بقلم الكاتبه((Ali flower))
يـ ربي
هدومي مو تابوت
يـ ربي جدامي مو زاتوت
يـ ربي الـ يا وكت چم دوب
أموت هواي بس ما أموت!
لا تطلـع ولا تنبلـع
غصهَ بـوسط صدري •
خدران كلي من التعبِ
ميت ؟ عدل ؟ مدري🍁
---------
نمت علئ السدية وطلعت بطني واخذ يفحص وهم حيل يضغط علئ بطني بنفس الوقت الم عندي من يضغط علئ بطني وتكش نفسي لن يخلون جلي وبارد ويضغوطن
رجع لبس النضارة وتقرب كلش من الشاشه اسمعه يحجي انكليزي الي بصفه وهيه تكتب اخر شي مااعرف شنو حاجها واجت يمه وهم استغربو
ابو السونار التفت عليه وعاقد حواجبه ومستغرب
:- انتي اشكد الج بلحمل
بتول: اليه 40يوم و10 ايام
:-والله مااعرف شكول الج بعد 20 يوم وتعالي حتئ نتاكد من السونار
… ..طلعت
همسه: ها شكال الج
:ماادري كالي بعد 20 وتعاي
همسه: خل ادخل عليه اساله انتظرني _
دخلت عليهم مخلي ايدة جوه حنجه ويباوع ب الاوراق وهاي الي بصفه تحجي معا اسمعها اتكول اله__حاله غريبه اول مرة انشوفها
دكيت الباب عليهم التفتو اثنينهم___اني اخت الي هسه جانت هنا
:-اخت بتول
:اي
:-اول حباله الها لو عدها من قبل
:لا اول حباله الها __عفيه شبيها
:-والله ماادري اشبيها انطيناها موعد وتجي علئ الموعد
:بس خوفتني دكتور شبيها
:-لا انشاء الله ماكو شي بس تعالو علئ الموعد بعد 20 يوم
:انشاء الله_ماانطوني اي جواب حت قلقوني عليها طلعت لكيتهن كاعدات بس بتول حتئ شكل وجها اتغير ملامحه
بتول: اكلجن اني تعبانه حيل وبعدنه مشايفين اخبار علي خل انروح للبيت
همسه: خيه غير حامل هسه انجيبلج شي تاكلينه وانروح
فاطمه: اتاخرنه هواي وعمتي مااتقبل عليه والله كوة عليها خلتني اجي
همسه: خطيه بتول تتنسه والازم انجيب الها شي تاكله حتئ وجها صار اصفر لا توكع علينه
بتول: ابدا ماارريد اي شي بس خل نطلع بديت اختنك
اخذنه تكسي ورجعنه للبيت
ام احمد: الحمد الله علئ السلامه
بتول: الله يسلمج هم حاجيتهم علئ علي
ام احمد: اي الكبد ماله مزرف والازم عمليه
فاطمه: طكيت ع خدودي يع منين مزرف
ام احمد: بعصبيه صارلج 4 ساعات ماكو وين جنتي عفتينه بدون اكل
فاطمه: عمه جا غير مع بتول
ام احمد: ناخيتج بتول معاها شنوووو اشو اطلعين بكيفج
فاطمه: لا عمه بس شلون اتروح لحالها
ام احمد: مخلفتها انتي وناسيتها متكفله بيها انتي جنايني ولا وحده بيجن بيها خير
بتول: بقيت مصندة سكته استحيت اني هم ورطت فاطمه معاي __ام احمد فدوة اروحلج اني ردتها معاي
ام احمد: لعيونج بتول سكتتت الها والله هيه ماينسكت الها اتطول رجلها اتكوم تطلع وتمشي بكيفها
____
مومل: طلع الفجر واني كاعد ابدا مانمت… .
نزلت مع طلوع الشمس الناس توة فتحت محلاتها وهاذه الي جيب الريوك… .دفعت اجار الفندق وصعدت السيارة ورحت علئ باب بيتهم صارت ساعه ب 7 الصبح وهمه ماكو بقيت منتظر لحد الساعه ب 10 وطلعت وهوه معاها
دك جهازي… باوعت هيه… هلا
انعام: صباح الخير ابني
مومل: صباح النور
انعام: وين انت
مومل: هنا
انعام: قريب لو بعيد عن سوك الذهب
مومل: لا والله شويه بعيد
انعام:لعد منتظرتك ب سوك الذهب لا اطول عليه
مومل: دقايق ويمج… .
