#جوليت وأسرها....

البارت التاسع والعشرين

البارت التاسع والعشرين
رواية...جولييت واسرها ...غياهب الإنتقام
بقلمي...نور سمو العراق

💔💔💔💔💔💔💔💔💔

لسان حال جولي💔

بروحي الخضار شكثـر

والخاطرك صوفـرت حتى ارهـم لنـارك
          

حسين الحبتري

....................................

ركضنه علئ الصوت الصريخ طلعت اني وجاسر وجعفر طلعت رضيه من غرفتي تركض...

وخالتي و وقار ...

ونشوف نوال تركض بدون حجاب شعرها طالع وبناتها يبجن يركضن وراها وتراجيها الطوال يخرخشن...

وتصرخ...ولج يمممه الحكيلي الحكولي خلصوووني منه يمه يريد يموتني...

لزمتها خالتي بخووف ورضيه لزمتها وترش عليها مي ...كولي يالله شبيج احجي منو وياج

كعدت علئ الارض وهي تصرخ...يمه يريد يحضني يريد يموتني..

جاسر وجعفر جانوا مصدومين منها وكل شويه وكالوا..شبيها شكووو..

ضلت تغسل بوجهه وتبجي كالت...جني جني بغرفتي شطوووله ونازع ملابسه ويفتر عليه

خفت حييل وختلت وره جاسر ...يمه جني اليوم شلون انام الوحدي...

جاسر باوع لجعفر باستغراب ...شنوو جني؟ منيلنه جني الحمد لله احنه ناس صايمين مصلين منين يجينه الجني...

ردت بشهكات...والله والله وروح فلاح جني اجرد طووويل يخوف نازع ملابسه ويفتر بس بشورت ويلعب النفس...

حتئ اسالوا سجاوي وضحاوي شافنه ...

باوعت لبناتها بخوف...هااا ماما احجن مو اكو جني بالغرفه وحتئ يطكطك بالاخشاب

ردن بخوف...اي عمو يطكطك بالكنتور ...

جعفر بملل...والمطلوب شنو؟

شهكت وهي تغسل بوجهها...اخاف انام الوحدي بالغرفه اخاف يجيني الجني ويتلبس بيه

جاسر بجزع...وين اكو جني يتخايلج !

نوال...لا مستحيل حتئ جنت واكفه اباوع بالمرايه علئ وجهي وهو كاعد علئ الجربايه ويدخن يباوع ويتفل عليه يستهزء مدري شبي

جعفر...اي حقه ماعجبه وضعج مو زين بس تفل عليج ما سوه غير شئ

اذا يشوفج نافخه البراطم ومسويه تاتو وصابغه شعفتج مو زين بس تفل عليج ما طكج بزيج...

باوعله جاسر بحده وخزره وهي هجمت تلعلع بالسانها اللاذع...انت تستهزء بيه عبالك اجذب وروح فلاح ذاك الشالع عيوني شفت جني...

وحتئ حضني ويريد يبوسني لو ما انهزمت منه

جعفر بسخريه...شهل جني الجنسي منحرف حييل ..

جاسر...دسكت خلي نفتهم ...

همس جعفر بخفوت...طاكها الجفاف وتريد تمشيهن براسي ما تدري كلهن طاكات جوه رجلي ...

جر نفس جاسر كلها...كومي خويه كومي نامي بغرفة جعفر

هي باوعت الجعفر بحزن مصطنع...اخاف جعفر ما يقبل وهم رجال ما يرتاح غير بغرفته ...

جعفر بملل...نامي بغرفتي وان شاء الله من باجر انقل كل اغراضج بغرفني وانقل اغراضي بغرفتج وخلي انام اني والجني ما عندي اشكال...

ردت بانزعاج...لا راح ارجع الغرفتي بلكي اقره ايات اطكطك حرمل ويروح هل جني عود اذا رجع اجيك

رضيه.. لا يمه نامي بغرفة جعفر وبلكي باجر نحصن الغرفه لو ننقل اغراضج

نوال بمكر وحزن ...جعفر ما تتضايق اذا نمنه بغرفتك ...بس عادي اذا تريد تعال نام يمنه واحنه ننام بالكاع اني بناتي...

رد عليها من وره خشمه...لا لا راح انام يم الجني ياريت يتلبسني والله...

هي راحت اخذت بناتها ودخلت لغرفة جعفر ...

احنه ضلينه واكفين امه كلتله...روح نام يمها خطيه تخاف وبعدين شعندك نايم يم الجني لا يروح يدخل بيك

جعفر بقهر...والله ياريت واخلص من وجهه الطاوه افضل انام بحضن الجني ولا بحضن نويله

خله و راح واني بعدني لازمه بقميص جاسر وارجف وصايره وراه باوعلي باستغراب...شبييج انتي الثانيه؟

رمشت بعيوني بخوف وبراءة...اخاف من الجني

ضحك بصوت عالي...اليوم الجني مشتت نسوانه والله كون صبريه هنا جان هجمت عليه بمسدسه

رضيه بضحكه...لا كون رهومه جاا طكته بأيه خلته ما يندل طريقة..

