لو سرقت منا الايام .. قلباً معطاءً بسام
لن نستسلم للآلام ... لن نستسلم للآلام ...
______________________________________🦋
نور صرخت صرخة هزت المستشفى:بكــــــــــــــــــــــــــــــــــري 💔.
منى كانت واقفة برا لمن سمعت صرخة نور قلبها وقف وتنفسها بقا بطييئ حست انو الارض بدوور بيها دورااان ورررب جات واقعة...
آسر وتارا كانوا تحت في الكافتريا وجاهم صوت الصرخة...تارا بلعت ريقها وآسر جدع العصير الكان شايلو في يدو وقام جاري وتارا جرت وراهو...لمن وصلوا لقوا تقريباً كل دكاترة المستشفى جوا غرفة بكري وفي ممرضة جات شالت منى وركبت ليها درب...وفجأة كدا كل العائلة كانت واقفة برا الغرفة...
بعد دقايق الدكتور جاهم طالع وقال ليهم بملامح حزينة:البقاء لله.
جنى بدت تصرخ بطريقة هستيرية...الجد دموعو نزلت مططر...الجدة بدت تبكي بصوت عالي...ميرال مرام فاطمة في يسرى روان كلهم كانوا مصدومين وببكوا...تارا كانت واقفة بتعاين ليهم وفجأة دموعها نزلت غزيييرة ختت يدها في خشمها بصدمة وهي بتقول:انا لله وانا اليه راجعون انا لله وانا اليه راجعون.
آسر كان واقف بعاين للدكتور بصدمة ما رمش ولا رمشة ولا حتى دمع...عاين لجنى البتصرخ وبعدها لتارا البتبكي وتاني ناس ميرال حسا انو المكان بقا ظلاام وبعدها الارض بدت تدور وكوووووو جا خابت الارض...
تارا جرت عليهو وهي بتبكي بدت تهز فيهو:آسر آسر بليز قوم ياخي ما تخوفني آسسسر قوووم ياخي قووووم بطل هظار ياخي 😭😭😭😭😭💔.
جو الممرضات شالوا آسر بالنقالة ودخلوهو غرفة عشان الدكتور يكشف عليهو... الدكتور كشف عليهو وكلمهم أنو السكر عندو مرتفع...
خلال الجوطة دي كلها هم نسوا انسانة مهمة مهمة شديييييد...كانت نور 💔...
كانت قاعدة في الكرسي وهي ساااااااكنة لا بكت لا دمعت ولا اتكلمت ولا حتى رمشت...
طبعاً زي ما انتو عارفين خبر البكاء بنتشر بسرعة كل العائلة والجيران والاقارب كللللهم عرفوا بخبر موت بكري وحزنوا عليهو بحق وحقيقة لانو كان انسان طيييب ومرح بكل ما تحمل الكلمة من معنى...
نور خلال فترة البكاء كلها وحتى لمن جابوا الجثمان ولا رمشة ما رمشت نهاائي بس بتعاين في الفراغ...
بعد ما غسلوهو امو دخلت ليهو باست راسو وبدت تبكي...بعدها شالت المصحف قرت ليهو قرآن...
بعدها دخلت جنى اللي كانت منهارة...مسكت يدو وبدت تبوسها وهي بتبكي:حرام عليك يا بكري والله حرام عليك انت قلت انك ما ح تخليني زي ما بابا عمل حرام عليكم انا ما بستحمل والله...والله ما بستحمل اااااااه يا ربي اااااه بس بكري عليك الله قوم بلييز قوم ياخي خلاص ح اسمي ولدي عليك مش انت كنت متشوق عشان تشوفو يلا قوم ياخي والله اسميهو بكري عليك عشان كدا قوم ياخي قووم اااااااااه يا بكري اااااه 😭😭😭😭😭😭😭😭💔💔💔💔.
