بيت العنكبوت
الفصل 25
في بيت أهل ماجد
ماجد: هلا والله تو مانور بيت ابوي من زمان ماشرفتنا
عبدالرحمن: الله يحيك ويبقبك مابي اطول عليك واشغلك هو سؤال واحد وابيك تجاوبني بصراحة
ماجد: خاف من سؤاله ايش بغيت ؟؟؟
عبدالرحمن: ليش خطبت خالتي
ماجد: حاول يخفي ارتباكه قلت سببي لأهلها انا مادري ليش تسؤلني هالسؤال بدال ماتفرحون لها تسألون واحد ناوي يسعدها ليش خطبتها من جد انكم غريبين
عبدالرحمن: حط عيونه بعيون ماجد يدقق بكل حركاته لاتتهرب مني وتجاوب سؤالي بسؤال ليه خطبتها انت فاهم سؤالي زين
ماجد: بعصبيه قلت لك يابن الحلال ابسعدها ابستر عليها
عبدالرحمن: ناظرهـ بتعجب ايش كل هالرحمه الي تخليك تهدم سعادة زوجتك وتضحي لوحدة ماتعرفها
ماجد: ارتبك بس تمالك نفسه انت دايم تسولف عنها وعن طيبتها وعجبت فيها يوم شفت حالتها قررت اتزوجها وأعالجها بعدين زوجتي على عيني وفوق راسي ماراح يضرها شي اسعد هذي وهذي
عبدالرحمن: قرب له ماجد جاوبني بصراحه ايش سبب خطوبتك لها اجابتك غير مقنعه ابد
ماجد: حاول يبعد عيونه عن عيون عبدالرحمن استغفر ربك ياعبدالرحمن ماكذب عليك بشي
عبدالرحمن: ماتدخل للعقل خطبتها مو انا غبي لهدرجة اقتنع بكلامك ليتك قلت لي قبل وصارحتني احسن من انك تتهرب مني وتكذب علي
ماجد: سكت مارد
عبدالرحمن: يوم شاف وجه ماجد تغير اقتنع قناعة تامة انه هو حبيب خالته أول طالعه بعتاب تظنك انك راح تكفر عن تخليك عنها
ماجد: طالعه بحزن انا ماتخيلت صدقني أهلي اجبروني على بنت عمي
عبدالرحمن: بعصبيه ووجهه محمر انت رجال ماتنجبر لو انك حبيتها من قلب زي ماحبتك كان تخليت عن الكل وواجهت الكل وتوجت حبكم بزواج شريف بس انت زيك زي كل الشباب يتسلى فيها وقت الفراغ بعدين يتزوج وحدة يثق فيها
ماجد: ارجوووووووووك لاتعذبني حب شعاع ساري بعروق قلبي
عبدالرحمن: بعصبيه أكثررر أي حب هذا حب يتخلى عنها ويتركها وبعد شهر يتزوج بغيرها ويجرح قلبها هي غلطت واكبر غلطة يوم خانة اهلها بس حاولت تكفرذنبها وتتزوجك وانت رفضت انت ماتعرف كيف عانت بعدك كيف كنت اشوف العذاب والحسرة بعيونها ماكنت تتكلم بس عيونها تتكلم
ماجد: يكفي يكفي حرررررررررررررررام عليك مابي اسمع شي
عبدالرحمن: الحين انبك ضميرك جلست اربع سنين متزوج ومبسوط وعندك عيال وناسيها يوم شفتها مو رجع حبك لها لا رجعك رحمتك وشفقتك عليها بس ابشرك خالتي رفضتك وماتبي شفقة ولارحمة من أحد
ماجد: لااااااا عبدالرحمن ارجوك افهمني انا احبها مو شفقان عليها ابيها بالحلال ياخوي
عبدالرحمن: توك تبيها يوم انشلت وصارت معاقة طلع الحب يوم هجرها اخوها اربع سنين وكانت تترجع الآم فراقه تقول ابيها وينك قبل وهي في حيوتها ونشاطها عفتها ورحت لبنت عمك
ماجد: غصب عني علشان أهلي
عبدالرحمن: والحين ليش قدرت تواجهك اهلك بوحدة معاقه ايش تغير
ماجد: مسك يده طلبتك ياخوك ابيها لاتحرمني منها ماصدقت القاها
عبدالرحمن: فك يده منه وهي ماتبيك وراح لجهة الباب وانسى ان لك صديق اسمه عبدالرحمن وطلع وخلاه
ماجد: جلس بضيقة ومسك راسه وغصب طلعة دموعه بسرعه طلع من البيت ويسوق بسرعه ليه كذا ياشعاع ليه هدمتي حلمي مشتاق لك مووت مشتاق لضحتك وسواليفك ابعالجك وارجعك باذن الله زي اول ليه تحرميني منك ضرب على الدريكسون ليه ياشعاع لـــــــــيـــــــــــه
**********************
في عالم العذاب والوحدة والقهر بعيدا عن كل حبيب او قريب
فرح: حملت الاسم فقط لكنها لم تعش فرح بحياتها بؤس وتعذيب ضمير وظلم اب جالسة تقرا قرآنها لعلها تخمد العذاب الي في داخلها
مسؤلة السجن: فرح الضابط يبيك
فرح: طيب لبسة عبائتها الساترة بقفازين ساترين سبحان من يغير ولايتغير بعد تبرجها وسفورها اصبحن انساة ثانيه
الضابط: تفضلي أخت فرح
فرح: جلست بهدوء
الضابط: اسمعي يافرح قرار القصاص صدر بحقك
فرح: لارد
الضابط: بس احنا سعينا للصلح وتنازل اهل ابو رامي والحمدلله ان شاءالله ان ولده رامي تجاوب معانا بس شرط انه يشوفك ويكلمك قبل مايقدم تنازله عن دم ابوه
فرح: ايش يبغى ؟؟؟
الضابط: مادري سألناه قال لازم اكلمها هي
فرح : مارتاحت بس مارفضت
الضابط: هاه اخت فرح اخليه يدخل هو وابوك عليك او لا ؟؟؟
فرح: رفعت راسها وبكل كره وحقد ابوي معاه ؟؟
الضابط: ايوهـ شكل ابوك يحاول يصلح الوضع علشان ينقذ رقبة بنته
فرح: مستغربه حاسه فيه شي بس سكتت
الضابط: هاهـ أخت فرح ندخلهم عليك ؟؟؟
فرح: هزت راسها بأيه
الضابط: طلع ودخل رامي وابوها عليها مع وجود المسؤلى عن السجن بس يشوفهم من بعيد لخصوصية الكلام الي بينهم
ابوها: كيف حالك يابنتي بشريني عنك
فرح: رفعت عيونها تتمنى انه ابوها يقول لها يابنتي من قلب تمسكت بأمل ضعيف ان ابوها تغير وفعلا جاي بسعى للإفراج عنها سكتت ثواني تمنيت ابوها يتغير ويرجعها هي وشجون تحت حنانه ويحميهم من أي بشر يؤذيهم بس فوقها من حلمها الوردي القصير صوت تكرهه
رامي: أهلين
فرح: تكرهـ صوته وحست بقشعيره تسري بجسمها لأنه نفس صوت ابوه ردت ببرود بغيت شي ؟؟؟؟
رامي: جلس بغرور وحط رجل على رجل انتي الي تبغين مني مو انا
فرح: رفعت عيونها لهامن تحت غطاها انقهرت من غروره الظاهر يقولون انك طالبني ايش بغيت؟؟؟
