بالكيف هو الكلب لمن يحب بالكيف
بالكيف ريح السفن لمن تهب بالكيف
الدنيه مره بشته ومره بسموم وصيف
هو شيشوف الجفن غير الدمع والطيف
يا هي يابو المستحه يل عينك ولايه
بيهه الفرح والحزن يتلاكن حجايه
يصير ضاع العرف والجرف مل مايه
وعينك ولا كل عين مشتني بين البين
لانفع بيهه الهوه ولا نصح بيهه الحيف
هو شيشوف الجفن غير الدمع والطيف
لو كحلتني بحلم بكليبي يفتك باب
وافرش سنين العمر ضحكه وزعل وعتاب
وشبكَه النسمه الزلف ومعانكـَ اللبلاب
ومسره الملح بالعود بيه الحنين يعود
افرح ولو بالحلم يل ماصحالك كيف
هو شيشوف الجفن غير الدمع والطيف
ساهرت ليلي و وهست السوالف بيك
والفرح ومحبتي وليل الغفه بطاريك
واتنطرت ها تجي وها عل بعد خليك
لا انت فرح وابتسم ولا انت دمع وابجيك
ولا انت حبيب ونحب ولا انت عدو نعاديك
سوله حلاتك بعد ومرورتي من الكَيكـَ
او لو بينت عل درب بيبانه تلاكَيكـَ
خليك صوت وصدى وطاري وعذر ينكَال
وخليك حسره جفه ويه هموم ماتنشال
وخليني منك و ألك سدره وشمس وضلال
ياطبع مدري شجرا وعل ماتصح ميال
حالين روحي اصبحت ومن الصبر مامل
خايب يبعد الوعد ماحال يشكي الحال
للكاتبة((Ali flower) بقلمي
قل للذين ڪسروا الفؤاد ..
انّا عفونا عنهم حتى لا يڪون لنا لقاء حتى عند الله 🍂)
فاطمه: راحت كعدت يم عمي صدك رحت وصحتها وكلتلها تعاي ساعديني
انباوع من السطح طلعتها عمتي وهيه اتباوع الباب الديوانيه خلت السيارة اتحرك وتمشي وكامت ادك واتصيح وطلع عمي يركض للشارع ورا احمد طلع يركض
اني مجرد ماشفت احمد كمت ارجف من الخوف من موقفه الي البارحه سوا بيه ضابط تحقيق ويخوف كلش
دكت ريماس: ع اسينات واجت اسينات بسرعه لن خافن كلش حت عمتي سووت روحها كلش مريضه وهيه هبط عدها الضغط من الخوفه عبالها راح يكشوفها
___________
بتول: اصيح من الالم لحد مافقدت طولت كلش يله صحيت علئ واحد يدك علئ ظهري___التفت كوة واعيوني مغوركه بلدموع مااشوف عدل مسحت ادموعي ورجعت التفت وراي زلمه غريب بس مابي وصف يخوف انسان عادي مثلنه الابس زي عربي بس يدك علئ ظهري واشماغه مغطي اعيونه مااشوف اعيونه___زحفت لي كدام وجسمي كله يتراجف والالم احسه يدك براس كلبي وصلت يم باب الصاله وباوعتله ___
شال الدشداشه من رجلينه اشوف رجلين دجاجه وباوعلي اعيونه يجن بلطول همس____انتي الية لا تخافين اني زوجج
صرختتت حيييييل كل قوتي خفت منه وبقيت كاعده ع مقعدي واتحوطت ايديني ع رجليني كمت اصرخ كل قوتي
___________
علي: امر بتول نسيته كلش ابالي اكرم وعائلتي الي ادمرت بزواجي ومااعرف ليش مع زواجي صارت كل هاي الاحداث مو ابالي بتول ولا فكرت بيها وكرهتا زيادة عن الزوم من استهانت بيه وضربتني راشدي ____اني
اني ماااشوفها انسانه عاديه كل يوم يطلع بيها شي يخوف واكول اتحمل كلها فترة واطلكها بس الازم انطيها حقوقها حاولت اهذيج لليله تدني نفسي عليها صح مو رجال بس ك حقوق ___بس اصدمتني بضربتها اليه اتحلفت بعد مااخليها عندي بس تخلص اموري مع عائلتي اطلكها وارجع الحياتي الي قبل من اولادي بناتي
__________
اسينات: بنات والله العظيم احمد يعرف بينه منو منجن كالت الاحمد
ريماس: شتتخيلين احنه نحجيله شبيج
اسينات: كل الي معانه حتئ خالتي احمد كال عليها
نور: والله حت هطول مخلينا يكشفنه شبيجن بس لا يكول الابوي
اسينات: فاطمه هم حجيتليه شي
فاطمه:شحجيله ???