امشي وراهم شويه شوية صعدو السيارة وشخطو بيها وطلعت وراهم
________
احمد: بين النايم والكاعد__حراره كلش قوية بجسمي حسيت اكو شي دخل ب كلبي مثل الرصاصه بسرعه خليت ايدي علئ كلبي __اندك الباب
باوعت للساعه ب 7 الصبح اني اليوم هنا يعني ماطلعت مع الفوج ابدا مافرحت ايدي علئ كلبي وكلش الم قوي كمت وفتحت الباب
دخل يضحك
الرائد: ههه سويت كل الخطط علمود ماتروح انت اليوم بعد ننتظر القيادة الثانيه يله ترافقها انت ال تكريت
استغرب لن مجاوبته فتحت الباب ورحت كعدت علئ السرير وكلبي الم مو طبيعي حتئ تشجنت مااكدر ارفع ايدي
:بيك شي احمد
:-كوه. حجيت سيدي كلبي يوجعني الم مو طبيعي
:تحتاج دكتور
:-سيدي ابدااااا مامرتاااااااح
:احمد جاي اتحس انتصل علئ دكتور يجي
من بعدها فقدت اعصابي ومااعرف اصار معاي حتئ الم كلبي راح او خدر ماحسيت بي اني واعي وااشوف شكاعد اسوي بس مااسيطر علئ نفسي
كمت ودفترة وصحت برااااااااااااا اطلع براااااااااااااااا بعالي صوتي حس العمارة الي احنه بيها ارجها رج بصوتي
دفعني…
رائد: احمد احمد شبيييييك اتسودنت انت
:-صحت حيل ماااااااااااااااامرتااااااااااااااح وشكيت الفانيله الي لابسها بنص علئ صدري
رائد: احمد
حاول__اشكد يلزمني مااكدر صار عندي مثل الريشه اهف الرائد يم الباب ويرجع عليه يركض اني داشوف نفسي بس مكاعد اسيطر اكو شخص ثاني استعمل جسمي
واصرخ انعاااااااااااااااااااام وللللللللج انعاااااااااااااااام
رائد: عيب احمد ولك منو هاي انعام اشبيك
وخرررررررررررررر اكللك وخررررررررر شتريد مني كتل تعااااال اكتلني يله تعااااااااال ابن ابوك وصدك زلمه اذا اتمد ايدك عليه
ابتعد الرائد وكل العمارة بيها 3 طوابق وبس الضباط الخاصين بيها كلها اجت الغرفتي واني بنصهم اصيح حاولو اشكد بس يلزموني الي يلزمني اشمرة
تضايق منهم حيل صارو هوووواي بلغرفه
لا ااااااحد يتقرب من يمي والله العظيم والله العظيم اكتلكم كلكم
جندي: سيدي اخاف سيدي احمد شارب
رائد: لا اني اجيت يمه مابي شي اول بدايه بعدين صار بي هيج
ابتعدووووووووو ابتعدووووو وكمت ادور بلكنتور و جوة الفراش همه كلهم مبتعدين عني ويباوعون عليه
رائد: عليمن ادور
:-اكلللك وخرررررررر عنيييييي وخررررررررر شتريييييد منيييييي مدكلييييي شتريد كاتل امممك اني كااااااتل ابوك بليتني بلللللللوه شتررررررريد كلللللي
رائد: قسم ب الله اتسودن هاذه الرجال
ضابط مهيمن: سيدي المنظر الي تعايش معا ضابط احمد ايسودن الواحد اخاف صارت عندة كئابه وصار مسودن
رائد: شايف هيج حالات انت
ضابط مهمين: الاف الحالات هيج سيدي هم عدنه واحد مثل ضابط احمد لن ابوي انكتل كدامه صارت عندة هيج حاله
صاح جندي دير بااااااااااااااااااالك سيدي
