عاملين ايه 😊❤ .. كل سنة وانتوا طيبين وبخير دايما 🙈❤ متنسوش يا بناويت تشجعوني و يلاااا نبدأ ❤ ...
#_ لا اعرف كيف احببتِك .. بقلمي : نور بدر🌚❤
_____________________________________
بعد مرور 6 ساعات من مكالمة سامح ...
كانت الساعة السابعة صباحا .. استيقظت مريم و عندما استيقظت فورا وضعت يديها على جبين ورد .. وجدت ان حرارتها مازالت مرتفعة .. قلقت بشدة وحاولت ان توقظ ورد ولكن .... ورد لا ترد ولا تستيقظ .. فماذا عليها مريم ان تفعل ..
اما خالد استيقظ من حلم عجيب ولكن كان سعيد بهذا الحلم " هنعرف الحلم دا بعدين 🌚"
استيقظ خالد و اخذ حمامه و ذهب لغرفة ورد .. طرق الباب ففتحت مريم فقال : ها يا ماما ورد عاملة ايه دلوقتي ؟
مريم بقلق : حرارتها عمالة تطلع وتنزل و مش راضيا تصحى او ترد عليا .. انا خايفة عليها 🥺
قلق ايضا خالد وقال : متخافيش يا ماما هتصل بالدكتور و كل حاجة هتكون كويسة و ورد كمان هتكون كويسة ...
مريم ببكاء : يارب .. يارب تبقى كويسة ..
جاء خالد ان يتصل بالطبيب ولكن .. حدث ما لم يكن فى الحُسبان .......
_______________________________________
فى المول ....... " اللى مستغرب ان قولت الساعة 7 الصبح و دلوقتي بقول فى المول عند نور و حنين .. متستغربوش يا جماعة عدوها عدوها 😂 .. وبعدين لما كانوا فى المول كان بالليل شوية ف كأنهم كانوا امبارح فى المول .. بصو بصو .. اشطا اشطا ها 😂😂"
جرى سيف بأقصى سرعة و قلبه يدق بعنف .. يريد ان يتأكد ... ولكن ..
" عند نور و حنين "
رأت حنين سيف يجري بأتجاهها فأستغربت.. رن هاتف نور ردت ثم قالت لحنين : حنين انا بس فيه حاجة نسيتها فى العربية تحت هروح اجيبها و اجيي .. ممكن تستنيني هنا او ممكن تروحى لسارة و طنط و ماما .. مش هتأخر ..
اومأت حنين بأبتسامة .. دخلت نور بالاسانسير و نزلت للأسفل .. استغرب سيف لماذا تهرب منه .. ذهب لحنين وقال : حنين مين دي اللى كانت معاكي
حنين : دي صاحبتي ... اتصاحبت عليها .. دي اللى انقذتني لما واحد ضايقني وقابلتها بالصدفة هنا و اتصاحبنا بس كدة .. انت بقى كنت بتجري كدة ليه ؟
سيف بتنهيدة : هااه لا ولا حاجة .. ماما فين ؟
حنين : ماما فى كافيه هي و مامت صاحبتي و صاحبتها ..
سيف : طب يلا نروحلهم و هنقعد شوية و نمشي
حنين : ماشي يلا ...
ذهب سيف مع حنين للكافيه الذي يوجد به " والدة نور و والدة سيف وحنين و سارة و ماجد " ...
" قبل ما يروحوا لهناك " ...
اتصلت والدة حنين ب ماجد وطلبت منه المجيء لهم .. دخل ماجد الكافيه وتفاجأ بها ...
