هيلاو هني وليت.
لا يسمح بدخول أصحاب لقلوب ضعيفة
😳😳😳
--------
من تعبو حشا راسو في صدرها يرتاح
رقدو هكدا :
ناضت تالين تتململ كي عادتها في حضنو أول حاجة قابلتها وجهو و هو نايم كلو تعب و حزن و وجع نقمت على لمشاكل لي جابتهالو على كل كلمة قالتها خلاتو يخرج الوحش و يضعف لهاد درجة.... تفكرت لبارح كيفاه باسها و تبسمت صح مش راضية أو خلينا نقولو تكذب علينا و على روحها...
رلحت تلتمس وجهه بعكف و حنية. بعد أن أبعدته عنها قليلا ذالك الكتلة الضخمة نام عليها أحست بآلام في جميع جسمها إلا أنها نسيت كل همها و آلامها بجانبه في حضنه
حطت يدها على وجهو شوافروا لي طوال على شوافرها خنوفتو لباهية و صغيورة شفافو لي رطبين من عند خالقهم تفكرت لهفتها على عضلاتو راحت تمس في عضلات بطنو و صدرو لتقلو حيط تالمون صلب رغم أنها داركنيس لموت حاضرة في وجودها شحال شافت رجال مافيا قويين و هزمتهم و كل رحال في حياتها كانت عزرئيل بنسبة ليهم غير هو صغيرة بين يديه حنونة و رهيفة معاه هي حقيقتها مع لمقربين برك حضنو هو نفسو حضن جدها لي حباتو كثر من بوها شحال عشقت مهدي من صغرها و تمنات ديما تكون مرتو تنهدت و كملت طلعت بيدها حطتها على ذقنو و قالت في نفسها :
دعني أغفو ..بين ذراعيك ...وأتنفس ..لهفة أنفاسك
دعني ولا توقظني ..!سأرتمي في سكون ..!وأزاول .. مراسيم الجنون ..!قل لي بربكـ من تكون ..!قد أسكرت .. الروح ..,واستسلمت لكـ طوعا... كم قيدتني رجولتك... و كم أغوتني عيناك... صفاء لبحر إلتمسها... وهام قلبي في هواك... ألا ترحم عاشقا... وقع أسيرا لك... بربك أين لجفاء بك... إرحم أنوثتي... إرحم قوتي و جبروتي... لم أنا رقيقة بيداك... لما لم يحب قلبي سواك... قلبت قوانين فتاة ظلام....لتصبح رهينة لعشقك... رحماك إرحم قلبي... الذي بين يداك... إرحم طفولتي في عيناك... إرحم حبا بين شفتاك ...تقطع شوقا حتى تطبع... خاصتك عليه بقوة و إمتلاك .. شفتاي تتحرى شوقا لتقبلها... بحنان أو تقطعها بجفاء... سيد لقلب ... يالب الفؤاد .. دعني بين أحضانك .ولا توقظني ... و مستعدة بإسهاب لجهنم... فحتى هي معك... حلوة
(شاعرة تكتبلكم واش بيكم. 😂😂😂 حوحو يشكر روحوا)
فاق بيها أول ماحل عينيه و بقا ساكت يسناها تنوض لمساتها كانت كلحورية تهدي فيه تمنى كل يوم ينوض هكدا على وجه أميرتو تالين بلاك يشبع منها ليوم كاين غدوة مكاش بلمساتها كانت تلعب بإحساسو و لهيبو تأكد بلي يعشقها بصح لازم تبعد باه واحد ميحس بيه و يقيسها ناض دون سابق إنذار من لفراش علبالو كون يبقى يغتصبها طول
و قال : نخرج من دوش نلقاك مكانش
تالين حست روحها عاهرة كيفاه يديرلها هكدا و هو لي طلبها كعادتها تسكت و تخبي في قلبها داخلها تلعن في ساعة لي حباتو قالت في نفسها لقلبها إذاكنت تخدعني أقلبي و ديرلي هكذا نحيك و نرميك للكلاب و لعاد لحب هكدا يلعن ساعة لي حبيت فيها لعاد هو شيطان أنا ظلمة أونبرسون( 😂😂😂مديروش عليا) ناضت بخفة و نزلت كرهاتو في دقيقة و كرهت تالين فيها حلت تكون قداه من مرة داركنيس قدامو و مقدرتش للأسف شديد...
