لن اُكسر

البارت الثالث

لن اگسر ..

البارت الثالث
بقلم زينب الشمري ..

مو بالكيف آقنع الروح
وبـ ضحكآتي اغافلهآ
تره المرآيه مآ تختآر الوجوه التكابلهآ

❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️

التفتت بسرعة جان زيد .. وجعة خررعتني

زيد .. يلا يلرقيقة شعدج ورة ال12 وغمزلي

مدين .. جاي احجي ويا حبيبي كطعت لحظة الرومانسية امداك

زيد .. لا صگد انا اعتذر

مدين .. بعد ايش زعل وراح شيراضي هسة

زيد .. يلة اخذج باجر نشتريلة ساعة بس الفلوس منج

مدين .. الكبر شعدك جاي بنص الليل وين جنت دايح

زيد .. شغل شغل بابا

مدين .. والله الله اليستر من شغلك هذا تالي ليل

زيد ... ههعهعاااي 💔

مدين .. خنروح انام باي

زيد .. بايات مال درج دندن

رحت حطيت راسي على مخدة ونمت ماكعدت الا ساعة 10 الصبح البيت مابي احد بس اني وام عمار وسجى ..

مدين .. صباح الخير يمة ..

ام عمار .. هلا حبيبية صباح نور صبيلج جاي وبيضتج على كاونتر ..

هزيتلها براسي ورحت غسلت وسويت لفة وكوب الجاي بيدي ..

مدين .. اني راح اروح لبيتنا

ام عمار .. يااا شعدج يمة شو ماكو احد بس انتي والحيطان واهلج ماكو ضلي للغدا

مدين .. لا يمة عندي جم شغلة اخلصهن واكيد يجون على غدا خنسويلهم اكل

ام عمار .. خووش يمة براحتج ..

غسلت كوبي وحطيت شالي على راسي وطلعت رحت لبيتنا ..

نضيف مابي شي ضليت احوص منا ومنا بعدين طلعت بيذنجان كطعتة وملحتة عفتة ..

رحت رمشت لابوية مرتين تلاثة وماكو كلت خاف ميسمعة رجعت طبخت التمن وكليت البيذنجان وسويت المركة ..

دك الموبايل طفرتلة .. الووو بابا

ابو كرار.. ها بوية خو مابيج شي داكة علية

مدين .. لا مابية شي بس انتو وينكم

ابو كرار .. مابينة شي بوية بس اكوي دشداشتي اني رفقار حتى نلبسهن للمشية
مدين .. تمام هسة اسويهن ..

نهيت الاتصال طلعت الدشاديش كويتهن وعدلتهن شغلت التلفزيون ضاايجة ماادري شسووي ..

طلعت فلم بس بالي مو يمة راسي يووجعني تمددت بسااعة اباوع للسكف المتفطر والمروحة ام اربع ريش الرايحة روحها تراث من بيت جدي ..

فززيت من صفنتي على باب البيت تنفتح طفررت ويا شعري المنثور وبجامتي تك صاعد وتك نازل وتشيرتي المدري شلرن لابستة صاار بوجهي حامد ابن عمي ركضن للمطبخ ..

ابن عمي حاامد اتخببل منة اكرررها كره العمة سكير طايح حضة معربد للاخير الوحيد لامة مرة جبيرة وابو عمي توفى بلحرب ..

وضل هذا لاحسيب ولا رقيب طالع عن طرريق فد مرة محد يكدرلة ماعدة عمام بس ابوية لان جدي ماعدة بس ولد ثنين وبنية بلخارج ..

وابوية شما يحجي وياا ميفيد رحت سوويت جاي وهما كعدوو بلاستقبال حضرتة رحت دكيت الباب طلعلي فقار .. ها ميمة شبيج طبي

مدين .. لا مااريد هذا كاعد

فقار .. ابن عمج ترة عادي طبي سلمي

مدين بملل .. مااشي

انطينة الجاي وكفت بلباب .. شلونك حامد

حامد وعينة الزايغة .. هلا والله شلونج بت عمي

مدين .. زينة وطلعت وسديت الباب

اجة فقار ياخذ مي .. طايح حض متسئل على اختك امس عفتووني وحدي

اجة كررصني من خدي .. والله مشووفين مصيبة كرار فوك روسنة وهذا وجه الطاوة المصلبخ مرضوضة رجلة يززامط بنص الحجي ..