ماجد : السلام عليكم .. ها اديني جيت اهووو مع اني كنت ..... و صمت عندما رآها .. تحدثت عيناه وقالت عيناه الكثير والكثير من الاحاديث والمشاعر الواضحة بعيناه .. نطق اسمها بين شفتاه قائلا : سارة .. انتى كويسة
اندهشت سارة من رؤيته ايضا ولكن صعقت عندما سمعت هذه الجملة " انتي كويسة " ... قالت فى داخلها : دا نفس الصوت ... نفس صوت الشاب اللى كان بينقذني فى الحلم و نفس طريقة نطقه كمان .. معقوووول يكون هوو .. اكيد لا مش معقول .. يالهوييي
والدة نور : ماجد .. مش معقول هو انت
ماجد بأبتسامة واسعة جلس وقال : اه انا 😂
و وجه الكلام لوالدة سيف : بس ايه اللى لم الشامي على المغربي يعني 😂
والدة نور ' سمية ' : انا لسة من شوية قابلت اميرة هانم " ام سيف وحنين " .. واتصاحبنا دا غير ان نور بقت صاحبة حنين ..
اميرة ' والدة سيف ' : انما قولى .. عرفت سارة منين
ابتسم ماجد وقال : نور و سارة كانوا بيشتغلوا فى الشركة و سارة سكرتيرتي طبيعي اكون عارفهم ..
كل هذا وسارة ب وادى آخر .. استغربت نفسها لماذا قلبها يدق بسرعة عالية .. لماذا تشعر انه هو من انقذها من ذلك الوحش .. لماذا و هي لا تعترف ابدا بالحب و كيف تعترف وهي لا تآمن للرجال .. تخاف منهم وتحاول الا تختلط بهم ولكن للقدر رآى آخر ..
قالت سمية : مالك يا سارة فيه حاجة ؟
سارة بتعلثم : هااا .. اه .. لا لا .. م .. مف .. مفيش
اميرة : مالك يا حبيبتي .. خدي اشربي ماية
شربت بعض من الماء فقال ماجد و هو يركز على عيونها مما اربكتها نظرته .. قال : متنسيش يا سارة فاضل كدة اسبوع وبصراحة مش لاقي حد محترم يمسكلي الشغل بعدك
اصبح وجهها باللون الاحمر فقالت : اهه .. اه تمام تمام
ثم قالت ل سمية : يلا نمشي يا ماما اتأخرنا ..
اميرة : ليه بس يا سارة زهقتي مننا ولا ايه
سارة : لا يا طنط والله بس عشان اتأخرنا بس .. انا هتصل ب نور اشوفها فين ..
قامت سارة بأرتباك و عندما كانت تتحدث كان ينظر لها نظرات ينطق الحجر لها .. كأنه يحتضنها بعيناه .. قامت فى سرعة و عندما نزلت للدور الاول بالمول .. اتصلت ب سمية و قالت ان نور تنتظرهم بالسيارة .. قالت سمية قبل ان تغادر : معلش يا اميرة هانم متزعليش من سارة انها قامت كدة يعني .. و ان شاء الله نتقابل تاني ..
اميرة : ولا يهمك .. انا فاهمة سارة و بجد حسيت انها بنت مؤدبة و محترمة .. ان شاء الله تكرر قعدتنا تاني وانا رقمي معاكي متنسيش بقى
اومأت سمية بأبتسامة و ودعتهم و غادرت .. تنهد ماجد و اغمض عيناه و كان يتنفس بسرعة عالية فقالت اميرة بخبث : على فكرة باين عليك اوي انك معجب بيها و باين عليها اوي انها مكسوفة 😂😂
ماجد بهيام : هو باين للدرجة دي اوي 🤤.. مش قادر ما افكرش فيها ..
اميرة بسعادة : طب و مستني ايه ياعبيط .. لما حد تاني يحبها بدالك ..
