بارت ٦٦
#منطقة_13
#مريم_السعدي
رجله طارت احمد
لابربك.
احمد- صفنت علوضع شون حيكمل حياته هذا هسه يتخبل شغله. وحياته طلعت من يم نور الراحه الارتاحيتها طارت وصلت لكيت العساكر واكفين وسلام يرزل وهمه منصين
ولا واحد بيكم يضللل شنو السالفه. اني وابويه واخو هنا يله تطشرو عماااد
نعم سيدي
وصل الولد بالهمر وياك وحق الله اللي اشوفه. اطلع بي عقوبه
حاضر سيدي
يله يولد
وصلت سلام غادي عطاب وقاسم صافن على غرفه العمليات
وابوهم كاعد عالكراسي منصي راسه ولازمه
تقربت من قاسم
وكف تسالم ويايه بتعب ونصه همس
فدوه بطلين دم تبرع كلنا تبرعنا نشف دمنا
تبرعت وجيت هاي ورقه
اي عاشت ايديك
جر نفس باوعتله فهمني حالته
شفهم حمودي رجله من الكف وشبر من الساعد انشالت بلغم
بربك ابو الخل يشتمه للغم شم
ديفك بواحد وداس عالثاني يكولهم روحو وسلام تخبل. عاد نطاه تعليمات انه حتى يحمي جسمه بس رجله تطير
وفعلا سواها
وهاي راحت رجله نزف هواي روح شوف الهمر نجانه صاير مال دم وصل فاقد منتهي باع هدوم سلام
باوعت لسلام واكف رافع راسه بشموخ وايديه مكتفه ليوره رافع تك حاجب عيونه على ضوه غرفه العمليات
يعني شون ديسووله هسه
يوقفون نزف بس خلي يوقف نزف
هذا اذا كعد وعرف يتخبل قاسم
اي من هاي خايف اني اووف ربي
دك تلفونه همس
اوهووو هاي اسونه
سلام دار ركبته بهدوء رافع تك حاجب باوعتله ميباوعلي بس يرمش وعيونه عالتلفون
قاسم صافن
همس
شكوله متكولي ليش انت رديت موخليل
تلفون خليل هذا
اي تلفونه
جاوبها تره تتخبل
ادري شكوللها
رجع سلام دار ركبته وعدلها رفع راسه يباوع لكلمه غرفه العمليات بشموخ
اخذت التلفون من قاسم كتله
اني احاجيها جيب
لزمت تلفونه توني ارد
سلام- بس العفو ابو شهاب من رخصتك
وجر الفون من ايدي. رد
نعم
نعم
الوو
اسينات- سلام
اي تفضلي.
اني دكيت على خليل لو عليك
شتكولين انتي
داكه على خليل
هذا هوًتفضلي رايده شي
ردت احجي ووياه
جر نفس كال
مشغول هووهسه وتلفونه هنا مووكتها
ماشي — الو
ها تردين شي بعد
لا
الله وياج
وسده
اسينات- يعني شكددد حقيرررر
مليكه- منو رجلج
اي شكد يستفزززز
هههههه
احمد- لل٣ بالليل طلعوًمن العمليات توقف النزيف طلعو من الانعاش ودخلو غرفه وحد
طبينا وياه اني بقيت يمه وقاسم وسلام هم
الاب من شاف رجله تخربط وكع وحار بي سلام رجعه وبدل ورد اجه
سبوع كامل. مر وهو بالمستشفى من الم فقد العضو ميصحو بس مهدئات لحين لم الجرح يله
اسينات- انغلق فون خليل وكلبي نار وينه خابرت قاسم ميرد جنت بين يوم ويوم احاجي ولو ثواني ليش كطع هالكطعه
تركته. براحته بس كلبي ممتطمن
لحد ما. خابرت ضل داحاجيها همست
اسوني حروح اني بابا جاي من المستشفى تعبان
ليش مستشفى ضل شكو
علمود عمو خليل
وكف كلبي شبي عمو ضل فدوه احجي
وسمعت صوت ابوها يصيح
ضله
سدته وراحت
اخابر مترد
