الارهابي وذات النقاب

البارت٤٠

‏ #البارت ٤٠
الارهابي وذات النقاب
بقلم ام غايب

‏أنت شقاعد تحجي حذيفة والله ما قاعد اصدك معقول أنت ...جنت عبالي تختلف ....حكمت عليه بدون متسمعني

حذيفه-حكمت عليج .....حكمت .....بدون مااسمع ....ايش اني سمعت شغله وحده ......ماشي كليلي ....عندج تبرير الهدا الفلم
بس شتحجيلي شنو الي توصحي هيه وحده اثنين سوالفج ميمونه

من بعد مرحت كتلك ملكيتهه وضربته وانهزمت ....وراهه اجيت هنا الك كلت بلكت رجعت او شي ....بقيت افتر الى ان لكيتلي بيت يأويني ولتكلي اني مكتلك اني شوكت شفتك حتى اشرحلك كلشي صار من رحت الهذا اليوم مبقه شي ويصير اربع شهور ....تريدني اخصمهن باقل الساعه واني مريضه ....حذيفه اني كاعد اشوف الموت بعيوني

حذيفه-واختج مو كلتي مشفتهه
ميمونه-بقيت ادور الحد ما أيست وكلت اروح الخالتي واسلم نفسي مناك بالصدفه لكيت الشقه للايجار وأجرتهه بس كتلهم اني واختي ويايه مردت يعرفون وحدي ومشت حياتي اللبس نقاب وعدسات علساس اختي وانزل مبدله وبعيوني بأسمي
الحد ما بدت الاعراض وعرفت بروحي مريضه بقيت بالشقه مطلعت وساء وضعي ورحت الخالتي هناك

شافني خضر ولحكني وراهه ...طردته وجان وصعي سيء كلي بشرط اوديج دكتور بعد الدكتور هم كتله عوفني عافني وبعدين طلع ناسخ المفاتيح وجنتت اسوء من هسه لان مجنت اخذ لي علاج .....بقه وكال الهم خالي علمود متتشوه سمعتي ....وتكفل علاجي مااحجي جنت تعبانه حذيفه وخضر جان يداريني واذا مو موجود اني اموت .....ومن اجيت انت وكتلي اخذج كبل اجيت وياك ....باوعت علي ابتسم باستهزاء

حذيفه-يعني انت محترفه والله ....عندج طاقه مو طبيعيه ....تصدكين اني تأثرت اثناء مكاعد تحجين ....متصيرين كاتبه .....مؤلفه والله تنجحين
تعرفين حسستيني كاعد تحجين فلم هندي بس بعتي ثكل براسي واله زواج وماابقه

باوعت علي ودموعي تنزل بقه صافن عليه
خله أيده على كصته وكام يعصر بيهه
وعافني ودخل للغرفه ......

حروفي متبعثره على أطراف شفتي تتكسر .. كما تتكسر القرارات بها خوف .. من ظلم إحساس .. بظلم وربما .. ظلم .. بظلم وتوهان في عالم أسود تعلوه معالم .. باهته
وأحساسيس متغيرة ورغبات .. متتاليةتلك أنطلقت بجراح تنزف إلى عالم لا يرحم إلى نفس لا تسأم
من ضيم او ظلم أو حتى سلب لإبتسامة
وكل هذا ....بسبب .....قرار ..خاطئ

جنت هادئه اكثر هدوء من قبل .....وصلت مرحلة الا شعور بالخيبات....وتركت مصيري لرب العالمين مابيدي شي بعد ....تعبت من التفكير بالمستقبل والمجهول.....دخلت للغرفه جان كاعد عل جربايه
ومدنك وأيده على رأسه .....فتحت باب الكنتور طلعت ملابسي ....ردت اطلع....من الغرفه ...

حذيفه-ميمووونه
وكام من مكانه تقرب عليه ....
حذيفه-كلشي كلتي...العقل شويه يستوعبه ويصدكه....بس اكو حدس بداخلي مسيطر عليه .....رغم كلشي مااكدر مااصدكج ....ومااكدر انطي بيج واعوفج
مو لان احبج ابد .تعرفين اني انسان صريح....ومن اول ملتقيت شرحتلج سبب عدم زواجي وارتباطي ....لان اني انسان اضعف كدامج شهواني .......بس اصدكج لان مااحسج الانسانه الشيطانه الجذابه ....