ماجد : هي مش مدياني فرصة و كمان وانا قدامها مبعرفش اتكلم ولا اقول حاجة ولا افتح مواضيع انا بس كفاية عليا تكون قدامي وابصلها بسس 🤤❤❤
اميرة : يمكن تكون خايفة مثلا .. بص طلاما معجب بيها او بتحبها بجد لازم تصبر عليها وهي اكيد اكيد يعني ان شاء الله هتحبك هي كمان
ماجد : يارب ... اومال فين سيف و حنين
اميرة : حنين كانت مع نور و سيف معرفش راح فين
ماجد فى داخله : اوباااا دا فيه حاجات هتحصل اليومين دول .. آخر مرة سيف شاف نور زعقلها و عملت حادثة و سيف ميعرفش و مش عايز يعرف حاجة عنها بس فى نفس الوقت نور اتعرفت على حنين يعني اكيد هيجي الوقت و نور تشوف سيف و سيف يشوفها .. ربنا يستر بقى لحسن حاسس انهم هيولعوا فى بعضهم 😂😂
جائت حنين و معها سيف ولكن سيف محبط نوعا ما لانه كان يريد ان يراها ... " اصبررررر " 😂🤭
قالت حنين : ماميي .. ايه دا راحت فين سارة و مامتها
اميرة : لسة ماشيين من شوية سارة قالت انهم اتأخروا ف مشيوو و اتفقت مع سمية نتقابل وقت تاني ..
سيف بداخله : طب هتكلم براحة .. دلوقتي انا لما شوفتها لابسة فستان اسود و طرحة سودا .. يوم ما روحت الكافيه و حد عاكس حنين وانا مش موجود هي كانت موجودة .. ودافعت عن حنين .. و لما حلمت بيها وهي لابسة فستان اصفر و طرحة سودا شوفتها برضو و هي مع حنين .. يبقى لازم اعرف من حنين عن البنت دي بس مش دلوقتي... مش دلوقتي ازاي وانا عايز بس اشوفها .. اه اشوفها اقولها ليه بتعملي معايا كدة وليه بحلم بيكي ليه .. انا زهقت فعلا ... امتى هخلص من الحلم والبنت دي بقى ..
ماجد : سيييييييف يا سيييف يا ابو السيوف
سيف بأنزعاج : ايييه يا ماجد ما انا قدامك اهوو عايز ايه
ماجد : ايه انت يا عم .. انت مش هنا خالص
سيف : طب مش كفاية كدة يا ماما ولا عايزة تشربي حاجة ؟
اميرة : لا يلا نروح ....
ذهبوا جميعا لمنزلهم و فى بيت نور ...
كانت نور فى شرفة غرفتها و كانت ترتدى جلابية قصيرة نوعا ما باللون الاصفر الفاتح و مرسوم عليها تويتي و كانت شاردة فى هذا الشخص الذي يزورها فى احلامها " اللى هو سيف بس هي متعرفش "فدخل عليها .....
قال هو : ايه يا حبيبتي انتي لسة صاحية .. مش هتنامي ؟
تعجبت كثيرا واندهشت وقالت : انت جيت منين 😳
ابتسم هو و استطاعت ان ترى ابتسامته التى سحرتها و آسرت قلبها .. ولكن لم تستطع رؤية وجهه بالكامل فقال : انا طول الوقت معاكي .. جنبك .. انا حياتك اللى جاية ... متخافيش مني ..
نور بخوف : مخافش منك ازاي بس وبعدين انت بتجيلي فى الحلم ازاي شايفاك فى الحقيقة كدة و ازاي شايفة جسمك كله ما عدا وشك .. انت مين بالظبط وعايز ايه جاوبني
هو بأبتسامة واسعة امسك يدها و وضعها على قلبه و نظر لعيناها وقال : شايفة عملتي فى قلبي ايه .. خليتيه بعد ما كان حجر خليتيه يلين و يحبك.. نور انا نبض قلبك و ايامك اللى جاية هكون انا فيها و هتعرفي انا مين كويس .. اتأكدي انى هحبك طول عمري يا عمري .. بحبك
واختفى فجأة .. اندهشت نور كثيرا وخافت دخلت غرفتها سارة وكانت نور ترتعش وخائفة فقالت سارة : مالك يا نور فيه ايه و كنتي بتتكلمي مع مين
قالت نور بتعلثم : سارة تعالى غطيني واقفلي البلاكونة و اطفى النور ...
سارة : فيه ايه يا نور مالك ؟
نور : م مفيش يا حبيبتي .. ولا حاجة انا بس عايزة انام
غطتها سارة جيدا و قفلت البلاكونة و قفلت النور و ذهبت لغرفتها ....