طلعت المسدس وخرطته واقنصت علئ سيد رائد
رائد: لا لالاااااا دير بالك احمد لالا
ضابط مهمين بسرعه شرد وباقي الضباط كلها شردت
بقو ضباط 2ومعاهم اجنود 4 اربع
اني موجه المسدس وكل عقلي اريد اكتل سيد رائد خلاص اموته
بس مو بيدي اني اشوف نفسي موجه السلاح بوجه سيد رائد بس مو بيدي اي شي
اجه واحد من الجنود ولزمني من ورا
اتعاركت معا واجو لزموني كلهم كمت مااكدر الهم معارك اني وياهم لزموني وخلوني بغرفه مابيها اي شي بس بواري مال ماي
___________
وائل: اكرم علئ حالته كلت احسن شي اكول ال عمي يبقه يم بابا واخذ اكرم للبيت
طلعو بابا وهوه كلششش تعبان حتئ مايكدر يحجي
اخذت اكرم للبيت مجتف كوه نزلته من السيارة اسحل بي سحل
ام احمد: يممممه اشبي ابني
وائل: يمه ترة والله تعبت صحيلي البنات يساعدني ناخذ اكرم
فاطمه: اكوه شلناه اني و وائل للغرفه كام يصيح بصوت عااااالي بس مايحجي يكول اااااااااااااااه او اييييي اغوووو هاي كلمات اكرم ___وائل شوفه شبي كام يصيح ورانه
وائل: بس حضريلي استكان جاي هلكت تماما لو الله ياخذ عمري مو احسن __طلعت الجهاز اريد انتصل علئ احمد اتذكرت هوه بلدوام __اخاف اشغل باله لو ماينطونه اجازة
فاطمه: عليمن اتريد ادك
وائل: علئ احمد شدكولين
فاطمه: اخاف تشغل باله وهوه بلدوام حتئ مايكدر ينزل
وائل: محتاجه حييييل تعبت انوب والله كلشي مااعرف مو مثله كلشي يعرف
سمعت اكرم صاح اغوووو
فاطمه: وائل كوم شوفه شبي من جبته انت ساكت ليش يصيح
وائل: ليش مترحين انتي
فاطمه: ماينطيني كلبي اشوفه بهيج حاله واخاف
كام وراح لاكته بتول
بتول: ها عمي الله يساعدك
وائل: ويساعدج عمه
بتول: شلونه ابوك
وائل: اشلونه عمه علئ وضعيته بس من طلع من العمليات تعباان كلش حتئ مايكدر يحجي والدرار ماله يمشي دم
بتول: عمت عيني اكلك عمه فدوة انريد انشوفه متاخذنه اله معاك
وائل: عمه مو هسه من يصير زين يله تجن هسه ابوي تعبان ويتعب اكثر اذا اجا واحد خليها منا ال 3 او 4 اني اخذكم
دخلت علئ اكرم اشوفه يصيح ودموعه علئ خدة
اتذكرت من كالي اني اشوفكم واسمعكم بس مو بيدي شي
:اكرم هسه انت تعرف كلشي
يباوع سكته
::تعرف اني تعبان تعرف اني محتاجك حيل صارلي يومين اركض يا يمك يا يم ابوي بس اكثر شي يمك اخاف يكولون عليك اتسودنت
طاحن ادموعه سكته
::شتريد اتصيح وراي
باوعت كومته كوم شفته مسويها علئ نفسه
ليش يااخوي اتسوي بنفسك هيج بجيت طلعت باوعت برة ماريد احد يعرف اكرم مسويها علئ نفسه
واريد انضفه بس اشلون يشوفوني _____فاطمه فاطمه ومطلع راسي من الغرفه وساد الباب
فاطمه: هااا
وائل: بسسسرعه اريد اروح الابوي بس جيبيلي اي قطعه ماتردينها وجيبي صطل مال ماي
فاطمه: عقدت حواجبي شتريد بيهن???
