تارا

٢٦

ويبقى السر الوحيد الذي لا يعلمه غيرك ...
هو سر علاقتـــــك بربـــــك ...

____________________________________🦋

مر باقي اليوم سريع وتارا اتفقت مع البنات انها ح تنوم معاهم...مشت طلعت جناحها عشان تاخد شاور وتشيل بجامتها بس لقت ليك آسر في وشها...

آسر كتف يدينو وقال:ما شاء الله الليلة ساحبة علي سحبة جد.

ادعت اللامبالاة ودخلت غرفة الملابس وهي بتقول ليهو:عايز بي شنو يعني.

آسر رفع كتوفه ونزلهم:ولا شئ.

طلعت بجامتها وقالت:انا ح انوم مع البنات الليلة.

آسر عقد حواجبو:وانا؟!!!

قالت باستغراب:انت مالك؟!

قرب منها وهمس:ح تخليني براي.

ارتبكت وقالت ليهو بهدوء مخفية ارتباكها:اصلا ح تفرق معاك في شنو.

همس:ح اشتااااااااق ليك.

تارا رفعت حاجبها بارتباك بمعنى سلامات يا اخوي...مرر يدو في رقبتها مكان العلامة نزل راسو لرقبتها بس اتذكر انها ماشة تنوم مع البنات باسها بوسة خفيفة ورفع راسو وقال ليها بغمزة:بوسة الوداع 😉.

ارتبكت ولزتو منها ودخلت الحمام وقفلت الباب...اول ما دخلت الحمام آسر قعد في الكنبة بتعب وهو بهمس:دي ما حالة دي والله ما ممكن انا خلاص تعبت معاها 😫.

بعد مسافة تارا طلعت من الحمام عاينت ليهو وهمست:تصبح على خير.

شالت تلفونها وطلعت تابعها بنظراتو لغاية ما طلعت...دخل هو اخد ليهو شاور ونفس الشي شال تلفونو وطلع...مشى لبكري في جناحو...

__________________________________🦋

عند البنات...
كانوا كلهم قاعدين وبتونسوا وبلعبوا صراحة وجراءة...السؤال جا على فاطمة وتارا...
فاطمة:صراحة ولا جراءة؟!

تارا:اممممم جراءة.

فاطمة ابتسمت بخبث ومرام لاحظت ليها وقالت:تووووتة بليييز حركاتك دي لا.

فاطمة هزت راسها بالنفي:لالا براها إختارتها.

يسرى:تووتة حرام عليك والله.

فاطمة وهي بتمثل البرائة:انا اسي عملت شنو.

تارا:في شنو؟!

فاطمة عاينت ليها:ولا شي يا قلبوشتي شيلي تلفونك واضربي لآسر خليهو يجي هنا وبعداك...اممممممم بوسيهو 🙂.

تارا بصدمة:مجنونة انتي لا طبعاً 😳.

ميرال:ليه مش هو راجلك عادي يعني.

تارا ارتبكت ما عارفين طبيعة العلاقة بينها هي وآسر هزت راسها بالنفي وقالت:لا حاجة تانية.

فاطمة:دي قوانين اللعبة.

تارا اتأففت وفي ادتها التلفون وقالت:هاك ضربت ليهو.

تارا شالت التلفون وهي عاضة على شفتها...سمعت صوتو وهو بقول ليها الو...

تارا:احم آسر.

آسر باستغراب:نعم في حاجة.

تارا كانت بتعاين للبنات وهي شايفة في عيونهم الحماس همست ليهو:ممكن تجي.

آسر استغرابو زاد:ليه في شنو؟!

تارا:اوووف ياخ ما ممكن تجي وانت ساكت.

آسر:والله انتي انسانة عجيبة....اسمعي هنا احسن يكون عندك موضوع لاني لو وصلت هناك وما لقيت عندك موضوع ما ح يحصل خير.

تارا بقهر:ياخي ما تملانا فقر ح تجي ولا لأ.

آسر:خلاص ما تصرخي متزفت جاي 😤.

قفلت الخط وهي بتعاين للبنات كيف كانوا بعاينوا ليها بشوية استغراب...بس طنشتهم...شوية كدا وآسر ضرب ليها تلفون وقال ليها هو برا...شالت نفس وطلعت ليهو برا...البنات كانوا بعاينوا ليهم بالشباك اللي كان الجوة بشوف البرا بس البرا ما بشوف الجوة...