صفنت وحبيت كل كدامج والظروف ....ردت اصدك
انت جذابه ...ومن البنات الي يلعبن ويجذبن مكدرت ابد

ميمونه-باوعت علي ....مفروض افرح ...لان كال هالكلام....بس مفرحني ...لان الدنيا لطشتني ...نزلتني اسفل السافلين...الدرجة اني وعليه العده اكعد ويه شخص حرام يشوفني بهالفتره وارجع للشخص الي رادني متعه بفلوسه وهذا كله لان انسانه ضعيفه انتهك قوتي المرض جان مفروض اختار الموت ....افضل من اعصي رب العالمين واساسا كل الي يصير إلي عقاب منه الي لان عصيته و هربت ومهمني سمعة اهلي

حذيفه-ميمونه....مراح تحجين شي
ميمونه-شحجي ....اني انسانه انتهت وراحت من يوم الي طلعت من بيت اهلهه ....مااكدر اكول مظلومه.ولا اكدر ادافع على روحي لان اعرف الله ديعاقبني ....
ولا اكدر اكول ماعندي حظ بالدنيا ...لان جان عندي حظ
قبل لا انهزم من بيتنا ....عندي ام واخت يشعرون بيه بدون مااحجي ....وعندي اب رغم اشبه بالميت بس جنه نحس بي موجود ...جانت موجوده راحت بالي
بيدي كل ذني الاشياء تعافيت عنهن ....وهيه اني وحيده حالي حال المتشرده ....بس الفرق هيه تتسول حتى تحصل فلوس ...اني اتسول علمود احد يصدكني

حذيفه-تعرفين الاول مره ...تختفي الكلمات والاجوبه
من طرف لساني ....تعرفين ليش

ميمونه-ليش
حذيفه-لان كلامي مراح يفيدج بشي ...السبب انت موجوده وعايشه بمجتمع شرقي اصلي مغلق ..كلامي وتفكيري راح يضرج ميفيدج بشي ....لان اني انسان تربيت ببيئه منفتحه اكثر من اللازم لكن مع ذلك اعرف مبادئ بلدي ومجتمعي ...ويهمني ...بس اعترض على بعض الظلم ....بس مع ذلك مابيدي شي اسوي

وبالتالي ميمونه ......راح اكون صريح وياج اني مااكدر اعوفج ولا اكدر اخذج اسفرج
مستحيل اشتغل بشي غير قانوني ...ولا اكدر انصحج واكلج سلمي روحج ...لان مريضه انت ...لذلك اوكف كبالج عاجز عن تقديم المساعده ...وخاصه اني سبب بمرضج ...وشي بداخلي ...تجاهج مو حب بس احس نفسي اعرفج ...واتوجع من اشوف دموعج ...وضياعج وانت بنيه صغيره ...لذلك اطلب منج تكليلي الي تريدي ويفيدج شنو ...واني اجاوبج اكدرله لو لا

ميمونه-جواز السفر إلي أخذته ...لان مو بس اني انضر بي

حذيفه-هذا شي منتهين منه اريد شي يخص مرضج ...الدكتور مكال اكو امل لعلاجج هنا

ميمونه-لتسأل على مرضي ...كل الي أريده الجواز وبس ..
حذيفه-ميمونه...راح اخذج للدكتور اليوم ...بلكت يكدر يعالجج هنا ...وابد ماانصحج تسافرين بالتزوير....لان خطره هاي المسألة

ميمونه-شكرا حذيفه بس انطيني جوازي مدريد اكثر ....تختارين طريق ....أأمن شي الي والاحسن ....خليني اروح

حاول هواي...وجان من كلامه واللحاححه ضميره ممرتاح لان هو بسببه المرض ...بس انسان مثل حذيفه تعبان على روحه وشهادته ومركزهه بغير دوله ...من حقه يفكر بي ...ويكفيني هو اجهزه من الخارج لان تسبب بمرضي ....اقتنعت محد غلطان بحقي ...هاي الحياة وهذا الواقع واني مفكرت بيهن وقت ارتكاب الذي ...لذلك هذا الثمن

بدلت ملابسي ....انطاني الجواز ....وأخذت جنطتي جان هو كاعد عل قنفه ...عينه على التلفزيون ....بس واضح مو يم التلفزيون شروده ...واضح تقريبا علي
كتله مع السلامه