ابتسم...اي والله..

الكل طش الغرفته واني ضلت خايفه هو بالاستقبال يشتغل علئ الحاسبه غسلت المواعين ورحت الغرفتي...

اول ما دخلت عثرت واني ومدري منو من الأطفال حرك نفسه وتحرك الكاروك لزمت كلبي بخوف وهمست...اللهم سكنهم مساكنهم...اللهم اني اعوذ بك من الخبث والخبائث...اللهم اني اعوذ بك من رجس الشيطان...

ضليت كاعده اقره ايات ويتخايلي الجني مالة نوال وهو حاضنها وعريان بدون ملابس ...يمه بس لا يجيني ضليت بس اتلفت بخووف...

الله يهلكج يا نوال منين طلعتي سالفة الجني...

نمت واخذت اطفالي خليتهم بصفي وغطيت نفسي كلي حتئ الجني ما يشوفني...

شفت راح تموع روحي قررت اروح انام يم اي واحد بس اكيد مو يمه شنو فرقه عن الجني ذاك جني وهو وحش...

لبست حجابي واخذت اطفالي وطلعت لكيت ضوه الاستقبال لسه مفتوح لضاهر بعده يشتغل ياربي هذا ميخاف من الجني...

باوعت الغرفة نوال بخوف وطكيتها ركضه بسرعه واني حاضنه اطفالي مخليتهم بالعس مالتهم...

دكيت الباب علئ ماما رضيه ودخلت لكيتها نايمه خليت الأطفال علئ صفحه وحضنتها ونمت يمها هي غطتني كالت...هااا يمه خيرج اليوم لافيه عليه

بلعت ريكي ...اي ماما اخاف من الجني

ضحكت وحضنتني عبالك طفلتها المدلله...فدوه اروح الروحج يمه ولج هاي كلاوات من نويله تريد جعفر يضل يمها وما نجحت

فتحت عيوني مصدومه...يااا عزا بعينها واني بلعت العافيه من وراها

جرت نفس...بيها سوله مال دراما وجذب خلي تولي صار سنين كاعدين بهل بيت ما طلع النه جني

حضنتها وخليت راسي علئ صدرها...تخيلت امي بيها شكد مشتاقه الها اكثر من سنه محرومه منها شلون كدرت تفاركني والله ميته قهر عليها ..

همست رضيه...ليش ما رحتي يم جاسر نمتي

رفعت عيوني الها...ما يحبني ولا يريد اضل يمه هو حرمني علئ نفسها شكو كاسره كبريائي ورايحه عنده متسوه والله...

مسحت علئ شعري بحنان...الله يصلحكم يمه

همست...أمين ونمت بحضنها واتخيل بيها امي الفاقدتها من زمان...

كعدت الصبح الكل مموجود بس البنات خلصتها تنضيف وما اعرف شنوو

خابرت خاله صبريه كالت...ان شاء الله الاسبوع الجاي نرجع

ونوال خابرت امها اجت وخلت وراحت شويه واجت جايبه علاكه متروسه بخور ومدري شنو. ضلت ترش بالبيت وغرفتها دكول حتئ يروح الجني...

ما اهمتيت الها ورجعت انضف وقار جانت تخابر بداوود وفجأة ضاجت وقفلت الخط خفت كلت خاف حجه شئ او ضوجها...

صرت احجي وياها والمح الها بلكي تفسخ الخطبه

كالت...بس اريد اعرف هو مو خوش ولد اشو اسلوبه معجبني

جريت نفس...والله هو مو هلكد خالتي صبريه متحبه

وقار بتنهيده...اذا ما بي خير الله يبعده عني واذا بي خير الله يقدمه...

جريت نفس...الحمد لله علئ كل حال وهمست بكلبي الله يبعده عنج ان شاء الله ابوج يدعيلج يخلصج من هل عار

شويه ودخل جاسر كعد راد الاطفال اخذتهم اله جانت خالتي ورضيه كاعدات

كال بتنهيده وبرود ...باجر اسافر لسوريا...

.....................

ريهام...

فتحت عيوني بصعوبه دا استوعب اني وييين رمشت بعيوني اكثر من مره شفت الدكتوره دتشكل بالمغذي

همست بوجع...اني ويين

ردت ببتسامه هادئه...انتي بالمستسفئ طهور ان شاء الله وش تبين ؟ زوجك يبي يشوفك اخلي يدخل عندك؟

كعدت واني اعدل بحجابي.. اي اي عفيه خلي يدخل...

ضحكت...ان شاء الله ما طلبتي شئ

راحت تصيحه واني احس الكاع تفتر بيه وكل شويه تغوش الدنيا بعيني ...