حدرت لتحت ملقاتش لخدامة حمدت ربي و قررت تروح هزت كابتها و خرجت من دار تمشي في طريق لغابة باه توصل لطريق لكبيرة
مهدي كان يدوش خرج من دوش ملقهاش ندم واش قلها بصح تفكر بلي ملازمش يقدم ليها و لازم تكرهو لأنو حبهم راح يقتلهم و يهدد حياتهم و حياة عايلتهم... علبالو تقسم قلبها و لام روحو بصح هدا هو لحل لوحيد... مسمعش حسها لبس قشو و حدر يشرب قهوتو... دار قهوة و قاعد يشرب في بالو راهي في شميرة لي حطها فيها أول مرة حتان شاف لباب تالع برة محلول عيط بكل صوتو : تالين
واحد مرد رفد تلفون عيط لواحد من رجالو : يسقسي إذا خرج من دار واحد و هو ميت بالخلعة يحوس في دار ملقاهاش كوبا كي شاف كابتها مكانش عرفها راحت خرج كي لمهبول وصا رجالو يتبعوه يمشي و يسب في روحو و يلعن في كلامو دعا كي صغير لفقد أمو يحفظها و واحد ميقيسها
تالين تمشي بكل ثقة بالنسبة ليها لغابات دربت فيهم باه تقدر تولي داركنيس أنعم آه من تدريبات جدها صيد لحيوانات و يخليها في لغابة و تولي لدار وحها دربت مع فيران و حشرات لحناش في شمبرة وحدها مدة ليلة كاملة... تفكرت طاحت دمعة سخونة على خدها كملت تمشي حست بحركة في لغابة وجدت روحها و جبدت مسدس لي داتو لمهدي و هي هكداك و يجيوها رجال لابسين كامل لكحل
قال واحد فيهم : وأخيرا داركنيس شرفتنا ولات بين يدينا ليوم راح طيحي بعد كامل فعايلك في لمافيا كيفاه مرة كيفك يقولو عليها عزرائيل طحتي واحد مسمى عليك
طلقت كابتها و ضحكت بإستهزاء : ههههه مزال مزال حتان تشوفني ميتة و أفرح و راحت تجري معلبالهاش وين في لغابة تفكرت كيفاه علمها جدها تتخبى فوق شجر و كيفاه تتسلق شجرة طويلة في أقل من دقيقتين كانت صنديدة واحد مايقدرلها و بلعمليات لي خاضتهم وين جي هدي راحت تجرى بأقصى سرعة شافت لأطول شجرة لمت شوي حشيش و وراقي من لرض و بدات تتسلق وصلت حتان لخر حكمت درقت روحها بلحشيش لي جباتو من تحت
واحد من رجال : سيدي فقدنا أثرها مكانش وين راني أنا
....: كيفاه كانت بين يديكم محكمتوهاش 10 رجال كيفكم....