كام ....شال من الطبله فلوس ...مااعرف شكد ...بس ورق مو عراقي جان....ميمونه ذني فلوس علاجج

ميمونه-ماريد
حذيفه-مو بكيفج ولا كاعد اخيرج... اني سبب مرضج لذلك تاخذيهن
ميمونه-حذيفه بهاللحظه بتفكيري ...وعقلي قررت اخذهن لان احتمال اتندم اذا مأخذتهن...وكلت هو سبب مرضي ....مديت ايدي واخذتهن ...
حذيفه-لو مو فوزي عرف بوضعج جان خليتج تلقين بالشقه ...بس صديق عندي وميعرفه فوزي وذكر العنوان ... ورحيله هو حيساعدج وصيته عليك
ميمونه-باوعت علي
بهاللحظه عرفت وصف النفسي

حالي حال العاهره تتجول بالشوارع من شقه الشقه ....صح ممسلمه نفسي ...بس هذا واقعي ًواقع ميمونه...الي مستحيل ينمحي اذا عاشت ....لا خضر ولا حتى الإنسان المتحرر يتقبل وحده مثلي وحتى إذا تقبل فعائلته مستحيل تقبل ولو جنت بامكانهم ....هم مستحيل اتقبل.....كتله مااريد راح ارجع الشقتي
اريح الي وأأمن

طلعت من شقته ..خطوات بطيئه غير مقصوده ....بسبب هلاك جسمي من المرض ...ودموع جانت تنزل على خدي بس تحرك گلبي .....رجعت ذاكرتي للماضي.....آهااااات مكتومه بداخلي ....ماله داعي تنسمع...لان بالحالتين ....اني وحيده

شكد صعبه .... من تشوف نفسك .. تمشي بأرض قاحلة .. متكدر تغادرهه ولا تكدر تگطع رحلتك بالحياة .....و أن توگف بدوامة الرمال المتحركه
بعد وكفتي كباب حذيفه جانت بالنسبه الي لحظه الافاقه من عالم الاماني المفقوده والاحلام واستيعاب الواقع

وكفتني رجلي ....وقابليتي انتهت للمشي...
وعيني بده يضعف نظرهه غمضتهه شفت بهاللحظه
ميمونه القديمه المنقبه البريئه الي على نياتهه ..الي ماتت وباقي بس جسدهه يتجول وكفتي. كره سانده روحي مثل الموجود عداد للطاقه ...مرتكسي وكفته ...
انطيته عنوان بيت خاله وكيل صعدت ...سديت الباب ...وبنفس اللحظه تجيت رأسي عل جامع جنت محتاجه انام

ابو التكسي-خويه اخذج للمستشفى وجهج اصفر كلش مبينه مريضه ووضعج تعبان
ميمونه-مرفعت رأسي لان مااكدر ...كتله لا شكراً خويه
من وصلت المنطقه رفعت رأسي ودليته الحد مدخلنه الفرع ...وكاله هنا بلازحمه

انطيته الكروه لان جانت عندي خرده قبل لينطيني حذيفه الفلوس ....اول منزلا صارت عيني على البيت يمكن هو موجود هسه ....ويمكن مموجود ....واتمنى مااشوفه ولا يشوفني....

دكيت الباب ....مره مرتين بالثلاثه حيل لان تعبت حيل
الحد ما انفتح الباب وقبل لينفتح .. ال منووووووو
مال قاسم ....من سالني انصدم...ملحم هو يحجب ولا أسمعه ولا يسمعني كباب وكعت حسيت هذا هو الهنا وخلصت طاقتي

فزيت اني بسياره تمشي بيه وبحضن خاله بس من فتحت عيني اسوء احس بيهه تنحول لا ارادياً
واختنكت حيل الحد موصلنه للمستشفى جنت حاسه بيهم

محد بيهم يعرف مرضي وصلته سألوهم كالو تخربطت فجأه والأصعب من سمعت خاله كالتله منعرفهه بنيه بالشارع تخربطت
حاولت الدكتور اني ....بصوت مهدود وبيي حسرة وخنكة
بيه فايروس بالكبد دكتور ..ارتبك الدكتور وكال شيلوهه منكدر تستقبلهم هاي تعدي