لزمت راسي بوجع اريد اتذكر شنو الي صار ...تذكرت تذكرت

من كال...تبين اخذج المكان تحبينه..انه واييد حبيتج

مشيت بسرعه واني احتضن نفسي بخووف نزل هو من سيارته ومشه ورايه بسرعه ويذب كلام يسم البدن...

جان موجود هناك الامن السعودي مدري شيسمووا

كال...فيج شئ اختي انتي مضيعه تبين اساعدج

باوعت لهذا الي ركض ورايه بخوف ورجعت باوعت للشرطي...اي عموو اني من العراق وضعت من زوجي ومدا الكاه...

باوع للولد الي جان يمشي ورايه وهذاك غلس من شاف الامن كال...هذا شفي يكط عليك كلام

سحبه وجابه كله...وش تبي من البنت يالهيلگي

رد بخوف مخلوطه باستهزاء...هي لاحگتني وتبيني ارقمها ودكول انه من العراگ وذايبه بهل السعوديه

من كال هيج حسيت عيوني طلع منها دخان من القهر هزيت راسي بنفي ...

صاحب الامن امرهم ياخذوا واخذوا وهو يسب ويغلط رجع باوعلي كال...اختي حگج علي وان شاء الله ما يصير خاطرج اله طيب والحين خله ندور علئ زوجك...

ضلينه ندور علئ صلاح واني ابجي فجاة حسيت بسيلان الدم من انفي ودمر حجابي الابيض...

وكعت مغمي عليه ما عرفت شنو السبب وبس اشوف غواش وابو الامن يضرب بخدي ويكول...وش فيج يبنت اختي اصحي اللحين اشوف زوجك وين

ما صحيت اله واني بالمستشفئ

شويه ودخل صلاح وهو ملهووف فتحت اديه اريد حضنه اريد ابجي غربتي وخوفي وهو ما موجود

ركض عليه وحضني بحنان وهو يبوس بخدي وعيوني وراسي

همست ببكاء..ليش عفتني صلاح جنت ابجي واصيح عليك وانت ماكوو خفت اضيع ببلاد الغرب

احتضن وجهي بحنان وباس خدي جر نفس بتنهيده طويله...لج غير متت من الخوووف وكم مره تعاركت واني ادور عليج واتصل وموبايلج مغلق

صرت مثل المخبل الفاقد عقله ومية فكره اجت ببالي كلت اندعمت خطفوها قتلوها ضاعت من ايدي وبعد ما لكاها...

ضليت افتر بنفس المكان وادور لمن شفت لمه وهوسه من اجيت لكيتج انتي واكعه مثل الملاك والعالم متجمعه عليج

بعدتهم بسرعه عنج وحضنتج ورفعت من الارض ما ردتها تلامس طهارة جسمج ...

كالو هذي زوجتك ...

جاوبتهم واني حاضنج...اي زوجتي زوجتي ضاعت مني

جبناج هنا كالو عندج انيميا حاااده ورادوا يسوولج تحاليل بس حالتج ما تسمح

حضنته اكثر واني ابجي...صلاح بعد لا تعوفني مشفت شصار بيه وطلعني منا اريد ارجع للفندق...

جر نفس وتمسك بيه اكثر ...ان شاء الله حبيبتي احجي ويه الدكتوره وان شاء الله نطلع...

صدك راح حجه ويه الدكتوره هي مقبلت بس طلعت علئ مسؤؤلية صلاح...

خطيه جان مداريني وحنيته طاغيه عليه اخذنه تكسي ورجعنه للفندق ...

ارتاحيت شويه وهو جاب اكل واجه اكلت وبعدها دخلت سبحت صليت الفروض الي فاتتني...

صار دنيا اليل نمت بصف صلاح مع العلم تعبانه حييل اكو شئ ياكل بجسمي بس ما اعرف شنو

جان صلاح حاضني ويسولف ويايه وكل شويه يتجرء ويبوسني ويحرك اديه علئ خصري...

ضحكت واني ابعد ايده...اصلي صلاة اليل تصلي ويايه

جر نفس...لا اني ما اصلي صلاة اليل..

ابتسمت بصدمه مصطنعه ...لييييش؟ ترئ هي ركعتين والله اذا تصليها راح تشوف بيها حلاوه اليل وتضرع الرب العالمين...

شكد حلو من تسجد بنص اليل وانت تناجي ربك وتطلب منه المغفره والرحمه والواسعه ...

تدري صلاح اني من جنت اسجد واني اناجي ربي وافيض بدمع عيني واني احجيله عن اسراري واطلب قضائها

جنت اناجي بدمع عيني ومحد ملك كلبي غيره ومع كل هذا طلبتك زوجك يصوني بقيام اليل من ربي والحمد الله ما خاب ضني والحمد لله انت زوجي...

ومو بس هيج يا صلاح اكو غيرنه مدفونين جوه الارض وهم يتمنون لو يرجع بيهم الزمن يصلون ليل ونهار وميجاوزن ربهم

اهل القبور يتمنون لو يرجعون يسجدون سجده وحده للشفاعه بيوم البرزخ ليش احنه ما نقوم بواجباتنه تجاه ربنا...

