*ချက် ချက် ချက်*
တိုင်ကပ်နာရီက စည်းချက်ညီညီ စက္ကန့်တွေကို တိုက်စားနေသည်! ဘယ်နာရီကုန်ဆုံးခဲ့ပြီလဲ ကျွန်တော်မသိဘူး နေ့လား ညလား ကျွန်တော်မသိဘူး! လက်ရှိကျွန်တော့်် လက်တွေက ကွန်ပျူတာ ခလုတ်များပေါ်ပြေးလွှားထိတွေ့နေပြီး မျက်စိအာရုံက screen တစ်လျှောက် အပေါ်အောက် ပြေးလွှားလျက်! လက်ရှိကျွန်တော်က Yukina မဟုတ်ဘဲ ကျွန်တော် ဖန်တီးထားတဲ့ ဇာတ်ကောင် Takeshi ဖြစ်သည်! Takeshi ရဲ့ အချစ် အမုန်း ဝမ်းနည်းပူဆွေးမှု ပျော်ရွှင်မှု ထိတ်လန့်မှု ကြည်နူးမှု အားလုံးကို ထပ်တူ ကျွန်တော်ခံစားရသည်!
"..kina! Yukina!!"
"..............."
"Yukina!!!"
"..........."
Tatsumi ခေါ်သော်လည်း Yukina က ပြန်မထူးပေ! Screen ကိုသာ စိုက်ကြည့်ပြီး စာတွေ တချောက်ချောက်နှင့် ရိုက်နေဆဲ!
*Sigh*
Tatsumi သက်ပြင်းချလိုက်မိသည်! သိတာပေါ့ Yukina တကယ်စျာန်ဝင်ရင်ဘယ်လိုဆိုတာ! သူအခု Yukina ဟုတ်ဟန်မတူ သူ့ဇာတ်လမ်းထဲက ဇာတ်ကောင် တစ်ယောက်ယောက် ဖြစ်နေပေလိမ့်မည်! Tatsumi Yukina ရဲ့ ပုခုံးကိုကျော်ပြီး screen ကို လှမ်းကြည့်လိုက်သည်!
**အင်း Takeshi ဆိုပါလား**
"Takeshi"
Tatsumi အနူးညံ့ဆုံး လေသံနဲ့ တိုးတိုးခေါ်လိုက်တယ်!
"ဘာလဲ Hina .......!"
အမေးစကားနဲ့ အတူ Tatsumi ဘက်လှည့်လာတဲ့ Yukina ရဲ့ မျက်နှာပေါ်မှ ချိုလွန်းလှတဲ့အပြုံးက Tatsumi မျက်နှာကို မြင်တဲ့ အခါ တစ်ဝက်တစ်ပျက်နဲ့ အဆုံးသတ်သွား၏!
Yukina က မျက်မှောင်ကျုတ်လိုက်ရင်း .....
"ဘာတုန်း မင်းက?"
"မင်းကို ငါခေါ်နေတာကြာပြီ ဖုန်းတွေလည်းမကိုင်ဘူး အဲဒါနဲ့လိုက်လာတာ"
"သြော် ဘာကိစ္စရှိလဲ မရှိရင်ပြန် ရှိရင်လည်း မြန်မြန်ပြော"
"*sigh* မင်းကတော့လေ! ည စာအုပ်တိုက်က ညစာစားပွဲရှိတယ်လေ အဲ့ဒါ....."
"ငါ မလာဘူး ဒါပဲမဟုတ်လား ပြန်တော့"
Yukina က ခပ်ပြတ်ပြတ်ပြောပြီး computer ဖက် ပြန်လှည့်သွားသည်!
**ဒီကောင် ကောက်ရိုက်ချင်စရာ**
Tatsumi စိတ်ထဲက ကျိတ်မေတ္တာပို့လိုက်တယ်! အပြင်ကတော့ လေသံအေးဖြင့်.....
"မဟုတ်သေးဘူးလေ မင်း စာအုပ်တိုက်လုပ်သမျှ မလာတာများတော့ မကောင်းဘူးလေ အခုပွဲက ပရိတ်သတ်နည်းနည်းလည်း ဖိတ်ထားသေးတယ် မင်းပရိသတ်တွေကလည်း မင်းကို တွေ့ချင်ကြတာ ဆို...."
