لن اُكسر

البارت الثامن

لن اگسر

البارت الثامن
بقلم .. زينب الشمري

إجانه الليل
شايل كل مفاتيحه
ياهو القفله مايرهم عليه مفتاح؟
ياهو البابه صار سنين مامرتاح؟
المايلگه عرف مفتاح لجروحه
ايدور ليل ثاني يسهر بروحه...

❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️

طلع حاامد من غررفتة لابس فانيلة تعلااكة وشورت جووكي بس درت وجهي عناا بسررعة ..

كنبص يمي وايدة تتلمس خدي وكال .. كوومي سوويلي جااي وغمزلي ..

نترت ايدة بسررعة وكمززت رفعت سبابتي بتهديد .. شووف لك اذا ثااني مرة طخيتني والله اطيح حضك

حامد بأستهزاء .. ههههاي شسوويلي بلة وجتف ادية ينتضر جووابي

بلعت ريكي بصعووبة وبكلبي اكوول وينكم تعاالو شووفو شصاار وياي

حامد .. هااا يلة شسووين ماكتيلي تكتليني لوو لااا خااف اجررح مشاعيرج

عررفتة يقصد اخوواني نززلت دمووعي بكسررة وهضيمة والله هضيمة ابن عمي يذلني شكد عاار ..

حامد .. لتكلبيهاا دراما بسررعو اريد جااي لا اجيج وغمزلي

ررحت للمطبخ رووحي فاايرة فتحت مجر الكاونتر طلعت سجينة حطيتهاا ع الورريد ماكدر اتحمل الاهاانة والووحدة مستيحل مااكدر اقااوم الحيااة وحيدة ..

ضليت حااطة سجينة ذبيت حسررة طوويلة وكطفتهاا بعييد كعدت بلكااع وادية على رراسي .. ررربي مااكدر اكتل رووحي مااكدر ولااكدر انسااهم ررربي رحمتك ررربي ..

كاام يصيح ووين الجاااي كمت بكل ذلة سوويت الجاي صبيتة دكيت الباب كال فووتي ..

طبيت غررفتة فد مبهذلة ووصخة حطيت الجاي قرريب منة وهوة كاامش موبايلة ويررراقب تصررفاتي ..

ردت اطلع كال .. ناموو بعدهم

باوعتلة بمعنى شنووو .. ضحك كال رووحي رووحي اخخخ الله ..

طللعت بسررعة مااعرف ووين اضم نفسي خاايفة حييل منة لهل نذل اني جاان يجينة ماابلعة نووبة اكعد ويااا ..

شلت جنطتي طبيت لغررفة امة حطيت جنطتي يم الكنتور وحطيت مخدة وصاافنة اذكرر عزاز كللبي ..

اجة ليل وشيخلصة ليل تلتم بي كل الاهاات وحررام اذا عيني تغمض لوو تووكف عن البجي لوو عقلي ميذكرر الصار واليقهرر اكثرر ماعندي الاشكيلة اهلي محد يمي كلهم بلمگبرة وماعندي صديقة جانت ام عمار وهسة راحت وااحس رااح انفجرر من كثرر مااقهرر بروحي وااكتم ..

والله شعوور صعب تضم وتقهرر برروحك وماادري شووكت انفجرر على اي سااعة ..

ضليت كل اليل كااعدة لو اغاني حززينة لو باسم الكربلائي واكعد اسمع واحررك بروحي واشووط لله واررجع ..

اذن الصبح نزعت السماعات ورحت تووضيت
وتوجهت لرربي بكل خشووع طالبة منة يطفي ناار البكلبي الشااعلة ويصبررني ويخلصني من حاامد وكرريمة ..

كعدت ام حاامد صلي .. هاا يمة كااعدة لسة
.. جا ووين ارروح

هززت براسها وتوجهت لربهاا رجعت حطيت رراسي والسماعات بذني لمن غفيت ..

اجت ايدد تخضني خض فتحت عييني بهللع .. شكوو شصااير

كررريمة .. كوومي كاافي نووم تعااي ترريكي بساااع

مدين .. عمة عووفيني نعساانة

كرريمة .. نص سااعة واجيج الكااج كااعدة

راحت ورجعت رراسي نمت بس خاايفة خااف تجيني كللساع اشيل رراسي اشووف
ساعة بيش لمن صارت تسعة ونص كمت بس مطفية امشي اطوطح غسلت وجهي طلعت صاار بووجهي حاامد تجاهلتة امشي ..

حاامد .. اوويلي ياابة

غلست عنة ورحت للمطبخ كعدت يم ام حامد وكرريمة ام حامد سووتلي لفة بيض كلت شووية ورجعتهاا ..