صلاح دائما كرر هذي الجمله وشوف شلون راح تحب صلاو اليل وتداوم علئ صلاتها...

همس بتفهم...شنو حبيبتي

اللهم اجعلنا ممن يقومون ليلك سجدا...

ابتسم وباسني بثغري...اميين

خجلت منه ورحنه توضينه واقمنه صلاة اليل والدعاء لكل امة محمد بس لحد الان تجيني نوبه نزف من خشمي وما اعرف السبب...

...........................

جولييت...

شنو ذنبي شنو الخطأ الي سويته وشنو الي ارتكبته بحقه حتئ هيج يجازيني

الحزن يغتال روحي وقلبي ويعذبني...

اااه من هل حياة الي ما نصفتني ارجع بذاكرتي اشوف انجرح خدي وانسلبت روحي

لزمت قلبي بوجع...اااه شنو من گلب شايله لا يجور عليهم ولا يقسئ عليهم شكد عذبوني ولحد الان احبهم وما اريد يتاذون هم هو وهم اخواني...

شكد عذبوني وقسوا عليه واني احن الهم واتمنئ انام مطمانه باحضانهم...

همست بوجع...تدري كاسر منو اني؟ اني هاي الي اموت من الوجع بس ما اگولك

من سمعت حيسافر لحد الان واني الحياة عندي انعدمت

كتفيت بالتجاهل والصمت رغم شعور بداخلي ينهش بنياط قلبي...

اسافر السوريا.....

هل كلمة ضلت ترن باذاني ياربي ليش يريد يدور شام بين ازقة الشام ...

يرجعها يحبها يهتم بيها يغرگها بحنانه وحبه واني يدمرني ويرميني بدهاليز مضلمه يكرهني ما يحبني من يوم يومه ..

بلعت ريكي بصعوبه هذا هو شيريد يسوي خلي يسوي اصلا اجت شام او لا اني مهجوره مهجوره واسيره عنده ما اعرف شوكت يطلق سراحي

رحت يم رضيه واني اغسل ملابس كالت...شبيج مطنكره خيرج ؟

رمشت بعيوني بألم...راح يدور علئ شام ويرجعها موو؟

رضيه...وشنو هسه اتذكر يرجعها لا يمه عنده شغل ومناك يروح التركيا انتي ما تعرفين طبيعية شغله...

عقدت حواجبي...يعني مراح يدور علئ شام

ضحكت...وين يلگاها بهل زلگ هي البنيه يمكن ماتت  ومدري عند الدواعش الله اعلم...

انقهرت عليه ياربي هسه لو شام موجوده جان اني ما تزوجت ولا اخويه قتل اهله ولا صار الي صار بس لو زرعوها وما خضرت ...

رحت غسلت ملابس اطفالي وصعدت دا اشرهم فوك شفت نوال تحسب بكومه مال فلوس تفاجئت منيله بس كلت يمكن استلمت راتب فلاح لان هي شلون لوتيه عقدت بس سيد حتئ ما يكطعون عنها الراتب ما عقدت بالمحكمه...

ضليت اشر بالملابس علئ الحبل باوعت للديج مالة خالتي صبريه لجابته هديه النه مربوط برجله بحبل...

طبعا هذا الديج مدري شموكلته صبريه مسويته ثور استرالي شكبره وشكده ويخووف ...

طوويل ومغرور ونافش ريشه ومنو تصعد فوك ياكلها اكل عبالك چلب حراسه مو ديج ...

لذلك جعفر ربطه بحبل حتئ بعد ما يتفرعن علينه...

اني جنت اشر بالملابس وهو يعت بالحبل ويعوعي ..ويجر واني خايفه اباوعله بحذر...

هو فتح الحبل وهجم عليه ركضت بخوف وحصرت روحي بالبيتونه ضربته بالگماط مالته رضاوي واني ابجي...ابن النعال وخررر ابن الزمال يمه راح يعضني

وهو ينكر برجليه ويصيح واضرب بي ميفيد بس شبعته مسبه...

ما اشوف اله جاسر صعد كال بعصبية...ثوووول عبالي واحد حصرج مخلصتها ابن النعال ابن الزمال وتاليها يطلع الديج؟

رديت بنظرات خايفه واني لازمه الكماط ...عضني؟

رجع نكرني واني عطت وضربته بس هو وين شايخ مو ديج لا ينزاح ولا يوخر...

اتقرب منه جاسر وشاله برشاقه وعكف رجليه نزله وهو شايله من رجليه وراسه ليجوه ويصيح معاجبه الوضع...