اعصابي تلفت قاسم ميرد من اتصل
كمت مثل المخبله
راسن خابرت سلام
دك هواي يله رد صوته تعبان اريد احجي نشف ريكي
الو
سلام اخويه شبي
سكت
سلام كلتها وبجيت سلام كلب ماعدي بداعت ضل
همس
ماكو شي لتخافين
لتكذب بروح فريده
استغفر الله ربي تصوب برجله
بي شييييي
دكولج تصوب برجله
اتنفس بلكفه كلبي وجع معصور
اسينات
فدوه كللي كلتها وشهكت ابجي فدوه كلبي حيوكف
والله مابي شي شبيج رجله. انبترت
سديت التلفون. لطمت بله وعي فقدت واتخيل شكله. بالعربانه ولك راح شبابك انهاريت
مثل المخبله بدلت ورحت لحمادي جانت دنيا ضهر توسلت بي ياخذني
وكلي تم اخذني اني ومليكه الطريق كله اشهك وابجي. تهسترت حمزه براسي لليوم مناسيته خاف اروح الكاه مثله
وصلت بيت جدي
طبيت ركض شفت مرت ابويه كاعده وايدها على خدها صافنن بالكع
كعدت كدامها خاله. بروح حمزه شبي خليل
باوعتلي ونزلت دموعها وكابلتني وتصيح وتبجي وتلطم على رجلها
ولج انبترت رجله. لج مخبل صار من صحى يريد يمشي. ولج يكضي حياته بتك رجل عالعكازه راح شغله ورتبته وهيبته
هديتها وارجف كوه سكتت ابراهيم نايم كبال المبرده وجههه اصففر باوعتله باوعلي ودار وجهه عالقنفه
تقربت منه حضنته ماريد افقدهم خلي ياذون خلي يلعبون بي لعب اخوتي ذولي
شهك وسكت همس
اخوج حيتخبل روحيله
وين هو كلي
بالمستشفى بعده باجر يطلعو
كوم ويايه شعدك نايم كوووم
والله مابيه اسينات
ولك كوم صير رجال لتعوف اخوك
همست مرت ابويه
يمه عوفي هذا هم مدري شبي قولونه من حلكه ومن بطنه دم
طلعت مرته من بيتهم شايله صينيه بيها طاسه شوربه
بوستها واباوعلها همست
اسينات فدوه ردت اخابرج ماعدي رقمج
شنووتردين كولي
والله ردت هاي التقريها من تمرض قاسم وطاب بلكن الله ابراهيم يطيب
هسه ادزها الج عدي رقمج تدللي من شوكت باوعتله لابراهيم من شوكت تخربط
صار سبوعين قولونه ودينا اربع دكاتره مديطيب
ياستار ياستار
كعد واكل شوي ودفع الصينيه وهي تتوسل لخاطري كمله. والله تصير عدك قوه
مكدرت بعد تعبت ايه دتلف كبه وتباوعلي وتنصي همست
شونج ونصت تخجل حيل
صعدت لمليكه
كوليلي شون اتصرف تعبت شون شسوي وين اروح
روحي لاخوج بابااا
ولج اروح بيت خاله حيودو
اي روحي لتعوفي يطبهم طوب يحترك سلام على اهله ابقي يم اخوج
ماعوفه وحده صح
حضرت هدومي ولميتهن ورحت وي احمد لبيتهم ضل من شافتني. حضنتني وتضحك تهمس
بابا جوه تره
ادري طبيت كبل لبيت الجبير سلمت امه بقت صافنه ورقيه عوجت حلكها وركضت للغرفه داطب
واحد جرني من وره
التفتت نسيم
اشرلي يهمس
وين وين كلها جوه جماعته
اوك طلعت كعدت بالمطبخ. امه كعدت كبالي تحجيلي واني منصيه كامت تلفونها دك دتحجي عن حاله خليل وجتي رقيه يمي
همست
خوش حجه لكيتي حتى ترجعين
باوعتلها بقهر لج انتي متحسين اخوج جوه مكطومه رجله
اووي ياحنينه صدكه