مدين .. اي ونسيتوني زعلت

اجة حضني وباسني بخدي شلعة .. شعدنة غير ميمة الميري مالتنا

مدين .. ااااه من اني ميرري لك فقار طايح حض

فقار .. لا كلبي سمعتي بلاعوج الملكة مالتنة القمر ميمة الجميلة ام رصعات

مدين .. اي اضحك علية بذني حجايتك

فقار .. يلا يعمري كويتي الدشاديش

مدين .. شي اكيد كويتهن اكعد انتضرك

فقار ...يمة فدووة لميري

راح ركض للاستقبال ركضت ورة وصل للباب يباوعلي ويضحك مااكدر اروحلة حامد كااعد ..

علت اصواتهم يسولفون وهذا حامد يتوعدلهم عوود صار زلمة اني اسمعة واضحك علية استغفر الله ..

اجة ابوية وفقار بدلوو وراحو يمشون اجة كم واحد من عشيرة بلاستقبال ركضتلهم بجايات سولفوو يتفقون ورراحو ..

ضليت كااعدة وحدي اصفن بلحيطان رحت سبحت باوعت لملابس اربيل شكلها السالفة تكنسلت ومنروح ..

مشطت شعري ولبست تراك وبوليرة طويلة وشمرت شالي خذت المفتاح ورحت لأم عمار ..

طبيت كعدت يمها اجة الغثة عمار كالب خلقتة مااعرف شبي راح بدل وطلع بدون ميحجي شي واني ارتاحيت شمرت حجابي الكط تمن ويا ام عمار كاعدين نسوولف ..

ام عمار .. اكلج يمة ميمة انتي هم بالج تتزرجين

مدين .. هه اتزوج؟  ليش تخبلت مستحيل

ام عمار .. ليش يمة كل بنية حلمهة البدلة البيضة

مدين .. يمة اني ضروفي متسمحلي افكر بلبدلة البيضة والفكرة مو على بالي اصلا ومستحيل اتزوج

ام عمار .. ليش شبيهة ضروفج عين الله عليج تخبلين

مدين .. يمة مو شغلة جمال اول شي اخواني وابوية مستحيل اعوفهم ثاني شي اني ما بالي اتزوج واكون اسرة بالي كلة اضل بسد اخوواني مااحب ارتبط بأنسان يتحكم بية

ام عمار .. حبيبتي اخوانج مو تاخذين على خاطرج بس مادايميلج وابوج الله يطول بعمرة هم يعني شي اكيد كلمن يشوف حياتة ويزوج ويكون اسرة وانتي ضلين بوحدج مايصير هيج تفكرين لازم شووفين مستقبلج حياتج ..

مدين .. يمة سالفة زواج بنسبة الي كطنة وشايلتها من اذني واخواني مستحيل يعوفوني ادري بيهم ميستغنون عني

ام عمار .. هاهية حبيبتي بكيفج الريحج شوووفي بس اتي كتلج الافضل الج متفكرين بس باخوانج نفسج هم الها حق عليج ..

مدين .. الله كريم

ام عمار .. نشالله

ضلينا كاعدين صافنين شفت حسووني كتلة روح شووف اهلي يمكن اجوو ..

راح وربع ساعة يالة اجة كال اجوو ..

طفرت بسرعة للباب مدري شلوون لبست نعالي بلمكلوب وطلعت طبيت للبيت باب الاستقبال مفتووحة طبيت جانو بس اخواني وابوية وحامد ..

طفرت لكرار بلهفة بووستة وحضنتة جني شهر ماشايفتة مو يوم وبوست ابوية هم ..

مدين .. احجولي شصار

فقار .. شنحجيلج فصلناهم طلعنا ابو المصايب واجينا

كرار .. لك ادبسز ابو المصايب شنوو غير السيارة مابيها بررك

فقار .. احجي الصدك بس خااف اكل رزالة الصوج بيك كلك ابوية اخذ سيارتي وانتة لا ترصلني وهاي خستلك يووم بلسجن ومن وراك بعنا ذهبات امي الله يرحمها ..

مدين باوعتلة بصدمة .. ذهب امي؟  بعتووو

ابو كرار .. اي بووية جا منيلة فلووس حتى انطلع اخووج ماجان اكو حيل غير نبيع ذهب

مدين بقهر .. بس بابا هاي ذكرة الوحيدة العدنا الهاا

ابو كرار .. والله غالي علية هوة هذا الذهب من ريحت امج الله يرحمها بس
صارت بعد شنسوي الله كريم

مدين هزيت راسي بقهر الذهب هذا حييل احبة الشي الووحيد من امي باقيلي و رااح
شلت راسي والكة عيوون هذا الخسيس تترقبني ابد ماشالها شكد هيلك ومستهتر درت وجهي عنا ..