قاسم-شنوووو تعدي تمووووت لعد .
الدكتور-شنو موائد روحي ...أخذته الدكتور اختصاص ...هو أحنه هنا ملعوب بينه لعب وهذا المرض مو زين مقبلو لان من يخلون الكرتونه يطلع دم ......رغم عدم استقبالهم الي ...وسووهه هوسه بس جنت فرحانه من شفت قاسم محتار ويدورلي على دكتوره او وحده ه تسويلي الكرتونه الحد مااخر شي ممرضه جبيره بالعمر خطيه لبست اكثر من جف حتى تخاف ...مبالغه منهم جانت بس يمكن حقهم ..... تبرعت الممرضه تسويلي كانونه ....وكانت تحجب عليهم ...وتكول سووهه قصه والجفوف خير من الله

.....................

فلك-حجه وياي وكلشي متوصلتله ...خاصه من اخر شي ختم كلامه براجعي نفسج وتصرفاته فلك

صدك كعدت ارجع نفسي ....شفت نفسي هواي اجرحه اكثر ماهو يجرحني...كلام عنه وعن شخصيته بداخلي مفروض ابقي بداخلي مااحجي ....لان كلامي بي بالفعل اهانه اله

من كما اراجع حياتي ويا ...حيصيرلي سنه ونص واني ويا ..عاملني بحب ماعدا الي بالبدايه جنت اتقزز من تصرفاته....راجعت كلامه وحبه الي ...ووكفته بوجه ورود يسجل الطفل بأسمي لوجان يخاف منها وماعنده شخصيه جان مشهد الي أريده ...دكيت نفسي اني غلط بعلاقتي ويا وكلامي ويا وهو سؤالي هواي

محرمني من ابني وهو يكدر يحرمني ....شفت نفسي من أحنه زعلانين اني احس نفسي مضيعه شي ...ومن تخلي رأسي عل مخده كل يوم احس نفسي اريد ومشتاقه الحضنه.... لكيت نفسي احبه ...بس هالشي بسبب خوفي من خسارة ابني ........بس اكتشفت بيوم الكتله طلكني مختنكت بس على علي صارت عيون حسين بعيوني...خفت وكلت شلون بدون علي بس وت مدري منين كلي وحسين هم لذلك تعاركت ويه نفسي ولمت عقلي وكلت وهم مااعرف بي نهاىي

بقيت بالمستشفى للساعه ١٢الظهر ويه صلاة الظهر طلعنه قاسم عل صامت وخاله لازمتني
.....أجر تكسي قاسم للبيت ....صعدت بالسياره
يم خاله

ام قاسم-شنوووو هالمصايب هاي والله تعبنا وخلصت كلوبنا....وضعج تعبان كلش ميمونه شلون بيج هسه ....وبعدين يمه جانت تحجي بصوت ناصي
ميمونه-هم خابرتج فلك
ام قاسم-لا مخابرتني ...ماادري تاليتهه شنو سالفتكم
دار قاسم ...وأشر الامه تسكت ....الى ان وصلنه للبيت نزلنه من السياره ...صار عندي خوف بكلبي من ردة فعل قاسم صح هو اصغر مني ...بس هو رجال ...وهو مسؤل على بيت خالتي ...

فتح الباب ووكف على صفحه حتى ندخل باوعت عل جنطه مالتي بباب الحوش مدخليهه من ماخذيني اظاهر همزين الفلوس ....اله من شفت الجنطه يالله تذكرتهن ....ردت اشيلهه شالتهه عني خاله ودخلنه فرشتلي كبل فراش وغطتني وكالتلي راح تشوف قاسم
وتحجي ويا

بقيت متمدده هو بيتهم صغير المطبخ والهول وطرمه صغيره على كدهم مكدرت مااكوم اكيد راح يحجيون
رحت للمطبخ مموجودين مالهم حس تقدمت قريب عل باب جان شفته كاعد عل صبه

ام قاسم-يمه قسومه خطيه بت خالتك شفت وضعهه خوب بعينك خليهه يمنه ...محد يدري بالمنطقه لا نخليهه تطلع ولا تطب ..
قاسم-هيه حيره يا يمه ....تبقه عرضك ....لا طايقهه ولا اكدر اشمرهه ولا اكدر افوخ كلبي بيهه مابيهه حتى راشدي ....

