#البارت ٣٩
الارهابي وذات النقاب
بقلم ام غايب
خضر-حقج والله حقج ....وابد مالومج
شقه بالمنصور ....وشركه وفلوس ..... منو خضر مجرد واحد ارهابي دخل بيتج دمر حياتج وعافج ...حقج ....اهم شي حذيفه يختلف عني ....ومثقف لان فهمج
ميمونه-باوعت علي ..اختفت كل الكلمات من لساني .عجزت اجاوبه ....رغم الوجع الي سببه الي ....بيوم من الايام .....بس من شفت الوجع بصوته مبين وبعيونه .....توجعت
مااحس اله طلع من جيبه .. الجواز
خضر-هاج لزمي وضمي ....وانطي للاستاذ بس انتبهي اله من يبلش يفكر يسويلج جواز مزور ...يالله تنطي الجواز والرقم ....انتيهي الهاي المسأله
مو مال تأخير وضعج الصحي ميسمح تنتكس حالتج اكثر ........واكو بنصه ورقه بيهه رقم انطي لزوجج خلي يتواصل ويا .... بعد يومين جهزي نفسج ميمونه منطي تكاليف سفر شخصين .....
اخذته من ايده .....مكدرت اباوع بعيونه ....خنكتني البجيه بحيث استصعب احجي اي كلمه بصوت محبوس ....ومخنوك ردت اكله شكراً
بعدني ممكملتهه دار وجهه وراح .....بقيت اباوع علي دمعتي نزلت رأساً دخلت ....للعماره ابجي ....
ا
.............
فلك-بعد ما صعدت علوكي يمي ....وصعد جربايته حسين بدلتله ونومته ونمت ....اول مره احس بروحي مرتاحه من دخلت الهذا البيت الهاي اللحظه ....من صعدته غصب عنهه ومخفت من احد. ...جانت عندي قوه بداخلي ....ابني اخلي يمي اخلي
مااعرف بدون اي صوت ....يفززني ...واني جنت مندمجه بنومتي فجأه فتحت عيني .....ومن فتحتهه ....اخترعت ....شفت هيفاء شايله ابني ....كبل صحت ااااااابني جانت شايلته ومقربه وجهه الوجهه
كمت بسرررعه . مثل المخبله اخذته منهه وشبكته هيه باوعت مخروعه
هيفاء-جنت ابوسه .
فلك-بقيت اباوع عليهه وحاضنه ابني ....واباوع عليهه
كبل تذكرت حسين وره موتتة اطفالهه ....اكيد تريد تاخذ ثارهه منه بأبني محجيت وياهه وهيه تبرر الي ومرتبكه
فلك-جنت احلم بي ومن شفتج اخترعت لان جنت بعدني توني فازه من الحلم
هيفاء-حلو كلش
فلك-اي
هيفاء-عادي اشيله
فلك-لا ...وتلكأت ...يعني عادي بس اريد ارضعه هسه وابدله من اكمله ...اجيبه الغرفتج
هيفاء-يعني تخلي يمي وابتسمت
فلك-بقيت ساكته ....وراهه طلعت قفلت الباب
وخليته عل جربايه ونمت بصفه على بطني ووجهي موجهته علي ....شمست ريحته تخبل ...كمت اباوس بي ... الحد ما فز فتحت كماطه ....هو جان كاعد بس من رفع ايده .....فز ....فزز كلبي من مكانه بالفرح من شفت حركاته ....كمت ابوس بي على بطنه والزم ايده ويحرك برجله .... رضعته وجبت طايه مال مي دافي لان كلش كاسر الجو جان ....عسلتله وبدلتله ومزلت اني ويا ..ك
جنت شايلته ....نزلت جانت كاعده ورود بالمطبخ
كتلهه صباح الخير
ورود-صباح النور
فلك-كملتي ريوك
ورود-اي ....وباوعت عليه ....ليش
فلك- كعدت عل ميز بالكرسي الي بصفهه باوعت على علي ..