آسر:نعم خير.

تارا كانت واقفة قدامو وهي مغمضة عيونها...استغرب منها وقرب عليها وهو يقول:هيييه مالك انتي؟!

تارا كانت بنفس وضعيتها...قرب منها زيادة وخت يدو في كتفها وهزاها بخفيف:بت تارا.

تارا فتحت عيونها وبسرعة باستو في خدو وجات عشان تمشي بس آسر مسكها من يدها ولفاها عليهو بقوة وهو مصدوم...رفع حاجب وقال ليها:دا شنو العملتيهو دا؟!

تارا بتوتر:عملت شنو انا ما عملت اي شي.

هز راسو وهو مبتسم بخبث:امممم تمام...طيب انا عايز اعمل حاجة.

تارا حست بقشعريرة سرت في عمودها الفقري من ابتسامتو والطريقة القال ليها الكلام دا...بلعت ريقها وهي بتقول:آسر بليييز لا.

آسر:وليه انتي تعملي وانا ما اعمل.

بدون شعور قالت:خلاص آسر لمن نمشي الغرفة بس اسي انا كنت بلعب مع البنات واتحدوني اعمل ليك كدا...يعني هم شايفيننا اسي.

آسر رفع راسو وعاين بالشباك وشافهم لانو الممر كان ضلام وجناحهم كان منور عشان كدا قدر يشوفهم...ابتسم وهو بغمز وبقول:الوعد في الغرفة ما تنسي القلتيهو.

شتمت البنات الف مرة ونفسها دغشلمية مرة...دخلت ليهم الغرفة واستلموها ليك...

_____________________________________🦋

جناح بكري...
بكري:في شنو أن شاء الله خير.

آسر:لالا خير بس كانت بتلعب مع البنات واتحدوها...اها ما قلت لي مالك منفسن من الصباح.

بكري رج بوز تاني...آسر:ياليل ما اطولك...يا ولد انا قاعد هنا من قبيل وانت بس مادي لي بوزك شبرين مالك في شنو؟!

بكري:انتو ليه جيتو قعدتو معانا.

آسر فتح عيونو باستنكار وقال ليهو:نععععم؟!!يعني قعدتنا دي المضايقاك.

بكري:اي.

- انت جااااادي 😳😳😳😳😳😳😳.

- كل الجد كمان.

- للدرجة دي بتكرهنا 😳😳😳😳💔.

- لا..اووووووووف انت فهمت الموضوع غلط.

- طيب فهمني.

- اي صاح انا زعلان عشان جيتو قعدتو معانا بس برضو دا ما معناها اني بكرهك....اوووف ياخ ما قادر اشرح ليك.

- طيب وريني انت ليه ما حابي قعدتنا هنا.

نزل راسو وبدا يلعب باصابعو في توتر وقال ليهو بهمس:نور.

آسر قال ليهو:والله ما سمعتك؟

رفع راسو واخد ليهو نفس وقال:نوووور 💙.

آسر بدهشة:نور؟!نور منو؟!!!

بكري:ح تكون نور منو يعني انا بعرف لي كم نور 😒.

- انت قاصد نور.

- اي قاصد نور.

- قصدك نور نور نور 😳😳.

- اي ياخ نور نور نور. (ما تشتغلوا بيهم ديل معاقين 💔)

- ونور دخلها شنو؟!!

- يا ولد انت غبي ولا بتستغبي فيني 😑.

- لالا ما الفي بالي بس 😳.

- ياهو زاتو الفي بالك بس.

- ما قادر اصدق يا بكري...وانا اقول بكري قاعد معاي السنة كلها لشنو وبعد عرست تارا بقيت تجي من فترة لفترة.

- انا خليت ناس عمتي وجيتك عشان نور دي بس. (عمتو الكان بيتها جنب مدرسة ناس تارا البيت المشت ليهو عبير)

- ايااا حيوان ياا خاين.

- اسي انا عملت شنو 😳.

- ليييه ما كلمتني من الاول.

- ما كنت عارف حقيقة مشاعري تجاها.

- هههههه وقعت ومافي زول سمى عليك يا بكري 😂😂😂😂.

___________________________________🦋

عند البنات ساهروا لغاية الساعة 3 ولمن جو عشان ينوموا...تارا فكت شعرها عشان تنوم...والبنات فتحوا خشومهم عشرة امتارا وهم بعاينوا لشعرها وطولو وكثافتو ونعومتو واهم شي سواااادو...شعرها اسود شدييييييد هي...المهم سمو عليها في سرهم وفاطمة قالت ليها:بت انتي متأكدة انك سودانية اصل فصل...ما شاء الله تبارك الله.