نزله جوه واني اركض وراه واباوعله شمتانه

خلاه بالحووش وداس علئ رجليه استغربت شنو ديسوي باوعلي كال...جيبيلي سچين

انفجعت فتحت عيوني باستنكار...تريد تذبحه ؟

رفع حاجب...ليكون عندج مانع ديج محد يجرعه عبالك جلب بوليسي محد يصعد السطح اذا ما ملخه خلي اذبحه ونخلص منه

هزيت راسي بنفي...لاااا مستحيل هو الديج هديه من خالتي صبريه اليه مو من حقك تذبحه خطيه علمه بلكي يصير ادمي

صاح بصوت عالي...وقاااار

اجت وقار...هااا جاسر

.....جيبي السجيين

راحت وقار واني لزمته...لا فدوه جاسر لا تذبحه والله خطيه مسكين ليش تموته حرام عليك هو صح عصبي بس اروضه

ضحك باستهزاء...اي عساس انتي شلون تروضين

بلعت ريكي...اي لا تذبحه والله خطيه شلون ينطيك كلبك تذبح كائن بريئ انت ما عندك كلب

اخذ السجين من ايد وقار وتجاهل كلامي واني اتوسل بي ميذبحه صح عصبي هذا الديج بس اني احببه والله لان من خالتي صبريه...

نزل نفسه ولزم راس الديج وسمه عليه خلاه علئ القبله وذبحه ضل الدمع يتطفر ويرفس برجليه مسح دم السجين بريشه الاسود اللامع...

انقهرت حيل من شفته ذبحه وما اهتم الكلامي ضليت ابجي شلون يذبحه والله خطيه

اجت رضيه حطته بطشت واني رحت زعلانه الغرفتي وابجي ...

ما طلعت منها الغرفه منا لحد العصر اني مو بس لان ذبح الديج لان من اطلب منه طلب ما يهتملي وابد ما اكسر خاطره ولا يتروض الي براسه براسه

وانقهرت علئ الديج صار شكد ويانه ليش يذبحه لو غيره ذابحه ولا هو...

رضيه كل شويه واجت كالت تعالي تغدي واني ما اقبل ناصبه مجلس عزاء...

شويه واجت بنت فلاح كالت...عمو يريدج هو من يريدني يدز وحده من البنات...

غلست ما رحت رجعت مره ثانيه كالت...يكول عمو تجي لا اجي اسحلها من كصيبتها وشمرها بالسطح...

تعصبت وخليت ورحت دكيت الباب لكيته ديزر بازرار قميصه الاسود...

تكلمت بزعل...خيير رايد شئ

رد ببرود بدون ما يباوعلي...تعالي حضري جنطت سفري

تنهدت همست بكلبي المجرم ما يتعب نفسه ويحضر جنطته بس يعرف يذبح الديج...

اخذت جنطت السفر وكعدت علئ السرير وطلعت ملابسه واغراضه مكينة الحلاقة ومعجون الاسنان والفرشه وهماتين فرشة الشعر وعطور اسفط بيهن بغصب...

كال بعدم اهتمام وهو يلبس بساعتة....اليوم شبيج مطنكره من الصبح احس مزاجج برتقالي...

رفعت راسي بغضب والم...ليش ذبحته ليش مدكلي شنو مسويلك اشو والله انت الوحيد الي ما يمر بيك ويخاف منك...

رد بعدم اهتمام وهو يمشط بشعره...لخاطرج ام مجتبئ لخاطرج

وكفت بقهر...شنو الخاطري ترئ والله مقهوره عليه ليش ذبحته شلون كلبك انطاك تموته بيدك لو مودي لابو الدجاج والله احسن ما انت تذبحه...

ضحك بسخريه...بعد وراي اخووج لازم اذبحه

انصعقت من كلامه وانلجم الساني ما عرفت ارد وفضلت السكوت

اردف بهدوء...اي رجلج شلون صارت المرحوم معجب برجليج نكرهن تنكر ...

همست بزعل...ما بيهن شئ

جر نفس ...همزين ذكرتيني كومي سويلي تشريب من ديجج اريد الرگبه اهم شئ

غلست مجاوبته...عاط بعصبية...كووومي

شمرت القميص وخزرته وكمل شمر المشط عليه بس ما اجه بيه زمجر بغضب ...كم مره كتلج هاي النظره بطليها...

خلت ورحت اخلي نفسي بمواقف بايخه بس والله مقهوره لان توسلت بي وبعنادي ذبحه...

كصصت الخبز وسويت زلاطه سويته تشريب وانقهرت نوال تصب وتاكل من الديج زرنيخ كوون.

اخذته اله ورحت لكيت جعفر كاعد يمه اثنينهم كعدوا ياكلون كالو تعالي اكلي مقبلت ...

باوعلي هو باستفزاز كال... شكد نذله شلون انطاج كلبج تصبين القاتل الديج مالتج من لحمه..