اسينات: فقيرة امي وعلئ لاهيته عود عدها جناين وتحجيلهن كلشي والله الي يعلم بيهن
فاطمه: سمعتي من عندي شي كولي بس لا ذبين ع اذاني
ريماس: احمد من يوم الي ودة عليج وخذاج لليدوانيه وسد الباب بوجوهنه هيه انكلب خلكته
فاطمه: شبيجن بنات كلبتن عليه(صراحه بداخلي خفت منهن)
ريماس: ماكلبنه عليج كنالج شحجيتي الاحمد هذاك اليوم
فاطمه: ماحجيتله شي
نور: طولتو وهوه طلع معصب
فاطمه: لا حبيبتي هوه طلع معصب من يم ام حسن ماطلع معصب من يمي
ريماس: هسه عوفينه من هاي السالفه شحجيتلي
فاطمه: ارتكبت __شبيجن بنات والله حت مااذكر حجيتله شي
اسينات: والله فطيم مدامج نسيتي شحجيتي معا والله مسولفته كلشي
صاحت ريماس وطكت ع خدودها: يععععع فضحتينا خيه
نور: اي واللله اني شاكه بيها هيه الحاجيه لن نسرين مو بكل السولف تدري بس فاطمه فاتحيلج اكلوبنه وحجينالج تاليتج هيج تحجي
ام احمد: روحن صيحلي ابوجن بسسسرعه
ريماس: شتردين منه يمه
ام احمد: فاطمه ماتضل ابيتي ولا اشوفها
فاطمه: عمه والله هنه بناتج…… .قاطعتني
ام احمد: بنااااتي هم ذبيها براس بناتي واطلعي منها
فاطمه: عمه والله ماكلت شي الاحمد لا تفضحن ارواحجن
ضلت اسينات ترجف وتباوعلي بعين حقد ___وفوكها احمد يهددن بينه والله عرفت واحد مسولفله__كله منجن كلت خليها بيناتنه __اصريتن اله الجناين يدرن هاج يمه كله من سوالفهن والله لو مخوفتهن ماحجن بس هنه داسن عليج من وراج ورا جناينج حت اني راح ادمر
فاطمه: اشبيييج خيه ولعباس ماحجيتله كلشي
دفعتني ريماس
ريماس: الجذابه اني بذني سمعتج تحجيله كلشي
فاطمه: احسن مااخرب بيتي ذبيتنه براسي
اتخوصرت ريماس ___شنوووو عزيزتي وشعندج انتي وتخافين يخرب بيتج شعندج يلجذابه الخاينه
فاطمه: اشبيكم عليه والله ماسولفت اله كلشي
نور: ها اسمعنه اتكول ماسولفت اله كلشي جا شنو سولفتليه ها شسولفتي مو كلتي نسيت
فاطمه: عفتهن اريد اطلع.. صاحت وراي اسينات
اسينات: وووووووين ووووين عزيزتي وين موليه شبعالج اشردين
فاطمه: خليجن عسا ما نارجن تاكل حطبجن مو كتلج مووووووو اني حاجيه اجبرني اله اني حاجيه
اسينات: ولج وتنكرين مو كبل شوية كلتي اني مامسولفتله كلشي
فاطمه: ماخليتني احجيلجن كلشي
اسينات: مو انتي كلتي مااذكر وضميتي هسه اتكولين ماخلتني احجيلجن كلشي فاطمه لا تلعبين علينه
نور: ماما بابا طالع
ام احمد: روحي جيبي الجهاز
فاطممه: كلش استحي من عمي وهذني مااكدر الهن__دنكت علئ عمتي عمه فدوتج والله استحي من عمي كتلجن مااحجيت شي
ام احمد: وخررري عني اذبين السوالف براسنه كلت فاطمه فقيرة طلعتي مو فقيرة حية ام راسين
طلعت وسحبتني ريماس
ريماس: مااطلعين منا تحجين شنو كلتي الاحمد
فاطمه: هسه خبصتني وكبيتن عليه شحجي بعد
نور: هاج ماما هاذه الجهاز
ريماس: شلج بي ماما??
ام احمذ: ادك علئ ابو احمد يجي
ريماس: لا ماما خل نفتهم الموضوع لا تكبرينها
اسينات: لا يمه دكي ع ابويه يجي بسرعه ترة زادت عد حدها___خليها اتروح ريماس وين رايحه هيه شاردة ماتشرد
فاطمه: صح ماالجن صاحب اني خاويت حت نسرين علمودجن بس مدام تردن السوالف تطلع اني هم مااقصر عن الي اعرفه
ريماس: شنووو حبيبتي وشنو الي انتي اتعرفينه هااا شنو
فاطمه: كلشي اعرف ولا عبالجن اضل ساكته هاذه بخت بتول خلاجن تنفضحن
اجت تركض ريماس عليه ولزمتها نور
نور: لا ريماس مو وكتها
ريماس: خل ادبها عوفيني نوووووور
اسينات: هديها نور خليها اتعلمها
فاطمه: هههه اتخوفني بهالزعطوطه
ريماس: شنوو ولج زعطوطه هسه اني اعلمج شنو الزعطوطه
فاطمه: فورت دمي ع اساس اني اخاف منها اجيت عليها وشلتها من راسها
صار الصراخ