وائل: اريد اسبح بسسسرعه ولج
فاطمه: اشبيييك اكرم وين تسبح حمام موجود واسبح بي
وائل: اريد نسبح اثنينه اني و اكرم بس استعجلي وعوفج من الاسئله بسسسسرعه
حضرت السطل مال الماي وجابت قطعه جبيرة
فاطمه: بس وائل شلك بلقطعه الجبيرة
وائل: تردونها لو لا
فاطمه: لا مانريدها بس شلك بيها
وائل: شغلي مو شغلج انطيني ورحمه الله والديج بس جيبي النه ملابس
كومته كوم نظفته بلقطعه الجبيرة وسبحته وخليته علئ الجيه الثانيه وخليت القطعه بعلاكه وشمرتها من شباج الغرفه يطلع للسطح مدام انضف بي وابجي وانوب ابوي شالع كلبي عفته بوحده
منين اجتك ياخوية هاي السالفه خليها حالتك هيج بس مال اتسويه علئ نفسك لا شسويلك ياااكرم وارجعك اكرم قبل
اندك الباب اخذت الملابس وسديته
فاطمه: وائل هاك هاذه العطور
وائل: ميحتاج
فاطمه: وائل انت ضميتها بس الريحه تفضح شميت بلغرفه من فتحتها ريحه ماااريد اكول شنو من ريحه اخذ العطر وعطر اكرم والغرفه خليت العطر بلباب وطلعت
دخلت بااايام الله لا يراويها الاحد عرفت اكرم مسويها علئ نفسه… ..مو خطيه رجال جبير يسودنته بسحورتهن ولا يهمن حتئ خلنه يسويها علئ روحه عساهن بذمتهن
طلع وائل: فاطمه ديري بالج علئ اكرم
فاطمه: والجاي الي طلبته مخدر وجاهز
وائل: لا ماريد شربت حبايه برستول بس خليج كل 2 دقيتين وتعاي شوفي اكرم
فاطمه: خوش
وائل: اروح اني امن
فاطمه: روح مالك حايه
ريماس لليل مع نهار تعلب بجهازها سوت كل هاي المصايب وعافتهن اما نور تبجي علئ ابوها وكل يوم تسال شلونه بابا
ريم محد يمر عليها ولا واحد يطمن علئ اخبارها اول مصيبه هيه مصيبه ريم بس نسيناها
نسرين: هاي الايام معصور كلبي مااعرف ليش ابدا مامرتاحه احمد من هذيج للليل دك عليه وكالي تعاي بس بعد ماانتصل عليه ولا سال اتشاقيت الهم اريد اروح لن روحي ابدا مامرتاحه
كاعده يم بابا
ابو نسرين: شنو بابا زوجج وين
نسرين: بابا يمكن بلدوام
::شنو بنتي يمكن بلدوام مامتكدة لو متاكدة
:ليش بابا صاير شي
::كومي يبه شوفي زوجج انتصلي عليه ترة الاخبار هاي الايام مااطمن بزين
:اخذت االجهاز وانتصلت عليه ماكو مغلق جهازة
بابا جهاز احمد مغلق
::من شوكت ابنيتي حاجيتي
:قبل لا يروح الدوام بيوم
::هسه اني اشوفه
:فدوة بابا اشبيها الاخبار
::بنتي الاوضاع مو زينه دخل ارهاب يسمونه تنظيم داعش
:شيسون هذوله??
