#لعنة_الفراعنة
#عشقت_فرعون
#تقرير_كواليس_اسرار_للشخصيات
#تهاييس_كاتبه
أولا عايزه اقولكم هتلاقوا بلاوي في الفصل ده 😂😂😂
فلو كنت من محبي روايه لعنه الفراعنة كمل الكلام للاخر
الكلام هيكون علي هيئه حوار عشان يكون ممتع وخفيف ومش ممل هيكون بيني وبين فتاه من خيالي هتوضح فيه إزاي وصلت لفكره لعنه الفراعنه بس بطريقه كوميديه ( كل اللي في الكلام حصل معايا فعلا) بس حبيت اعرضه بطريقه من غير مال
#الفكره\كله بيسأل او مش كله يعني جات منين الفكره
_صحيح يارحمه
_🤔نعم
_إزاي وصلتي لفكره الفراعنه والجو ده
_يابنتي هو أنا اي حد 😎😎
_اخلصي يا ختي قولي
_في يوم من ذات الايام كده بعد ما اتعشيت كانت ايمان أختي هي اللي عليها المطلخ وعملت اسباجتي وانا مش بحب الاسباجتي اساسا روحت قولت لماما انت عايزه اي حاجه تانيه أكلها وسيبت الاكل بعد مشاداه بيني وبين نبع الحنان ملخصها انتي من امتي مش بتاكلي الاسباجتي وانا من يوم ولادتي مش باكلها ما علينا روحت التلاجه بقي عشان اشوف حاجه أكلها ملقتش غير شويه سجق مجمد و..........
_انا مالي انتي هتحكي قصه حياتك ايه علاقه الاسباجتي واختك والسجق بالروايه مش فاهمه
_احم انا قولت ابدأ من لأول عشان تعرفي وصلت إزاي
_انا مالي ها أنا مالي انا بسأل عن الفكره
_طب ياستي خلاص انتي الخسرانة ده انا كنت هقولك إزاي عملت السجق و.....
_وانا مالي اتفضلي ادخلي في الموضوع
_ طب علي فكره فاتك مفاجأه كبيره
_بجد ايه هي
_لا خلاص مش هقول
_لا قولي معلش
_طيب عشان خاطرك بس اصل وانا بحاول اعمل السجق كان مجمد آوي وانا كنت جوعانه فطبعا لاني ذكيه فكرت بسرعه ورحت اشتري اندومي و......
_بت انتي اخلص ادخلي في الموضوع ندمتيني اني سألتك أساسا اتفضلي
_ احم بصي ياسيتي خير اللهم اجعله خير يارب كنت قاعده في امان الله بعد ما خلصت عشقتك مجنونتي والمفروض اني انزل جميله حد الفتنه
_كل ده عارفينه بطلي رغي وادخلي في المفيد
_ احم تمام فيه يوم قاعده بليل لقيت مره واحده فكره اني انزل روايه الابطال من زمن مختلف نطت في دماغي طب ايه نخلي البطله مثلا بتشتغل عند مخترع وتلعب في الإله الزمنيه مثلا
_إزاي ده
_اصبري بس وصلت لفكره انها هتسافر للمستقبل بعدين قعد شويه افكر مع نفسي الفكره دي اتهرشت في نص الأفلام الأجنبي والهندي كمان😔
_وبعدين
_انا بقي وبما اني عبقرية قررت اني اخليها تسافر للماضي 😎💪
_لا والنبي ايه يابت الحلاوه دي انتي ازاي كده
_شوفتي بقي 🙃
_شوفت ايه يابت انتي هبله الفكره دي برضو اتعملت كتير وأقرب مثال سمير وشهير وبهير
_لا انا مش هبله عشان اكرر نفس الفكره🤗
_حلو وعشان كده خلتيها في عصر الفراعنه
_لا الصراحه كنت هوديها عصر كفار قريش😄
_اه......... ايه إزاي ده مش ده حصل في مسلسل بتاع اطاطا لما كان بيتنقل بين العصور
_اه منا مش هبله أكرر نفس الفكره برضو قومت ايه بقي قولي انتي
_فكرتي في الفراعنه
_احم مش بالضبط 😅
_اووووف امال ايه يابنتي
_انا قولت طالما الكفار ندلوا معايا يبقي ايه هروح ايام ابعد من كده
_اللي هما الفراعنه
_لا برضو اصبري انني كل شويه فراعنه فراعنه 😒 ابعد من الفراعنه يا ستي
_طب اتنيلي اخلصي 😑
_هقولك بس متتعصبيش الصراحه كده فكرت في أيام العصر الحجري هتروح لرجال الكهف و....
_اشششششش اسكتي ايه التلوث السمعي ده رجال كهف ايه دول كانوا اكلوها دول بيلبسوا فرو عايزه البطل يلبس فرو
_وايه يعني مش يمكن اللي بيلبس فرو احسن مني ومنك 😒بعدين انا بعدت الفكره عشان التواصل بينهم هيكون صعب أساسا يعني مش هتعرف تتواصل معاه قوووووم ايه جات علي بالي فكره تانيه
_ايوه بقي الفراعنه مبقاش غيرهم في الماضي....
_لا مش الفراعنه بقي واهدي ها اهدي
_امال ايه يعني دماغك هروح فين
_هوديهم عصر الهنود الحمر دول
_انتي مش بتهزري
_ اه والله مش بهزر 😐
_انا هنشل منك
_خلاص خلاص اصلا شلت الفكره بسرعه لقتها مش هتكون لطيفه بس لقيت واحده تانيه احلي بقي و.......
_لا متقوليش راحت عصر ما قبل بدء الخليقه
_ ايه الافوره دي اكيد راحت عصر الفراعنه غبيه آوي يعني ومش عندك خيال يا منعدمه الخيال 😏😏
_صدقي فكره انا اصلا استاهل ضرب الجذم اني قعدت اسمعك واسمع الهبل ده يعني كل ده عشان تلاقي فكره
_امال انتي عايزاني ألاقي فكره كده بسرعه يابنتي انا اذكي من كده 😎💪
اخرجت الفتاه مسدس وأطلقت النار علي نفسها ودي آخره اي حد يسمعني
😂 😂 😂 😂 😂 😂
استنوني التقرير الجاي مع ضحيه جديده
وده كان حوار علي الفكره وازاي وصلت للفكره بتاعه الفراعنه لو عجبكم مستنيه رأيكم ولو حابين انزل الحوار اللي عن الاحداث والشخصيات عايزه ألاقي تفاعل بقي وصدقوني لسه مشوفتوش البلاوي اللي كانت بتبقي وقت الكتابه ولا شوفتوا أساسا اللي كنت هعمله في الشخصيات 😂😂😂😂😂اوعدكم هيبهركم دماغي أساسا 😂 😂 😂 😂
ولو حد حابب اتكلم عن حاجه معينه وازاي مثلا كتبتها يسيبها في التعليقات هقرأها كلها وبعد ما اخلص التقرير عن الجزء الأول هعمل واحد عن الحزء الثاني وشخصياته
يلا مستنيه اي سؤال عن الفكره وايه رأيكم في المراحل اللي مريت بيها وهل لو كنت نفذت فكره فيهم كانت هتبقي احلي من الاصليه ولا إيه
#تهاييس_كاتبه