Οι θρύλοι της Αθηνάς- أساطير أثينا

الفصل الخامس عشر والأخير

الفصل الخامس عشر والأخير :

عيني احمرت ولقيت مخالب بتطلع من ايدي وبدأ نور أحمر يطلع من أيدي رميته بسرعة عليها في نفس الوقت الي هي بتطلع من بوقها النار وبقيت قصادها ونوري الأحمر قصاد النار بتاعتها بدأت ارجع لورا من قوة النار بتاعتها فزعقت بسرعة لدميتري : هيااااا ماذا تنتظر ؟؟ كان واقف ومش مستوعبة بس صوتي فزعه واتحرك وجيه بسرعة وطلع النور الأبيض من ايدي ودخله معايا وبقي شعاعين من النور الاحمر والابيض قصاد نارها وبسرعة ناديت كورو وقف جنبي الناحية التانية وبدأ يطلع النار ويدخلها برده معايا وبقي تلت اشعة قصاد نارها وبدأنا نقوي أكتر وفجأة حصل أنفجار كبير واترمينا لورا وهي صرخت بقوة وبعدت وأنا لقيت جسمي كله بيطلع من لهب أحمر ومعرفش ليه عملت كدة لقيت نفسي بجري بأسرع ما عندي ناحيتها وناطيت مكان قلبها واخترقت جلدها وطلعت قلبها ونطيت للأرض تاني وأنا معايا قلبها في أيدي وهي وقعت قدامي ميتة وهدوء تام ، بصيت علي أيدي لقيت القلب وعمال ينبض لسة وينزف عليا وجسمي كله غرقان دم واللهب بدأ يقل واختفي وأيدي المخالب اختفت وحسيت وكأني رجعت لوعي تاني رميت القلب بسرعة وصرخت ورجعت لورا ... ايه د ؟؟ ازاي عملت كدة ؟؟ أنا بقيت ايه ؟!
-مصاص دماء . بصيت بسرعة لقيت دميتري هو الي قال كدة قولتله ودموع بتنزل مني : أزاي ؟ ازاي انا عملت كدة ؟؟ أنا مش وحش والله انا مش وحش مش عارف عملت كدة ازاي . طبعا مكنش فاهم حاجة مني لقيته قرب مني وحط ايده علي رقبتي وبحركة منه الدنيا اسودت حوليا ..

صحيت من الأغماء الي كنت فيه لقيت نفسي علي الأرض والسما فوقي قومت قعدت لقتني جنب البحيرة ودميتري جنبي قولت أكيد كنت بحلم صح ؟ بقيت دميتري اول ما فوقت قال : لقد أفقت هل أنت أهدأ الآن ؟
-ماذا حدث ؟
-جعلتك تفقد الوعي لأنك كنت ستجن .
-هل ما حدث حقيقي ؟!
-نعم .
-هل أنا أصبحت مصاص دماء حقاً
-نعم.
-كيف كيف بالله عليك أخبرني كيف ؟؟
-هل من الممكن أن تهدأ سأشرح لك فقط أهدأ .
-حسنا .
- انظر كل الأعراض التي ظهرت عليك تعني أنك أصبحت مصاص دماء وأعلم ستسأل كيف كنت مسخر ماء وأصبحت مصاص دماء فهذا ممكن أن يحدث في حالة واحدة وهي أن تكون دمائك هجينة بين القدرتين وكل قدرة بهم تنشطت بداخلك في الوقت المناسب كيف أصبحت مسخر ماء ؟
-كنت في الماء أنتقلت عبر بوابة إلي هنا .
-هل أنت من عالم آخر ؟!!!
-نعم أنا من عالم موزاي .
-حسنا ستحكي لي لكن ليس الآن ، عندما انتقلت خلال الماء جعل جزيئات وقدرة الماء تتنشط داخلك وعندما استنزفت كل قدرتك لدرجة انك كنت ستموت وانتهت أصبحت طبيعي مثل الأول لأن قدرة الماء تحتاج وقت لكي تعود مرة أخري وعندما حدث موقف العنقاء وغضبت كثيرا تم تنشيط أقرب قدرة وهي مصاص الدماء وبالتالي هي من تولت زمام الأمور ، لكن كيف أنت هجين ؟؟
-لا أعلم أقسم أني لا أعلم سأجن لكن الورق الورق هو الي في الحل استني .
دورت علي الورق مكان ما سيبته ولقيته فعلا وقعدت جنب دميتري وقولته : انظر هذا الورق سيشرح لي كل شيء لكن أولا سأحكي لك علي كل ما حدث ... وحكيتله كل الي حصل من الأول وتحولي ورجوعي وكرم كل حاجة قالي : لقد عانيت كثيرا حسنا هيا نقرأ لنفهم ما علاقة والدتك بهذا الموضوع .
فبدأت افتح الورق وبدأت من الورقة الي مكتوب عليه حرف واحد بالاتيني وكان الكلام مكتوب باليوناني بس أنا هترجمه بالعربي كان الي مكتوب عبارة عن مذكرات ومكتوب فيها الآتي :