انهارت تاني لمن جا سامي راجلها ساقها طلعها من الغرفة...بعدها جا محمد اخوهم الكبير صاح انو ما كان عندو علاقة قوية مع بكري ولا حتى مع ناس بيتهم...عندو شقة كدا بس قاعد فيها وبجيهم يوم الخميس او الجمعة وزاتو ما بقعد معاهم...المهم دخل سلم عليهو وباس راسو مسح دموعو وقرا ليهو قرآن وبعدها طلع...
بعدها جات ميرال وفي سلموا عليهو وقروا ليهو قرآن وبالمثل ناس فاطمة ومرام ويسرى وروان وناس رامز واياد والشباب ديل...وناس ماهر برضو...والجد والجدة اكيد...
آسر دخل ليهو وهو ما شايف بسبب الدموع باس راسو ويدو وبعدها مسك يدو ودموعو بقت تنزل في يد بكري الباااردة:انت اكتر مخلوق حيوان شفتو في حياتي...حيوان واناني كمان وخاين برضو...حيوان لانو أنت كذاب قلت لي ما ح امشي اخليك براك ابداً بس شووف مشيت ولا حتى ودعتني فجأة كدا اختفيت من قدام عيني ومن حياتي كلها...واناني لانو انت بتفكر في نفسك وبس...ما كلمتني عن المرض دا لغاية ما اتمكن منك ومشيت خليت خالتو منى وخليت جنى وو وخليتني انا زاتي...بكري انا اشتقت ليك لسة ما حكيت ليك عن تارا وغيرتها لسة ما حكيت ليك عن رفاء وجنونها وطبعاً بسبب تخلفها دا على قولك هي اتحرقت واتشوهت كلها...بكري انا والله بحبك انت انت اخوي الما جابتو امي انت توأم روحي والله...الوحيد الوقف معاي لمن ابوي طردني من البيت قبل سنين...الوحيد القدر يقتل شخصية آسر الكئيبة ويخلق لآسر شخصية جديدة...بكري انت عيوني الاتنين على فكرة انت السبب المخليني اعيش...انت انت العرفتني على تارا...يلا قوم ياخي مش قلت ح تسمي ولدك آسر قوم ياخي...طيب خلينا نحنا نور يا بكري نوور خليتها لمنو...اااااااااه يا بكري ااااه بس 💔💔.
قرا ليهو قرآن وبعدها طلع...ودخلت تارا آخر زول قعدت في الكرسي الجنبو وعيونها مليانة دموع:انت كلب عارف كدا ولا لأ...انت وعدت نور انك ما ح تخليها بس شوف اسي خليتها كيف خليتها في نص الطريق يا بكري كدا حرام عليك والله وانت عارف انو انا ما بحب الاولاد الخونة عارف صاح...طيب انا آسفة لاني ما اكتشفت شخصيتك دي من زمان وييلا قوم عشان تتشاكل معاي قوووووم ياخي...حرام كدا يا بكري انت اناني اناني شدييييد والله 😭😭😭💔.
بعد ما ودعوهو شالوا الجثمان ومشوا بيهو المقابر...صلوا عليه وبعدها دفنوهو ورجعوا الا آسر ما رجع...
الدفن كان بعد العصر...لغاية بعد المغرب آسر كان قاعد في المقابر جنب قبر بكري وبس بعاين ليهو...حس بيد في كتفو رفع راسو وكان ابوهو...
عاين لابوهو بعيونو الملانة دموع وبعدها قبل منو تاني...ابوهو قعد ليهو في الارض وحضنو وهو ببكي...آسر اطلق العنان لدموعو...بعد مسافة ابوهو زح منو وهو بمسح في دموعو وقال ليهو:احسن الله عزائكم في بكري.
آسر هز ليهو راسو وهو بمسح في دموعو...سكتوا مساااافة وبعدها سمير ابو آسر قال ليهو:ممكن تسمعني؟؟
آسر:نعم.