ام قاسم-بعد بيتي ييمه يتيمه ومالهه احد غيرنا ..هاي شنسوي ...وهذا المرض انوب مدري شنو كلشي ممفتهمه منه ...اخ يا كلبي شكد مورم كوم ييمه كوم روح جيبلي مسواك خل اسوي غده
قاسم-كايم يوم كايم

رجعت المكاني ....بعدني امشي لان مااكدر امشي سريع دخلت خاله ...للمطبخ وكالتلي ها ميمونه شو كمتي محتاجه شي

ميمونه-لا خاله ممحتاجه شي ورجعت لفراشي
غمضت عيني الاول مره اغمض وماافكر بشي ....
الاول مره بعد معاناة احس اني مرتاحه حتى اذا مراضين عني بس رغم المرض ورغم الوجع مادامك بوسط اهلك ....انت مرتاح
.........................

خضر-جنت كاعد بالسجن مكدرت انام بليل متوتر كلش ممااتحمل ابد ....الدنيا عوجه وياي توني ردت التحق واروح للجيش طلعت هاي الشغله صفح ... بعدني طافره روحي من سالفة ميمونه ...انوب طلعتلي هايه .....وهيه كلهه بسببهه ال ميمونه ....معقوله ميمونه كبل كالتله وبلغ علينه ...لو تدري وتفقت ويا
واسي كام يوجعني من التفكير والقهر اذا ثبتت عليه هاي التهمه لا اني الكاتل كتالين اهلي ولا اني لمحصل شي
واكلهه سجن

صار الليل وكلشي ماكو ولا اي خبر لا خالد لا احد اجه حقق وياي وكاعد ماخذ ركن محجيت ولا ويه واحد بالسجن غير السلام وهواي حاولو يكعدون يسولفون واني ولا يمهم كلبي خلصان ......الحد ما انفتح الباب اني باوعت بلكت عليه صاحوني صدك ...كمت بسرعه

طلعت شفت خالد اجه عليه . كبل ...وتقرب يمي حيل
خالد-الي راح يحققلك كلب ابن كلب ويتخبل مني ....راح يحاول بأي طريقه يخليك تعترف ...دير بالك خضر

خضر-ماشي
خالد-مو من يمد ايده عليك تغلط خضر تتحمل تسكت لتنطي مراده من تجاوبه يأذيك
دخلت للتحقيق بالبدايه هادئ ويحقق مثل البشر ...وبعدين استخدم اسلوب الضرب ...بس شنو فار كلبي ...بحيث كوه لزمت روحي لو ما توصيات خالد بس اخر شي متحملت وغلطت علي سببته جان يغلط عليه وعلى اهلي مستحيل اتحمل اسكت خاصه سيرة امي من جابهه .......حتى اذا يكتلوني ...هلكوني من الكتل ومعترفت ...ابد ...الحد ما طلعوني يسحلوني سحل لان مااكدر امشي ...من الوجع مال رجلي

دخلوني بحمام اقذر من القذاره وريحته تلعب النفس ....وقفلو الباب من بره عليه ....وصغير كلش مااكدر اكعد تلعب نفسي متحملت زوعت ....باللوعه ولعبت روحي بالزايد وجنت من كد ماضربني تعبان وماعندي طاقه أيست وكعدت بالحمام ....
اصعب يوم جان...مخلصت ساعاته الحد مفتحو الباب ...طلعوني

وكفتني على صفحه الحد مكللي ادخل دخلت دكيت خالد كاعد ويمه هم ضباط مااعرفهم
بقو يحجون ...انبهرت على خالد اول مره احس بي صدك اخويه مو جرد ابن عمي الجبير الرباني ...نزل روحه ويحجي.... وريجه يابس

طلعوني من السجن على ضمانته وكاللهم شوكت متريدو اجيبه ...ولأن ماكو دليل ضدي مكدرو يبقوني

طلعت لكيت عزوز وشاهين واكفين على صفحه
خالد-ارررتاحيت هسه ...ارتاحيت متعرف تسكت لو ما اني وصيتك متلغي ولا حرف واحد ....انت شنووو فهمتي تريد تحياتي لك محتار بسالفة التزوير ومبقيت أحد مخابرته حتى الميسوه ....كام يحجي عليه من وراك