كرريمة .. غسلي الماعين بدربج (بنبرة تأمر)

باوعتلهة استغفرت الله وكمت غسلتهن ردت اطله كالت وين موبايلج جنت حاطة سماعة بذني جررتة وخذتة ..

وام حامد كالت عدي مخزن فووك اذا تردين نشفي وكعددي احسلج ..

صعدت اغرراضي جاان مهووس عدلتة ونضفتة وسديت الباب وكعدت اصفن على الحياطين وعلكت صورهم مقابيلي ابووعلهم وااذكر ..

يمكن صاار بية تووحد وومرض نفسي لامووبايل خذتة هيج من دوون سبب و صاافنة واابجي وااضووج اذا اكعد يم احد كلة بهلغرفة صااحتلي كرريمة اسووي غدا بس ام حامد ماقبلت كالت اني اسووي اتغدو كلهم واني بس انقش واذا اكووم كرريمة تستلمني .. ماايعة وتددل

كملوو اشرتلي اغسلهن غسلتهن وصعددت لليل كذلك صعددت واني احسبلهم صاارلهم 10 اياام ماشايفتهم كللبي طااك علليهم حتلوو بطيف بس اشووفهم واشمر روحي بحضنهم بس حض بعدد انحررمت من كللشي صررت ذليلة ..

البيت هدووء وبس اني فووك انام حسيت بخطووات ع دررج غلست كلت يمكن واحد منهم ..

قرربت الخطوات وصاارت باب الغررفة وخيال واحد بلباب يدة الباب تحركت على كييف انفتحت ودخل حاامد ..

علسريع شلت شاالي ع راسي طب وهوة يسووي اششش اششش ضلليت صاافنة وابللع بريكي همست بصووت متقطع .. شش.. ترر..يد

حامد بغرور .. اريدج الج

صاار يتقدم الي بخطوة وارجع اني بخطووة ودكاات كلبي تقررة 10000 رفعت سبابة واني احاول اهددي ..

مَدين .. حاامد بت عمك اني بت عمك عررضك وشررفك حامد لاسووي هييج حاامد

حامد .. انسمط جد حاامد على هلخلقة لج من تبجين وعيوونج يصيررن حمرر ورمووشج التنكع وددي اكلج بس ليلة وحدة وبعدين نعقد وشغلنا كلة حلال يصير ..

مًدين جررت دمووعي بسررعة .. لاا حاامد لاا مستحييل اني بت عمك شبيك لييش سووي هيج حبااب لااا ..

جاان بس يعض شفتة ويباووعلي اتقرب اكثرر واني كلبي كمت اسمع دكاتة احسة راح يطلع فتحت حلكي ارريد اصيح بس جاان اسررع مني مدد ايدة سكتني وحصررني بلحااايط ..

واني احس روحي رااح تطللع غمضت عيووني مااريد اشووف الراح يصير بعد ايدة وبسررعة خذة شفايفي واني ودي اتقيئ اددفع بي بس جاان اقوة مني شلت رجلي ضرربتة اسفل بطنة ..

بسررعة ابتعد عني وهوة كاامش بطنة كال .. اشتعلوو اهلج

حطيت ايدي على كللبي وشرردت من غررفة ركضت لامة احتمي بيهة ..

طبيت وجاانت كااعدة تسبح بسبحتهاا كعدت يمهاا كمشت ايدها بتووسل ..

ام حاامد .. شبيج يممة منوو ويااج

مَدين .. خالة هذا هذا اببنج

ام حامد دكت على صدرها .. شبي ابني شسووة

دنكت رااسي متفشلة استحي اكولها هيا فهمت وكالت .. الله بلاني بولد عااق يااما انصحة اريد اوجهة لطريق صح ميفيد اعتدة علليج ..

مَدين .. شرردت

ام حاامد .. اخخخخ ربي محد كادر لهلبزر يممة والله مااكدرلة ونووبة شاافج شيكعدة ويسكت

مَدين .. يعني شنوو

ام حاامد .. ضلي بغررفتي لطلعين ابدد لاترراوي طووولج ماشي لمن الله يفررجها

كامت تتضوة صلي صلاة ليل واني احجي بيني وبين نفسي شهلمخلووق محد كادرلة رربي خلصني منة اذكررت من باسني مسحت شفايفي بتقزز منة ..

لووو اخواني وابووية يمي يجي هذا صرصور هييج يسووي بية لاا والله ..

اجت ام حامد صلت وكملت اشررتلي اجي يمها نمت على رجلهاا وضلت تقررة قرران على رااسي لمن نمت ..

ثاني يووم من صبح مالكيتة طاالع واذا مااشتغل كرريمة تاكل رراسي اكمل شغلي  واكعد بغرفة ام حامد ..