رامي: بكل غرور هم طلبو مني اتنازل عن دم ابوي انا عارف انك انتي وأهلك فقيرين وماراح تعوضيني عن دمه بفلوس بس قلت لوجه الله راح ارضى بس بشرط
سعد: ايه يابنتي ماقصر موافق يتنازل عن دم ابوه بس تقبيلن شرطه ترجعين لبيت ابوك معززه مكرمه تراني بعدك انتي واختك صرت وحيد وضايع
فرح: ايش هو شرطك؟؟؟
رامي : قرب شوي لها وقال بهمس علشان ماحد يسمعه انك تشتغلي معاي زي ماشتغلي مع ابوي خابرك شاطره بوظيفتك وكنتي تجيبن لابوي زباين بالهبل
فرح: قامت وبكل عصبيه كلب حقيرررررررررررررر والله لو يقصوني الف مرة مو مرة وحدة ابرك لي مني ارجع لشغل الحثالة الي شغلني اياها ابوك بس ايش ارتجي حقير مات وخلف وراه أحقر منه
رامي : قام معصب اجل ودعي الدنيا قريب يالشريفه الطاهره قالها بتريقه
فرح: يوم سعدي يوم تفارق روحي جسدي وانا تايبه لربي احمد ربي انه أمهلني ولا أخذني وانا غارقة بذنوبي ارجي ربي انه قبل توبتي وابوك عند ربي راح ياخذ حقي منه ماراح اسامحه ابد سرق مني اغلى ماملك بيوم طفلوتي ولعب فيني لعبة الذيب بالفريسة كان يقتلني باليوم الف مرة والله ان السيف ارحم علي واريح لي من عذاب ابوك وانت لاتعذب احد زيه راح تندم بوقت ماينفع فيه الندم انا رايحة علي خلاص وانتظر القصاص الي اعتبره راحة لي من تعذيب الضمير
رامي: اهنيك من اكبر داشرة الى واعظة وداعيه يصفق بيدنه برافو برافو أخت فرح اهنيك شكل السجن رباك هههههههههه
فرح: بكل ثقه لاتظن بيوم اني خفت من القصاص بالعكس ربي ان كتبه علي ان شاءالله علشان يكفر عن ايام سبقت وولت بس انا سمعت لك وسمحت انك تقابلني مابي كاني منتحرة والا وربي والي خلقني اني كارهه الدنيا ومافيها وماحب فيها الا أختي بس والا مالي احد بالدنيا يرغبني أجلس فيها
رامي: اجل تجهزي كلها وقت بس ويقصونك وترتاحي وتريحي وطلع وخلاها
ابوها: ليش فوتي على نفسك فرصه ذهبيه ياغبيه
فرح: ناظرته بعتاب وعيونها امتلت دموع الله لايسامحك الله لايسامحك الله لايسامحك موعدنا يوم القيامه بين يدين العزيز الجبار وراحت وخلته
ابوها: كلامها هزه طلع يمشي بممرات السجن وصوتها بإذنه يالله وصل لبيته سكر الباب وجلس على بيت كله غبار وظلام مهجور صوت فرح وهي تقوله الله لايسامحك يرن بإذنه رفع عيونه يشوف وجه فوزيه وهي تناظره بعتاب نزلت دموعه فوزيه تركتني لحالي تركتي لي بنتين وفرطت بتربيتهم لف يناظر جهة ثانيه شاف وجه فرح وهي طفله تلعب بألعابها مشى عند غرفتها وقف نفس وقوفه يوم عمرها تسع سنوات تذكر ضمتها له وهو ينزل عندها ابيك بمشاور فروحه
فرح: وين بابا
سعد: ابوديك ملاهي ماعمرك شفتيها
فرح:: باسته مع خده وضمته بقوة
سعد: نزلت دموعه وبهمس سامحيني فرح سامحيني ماعندي غيرك اسلمك لهم
فرح : ببرآءة الطفولة ليه تبكي بابا مسحت دموعه
سعد: وجعه قلبه أكثر بس جسمه متعبه محتاج هيروين يهدا العذاب الي يحرق جسمه مسك يدها وودها بيت ابو رامي
فرح: تناظر البيت هذا بيت بابا مو ملاهي
سعد: وهو يناظرها ويتقطع قلبه ايه بيت بس عندهم العاب وهدايا وحاجات حلوة ماعمرك شفتيها
فرح: بسرعه نزلت من سيارة التكسي ركض للبيت يالله بابا متحمسه اشوف الألعاب
سعد: تردد يدخلها اولا بس الم الخدرات ينهش بجسمه مسك يدها ودخلها
فرح: يوم جت بيت ابو رامي وشافته يجرها كانت تصررررخ بابا لاتتكرني باااااااااااباااااا ارجوك
سعد: مسك آذانه اختلط صوت فرح الصغيره وبكاها وصوت فرح الكبيره وهي تقول الله لايسامحك موعدنا عند العزيز الجبار صرررخ خلاص يكفي انا السبب انا الظالم ضيعت بناتي ظلمتهم ركض للثلاجه آخذ جرة خمر فتحها ابنسى مابي اتذكر شي خلااااااص تعبت شربها كلها بوقت واحد وجلس يهذي وهو جالس على الارض الوسخه طاحت بيده ابرة هيروين فرح فيها دخلها ببطنه كلها وطلعها بقوووة زحف للحمام زحف وهو يهذي والدنيا تدوور فيه
*********************
في بيت غلاب
يوم يرجعون من الاستراحه ماكلمها عن الموضوع نام معاها ولا كأن شي صار يوم قام وتحمم وطلع وهو ينشف شعره مرت من جنبه مشاعل وقفي
مشاعل: استغربت من كلمته وقفت وطالعته بغيت شي
غلاب: لف عليها ويناظرها بشك وريبه ايش واداك للمخزن القديم هناك
مشاعل: بكل ثقه كنا نلعب مع البنات ورحت هناك رفعت كتفوها وبس
غلاب: مو علي حركاتك ياشاطرة تلفي يمين ويسار علشان تقابلي حبيب القلب صدفه صح او لا
مشاعل: احتقرت تفكيره ناظرته من فوق لتحت كل انسان يشوف الناس بعين طبعه
غلاب: عصب ومسك ذراعها بقوة ايش قصدك
مشاعل: ذراعها تـألمها من مسكته قصدي انك تخون وتظني انا اخون زيك سحبت يدها بقوة منه وبعدت شوي عنه قلت راح يتغير بس شكلك ابد ماراح تتغير كيف ارجي معامله زينه من انسان عق أمه اقرب الناس له راح تظل مريض ياغلاب وماراح تتغير ابد
غلاب: سمع كلمة مريض جن جنونه وقرب منهااااااااااااا وشدها مع شعرها ودفها بقووووة على الارض وطلع وخلاها
مشاعل: بكت بقووة
ام غلاب: ركضت فوق على وتها وشافتها مرميه على الارض وتبكي حضنتها بسم الله عليك ياروحي جاك شي
مشاعل: خلاص ماقدر استحمل يمه تعبت والله تعبت مواعدني مايمد يده والحين يشكك في وفائي له ويهيني كذا ماراح اجلس ابروح لأهلي سامحيني يمه