عفتها سمعت الزلم طلعو كلهم نسيم طلع همس
فوتي بس لتبجين فدوه
اوك غمضت عيني مقويه روحي وتصنعت الابتسامه وطبيت للغرفه جان منصي راسه ولازمه
همست
ابو الخل البطل
فز رفع راسه وبرطم ونصه
ابتسمت حضنته بكل قوتي
همس
شونج
زينه اذا انت زين باوعت بعينه اهمس عيونه انترست دمع يباوعلي
شبيك كالب الدنيا هي رجل عدك اللخ
ابتسم وجر راسي حضنني شهك
ابتعدت اباوعله
خليل شبيك حبيبي شو فد نوب محملها تره مو شغله. مستحيله رجل اصطناعي وتدريب وترجع مثل اول
بقه يباوعلي ونصه
اني وياك ماعوفك نتدرب سوه حدما تضبطها
جر نفس ورفع راسه ليفوك
ولك لتصير فدد نوب
بقه يباوعلي
باوع خل اكولك عدنا وحدنا بالجامعه والله العضيم. لحد سنه ثانيه يله عرفت عدها طرف مبتور
هز راسه
تمشي عادي وتداوم ومكمله حياتها. بيوم الكعدت حجيت وياها. ليش رافضه المتقدملج كالت اذا عرف سري ينهزم
رفع عينه يباوعلي يبتسم
والله شبيك تالي طلعت هيج ولاتوقعت
درجتي ينزلوها
مينزلوها يخلوك اداري
اي
متكيف يويل تخلص من الخفارات والترابه تكعد عالمكتب تنهي وتامر
هز راسه ومسح دموعه
همس
باقيه
اي على كلبك جبت هدومي وجيت
سلام هنا
والله لو ينكلب حرب مو سلام
وشنو يعني اخويه وداداري
ابتسم بتصنع هز راسه
اكلت شي
جج
اسويلك شي
مرت خالي مسويه تشريب
غمزتله مثل تشريبي
هز راسه جج
ههه باوعت لرجله نصيت بستها برقه
خومتاذيك
بليل دمار دمار اللي خايف منه بعد يومين يكطعون المسكن
ميخالف الله يسهل
هز راسه
حصبلك واجي
هز راسه
طلعت كعدت عالدرج ابجي بقهر واشهك اريد اهونها على روحي مداكدر غسلت وجهي ودااصب وردت صورته صارت بعيني وهم متت بجي
نسيم ورايه
كال
تره موزين عليه والله ينهار
لالا مابجي كدامه والله هاي سكتت خلص
جر نفس وعافني
صبيت اله وام سلام تكولي
يمه لبن بلكن ياكل
يمه هاي خبز حار
اخذتها بالصينيه وديتها اله
وكعدت بصفه خلاها بحضنه اكل لكمتين
همست
اخابر زمرد تكولها
لالاا نتر
ليش ياعيني
ماريد اسينات تتخبل هاي
اوك تدلل
كمل اكل وشلتها
راد يروح حمام ارتجى عالبوفيه وعليه همس
صيحي نسيم
اوك
طلعت صحته طب راسن وساعده فات وره شوي طلع
تمدد وغطيته
يااارسول الله دخيلك
متت بجي ضربه نسيم ابره ويلوب
كلها ساعه
وبدت الاوجاع عاط عيطه. وصاح
مكدر يهدا
واني لزمت القران واقره عليها بصوت عالي وهو. يلوب صيح
عووووفوووني اطلعوًخلوني وحدددددي
مدرتله بال نسيم حاول يطلعني نتر
عوووفي. يابه. خلي وحده
اطلع عوفني رجااءا
وهو يصيح اطلعيي
واني مويمي اقره صوت عالي بالقران وراها لزمت. ادعيه. وهو يلوب ويضرب براسه حدما بده يهدا ويون
اخ اخ وسكت واني نصيت صوتي كملت السوره شفته غمض ونزلت دمعه من جفنه
تقربت يمه راسه
خليلو
عبس وجهه وبجه يشهك
ولك ليش هيج ليش
وجع. اسينات مداتحمله. وجع