" مرحباً حقاً لا أعلم من أين أبدأ ولاأعلم حتي كيف أبدأ لكن يجب أن اشرح كل شيء لأجل أي شخص سيتعرض لنفس الحكاية أنا لميس قربان مسخر ماء وأعمل طبيبة للمملكة أعيش في أثينا في القرن الأول من بدأ الخليقة فأنا أميرة للملك والآله زيوس والآلهة هيرا عشت حياة طبيعة حتي حدث شيء غريب وجدنا جثة شخص علي شاطيء البحر بالقرب من القصر ورأيته عندما كنت أنظر من النافذة ، ذهبت اليه لكي أراه واتأكد أنه حي ووجدته بالفعل حي طلبت من الحرس أن يذهبوا به الي غرفة في القصر حتي اعالجه وذهبت اليه وقد كان جميلا حقا كان ملابسه غريبة وكأنه أتي من زمن آخر وعندما عاينته لم أجد أي جروح فهو فقط كان فاقد الوعي انتظرت حتي أستيقظ وكانت قصته أغرب من الخيال قال أنه مصاص دماء لكن من الصنف الطيب والذي لا يشرب دماء البشر بل الحيوانات فقط وانه اتي من عالم البشر لكن من المستقبل أو من عالم موازي واخبرني أنه في اسفل منطقة تسمي مثلث برمودا تقع في البحر و يوجد أسفل هذا المثلث ثلاث بوابات بوابة للعالم السفلي وبوابة لعالم مصاصي الدماء والمستأذبين وبوابة لعالم البشر الموازي لهم قال أنه مل من عالم مصاصي الدماء وقرر أن يعيش في عالم البشر وعندما انتقل اليه وعاش فترة به ومن ثم قرر العودة لعالم مصاصي الدماء لحضور طقس معين لديهم لكن الغريب أنه وجد بوابه أخري لعالم البشر ومن المفترض أن يكون هناك بوابتان فقط فبسبب فضوله دخلها وجد نفسه لدينا في أثينا القديمة لم أصدق أي شيء في الأول لكنه تحول أمامي ورأيت أنيابه ومخالبه صدقت حينها وأخبرته أن يذهب لمكان المثلث الذي حكي عنه وبالفعل ذهب لكن لم يقدر علي الوصول بسبب حارسة البحر حاول كثيراً لكن لم يستطيع أحد السيطرة عليها أو هزيمتها فقرر وقتها أن يعيش حياته هنا وأحبني كثيراً وأنا بلمثل وتزوجنا وأنا وهو قومنا بأبحاث كثيرة لكي أعيده الي عالم البشر الموازي وبدراسته الفيزياء والكيمياء قد ساعدنا ذلك كثيراً استخدمنا مواد كثيرة لخلق شيء يكسر حاجز الزمن والكون وبالفعل وجدتنا مادة جديدة غير مسبوق التعرف عليها وخلقنا مكعبين يستمدان قوتهم من حجر الياقوت ويقومان بفتح بوابه لعالم موازي ، هيكل لم يكن يعلم أي عالم موازي لكن حتي أذا كان ليس هو ما عاش به فأنه علي الأقل سيستطيع الذهاب من خلاله وذهبنا معا بالمكعب الأول وكان الشيء الجميل أننا ذهبنا للعالم الذي كان يعيش به كنت حامل و أيضاً تبنينا فتاة قد كانت مع عائلتها في حادثة لكن هيكل لم يستطيع فعل شيء لهم فأخذها وأعتبرها كأبنته عدنا مرة أخري الي هنا لأني قد اشتقت للبلد وكتبت هذا الورق ووصنعت مكعب أخر وتركتهم مع زيوس لأجل أي أحد حدث معه نفس الشيء ومعلومات مهمة :
- المادة المصنوع منها المكعب موجودة في أشياء كثيرة وممكن لسوء الحظ أحد يستطيع التنقل إلي العالم الموازي
- عندما تنتقل من عالم إلي عالم آخر فأن سيكون هناك نسخة أخري مكانك وسيكون شيء مثل الأستبدال فأنت ستنتقل لعالم ونسختك التي في هذا العالم ستنتقل مكانك وسيكون لديها ذاكرتك كاملة لكن أنت لا .
- إذا اردت العودة إلي مكانك وعالمك ما عليك إلا أن تمد المكعب بالطاقة عن طريق حجر الياقوت.
- الكون كبير لدرجة لا أحد يتخيلها نحن نقطة في بحر الفضاء والكون فلا تستغرب كل ما قال فنحن في عالم مليء بالأساطير .
وبعد ما كتبت كل شيء سأعود إلي اثينا الحديثة مرة أخري وسألد أبني لقد علمت أنه ولد سيكون هجين بيني وبين أباه سيكون قوي جداً أعتقد أن فهد بني سيكون له مستقبل مبهر "