لحد مامر قررابة الشهرر اني خدامة بلبيت اشتغل تحت اووامر كرريمة منا ومناا اكمل واطفرر لغررفتي اقفل الباب واكعدد ابجي ماعدي غيرر دمووعي تشكي حاالي ..

اهلي ماراحميني ووين ارروح وحاامد بس مرات ع غدة يكعد واني اشررد للغرفة اقفل الباب وبليل ميجي لوجه الصبح وبعد مااجاني من هذيج المررة ..

مشتااقة لبيتناا حييل موو شلوون ماجان مشتتااقة لكلشي لاهلي لبيتنا لاشارعنا لجيرانة خصوصا بيت ام عماار لزيودي اخووية لدرراستي الرراحت جان ابووية يتمناني دكتوورة واني مستحيل اصيرر لان فرع ادبي بس هوة جان يكلي هييج حتى يررفع معنووياتي وشي جان بالي قانون بس ياقانون هذا ..

طلع اربعينهم سووتة كرريمة وحامد لمو بينهم ورجع الطم والضرب عليهم واني بحاالي المكسوور تجيني كرريمة تكلي اطلع الفلووس من عيوونج ولاتكول اخووها ولد اخووها ..

اجوو كرايبنة من عشيررة يشوفوني همم وكريمة كعدت تصبغ بروحهاا كبالهم .. ماخليها شيل الخاشوكة اكلها عمة رووحي رتااحي الصارلج مو قليل ..

تحجي واني صاافنة على جذذبها استغفرر الله ..

لحد ماطلعوو ورة يوومين راحن كرريمة وام حاامد للكاظم ماقبلت كرريمة اروح وياهن ..
وام حامد انطتني 20 الف كالت اخذيهن خااف يصير وياج شي حطيتهن بجيبي ..

و بقيت وحدي بلبيت خاايفة حييل وهناا طلعن ويا صلاة الظهرر حامد هلاياام مختفي حتى ميجي للبيت وهذا شي مريحني مناا ..

لليل محد اجة كااعدة صاافنة عطشت رحت انزل اشررب مي انفتحت باب الشارع واني خرطت العافية طب حاامد يطوطح سكرران ..

ذبيت الكلااص وشردت شوو هذا رركض ورراي ويصيح لج كح... تعااي اليووم **** والله ..

من الخووف رجلية بلكوة وصلني للغرفة ردت اسدهاا وهوة طب يدفع بلباب واني وراها دفعهاا حييل واني ..

وخررت عن الباب بعد ماجريت المفتاح  هوة عثر  كاام وهووة مدري شيخررط سكرران .. اليووم اخذج يعني اخذج .. رجعت ليورة وهوة ..

متوجه الي بثقل يمشي بسررعة تعديت من يمة وطلعت سديت الباب وقفلتها من بررة نزلت بسررعة ماعندي حل غيرر انهزم واحافظ على شررفي واطلع ..

ركضت لغرفة كرريمة اني اندل موبايلي بس ماطلعتة جان ويا مفتااح بيتنة خذت المفتااح وطلعت

وكفت بلباب ادور نعالي ودمووعي على خدي واسمع يدك بلباب ويصيح فتتتحي لجج كح..، فتتحي تشردين مني مووو فتحي ..

وكلام ماافهمة وهوة منا مكبسل كلشي مافهمت لبست نعال بلمكلوب ودكات كلبي تقرا 1000 فتحت الباب واني اريد انهززم طلعت اباووع منا منا  ...

وين ارروح وين انطي وجهي ماعدي غير 20 الف طلعت للشارع العام واني احاول الف نفسي عن نضر الوادم وكفت على رصيف خاايفة متوترة ..

مشيت مساافة مااندل هوواي بلمنطقة وبيتنا كلبي مينطيني اروحلة ساعة 10:30 حااايرة شفت صور شهداء معلكة على تيولة مال كهرباء ذكررت اخوواني نزلت دمعتي واني اكوول وينكم عني عفتوني ورحتوو متكوولون شلون انعووفها وحدهي ..

اختنكت حييل وغصة بلعوومي قووية وكلبي قابضني .. غمضت عيوني باسئ اجرت تكسي رجال جبيرر انطيتة عنوان بيتنا ولو كلبي مينطي ارروح بس مجبورة ..

كلما تقررب السيارة اكثرر تنزل دموعي بغزارة وصلنا براس الشارع وكف الرجال ـ بنيتي هذا العنوان ..

ـ تسلم عموو هاي كروتك
ـ خليها بنيتي ليش تبجين محتاجة شي

ـ لاعموو تسلم تفضل ..

انطيتة خمسة الاف كروة نزلت واني الخنكة والعبرة بلعوومي ماعندي حل غير دموعي التنزل امشي واتذكرر ايامي ايام الطفولة والمدرسة ..