شهكت ببكاء...جعفر شوفه ذبح الديج مالتي والله والله بعيني شفته ذبحه بسجينه حتئ ما رف اله جفن

جعفر بضحكه...جااا بيمن يذبحه بكزازه غير بسجينه ههههه

جاسر ...ههه ما لكيتي غير جعفر المسربت تشكيله

جعفر وهو ياكل بي...لا والله جاسر بس المرحوم طعمه طيب صبريه مداريتها ما توكله زبايل ههه

كمل بضحكه متقطعه...جاسر والله لو تدري صبريه ذابح ديجها اله تجيك تهلهل بالايراني ههههه

جاسر..ههه يمعوود متنه منه منو صعد واكله اكل...

اشر عليه ..هي هاي شوفها المخلصتها اليوم بجي عليه مسكطها تسكط وحاصرها وهي مخلصتها عليه ابن النعال ابن الكلب...

سكتت وكملت تسفيط ملابسه بس اني مقهوره من هوايه امور وخليت حجتي بالديج ...

خليت ورحت الاطفالي وما اكلت لعبت نفسي مدري شلون ياكلون حيوان يربوا ويذبحوا والله لو اموت تلعب نفسي...

ما طلعت بس غسلت مواعين وسويت جاي وبعدها ضليت عند اطفالي...

جنت افكر واربط ذبح الديج واربط بين مشاعري وشاعر جاسر اني مجرد حيوان وثرت عليه الله يساعده شلون تحمل موت اهله وبنته بس والله يعز عليه جاسر يخلي دم اخواني بركبته...

خلي يسجنهم ويرحون اعدام بس لا هو يكتلهم مو انانيه بس ما ادري اكو شئ بداخلي رافض لهذا الشئ...

صار الفجر واني كاعده هو حيسافر اليوم من الفجر...

رحت غسلت ولبست عباية الصلاة دا اصلي وادعي...

كملت صلاة لفيت السجاده ما اشوف اله استوطن الغرفه ودخل وهو محضر نفسه علئ اخر حبايه...

اني بصراحه ممرتاحه السفرته اببد هو قبل جان هوايه يسافر بس من تزوجنه لحد الان هاي اول سفره اله...

همست ...صباح الخير حتروح؟

هز راسه بأي همست...ان شاء الله توصل بالسلامه...

راح شال الاطفال بوسهم بخدودهم ويضحك وياهم واني اباوعلهم بضياع ارتعشت برعب ...ياربي لا تحرمني منهم ما اتخيل نفسي بدونهم...

اجيت اسأله شنو سبب سفرتك بس احترمت نفسي وسكتت لان ما الي حق وهو ما معترف بيه ومحرمني...

رجع الاطفال السريرهم و وصاني عليهم ...ديري بالج علئ اشبالي

رفعت حاجب...منو كال انت اسد؟

ابتسم...لا عمي انتي لبوه وهم اشبالج اني ثعلب

رديت بقهر وعناد...صح ثعلب وماكر هماتين

بعدها باوعلي ببتسامه باهته كال...لحد الان زعلانه لان ذبحت الدين

رجعت النوبة اللوم والقهر...اي لييش لييش تذبحه انت مجرم والله

رد ببرود...مأذيج يابه مأذيج

رديت بقهر...ميخالف حتئ لو مأذيني اني قابله

لزم عنقي خنكني بس خفيف مو قوي مجرد مخلي ايده ......انتي شنو مثل البزون تحبين خناكج؟

هزيت راسي بعناد...ايييي

نزل راسه لمستوئ راسي كال برفعة حاجب...يعني تحبيني مو دكولين اني خانكج ...

رديت بسرعه ....لاااااا ما احبك

ضل مركز بعيوني بنظرات تربكني ويشوف مدئ صدقي بدعائي الكاذب بكرهه..

حاولت اثبت نفسي وموقفي همست بدلع...وحياة الله بكرهك كتييير...

هو فتح عيوني بصدمه ولزمني من شعري قوووي حنه راسي بيده لزمت ايده بوجع وتوسل...والله والله بعد ما اعيدها...

زمجر بغضب ورفع راسي بشعري قوي حسيت براغي رگبتي انفكت كال...انتي عبالج تستفزيني من تحجين سوري لج انتي جاي ت....

استغفر الله وسكت مكمل كلامه بعدها رفع اصبعه بتهديد...اخررررر مره اخرررر مره تحجين سوري مره ثانية والله اكطع السانج

همست بخوف وبلكنه سريعه ...لا والله لان هليام اتابع باب الحاره لذلك لساني ماخذ علئ اللهجه...

ابتعد عني شويه كال...بعد اذا شفتج تباوعين باب الحاره افلش البلازما علئ راسج مفهوم وهاي كلاواتج مو عليه مال متابعه سوري ...

نكث ايده مني متعصب وراد يطلع قبل لا يطلع لزمت ايده بحنيه همست...لا تزعل مني اسفه والله مو قصدي افتح جروحك..

هو جان لازم مقبض الباب ديروح دار وجهه عليه وباوعلي بنظره كلها حزن واهات تقرب مني بحركه سريعه وما حسيت غير بشفايفه احتضنت شفايفي بدلال...