اسينات: لزمتني من راسي شيليني وركعيني هيه وام احمد و نور واني معردة بكفشت ريماس
لو يكطعون ايديني مااهد كفشتها اريد بس اريح كلبي كلبت الكون بلصياح
نور كامت تعض ب ايدي اتريدني اهدها وكلما يعضن ايدي اسحب شعرها حيييل
عمتي ام احمد كامت ادك ع امتوني اترديني اعوفها
كلت لو شيسون والله مااعوفها بس اريح كلبي بكفشتها
___________
احمد: انطيت اكرم الدوء ماله وصحت ؤائل افلت ايدينه حت انسبحه ب معقم ونداوي الخراميش
فلتت ايدينيه وادوي بلخراميش و ؤائل معاي
شوية وسمعنه اصياح كالب الكون اثنينه طلعنه نركض دخلنه للصاله
انشوف صايرة ملحمه امي واخواتي وفاطمه بس اسينات و نور و امي فوك فاطمه واشوف ريماس جوه فاطمه اترافس برجلينها
كمنه انشيل ونطرح عبالك مغناطيس متلازكات اشيل نور تجي مع ايد نور راس فاطمه وبيد فاطمه راس ريماس صارن اشلون الحبل
صاح وائل راسهن
احمد: شبيك يااخي شفتني اصلخ وكلت راسهن لو اكطع
فاطمه مااشوفهم دوم معبالي همه معانه بس معردة براس ريماس موتني حتئ اعضامي كسرنه واني مجلبه براس ريماس اريحلي كلب
اخر شي كامت اتجيبني ام احمد بوكسيات براسي دوختني كلش حت ب اذني اجاني بوكسي
وائل شال اسينات وشال شعري مع اسينات صرخت ااااااااااااااااااااخ
احمد: احنه زلم ماكدرنه نخلصهن طلعن قويات
شنو هاي المزهله _صحت شنوووووووووووووو هاااااااااااااااااااااااي
فاطمه: سمعت صوت احمد بسرعه هديت ريماس من شعرها ___يعني استسلمت الهن بس كامن يجيبني برفسات وهم مقصرت رموسه طلعت حيفها بيه
صارت تضرب بيه كمت اخلص بروحي منهن
واني اصيييح فكووووني فكوووني
كلمن صارت ع صفحه
وائل: اشششك زيجيييي اشك زيييجي وللجننن اشبييييييجن اشبيييييجن اتسودنتن شنوووووو
احمد: خزيتنه ولج يمااااااااااااااااا يمااااااااااا هاي انتي الجبيره ولج يماااااا ام البيت مو يعدله غير جبيرته
ريماس: احمد……. قاطعني
احمد: اسسسسسسس لا تحجييين كافيييي كافيييي خايبات ارحمنه شوووووية
نور عافتنه وراحت غسلت وجها شوية وصاحت
احمد: صاحت بسرعه اجه علئ بالي اكرم عفته بوحدة رحت للديوان ركض
شبه المصروع والطريح بنص الطارمه يرافس وجها ازرك ويطلع من حلكه زباد ابيض
اكررررررررررررررررم اكرررررررررررررم كمت احاول الزمه مااكدر يرافس ويتكلب ويتهزهز شبه المنتول حت من الزمه اني اضل اتهزهز معا مااسيطر
اجه وائل يركض شبييي اكرم شبييي
احمد: واني ابجي تعاال خل انشيله
حاولنه اشكد ماكدرناله
فاطمه كلبت الكون بلصياح وطلعت نور برة اتصيحح
انكلبت العالم علينه وشالو معانه ب العشر زلم شالو
علي: اجيت لكيت العالم ملتمه اباب بيتنه رحت الهم ركض اكيد اكرم صار بي شي لا محاله اكيد موت روحه لن سوالفه تشبه سوالف نهروين اجيت ركض وشفتهم شايلينه وطاح منهم يرفس عمت عيني حت ملابسه ادمرت كام يرافس بنص الشارع وجها صار ازرك وحت شفايفه زرك واعيونه طلعن حيييل كام احمد يدك ع صدرة ويصيح عليهم
بتول: محوطه ايديني ومخليه راسي بنص رجليني حت صوتي راح من الصياح غفيت شوية وكعدت باوعت هاي المراة مكابلتني وكاعدة بس اتنود وبيدها طفل __كمت كوة اجر برجلي الي وكعت عليها بدلت ودموعي يطيحن عشرة عشرة سديت باب الكنتور اكو مشوفه اباب الكنتور باوعت بلمشوفه شفت اشكال هواااااي ناس وراي بس مكطعه واشكالهم تختلف بسرعه التفت وراي كلشي ماكو رجعت باوعت بلمشوفه شفت مرة اجتني تمشي من باب الغرفه هم التفت وراي ماكو وبس بلمشوفه اشوفها اتقربت كلش يم اذني وصرخت حييييييل فزيت وركضت للباب وطلعت للحديقه وجسمي كله يرجف اسمع حركات بلصاله مالتي وحت اكو شغلات اطيح وكنس اسمع وامواعين اطيح وتنكسر