ورود-اكو شي فلك
فلك-قربت وجهي وهمستلهه هيفاء لكيتهه شايله علي
ورود-شوكت
فلك-الصبح ....اكيد تريد تنتقم من حسين بي ...شتكولين
ورود-انتي عقلج شاطح هواي مره زينه علمود الفلوس ...وهسه هيفاء علمود ابنهه ...فلك كااافي
فلك-انت كلتيلي تكره حسين ومتقبل احد يجيب سيرته لان هو سبب الي كاعد تعيشه
ورود-تضوج من حسين تختلف عن التكرهه ...تره هيفاء
مجرد تعبانه نفسيه ننطيهه مهدئات ....ومستحيل تسوي شي بطفل
فلك-اني مااعرفهه مجرد اشوف انسانه تايهه متحطمه تحبم بابنهه حابسه روحهه فوك ساعات احسهه مو طبيعيه وساعات احسهه كلشي مابيهه وعلى اساس كلامج كلت هيج
انت مكاعد تطيقيني وتتقبلين مني كلمه ...اني هذا ابني اخاف علي ...مطلبته منج بس نمت قريب علي ...انت بابسط الاشياء تمنعيني ...اني بشر
ورود-انت مو كلتي حتى اذا ابقه خدامه ببيتكم بس بقوني يم ابني ....مخليناج خدامه وتسجل باسمج ...انتي جنه على الاتفاق تطلعين وتعوفين وتنسين ....راح تخليني اتراجع عن الي قبلت بي ....اكدر اغير البيان
فلك-كاعد تهدديني
ورود-مااهددج بس انت داري لكمتج وعوفي تخطيطاتج وافكارج لان ميتحققن ....فلك ....كاعد انصحج الي بعقلج عوفي
فلك-شنو الي بعقلي
ورود-تعرفين كلش زين شحجي
فلك-لا والله مااعرف
ورود-كاعد تحاولين تجرين حسين ....بسوالف مال نسوان عذراً لهاي الكلمه مال بنات وصخات
فلك-وصخات شنووووو
ورود-لتعلين صوووتج ...الهنا حدج
مثلا ششفتيني ...شمسويه شو حتى لبسي استر من لبسج بالبيت شفتيني فديوم رتبت روحي ولبست شي اغري بي
ورود-شفتج دائماً تسوين هيج ..
فلك-اني ممسويه شي بس انت خايفه مني
ورود-انت منو حتى اخاف منج ...لتخلين راسج يم راسي فلك ....وتخليني اسوي شغلات مااحب اسويهن
فلك-تعدديني بابني
ورود-شوكت هددتج بابنج .
فلك-دومج تهددين ......اخذي ابني وحرميني منه ...بس يوميه بكل وقت ادعي عليج...من كل كلبي والله ....تلكين الله حارمج من الخلفه ...لان انسانه ماعندج ضميرررر والله حتى اذا حسين عنده ضمير انت توزي
ورود-اااانت كاعد تحجين وياي هيج ...انت منو حتى تحجين هيج
فلك-بيش الكلام صار بس للي عدهم فلوس ...والماعدهم يصيرون منو انت حتى تحجي
ورود-انت انسانه ماعندج اي اخلاق ...لذلك مراح اجاوبج غير بس اكول انت نويتي على خراب حياتج
وطلعت من المطبخ ...باعت عليهه من تمشي .. باوعت على ابني اخذته وصعدت ماريد حتى ريوك ....بقيت بالغرفه ...اللعبه ساعه وساعه انومه مااعرف من سمعت صوت الاذان نغزني كلبي وخفت من الي حجيته ....مجنت افكر بي بس فجأه صارت هاي الخوفه بيه ....ورود هسه حتكول ال حسين على جوابي الهه وكلامي وياهه وحسين اهم شي عنده ورود ....واني هسه يكلي انت ردتي بس ابقيج وكمتي تتجاوزين ....سيطر عليه الضعف بشكل مو طبيعي
وكمت اباوع على ابني وابجي ....معقوله اكدر اعيش بدونك ...علي ...واتنفس .. بقيت بالغرفه بدون اكل ....حتى صار وقت جية حسين من الشغل ...كل شويه اكول هسه حيصعد ويهد عليه ويحرمني من ابني
الحد مصارت الساعه بالتسعه بليل انفتح الباب فزيت رأساً بحيث لا ارادياً طلعت شهكه
حسين-شبيج هيج فزيتي
فلك-باوعت علي ....وكتله مااعرف
حسين-ليش منزلتي ابد ...اني اريد اشوف ابني بكل وقت كل شويه اكول هسه تنزل هه تنزل اذا متريدين تنزلين نزلي ابني ....وصعدي انت
عدلت نفسي وهو شال علي بدون ميباوع عليه
وطلع هو ويا وطبك الباب ....محجيت اي شي بقيت بمكاني كاعده واباوع على الباب
افكر ...اني تجاوزت لو شنو يعني لازم اسكت واتحمل علمود ابني ....حيسوون شي لو شنو بالضبط
ااااه راسي وعقلي مليان افكار ومااعرف الصح وال شنو مفروض اسوي ....احس نفسي ضايجه من حسين وضايجه لان ميحجي وياي ...بقيت كاعده الحد مسمعت صوت علي يبجي بقيت الى ان زاد صوت بجيته وحسين صاح بصوت عالي
فلك .....فلك وووووووينج
طلعت بسرعه ...ونزلت اركض علمود علي وهم وترني صوت حسين
حسين-متسمعي يبجي
فلك-اسمعه
حسين-لعد ليش متنزلين