أنا أمي كانت عايشة هنا وبابا مصاص دماء وأختي ملاك مطلعتش أختي ؟؟ ده أزاي ؟؟ ازاي كنت عايش في كدبة زي ديه كنت عارف أني معيشتش مع أهلي لأنهم ماتوا وأنا صغير بس مش للدرجة أني مكنش عارف عنهم أي حاجة موتهم كان بشع بس مكنتش واعي لده كنت طفل ومحكوليش حكولي أنهم ماتوا في حادثة بس الحقيقة الكاملة أنهم كانوا ممكم ينجوا بسهولة لأنهم خارقين بس العربية ولعت بيهم عرفت ده بس لما كبرت ودلوقتي عرفت ليه ده موتهم ، كانت ملاك هي الكبيرة لكن كنت دائما أنا الي بيحميها دايما في العشر سنين الي عشتهم مع بابا وماما كانوا دايما بيوصوني عليها كانوا دايما بيقولولي أني قوي جدا واني قادر أعمل أي حاجة وأنا مكنتش بفهم حاجة ليه ده كله ليييه ...

لقيت دميتري بيطبطب عليا وبيقول : أهدأ فهد أعلم أن ما عرفته ليس بقليل لكن علي الأقل لقد فهمت الأن أصلك .
- طب وملاك الي شفتها مااتت نسختي الي انا السبب انها تتنقل قتلتها أنه سمعته بيقول هذا ليس عالمي .
- لا أفهمك فهد .
- لا يهم يجب أن أذهب للقصر فزواجي غداً .
سيبته وخدت الورق معايا وروحت علي القصر لقيت يفرا قدامي قبل ما تتكلم قولتلها : يفرا بجد انا تعبان جدا وميت لسة محارب العنقاء واكيد وصلك الأخبار ولازم أصحي بدري علشان الفرح تصبحي علي خير. وبوستها من جبينها وسيبتها وطلعت الأوضة شوفت بدلة الفرح مهتمتش واترميت علي السرير وأنا ميت حرفيا نفسياً وجسدياً ونمت..