::بنتي يكتلون ب العالم هسه اول دخول الهم كاتلين مدري شكم واحد شهيد ب الانباار جايبين
صحت ولطمت ع اخدودي___بابااااا فدوتك احمد معاهم
هوه نز وطفر اشبيج خلستيني وييين احمد يداوم
::كمت ادك علئ اخدودي واكول والله احمد يداوم معاهم احمد معاهم يداوم ب الانبار يمه احمد صار شي بي والله اموت معاه كلشي ولا احمد
:اشبيج روحي ادعيله اقري قران لا تتطلمين يمي
::خيه التفت علئ اختي واني ابجي وادك علئ اخدودي خيه اخذوووو والله الازم احمد كتلو كلبي حاسني بي شي
الاخت: بابا انتصل علئ عيالها الازم عدهم خبر عن ابنهم
الاب: بنتييي اشلون انتصل عليهم هم ارعبهم انتصل علئ ابن خالتج هوه يداوم معاهم بلفرقه اساله
بقه بابا ينتصل منا ومنا خليته يتراجف لن كمت ابجي واصيح
هوه ارتبك بقه يتراجف انتصلنه علئ ابن خالتي هوه هم يداوم بنفس المقر
:-هلا عمي
:اشلونك ابني شخبارك
:-والله عمي شخبارنه اكيد كاعد علئ التلفزون والاخبار يمكم احنه بس انحارب كلشي مانعرف
:اشلونكم انتم
:-والله عمي الخوف يطكطك بسنونه شنو يطلعون الاخبار
:والله ابني ماريد اخوفك مايطلعون شي زين يكولون كاعده اسؤ هنيالكم يابه نشامه انتم
:-هاذه الكاتبه الله النه شنسوي غصبن ماعلينه
:اكول عمي هم تعرف اخبار عن احمد اشو نتصل بي وماكو
نسرين: مخليه اذني مع اذن ابويه واسمع
:-عمي قبل يوم صار هجوم عليه من التنظيم
هوه كال هيج واني كلبتها بلصياح حتئ الجهاز طاح من ايد بابا وكمت ادك علئ صدري
الاب: من انعل سلفه سلفاج يابنت الكلب خرعتيني وللللللج هوه شكال حتئ ماسمعته من همداج ضلي ضلي اصيحين تاليته الصياح ماينفع ب شي ترة
اخذ الجهاز وهوه يحجي عليه اخذتني مرت اخوي و اختي وامي وخلني بلغرفه وسدن الباب عن لا احد يسمع صوتي بقن يهدن عليه
نسرين: كوووومي كومي ماما شوفي شيكول ابني خالتي الابوي والله احمد بي شي كلبي حاسني
دخل بابا
هاج: ياحيوانه حت اذني طورشتيها كوه ااسمع الزلمه الكلمه يعيدها اليه ب 10 مرات يله اسمعها عدل
زوجج كلشي مابي والواجب اليوم هوه يطلع التكريت بس مطالع
:جا اشلون يكول تعرض للهجوم
:-اي اول البارحه متعرض بس طالع منها سلامات واليوم مخلين اله استراحه مايطلع
:بابا اريد اروح العيالي
:-دسكتي ابنيتي يرجع زوجج من الدوام ويجيج
:لا يرجع تعبان وعمي مسوي عمليه الازم اروح
مثل ماتردين طالع للكراج اشوف سيارة واجي حظري روحج هم عيب الازم امر علئ عمج اتحمدله علئ السلامه
_______
احمد: كمت اكسر البواري مال الماي بس حديد مااكدر الهن احس حتئ اصابعيي اتكسرن علئ كد مااضرب ب البواري بوكسيات واصيح افتحووووو البااااااب افتحوووو
مهيمن: سيدي الرائد هاذه اتخبل والله
الرائد: انشوفه من للعصر
مهمين: سيدي يااانشوفه والله الرجال اتسودن
الرائد: انخلي لليله هنا وباجر اخذ البيت اهله تندل عنونه
مهمين: اي اندل عنوانه
_________________
مومل: طلعت للمحل كدامها ونزلت واجيت اتمشه ع المحل
الزلمه: والله سودنته الج وبعد مستحيل يجيب اسمج بحرف لو اسماء اخواته
انعام: فدوة اروحلك بعد كلبي
شافتني واكف يم المحل
هاااا عيني مشكور ماقصرت بس جنهن غاليات اذهباتك