((تعبت نفسيتي حيل وبعد مابيها مجال الازم اروح الاهلي يشوفولي حل حتئ لو مايردوني همه اهلي واجبي عليهم ))كل عقلي منتظره علي يجي واكول اله ياخذني الاهلي___اجت البزونه من يمي باوعت الها منفوخه ماتكدر تمشي حت وجها منفوخ والشعر الي بيها قليل طايح الشعر مالها كوة تمشي حت ماتكول مياؤؤ (شوية وسمعت اصياح كلب الفرع عرفته اصياح نور ___ركضت لبست عبايتي وطلعت اسحل برجلي
شفت العالم ملتمه اباب بيت علي وزلم هواااي متلمين واحمد مطكك قميصه وجها احمر ويبجي وهم يصيح عليهم رحت امشي حيل واضغط ع رجلي
بتول: اشبييي اكرم اشبي
وائل: عمه ادخلي ودخلي البنات
دفعني
رجعت عليه: ____عمي بس كلشي بي اخوك
زمخ بيه عمممممممه رحمه للكعبه ادخلي جوة ودخلي البنات معااااااااااااج
رجعت لزمت نور ودخلتها ونور اتصيح واتكطع بروحها يماااا راح اخوي يمااا راح اخوي
بس فاطمه ونور مختلطات بنص العالم ويتصايحن
اخذت فاطمه هم شاكه دشداشته واتصيح ياااكرم ياااخيي عمت عيني
باوعت الفاطمه كشفتها مكطعه ودشداشته مشكك من ورا
صفنت بيها ???? شبيها هاي صدك جذب عبالي مكطعه روحها ع اكرم هيه ونور لن حت اكفاشتهن طالعه ومبهذلت بس انصدمت ب شكل فاطمه مكطعه تكطع حت عينها زركه
معقوله??? ضربت روحها علمود اكرم ___لا مو معقوله ???يوووووو شبيها هاي
كلش اتعجبت منها بقيت صافنه بيها سكته كامت البنت تفتر واني افتر وراها بس اصفن بيها
حت لو ميت مو معقوله اضرب عينيي واخليها زركه ولا اشككك دشداشتي من ورا شدكول عليه الودام…
كامت عباتي اطيح ولا ادري بيها كل شوية صاحو عباتج خاله وارجع اخليها ع راسي (معقوله مخبله لو شنو) استعجبت كلشش
احمد: كوة سيطرنه عليه 4 من ايدينه و 4 من رجلينه اني حت حيلي مات كمت مااكدرله مات حيلي عليه كمت كوة اشيل بي _____اسسسستجعل اسسسستجعل مؤمل
مؤمل: هاي كل قوتها بس صبر لا تصيح
دقايق يم المستشفئ دخلناها مدخلنه عليه
فوك ساعه بلعناية واحنه مداخلين عليه طك صبري
اريد ادخل
ممرضه: مايصير
احمد: شنووو المايصير اخوي جوة ومحد منكم منطينه شنو وضعه
لممرضه: بعده الدكتور ماله مجاي لذلك منكدر اندخل احد اعذرني
دفعتها ودخلت
وائل: احمدددد
مؤمل: والله مسودن مو صاحي جا غير يعرفون شنو حالته
احمد: من دخلت للعناية ممر طويل مااعرف بيا غرفه هو التمو هوااااي مضمدين وحت بنلكلادشين
طلعت الهم الجنسيه مالتي كلهم انطوني تحيه وخرو عني
الدكتور: مامسموح الك تدخل هنا عنايه خاصه بس الاطباء ولممرضين نسمح الهم بلدخول
احمد: اخوي جوا ابتعد شوية خل ادخل
الدكتور: كلت ماممسموح ابني خليني اشوف التقارير مالت اخوك وتفضل اطلع برة لا تشغل بالنه
احمد: طلعت الجنسيه اله وكلت ادخل غصب عنك
الدكتور: احنه بخدمتكم والمصلحتكم جاي نتشغل مو المصلحتنه احنه اذا اتريد تدخل الاخوك تفضل بس ماااكدر اشتغل بوجودك هاذه تعامل سيء
احمد: وخرت ودخلت وكل اتباوع بيه جهازين والاصقات مخلي ع صدرة وتنفس ومغذيات وهواي يشتغلون فوك منه كلها اصفنت بيه وتوقفت عن العمل
سمعت الدكتور كال اوووف وهز ايدة
__منطاني كلبي اشوفه بهاذه المنظر طلعت بسرعه مخنوك __دك جهازي باوعت مديرة الفرقه سديته وطفيت الجهاز كله وبقيت اروح وارجع
______________
ريم هاي الفترة كلها كدرت ارجع الحياتي بس معقدة من حادثت نهروين مااكدر امشي اكرم كله فترة يمر عليه بس يطول بلفترات هالمرة طول هواااي
كاعدة___جاي ارضع ب همام وامي يمي تساعدني
دخل ابوية
الاب: والله مصيبه
ريم: ها بابا خير
الام: خير اشصاير
الاب: بابا ريم اعتقد ابيتكم شي
ريم: بيتنه ورفعت حواجبي ????
الاب: ايي بيتكم
ريم: بابا ماعدنه بيت ??