حلمت بنفس الحلم بتاع ملاك تاني ونفس الخناقة وبس لما رماها مصحيتش جريت عليهم اشوفها علشان أنقذها لقيت النسخة بتاعتي الي هكلم عليها بصيغة هو ماسك ملاك قبل ما تقع وبيقول : أسف حقاً أسف لكن هذا ليس مكاني انا حتي لا أفهمك أنا كنت عايش .. لا أعلم كيف أصف المكان بحق الجحيم قد سئمت من ذلك لا أعرف كيف سأعود من الأساس لا أعلم ..
وكل ده وهو ماسكها وفجأة بصلي واتفزعت من النوم وصحيت لقيت نفسي عرقان جامد والجو حر جدا بصيت لقيت النهار طلع قمت قعدت وفضلت أخد في نفسي وأحاول اسستم افكاري شوفت البدلة قدامي فأفتكرت الفرح قومت استحميت وجهزت ولبست البدلة أو الرداء الي شبه البدلة لأكون أدق في كلامي

خرجت من الأوضة لقيت كران كان جاي الاوضة وقف وقالي : - مبارك لك ستنال الحسناء .
- اهو قرك ده مش هتجوز ماذا تريد كران ؟
- ليندر معي هنا في القصر تعبت كثيراً حتي أستطعت أن اشتريه اخيرا لقد تركته في غرفة من الغرف مع هيرو .
- حسنا شكراً لك كران ، هل مراسم حفل الزواج بدأت ؟
-نعم ،يفرا تنتظرك .
سبته ورحت ناحية أوضة يفرا مهما كان في حزن ولغبطة جوايا ففكرة أني هتجوز يفرا كانت مفرحاني جدا وصلت وخبطت شوية وفتحت بطالتها الملائكية بفستانها الأبيض وكأنه مصنوع من حبيبات السكر ببرائتها وجمالها وكل ده بعد شوية هيبقي ملكي أنا

قربت منها وقولتلها : أنا كنت متفق مع الملك أني اتجوز يفرا البني ادمة متفقتش أني اتجوز ملاك نازل من السما .
ابتسمت بخجل وقالتلي : بطل بقي ويلا علشان ننزل أتأخرنا.
- أمرك سمو الأميرة .
وطلعت من جبيبي خاتم من الماس .

ولبستهولها وبوست أيديها وقولت لها : يلا بينا يا سمو الأميرة .
مدتلها أيدي مسكتها وبدأنا ننزل لتحت وقاعة القصر بدأت توضح أكتر وكانت مزينة بطريقة جميلة جدا وانقية والمعازيم الي هما أفراد الشعب المهمين قاعدين علي الجانبين وسايبين طريق في النص مشينا بيه لغاية ما وصلنا للكاهن الي هيبدأ مراسم الزواج وقال الجملة المشهورة في الأخر هل تقبل يفرا بنت سيجم زوجتك ؟
وكان ردي : أكيد أقبل .
غير السؤال ليفرا وقالها : هل تقبلي فهد هيكل زوجك ؟
كان ردها : نعم أقبل .
وقال : أعلنكم زوجة زوجة وأمير وأميرة لمملكة أثينا مبارك لكم .
بدأ التسقيف يزيد وناس كتير تيجي تبارك وأنا مبتسم ومتناسي أي حاجة خنقاني ومضايقاني وماسك أيد يفرا ومش عاوز أسيبها خلصت فقرة المراسم وبدأوا يعزفوا في موسيقي وأحنا المفروض نفتتح الرقصة وفعلاً مسكت ايد يفرا ودخلنا لساحة الرقص وبدأنا نرقص علي الأنغام الهادية الرومانسية بعد شوية يفرا أكلمت بهمس وقالتلي : حسناا فأنت الآن مصاص دماء مش كدة؟
- عرفتي ازاي ؟!
- لا تنسي فهد فأنا اتحكم في القلوب في الحقيقة خليت دميتري يقولي بس بعد ما هددته .
- ليه يايفرا ؟
- أعمل أيه كنت شكلك تعبان أوي يافهد ومرهق بزيادة خوفت عليك وقولت لازم افهم في أيه فدميتري حكالي كل حاجة بس أنا مش عارفة أنت هتعمل أيه ؟
- مش عارف حتي مش عارف ممكن الاقي حجر الياقوت فين ؟
- في كيميت .
- نعم ؟
- في مملكة كيميت .
- مصر !!
- مش عارفة اسمها عندك ايه الصراحة .
- الاقيه إزاي في مصر .
- الي أعرفه أن في مقابر كتير هناك مقابر فرعونية مليانة كنوز وفيها الحجر ده بس بيبقي في مشاكل زي الراصد ووحش مش فاكرة أسمه فالدخول هناك صعب بس أنت مافيش حاجة تصعب عليك بقي ده انت طلعت هجين أول ظاهرة تحصل عندنا عمر كا قدرتين اتجوزا كان اتنين من قدرة واحدة بس .
- يبقي أنا كدة مفروض أروح رحلة لمصر أو كيميت الأرض السوداء .
- أها .
- ولو لقيته وهتتنقل فأنا هبقي معاك مش هسيبك وكمان عاوزة أقابل ملاك .
- تعرفي أني بحبك ؟
- أها عارفة أكيد طبعا في حد ميحبش القمر ده .
ضحكت وهي ضحكت والرقصة خلصت وبدأت فقرات كتير في الفرح تبدأ والملك والملكة موجودين والفرح خلص وطلعنا الأوضة وأنا مستني بكرة علي نار علشان ابدأ رحلتي لمصر ...