كانت جالسة على سريرها شاردة وتقول : معقول يمكن يكون هو .. طب ازاي .. لا بس انا حاسة انه هو .. كذا مرة قالى كدة فى الحلم يقولى انتي كويسة بعد ما ينقذني والحلم دا بيتكرر كل يوم و لما سمعتها منه النهاردة حسيت انه هو .. صوته و طريقة نطقه حااااسة انه هوو .. اووووف استغفر الله العظيم ..
طفت النور و حاولت ان تنام لم تستطع النوم .. رن هاتفها استغربت ... و ردت بدون ان تعرف من المتصل وقالت باندفاع : مين الرخم اللى بيرن دا انت ولا انتى مش عارفيين الساعة كام دي حاجة تقرف ..ايه دا و ....
قاطعها ماجد : بااااااس بس بس ايه دا فيه ايه 😂😂
انتفضت من مكانها و قامت على الفور ورأت ان المتصل ماجد فقالت بأرتباك : مستر ماجد .. انا اسفة والله ما عرف انه انت انا كنت .....
قاطعها ماجد بأبتسامة : ولا يهمك يا سارة ... المهم عاملة ايه دلوقتي ؟
سارة بنفس الارتباك : انا كويسة .. وحضرتك
ماجد : حضرتي كويس
سارة : خير يا مستر ماجد فيه حاجة ؟
ماجد : اه فيه .. اولا برة الشغل اسمي ماجد بس جوا الشغل مستر ماجد .. ثانيا ليه حسيتك اتغيرتي لما شوفتيني لو كنت سببتلك ازعاج ياريت تقوليلي .. ثالثا انا جربت انام لكن معرفتش .. رابعا قولت اكيد فيه حاجة نقصاني .. عرفت انى لازم اكلمك ❤
خجلت سارة و هرب منها الكلام فضحك ماجد بصوت عالى دق قلبها لضحكته فقال : سارة انتي معايا صح
سارة : اهه .. اه مع حضرتك
ماجد : ما بلاش حضرتك دييي .. اسمي ماجد ماجد بس .. اسمي ايه
واجهت هي صعوبة نوعا ما ولكنها قالت بأبتسامة واسعة : م .. ماجد ..
عندما نطقت اسمه رفرف قلبه و قال بلا وعي بهيام : عيون ماجد و قلب ماجد و نبض ماجد 🤤❤
اصبح وجهها باللون الاحمر و كان قلبها يدق بسرعة عالية جدا جدا اغلقت الخط بسرعة و استغربت نفسها و مددت جسدها على الفراش و احتضنت الوسادة وهي تقول : انا ايه اللي بعمله دا و ايه اللى حصل دا و ليه قلبى بيدق بسرعة كدة وليه فرحانة 😳 معقول اكون .... لا لا لا مش ممكن انا لو نسيت ف مش هنسى ازاي جوز خالتى كان بيعاملني ازاي و ازاي كرهت كل الرجالة و بخاف لو اتكلمت مع حد ... بس ماجد غير .. ماجد حاسة انه راجل بجد و مش هيخليني ازعل ابدا .. اييييه اللى بقوله دااا اتجننتي خلاص يا سارة 🥺....
قال حازم لوالدته و والده واتصل ب امير و حدد معه موعد .. يوم الخميس بعد صلاة المغرب ..
" تبقى يومين على الموعد " .......
___________________________________
فى فيلا مريم ... اتصلت مريم ب حياة وقالت انها ستغلق المحل اليوم .. بعدما نزلت حياة و وصلت للمحل اخبرتها مريم .. فجأت ان ترحل ولكن .....
_____________________________________
خلص البارت يا حلوين 🌚❤
يا ترى ايه اللى هيحصل ..
يا ترى سارة هتبدأ تحب ماجد و تبدأ حياة جديدة وتنسى اللى حصلها ؟
و حياة ايه اللى هيحصل معاها؟
و ورد يا عيني هتعمل ايه ؟
تابعوني للبارت اللي جاي 🌚❤
و قراءة ممتعة 🧡🧡