الاب: لا بابا اقصد بيت عيالج
ريم: حتئ اسم عيالي كرهتا مااحبهم عيالي الكعدة عد اهلي هوووواي افضل من عيالي مدري اشصار عندي حتئ كلبي انقبض من كال عيالج دنكت رضعت همام
الام: شسالفتك اله اتكول كدام ريم عيالج
ريم: شبيها ماما مااجذب ابوي صدك شبيهم عيالي بابا
الاب: مو تزعلين ابنيتي
ريم: من كالج هيج مدري اصار عندي خفت كلش __رفعت راسي اله اشصاير بابا
الاب: مساعه اكرم طاح والتمو عليه الناس
ريم: كلبي كله طار من كالي هيج مثل الي نايمه وفزيت شبييي يبه ليش طاح
الاب: والله يابنتي حتئ اني استعجب حالته غريبه اول مرة اشوفها
ريم: ليش مالحكته للمستشفئ وشفت سالفتهم
الاب: بابا هواي ناس اصعدت معاهم مالليه مكان دكي علئ احمواتج شوفيهن اخاف ماكل شي او مسمم
ريم: اخذت الجهاز دكيت ع نور ماكو اسينات هم ماكو ودكيت علئ ريماس ماكو وعمتي هم ماترد مااخلي الدكه اتكمل كلها ع النص واسد وارجع ادك علئ الثانيه دكيت ع نسرين بسرعه ارفعته
نسرين: اني اتحلم لو صدك ريم داكه عليه
ريم: شلونج شخبارج
نسرين: الحمد الله بخير شلونج انتي
ريم: كلما اشوف روحي زينه خيه اطيح ب الانكس
نسرين: كولي شعندج خوفتيني اصاير معاج
ريم: فدوة نسرين لا ازلين معاي بهالطول
نسرين: كولي
ريم: اكرم شبي
نسرين: شننو اكرم
ريم: اي اكرم شبي
نسرين: منو كالج عليه
ريم: كلها تدري هسه ابوي اجه وكالي
نسرين: معبالي طايح وشايلته الناس عبالي تدري بسالفته هذيج لليله ____والله ريم هذاك اليوم صارت بينه عمله
ريم: فدوة احجي نسرين مو كلبي راح يوكف
نسرين: بديت احجي الها كلشي وهيه ابدا ولا قاطعتني بقت بس ساكته ولا انصدمت
ريم: يعني عمتي مسوية سحر وانتي وفاطمه تدرن بي ومعنئ ابنتي خسرتها بسبب سحر عمتي والي موتتها السحارة وانتن ساكتات
نسرين: فدوة ريوم مناقصني انتي هم ازعلين والله مشمورة عد اهلي ولا واحد دك ولا سال احمد حتئ من ادك عليه يسدة بوجهي ولا يرد عليه
ريم: استعجبت عد اهلج???
نسرين: اي خيه عد اهلي من سولفت الاحمد كالي روحي الاهلج ماريد اشوفج
ريم: من شوكت ولج عدج اهلج
نسرين: من زماان
ريم: اني اقصد اليوم اكرم طايح والعالم ملتمه عليه يعني اكرم من زمان واليوم اتقوئ عليه المرض
نسرين: بسرعه خليت ايدي ع حلكي وكلت بكلبي(شمالني فضحت روحي) شوفي ريوم فدوة ماااريدج تحجين الاحد ولعباس اخيه احمد يموتني
ريم: ليش مو حرام عليج متخافن الله تدرن بلسحر وماحجيتن و اول الناس اتدمرت بلسحر هيه بنيتي
نسرين: منو يكول بنتج ماتت بسبب السحر
ريم: انتي اتكولين مو كلتي اكرم العلامات الي عليه مثل علامات نهروين
نسرين: دخيلج خيه لا تفضيحني ونبي احمد يموتني اني شكيت بي مو كتلج وبعدين هذيج لليله نهروين معاج
ريم: بس بنفس لليله انتي شفتي مرة ونهروين اجتني تركض وخايفه يجوز هيه ام حسن الي شفتيها اجت النهزوين
نسرين: فدوة حبيبه سدي هاذه الموضوع وتوني من عدج دريت ب اكرم طايح هسه
ريم: يله اخذي راحتج
كالتها بزعل
نسرين: اوكفي ريم
ريم: شتردين
نسرين: اعرفج بعدج زعلانه بس اتعرفين عمتي انتي ريم والي فات مات احنه نسوان اليوم مو بنات البارحه
ريم: ويظهر الحق
نسرين: انشاء الله يطلع الحق بس خل اطمنج من جيهتي وداعت امي و روح نهروين يااريم ابدا مارضيت ولا خليت ايدي ب ايد اسحورتهن هسه انكلب عليهن السحر