فلك-اكو ممه جوه عبالي ورود تسويله
حسين-ورود مو هنا ...استعجلي سويله ....اخذته منه كتله انطيني ارضعه من صدري
اخذت ابني من حسين وكعدت ارضعه ....حسين ... اخذ الريمونت مال تلفزيون من الطبله وخله رجل على رجل ...وكعد يباوع صار كدامي كاعد اباوع علي اني لان منطيني ظهره ومنجي على اليده مال قنفه
كملنله رضاعه ال علي وصعدت .....من عرفت ورود ماكو فضولي راد يعرف وين راحت ...وبنفس الوقت من عرفت ماكو كمت كل شويه عبالي يجيني للغرفه
الحد الليل وابد مصعد ..ثاني يوم نفس الحاله اني مزلت من وكت ورود ماكو ومااعرف السبب ....بقيت جوه حسين ....هم اجه لعب ...علي ومعبرني ابد ولا كانما موجوده ....احتاريت بعدم وجود ورود بالبيت واستغربته ...صعدت غده ال هيفاء ونزلت جهزت وصبيت اكل النه عل ميز ...اني ويا وهو جان بالغرفه كاعد دكيت الباب ...وفتحته جان كاعد وجنطه بصفه وشده مال فلوس يحسب بيهن باوعت علي
حسين-رايده شي
فلك-تتغده غير
حسين-ماريد غده ...من تتغدين وتكملين تعالي
فلك-ماريد اتغده احجي هسه......سكت واستمر يحسب بالفلوس .....دخلت للغرفه وكفت كباله كمل الفلوس وخلاهن بالجنطه ووخرهه على صفحه وباوع عليه وكلي كعدي
كعدت مقابيله ....وباوعت علي
حسين-فلك ....تريدين نتطلك
فلك-باوعت علي ....وكتله ....وابني شلون اعيش بدونه
حسين-انت مو كلتي اطلع بروحي العزيزه ....اعوف ابني ولا ابقه بذلك ....اني هم فكرت صار كم يوم وكلت ليش متخلصهه من ذلك وتطلكهه وانت مو اول مره تتطلك وتعوف ابنهه يم ابو
فلك-مااكدر بدون ابني
حسين-بس اريدج تجاوبيني شغله شلون ذالج اني
اريد اعرف شلون ذالج ...لان من اصفن اريد اتذكر موقف ذليتج بي
فلك-مخلي ورود هيه الي تتحكم بيك وبس تضرب بيه ووكت متحتاج تنام وياي تحبني ووتعاملني كانما مموجوده
حسين-كملتي
فلك-تعبت اني
حسين-فديوم اجيت ضربتج بدون سبب ....اني مضاربج اني ضربتي ردة فعل الكلامج .....واذا اصيح عليج فاصيح لان انت تتجاوزين حدج كدام الداير مداير
وورود تتحكم بيه ....اكثر من مره تحجي وانبه واضوج منه وانتي ولا يمج .....ورود ...ولا انتِ الي تتحكمون بيه ...
فلك-تحاسبني كدامك على نومتي بالهول وانت متحجي
وماخذه ابني
حسين-تريديني احجي على ورود كدامج وانتقصهه
فلك-تنتقصني لعد
حسين-انت الي انتقصتيني فلك كدام بنتي الي ربيتهه وزوجتي ....بكلام ممقبول نهائي ورغم هذا الشي ممديت ايدي عليج ومحجيت غير بس كتلج صعدي فوك وتعاندين واكلج صعدي فلك وتعاندين
فلك انت شنوووو معنى تصرفاتج ......بليل بالحمام كتيلي تخاف من ورود كتلج ليش متكولين اسوي هذا الشي علمودج كتلج لو مكتلج
متجاووووبين ....وشكتلج بعد على نومة علي مو كتلج من يستقر وضعه اخلي ينام يمج
فلك-اريد اعيش حالي حال الكل ..
حسين-انت متحبيني الهاي الدرجه ....وتكرهيني ... فوكاهه تكليلي اني امثل .بس الي محيرني شلون تكدرين تمثلين الهاي الدرجه بحيث من اجيج هم تحجين وتبينيلي مشاعر
فلك-مثل ماانت تمثل حسين ....وتحب ورود وتكلهه كلام ترجع تكوله الي بس بغير صيغه
حسين-طبعاً تكولين تمثيل لان عبالج الناس كلهه مثلج وعن نفسي بمقدار شعرايه ممثل ....وهاي مشاعري الحقيقيه الي مفاهمهه ...اني ماامثل ولا مضطر امثل فلك ....اني حبيتج والله يشهد على كلامي وصدكت تحبيني للاسف ....بس انت تتحججين
فلك-مااتحجج وممثله والله
حسين-توج كلتيلي امثل بلسانج مو كلتي مثل ماانت تمثل ....عل عموم شتريدين هسه تروحين لو تبقين واطمئني بعد ايدج مااطخهه ابد
فلك-مااريد اروح جنت مقهوره
حسين-وهسه راحت ....خير ان شاء الله ....كومي فلك اخذي راحتج وكتلج باي وقت تريدين تروحين ماعندي اشكال
فلك-طلعت من الغرفه مقهوره يومين مرن جوه اني ورود ماكو ومااعرف السبب وهو بس يسلم
كعدت صفنت ويه نفسي عرفت اني بينتله مااحبه بدون ماادري وبلساني كتله امثل وصفنت على كلامه وعرفت اني اجاوبه كدامهم لذلك هيج يسوي وياي
........ .........