وصلت لقريب بيتنا الصاير اظلم من يوم طفت شمعاتة كعدت بلكاع وصرت اعتابهم ـ ليش عفتووني ماخذتوني وخلصتووني من هااي دنياا ليش هيج ..

مديت ايدي بجيبي طلعت المفتاح اريد افتح الباب كمت على حيلي استند بلحايط رجعت طحت على ركباتي واني احس روحي مكسورة مضلومة ..

حاولت مرة ثانية اكوم وكفت على حيلي حطيت المفتاح بقفل الباب وايدي على كلبي فتحته طبيت وبسررعة سديتها انجيت على الباب واني انزل للكاع لميت رجلية لصدري واشووف معالم بيتنة الندفنت ويا الراحوو وخلووني مترووس تراب ودنيا ماطرة وصاير طين صررت اتذكر جان كرار يجيب السمج ونكعد اني وياا بلطاارمة نحط المنقلة ونشووي ..

وفقار يحط الخيار والطماطة وطرشي يسووي زلاطة وابووية يكعد يبااوعلنة وعيونة كلهن فررح ..

صرت ادك والطم بخبال عفتووني يم غرربة وخليتوو بس ذكريات بالي اخخخخخخ يابووووية اخخخخ ..

كمت واني اتوجى عل حايط وبين كل ثانية اتشاهك وصلت لباب مطبخ فتحتة واشووف مكانهم هزيت راسي بعدم رضا للي صار طبيت للصالة واشووف بس الصور باقية علحيطان وانفجررت بخبال صياح ولطم ..

ضلت بس صورهم ..
مانعرف خبرهم..
راحوو من ادينة شكد بجينة ..
ومايرجعون والعشنة بهواهم
اذونة بجفاهم راحووو
من ادينة شكد بجينا ومايرجعون

شي ناايم على صددري رراح امووت مااكدر مااتحمل اذا اضل اكثرر كمت سديت الباب وفتحت باب شاارع صاار بوجهي زيد وياا اصدقائة شاافني فتح عيوونة .. ميمة

ركضلي واني هم حضنتة وانفجررت بلبجي وهوة يهدي بية طببني ليجووة صااح .. يمممة يممممة تعااي بسررعة

طلعت ام عمار مهلوعة شاافتني ركضت .. ميمة يمة شووو حبيبتي

ركضتلهة وهم شمرت روحي بحضنهاا واني ابجي ارريد احجي مااكدر دمووعي تشكي حاالي ..

طببتني ليجووة جابتلي مي اجة عمار مصدوم وابو عمار كلهم التموو يمي ..

ابو عمار .. شبيج بابا منو ويااج ؟
ام عمار .. حبيبتي احجي شبيج شلوون اجيتي وندك عليج ماكوو

مَدين .. خذوو موبايلي

ام عمار .. ليش؟

مَدين .. ماادري بس مااريدهم يمة مااريدهم

ام عمار .. ياا وللج كطعتي كللبي احجي شصااير

مَدين .. ماااريدهم

باوعت ام عمار الهم كمشت ايدي ورحنا لغرفة وكالت لحد يجي ..

ام عمار .. هااي وحدنا بس كليلي منوو ويااج

مَدين .. كوو...للهم

ام عمار .. شسوولج

مَدين .. الحقيرر حامد راد يع..تدي عللية

لطمت على وجهة معززاية يايمة خو ماسولج شي ..

.. لا شرردت وهااي جيتي مناك

.. يكلبي الله لايوفقة انشالله تعاي

دنيت يمها وصاارت تمسح ع راسي مااكدرت احجي شي بلعوومي وااكف وتهيجت كلشي من جديد من طبيت لبيتناا ..

للصبح كااعدين وام عمار خطية تسولفلي واني بس ابجي تكووول شكد دكينة علليج حتى لبن عمج رحناا وماقبل نشووفج اللع ينتقم منة و ضلت كااعدة يمي ماعافتني صارت ساعة 8 صبح كاامت سوتلهم ريووك

وااني كااعدة طب زيد شاافني وطلع اندكت الباب مااعرف منوو اجة بس كلهم كعدو بالاستقبال نص سااعة وطب ابوو عمار مدنك على سبحتة كال .. بووية راح يعقد عليج ..... يتبع

شفتوو شلوون من تتفاعلون ادللكم وشلوونها القفلة اليووم 😉

اكو رواية اسمها ايهم للمبدعة سارة المجيد اقروها هذا الرابط https://my.w.tt/OatTAJM0S8 تلكوو بحسابها اذا ماشتغل الرابط

شمرن عشر تعاليقات وصوتن وطلعن حاكة كررسي بلباب خنشووف منو المصووت لو متعلق 😤😒

❤️❤️