ريم: لا خيه مو ذنبج انتي العتب علئ عمتي شبعالها سحرها راح يرجع عمي __والله نسرين اكرهم ماريدهم بس اكرم من يبتعد احبه ومن يتقرب اكرها
نسرين: نهيت الاتصال مع ريم
ريم: لا بيه امشي واروح اشوفه ولا بيه اضل كاعده انشلع كلبي كمت ابجي ليش هيج ادمرت باوعت ال همام يضحك بليوم احسد ابني الف مرة اكول طفل مايفهم شنو __و اني ظلمت اكرم ف الاحسن كلمن يروح بطريقه اني مقعدة ماافيدة بعد كمت ابجي
الام: شدعي وشكول ع ابوج
ريم: يمه فدوة اخذي همام من عندي وطلعي وسدي الباب __ابدا ماانطي همام استغربتني امي من انطيتها همام صفنت بيه
الام: يمه ريم شبيج بيج شي كليلي اني امج والله يمه تعبتيني كليلي
ريم: لا يمه كلشي مابيه والله بس تعبانه شويه
فدوة يمه سدي الباب وراج __احتاج الئ راحه بس مااعرف وين الكاها لا بوجود اكرم ولا بوجود احد ادور عليها ماكو كلبي احسه يريد ينشلع من مكانه مااعرف اشلون اركدة اني اكثر انسانه متعوبه زوجي جان دنيتي وحيااااتي هسه من يبتعد احبه ومن يتقرب اكرها وماااريدة شنو سبب مااعرف حتئ اذا اريد اطلق شنو ذنب هاذه الطفل هم يريد اب اذا اطلق راح يكون هوه نصف بين الاب والام واني ميؤس من حياتي مستحيل استعيد وارجع اكوم ع رجليني____السادة يكولون هبطه وب 3سنين لو 4 سنين يله تكدرين تمشين ع رجلينج وكل رجال ماينتظر هيج____فاطمه ونسرين واعيات ومنتبهات الكل سالفه لذلك ابدا مصار معاهن شي مو مثلي مااحب انتبه للكلشي لذلك صار معاي هيج
كمت ابجي ادموعي سكته يطيحن كلت مااسكت عن نفسي الازم ارجع ريم القديمه بس مو بيدي هاذه الشي اذا كان المشي هاذه مو بيدي (اني وكلت امري لربي)
_________
احمد: نفس الشعور احس اني هم اذا ابتعد من نسرين اريدها واذا اتقربت يمي مااحبها واكثر شي من اجيت بليل انتصلو عليه واجيت مااطيق اشوفها وبليلتها اني راستلها لن بيها كلش مشتاق الها
الدكتور: اخو المريض اكرم
احمد: اني
الدكتور: شنو منطينه من علاج
احمد: مااكدرت اشرح اله وضعيه اكرم لن مؤمل واكف مااريد احد يعرف بوضعيه اكرم هوه يشنق روحه لو بي حاله نفسية ماااريد احس يسمع بي ___اخذ علاج مسجله اله الدكتور
الدكتور: يادكتور
احمد: دكتور بلحبوبي هوه سجل علاج اله
الدكتور: انريد اشوف هاذه العلاج اذا تكدرون اتجيبو
احمد: هسه دقايق انجيبه
الدكتور: انتظركم بلغرفه
التفت علئ
احمد: وائل
وائل ها
احمد: جيب العلاج انت و مؤمل
مشه مؤمل كدامنه كلت وائل: لا تخلي مومل يشوف العلاج جيبو ع السريع يله…… .
رحت الغرفه الدكتور وشرحت اله العلاج
الدكتور: اخوك اذا بي حاله نفسيه من يشرب هاذه العلاج يرتاح هسه صار العكس
اخوك وكف كلبه من العلاج لذلك اختنك الدكتور الي سجل العلاج ال اكرم اخذ فحوصات وتحاليل
احمد: كلشي اخذ اذا اتريد انتصل حت يجيبون الفحوصات الك
الدكتور: عجيييب اذا كلشي مسوي مكاعد اقتنع ياريت لو اتجيبو كلشي
احمد: طلعت وهم انتصلت علئ وائل يجيب حت الفحوصاات
بتول: فضت العالم وكلمن راح البيته و علي بقه واكف ويا العالم برة واني دخلت مع البنات جو بس مااعرف موضوع اكرم شنو
دخلت جوة ام احمد مصدومه وحجابها مايل وتباوع بوجوهنه وريماس نفس شي وتعدل بشعرها ولا كانو عدهن شي
ريماس: نور وين راحت الكح....