ام غلاب: نزلت دموعها معك حق يابنتي اهم ماعليك كرامتك رجت وجابت لها جوالها
مشاعل: وهي تبكي مشاري ياخوي تعال خذني
مشاري: يوم سمع صوتها تبكي دقايق وجايك ركض بثوب البيت وشغل سيارته وراح
ام فارس: تشوفه مستعجل بسم الله عليه ايش فيه مشاري مو عادته يجري كذا
شجون: خافت لان مشاري حتى ماتنحنح وتعرف حرص مشاري قالت بقلبها الله يستر
مشاري: وصل مثل المجنون وطق بابهم
ام غلاب: افتحته له
مشاري: بجون ماسيلم دخل مشاعل مشاعل
مشاعل: ركضت وارتمت بحضنه خذيني ياخوي مابي اجلس عنده
مشاري: مسك وجهها وهو فحمان مد يده عليك
مشاعل: لفت تناظر ام غلاب ماحبت ترجها مهما كان هذا ولدها مامدها بس يشكك فيني وربي ماخنته ولا بتفكير ياخوي مابي اجلس معاه
مشاري: هدأ شوي يوم عرف انه مامد يده عليها طيب ياروحي تعالي معاي لف على ام غلاب سامحينا ياخاله وغلاب ماراح يشوف مشاعل حتى يطيب خاطرها أمانه وكنا مأمينيه عليها ويننزل دموعها ويشكك بتربيتها هذا مانرضاها ابد
ام غلاب: منحرجه من تصرف ولدها حقكم علي ياوليدي وأنا اشهد ان مشاعل ونعم التربيه وربي كانت اقرب لي من ولدي نفسه وانا مستحيه مادري ايش اقولك ووين اودي وجهي من مشاعل ونكم وبكت
مشاعل: بعدت عن حضن اخوها وضمتها انتي مو مسؤله عن تصرفاته يمه
ام غلاب: ماعرفت اربيه تربية هنديه ايش ترجين وبكت ثانيه
مشاعل: ضمتها بقوة وبكت والله يمه انه ماجلسني عنده ولاصبرني غيرك والله يمه شفت حنان منك ماشفته يمكن من امي نوح ماقدر على ولده كيف انتي يمه
مشاري: رحمها مرة صادقه مشاعل انتي مو مسؤلة عن تصرفاته حسابنا معه بعدين وراح هو وأخته
ام غلاب: سكرت الباب بعدهم وجلست بحزنها وضيقها
غلاب: بعد ماهدأ رجع للبيت وكان مسكر جواله شاف أمه جالسه حزينة جلس وسكت ماتكلم ويطالع فوق ايش اخبارها الحين
ام غلاب: مادري عنها
غلاب: بعصبية تاركتها وماتطمنين عليها وجالسه هنا
ام غلاب: بعصبيه لأنها مو عندي
غلاب: خاف وينها
امه: تركت البيت دقت على اخوها مشاري وأخذها
غلاب: تفاجأ كيف تسمحين لهااااااااااااااا
امه: طيرت البنت من تصرفاتك طفشتها من تعاملك ماراح تلقى زيها ابد حرام عليك ياغلاب يوم رزقني ربي بحرمة ولد تخاف ربها وترحمني واحبها وتحبني تطفشها وتطيرها بكت بقوة ودخلت غرفتها
غلاب: لا لاااااااا يامشاعل لا ماستغني عنك ابد ارجوكي ارجعي فتح جواله لقى مكالمات من مشاري ابو مشاري وفارس تنهد بضيق وعرف ان المسألة كبرت سكر جواله وطلع غرفته فتح بابها ريحتها لسه فيها كل شي يذكره فيها ليتني ماسويت كذا ليتني ماتسرعت مستحيل تتركني مشاعل مستحيل سبحان الله أخدتها بس ابنتقم من اخوها وحبيتها بجنون وماتخيل يوم بدونها
**************
في بيت ابو مشاري
الكل مجتمع
فارس: معصب يروح ويجي من القهر آخ بس لو احصله والله لافرشه بين رجولي ولد الهنديه
مشاعل: بعصبيه الهنديه تسوى الف رجال ماسمح لك تجيب سيرتها على لسانك او تحقرها
فارس: عصب من ردها هذا جزاتي الي ادافع عنك
مشاعل: ماحتجت لدفاعك مو هذا رفيقك الي تبغاهـ وعجبك
فارس: عصب وجاء يبي يرد
ابو مشاري: خلاااااص فارس مالي حشيمة قدامكم
مشاعل: على راسي يبه اعذرني
فارس: سكت مارد
شجون: جالسه بغطاها جنب مشاعل علشان تواسيها
شعاع: الحزن ياكل قلبها اكثر واكثر تناظر أختها وراحمتها
مشاري: لازم نكلمه ونتفاهم معاه
فارس: مافيه تفاهم يطلقها ولانشوف وجهه
مشاعل: تناظره بعتاب وتقول بقلبها يامر وينهى ولايشاروني من جد اخو متغطرس مايهمه شي
الشغالة: واحد فيه يقول غلاب
فارس: أنا ابروح له الدنيئ الخايس
مشاري: انت اجلس ولاتطلع انا وابوي راح نروح له
فارس: ليش مامليت عيونكم
مشاري: حاشاك ياخوي بس انت عصبي واحنا نبي نتكلم معاه بحكمه ونشوف السالفه وبعدين نرجع لك راحو وخلوه
مشاعل: موقادرة تتحمل بكت بحضن أمها
امها: الله ياخذه ويريحنا منه
شجون: لاياخالة قولي الله يهديه ويسخره
فارس: بدات تتفلسف هذي
شعاع: هي صادقة شجون مايصلح ندعي على مسلم يمه
ابو مشاري: ماهقيتها منك ياغلاب الحين مأمنك على بنتي وتسوي فيها كذا
غلاب: لعب فيني ابلبس ياعم وغيرتي اعمتني هي عصتني مرة ترد علي رد مو لايق ووتهمني مريض ومرة تأكل حبوب بدون أذني خلتني أشك انها ماتحبني ولاتبني وصارت غيرتي والشيطان يلعبون فيني لو ماحبها ياعم ماحبيت اجيب منها عيال كنت اترقب كل شهر انتظرها تبشرني انها حامل وماحبيت اسألها واضيق صدرها قلت اخاف تضيق اذا شافتني متحمس للعيال وهي ماحملت قلت اكتمها بقلبك ولا تسألها واتفاجأ القى حبوب منع حمل بدرجها انا وحيد أمي ياعم وماصدقت اتزوج علشان اجيب ولد ثاني لأمي مايضمن الانسان نفسه وماتتخيل فرحة امي وانتظارها لعيالي وفي الاستراحه شفتها تروح للمخزن سألتها ليه تروحين له وماكذب كنت معصب ماجاوبتني بس ردت انت مريض انعميت وعصبت غصب عني تهورت ومديت يدي عليها ليت يدي انكسرت ومالمستها
مشاري: صح مشاعل غلطت وماستأذنتك يوم تأكل حبوب وترانا مادرينا عن السالف هالا منك بس مايبرر ضربك لها
غلاب: والله ندمان ياخوك عدد شعر راسي واتمنى انكم تسامحوني وترجعون لي زوجتي مالي غناة عنها حياتي بدونها ولاشي