كانت مدنية راسها و تسمع واش قال من صوتو عرفاتو أدهم لي بيو يخطف لبنات و يبيع أعضاءهم كانت من أكبر عملياتها بصح للأسف مقتلاتوش هي لأنها متستقواش على شيخ إلا أنو جدها أمر رجالو يقضيو عليه... تنهدت و حمدت ربي سلكها و تفكرت جدها جاتها لغصة أول ما بدى يطيح ليل و هدات لحالة هبطت من شجرة تمشي مهدودة مراحش يخليوها فحالها نتموت خافت على عايلتها و قررت تولي لإيطاليا تموت هي و لتأذي غيرها
وسط هدا كامل مهدي تقلق عروقو بانت جاب رجالو يفلي في لغابة و حالف فيها شافو حركة من بعيد جرى هو و رجالو شافها جاية عيونها مغرغرين قشها مقطع و مخمج بلغرق شعرها طايح عليها و عرقانة خدودها حومر زاد من لهبو كي شاف شطر صدرها ظاهر مهدي : دورو منحتاج حتى واحد يخزر أسبقوني دك نجي
رجال : حاضر سيدي
راح مهدي لعندها يجري شافاتو من بعيد تبسمت و أول متقابلو جا يعاتبها طاحت في حضنو
-------------------------------------------
من جيهة وحدة خرى حسنة مقلقة على ولدها و ياسمين على خوها راحت عند جمانة تشكي لكمال هو خوها لي وقف معاها و جمانة صحبتها روح بروح راحت تكركر في ياسمين معاها دخلت ستقبلتها لخدامة و داتها لصالون. دخلت جمانة قعدت قدام حسنة و سلمت عليها ياسمين :طاطا واش راكي توحشتك
جمانة يمات مودة : لباس بنتي مام أنا توحشت حسك في دار أطلعي مودة راهي في شمبرتها
راحت ياسمين لمودة و حسنة بقات مع جمانة قاتلها على مهدي مش مالف يغيب عليها هكدا و بلا ميعيطلها و لا يقلها
جمانة : تعرفي خدمة مهدي ( مقلهاش كمال رجلها بلي دا تالين ينفذ في طلب مهدي) متقلقيش روحك هكدا دراري تاع هاد لوقت
حسنة : معليش أف نهار يولي نقلو يجي يخدم هنا حذايا علاه بعيد عليا مخليني أنا و ختو... سكتت و قالتلها : وين راهي تالين منيش نشوف فيها
جمانة : متفكرينيش عيشك هي تاني كترمن مهدي راحت قدام صحبتها تزورها يمات منبا مسقساتنيش و مطفية تليفونها كي بنك سكتت و دارت ليها مشوكية ..... ميكونوش 😈😂
حسنة : إيه صح كيفاه في زوج مكانش و تفكرت كي قالت لبنها جيبها تتعشا نطقت و قالت لجمانة : وكتا راحت
جمانة : نهار لي جات فيه عشية تبخرت كي خرجت أنا و بيها من دار و لينا قالتنا مودة راحت لصحبتها تبسمت إبتسامة تاع خبث و عيطت لمودة
------------------
دخلت ياسمين لعند مودة لقاتها دير في ليوغا خلعتها
مودة : حلت عينيها في سكينة تقول متخلعتش جيتي يا لهايشة
ياسمين : من ذاك نشك بلي أنت عبد مالف يخلعني مهدي نطير في سما و ننزل و انت متحركتيش يخي كتلة جليد يخي
قعدت قدامها و شافت مودة ياسمين مش على بعضها قالت بلاك غاضها لحال كي قتلها هايشة لكن ردها لا حتى حكتلها ياسمين على مهدي و بلي راهم محيرين عليه تبسمت مودة و كي سقساتها ياسمين قتلها والو غاضتها صحبتها حلفتها متقولش و حكاتلها عليهم فرحت ياسمين خطراكش من لول عجبتها تالين و زينها
صح مودة كثرمن ياسمين 3 سنين بصح تفهمها و تحبها و غير هي لتقدر تحكيلها على خاطر ليمات لولين بعد خيانة بوها لمها قعدو في دارهم 4 سنين حتان كبرت ياسمين شوي و مهدي راح لبيو لي داه بسيف على مو
علبيها كانت معاها و هي تكبر و هتمت بيها و ضك و هي داخلة للجامعة و مودة سنة ثانية إدارة أعمال تحضر في روحها باه تشد بلاصت بوها فارحة بياسمين كي عادو رايحين يولوا يروحو كيف كيف للجامعة و بلاك تالين تاني بحكم كلية طب تاني في نفس لجامعة و ياسمين راح تقرى أستاذة علوم طبيعية تحوس تقري في لجميعة و كيما علبالكم أغلب لجامعات يكونو قاسمين تخصصات لمليحة و لعلمية و يلموها في جامعة وحدة علبيها لا حبت تالين تقرى معاهم راح يكونو كامل في جامعة وحدة
هي قاعدة تفهم في ياسمين حتى عيطت يماها ناضت هي و ياسمين يحدرو يشوفوها واش حتاجت
جمانة : مودة أرواحي هنا
مودة : أنعم يما
جمانة : قليلي صح ختك معامن راحت
مودة بلعت ريقها متعرفش تكذب و خافت لكشما يديرو لختها و مهدي: معلباليش كنت في لجردة شفتها خارجة قاتلي رايحة لصحبتي يمات
جمانة شعلت عينيها في مودة : متستغباينيش نعرفك كي تكوني تخبي
مودة : صح صح...