نور: بغرفتها
ريماس: والله اليوم اله اطيح حظها بس خل تصبرلي
بتول: خير انشاء الله ماما اشعدكم
ريماس: وشدخلج انتي هااااااا شدخلج كله بسببج انتي
اسينات: ريماس لا تخربجين
بتول: صدمتني من وكفت بوجهي وكالتلي هيج انوب بسببي التفت علئ اسينات___شنو الي بسببي اسينات
اسينات: عمه اندار عليج عوفيها اتولي اتمسلت جاهلها
ريماس: لا ماامسلت ولا جاهله هاج شوفي اكرم وتعاي بعدين ابونه راح يكرهنه بسبب بتول المن جايتنه انتي مااجتيتي الحلات وجه ابوي انتي جابتج فلوس ابوي
بتول: ماما احترمي نفسج شنو قصدج جايه ع الفلوس
ريماس: اييي والله كتلاج الطمع اجيتي علمود الفلوس والله لو ابوي ماعنده فلوس ماخذيتي ولا تزوجتي بس لن عندة فلوس اجيتي اطللللعي بررررررة هاذه مو بيتج هذاك بيتج
بتول: اصدمتني اول مرة اتحاجيني هيج كبل وجها طيب معاي ليش هيج عاملتني انصدمت منها
اريد اطلع والزمتني اسينات
اسينات: عمه فدوتج اني مالج حاية بيها شنو هاي الزعطوطه وتنطينها اهميه
بتول: بضيجت خلك__لا فدوة اسنوه اريد اروح للبيت
ام احمد: لا خيه مكه دوم مااطلعين لا تاخذين بخاطرج منها طفله ماتفتهم شي
جرني وكعدني جوة__كلت انذليت ساعه السودة الي سالتها لو ادري مسالتها
شوية ودخلت انعام
انعام: هلووو
بتول: هلا
انعام: ام حمودي شعدكم الناس كلها اتسولف علئ اكرم
ام احمد: تعاي وراي
فاطمه: دخلن الغرفتي وسدن الباب
ام احمد: شستفادينه من سحرج خيه ماتت نهروين وكلت يالله انصبر بس اتسودن اكرم وهم كلت نصبر بس هسه راح انفضح فاطمه والبنات اتعاركن واحمد يمكن عرف بلسحر وفلوسي راحت ابلاش
انعام: يعععععععععع احمد عرف
ام احمد: عرف نزل عليه وعلئ اخواته بهذاك الحجي وحت حجه عليج
انعام: كله من ورا نسرين مال اخليلها سم واموتها
ام احمد: نسرين مو هنا عد اهلها وهوه من هددنه نسرين هم مو هنا سوينه حل احمد مايسكت
انعام: خليها عليه والله اخيط حلكه اتخيط اخلي بحرف مايكدر ينطق بس اصبريلي هذني الكم يوم
بتول: صفت الصاله محد بيها لبست عبايتي ورحتئ للبيت من اشوفه عبالك اشوف جهنم مااريد ادخل اله جني مربيه بي بس اشباح
احمد: جبت التقارير والعلاج انطيته الدكتور
الدكتور: اخوكم حالته مامعروفه اول مرة اشوف هيج حاله تمر عدنه التحليلات اتكول هاذه الدوء الي يناسبه بس عكس هاذه الدوه غير رفع راسه اليه__مكاعد تنعرف حالته الصحيه
احمد: بلضبط شنو المرض ماله
الدكتور: ع اساس انو حاله نفسية مووو بس مو معقوله بيوم و لليله اتصير بي هاي الحاله اني مو مختص هيج حالات بس من طبيعه الي يكون فاقد انسان اتصير بي حاله نفسه بس حسب كلامك كلت بيوم و لليله صار هيج ب اخوك ____اعتقد عدنه صدمه من شي الي واجه وب الاخص الجروح الي بجسمه وع وجها يجلب النظر اكثر __اني مايصير اشخص عن هيج حالات لن هاي مو اختصاي ف الاحسن ترجع الدكتور ماله او اتشوف غيرة يجوز اكو غلط ب التحاليلا هواي تحدث هيج شغلات بلتحاليل
احمد: دكتور شنو الحل
الدكتور: الحل اخذة الدكتور ماله هوه اعرف بي
احمد: كمت من يم الدكتور واتشكرت منه شنو موضوع اكرم شلع كلبي ومااعرف شنو الحل وفقط بس اني الوحيد من اهلي الي اركض ب اكرم مااحسهم متوجعين مثلي ولكن الله اعرف بلقلوب
وائل: ها الدكتور شكال
احمد: مايعرف حالته
دخلنه الغرفته اني صرت علئ يمينه وائل صار علئ يسارة وشبكته ايدي ب ايدة كلش جسمه ثكيل
طلعنه كاعدين نمشي ب الممر لاكتنه امرية شافته
امرية: ياااااا خطيه شبي هاذه الوليد
احمد: ماقلدت مشيت
اجت ورانه ولزمت وائل
:خطيه يمه اشبي اخوكم خايف من شي لو ناز
وائل: حجيه والله مالنه خلك عندج علاج اله نحجيلج حالته ماعندج حجيه شلج بدوخه راس
احمد: باوعت الها شرايدة منه حجيه
:هذه يريد واحد يقراء علئ راسه بس كون شيخ لو سيد معروف
وائل: شهل الخرافاات
:لا يمه مو كلشي اله بلطب اكو غير الطب ويطيب حرام عليكم هالوليد
احمد: حجيه اتعرفيلج واحد يقرا
:اي اندل اني بس من ادليكم اليه كراميه
احمد: فوك كراميتج اذا يطيب اكرم انطيج ٢٥٠
:اي تعالو معاي بس اشوف ابن بنتي واجيكم
احمد: انتظرناها هوااي هم اجت صعدت واخذتنه الئ الرفاعي طولنه كلش وطريق طويل وهم من فرع الئ فرع