ابو مشاري: مستحيل اسامح واحد مدهـ على بنتي انا يابوها ماعمري مدت يدي عليها وتجي انت تمد يدك عليها انا مأمنك عليها من اول ليله سلمتها لك وتقوم تشكك في تربيتها وتمد يدك بعد
غلاب: سامحني ياعم ارجوك سامحني وعد مني لك ماراح المسها او حتى انزل دمعتها بعد اليوم
ابو مشاري: رفع يده بحزم روح الحين وربك يعين
غلاب: بخيبة أمل ونعم بالله طلع وركب سيارته وهو بقمة همومه وحزنه شاف سلطان طالع من بيت أهله تخيل ان مشاعل ماراح ترجع له وتتزوج سلطان ضاقت الدنيا فيه قال الله ياخذك ياسلطان ويرحنا منك
سلطان: شافه ورفع يده يسلم
غلاب:شخط بسيارته ومارفع يده لسلطان ولاشي
سلطان: مايعرف السالفه ناظر غبار سيارته الحمدلله على نعمة العقل وركب سيارته ومشى
مشاري وابوه : راحو عندهم بالصالة وعلموهم كل شي
فارس: استغرب من القصه اتاريك ماكله حبوب من وراه وماعلميته مالومه لو عصب وكسر راسك بعد
مشاعل: انا علمت كل شي لاخوي مشاري
فارس: بعصبيه وانا لوح عندك ماتعلميني انا اخوك شقيقك موهو
مشاعل: تناظره بعتاب ومتى حسيت انك شقيقي متى حسستنا باهتمامك وحنانك
فارس: جرحته كلمتها بس ماقدر يرد عليها
ابو مشاري: مشاعل يابنتي ترا غلاب جانا ويعتذر وانتي تراك غلطتي بحقه يوم عصيتيه وأكلتي حبوب من وراه صح هذا مايبرر انه مذ يده عليك بس حرام تآكلين حبوب من وراه وتنرفزينه بردك الرجال يبي الحشيمه وانا ابوك
مشاري: ان بغيتي تجلسين معززة مكرمة بينا نفرح بوجودك وانتي شمعة بيتنا
ام فارس: ماتبي بنتها تتطلق وتكون اسم مطلقه لاصقه فيها وان بغيتي تعطينع فرصه انتي حرة وانا أمك مدامهم على قولة ابوك ندمان ومتحسر عطيه فرصه أخيره
ابومشاري: بس ابآخذ عليه الف وعد وعهد مايمسك بسؤ
مشاري:وأنتي مانسمح لك تخبين عنا شي صغير او كبير
مشاعل: مابي ارجع له يبه مابي
ابومشاري: الشور شورك يابنتي والراي رايك
مشاري وابوه طلعو
فارس: بعصبيه الحين تعصينه وترفضن تروحين له والله كنت الومه ونفسي واتوطا ببطنه بس يوم عرفت السبب صرت بصفه جلس جنبها لاتكوني مخططه ترجعين لسلطان بس
مشاعل: ناظرته بحقد انتي ايش تتوهم وتقول معقولة افكر بسلطان وانا متزوجه
فارس: ايه كل الحريم خاينات وشفتي العنود كيف خانة اخوي ايش يفرقك عنهم
مشاعل: اطلع الله يخليك وخلني بحااااااااااااااااالي
فارس: تغلط وتجي تزعل طلع وضرب الباب وخلاها
مشاعل: عارفه لو اجلس راح يمسك علي الحبه وكل شي يقط علي كلمة احترت وربي احترت نار غلاب او نار فارس لا مابي غلاب خلاص كرهته وماقدرت احبه مابيه لو يصير الي يصير
بعد اسبوووع
ام فارس: مشاعل يابنتي غلاب تحت ينتظرك
مشاعل: مابي اشوووفه
ام فارس: يابنتي ذبحني ترجي يقول ابكلمها كلمتين وهي حرة بعدها اخوانك وابوك طلعو وهو نشب لي كلميه وفكينا يابنتي
مشاعل: طيب يمه الحين انزل غسلت وجهها وماغيرت حتى ملابسها نزلت ببجامتها
غلاب: يوم شافها وهي نازلة ببجامتها كأنه يشوف عليها احلى وأجمل لبس 3 ايام عنده كانها 3 سنوات
ام فارس: قامت وخلتهم لحالهم
مشاعل: تتمنى ان امها تجلس معاهم جلست ومنزلة راسها ماسلمت ولاتكلمت
غلاب: قام من مكانه وجلس عند رجولها ومسك يدينها
مشاعل: عيونها على الأرض حت ماطالعت فيه
غلاب: عارف اني اخطيت بحقك بس مشاعل أنا احبك وأمووت فيك طلبتك لاتتركيني
مشاعل: استغربت من كلامه أول مرة يعترف لها بحبه دايم يقولها ماتزوجتك الا انتقم وتحسه يبها علشان يشبع رغبته بس سكتت وماردت
غلاب: وهو يحجر دموعه عارف مايحرك قلبها عليها الا أمه يعرف حب مشاعل لأمه شد يدينها شوي لو تشوفي حالة أمي عصيبه ماذاقت الأكل بعدك
مشاعل: رفعت عيونها له بخوف
غلاب: فرح يوم شاف نظرات الخوف والقلق بعيونها عرف من وين يمسكها مع ذراعها الي تألمها حتى غرفتها ماطلعت منها وكل ماتسمعني داخل للبيت تركض للصالة وتقول بحسرة ظنيتك جبت مشاعل معاك بيتنا بدونها ولاشي تعرفي كانت حياتها قبلك وحدة وملل بس أنتي جيتي مليتي عليها حياتها تقولي دايم مشاعل اقرب لي منك واحن قلب علي من دخلت علي دخلت السعادة بيتنا
مشاعل: وهي تتذكر وجه خالتها يتقطع قلبها لأن خالتها دايم تكرر نفس الكلام
غلاب: طلبتك يامشاعل انا ماستاهل انك ترجعي علشاني بس علشان أمي يامشاعل وصدقيني مالك عندي الاطيبة الخاطر ومارا ح امد يدي عليك ولاشي طلبتك عطيني فرصة هالمرة ارررجوك
مشاعل: تنهدت بحيرة وضيقة محتارة في أمرهاماتدري ايش تسوي او ايش تتصرف
غلاب: بترجي هاهـ حبيتي ترجعين لي ولأمي الي صرنا يتام بدونك
مشاعل: اول مرة تسمعه يناديها بحبيتي مهما كان قلب مشاعل انثى تهزها أي كلمة من فم زوجها سكتت ثواني وناظرته ابرجع بشرطين
غلاب: قولي الف شرط مو شرطين بس ترجعين لي ياغلاي
مشاعل: تعامل امك بكل حنيه واحترام
غلاب: تغير وجهه مافيه احن من الولد على أمه مانكر اني جاف معاها احيانا لأني عصبي بس احبها تظل أمي
مشاعل: ايش فايدة الحب ياغلاب اذا ماكان يبان بالمعامله والله ياغلاب احيانا تقط عليها كلامها ادخل عليها فجاه اشوفها تمسح دموعها الله العالم كم مرة جرحتها وبكت بدون ماتحسسك
غلاب: مسك يدها قسوتي غصب عني مشاعل دقيني غب عني هذاني احبك واموت فيك واقسى عليك صارت القسوة والخشونه طبعي وصدقيني اندم كل ماقسة عليك او اجرحك