همت بي وغمضت عيوني واني اسيره لقبلاته الجريئه ابتعد عني بسرعه قبل لا احتضنه واعترف اله بحبي

همس بارتباك...اسف مو قصدي

طلع بسرعه من للبيت واخذ جنطة سفره وراح...

حطيت ايدي علئ شفايفي الي تنبض باسر كعدت علئ الارض وحطيت ظهري علئ باب الغرفه وبجيت باسئ وقهر علئ حالي مهضومه والله

جاء كل نسمات ومن ثم رحل...صمت الرحيل

.........................

بين الوعي واللاوعي ، متمددة على سرير المستشفى وجسمي الهزيل كله يوجعني ، ايدي مربوطة ومخيطة خياط عميق بسبب جرحي الي جرحته بنفسي لحتى
اخلص من حياتي البائسة .

محاولة انتحار فاشلة مثل فشلي بالحياة وفشلي بالحب ، لمن القدر خله بطريقي عديم الشخصية
الي ماوفالي ولا قدر حبي اله رغم صغر سني
الا اني حبيته حب يفوق عمر سنيني الاربعة عشر .

لمن افكر بي ويه مرته وجه الطاوة ، احس بشي يقبض على اوتار قلبي ويقطعها ، واحس بلسعة الغيرة تمزق كياني .

صرت باردة مثل الموت
مثل مومياء حتى النوم خاف و انهزم مني ، اريد بس انام لحتى انسى .

اجاني صوت زوجة ابويه واكفة يمي وتدردم ..
ولج شكول عليج شسويتي بينه بهالظهرية هسه كون لو ميتة ومرتاحة منج وخلصانة مو ظليت علة على كلبي .

شستفاديتي هسه شستفاديتي بالله لو هي عيارة مال تالي وكت بيج رس خبال من امج المخبلة اكو وحدة تسوي بروحها هيج .
كالت اخر كلامها وغمتني .

واني مثل  طير مكسور الجناح  بعده ما اللتأم  كسر جناحه ، ماكدر ارد عليها احس شفافي ترجف رجيف غير مسيطر عليه .

من بين نظراتي الها شفت بيدها تليفوني استغربت شجابه عدهه مهتميت وظلت عيوني تدور بابا وملكيته يمكن ظل يم اخواتي .

ظلت لازمة موبايلي وتدردم وينه هذا ولج وينه الي انتحرتي علموده مايدري عنج  المصخم شمسميته بالتليفون ولج ؟

حجيت بوهن وضعف : شتردين منه شعليج بي عوفي تليفوني ولج ابويه وين ؟

ولج سكتيى راح تفضحينه سكتي يالعار ..
ابتعدت عني وظلت تحجي بالتليفون ، اريد انزل من السرير دوخة عبالك الدنيا تفتر بيه واريد اوكع واخرب .

ظليت احجي بس احس الكلام مايعبر شفايفي صاكة اسناني واحجي : االله ياخذج لاتكوليله ماريده يعرف لاتحجيله شي ولج صخام لاتكليله.

باوعت شفت الممرضة حاطه وجهه بوجهي
وصاحت على مرة ابويه وينج انت وعايفة بنتج غير تنتبهين عليها ؟

جتي مرة ابويه تعدل بعبايتها وتتمضحك
هلي وين رحت اني هياتني هنا والله هنا دااخابر ابوهه .

جيكتني الممرضة وشافت السيرم وراحت ..

حسيت بنفسي نعسانة نمت وكعدت على صوت
انفاس مثل واحد ديبجي .
كعدت فتحت عيوني واشوف جعفر يمي
درت وجهي منه حجيت بصوت مصرور
_ شجابك ؟؟ روح يله ارجع لمرتك وجه الطاوة ماريد اشوف وجهك .

اخذ ايدي : ليش هيجي سويتي بنفسج ؟ تردين تحرميني منج شهودة مو اني احبج لج واالله اموت وراج .

_ هذا كله كلامك مايشفعلك عندي روح كارهتك رووووح .

خله اديه على حنجي ودارني عليه فجاة امتلكت قوة ونترت ايده .

هو ظل يحجي : عمري شهد لاتسوين بنفسج هيج ، لاتجافيني هيج واالله احبج اني ومااستاهل منج هاي المعاملة لج والله صار عليه ضغط .

_ ضغط جعفر ضغط ؟ وينه كلامك المعسول الي اخذت عقلي بي تاليها بسرعة استسلمت لضغوطات اهلك وشمرت نفسك بحضن مرتك اخوك ؟

_ اصلا مااشتهي اباوع بوجهه هي بغرفة واني بغرفة شبيج شهودة صدك جذب والله احبج والله .

_ اي مصدكتك جعفر مصدكتك يله ولي من كدامي لا اريد اسمعك ولا اريد اشوفك .

_ زين عندي اقتراح الج شنو رأيج نتزوج بالسر وبعلم اهلج علما شويه شويه ابلغ اهلي .