سمير بلع ريقو وقال ليهو:آسر انا آسف على كل لحظة الم سببتها ليك...انا عارف اني ابو ما كويس وما بستاهل انك تسامحني...بس ما بيدي يا ولدي صدقني ما بيدي...انا كرهتك كرهتك شدييد لاني افتكرت انو انت سبب في موت ميرال...انا حبيتها اكتر من عيوني حبيتها اكتر من اي شي في الدنيا دي...حبيتها حتى اكتر من محاسن...عشان كدا ما استحملت اشوفك كل يوم...ما استحملت انو انت تكون بتتنفس وميرال تحت التراب ما استحملت الحاجة دي...انا آسف يا ولدي سامحني عليك الله.
آسر مسح دموعو وقال ليهو:انت مفتكر انو انا فرحان يعني...حتى انا بكره نفسي على فكرة وبكرهها شديد كمان لانو انت زرعت فيني الحاجة دي انت ومرتك...امك ماتت بدربك...امك ماتت بسببك...ما حصل في يوم مر بدون ما الكلمات دي تنكد علي...خلاص انا بقا عندي هاجس انو امي ماتت بسببي انا...انت لمن طردتني من بيتك أنا كان عمري عشرة سنين...عشرة سنين يا سمير بس عشرة سنين...صاح انو ناس جدو هنا عوضوني بس انت فضلت نقطة سوداء في حياتي ما قادر اتجاوزها...عارف الخلاني اتجاوزك منو،،،،،خنقتو العبرة وهو بأشر على قبر بكري وبقول ليهو:دا...بكري هو الانسان الوحيد القدر يطلعني من الانا فيهو...بشقاوتو بضحكتو بمرحو انا قدرت اتجاوز النقطة السوداء دي...بس هو مشى..مشى وخلاني براي 💔.
سمير دموعو نزلت وهو بسمع في كلام ولدو الصغير...كان من المفروض انو آسر دا اكتر واحد هو يكون واقف معاهو وبحبو...لانو الكبار بأمهم وهم اصلا كبار...ودينا برضو بأمها وغير كدا مرة ابوها بتعاملها زي بتها واكتر...ما قدر يقول حاجة وقف على حيلو وجا عشان يمشي بس وقف بصوت آسر...
آسر:مسامحك يا سمير مسامحك.
سمير ابتسم من بين دموعو وربت على كتف آسر وهو بقول ليهو:شكراً..
وبعدها مشى خلاهو ورجع آسر لصمتو ووحدتو براهو...
بعدها بمسافة حس بزول بحضنو من ورا...غمض عيونو وتنفسو بقا سريع فتح عيونو المليانة دموع...مسك يدها الكانت محاوطة بيها رقبتو وهو بقول ليها:انا انا ما قادر استحمل بعد دا...انا حاسي اني داير اموت ما قادر اتنفس وربي ما قادر 💔.
شدتو على صدرها اكتر وهي بتحاول ما تبين انها بتبكي:آسر دي سنة الحياة ناس تموت وناس تتولد...بكري ح يفضل في قلوبنا مهما كان.
حضنها عليهو اكتر كأنو عايز يدخل فيها وهو ببكي...ربتت على ظهرو وقالت ليهو:حبيبي أنت كدا بتعذبو ادعي ليهو يا آسر البكاء ما ح يفيد صدقني ما ح يفيد.
بعد منها ومسح دموعو وهو بقول:الله يرحمه ويغفر له.
سكت مسافة بعدها قال ليها بغصة:انتي عارفة لحدي ما دخلتو القبر كنت متوقع انو يقوم ويقول لي : جنييت يا بقة داير تدفني وانا حي...بس خيب ظني وما قام،،،،،عاين ليديهو وبعدها عاين ليها وقال:انا دفنتو..دفنتو بيديني الاتنين ديل...انا والله ما قادر اصدق ما قادر انا حاسي اني داير اموت ما قادر اتنفس انا مخنوووق يا تارا صدقييييني مخنووووووووووق شديد بس مافي زول حاسي بي.
دموعها نزلت تاني وهي بتقول ليهو:ما تقول كدا انا أنا حاسة بيك والله حاسة بيك...وبعدين انت اذا مت انا ح يفضل لي منو.
آسر غمض عيونو بألم وهو بتذكر في بكري وتصرفات بكري وايام بكري...