يوم جديد بأحداث جديدة وبأساطير جديدة صحيت من النوم لقيت يفرا نايمة جنبي قومت من جنبها دخلت أجهز واحضر الحاجات الي هاخدها معايا والمكعب والورق خرجت من الأوضة وكنت هتحرك لقيت صوت يفرا وبتقولي : هاجي معاك
- نعم ؟؟
- هاجي معاك وانا جاهزة اهو.
بصيت عليها لقيتها فعلا جاهزة ولابسة لبس الجيش وكأنها رايحة تحارب وبصتها ليه كانت بريئة وكأنها بتترجاني أوافق قولتلها : طايب موافق بس بشرط .
- هييي أيه هو ؟
- هتعملي كل الي هقولك عليه وتنفذيه مفهوم ؟
- مفهوم يا فندم .
اتحركنا أنا وهي وخرجنا من القصر وناديت كورو وركبت علي ظهره وشدتها تركب ورايا واتحركنا لمصر أو كيميت فضلنا طايرين لغاية ما شوفت مصر من فوق

لقيت يفرا اتكلمت وقالت : الهرم الأكبر هو المقبرة الأعظم وهو الي هتلاقي فيه كل حاجة بس لازم تستني بليل علشان مينفعش ندخل دلوقتي .
- انتي عرفتي المعلومات ديه منين ؟
- انا اتعلم ودرست هنا وأعرف كل المعلومات عن الحضارة الفرعونية فأنا بحبهم أوي.
- ده هما الي بيحبوكي والله ، يفرا .
- نعم .
- هاتي بوسة.
- ما تبطل بقي واتفضل انزل علشان نقعد لغاية ما الليل يبدأ. .
- طايب .
نزلنا بكرورو لمكان منعزل شوية وقولتله يفضل هنا وأحنا دخلنا جوا البلد نتفرج علي المعالم والأثار وكان كل حاجة جميلة جدا والناس تعاملها جميل حسيت قد أيه أحنا عظماء بجد فضلنا نتمشي ونتكلم لغاية ما الغروب بدأ وبعد كدة اتسللنا براحة ما بين الناس للهرم الأكبر لغاية ما وصلنا للبوابة بتاعته وطبعا كان في أختلاف شاسع مابينه دلوقتي وما بينه في الحقيقة

كان في حراس عن البوابة كنت بعدي منهم ويفرا ماسكة فيا فضلنا علي كدة نستخبي ونعدي من ورا الحراس لغاية ما وصلنا بوابة الهرم الرئيسية كانت بالوبة بتفتح برمز معين أنا طبعا مش عارفه في ثانية طلعت مخالب من ايدي وكسرت مكان الرمز والبوابة اتفتح لفوق دخلت أنا وورايا يفرا وفضلنا ماشين في الممرات المنورة بالشعلات علي الجانبين لغاية ما فجأة الشعلات كلها اتطفت وبدأ يطلع من الحيطان حاجة شبه السكاكين وبتقرب وكان في نفس الدائرة الي أكتب فيها الرمز فكرت كتير أيه ممكن يكون الرمز وخبيت يفرا ورايا بسرعة وفضلت اجرب في رموز عشوائية قولت ليفرا بسرعة : تعرفي الكتابة الفرعونية ؟؟
- اه ليه ؟
- خوفو بتتكتب ازاي ؟
-

