نيران قلبي
بقلم هدى
البارت الثالث
---------
شمم..
شفت من بعيد شجن وغصن جايات الي ابتسمت وركضت الهن
شجن،غصن - هلاووو
- هلوو ولجن شکد مشتاقتلجن
- يولي حتى احنه اشتاقينالج انتي وفدك يوميه نذكرجن
- اي صدك وين فدك
- بعدها مااجت عبالنه تجن سوه
- لا اني بابا جابني ونسيت اكلها ، امشن ننتظرها بالصف
رحنه للصف وكعدنه بأماكنه اني ثالث رحله غصن يمي وفدك وشجن كدامي
- لج شمم بابا حيجيبلنه فون
- ياا واخيرا اقتنع
- يولي شگد توسلنه يجيبلنه فون اخير شي كال اجيبلجن اثنينجن بي بس بشرط تدرسن بي
- اي شوكت يجيبه
- ماادري بهالاسبوع
- تمام هذا حسابي بالانستا ورقمي..
خاف يتأخر واذا سويت فيس اكلجن ، بس تعالن شلون اعرف منو الي تراسلني
- باعي الانستا لـ شجن والواتساب الي يعني كل وحده تراسلج ببرنامج
- ممم خوش فكره..
- بنات حروح اشتري عصير واشوف فدك بلكي اجت تردن شي
جاوبناهة بـ لاا وراحت
- بله قريتي بالعطله لا
- اي كملت الفيزيا وشجن بقالهة مدري شكم فصل
- اني كملت فصلين من الرياضيات وغلست،
دنسولف واجت فدك تركض
- اخخ طاح حضج شجن خرعتني تکول عدنه مدرسه
- شكد غبيه بله اذا عدنه مدرسه شعندي طالعه اشتري
- ندري انثولت ، اي شلونجن
- تمام
- تعالي كعدي راح يدك الجرس..
شويه ودك الجرس واجت مدرسه العربي بسرعه عبالك واكفه بالباب..
سجلت الغياب وبدت تشرح لمن خلصت شرح كالت نقلن
دنكتب ودك الجرس كملنه وطلعنه
ومر الوقت بالدروس
رنيم..
رحت وراه لغرفته يم ادارة العميد ، فات قبلي ردت افوت سد الباب
- يا هذا شبي مخبل
دكيت الباب وفتت بعد ما گال تفضل
بقيت واكفه منتضره يحجي
- اي رنيم تفضلي
- دكتور انت صحتني
- اي صح..
- دكتور صاير شي
- لا بس شفت اسمج وردت اتأكد ، اسمج رنيم هاشم صح ؟
- اي صح
- اها جيد تكدرين تروحين
حجيت بكلبي
- شبي هذا هسة مال اهفه بالجنطه وكع كلبي احجي
رأسا رحت للباب وطلعت
داامشي اريد اروح للقاعه اجتني اكثر فضوليه ولزكه بالجامعه
- رنيم رنيم شيريد منج دكتور عزيز شفته ديحجي وياج
نترت بيهة
- شعليج انتي شي ميخصج ليش تسألين
- علكيفج عيني شكلنه والله يربي
- روحي من يمي مالي خلكج
كملت مشي ودخلت للقاعة مااعرف شكد ودخل الدكتور وبدت المحاضره الثالثه
مر الوقت وخلصت المحاضره اجاني الخط ورجعت للبيت
فتت للبيت لكيت الكل راجعين مجهزين الغده ومنتضريني كلت لماما تغدو اني حنام
وصعدت للغرفه نمت بملابسي من التعب
تقريبا نمت ساعتين وكعدت على صوت شمم
- خيرر شبيج تفترين فوك راسي
- لج شوفي فونج ماسكت كلساع تجي رساله اريد اقره
رنيم فتحت الفون واني متأكده هو لان ماكو غيره يزعجني
دخلت عالواتس وانطيته بلوك من الواتس نسيت الانستا وقفلت الفون
- شمم بيش الساعه
- حتصير بالاربعه
- اوكِ نص ساعه وكعديني راسي صاير طبل،رجعت غمضت بلكي انام بس ماكدرت وراسي يوجعني
فتحت الفون واجت الرسائل بيهن 12 رساله عالانستا..
- اني جم مره كايلج لتحضريينيييي انتييي لييشش تعانديينن
وبعد رسائل ، قريت اخر رساله وجاوبته
- اذا ماجاوبتي وشلتي البلوك قسم اجي يم باب بيتكم واسويلج فضيحه
- والله ياريت تجي خلي اعرف شخصيتك المجهوله
- اذا اجيييت مو بس اسوي فضيحه حتى اشردكم من المنطقه كلها
كتبت مستهزأءه
- احلف!
- وروح امي اسويها
مااعرف ليش من كال وروح امي حسيته يسويها صدك..
- الى متى تبقه وراي لا انت الكايل منو ولا انت عايفني
- وليش مستعجله هلكد اصبري حتعرفيني قريبا
- راح اشيل الحظر بس توعدني ماتزعجني ولا تدز شي ترا ماطلعت هاي
- اي خوش
- وعد؟
- لا مو وعد
- الصبر ياربي الصبر ، اكيد بعد كل محادثه هو ينتصر واروح اشيل الحظر
شلته وكتبتله اذا راسلت هسة اخلي ابوي يتصرف ذبيت الفون ونزلت..
شمم..
مرن شهرين بين الدراسه والبيت
كعدت بالبيت بعطلة المراجعة استعداداً للامتحانات الوزاريه ، ركزت كلش على دراستي ودخلت خصوصي..
اجت الامتحانات وامتحنت اجوبتي مقتنعه بيها وواثقه من اجابتي الحمدلله
بعد ماخلصت اخر امتحان رجعت للبيت طايره مامصدكه خلصت هالمرحله..