مضت ايام العزاء تقييييييلة عليهم ونور لا بتاكل ولا بتشرب ولا حتى بتبكي او بتتكلم بس بتعاين في الفراغ...والبنات قدر ما حاولوا يطلعوها من حالتها دي ما قدروا...لما في يوم...
تارا:نوور حرام الانتي بتعملي فيهو دا انتي كدا بتتعبي نفسك.
نور كالعادة لا رد...
تارا:نور انت كدا بتقتلي في نفسك دا انتحار بالبطئ تفتكري اذا،،،،،خنقتها العبرة وهي بتقول ليها:تفتكري اذا بكري كان عايش ح يرضى حالتك دي.
نور:……………………………………
تارا اخدت نفس ورفعت يدها فوق وطااااااااااااااااااااخ نزلتها في خد نور لمن تارا يدها وجعتها والبنات شهقوا بصدمة...
نور عاينت لتارا وبعدها دموعها بدت تنزل شلااال وبقت تصرخ بطريقة هستيرية: ااااااااااااااااااااااااااااااااااااااااء بككككككككككري ااااااااااااااه س
يا ربببببببي اااااااااااه بكككككككككككككككككككري بككككري خليتني لمنو يا بكككري اااااااااااه يا قلبي اااااه 😭😭😭😭😭😭😭😭😭😭😭😭😭😭😭😭😭😭😭💔💔💔💔💔💔.
تارا حضنتها وهي بتبكي:خلاص يا نور خلاااص ادعي ليهو حبيبتي ادعي ليهووو.
بس نور كانت بتصرخ لغاية ما نامت وهي بتبكي وبتهذي باسم بكري 💔...
___________________________________🦋
مرت الايام عليهم تقيييلة شديد بالذات على آسر ونور...يمكن جنى ومنى كانوا ارحم من آسر ونور...
نور بس كانت بتبكي ليل ونهار وهي شايلة صورة بكري...تقعد تصلي وتنهار لمن تسجد وتدعي ليهو...
آسر مشى قعد في الكوخ بتاعو الفي المزرعة وتارا كانت معاهو زي ضلو نهائي ما كانت بتخليهو براهو...ونفس الشي يصلي ويدعي لبكري...
آسر حول من الجامعة لانو كل شبر فيها بذكرو ببكري....هنا بكري قطع في الدكتور وهنا كان بياكل وهنا كان بتشاكل مع ماهر وهنا كان خالط ليهو بت وهنا ضحك وهنا زعل وشرط ورقة الكيوز لانو ما اشتغل كويس وهنا دقا واتدقا وهنا اتشاكل مع رفاء اللايوقة وهنا وهنا وهنا...كل شبر في الجامعة عبارة عن بكري...
اصحابو كانوا واقفين معاهو ما خلوهو...اما عبير ولا جات العزاء زاتو ولمن تارا سألت منها اختها قالت ليها انو عبير سافرت تكمل دراستها برا وحكت ليها انها مرة سمعت عبير وهي بتتكلم عن بكري...
المهم تابعوا حياتهم بس بكري فرق معاهم وكتييييير كمان...نور ما كانت عايزة تعرس... خصوصاً انو اتقدموا ليها شباب كتاااار بس كانت بترفضهم كلهم وابوها ما كان بسألها...في النهاية بعد اقناع وتعب من آسر وتارا ومنى وجنى وكل العائلة حتى قبلت تتزوج وحتى عرست بدون حفلة بس جرتق بسيط وخلاص...كانت بتحاول قدر الامكان انها تحب محمد راجلها بس ما قدرت كل ما تحاول تحبو صورة بكري تجي في وشها...كل ما يلمسها تتخيلوا بكري...كل همسة وكل لمسة بتتخيلها من بكري...مشت لدكتور نفسي ولشيخ بس برضو ما قدرت تتطلع بكري من تفكيرها لانو بكري موجود في قلبها مافي عقلها 💔...
____________________________________🦋
# لها بقيـــــة....