نيران قلبي
بقلم هدى
البارت السادس
---------
شمم..
- من كالت اسمه ذكرت اسير الاحزان التفتت بصدمه شفته من بعيد يحجي وي امه
كلت بكلبي ،
- عزا العزاني بس لا صدك هو
ركضت للأستقبال لكيت بيان ودالي كاعدات
كعدت بعيد عنهن افكر وافرك بأيديه من التوتر بيان تحجي وياي مااجاوب..
اخر شي وصلتله اسأل بيان
- احم بيان عندج انستا
- اي عندي تردينه
- ها ، اي عادي تنطيني فونج ادخل اليوزر لأن طويل
- اي هاج اخذي
فتحتلي الفون واخذته دخلت عالبحث مال الانستا ماطلعلي الحساب
رحت على الي متابعتهم هي لكيته وياهم دخلت على حسابه
- احم اكلج بييان هذا منو
- يا هذا اسير اخويه متعرفيه
- ها لا منين اعـ...
بعدني ممكمله طفرت دالي
- شو شو وينه اسوري داشوف
استغربت من تصرفهة وبيان جاوبتهة بضحكه
- ثكلي يابه شبيج هي صوره
- اوي هسة اني شكلت شو شوفيني الصوره
الفون جان بأيدي ذبيته وطلعت بسرعه صاحت بيان وراي
- طلعتي حسابج
كلتلها
- لا ميطلع اني حتابعج من حسابي
صبو العشة وكعدنه ناكل اني كاعده على اعصابي ومتوتره بسبب التصرف السخيف السويته
اخير شي كلت هو ميعرفني يعني شدراه اني الي راسلته اي خلص
خلصنه عشه ولزمت رنيم
- وين جنتي ولج
- لج صعدنه فوك اني وليال وي البنات
- همم شفتي بت عمي عباس
- لا وينهة
- ماادري يمكن راحت .. لج فد وحده مغروره وملطلطه
- هههههههه هاي شلون دبرتيها
- هسة انتي بس تشوفينهة توافقيني الرأي
- اكلج يكولن البنات ابن عمي فاضل الجبير متزوج
- لعد وين مرته
- يمكن عد اهلها شدراني
مر الوقت واحنه كاعدين بالهول كل مجموعه بجهة
اني ورنيم نحجي وي بيان كلش لطيفه وتونس
ماما هم مندمجه وي عماتي
ليال تحجي وي وحده من بنات عماتي اصغر منهة
بنين ودالي رجعن للبيت وره العشه
راسلتني ايلاف كالت باجر تعالو لبيت اهلي امي عازمتكم كلت لأمي وخابرت خالتي اعتذرت منهة لأن بعدنه ممستقرين
صارت الساعة 12 وكلمن راح ينام بمكان
اني واخواتي صعدنه بغرفة بيان
جان اكو فوك 4 غرفه وحده بصف الثانيه كالت هذني لأخواني بس اليوم ماينامون هنا راحو لبيت عمي
كلت بكلبي اي همزين حتى ما التقي بي
نامن البنات واني بقيت كاعده مانعسانه جنت اكلب بالاستوديو اشوف صورنه القديمه
وفون رنيم كلش ضوجني كلساع يجي اشعار وممسويته صامت
كمت اريد اسوي صامت شفت جايه رسائل عالواتس
صار عندي فضول اشوف منو داز
جنت اعرف النمط فتحته ورحت عالواتس
تفاجأت الي داز رسائل اسمه مهدي
دخلت عليهن اكو واصلات من الضهر
جان كاتب
- مرحبا
- ها وصلتو لبغداد
- رنيم وينج اليوم قلقتيني
- اذا فتحتي الجهاز مالتج حاجيني
- تصبحين على خير
طلع فوك بالمحادثه مهدي يكتب..
بسرعه طلعت من المحادثه
شفت الرساله فوك من الاشعارات
كاتب ها اجيتي
جاوبته
- اني مو رنيم اختها ، رجائا بعد لتدز رسائل
- اها اعتذر ، بس انتو وين
- احنه ببغداد عن اذنك
ضليت بحيره منو هذا
ندست رنيم ماكعدت ضليت ازعجها لمن كعدت
كلتلها
- رنيم منو هذا
- هاا شنو
- حجيت من بين سنوني خاف احد يسمع ،مهدييي منوو
- شدراني شو ولي خل انام
- رنييمم باعي هذا متعرفيه
- لا ما اعرف
- وهو شلون يعرفج
- ماادري لتسألين
- ليش احس ضامه شي
- لج مااعرفه والله مااعرفه حتى اسمه من يمي كتبته
- رنيم احجيلي السالفه خلي افهم
- ايييي اوكِ
رنيم ..
حجيت لشمم السالفه كلهة بصوت ناصي..