باوعتله بحقد وحجيت بعصبية : ترة اني كدامك مناقصني شي حتى تتزوجني بالسر افتهمت جعفر وخر من يمي راح افقد اعصابي والله واعيط بنص المستشفى والم الكل عليك .

اهدي اهدي شهودة اهدي .. حجه هيج وكام على حيله
دنك و همس يم إذني اخليج ترتاحين ونحجي غير مرة بس ديري بالج تأذين نفسج مرة ثانية لا تعذبيني عليج فدوة .

لا روح واطمأن انت متستاهل حتى اذي نفسي بسببك مرة ثانية متستاهل انت جعفر متستاهل .روح اشرب وحضن وجهه الطاوه وارتاح

ضحك كال...خبله بس اموووت عليج

درت وجهي زعلانه منه ومجاوبته

شفته يحجي ويه زوجة ابويه وهي خفيفه ضلت تتمضحك وياه وخله وراح...

هين يا ابو النسوان هين بس خلي اطيب اله احرك كلبك واتزوج تاج راسك بسيطه....

........................

جنه كاعدين بالصاله اني وقار والاطفال وخالتي ورضيه جانت تسوي جاي ونزلت نوال تركض وتعيط كلت اهووو هسه هم تجينه الجني مدري شبي وياها...

خالتي لزمتها بخوف...شبيج خبلتينه منوو وياج ؟

شهكت برعب...ذهبي انباگ مدري منو باگه

خالتي لطمت خدها كالت...شنووو ياااا تحجين صدك ولج دوري زين خاف واكع هنا هنا

هزت راسها باستنكار ونفي...لا ماكوو دورت كلبت الغرفه كلاب ماكووو اني صار كم يوم مفتقدتها وهسه دورت ماكوو

خالتي...اخاف جعفر اخذه من نام بغرفتج ترئ هذا ما يتامن بس لا راح باعه وشرب بي

باوعتلي بغيض...لااا والله اني ادري منو اخذه وحتئ عندي شهوود

رضيه باستغراب...منوو؟

صفكت ايد بأيد ...والله اني ما اكوول هذا بزركم هو يشهد عليها ...

صاحت تعالي ماما سجاوي ذاك اليوم من رحت الاهلي منو دخل الغرفتي واخذ الذهب...

باوعتلي بخوف وبراءه واشرت عليه بس بدون ما تحجي...

اشرت علئ نفسي باستغراب...اني هو اني شايفه باب غرفتكم حتئ ادخل بيها والله وداعة جهالي جذب..

سجئ بخوف وسرعه...لا انتي شفتج اخذتي ذهب ماما حتئ من شفتيني ركضتي بسرعه

صاحت نوال بغضب...جيبي ذهي هسه تطلعينه لا اطلع روحج يا حراميه يا مجرمه روحي الاخوتج الحرامية القتله المجرمين ما كفاج يتموتوا بناتي تردين تاخذين ذهبي حتئ تهزمين اخووج العار بيهن

ولج والله حرام عليج والله الله ينتقم منج ويبهذلج شمسويتلج بس كليلي شنو الي مسويته الج حىررام خافي الله بهل يتيمات

رديت بغضب...اكلي تبن ولا تتمادين اكثر اني بحياتي ما مديت ايدي علئ شئ عاد مو هسه اجي ابوگ اني زوجي ما اخذ منه مو اخذ منج...

تخصرت وصاحت بصوت عالي...اي اي تمسكني لحد ما تتمكنين ان شاء الله حوبتي تضربج وتتعداج بحق اليسطر بالحضره

خالتي صاحت...كااااافي طاح حضجن والله ماكو زلم بالبيت تردجن...

وقار جانت شايله مجتبئ ومرتضئ نايم علئ ضهره ويلعب باديه...

اجت رضيه شايله صينيه بيها قوري جاي كالت...شكوو شكو شبيجن اصواتجن طالعه

نوال بصياح...هاي بنت النعال باكت ذهبي ..

صرخت بوجهه بنحيب...انجبي واكلي نعل شوفي روحج وين وديتي ذهبج يا ادبسز

هي تخبلت هجمت عليه واني هماتين دافعت عن نفسي وخالتي تغلط علينه وتفارغ بينه رضيه عود دترجه للمطبخ ترجع الجاي ضربتها نوال برجلها. وكعت و وكع القوري من ايدها وضل يتطافر منا ومنا

وما اسمع بس صرخة مرتضئ القووويه وهو نايم علئ الارض...

نهاية البارت...يتبع

كونوا انتم كونوا بخير....احبكم💔

نور سمو العراق...😘

لا تنسوا التصويت والمشاركه...🌹

الصور من تصميم طلحه...Talha-25-3

هاي ضحكتني البارحه ساحكه سحكه بس الله يستر منها 😬

هاي رسلو اليه من جولييت تسوي مساج لجاسر 😀

وتابعوا هذا الحساب فضلا وليس امرا

klipn22