ميمونه-فتحت باب الشقه ودخلت جانت تلمع لمع مثل مطلعت منهه ....كلشي نفسه ....دخلت بيأس وهلكانه تمددت عل قنفه وبيدي الجواز غمضت عيني ودموعي يحركن بيه ...وحيلي بايد بقيت مغمضه الحد مغفيت
فزيت من وكع الجواز من ايدي .....فتحت عيني وكمت ...كعدت شلت الجواز .....خليته بحضني ..
اللحظه الذكريات رجعتني ... الفلك وخضر من مصدكوني ....صوت خضر ....رجفته وصياحه عليه ....ومن شمرني بره واني اتوسل بي ....وجعني كلبي اكثر .....واختنكت ...على شنو ضايجه ومقهوره ....شمعنا انت تنخذلين ...شمعنا
كمت لان حسيت نفسي كلش محتاجه الحمام .....دخلت للتواليت ...طبعاً كوه امشي ....خطواتي بطيئه حتى ايدي ردات فعلي بطيئه كلش
دخلت للمطبخ ....الثلاجه متروسه بس باوعت على الاكل ....لعبت نفسي توني طلعت من المطبخ انفتحت باب الشقه باوعت حذيفه ....باوع عليه وابتسم
حذيفه-اخر مره طلعت من هاي الشقه ....اختنكت كلش مااعرف ليش ....وابد متوقعت بيوم ارجع التقي بيج بس سبحان الله المرض جمعنا .....وتقرب عليه
حذيفه-ملامحج وجهج جسمج كلشي متغير بيج ...ماعدا عيونج ومااقصد لونهن لان اكيد ثابت ....اقصد حديتهن من تباوعين على واحد .. ....هيه هاي سبب جذابيتج حدية عينج
مشتاقلج هواي ميمونه .....وراد يتقرب يبوسني بعدت نفسي سحبني علي كلش .. جانت ماعندي قابليه
صحت بي حذذذذذيفه شبيك وخررررررر ميصير تلزمني
حذيفه-انت زوجتي
ميمونه-تطلگنا
حذيفه-يحق النا نرجع طبيعي مادام بعدهي مدة العده
ميمونه-حاولت اسحب نفسي مكدرت ...شبكني وكام يتلمس بظهري ....حذيفه لتسوي هيج حرام والله .....وخر مني حاولت ادفعه مكدرت هلكانه كلش
حذيفه-بسم الله الرحمن الرحيم
وَبُعُولَتُهُنَّ أَحَقُّ بِرَدِّهِنَّ فِي ذَٰلِكَ إِنْ أَرَادُوا إِصْلَاحًا).
صدق الله العظيم
نرجع الحد متتعالجين .....وراهه اطلكج .
جان حاضني واني ايدي مخليتهه على بطنه حاجز وادفعه بيهه من يحاول يسوي شي
ميمونه-دفعته شويه ....وخرررر اني مو لعبه
حذيفه-شكد تريدين
ميمونه-شنووووو وخرت منه سحبت نفسي قوي وهو هم رخه ايده وعافني
شنو شكددددد اريد ....انت شكاعد تحجي حذيفه
حذيفه-اكلج اريدج شنو الي مو واضح ومشتاقلج حيل ......خاصه اخر يوم مطبوع بذاكرتي
ميمونه-اريدج واطلكج .......
حذيفه-واعالجج
ميمونه-انت عديتني ....لومو انت اني مابيه شي ....بسببك كاعد اعيش كل هذا ....كاعد اشوف الموت
حذيفه-ليش هيج عصبيه
ميمونه-ليش عصبيه ....ليش ....لان كاعد تعاملني مثل السلعه ....باوعت علي ....حذيفه انت منو بالضبط
الي اعرفه اني والي انطبع بذاكرتي حذيفه المثالي الي قواني وعلمني احب نفسي وافكر بنفسي
حذيفه-هو اني نفسي ...شنو الي حجيته وزعلج مني ...اني هسه اريدج حتى اذا تطلكنه نرجع حتى بدون سيد ...راح نسافر سوه ونعيش كم يوم سوه ....
وبعدين ليش ضجتي حبيبتي وسحبني من ايدي كعدني عل قنفه وكعد بصفي بس جسمه ووجهه دايره عليه
حذيفه-ميمونه....اني انسان واضح....اني مااتزوج
لان اذا اتزوج مراح اسعدج ابد ....راح ابجيج ...
ميمونه-لتباوعين هيج ...وبعدين هالكلام مو وقته اهم شي عدنه حالياً صحتج......نصحوني كبل اوديج لا اخذج هنا ولا اتعب نفسي ....هناك اضبط وطلع موبايله من جيب بنطرونه ....اكيد ماعندج جواز لازم أسويلج جواز
ميمونه-عدل نفسه ....كعد عدل وتجه ظهره عل قنفه جنت خاله الجواز على الطبله البنص ....شاله
اني توترت وتذكرت خضر ...من كلي شلون نسيت وهملت هاي السالفه قلقت
حذيفه-عندج جواز ...واني احجي وحدي عايفتني ....وفتحه كام يباوع علي وباوع عليه ...انت مو اسمج ميمونه
ميمونه-اخوك فوزي مكلك
حذيفه-شكلي
ميمونه-بيوم الي سافرت ...رجعت البيت عمي حتى اخذ اختي ...طلع جذاب ...ويحول ماكو والفلوس الي اخذهن منك صارفهن يكول مطلوب ...