كالت
- عزا هاي من شوكت
- من 7 اشهر تقريبا
- وليش ماكلتي لتمار او بابا بوقتهة
- لا كلت اني اعرفه وحدي لأن مبين هذا يعرفني
- اكلج خاف هاي وحده من صديقاتج تضحك عليج
- ثوله اني منيلي صديقات هي بس ايلاف والباقي علاقه سطحيه
- اي و اذا يجوز وحده من الجامعه او الي وياج بالخط
- لا لا مااعتقد
- زين انتي سامعه صوته؟
- لا منين
- لعد باعي هسة حاجي كليله يدزلج صوته
- دولي
- والله تكولين وغصبا عليج
- خليها لباجر
- لا هسة
انطتني شمم الفون وراسلته وشنو تكلي اكتبه
دزيت هلو وانتضرت يجاوب اتأخر الا جاوب
- اهلا منو وياي
- اني رنيم
اها وين جنتي
- جنت نايمه واختي جاوبت ، المهم
- شنو المهم
- اريد اسمع صوتك
- هههههه ليش
- مااعرف يمكن انتي بنيه ودتضحكين عليه
- قويه هاي هسة الا ذكرتي تتأكدين
- مايخصك المهم دز صوت خل اتأكد
اتأخر دقايق ودز صوتي نصيت الصوت وفتحته
جان صوت رجال كال
- هذا صوتي هسة اتأكدتي مو مقلب
كتبتله
- اي يلا من رخصتك حرجع انام
نهيت المحادثه وباوعت لشمم
- وهسة
- شنو شعليه
- لا بالله
- يعني ماعرفتني من صوته؟
-لااا
- بس والله صوته حلو
- روحي روحي لفراشج لتبقين يمي عبالك بومه
- اننننن ام حلك
- شمم لتكولين لأحد
- لا شسالفه المن اكول
- خوش
رجعت غمضت بلكي انام بقيت افكر لمن غفيت
ثاني يوم كعدت بالـ9 لكيت البنات كاعدات قبلي وعماتي رايحات باقين بس اهل البيت
تريكت بالمطبخ وطلعت كعدت يم شمم بالهول
شويه وطبت بت ووياهة طفل من الباب الخارجي
اجت سلمت علينة اني وشمم وكفنه
- سلام اني فناء زوجة ايسر وهذا ابني
اعتقد انتن بنات عمه صح
جاوبنهة بـ اي
- اني رنيم الجبيره وهاي شمم
- هلا بيجن يروحي
جانت واكفه تحجي ويانه اجت مرت عمي
- ها ولج فنوه اجيتي
- لا عمه بعدني بره
- انجبي وين ايسر
- ماادري وصلني وكال رايح بشغله
- خوش فوتي بدلي وتعاي ويانه
- اي
- ههههههه ليش تصيحلج فنوه
- شسوي يوميه اقنعهة تصيحلي بأسمي ماتقبل لمن تعودت عالدلع ، اني صاعده ابدل واجيجن
- براحتج
صعدت شويه ونزلت هي وابنهة
- اكلجن وين بنبن
- بنبن منو انوب
- بيان ندلعها بنبن ماتدرن
- يايا شنو هالالقاب
- انصحج تلحكين على روحج قبل لا يطلعولج دلع ويمشي عليج هههههههه
- لا يابه اني دلعي رنو
شمم ..
راحت فناء للمطبخ تسوي غده اني ورنيم ردنه نساعدهن ومرت عمي ماقبلت
اخذنه انس ابن ايسر وكعدنه نلاعبه كلش محبوب ويضحكلنه مايستغرب عمره سنه ونص تقريبا
صار الغده تغدينه وخلصنه...
العصر اجه بابا من واسط وكعدو بالاستقبال
حضرن جاي وحلويات للضيافه ومحد قبلت تاخذها
جبرني اني اقدم
اخذت الصينيه وفتت للاستقبال جنت رافعه راسي شفت الموجودين عمامي اثنينهم وبابا و4 ولد من ضمنهم اسير
من شفته نزلت راسي وكملت مشي حطيت الصينيه عالطبله وكام واحد من الولد يقدم
سلمت عليهم ورحت للباب اريد اطلع كال بابا
صيحي خواتج وتعالن يمي
- "اهوو شيفضها"،حاضر بابا
طلعت صحت للبنات وفتنه كعدنه يم بابا ليال حضنته وكعدت يحضنه رغم هي جبيره انتبهت لواحد من الولد كاعد كبالنه يطلع بكدي او اكبر
يخزر بـ ليال وهي مامنتبهة او مامهتمه اله
حجينه وي بابا شويه وندست رنيم كلتلها خلي نطلع
طلعنه اني ورنيم وليال بقت يمهم
مر الوقت وصار الليل كلمن راح ينام بغرفته
ساعه 2 بالليل ردت اروح للحمام والكل نايم
بس اني ورنيم كاعدات
كلتلها طلعي وياي ماقبلت
طلعت وحدي الحمام بس جوه ماكو فوك فأضطريت انزل
بعدني عالدرجه الثالثه
جان تطفه الكهرباء وماكو ضوه
كملت مشي عادي
جان
ازلك عالدرج
يتبع....
رأيكم؟
توقعاتكم؟
لتنسون التصويت 🌟