خضر-يجيب سيرة امي والله ولا اعوفه ...عبالك اعوفه
كبل وكف
خالد-....امشي ....امشي ارجع للسجن على شنو هالدوخه وريجي يابس من البارحه ...علمود اطلع لو من البارحه خاصمهه وكايلي اني كلب وطايح حظي وابقه ابو مشاكل .... انت متصيرلك جاره ابد والله

تقربو شاهين وعزوز ...علينه شاهين يباوع ويس

شاهين-الحمدلله على سلامتك يمعود
خالد-الله لا يسلمه ...والله ياخذه ويخلصني منه هم ...على هذا شلعان الكلب
خضر-ان شاء الله وين الله ويسمع منك وصلنه السيارته ....بس عبرتهه ردت اروح ويه الشباب

خالد-ووووين رايح
خضر-غير اصعد
خالد-وليش متجي وياي
خضر-ليش انت راح ترجع للبيت ماادري عبالي تبقه
خالد-يعني مشفتني رحت يم الباب
رجعت فتحت باب السياره ....وصعدت ...وطول الطريق
فاشل ...متستحي على عمرك ووووميسكت هو وشاهين نفس الطبع من ينفتحون بالهجوم بس الفرق شاهين
مو يفرض ينصح

وصلنه للبيت .... ردت اعرف هذا شلون قبل اطلع ...من السجن واني غلطت علي بس خفت اسأله هم يلزمني وساعه يحجي بالموضوع فغلست صعدت كبل فوك سبحت ونزلت بوست حبوبه وتمددت على رجلهه

حبوبه-ميل...ميل من رجلي انت اله تموتني يالله ترتاح شالع كلبي من دون اخوانك ....ليش هيج ييمه كلهم عايشين طبيعي تعبتنا كلنه

كمت كعدت على حيلي ...كبالهه وتربعت
حبوبه .....تعبتكم ....اهو اني شردت من الدنيا
ردت ارجع حگ اهلي ....ومن حبيت وكلبي دك وردت اعيش . وطلعت الف سالفه ....وكرهت الحب والساعه الحبيت بيهه ....ومن عفت الحب والتفتت وكلت اتعين ....عكست وياي ....اذا هيه الدنيا تمشي وياي
بالمكلوبي اني شعليه مااحس اله دخل خالد

خالد-لا يابوي شعليك انت ....قابل انت مزور جواز
وانت غالط عل ضابط ....جنت تريد تسفرهه مووووو من تكول اتونس....ومن ردت اعينك مقبلت علمودهه زين وينهه الي زورتلهه الجواز وبائع البيت والسيارة

خضر-شلقضيه تره فلوسي خالد وحر بيهم وماريد احجي
حبوبه-بايع بيتك يمه انوووب
خالد-زوجهه وين عنها وانت تبيع وتزور جوازات
خضر-كمت بسرعه خالد اني اروح احسن ما تصير مشكله جبيره

خالد-تعرف ليش كنت تريد تروح ...لان متريدو تسمع هالكلمه بس اني ماارتاح اذا مااحجيه زوج امداك يا زوج
خضر-شلون هسه يخلينه .....استغفر الله وكمت لان بعد ما اتحمل سوالف خالد

خالد-باجر تروح للجيش وموبايلك من ادك عليك ما الكل مغلق خضر ...

خضر- خالد كافي رحمه الدينك انت اخويه الجبير على عيني وراسي بس كافي اني مو طفل ....تغلق عليه مدام الولد ....وتهين بيه ... واني ساكت
خالد-صير ادمي ومااحجي انت كلك اعوج تبيع بيتك وشراكتك بالمحل ...يا مطي ....انت مخبل وتالي متالي وينهه هسه غير اعرف وينهه لو عرفتك يا زوج من رجع رجلهه

خضر-انت شمدريك
خالد-كلشي تسوي انت اني أعرفه
خضر-شتريد مني هسه
ه
خالد-مااريد شي غير تصلح حالك وتصير ادمي
خضر- اني مو ادمي يلله شتريد واني زوج ....شنو الغاثك
مأخذ من جيبك جاي فديوم كايلج انطيني فلوس