حذيفه-عمج .. وهذا شعلي بأسمج
ميمونه-نبتت السجينه ببطنه ....وانهزمت ....وهسه اني مطلوبه وهذا الجواز مزور
حذيفه-لحظه ....لحظه ....انت شكاعد تحجين ....ميموووونه شنو مطلوبه ....شنو جواز مزور ...شكاعد تحجين انتِ
مرتكبه جريمه ومو بس هيج مزوره جواز ......انتِ شنو بالضبط ...فهميني موضوعج ....انت وين جنتي كاعده قبل لتجيني هنا.....باوعت علي توتر كلش اول مره اشوف حذيفه يتوتر دائماً هادئ بارد بحركاتهه وكلامه بنفس الوقت بي الف معنى رجع دار وجهه عليه
حذيفه-ميمونه عقلي بده يروح بعيد
ميمونه-هذا الي صار والله ....احجيلي ميمونه حتى اساعدج
ميمونه-باوعت بقلل...مدري شبيه اليوم احس وضعي كله مو طبيعي
حذيفه-وين جنتي كاعده قبل لتجيني يم منو اذا مو يم عمج
ميمونه-أجرت شقه
حذيفه-وين الشقه صايره
ميمونه-أنطيته عنوانهه ...بالفلوس الي انطيتهه الي بقه يباوع عليه عيونه بيهه حيره
حذيفه-زين شنو هذا الرقم
رقم الولد الي راح يسفرن صح....منو انطا الج
ميمونه-باوعت خفت منه ...وتوترت وبين عليه ....
ميمونه- خفت من حذيفه ...مااعرف ليش ....كمت اباوع علي بخوف ...شاف الجواز واني الغبيه دليته الشقه بس يلله شعندي بالشقه ماعندي شي ابتسم
حذيفه-ماشي ...يلله وفر عليه وقت ....هسه اتصل على هذا الرقم وافتهم منه بالضبط ...اذا كلشي كامل باجر نسافر شكو متأخرين
من حجه هيج اطمئنيت ....وهمزين ملح ويايه اخاف على خضر ....اخذ صوره للرقم وكام ...يلله اني راح اتصل علي هسه بس من اطلع لان ماعندي رصيد
انت اكلي واذا عندج علاج اخذي واني هم راح اروح افهم السالفه مال عمج ...يجوز مااحتاجه للمزور انطي فلوس ويتنازل وتنتهي المسأله
ميمونه-بقيت اباوع بقلق ...دنك عليه وثبت ايده الاثننين عل قنفه بصف رجلي من الجهتين دنكت رفع راسي بيد وحده وقرب شفته من يم شفتي
كم مره كتلك حرام وردت ادنك مكدرت لان لازم حنجي
وكم مره كتلج حلال ...جهزيلي نفسج من اجي ...اريد التهم جسمج من كد ما مشتاقله ....واذا عندج شكوك بالعقد اجيب سيد وياي
ميمونه-جيب سيد
حذيفه-تدلل الحلوه بس اهم شي شربي علاجج وباسني بخدي ردت اوخر ملحكت لان بوسه سريعه وراح
بقيت اباوع عل باب ....بين الخوف والاطمأنان من ناحية حذيفه كمت اكلتلي شي بسيط وشربت علاجي ....جنت كاعد اطلع ملابس ...وكعت الجداحه من العلاكه ....دنكت اخذتهه بس من ممت الدنيا افترت بيه
لان قليل اكل شلتهه ...بقيتهه بيدي ودخلت بدلت من ملابسي وتمددت بالغرفه عل جربايه بقيت مفتحه وكل شويه اكوم اكعد وارجع انام ....حسيت نفسي تندمت على هاي الخطوه ....من جنت يم خضر ...احس بالاطمئنان مااعرف ليش هنا مااعرف احس مختنكه
تذكرت من نزفت اول مره وهو طلع ناسخ المفتاح من شالني .. ومن جنت اكله روح ويروح .... ومن افز الكا نايم ....