مدين .. اسويلكم غدا

حامد .. اي والله اذا من اديج جووعان

باوعتلة صفح وفقار كال جوعان رحت للمطبخ  واقلد حجية ابو حلگ اذا من اديج جووعان الله من خلقني لحد هذا يومي ذاب علية كره هلشخص امووت منة نسونجي مهتلف عطواني كذلتة السابحة دهن لاطشة على كصتة لو الوشم البيدة عقرب وقلب مكسوور ..

وعطرة الخاايس مال سمج زفرر ولبسة حصرر عبارة عن كتلة زبالة هلانسان اتخبل اتنرفز من اشووفة عدي استعداد اكابل عمار الغثيث ولا اشوفة ..

حميت المركة والتمن وصبيتا بماعين وخضرة وخبز واهم شي راس البصل ميحلى الاكل من دونة صحت لفقار اجة خذا صينية وراح حطيت الكتلي على نار واكفة كبال شباج المطبخ الي ع الطارمة صاافنة بلفرراغ ..

فجأة العطواني حامد صار كبالي غسل ورفعلي حاجبة ويهز بكذلتة باوعتلة بقررف شيحس يالله جبار ابو مولدة احلا منة ..

كملت الجاي صبيتة وديتة الهم طفررت للصالة كعدت بين ميروح الزكة هذا ماصدكت على يطلع ويطبون اهلي للصالة ..

كرار كعد كاامش ضهرة .. نوومة السجن عذبتني

فقار .. هوة يووم لو سنة شسويت بس تدري بعد متقبل بيك اي وحدة صررت خريج سجون ههههه

كرار .. شلوون يريدني اكووم افرك حلكة هذا هسة

مدين .. هااا يمعودين شبيكم ستوكم تخبلوون

فقار .. شحجيت اني كلت خريج سجوون غابل مجذب انا ..

كرار جان نعالي يمة شالة ركعة بي بس اجت بلدرج .. كوووم منة ادبسز ارعن

فقار .. اعصابك عيبني شكلنا احنا جا حجينا الصدك وكلنا خريج سجوون

ابو كرار .. جهال انتوو كل واحد اطول مني تتناكرون استحو شووية انتة فقار لسانك ضمة شووية ونتة كرار اخوك شتدري بية يكدر تعبر سالفة اذا ميجلب بيها ..

فقار .. لا يبوية مامرجية منك هلحجاية انا اجلب بلسالفة شايفيتي بزر

كرار .. زعطوط مو بزر حتى جاهل ولاتكول شاربة ولحيتة شطولها

فقار .. شدخل لحية وشارب اهم شي العقل

كرار .. اي ونتة اهنا ايأشر على عقلة ماكوو جيس طرررشي كوومي ميمة كوومي مرغيلي رجلية هذا راح يموتني نااقص عمر ..

حطيت ادية على رجلي وصاار يصيح اخخخ اخ اخ هناا هنااا ايييي ..

فقار .. هاا ابوو علي شكلهم مسويك مثل ابو غالب خووش فلقة

كرار .. شحدة اليوصلني زلمة بس من النومة بلكاع تكسررت وانتة ماتنجب بس كاعد مثل نسووان تكرك

مدين .. هاا بدينة شنوو قصدك اني اكرك

كرار .. تردين الصدك انتن النسووان بلووة

مدين .. لو ما النسوان ماصرت انتة 😒

كرار .. فهمتي غلط كل النسوان ماعداج انتي

مدين .. اضحكو علية انتوو بهذا حجيكم

فقارة .. لاا لاا ميري اميرة النسوان

جان يمي كلاص ستيل ركعتة بي بس كمشة بسررعة .. كللب بابا سمعو يكلي ميرري

ابو كرار .. لك فقار انتو ماتجوز عووف اختك بحالها لااجيك هسة

فقار .. هسة اني شكلت يابة شبيكم كلت اميرة النسوان اكوو احلا من هيج وشبي ميري اسم فلبيني انتو مو لازكين بلاسماء الاجنبية هذا هم اسم اجنبي

مدين .. هاااا جا اني اكلك بعد درويل ندلعك هم

فقار .. حاضر ماما سيارة برة جااهز وين تبين اوديج

كرار .. روح انتو وسيارتك وجفينا شرك

فقار .. موو اسوويها صدك واخليكم تتندمون

كرار .. انجب واستچن مجانك والصم

كام كرار يمدد بغرفتة وبابا طلع وفقار يمي يحووص ..

