فهد. ..صاؤ شيخ ...طلعت من يم جدي وشفتها ع وكفتها وصافنه ضجت من لبسها لان راح طب ولد عمي كلهم كاعدين هية صح لابسة لبس طويل بس بدون حجاب بس شكلها تعبان ..انسة ملاك
ملاك...راح فهد واني ضليت واكفه صفنت ع بيت يعني راح اعيش وياهم وكل شخص يفوت من يمي يضل صافن علية عبالك اني وحدة من غير كوكب ماعرف سبب رغم لبسي طويل مابي شي يجذب ملابسي عبارة عن فستان اسود وسترة صحيت ع صوت يمي وصاح اسمي كلت نعم
فهد...تفضلي شيخ ينتضرج
ملاك. ..اوكي يلة رحت ويا وصلت مكان كبير بعيد عن بيت فات فهد وفتت ورى سلم شفت شخص جبير بلعمر كاعد بهيبة وثقة وشيب زايد منه وقار وحكمه ويمه شخصين وباقي شباب كلت سلام عليكم
الكل. ..وعليكم السلام
جد...تفضلي بنتي كالو اتريديني امري
ملاك. ..تسلم شيخ مايمر عليك ضالم اني هنا بسبب شخص تعرفة اسمه خالد فاضل
جد...انتي مين عرفتي خالد
..
.
.
.
.
رايكم بلبارت
احبكمممم
باييي