تارا:لا امي هندية.

فتحوا خشومهم بفهاوة وقالوا ليها:هاااه.

روان:خالتو حنان هندية 😳.

تارا ضحكت وهي بتقول ليهم:اشكالكم نوووو شي رووعة عدييل هههههههه...انا سودانية يا شباب.

ضحكوا على نفسهم بس جنى لاحظت للعلامة الفي رقبتها:تارا دا شنو دا؟!

مسكت رقبتها وهي بتقول بشرود:ما عارفة والله دي المرة التانية القاها اعتقد انها حشرة.

جنى ابتسمت وفاطمة قالت ليها بخبث:ما تقول لي حشرة دا آسر بس.

تارا بصدمة:انتي غبية اقول ليك حشرة تقولي لي آسر.

فاطمة ببرود:يعني دي ما علامات آسر.

تارا وشها حمر:وجججججع يا فاطمة..اقول ليك حششششششرة.

فاطمة ضحكت:هههههه خلاص خليتك ما ينفجر ليك عرق.

البنات ضحكوا واستعدوا للنوم...تارا رقدت في السرير وهي خاته يدها في رقبتها وبتفكر اذا فعلاً طلع دا آسر ح تنحرو وترمي جثتو للكلاب 🔪💔...

___________________________________🦋

اليوم التاني البنات صحوا بعد الضهر...غسلوا ونزلوا لجدهم تحت واستلمهم ليك تهزئة جد...بعداك قعدوا وجزء منهم دخل المطبخ يساعد وجزء قعد وتارا كانت مع القعدوا لانو الجد قال دايرها في موضوع....

الجد:والله يا اولادي.

كلهم:اها..

الجد:انا قاصد آسر وتارا.

بكري بهمس:بووووووووم في منتصف الجبهة 🐸💥.

الجد حمر لبكري:قلت شنو 😑.

بكري عدل جلستو:ولا شئ يا ابوي.

الجد:اها...المهم يا آسر وتارا انا قررت اعمل ليكم حفل ترحيب اها رايكم شنو.

آسر:امممم والله يا جدو ما شايف ليهو داعي.

الجد:لا ليهو داعي عشان زاتو كلام الناس عنكم.

فاطمة عقدت حواجبها باستغراب:كلام الناس؟!!!

الجد انتبه وقال لآسر وتارا انو يلحقوهو في المكتب...قام على حيلو وآسر وتارا وراهو...دخلوا وقفل باب المكتب...

الجد:يا اولادي انتو عارفين أنو الناس ما بترحم يعني ردة فعلهم ح تكون شنو لمن يعرفو انو انت اتزوجت كدا وفجأة.

تارا نزلت راسها والعبرة خنقتها...الجد لاحظ ليها وقال:انا عارف انو انتو مستحيل تعملوا حاجة زي دي واوعدك يا بتي اني ح اكتشف العمل كدا منو..قريييييب شديد ح تعرفي...ان شاء الله.

آسر:بس يا جدو يعني نحنا يا دوب لسة...وانا لسة باقي لي سنوات في الجامعة.

الجد:مافي مشكلة...انا فكرت ولقيت انو انسب حل نقول انو تارا اهلها برا السودان ونزلت السودان عشان تقرا الجامعة واهلها خافوا عليها عشان كدا عرسوها ليك انت وانت بتكون صاحب اخوها...وبعد ما تخلصوا الجامعة ح تعملوا العرس يعني انت اسي قدام الناس عاقد عليها فهمت.

آسر وتارا هزوا رأسهم بالايجاب...الجد ابتسم برضا وقال ليهم:خلاص اجهزوا.

__________________________________🦋

الجد طلع من المكتب ووراهو آسر وتارا كلم اهلو بالكلام دا واتفقوا انو البارتي ح تكون بعد اسبوع...

بعد اسبوع....

_________________________________🦋

# لها بقيـــة...
عارفة الجزء قصير وعارفة نفسي مقصرة معاكم بس اصبروا لي شوية...اي انا عارفة انو انتو زهجتو حتى انا زهجت والله...بس بحاول اخلصها ليكم باسرع ما يمكن...عشان كدا حاولوا ادعموني ولو بڤوت بس 💔...