"အဲ့ဒါဆို ပိုတောင်မလာချင်သေးတယ်!"
**ခက်ပြီ! ဘယ်လိုလုပ်ရမှန်းမသိတော့ဘူး**
"ဒီတစ်ပွဲတော့ တက်ပါကွာ...နော်"
"no!"
"Yukina မင်း...."
Tatsumi စိတ်ပျက်လက်ပျက်နဲ့ Yukina ကုတင်ပေါ်ထိုင်ချလိုက်သည်! လည်ပင်းမှာသေသပ်စွာ စည်းထားတဲ့ နက်ကတိုင်ကို စိတ်အိုက်စွာ ဖြေလျော့လိုက်တယ်! သေသပ်စွာ ဖီးသင်ထားတဲ့ ဆံနွယ်အနက်ရောင်တို့က နဖူးပေါ် ဟိုတစ ဒီတစ! Yukina မျက်လုံးထောင့်စွန်းက မြင်ရတဲ့ Tatsumi ပုံကိုကြည့်ပြီး ကျိတ်ပြုံးလိုက်သည်!
"ne Tatsumi !"
"ဘာလဲ ?"
Tatsumi က ကြမ်းပြင်ကို မျှော်လင့်ချက်ကင်းစွာကြည့်နေရင်းက ပြန်ဖြေသည်!
"ငါ့ကို လိုက်စေချင်ရင် နည်းတစ်နည်းတော့ရှိတယ်"
"ဘာနည်းလဲ ?"
Tatsumi မျက်နှာက ပုစ္ဆာတစ်ပုဒ်အဖြေရသွားသလို ဝမ်းသာအားရရှိလှသည်!
"ရော့ ဒီအခန်းမှာ မင်းသမီးနေရာက သရုပ်ဆောင်ပြမလား?"
"ဘာ!!!!"
Print ထုတ်ထားတဲ့ စာရွက်တစ်ချို့ကိုင်ကာ ကမ်းပေးနေသော Yukina ရဲ့ မျက်နှာမှာ ညစ်ကျယ်ကျယ်အပြုံးတစ်ခု တွဲခိုနေသည်!
"ငါက ဘာလို့ မင်းသမီးနေရာက သရုပ်ဆောင်ပြရမှာလဲ?"
"နေလေ မလုပ်ချင် ငါလည်း မသွားရုံပေါ့"
"မင်း..."
Tatsumi ဒေါသတွေကို ထပ်မြိုချရပြန်သည်!
Yukina လက်ထဲက စာရွက်ကို ဆွဲယူပြီး ခပ်လျှမ်းလျှမ်း ဖတ်ကြည့်လိုက်သည်!
ဇာတ်လမ်းက မင်းသမီးက မင်းသားထွက်သွားမှာကို ငိုပြီးတားတဲ့အခန်း !
Tatsumi လှမ်းကြည့်တော့ Yukina က တဖက်လှည့်ပြီး လေချွန်နေတယ် !
**မင်း အဲ့ မျက်နှာပေးကို ဖြတ်ရိုက်ချင်တယ် သိလား**
စိတ်ထဲက ကြိမ်းဝါးလိုက်ပေမယ့်......
"Ta...Takeshi! ငါ့..ကို ထားမသွားပါနဲ့လားဟင်?"
ငိုသံ အနည်းငယ်စွက်နေသော Tatsumi အသံကြောင့် Yukina လန့်ပြီးလှည့်ကြည့်လိုက်တယ်! Tatsumi မျက်လုံးထောင့်စွန်းမှာ မျက်ရည်စ အနည်းငယ်တောင် စို့နေသလို! Tatsumi နှုတ်ခမ်းတို့က အနည်းငယ်တုန်ယင်နေသည်!
"Takeshi! နင်မရှိတော့ရင် ငါ အသက်မရှင်နိုင်လောက်ဘူး! ne Takeshi!"
ငိုရှိုက်သံလေးဖြင့် Tatsumi တစ်ခွန်းချင်းပြောရင်း Yukina ထိုင်ခုံနား တစ်လှမ်းချင်းတိုးလာနေသည်!