بعد فتره نزلت النتائج مال صف السادس
رنيم نجحت وصارت مرحلة رابعه وليال هم صارت سادس بس اني منتضره تمار يطلع نتيجتي..
هي نازله من قبل يوم بس مااعرف اطلعهن فأنتضرت تمار لمن فرغ..
جنه كاعدين اني واخواني بالهول ملتمين يم الحاسبه وتمار كاعد يدور على اسمي ، قرب الحاسبه اله وكال
- شمم بربج هم معدل هذا لو باقيه ع معدل العام احسنلج
تغيرت ملامح وجهي بعد ماجنت مبتسمه عبست وكلت
- عزااا شكد طلع
- 72
حطيت ايدي ع وجهي وحجيت
- لا فدوه هذا شنو والله ضالميني اني مجاوبه كلش زينن ماا ماااا
- يلا بعد شتسوين هذا حضج
ديحجي تمار وياي عود يواسيني اجت رنيم سحبت الحاسبه من يمه وكالت
- ياااا جذاب باعي معدلج 92
- بربججج
- وربي تعاي شوفي
- رحت يمهة داشوف وصدك المعدل مثل ما كالت
طرت من الفرح اجيت على تمار نايم بالكاع ويضحك عضيته
- حقيررر تضحك عليه
- اخخ خرب يومج جلب بوليسي
هههههههههه شفتي شكلج من كتلج 72
يحجي ويحك مكان العضة
- عابت خبيث
- اي وين راح تعزمينه بهالمناسبه
حچتها ليال واني جاوبتهة
- لا بالله ليش مو انتم تعزموني
- هسة الساعه بـ3 تصير بالسبعه اخذجن نتعشة بمطعم بس ها شمم الحساب عليج
- امممم اوكِ امري لألله
- يارب عساج دوم ناجحه وتعزمينه على حسابج
- كبر تموتين عالدياحه اكول اني عليمن الطالعه..
بابا وماما جانو نايمين من كعدو كلتلهم كلش فرحوا باركولي وانطوني كل واحد 25 الف واني عندي 25 قديمه حطيتهن بجنطه حتى اصرف منهن
صارت الساعه 6 بدلنه وكلنه لبابا وماما كالو روحو احنه نبقه..
صعدنه بسيارة تمار ومشينه
- هاا ست شمم جبتي فلوسج ترا ماادفع اني
جاوبت بملل
- ايي جبتهن لاتخاف ، كلت بكلبي
(نشوف شلون ماتدفع)
وصلنه للمطعم ونزلنه طلبنه بيتزا وكص دجاج وببسي ومقبلات..
اكلنه وكملنه راح تمار يشوف الحساب واجه كال
- يلا ورقي الحساب 37 الف
فتحت جنطتي طلعت 15الف وبقيت ادور عود ماهن فلوسي كلت
- اااا تمار ماجايبه بس هاي الـ15
- لا بربج
- اي شبيك
- هههي خلي فلوسج الج اني ادفع
راح يدفع واني اضحك بكلبي شلون ضربته بوري
- يلا امشن خل نرجع
گالت ليال بترجي
- لا تمار فدوه فرنه بالسوك من زمان ماطالعين
- ها تمشن؟
- اي ليش لا
- تمام بس ساعه ونرجع
جاوبناه. بـ اوك واخذنه..
المطعم جان بالسوك يعني بس نتمشه مارحنه بالسياره
- تعالو خلي اشتريلكم موطه خطيه قهرتوني
- اي طلعي فلوسج المن مخليتهن
- طلعت 5 من الجنطه وانطيته
هاك بس لا تلزكلي حيخلصن فلوسي وكلشي مامشتريه حطيت عينك عليهن..
راح جابلنه موطه وازبري ناكل ونتمشى
طبينه لمحل اكسسوارات لميت نص المحل
حتى البنات اشترن بس مو بكدي كلش احب الاكسسوارت...
بعدني دااختار ساعه كالت رنيم بسرعه كملي وخلي نطلع اخذت ساعه ورحت دفعت وطلعت...
بعدها رحنه لمحل حلويات اخذت كرزات وجباسه وكلشي يعجبني
تمار اخذ ليال وكال من تخلصن خابرني
رحنه اني ورنيم لمحل مكياج اني مااحط مكياج بس
اخذت ماسكات واشياء للبشره ورنيم هم..
كملنه وخابرت تمار اجانه ورجعنه
طبينه للبيت تقريبا بالـ10 صعدت للغرفه بدلت ملابسي اجيت اضمهن وفتحت الجنطه اطلع فلوسي تفاجأت باقيلي بس الفين ، حييل هاي شكد صارفه
مددت عالجربايه سألتني رنيم
- صدك ماسالتج على شنو حتقدمين
- ردت صيدله بس معدلي مايساعد فـ اكيد هندسه
- تكدرين تدخلين اهلي
- مااريد اكلف بابا اروح هندسه احسن
- ترا عادي بابا مايرفض واحنه الحمدلله حالتنه زينه
- لا ميحتاج غيرت رأيي اصلاً
- هو احنه حنصير عائلة الهندسه
- اي والله ، يلا حنام تصبحين على خير
رنيم ..
جنت كاعده مقابيل كرسي تمار بالمطعم واكو طاوله تصير مقابيلي يعني تمار ميشوفه كاعدين بيهة 3 شباب
واحد منهم كل شويه يباوع بأتجاهي بيناتهم نرفزني بقيت منزله راسي واكل ، ماارتاحيت لمن طلعنه
طبينه محل اكسسوارت ، جنت واكفه اختار كلاده اجه واحد من وراي كال
يتبع...
رأيكم؟
توقعاتكم؟
لتنسون التصويت 🌟