نزلت دموعي بهالذكريات ....من عرفته الحد معفته جانن احلى شي صار من عرفته لليوم
حسيت بنفسي بردت تذكرته من شالني جنت اسمع صوت انفاسه وخوفه عليه ....كلشي سيء سوا بهاللحظه مااذكره ....بس اتذكر شلون احتضني وخاف عليه ....ضغطت على جداحته ورفعتهه وقربتهه من شفتي ...احبك خضر ...للاسف كدرت تضحك عليه بمدارتك ورجعت بگلبي سكنت
بقيت مكدرت اغفه وعيني مغمضتهه مابيه حيل افتحهه توجعني نعسانه ومااكدر انام يمكن لليل حذيفه مبين الحد منعست ونمت
حسيت بلمسات ايد حاره تتلمس جسمي ....جنت متعمقه بالنومه وبردانه وهاللنسات والانفاس دفني هيج شي اتذكر فجأه
فتحت عيني على صوت جرس الباب ....كلش قوي هو والباب ....فزيت مخروعه ....كمت والمشكله بس اكوم سريع يصير عندي دوران رجعت كعدت لان مكدرت دايخه جان صوت عالي ......وصوت حذيفه هو حذيفه موجان طالع شلون فتح الباب ...الحد مراحت الدوخه كمت
باوعت حذيفه بتراكسود مال نوم ....يعني جان موجود باوعت عل ساعه بالسته الصبح
حذيفه-فووووزي خوما بلغت
فوزي-طبعاً بلغت شتريدني اتفرررررج اصلاً عرفت متأخر مفروض من البارحه اول معرفت تكلي لوجنت تريد يجون هنا بالعماره وياخذوهه وننفضح وهسه جاي اني اوديهه بيدي ....كوه قنعتهم ميجون للبيت .....وله اسمي واسمك ينتهي ونصير على اللسان الكل
حذيفه-صدك تحجي .... مو كتله ثامر ليدخلك
فوزي-تريده يتفرج على خبالك وحده ساقطه عمهه باعهه تونست وياهه ولت تجي علمودهه والله شنو عديتهه ....اصحى حذيفه اذا مو هيه ناقلتلك الفايروس ....تلكاهه هيه وعمهه متفقين يوميه بشركه .....وتكلي فوكاهه بلغت..... بس لا تريد تاخذهه بجواز مزور
حذيفه-طبعاً لا ....مستحيل ...بس افهم منهه اول
...............................
خضر-الحد مانزلت من الشقه ميمونه وحجيت وياهه ممصدك ...ابد ....بس من شفتهه دخلت للشركه ووراهه صعدت بالسياره .....تأكدت
اختنكت .....الاول مره احس نفسي اريد ابجي ...اخر بجيه بجيتهه اتذكر جانت قبل ليتوفون اهلي بليل ....بجيت على لعبه وامي مقبلت بابا يشتريهه الي
اللحد مانزلهه كبال عماره فخمه كلش .... انقهرت على روحي .....شكد غبي .....رغم تزوجتهه وهيه مو بنيه توجع كلبي واني احاول اصدكهه من يومهه واني متغفالي عين اذا مااباوع بصورهه .....وأنبت نفسي لان طلكتهه وبسببي صار بيهه هيج ...بعت كلشي وجنت مستعد حتى روحي انطيهه الهه
حجيت وياهه وعفتهه .... مجنت متوقع منهه تخذلني
خاصه وهيه عرفت بعت كلشي ودغعت فلوس السفر وحتى الحجز بالمستشفى حجيت ويه المستشفى وتراسلت ويه مترجم ....ودزيت فلوس للمترجم واتفقت على كلشي .....جان بس باقي نروح
مكدرت اتنفس ...امشي مختنك ....كلش........اخر شي من وجع كلبي وخنكتي ركضت بالشارع جنت اريد مكان اروحله وحدي بي .....دخلت بحديقه عامه ......جانت اكو شجره صرت مثل لمخبل اضرب بالشجره ....
اخر شي كعدت جواهه الحد ما هدأت وستوعبت اني غبي هذا هو طبني مرض كل شويه واخد يتصل عليه من الولد مااجاوبه اهر شي غلقت خطي
بقيت افتر بالشوارع مشي حتى سيارتي بعتهه ....امشي واضحك على نفسي ......الخد ما اخر شي اخذت تكسي
ورحت البيت حبوبه ....اول موصلت لميت خالد بالباب هو وعلي ....وعمي الاعيوص ابو حمصه لقبه هذا وعلى اساس لقبه هم لقبنه احمد بوقتهه جنه نقلد على لقب ابو فطلعله شاهين هذا اللقب ومن يومهه مشه علي
جانو واكفين بالباب ديريد يروح
خضر-السلام عليكم
ابو احمد-هله والله عاش من شافك
خضر-بوسته ووكفت يمهم الحد مراح صعد السياره
خالد-شعجب اجيت منك من الشيطان لو محتاجلك شغله
خضر- جيت احجي وياك علمود الجيش شوكت اروح وشاخذ وياي
علي-ليش مو راح تسافر علساس
خضر-بطلت ماريد اسافر
خالد-والله اول مره تفتهم ....احسن شي الك والله
اني قدمتلك عل جيش وانطيت اسمك.ومفروض عكب باجر تلتحق بس افضل تروح باجر ....لان رتل راح يطلع كامل ادحس روح وياهم ...لان متندل اول مره تروح وحدك ددخل دخل خل نسولف جوه
دخلت بوست حبوبه وسلمت على مرت عمي ....ورسل
فجأه دخلت منتهى تفاجئت
منتهى-هلو خضر
خضر-هلو منتهى شلونج ... بهاللحظه باوعت عليهه وتذكرت نفسي مو اول مره انضرب بوري من بنيه ....منهى قبل سوتهه بيه وخرت عيني منهه
خالد-رسل سوي جاي وصوتكم نصو اريد اخابر
ام خالد-ليش شكو
خضر-بقه يخابر ويسولف فهمت من خلال خالد مااروح بالرتل راح اروح بالسياره سد الخط وكلي
خالد-هذا نقيب هشام ....دره مال الله وفقير من كتله بالرتل كلي سيارتي وين راحت باجر هم يروح بس يطلع براحته يعني بحدود ال٨الصبح
خضر-ماعندي بدله الحك اشتري
خالد-لا وين تلحك ....السوك فره ....