Yukina မျက်လုံးတို့ ဝိုင်းစက်နေတယ် ! သူ Tatsumi ရဲ့ ဒီလိုပုံကို တခါမှမမြင်ဖူးသလို သူ့ရှေ့က Tatsumi က ထိခိုက်လွယ်တဲ့ ပန်းပွင့်လေးတစ်ပွင့်လိုပဲ!
"Takeshi~ "
Tatsumi က တိုးတိုးညင်သာစွာခေါ်ရင်း Yukina ပေါင်ပေါ် ခေါင်းလေးမှေးတင်လိုက်သည်! ရုတ်တရက်မို့ Yukina လန့်ပြီး ကြက်သီးထသွားတယ်! Yukina သူ့လက်တွေကို ဘယ်ထားမှန်းမသိဘူး Tatsumi ခေါင်းလေးကို ခပ်ဖွဖွပုတ်ပေးရမလားလို့တောင်တွေးနေမိသည်!
"Takeshi~ ငါ နင့်ကို အရမ်းချစ်တယ် ! ငါ့ကိုထားမသွားပါနဲ့နော်
"
Tatsumi က ခေါင်းလေးအသာမော့ရင်း အရည်လဲ့နေတဲ့ မျက်ဝန်းတွေနဲ့ Yukina ကို ကြည့်ကာ တစ်လုံးချင်းပြောလိုက်လေသည်!
Yukina တစ်ယောက် ပါးစပ်အဟောင်းသားနဲ့ Tatsumi ကိုကြောင်ကြည့်နေမိသည်! စိတ်ထဲ Tatsumi မျက်နှာက တဖြည်းဖြည်းနီးလာသလိုပဲ! Yukina နောက်ဆုတ်ဖို့ ကြိုးစားပေမယ့်က သူ့ကိုယ်က Tatsumi နဲ့ စားပွဲခုံကြားမှာ ညှပ်နေတယ်! Tatsumi မျက်နှာက နီးလွန်းလို့ Tatsumi ထွက်သက်လေကလေးတွေတောင် မျက်နှာပေါ်လာတိုးတိုက်သွားသလိုပဲ!
Yukina တွေးနေတုန်းမှာပဲ Tatsumi ရဲ့ နှုတ်ခမ်းပါးတစ်စုံက Yukina နှုတ်ခမ်းတို့ကို ထွက်ပေါက်ပိတ်စေလိုက်သည်! Yukina မျက်လုံးဝိုင်းဝိုင်းတို့ကို မမှိတ်မိဘူး ! Tatsumi မျက်တောင်တိုတိုလေးတွေကို အနီးဆုံးနေရာမှာမြင်နေရတယ်! Tatsumi နှာခေါင်းချွန်ချွန်လေးက Yukina ပါးပြင်ပေါ် ထိတွေ့ကျီစယ်နေသည်! နှုတ်ခမ်းပေါ်က ပူနွေးနူးညံတဲ့ အထိအတွေ့ကို Yukina ခံစားနေရတယ်! Yukina ရဲ့ ရှေ့သွားကြီးကြီးလေးတွေဆီ တစုံတရာက လာရောက်ထိတွေ့ရင်း တစ်ခုခုကို ခွင့်တောင်းနေသလိုပဲ!
"umn imnm~ humn"
ယောင်ယမ်းပြီး စကားပြောဖို့ကြိုးစားမိတဲ့ Yukina အတွက် ခွင့်တောင်းမှုကို လက်ခံမိသလိုဖြစ်လို့သွားလေသည်! Tatsumi လျှာဖျားလေးက Yukina ခံတွင်းမှာ နေရာအနံ့ စူးစမ်းလို့နေတယ်! တဖြည်းဖြည်း နက်ရှိုင်းလာတဲ့ အနမ်းတို့အောက်မှာ Yukina တစ်ကိုယ်လုံး နှုံးချိလာသလိုပဲ! Tatsumi ရှပ်အကျီရင်ဘတ်ကို ဘယ်အချိန်က ဆုတ်ထားမိမှန်းမသိတဲ့ Yukina လက်တို့လည်း အားပျော့စပြုလာပြီ!