ياسمين : راحت مع خويا
جمانة خزرت في حسنة و ضحكو
جمانة : تقدرو تروحو و حسابي معاك مبعد مودة كي خبيتي على يماك ولات تالين وليتي درقي عليها
حسنة فرحت و جمانة كثر منها و لادهم و أخيرا راح يستقرو شحال يندرو على بعضاهم من و هوما صغار و هوما يلعبو عروسا و عريس شحال يجو شابين كيف كيف
أصلا حسنة كي حملت لولة قبل متزوج جمانة بعام
----------------------نولو للماضي :-------------------
قالت لجمانة : إذا كانت طفلة نزوجها ببنك و إذا جا طفل تكون بنت أعز صديقة ليا عروستي
حمانة : روحي هاتي نزوج أنا و حبيبي كمال و مبعد
كمال: واش راكم تقطعو فيا
جمانة : أوه هو جا صامط
كمال : مع حسنة تقلي حبيبي كمال و قدامك مش منبا حبيبي و لا كمال ساك
جمانة : قاتلي حسنة. لجبت طفلة تديها لبنك و لجابت طفل نمدلها بنتي عروس
كمال:لا لا متخرجش عليا أنتوما في زوج مهابل مش قادر ولادي يزيدو يشيبوني ألوغلا ماتهم أنتوما
حسنة : حنا تفاهمنا بينتنا و أنت زيادة
أيمن : تحقرو في صاحبي في عقر داري
كمال: يحوسو يزوجو ولادنا أسمحلي أيمن أنا منزوجش يني و لا بنتي بواحد من ولادك حقا ربي نيهبلونا في زوج
جمانة ضحكت كي تفكروها و حسنة تبسمت بوجيعة كي سمعت سيرة أيمن 💔 واش دارو فيها بصح حباتو بزاف مقدرتش تزيد تبني حياتها مع غيرو برغم من أنها زلة و بعد مبقات وحدها كل يوم يخطبو فيها و يدورو بيها خطراكش نهار خانها مكنتش كبيرة كي ضك كانت شارفت على ثلاثين برك
--------------------
مقتطفات لبارتي لجاي :
داخل و مروة وراه حبس يشوف في طفلة هازا بوكي ورد حفيانة و لابسة روبة قصير.....
كيفها بكامل أنوثتها تبان صغيورة تهبل مالقري مشافهاش مليح بصح عجباتو فاق من سرحتو كي حكماتو مروة من يدو دز فيه ...
مكيش مربية باين رماوك في كلش بار حابك مهدي يتسلى بيك عاهرة تفو ....
ليوم غرس موس في قلبها و عرفت هي متسواش في عينيه كون جات تسوى ميديرلها هكدا
لبنات لبارتي لجاي طوييييييل و متماجينيوش شخصيات جدد و لأحداث لي راح تصرا أتفاعلو باه نحطو بالخف.
ننسيت نعتلكم دار لي فيها تالين و مهدي لي في لغابة :
لمساحة لخضراء لي دايرة بدار شحال شباب
لمكان لمفضل لتالين هي لجردة و لبارتي لجاي راهي دايرة حالة لورود 😍😍😍😍
لبنات شكرا على 100 فوت و إنشاء الله غدوة نزيدكم بارتي آسفة على تأخير و رجاءا كي تقراوها شجعوني ببآراءكم باه نكملها بلخف
و حطيتها على جال هادو :
أسمحولي بزاف طولت عليكم لكن غير نتوما لي راني نكتب على جالهم شكرا و نتمنى تعجبكم إذا كانت عندكم إقتراحات إنتقادات حطوها في كومنت و شكرا