خالد-لك انت ليش متفهم ....ليش دوم من احجي عليك هيج تسوي ...انت غلطان واني لازم انبهك كلشي قصه الحجاااايه ثكيله عليك من احجيهه شوكت تعرف اني اخاف عليك حتى من ارزلك لو احجي عليك علموووودك اريدك حالك حال سلمان وعلي تعيش حياتك لك اني سفرتك انت وسلمان رجعتلي علمود سوالفكم التعبانه انت وهذا حمصه وراشد الي متكدر بدونهم رجعت دحستك بشركة تصدير ردتك بس تعوف الوضعيه الي هنا وتعيش حياتك رجعت ....تزوجت وحده اني ممقتنع بيهه صح البنيه من كعدت هنا مشفنه منهم العيبه بس تطلكتو راحت هذا هووووو انت شعليك بينه بعد

خضر هذا حدي وياك جر عدل احسن الك لان اني بعد ما اتحمل تصرفاتك ....والبيت ترجع تروح تصفي كلشي بي وترجع هنا ممنوع بعد تعيش وحدك ...انت متزوج حتى تاجر بيت من تتزوج بذاك الوقت سويلك بيت

طلعت طافره روحي من الدنيا كلهه واني اطلع من االغرفه هيه جانت نريد تدخل منتهى ...شهكت من شافتني طلعت

منتهى-خضر الحمد لله على سلامتك
خضر-الله يسلمج ...شلونك ...سلمت عليهه وطلعت جنت كلش مختنك أخذت تكسي طلعت من المنطقه ....وراهه نزلت اتمشى مالي واهي للدنيا
قهرني خالد من كال زوج ....صدك اني زوج
حبيت من جديد ....ويني اني ووين الحب ..انبهرت من دره خالد ....بس خالد منين عرف ...عافتني اني محاجي ابد ولو ير اقبني جان اول مزورت الجواز ...هو دره
جذاب ميراقبني واحد منهم طايح حظه كايله

...... رحت البيتي ....اخر شي ....فتحت الباب مال الهول .... وتمددت عل فراش جنت محلي انام علي ....من اجي ومرات حمصه يجي فتحت جهازي ....اجتني رسائل بالارقام إلي داكين عليه عفته بالكاع دك عليه حمصه مجان الي خلك اجاوب عفته

حمصه-اجتني رساله ....عار مو بيدك والله شلون يخليني هسه اغلط ...مو صوجك صوج الي يخابرك
فتحت الرساله وذبيت الموبايل يصفي ونمت جنت تعبان حيل

كعدت ثاني يوم .. خالد يتصل مجاوبتته....وغلقته لا اريد جيش ولا تعيين
بقيت اسبوع..... اكثر الوقت بالبيت قليل اطلع ومخلصهه سعد الحلي ....واكول هسه سافرت ميمونه تعالجت ....شنو اخبارهه...حقيره بس مو بيدي افكر بوضعهه الصحي ....اخر شي قررت احذف صورهن ...هذا هو ...هذا هو ميمونه.. سويت تحديد لكل صورهه ....ودين حذف بهاي اللحظه تراجعت عل حذف ....انحذفت كم وحده اللحظه صارت بذني ماتت ميمونه ...مكدرت امسح صورهه كلبي منطاني شكرت الموبايل بالكاع وكمت ....سويتلي جاي اندك الباب ...
رحت فتحته طلع جيراني الي بصفي يريد يصعد للسطح الواير مال سحب بي كطع ويريد يترقبه الواير مال سحب على السطح

صعدنه اني ويا للسطح .....مصاعده غير مره وحده ....هو يشوف الواير واني كمت اباوع ...ماادري رحت كبل باتجاه بيت خالتهه

باوعت على بيتهم ....جانت ام قاسم كاعده ...ووحده كاعده عل دجه مال باب المطبخ ....بس مو واضحه بس شعرهه لان مدنكه راسهه باوعت بتركيز ميمونه معقوله ... .حسيت ..مثل لون شعرهه تقريباً ونعومته ....ركزت اكثر يجوز كرايبهم .....بقيت عيني عليهم ومبينه ام قاسم كاعد تحجي واني عيني عليهه ...الدرجة كال الرجال .. مشكور ازعجتك....اني ولا يمي ....اريدهه بس ترفع راسهه اخر شي
......يتبع

.............
الفاتحه على روح الاء بنت اشوق💔
ولتنسون ⭐️والتقاعل✂️✂️✂️