كتبتها بسرعة لقيت كل حاجة وقفت وبدأت ترجع مكانها والشعلات نورت تاني خدت نفسي وقولت ليفرا : يلا بسرعة .. اتحركنا بسرعة لغاية ما وصلنا لنهاية الممر وكان سلم طويل لتحت نزلنا والدنيا كانت ضلمة لكن كل ما بننزل خطوة كل ما شعلة جنبنا تنور لغاية ما وصلنا لأخر السلم وكل الشعل نورت وشوفت الي حوليا مكان كان كبير أوي ماليان دهب وأحجار كريمة كتير وتماثيل علي الجنبين عامل ممر ما بينها أول اتحركنا ودخلنا جوا ويفرا ورايا فضلت أدور علي حجر اليوقات ولقيته فعلا لكن أول ما لمسته لقيت صوت صرخة قوية جدا وبدأت الأرض تتهز من تحتيا ولقيت قدامي من بعيد دخان كثيف وحاجة بتتكون فيه رجعت لورا ويفرا ورايا ولقيت اتكون حاجة فعلا .

لا مستحيل أنوبيس . قولتها وانا مندهش ولقيت يفرا بتقول : واوووو ده Ἄνουβις.
- أسكتي أنتي خالص هنموت دلوقتي كل حاجة خيال بتحصلي هنا والله ما ناقص حاجة تانية .
لقيته قرب وبمنتهي العنف قال : كيف تتجرؤن علي لمس كنوز الجبانة .
- طب أنتوا حطينها تسموا عليها .
سمعت صرخة تاني فاتكتمت وقولت بصوت هادئ : أريد حجر الياقوت واحد فقط وسأذهب من هنا .
- من أنت لكي أعطيك شيء .
- فهد هيكل ومين حضرتك ؟
لقيته بدأ يقرب قولت بسرعة : بهزر والله بهزر ايه يا رمضان مبتهزرش .. أنظر أحتاج حقاً الحجر وأذا لم أخده بالمودة سأخذه بالأجبار .
- حسنا إذا تفضل خذه بالأجبار .
وحرك عاصيته خبطها في جداران الهرم وبدأ يدمر وتقغ الصخور قدامنا وحوالينا وهو واقف بمنتهي الهدوء اتحولت بسرعة وبدأت أبعد كل الصخور بعيد عنا بقوتي وجريت خدت كم حجر ياقوت وحطتهم في جيبي وقولت ليفرا : أجري بسرعة ومتبصيش وراكي . سمعت الكلام وجريت وأنا وراها بس وانا بجري التماثيل الي كانت عبارة عن كلاب اتحركت يا مصيبتي السودا لفيت بسرعة علشان ادور علي طريق تاني بس لقيت أنوبيس في وشي ياجماعة ده حجر ياقوت يعني قصاد الكنوز ديه ما تصلوا علي النبي وبتبقوش بخله كدة وبسرعة كومنت كورة من الأشعة الحمرا في ايدي ورميتها عند رجلي طلعت شرارة ودخان فهربت وجريت بسرعة للسلم وقولت مش هبص ورايا مش هبص بس للأسف بصيت ولقيتهم كلهم جاين ورايا يالهووييي جريت بسرعة ووصلت للسلم وانا بطلع اتكعبلت ولقيتهم قربوا لسة هفقد الأمل لقيت يفرا بتمدلي أيدها وبتقولي : يلاااااا بسرعة . مسكت ايدها وطلعنا وفضلنا نجري والهرم بيتهز وصخور بتقع وصلنا أخيرا للبوابة وخرجنا والبوابة أتقفلت ..