خضر-لعد عوفهه على عكبه اروح وحدي
خالد-لا لا .....ماعولتك تروح ....
رسل-خالد مو عندك بدلتك القديمه
خالد-ماادري تصير علي لو لا وبعدين هو اطول مني
خضر-ممتوازي اروح باجر
خالد-اني متوازي اذا مااوديك باجر اعرف تغير رأيك
هسه اخابرلك جندي ....اخلي يدبر وصدك خابر جندي كله طويل كلش ......مااعرف اريدهه الصبح يمي ونظيفه واريدهه طويله
رسل-شنو منين يجيب الولد بهالليل
خالد-صدك بعت سيارتك
خضر-اي
خالد-خير ان شاء الله ....اخذ سيارتي وعلي وياك هم وروح جيب اغراضك حتى منا تطلع ولتنسه لحيه ماكو
صدك اخذنه السياره جبتلي خاولي وملابس داخليه وجواريب من بيتي ....وزينت لحيتي ...بس شنو الدنيا طالعه من عيني
علي-هسه غير يحجي ليش بطلت تسافر وميمونه ...
خضر-بطلت علمود الجيش
علي-شو ممصدكك
خضر-علي راح اخرب شواربي وخر من يمي
زينت لخيتي وحددت شواربي .....
علي-وشعرك هم خففه ....وفتت سبحت وبدلت لبست تشيرت اسود ....وبنطرون اسود وطلعنه بنص الطريق دك موبايل علي جان علي يسوق ...مالي خلك واني صافن عل شوارع بس مو يم الشوارع
علي-هذا يمي والله ماادري راح يلتحق باجر اوكف هسه لحظه
خضر-نطاني الموبايل باوعت علي كتله منو
علي-حمصه يكول مغلق من يخابرك
خضر-اخذته منه وجاوبته سلمت علي جان هو راجع الوحدته يكمل دوامه
حمصه-شنو هذا الخبر الكاله علي ....وميمونه لعد
مو علساس علاج
خضر-هاي بعد
حمصه-شنو الهاي شبيك شصاير يمعود غير يحجي
خضر-ماكو شي كتلك شبيك ليش تلح حسيت صوت يطع باوعت عل شاشه خالد يتصل على علي
ردت اسد الخط من حمصه حدفني مااسده
بقه يسولف ويسأل ويلح عليه الحد ما سديته واصلاً وصلنه ....انطيت الموبايل ال علي كتله خالد يتصل عليك من جنت اخابر بحمصه ....
علي-وصلنه ماكو داعي
خضر-وصلنه للفرع ....رجع دك كتله دجاوب خاف يريدون يوصون على شي نجيبه
جاوبه علي ....صوت خالد بين من الموبايل عالي وعصبي وووينكم وين خضر
علي-بالفرع وصلنه وهذا خضر
خالد-بسرررررعه تجون وسد الخط
خضر-شلقضيه شكوووو شبي بس لا لان مجاوبنه ...عبالك صغار احنه ...والله علي سوالف
وصلنه دخلنه للبيت ....اول مدخلت صوته عالي ....ويصيح
خالد-راح يموووووتني كلهه عايشه وطبيعيه اله هذا الانسان المتخلف يوميه مصيبببببه
خضر-شلقضيه
خالد-لك انت شمسوووووي من بلوه
خضر-شمسوي
خالد-انوووووووب تزوير خضر ... تزويرررررر
خضر-باوعت بصدمه ...كتله مفهمت ضربني بصدري عثرت ب علي جان ورايه واكف صحت شكوووووو غير افتهم
خالد-لا فهمت كلش زين ....فهمت
جايين هسه يقبضون عليك مطي ....يخابروني يكولون خجلانين منك بس لازم ناخذه
حبوبه-ليش يمه ليش حبوبه هيج من دون الوادم متركد
خالد-راح يجون ياخذوك هسه ....لو يكطعوك لو يموتوك متعترف فهمت خضر ....فهمت
الحد الان ماكو دليل ......كلي لان يعزني انطاني معلومات
رسل البدله مالتي بسررررعه جهزيهه خل اصعد ابدل بين ميجون
صدك ماكو اقل النص ساعه واجوي اندك الباب طلعت اخذوني بهدوءبس سياره وحده الخاطر خالد ....وخالد كلي لاحكك اني هناك
اخذوني للمكافحه .... وكفوني على صفحه دخل خالد للمدير وساعه يطلع ويروح منا ويجي منا واني واكف على صفحه احد مكلبشني وواكف يمي
-والله بيك حظ بابن عمك ...وله شايف ذاك الشباك جان صلخوك ورفعو ايدك ومغطين وجهك كلشي متشوف غير بس السواد وياهو زهكان والدنيا طافره بعينه يطلع حركته بيك
خضر-اي حتى ............................