مشاعل: اهم شي أمك ياغلاااااااااااااب أمك لاتقسى عليها لاتعذر بنفسك أي عذر عمر العصبيه ماكانت حجة نعق فيها أمنا وابونا مابيك تقابل ربك وانت عاق ياغلاب
غلاب: تخافين علي مشاعل
مشاعل: تظل زوجي مهما كان
غلاب: تغير وجهه يعني ماتحبني زي ماحبك ؟؟؟
مشاعل: ساعدني احبك بتعاملك ولطفك معاي
غلاب: ابتسم من عيوني طيب والشرط الثاني
مشاعل: ماتمد يدك علي ابد
غلاب" خلاص حرمت امد يدك علي
مشاعل: ان مديت يدك علي مرة ثالثه ماراح ارجع لك او ايش ماصار الا الكرامه ياغلاب
غلاب: خاف من كلامها تنقص يدي لو امدها ثانيه يالله حبيتي تعالي معاي تراني حيل مشتاق لك انا وأمي
مشاعل: اخاف ابوي مايرضى قايل لي ماراح ترجعين حتى اكلمه
غلاب:ابوك عاقل ويعرف انك مازلتي بعمصتي ولي حق ارجعك يالله حبيتي مشينا
مشاعل: تشوف يده متردده تمسكها اولا خايفه منه ومن وعوده بس توكلت على ربها ومسكت يده وراحت معاه
*************************
في مجلس ابو سلطان
ابو سلطان : هاهـ اخوي طمني ايش صار بموضوع مشاعل
ابو مشاري: البنت رافضة ترجع له بعد الي صار ومابي اجبرها على شي ماتبيه
ابو سلطان : كفو ياخوك اهم شي عزتها وكرامتها
سلطان: ساكت بدون تعليق
فارس: مقهور وهو يشوف نظرات الفرح والانتصار بعيون سلطان قرب لمشاري بهمس شوف سليطين واضح انه يتشمت علينا
مشاري: استغفر ربك سلطان اكبر من هالأمور
سلطان: غصب عليه فرح مازال قلبه يحب مشاعل بس يتعوذ من ابليس ومايحاول يفكر كثير بس فرحته ماتمت
ابو مشاري: دق جواله هلا ام فارس بغيتي شي لا جد متى وكذا ترجع له بدون ماكلمه أنا صدق حريم ماينعرف لكم
كلهم يطالعون بأبو مشاري
ابو مشاري: زين زين مادام هذا قرارها مانتدخل الله يوفقها ويسعدها وسكر السماعة
سلطان: نسى نفسه ونسى يقهويهم وينتظر كلام عمه
ابو سلطان: عسى ماشر ياخوي
ابو مشاري: كل خير ياخوي بس غلاب جاء للبيت وكلم مشاعل واقتعنت وراحت معاه احنا لنا مدة نكلمها ماقتنعت وجاء غلاب مرة واقنعها
ابو سلطان: ايه الله يسعدها ويوفقها يارب البنت مالها الا بيت رجالها ياخوي
سلطان: تلاشت فرحته وتغيرت ملامح وجهه
فارس: ابتسم بشماته ايه اصلا مشاعل واضح تحب غلاب ومبسوطة معاه بس مسالة وقت وراح الزعل يوم شافته لأن غلاب صارت حالته حالة بدونها حرام تفرق بين عشيقين وهو يطالع بسلطان بشماته
سلطان:حاول يكون اقوى ولام نفسه ليه يفكر مجرد تفكير بإنسانة خلاص ماصارت ملكه بس قلبه كيف يلوم قلب مايقدر يسيطر عليه فرح يوم أمه نادته طلع من أمه للحوش يشم هواء يطلق تنهيدت ضيقه من قلبه ماسرعك نسيتي حبنا مشاعل يابختك اجل ليه عجزت انساك وعجزت احب دانة زي ماحبيتك طالع فوق يارب انزع حبها من قلبي نزع وأسعدها مع زوجها
***********************
في بيت ابو مشاري
ابو مشاري: دخل لبيته وهو ضايق ومتغير وجهه
ام فارس: حطت الي بيدها بسم الله عليك بندر ايش فيك
ابو مشاري: بحزن وين شجون
ام فارس: سم دقايق واناديها لك وراحت بسرعه تنادي شجون
شجون: نزلت بسرعه لان خالتها عمك تحت يبغاك ضروري دق قلبها بخوف يوم شافت وجه عمها أخدت نفس عميق وراح بالها لأختها فرح فيها شي سكرت عيونها وتوكلت على ربها خير ياعم وجهك مايبشر بخير
ابو فارس: جلسها جنبه وحط يده عليها الأعمار بيد الله يابنتي وانتي مؤمنه بقضاء ربك وقدره وو
شجون: قاطعته وهي تناظره بخوف فرح فيها شي ياعم
ابو فارس: ابوك يطلب الحل
شجون: ابووووووي
فارس: توه داخل وواضح انه معصب سمع طرف كلامهم ايه ابوك يأخت شجون وتعرفي كيف مات أخذ جرعة هيروين ومات بالحمام له اسبوع ماحد درا عنه شفتي العار الي لاحقنا منه ربعي هم الي علموني نسبيك مات بالحمام شر ميته
ابو مشاري: فاااااااااااااارس انت غبي ماعندك احساس ولادم
شجون: كلمتها كانت صواعق عليها رقت لغرفتها بسرعه وسكرت بابها ابوي مات وهو مدمن ابوي مات شر ميته لا يبه لا كنت انتظر تتوب وترجع لربك كنت انتظر تطلب السماح من فرح يالله صبرني وجلست تبكي
ابو مشاري: جد ايش تحس فيه وانت تعذبها وتتلذذ بتعذيبها
فارس: يبهم وقصدي اعذبها بس كل ربعي يقرون الخبر ويطالعوني ويتشموتون فيني يبه خلاااااااص يكفي ابوها ومات ايش دخلنا فيها الحين ماحد يقدر يأذيها فكني يبه تعبت من شماتة ربعي علي
مشاري: ايش فيكم؟؟؟
ابو مشاري/ اسال اخوك الغبي وحده توها منصدمه بموت ابوها ويفكر يرميها انا نفسي ماكان عندي طاري اعلمها كيف مات ابوها وهو فصل ميتته بالتفصيل مادري ايش سوت له يكرهها كل هالكره
فارس: متى تفهمني يبه قلت لك بنت الحلال ماكرهها بالعكس بنت راكده ولازينه بس يبه ماتناسبنا يبه عيالتهم غير عايلتنا ماننفع لبعض
ابو مشاري: قسم لو استمر بالنقاش معك كان انجن رقى وخلاهم
مشاري: ياخوي البنت توها مصدومه بابوها وانت تفكر تخليها ايش هالقلب الي مايرحم راح وخلاه
فارس: يمه ماحد فاهمني لا ابوي ولا اخوي اقنعني ابو ماكمل كلامه لان امه ناظرتها بعتاب وراحت وخلته يوووووه ماحد فاهمني هنا ابد اروح لبتي ابرك لي
*********************************
بعد مرور اسبوعين على وفاة ابو شجون
في غرفة شعاع