- هوووووف يالهوي ياني ياما كان مستخبلنا فين ده كله ياماااا انوبيس وعنقاء وعالم سفلي وتنانين وآلهة ليه كل ده ياااامااا . ده كل الي قولتله أول ما خرجت ولقيت يفرا فاصلة ضحك جنبي ضحكت أنا كمان وقولتلها : كله منك والله هههههه .
- طب يلا حط الحجر ونرجع .
- لا لازم نرجع الأول اثينا ومن هناك نتنقل يلا بينا .
ناديت كورو وركبناه وروحنا علي أثينا قولتلها أول ما وصلت : سلمي علي الكل وخدي الي انتي عاوزاه لأن أحتمال منرجعش بسهولة .
هزيت رأسها واتحركت ناحية أوضتها وأنا روحت لكران ودميتري قولتلهم : حقاً أنا لن أجد أصدقائك مثلكم ابدا سأشتاق أليكم كثيراً . حضنتهم وبجد لوهلة حسيت أني قلبي اتقبض لفكرة أني هسيبهم بعد كدة روحت للملك والملكة وسلمت عليهم وبعدت بالملك وقولتله : أنا سأذهب من هنا عن طريق المكعب ، لماذا كنت تخفيه عني ؟
- أين وجدته ؟
- عند كرم ،لكن لم تجب علي سؤالي .
- كنت أعرف أنك إبن هميس .
- كيف ؟
- أنت تشبها كثيراً وطريقة كلامك وشخصيتك أنت هي وأيضا أنا أستطعت أن أعرف أنك هجين من السهل أن أعرف ذلك لكن عندما أخبرتني أنك مسخر ماء أندهشت لعدم أحساسك بقوة مصاصي الدماء وأنها لم تسيطر عليك ، كنت أحتاجك في المملكة فهد كنت تشعرني بهميس فأنا كنت مشتاق أليها كثيراً ورأيتها بك أنها كانت مثل أبنتي والآن عندما علمت بالمكعب ستذهب وتأخذ يفرا معك أيضا ، أنا لم أكن أريد ذلك .
- سأعود مرة أخري زيوس أعدك لكن أريد منك مكعب الطاقة الآخر .
- لماذا ؟
- سيكون معي أذا أحتجته .
- حسنا فهد .
واتحرك دخل جوا وطلع بمكعب شبه الي معايا وخدته منه وسلمت عليه تاني وخرجت روحت لأخر حد ليندر وهيرو لقيتهم قاعدين أول ما دخلت قاموا وكانوا هينحنوا قولتلهم باليوناني : لا لا لا تنحنوا أنا أتيت لأخبركم أنك أحرار تستطيعوا أن تذهبوا في أي مكان وليندر أرجوك حافظ عليها أنها تحبك كثيراً وستموت أذا حدث لك شيء .
شكروني جدا وانا ابتسمت وأتجتهت لأوضة يفرا دخلت لقيتها قاعدة علي السرير وبتعيط قعدت قدامي وقولتلها : طلما مش عاوزة تسافري قولتي ليه هاجي معاك .
- قالت بعياط : علشان بحبك بجد بحبك ومش هقدر أستغني عنك .
حضنتها وفضلت أهديها وقولتلها : أول ما هطمن علي ملاك وأرجع النسخة بتاعتي لو عاوزة ترجعي هرجع معاكي ونعيش هنا بس انتي متعيطيش علشان خطري .
- يعني هنرجع أكيد فهد .
- أه يا عيون فهد بس متعيطيش بقي .
مسحت دموعها زي الأطفال وابتسمت وقالتلي : طب يلا بينا.
-يلا . طلعت المكعب وطلعت حجر الياقوت وكان فيه مكان مخصص ليه ركبته وحطيته علي الارض بدأ المكعب ينقسم ويتحرك كتير وطلع منه شعاع كبير بنفسجي وبدأ يوسع مكون دائرة وجواها حركة سريعة لجزيئات لونها بنفسجي قولت ليفرا : جاهزة ؟
- اها .
مسكت أيديها وغمضتنا عينا ودخلنا الدائرة بعد ثانيتين حسينا بنور فتحت عنيني لقيتنا في مكان والدنيا نهار وكأننا في معبد خرجنا لقينا ناس كتير وماسكين موبيلات وبيتصوروا جريت علي واحد وسألته باليوناني : في أي سنة نحن ؟
- 2020 .
- يس يس اخيرا اخيرا ياربي .
لفيت ليفرا وقولتلها : أهلا بيكي في منزلنا المتواضع هههههه بجد مش مصدق نفسي يلا بقي علشان نروح البيت ..
طلعت المحفظة الي كانت معايا دايما من أول ما اتنقلت شوفت الفيزا وروحنا أقرب ATM علشان اسحب فلوس سحبت فعلا وركبت تاكسي أنا ويفرا وروحنا علي بيت ملاك وأنا من جوايا بتمني ألاقي ملاك فعلا وصلت للبيت ويفرا معايا رنيت الجرس مردتش أفتح بالمفتاح سمعت الباب بيتفتح واتفتح فعلا وشوفت ملاك حمدت ربنا وحضنتها وقولتلها : وحشتني بجد والله كنت فاكر اني مش هشوفك تاني.
- فهد أنت ازاي خرجت ؟؟ أنت كنت معايا جوا حالا ولفت لورا لقيت فعلا نسختي طلعت وأنا وهو واقفين لقيت ملاك بتقول : ازاي ؟؟ ثانية واحدة مش فاهمة .
قولتلها : ملاك ادخلي جوا دلوقتي .
مردتش قولت ليفرا : خديها وادخلوا جوا يا يفرا يلا .
خدتها ودخلت فعلا وأنا فضلت واقف وبعد كدة وجهت كلامي للي قدامي والي استشفيت أنه بيكلم لغة عربية من الحلم وقولت : شكراً لك لعدك أذيتك أختي وأعلم كيف هي صعوبة أن تعيش حول ناس لا تعرفهم لقد كنت مكانك في عالمك أثينا القديمة أليس كذلك لقد تم نقلك هنا عند ذهابي إلي هناك .
- هل حقا تصدقني ؟
- نعم فأنا حدث معي شيء مشابه والآن لدي الطريقة التي ستذهب بها مرة أخري ولن تأتي إلي هنا مرة ثانية حتي إذا انتقلت طلما نحن الآن أمام بعضنا هذا يعني أننا كسرنا قاعدة ألأستبدال .
قولتله علي الطريقة الي يرجع بيها من حيث البوابة الي دخلت منها أول مرة أو مثلث برمودا مردتش أقوله علي المكعب لأني هحتاجه وقولتله لو في أي طريقة فشلت يجي ليا وأنا هعرف أوصله .