وائل: احمد ابوي يدك
احمد: انطيني اياه
اخذت الجهاز من وائل وحاجيت ابوي هلا يابه
علي: من نعله عليكم ولك ليش جهازك مغلق
احمد: كول بابا شرايد
علي: وييينكم دورت عليكم ماكو
احمد: اهنا بابا هسه جاين بس انشوف علاج اله
علي: اني بلمستشفئ
احمد: بابا ارجع للبيت احنه طالعين من المستشفئ بس انجيب علاج اله من غير صيدليه ونجي سديته بوجه ابويه لن اشرت اله نوكف ونزلنه علئ سيد جانو هوااااي عالم بي
بس الها عرف بين هاي العالم دخلت للسيد شاورته وصاحنه دخلنه الازمين اكرم
السيد: الزمو علما اقرا عليه
بدا يقراء السيد واني روحي كامت تقلي اريد اتقئ كمت ابالع وعيوني غوركن من لعبت النفس
وائل هم نفس شي وثلاثتنه رحنه بغير عالم
كمت مااشوف بعد وصل شي البلوعمي كمت ابالع وماكو ابالع ماكو ف تقيت واني لازم اكرم اشرت للسيد سكت وصاح من الكاعدين يجي يكض اكرم رحتئ بعدني مطالع وتقيت بلباب واكمت ادوخ اريد افتح اعيوني ماكو رجعت تقيت مرة الثانيه باوعت اني اتقئ شي ابيض وبي ريحه فطيسه لدرجه الريحه كتمت علئ انفاسي باوعت للناس كلها خلت شي علئ حلوكها واخشومتها لن ريحه اتموت اني انصدمت من روحي حتئ ابدا مااكلت شي مماكل شي بلبيت لن من سولفت نسرين كمت مااثق ب الاكل مالنه كمت اتقئ احس حت اريد اذب من راسي
اجه السيد وكام يقراء وراي بصوت عالي شردت منه برة لن كلما يقراء واسمع صوت القران اتزيد بلعبان النفس وازيد بقليان ب معتي حت نفس يريد يكطع كمت مااشوف الفطيسه عمت اعيوني كمت اتوع وماكو اتوع وماكو اخر شي تقيت بياض متقطع مع دود ازغار لونه اصفر اني شفته لو اتخبلت كمت ااباوع للسيد اريدة يسكت مايقراء تعبت نفسيتي
________________
بتول: رجعت للبيت المغرب كلش اسمع كنس وحت بخور يشتغل منه لحاله اباوع للبخور يجي ويتعلك ويشتغل اضل صافنه سكته اندك الباب رحتئ فتحته
دخل علي وابدا مباوعلي مشه توضئ ودخل يصلي
انتبهت النفسي الشوكت مامصليه مااصلي اني رحتئ للحمام
علي: رايح تعاي سدي الباب وراي
اجيت قفلت الباب ورا ومشيت للغرفه مثل التعبانه ونعسانه الدنيا المغرب مابيه حتئ اشيل روحي جسمي كلش ثكل مااعرف ليش غمضت ع فراشي واحس انفاسي مع انفاسه نفس كلش قريب عليه فتحت اعيوني احس اكو واحد شابكني حتئ مقيدة وكلش حرارة قوية وبدا يتلمس بجسمي احاول احجي مااكدر حتئ ماانطق بحرف كل لعادة ادموعي يطيحن سكته وبدا يتقرب مني لحد مااحس اكو انسان يعاشرني حقيقي بس مااشوفه كوة رجعت رجليني ولميتهن ايديني مااكدر ارفعهن اثكال كلش
بقيت ابجي واني ساكته رجع نفس اشي حس نفس حار يم رقبتي احس يتلمس بشعري وبدا يتلمس برجليني وبدت تتفرق رجليني وحدة عن الاخ
ورجع عاشرني مرة الثانيه ولميت نفسي كوة احس العرك يتناثر من جسمي خايفه والي يصير معاي صعب احجي او افسره الهم لن مااكو اي انسان يصدك جن يعاشر بشر مسسسستحيل بقيت مغمضه حييل لحد مانفتح الباب باوعت علي كوة رفعت روحي جسمي كلش ثكيل كلت
:عليي بصوت تعبان
مااهتم فتح الكنتور وضل يدور علئ ملابسه
::ماكو عشه لو كاضيتها بس نوم
:لا اكو
كمت كوة سويت زلاطه ومقلايات اسحل بروحي سحل كلش ثكلانه وخليته كدامه وكعدت
دخلت البزونه باوع للبزونه شبيهاااا هاي ???
:يمكن حامل
::جا شبي شعرها مهلس
:ماادري باوعت الها البزونه بطنها مو طبيعيه منفوخه حييل ورجليناها اسمان كلشش وجلد مابيها شعر حت خفت منها كوة تمشي
التفت عليه
::وانتي
:شنو
::مو حامل
:انتبهت النفسي من عرسي غايبه ماكو واني صارلي شهرين بقيت صافنه بي
رفع ايدة من الاكل شبيج ها بستغراب
:هااا لا لا مابيه شي
غسل ايدة وطلع باوعلي تمشين معاي
:لا بس انتظر بنت عمي تجي عليه وانت روح
ورا شويه اجت بنت عمي راح هوه
بنت العم: شبيج بتول حيييل متغيرة
بتول: تدرين من ضيمي محاسبه الروحي
::ليش عندج
:صارلي 40 يوم فايتتني واني ماادري توني يله انتبهت
::كللووشششش فرحتيني خيه
:معقوله اني حامل
::لا تخافين هسه ادك ع زوجي يجيب تحليل حمل وانشوف
:شلون حامل و علي مو رجال هزيت ايدي وضحكت
::انجرب وانشوف………
مسك الختام للكاتبه (Ali flower)) قراء ممتعه تصويت 😘😘😘😘رائيكم يمهني اكثر
خادمتكم اني 😘😘اهلان وسهلان ب متابعيني الجدد نورتوني