هوه طفر من يمه واتقرب منها
:والله قتل واضمه بعيد يعرف بسالفتنه لو لا
كال هيج ولونه مخطوف
انعام: بخوف لا وين يعرف بسالفته حتئ هوه غريب مايعرفه وخرررر عني وخررر لا يشك بينه
:-ها عبالي من كرايبج ويدري بسالفه كلت والله ادفنه هنا ومحد يعرف بي وين
انعام: يله عيني مشكور علئ غير مرة انمر من يم محلكم واغمزت اله
:-اهلان وسهلان بيج اشوكت مااجيتي
انعام: يله يمه انروح اشعندك واكف اباب المحل جان انتصلت عليه واني اجيك التفت عليه بعدين وين عرفتني اني بهاذه المحل
مومل: هاا خاله لا شفتج دخلتي بي واجيتج
انعام: شفتني لحالي لو معاي واحب من دخلت
مومل: ماانتبهت شفتج انتي بس
انعام: هاا يعني ماشفت احد معاي
مومل: مدري ماشفت اني من ديورت السيارة شفتج دخلتي واجيتج
بيدها علاكتين ومخليتهن جوه عبايتها صعدنه
انعام: بسم الله يله نمشي
مومل: طلعنه للناصرية واني دايخ بيها___شنو الي سودنه مو اسمعت من كال الها سودنته بعد ميجيب اسمج ولا اسم اخواته
مااعرف هسه هاذه سحار لو صاحبها اشلون باتت معا
باوعت من المشوفه الكداميه بقيت صافن بيها
________
بتول: كلشش انتفخ جسمي زيادة عن الزوم كوم امشي وحت بطني انفخت حيل الي يشوفني يكول بشهر 8 ثامن واني بعدني توني دخلت ب شهر 3 ثالث وكلشش خايفه
رحنه شفنه علي انتبه عليه اني بطني كبرانه
علي: ماااريد اشوفج روحي الاهلج ماريد اسوي فضيحه كدام خلك الله
يحجي هيج واني مدنكه عليه
علي: وخرررري انفاسج طخت ب انفاسي روحي عني وخري
بتول: علي….. قاطعني
علي: لا تفورين دمي واني مريض اكلج امشي الاهلج لا الاهلي ولا البيتج الاهلج هسه اخلي وائل يشوف واحد يوصلج
:كمت ابجي علي
::استغفرك ربي اووووف اكلج وخري لا اتخليني اصيح بيج بس اصبريلي علئ مااتشافه
:كمت وطلعت واني ابجي
ام احمد: اتباوعلي بعين حقد حت ماتريد اتشوفني
يله عيني فوك ساعه يمه ماكلتي منتظراتني انريد انشوفه الواجب اني ادخل كبلج بس انتي سبقتيني
جنج طوبه كريكر
بتول: مااهتميت طلعت كعدت ع الكرسي كوه اجر النفس اتضيق انفاسي احس اكو شي يصعد علئ معتي االزم بطني وارفع ظهري واجر النفس
مومل: نمشي سكته طلعت جهازها وحاجت
انعام: شلونج شخبارج خاله اكلج خاله ادك علئ امج وماكو
ريماس: اي راحت اتشوف بابا بشريني خاله هم رحتي لهذاك
انعام: اي خاله ورجعت منه قصدي ورجعت من سوك الذهب خاله مالكيت شي يعجبني
منو بلبيت اكو احد بلبيت معاج
ريماس: لا والله محد بس اني و فاطمه و نور
انعام: خوش جا انزل عليكم بس اذا اجت بتول انتصلي عليه لن بيدي غراض وماريدها اتشوفني
ريماس: خوش خاله
علي: ام احمد اخذي بتول للدكتورة شوفيها شبيها لن منفوخه كوه يحجي ومن الدكتورة اذا طلعت حامل حاجيت وائل يشوفله سيارة ياخذها الاهلها
ام احمد: ضاجت لن مو ابالها سالفت حمل واحبل __تدلل ابو حمودي
طلعت مطنكرة عليه للعصر واخذتني الدكتورة
انعام نزلت علئ بيت ام احمد وجايبه غراض هواي
هم ابطاله رش للبيت ورش اركان البيت واكو وررقه مكتوب بيها يتخلئ ب تانكي مال المي واكو ورقه يتخله مع الماي الشرب ورش ملابس البيت
فاطمه: هددتني اذا مااشتغل معاهن يحجن الاعمي ويكلبنه عليه كلش خفت منهن وهنه يسون كلشي مااتمن عليهن لذلك خفت علئ نفسي كمت اشتغل معاهن