-هيووووووو اللفاظك ابن النعال
هو كلي هيج واني تخبلت مكلبش وضربته كله براسه وهو هجم علي كام يضرب بيه بوكسات اجوي يركضون علينه وخالد طلع يركض وياهم
وكاللهم فشر عل كل يعني حتى المدير شمله ...واني سكته شنو اسكتله واذا ابن عمه ضابط لو وزير هم اكسر راسه
خضر-باوع عليه خالد وعيونه يريدن ينطن ....وكال للمدير العام ولا احجي اي شي اعتبره ابنك اخوك الصغير وانت تصرف ويا بلي يعجبك خجلان والله اني
شويه هذا ارعن ....
راد يعتذر من الجندي ردت احجي ....خزرني وكله احسبهه عليه ....وضعه تعبان لان تهمه باطله اجته واستأذن المدير العام يحجي وياي شويه دخلني ارفه صغيره بيهه مكتب صغير وجربايه بيهه واحد جان يدخن من شاف خالد عدل روحه
ابو مسلم ....ولو راح ازعج خصوصيتك شويه بس عندي كلمتين اريد احجين ويه اخويه
خضر-هز راسه بعدم رضه عليه مبين يعرف
ابو مسلم-مبين عليك شاب ومرتب ...ومو مال هاي السوالف ليش تدخل روحك بها الامور ...وطمن خالد كله محلوله مالك علاقه
اول مطلع ابو مسلم ...دار عليه وضربني طفه عيني
خضر-استغفر البه
زنكني ودفني عل حايط والله يا خضر اذا محترمت نفسك ومشيت عدل ومسكتت اني اكلهم مالي علاقه بي وصدك ولا اتذخل ابد ....يعني اني ادخل واسويك خوش ادمي تفشلني وكامرات موجوده عيني على كيفك ....شايف روحك استاذ كعد يحجي ويهدد بيه ويوصيني يكلي همه محد يوصلك بس خاف يضربوك علمود تعترف تسكت متحجي
دخلوني بالسجن بيهه هواي .....كعدت على صفحه مالي خلك احد بس كلت سلام عليكم وبس
ميمونه-تحاجو حذيفه وفوزي وكله بعدين فوزي ممبلغ الحد الان بس حذيفه هاي البنيه هسه بهاللحظه تطلعهه من البيت ....ومتبقي اي شي يربطك بيهه
حذيفه-اي اكيد
ميمونه-بقيت واكفه بمكاني الحد مراح فوزي طبك الباب ...ودخل حذيفه وكف كبالي
حذيفه-شنو اسم خالج الي جان وياج بالشقه العايشه بيهه ..وامج مو علساس ميته .....اني البارحه من كتلج اسافر وياج ....جنت احذب عليج بس حتى تثقين بيه واكشف وصاختج وسوالفج اني بلغت على عنوان الي مزور الحواز بدون مااروحله ....بس انطيتهم رقمه عرفو ...وطلع بالفعل مهرب وكومه شغلات غير قانونيه
ومعترف على واحدومن رحت سألت عليج بالعنوان ....الي كلتيلي عايشه بي كالو عايشه ويه اختهه والبارحه كلتي اختي ومرجعهه عمي وكتلته والي علساس خالج اسمه نفس اسم الي ذكره هذا الي يزور لان كلوله منو اخر واحد زورتله انطاهم عنوانه واسمه واكتشفت نفس الشخص الي هربتي ويا قبل وحجيتيلي عنه
ميمونه- باوعت مصدومه ماعندي جواب الكل كلامه
وشلون حبرأ نفسي اله من الافكار الي بعقله الي بدون ميحجيهن واضحات
حذيفه-اذا سلمتهم الجواز راح تنسجنين وعندج قضيه ثانيه يعني متطلعين من السجن واصلاً متطولين تموتين بي ....جنت عبالي انت تختلفين ....سبحان الله كلجن تشابهن ....بس بدرجات ....بس انت تاخذين امتياز بحيث اني اكول خبره واعرف النسوان ....مكدرت اعرفج ابد .....خمس دقايق ....اذا مطلعتي من بيتي .....مااخليج تطلعين بعد وطلعتج تصير كبل للسجن هو انت ميته ميته ....عل اقل موتي بالشارع احسن من السجن هناك واحد يغتصبج هم تخسري روحه لان تعدي وهم تموتين كبل
........يتبع
الفاتحه على روح الاء بنت اشواق 💔
تعالي يداده وين رايحه بدون ⭐️لو اله ✂️واحتمال
احتمال اكو هم بارت بعد بس المشكله دوم من اكول تصير شغله ومااكدر فانتو مو تلزموهه🤔✂️ومن اشوف التفاعل باقي حلو 😒😍