قامت من النوم بسب تعب شديد بسرعة تحس جسمها حار مرة والم كبير بكليتها نزلت من السرير وزحف على الارض تبي تتمسك بالكرسي مو قادرة بسبب التعب الشديد اغمي عليها
شجون: طقت باب غرفتها ماردت نادتها شعاع ماردت خافت ان فيها شي فتحت الباب بشويش تفاجات شافت شعاع مرمية على الارض وغايبه عن الوعي ركض لغرفة عمها وخالتها
**********************
بيت العنكبوت
الفصل 26
في المستشفى
كل أهلها هناك
مشاعل: ماتسكت من البكاء
غلاب: جالس جنبها يهديها
شجون: تستغفر وتدعي لشعاع من قلب وتمنع دموعها لاتنزا
فارس: يروح ويجي مو حاس بالي حوله كلهم ينتظرون الدكتور يطلع منها
الدكتور: طلع ووجهه متغير مرررة
فارس: ركض بشرنا دكتور
الدكتور: شعاع الكلاى عندها مرة تعبانة وحالتها مرة حرجة لازم تبرع حالا والا بنتك راح تودع الجياة
فارس: انا ابتبرع
ام فارس: بين خوفها على شعاع وخوفها تخسر ابنها وحيدها
دلال: لاحبيبي كذا تضر نفسك
فارس: مابي اسمع أي كلمة
مشاري: بس هي فاقت الحين اولا
الدكتور: ايوه فاقت ولازم ناخذ موافقتها
فارس: بعصبيه بدون رايها انا راح اتبرع لهاااااا
ابومشاري: لاتتسرع وخلنا نشوفها الحين وربك يشفيها يارب
الدكتور: ماراح اسمح الا لـ 3 اشخاص بس
فارس: انا وابوي وأمي لازم اقنعها تسوي العمليه الحين
الدكتور: كل واحد لحاله مايجلس الا خمس دقايق بس
فارس : انتظر خروج امه وابوه وضاق يوم شاف ابوه طالع منها والدموع بعيونه اول مرة يشوف ابوه يبكي دخل بهدوء وشاف انسانة وجهها اصفر وشفايفها بيضاء ويالله ترفع عيونها له جلس جنبها وباسها على راسها ومسك يدها يبوسها
شعاع: رفعت عيونها له ويالله قدرت تحرك شفايفها مشكور ياخوي ماقصرت بس مابيك تتبرع لي بكليتك
فارس: يالله فهم كلامها ماراح اتخلى عنك شعاع يكفي العذاب الي شفتيه مني
شعاع: ضغطت بيدها الهزيله على يده ان كنت تحبني زي ماحبك لاتتبرع تبرعك ماراح يفيد عارفه ان يومي قرب
فارس: انتفضت يده بيدها وحبس دموعه راح تعيشي وراح اعالجك وترجعي شعاع زي ماكنتي
شعاع: لفت وجهها عنه ونزلت دمعه على خدها ماقدرت تمنعها
فارس: شعاع
الممرضه: خلاص لاتتعبها اطلع لو سمحت
فارس: طلبتك ابجلس عندها ماراح اتعبها
الممرضة : ان كنت تحبها فعلا اطلع شوف كيف ضربات قلبها
فارس: طلع وخيبة الامل فيه راح بسرعة للدكتور بسرررعه ابيكم تسوون لي عملية أختي تذبل
الدكتور: مو بسرعة كذا لازم اجراءات وتحاليل واختك رافضة تسويها
فارس: اررررجوك لاتنتظر موافقتها ارجوووك دكتور ساعد أختي ان ماتت اعتبرني مت وانتهيت معاها جلس على ركبه ودموعه تنزل من عيونه الا شعاع يادكتور الا شعاع مابي افقدها
الدكتور : حط يده على كتفه استغفر ربك والأعمار بيد الله
سلطان: جاء مسرع يوقف مع عيال عمه هو والعنود وسلطانة وامه وابوه
غلاب: ضاق يوم شافه جاي لف على مشاعل جلوسنا هنا ماله أي معنى يالله نرجع للبيت
مشاعل: بعصبيه مستحيل أترك اختي ابد
مشاري: فهم على سلطان مشاعل ياقلبي روحي ارتاحي واحنا ان شاءالله راح نظل معاها
غلا وسحر يبكون ماقدرو حتى يتكلمون
الممرضة: وينها شجون
فارس: وهو ضايق هذي هي
الممرضة: شعاع تبغاك بس لاتطولي عندها لوسمحتي
الكل استغرب من طلبها لها
شجون: بكل حكمة وهدوؤ طيب دخلت عندها ونزلت دموعها يوم شافت حال شعاع بسرعة مسحتها وجلست جنبها
شعاع: مسكت يدها بعيون ذبلانة ويد ضعيفة شجون انا متأكدة ان يومي قرب ومابي فارس يتبرع لي بلعت ريقها بصعوبة اصلا من نشوف حلقها قالت بهمس انا الوحيدة الي اعرف ان ولده باحشائك مابي ولده يتميم بسببي انا مليت من الدنيا ومشتاقة لربي لعل ماجاني تطهير وتكفير ذنوب
شجون: قلبها يعتصر ألم علشان شعاع بس سكتت وماردت
شعاع:...... شجون
شجون: سمي ياعيون شجون
شعاع: بحزن تراني عارفة قدر الالم والحزن الي انتي فيه بس صدقيني ماتضيق حتى تنفرج انا متأكدة انك راح تعيشين بسعادة مع أخوي او مع غيره ربي راح يعوضك نتيجة صبرك وتحملك وحشمتك وعفافك بس لاتسعجلي
شجون: تنهدت ربي كريم وشوفتي لك وانتي طيبة هذا اكبر سعادة لي
شعاع: ابتسمت بحنان رغم الالم الي تعانيه اتوقع ايامي هنا معدودة ويارب نتجمتع عنده زي ماجمعنا بالدنيا
شجون: غمضت عيونها علشان ماتطلع دموعها
الممرضة: انتهت الزيارة ياأختي
شجون: طيب وجت تبي تقوم
شعاع: شدتها مع يدها اهتمي بالي ببطنك ناظرتها نظرات مودع
شجون: طلعت من عندها تحمل كل هموم العالم
فارس: قرب منها ايش قالت لك
شجون: توصيني انك ماتتبرع
فارس: مستحيل اتخلى عن أختي
شجون: بس صدقني مو من مصلحتك بعدين ترا شيخنا ابن باز الله يرحمه حرم التبرع بالأعضاء لانه مو ملكك ملك ربي بس
فارس: اقول استكي ولاتصدعين راسي لانك ماجربتي حب الاخت او الاخ ماتحسين بالي انا فيه
دلال: مسكته مع اكتافه خلاص حبيبي لاتعصب موزين لك اتركها وريح هناك
شجون: تبلد احساسها منه وجعها لشعاع بلد احساسها عن كل شي نظرات الوداع الي شافتها بعيون شعاع مازالت بعيونها
الممرضة: دكتور شعاع مصممة تشوف كل أهلها
الدكتور : راح لها برحمه يابنتي يا شعاع راح يضرك كثر الكلام
شعاع: ناظرته بحزن دكتور انت عارف انيومي قب لاتحرمني من وداعهم