العصر هم اندك الباب نسرين و عمي ابو نسرين راح ابوها يشوف عمي بلمستشفئ وهيه دخلت للبيت
فرحتي بيها ماتنوصف كلش فرحت من اجت وهنه كلش ضاجن
يردن يشتغلن براحتهن بس من اجت نسرين مايكدرن يشتغلن يخافن منها
ريماس: لا هله ولا كرب دار
نسرين: والله تعبانه وجايه من طريق طويل مالي خلك ارد عليج
ريماس: اتخوصرت شعندج راجعه دووومج مالج خلك جان انطيتي علم تجين بهاذه اليوم
نسرين: اي لن اشوفكم كلش مهتمين الجيتي حت انطي علم لمن اجي هوه انتصال واحد ماكلفتو ارواحكم تتنصلون عليه واتسالون جنتنه وين راحت وين اجت شوكت تجي علينه
ريماس: ماتصدكين شلون جنت مرتاحه نفسيآ ومن اجيتي خربتي الراحه عليه
دخلت الغرفت امها وصاحت فاطمه واجيت وراها
انعام: لليله كامله طلب مني. علمود يسكت احمد ومايخلي يحجي
تدرين البارحه سهرانه معا لحد هاي وكفتي معاج ماغمضت اعيوني
كليلي اروح ارتاح
نور: يعععععععع خاله نام معاج
انعام: ههههه هاي الدنيا خاله اتريد وحده قوية علمود ماتعلب عليها وداعتج خاله الصبح اني وياه … .هاي كله علمودجن
شوفن لا اتجيبن بعد سيرة لا واحد وها لا تحجن واثقن بي وحده غير فاطمه خوش
ريماس: ماانسه معروفج هاذه خاله
انعام: يله اروح لن تعبت حيل ولعبت نفسي
طلعت
_______
بتول: صاحت الدكتورة وكلت الها علئ سالفتي كاات اعراض حمل
اخذت تحليل طلع عندي حمل كالت انشوفه ب السونار اذا يبين هم خلت ع بطني وضلت تضغط علئ بطني وعكفت حواجبها
:-انتي حامل وبطنج مو طبيعيه مال وحده حامل ب توام لن بس الي تحبل ب توام تنفخ بس مجاي يوضح عندي ب السونار يمكن سوناري عطلان
اكتبلج وصفه تريحن السونار الثاني
مشيت السونار الثاني
كومه نسوان وكلهن حبل وحت الي بشهرن مو مثل بطني وكلها اتعجبت مني امراة عجوز كاعده بصفي
سولفت هواي الها واني مزوجه متاخره وعن الشغلات الي اشوفهن بلبيت
العجوز: خاله هاي الاعمال يسموها سحر الاسود لن بس الجن يمشي ب السحر الاسوذ
بتول: ان زين خاله فدوة شسوي لن تعبت
العجوز: رجلج هم مكضوض عنج
بتول: شلون يعني
العجوز: امج مافهتمج بلزواج
بتول: دنكت لا والله خاله اتريد بس تشمرني هسه حتئ مسالت وراي
العجوز: عمت عينها اتعمه يمه الرجال المكضوض
احجت الشغلات الي اعرفهن والي اشوفهن مع علي
:اي خاله هيج زوجي معاي
:بنتي زوجج مربوط عنج بس اشلون حامل منه وهوه مربوط
::خاله اذا مربوط مااحبل منه
:منين اتحبلين يخاله من الهوئ اذا هوه لو تقرب من يمج ي…… اشلون اتحبلين منه
ببيي احنه ازواجه طبيعيين وبقت اتسولف عن الحياة الزوجيه وعن حت المنام.. طبيعي
اني لو تقرب مني علي اشوف انواع الالم… وهوه مو رجال والخيال الي يتقريبلي احسه رجال وعادي معاشرة معا بس مااشوفه
اجه السرة مالي ودخلنه___هم نمت علئ السدية كوه اصعد وامشي نمت ع السدية سوناار مبين عليه شاطر
:-شوفي اعراض حمل والتحليل مالج حمل بس وبطنج جبيرة بس مايبين عدنه ب سونار
طلعت منه وهم كتبلي مراجعه الشهر 5
خابرت ام احمد :-ها يمه وائل بلكت ادك علئ سيارة تاخذ مرت ابوك الاهلها…….
مسك الختام للكاتبه(Ali flower) تصويت