"hun~ innm unm Ta..tsu..mi~"
Yukina ဆီက ကျွန်တော့်နာမည် တိုးတိုးငြီးသံကြောင့် ကျွန်တော် Yukina ကို လွှတ်ပေးလိုက်မိသည်!
**အာ~ ငါ ဘာတွေလုပ်မိ**
ကျွန်တော် Yukina ကို ကြောင်ငေးကြည့်နေစဉ်မှာပဲ Yukina က ထရပ်လိုက်တယ်!
"oi~ Yukina"
ရုတ်တရက်ပြိုလဲသွားသော Yukina ကိုယ်လေးကို Tatsumi လှမ်းထိန်းလိုက်သည်!
"ရတယ် ဖယ်!"
Yukina Tatsumi ဆီက အသာရုန်းထွက်လိုက်သည်!
"Yukina မင်း .....မဟုတ်မှလွဲရော ဒါ မင်းရဲ့ ပထမဆုံးလား?"
"ဘာ! အဟက် ဒီအသက်အရွယ်ရောက်နေပြီ ပထမဆုံးဖြစ်မလား အရူးရ"
Yukina က ခနိုးခနဲ့ ရယ်ရင်းပြန်ဖြေတယ်!
"သိဘူးလေ မင်းပုံစံက နည်းနည်း..."
"မအိပ်ရသေးလို့ !!!!! ခေါင်းနည်းနည်းမူးသွားတာ!!! hump မင်းအနမ်းလောက်နဲ့တော့ စိတ်လှုပ်ရှားမယ် ထင်မနေနဲ့"
"ဘာပဲဖြစ်ဖြစ် ငါဘက်က လုပ်ပြီးပြီနော် မင်း ညစာစားပွဲတက်ရမယ်"
"ပြန်တော့ကွာ နားငြီးတယ်"
"ဟိတ် Yukina လူလည်မကျနဲ့ "
"လာရင်ပြီးရော မဟုတ်လား သွားကွာ ပြန်တော့ မင်းမျက်နှာ မြင်ရကျက်သရေတုန်းတယ်"
"ဘာ...! ထားပါ မင်းတကယ်လာရမှာနော် "
"သွား!!!!!!!!!"
Yukina က Tatsumi ကို အခန်းအပြင် အတင်းတွန်းထုတ်ပြီး တံခါးဆောင့်ပိတ်လိုက်သည်! အခန်းထဲမှာ Yukinaတစ်ယောက် ကြမ်းပြင်ပေါ်ထိုင်ချလိုက်ပြီး ရင်ခုန်သံမြန်နေဆဲ ရင်ဘတ်ကို ဖိထားလိုက်မိတယ်! တကယ်တမ်း Tatsumi မလုပ်နိုင်ဘူးထင်လို့ စလိုက်မိရုံသက်သက်ပါ!
အခုတော့ .........
ယောင်ယမ်းပြီး စမ်းမိတဲ့ ကျွန်တော့် နှုတ်ခမ်းတွေ ပူနွေးဆဲ~
****************************************************************
အစက ကျွန်တော် အနမ်းတစ်ခုထိ မရည်ရွယ်ခဲ့မိတာမှန်ပါပဲ! ကျွန်တော့် မျက်လုံးရှေ့မှာ Yukina မျက်ဝန်းတွေကို အနီးဆုံးမြင်ရတဲ့ အချိန် ကျွန်တော့်ကိုယ်ကျွန်တော် မထိန်းလိုက်နိုင်ဘူး! ကျွန်တော် သူ့နှုတ်ခမ်းတွေကို အပိုင်သိမ်းထားချင်မိတယ်!
တိုက်ခန်းအောက်ကနေ Yukina အခန်းဆီ Tatsumi မော့ကြည့်လိုက်သည်!
"Yukina မင်းက ထောင်ချောက်မှာမိတာလား ငါပဲထောင်ချောက်ထဲတိုးဝင်တာလားမသိပေမယ့် ငါမင်းကို အပိုင်သိမ်းထားဖို့ ဆုံးဖြတ်ထားတယ်"
တိုးတိုးရေရွတ်လိုက်တဲ့ Tatsumi နှုတ်ခမ်းထောင့်စွန်းမှာ အပြုံးတစ်စ တွဲခိုလျက်ရှိသည်!
TBC