الدكتور: ان شاءالله ربي يمد بعمرك وتجلسين معاهم كلهم يوم تتشافين
شعاع: انا اعرف بحالي واحساسي اني ابودع قريب لاتحرمني من أهلي بآخر ساعات عمري
الدكتور: عارف ان حالتها صعبه رضي بشرط انهم مايتأخرون عندها
الكل زارها سحر وغلا ومشاعل ماتحملو جلسون يبكون عندها وبسرعة طلعتهم الممرضة
جاء دور مشاري تعمد يتأخر كأنه يتهرب يشوفها بالحالة هذي
مشاري: دخل وحزن الدنيا كله طبق عليه يوم شاف حال أخته اجهزة تحاوط فيها بكل مكان جسم هزيل ووجه اصفر شفايف بيضاء جلس جنبها بهدوء
شعاع: من زود التعب كان مغمضة عيونها يالله فتحتهم يوم حست فيه حست بقرب شخص تحبه تعرفه من ريحته الي حفظتها ياما ضمها حفظت حتى انفاسه لانه عودها على قربه فتحت عيونها وابتسمت بصعوبه
مشاري: قرأ بعيونها نظرات مودع عجز يتمالك نفسه نزلت دموعه دمعه وراء دمعه حتى صار يبكي بصوت
شعاع: اول مرة تشوف مشاري يبكي رفعت يدها الي فيها مغذي وحطتها على وجهه وصارت تمسح دموعه لاياخوي لا ياحن شخص عرفته عودتنا على الصبر كنا ادا نهرنا كلنا انت تمثل لنا مصدر الصبر والقوة لا يانظر عيني ماتحمل اشوف دموعك بعيونك
مشاري: مسح دموعه حاول يتماسك جاء يبي يتكلم ويمثل الصبر ماقدر بكاء ثانيه ماقدر ياشعاع ماقدر هذا فوق تحملي
شعاع:حاولت ماتنزل دموعها الا غرقت عيونها بكره مشاري يانظر عيني ابطلب منك آخر طلب بحياتي وقلي تم
مشاري: وهو يحاول يتماسك تم يانبض قلبي
شعاع: لاتأجل زواج لموتي وخله حلفة تفرح فيها سحر لاتعاقبه علشاني
مشاري: انتي راح تكوني اول من يحضر ان شاءالله
شعاع: بس ان ربي أخذني عنده وصيتي مايتأجل زواجك ولا تغيرون فيه شي
مشاري: لاتتفاولين على نفسك ياختي انتي شعاع قلبي وشعاع بيتنا وراح تظلين كذا
شعاع: تناظره بحنان وانت كنت كل شي بالنسبة لي ابو واخو وحبيب وصديق لاتتوقعني ماحس فيك وانا نايمه تدخل على بالليل كم مرة تأكد من غطاي ومن حالتي كنت احس بيدك الي تمسك جبيني ومت يدك الا تعدل غطاي
مشاري: تافجأ اول مرة تقوله كذا كان يظنها نايمه
شعاع: مسكت يده وحطتها تحت خدها النحيف انت كنت مصدر سعادتي ومصدر قوتي بعد ربي
الممرضه: اخوي انت اكثر واحد طول عندها
شعاع: مشكورة انك خليته هالمده لانه مصدر راحتي
مشاري: قرب وباسها مع راسها ومسك يديهنها وباسهم مابي اتعبك ياختي
شعاع: ناظرته نظرات مودع حتى الباب
مشاري: يوم وصل لباب لف عليها ابتسم لها بكرة ان شاءالله راح ازورك وتراني انا وابوي وأمي وفارس جنبك ماراح نخليك حتى ترجعي معانا
شعاع: التسمت بحزن وماعلقت على كلامه
كلهم رجعو للبيت الا فارس رفض يرجع جلس مع ابوه ومشاري وامه
فارس: نام على الكرسي بدون مايحس من زود الارهاق قام على صوت الممرضة وهي تجري تنادي الدكتور حاول يدخل منعوه
مشاري: قلبه يدق بقوة وهو يحاول يهدي من خوف فارس وهو يكتم خوفه
فارس: يروح ويجي ويناظر ساعته لهم نصف ساعه عندها لاحس ولاخبر يجي دكتور ويطلع الثاني وهم لاحس ولاخبر ضرب الجدار اوووف
مشاري: يروح ويجي ويستغفر ويدعي
أمها: تبكي يارب تخليها لنا يارررررب
ابو مشاري: منزل راسه ودموعه تنزل بس يحاول يكون قوي قدام عياله
الدكتور : طلع ووجهه متغير
فارس: هاه دكتور طمنا ايش صار معاها
الدكتور: انتم مؤمين بقضاء ربكم وحاولنا نسوي لها المستحيل بس ربك أخذ امانته احسن الله عزاكم وعظم الله اجركم
فارس: لاااااااااااااااااااااااااااااااااااااا
********************
مرت أيـام العـزاء بـحزن كبير
شجون: كانت هي الي وقفت معاهم ايام العزاء الكل حزين ومايتحرك الا هي استقبلت المعزين وتحاول تتمساك كانت اذا خلص اليوم وتفرق المعزين تروح لغرفتها ترفرغ كل بكاها حتى بزحمة الحزن نست فرح ومامرت عليها وماعرفت ايش صار عليها مع ابوها توفي ابوها ومرضت شعاع وتوفيت وهي من حزن لحزن ومصيبه لمصيبه حتى ماتعرف مصير الي ببطنها ميت حي ماتعرف شي
الكل فاقد شعاع فقدو ابتسامتها كلامها وصايها ونصايحها
بس اكثر شي فارس الي مارضي يطلع من غرفته
دلال: اضطرت تجلس معاه بغرفته لانه مارضى يروح لشقته
ام فارس: هاه يابنتي مارضى ياكل
دلال: تعبت معاه ياخاله مو راضي يعبرني اصلا
ام فارس: حتى اخوه مشاري وابوه كلموه ابد مو راضي يعطي احد وجه يابنتي يامشاعل حاولي معاه
مشاعل: يمه جيته امس قالي مابي احد
مشاري: السلام عليكم
ام فارس: وعليكم السلام طلبتك يمه روح لفارس له اسبوعين الحين و مانزل ولاتكلم مع احد حتى الاكل مايحرك من صحنه الا شي بسيط اخاف على ولدي انا ان رحت بكيت معاه وماسويت شي الا زدت حزنه حزنه ياويل قلبي بس فقد بنت ومصيبتي بالولد الي اخاف يهلك نفسه من حزنه على أخته
مشاري: هدي ياخالة هو بس مصدوم بعدين راح يتعود
ابو مشاري: ليته ندم قبل وفاتها مو الحين توه يفوق ويحس بخطاه
ام مشاري: انت اصلا ماتحبه ولاتعبره ولافيه أحد حاس فيه زيي يكفيني هم فقدي لبنتي تزدوها علي قامت لغرفتها تبكي
ابو مشاري: لاحول ولاقوة الا بالله
شجون: قامت ولحقت بخالتها دخلت عليها
ام فارس: وهي تبكي شفتي ياشجون ماحد يحب فارس والله قلبي محروق عليه يابنتي
شجون: قربت منها وضمتها سلامة قلبك ياخالة انا ابروح له الحين
ام فارس: طالعتها بخوف بس اخاف ...