مشي وحكيت لملاك كل حاجة باستثناء أنها مش أختي حكيتلها أني خارق واني هجين وأن بابا كان مصاص دماء وأن ماما كانت مسخرة ماء لكن القوة اثرت عليا مش عليها حاولت أقنعها بده وحكيتلها أني كنت في زمن تاني وبعد تاني وأن يفرا مراتي من هناك وحكيت علي الأساطير والآلهة وكانت حكاية ولا العجب والله يفرا تأقلمت مع الجو جدا وحبت العالم بتاعنا سيبنا ملاك وهاري وروحنا بيتنا الي في اليونان واستقرينا هناك مردتش نرجع مصر ولا أيطاليا علشان نكون قريبن من المكان الي يفرا مرتبطة بيه ، بستخدم قوتي بحدود وبقي عندي القوتين بقدر أستخدمهم الماء ومصاصي الدماء يفرا برده بتستخدم قدراتها قليل جدا عيشنا حياة هادية وكان أسعد يوم لما قالتلي أنها حامل بس ساعتها فكرت هل أبني هيبقي ليه نفس القدر ؟ هل أبني هيكون قدرته عاملة ازاي ؟ هل هيضطر أنه يتنقل لعالم كله أساطير زي ما اتنقلت لعالم أساطير أثينا ...

تمت بحمد الله
أميرة دويدار