فقار .. اكلج ضاايج

مدين .. واني مهرج كبالك شسويلك

فقار .. يكولون ميري خووش سووي كيكة

مدين .. زقنبوت تسووي امشي ولي ولتكول ميري مرة ثانية

فقار .. مو كتلج ادلعج ياعمرري هسة سويلنا كيكة من اديج الحلوة بين مااجيب بيبسي نحتفل بطلعة ابو سجون

مدين ... هههههه والله لو يسمعك بلمروحة اليوم

فقار .. هههههه بس انلصمي انتي ميدري اروح اجيب بيبسي

مدين .. فانيلا وحليب ويااك درويل

راح للاسواق وبديت احضر المكونات بين مااجة كملت العجينة وفقار كلساع مد اصبعة يضوك الخبطة حطيتها بلفرن وكعدنا مثل  البزازين نلطع بطاسة مال كيكة وفقار ماكدر شال الطاسة وخلاها على راسي

ادمر شعري ككو ورة اركض وهوة يرركض نزل كرار المغرب صاااح بصوت خنسنة ..

كرار .. جهاااال انتوو انتة يلبعير تركض وتركض وراك مطي انتة

فقار .. حاشاك ابو علي

كرار .. هاي عليمن ولك اجة يمة صرت بنصهم افاكك وهذت كرا  من كل عقلة وهذا بس يتمضحك واني ادفع منا ومنا ..

افاككهم ماكوو صحت بصووت عالي .. زعاااطيط استحووو شوووية جهاال انتوو والكيكة حتركت

فقار .. لا كيكة يالله ركضنا اني ويا للفرن جانت كايسة من الجعبية حطيناها بمااعون وصبينا بيبيسي ورحنا للصالة كرار يباووع صفح ..

فقار .. وهااي الكيكة بمناااسبة طلعت خررريج السجوون كلللوووووش

كرار راد يكوملة كمشتة من ايدة كتلة .. انتة الجبير العاقل تحط عقلك وياا يشااقة

رجع كعد فقار ماكدر طكهاا ضحكة واني وياا على وااهس باوعلنا كرار ابتسم علينا ..

فقار .. طلعت سنيناتا كللووووش اليوم اوزع جكليت نذر من جنت بالابتدائية نذرتة بس اشووف سنون كرار

كعدنا ناكل ونضحك فررحانة بلمتنااا واجة بابا كمل الكعدة متونسين ماتخيلت بيووم اعييش اكعد مالكهم كللهم يخلووني وحيدة ..

ثاني يووم من الصبح راح كرار لدوامة ورجع مطنكر لان طردو من الشغل صارلة يومين غاايب وسالفة السجن طردو وكعد يحش جكااير وفقار كمل امتحانتة يفترر يدور شغل ..

وابوية ضال على شغلة تكسي ..

بيووم كااعدين بيتنا على تلفزيون نشووف اخبار وسفرة اربيل تكنسلت بسبب تسلل داعش للعراق واحتلالهم لأراضي العراق المقدسة ..

بدوو يدخلوون ويطاوولون الى ان وصلوو الموصل والوضع الامني موو زين النااس عاايشة بخووف ورعب اهل الشمال نزحو للجنوب ..

الوضع فد مررة صاار السيد انطااها جهااد الكل التحق حتى يلبي نداء المرجعية ومنهم كرار وفقار التحقوو وانضمو للحشد الشعبي المقدس لان شغل ماكوو وهذا واجب لازم يأدوو فالتحقوو ابووية ماعاارض كال هذا بلدكم الة حق عليكم روحوو دافعوو عناا واحموو عررضة...

وهوواي من شباب المنطقة التحقوو بيووم كعدنا كلنا من الستة صبح سوويت ريووك ..

اجوو اخواني ضوة عيوني وشمعة دربي بلزي العسكري وجنطهم على ضهورهم اتريكو وطلعت ويااهم حتى استلم نتيجي من المدرسة طلعنا وصار بوجهنا .... يتبع

طبعا كاتبة البارت من امس بس جان يرادلة تعديل ماكدرت لان جان عدنا طبخ تمن وقيمة وهووسة البيت وللصبح كاعدين وكاتبكم كامشة تخماخ دك قيمة بس والله اعجبكم 😂😂💔

المهم حبايبي لتحكمون على رواية من البداية لان بيهاا احداث وقفلات فد شي انتضررني بارت جديد واليريد قيمة يكمش سرة😂😂