بست راسه وامسد بي واقره عليه كام وخلا راسه بحضني. واني اقره بهدوء سوره البقره كامله غفه ومكطعتها وامسد براسه خله ايده على ايدي ونام
كملت وكمت على كيفك ونام
نمت عالقنفه الكبال جربايته
سمعت صوت امه تبجي بهدوءطبت وراها صوت نسيم واني بحجابي نايمه وهو نايم
طلعو عافوه
للصبح كعدت قبله باوعت عليه غافي
طلعت حضرت ريوك ومرت ابو ويايه ليش جابت سيره سلام ليش كالت ليش رحتي ابد
كلما تنفتح الباب اجمد اكول اجه ويطلع موهو العرفته بيوم الاجيت راح تفاوتنا واتمنى منا لشهر ميجي بينما يطيب خليل اضوج احس منزله روحي
طبيت لخليل وتريك ويايه. غيرتله جو سولفنا وضله يمنا ومكيفه بيه. كمت اطلع سوالف من جوه الكع بس اريد يسولف
وهو بس يبتسم مجامله وخلص
نام الضهر بس مغافي احس يهرب من عدنا خابرت زمرد ردت ملهوفه
ااسينات شونج
زينه اني اكولج خليل نايم شوي مصخن
شبي
مصخن مابي شي اريد تحجين وياه حخلي السماعه علىً اذنه واحجي التردي
همست
مشتاقتله
اي كوليله الي احد كلج اني خليل
اوك
طبيت للغرفه مغمض ودموعه تجري
خليت التلفون على اذنه همست
احجي
عكد حاجبه هو ومغمض مدري شكالتله ارتاحت علومه وتنفس براحه
همس
امم
ابتسمت بسته من راسه وشلت ايده خليتها عالتلفون وطلعت
عفتهم
كعدت يم الدرج واسمعه شوي شوي سمعته يبجي. عرفت كلها ويتوسل
لخاطري لتبجين
لتاذين نفسج
لالتجين
لخاطري لتوصيل
زمرده لخاطري
حتى بليل لتجين
سكت همس
ادري بيج واني هم لا
لالا
راح اقاوم
راح احاول اتعايش
اي
هلكد تحبيني
واني هم مثلج زمرد
ماشي الله وياج
بقيت كاعده خنس كمت شوي وطبيت
باوعلي ابتسم ونصه
بعد شتريد حبيبتك ومتقبل تعوفك
تخبلت
حقها
تكولي لو تصير يلك ماعوفك
ههههه خرب يومج زمرده
صبيلي اسونه
تدلل
صبيتله وجبته اله جان كل همي طاقه ايجابيه اله
ثاني يوم بليل خلصت مهدئاته
وب٤ الفجر حس صيح امه
اخخخخخخخ
وفزيت
امه نايمه كباله فزت وتصيح يمه على بختك شبيك
ويصيح طلعوووو عوفوني
ويدفع ويلطم ويكله بروحه كلهم عافو بقيت اني
يبجي ويضرب براسه
تقربت منه
رخي كلبي رخي
مااااااكدررر
صيح
اقريلييي اقريلي ملخ شعره يجر بي ويضرب بالحايط اقريلييي
حضنته ولزمت القران واقره. وهو يصيح طب احد طاير ضهري عالباب وخليل بحضني يعصر ويصيح اذاني
واني اقره
ويصيح عوفيني ميفيد اطلعي
واني اقره
يدفعني واني مجلبه بي خفت يضرب رجله.
صيح سلام
اهدا خللللليل هييي اهدا
اخذها واطلع
كملت قرايه قران وهو روحه شاغت عضني من كتفي ويبجي جره سلام صاح لاااا ولك خليل الزم روحك
فدوه طلعي حاذيج
اذيني ماعوفك هسه يفك هسه
مديروح ميدروووح
هسه مفعول الابره يمشي والله بس رخي
رجع راسه بحضني ويتنفس بتعب حضنته كل قوتي وبجيت. متحملت
ردد
اسينات تاذيني والله
هسه يروح هسه
بقيت اقره نام بحضني وامسد براسه ويون رفعت راسي شفت سلام كدامي يباوعله عيونه حمر
باوعلي ونصه
همس
خليل
يتبع