شجون: ماعليك لاتشيلي هم ابروح له واشوف
مشاعل وسحر وغلا : دخلو على ام فارس يواسونها
غلا: وين راح تروحي شجون؟
شجون: ابروح لفارس اواسيه
غلا: انجنتي انتي ماخذ من زوجته واهله ياخذ منك وهو مايطيقك
شجون: لاتشيلون همي ابروح له مستحيل نخليه بالزضع هذا عن اذنكم
مشاعل: حرام عليك تجرحينها
غلا: ماعاش من يجرح شجون بس خفت عليها يحطمها اصلا فارس دايم يجرحها وهو مروق والحين نفسيته زفت اكيد راح يفرغ حرته فيها
ام فارس: والله ان هالبنية بنت حلال الله يسخر لها وليدي يارب
غلا: جلست ماشاءالله عليها توه ابوها متوفي وهي متخلي عنها وماوساها بالعكس زود عليها وهي ماشالت بخاطرها او ردت له بالعكس خايفه وقلقانه عليها
مشاعل: فديتها شجون ليت الكل زي طيبة قلبها
ام فارس: ونعم البنت والله يارب وليدي يقدرها ومايفرط فيها
مشاعل: يوم مات ابوها كان ناوي يطلقها بس ابوي منعه وسبحان الله صار الي صار للمرحومه وانشغل
غلا: توها تعرف ردت بخوف الله يستر مايطلقها اذا هدأ
ام فارس: انا راح اوقف بوجهه هالمرة البنيه ماشفنا عليها شي يعيب وشوفي ايش مسويه معانا وعها
مشاعل: تعرف عناد فارس الله يستر
شجون: توكلت على ربها وطقت باب غرفة فارس
فارس: مابي احد الي برا الغرفة لايدخل مالي خلق أحد
شجون: بكل ثقة دخلت
فارس: بعصبية رفع عيونه موقلت مابي احد يدخل انتي ماتفهمي
شجون: ماكأنه يتكلم دخلت وجلست
فارس: يابنت الناس لاتجنني وتخليني اتصرف تصرف تندمي عليه فارقي عن وجهي مالي خلق اهلي وزوجتي تجيني انتي اقول برااااااااا
شجون: ماقامت ولاتحركت وجالسه بكل برود وثقه
فارس: وهو مقهور منها صح نسيت انك مالك مشاعر ولا احاسيس عدي تنهانين عادي ماعندك مشكله
شجون: طنشته كلماته الجارح هالي متأكده انه يتنقاها علشان بس يجرخها ويخليها تطلع بس هي مصممه تطلعه من الحزن الي هو فيه .... بكل برود طيب ليه ماتبي تشوف احد؟؟؟
فارس: بعصبية مزاجي مالي خلق احد كيفي أيش دخلك انتي اشوف ماشوف مالك دخل فيني
شجون: ترا كلنا متأثرين لشعاع زي تأثرك واكثر بس مو كذا الانسان يبن حزنه وضيقه مو كذا المحبة يافارس الي يحبها يدعي لها يتصدق لها حزنك اكثر منا تعرف ليه
فارس: اول مرة بعد موت اخته يسمتع لأحد مارد عليها بس لف وجهه عنها
شجون: لانك حزن مع حسرة ندمان على الي سويته فيها
فارس: اروجكي شجون مابي اسمع شي
شجون: قامت من الكرسي وجلست على طرف سريره اول مرة تقرب منه كل هالقرب بعد الي صار بينهم قبل شهرين حطت يدها على كتفه قالت بحنان فارس مالومك لو ندمت بس تقدر تكفر عن الي صار بعمرة تاخذها لها صدقة لاتخليها من دعائك فارس تراها محتاجة له كثير
فارس: مابكى اول موت اخته وكان كاتمها توه يتفجر ويبكى ندمان ياشجون ندمان قدر عدد شعر راسي حط راسه بين ايدينه وجلس يبكي بقوووة ليتني مت قبلها ليتني مت قبل مامد يدي عليها ليتني مت قبل ماهجرها اربع سنوات وصار يبكي أكثر
ام فارس سمعت صوت ولدها جت بسرعة هي ومشاعل فتحت الباب بس فارس ماحس فيهم كان يبكي بقوة
شجون: اشرت بيدها لهم يعني خلوووه عارفه لو شافهم مايقدر يفضفض لها ويرتاح
مشاعل : اخذت امها وطلعو
ام فارس: راحت للصالة
ابو مشاري: خاف ايش فيه فارس جاء يبي يقوم
مشاري: خله يبه مادام شجون معاه ماعليه ان شاءالله
دلال: ذبحتها الغيرة لا انا ماقدر اصبر ابروح اهديه اكيد قالت له شي ضيق صدره طول عمره فارس قوي اعرفها ماتحبه وتحب تقهره وتنرفزه دايم يشتكي لي منها والحين هو حزين ياروحي وهي استغلت ضعفه وضيقت صدره بوقت هو ضايق مايقدر يدافع عن نفسه وقامت تبي تروح
ابو مشاري: اجلسي دلال ليت كل الناس زي رحمة وطيب قلب شجون كان الدنيا بخير
ام فارس: ايه والله تراها هي الي رجعت فارس لأخته وفكت الحاجز بينهم احنا اربع سنين مارجعناهم لبعض وهي بكم شهر قدرت ترجعهم لو ربي ثم هي كان توفيت بينتي وقلبها محروق على اخوها وقلب فارس يحترق اكثر
دلال: زادت غيرتها وتمنتها سكتت ومامدحو شجون قدامها جلست وقال اوووف
شجون: تسمتع لفارس وهو يبكي ويتكلم تسمح على شعره وهو يبكي
فارس: ماصدقت اكلمها ياشجون ماصدقت تفكين الحاجز بيني وبينها رفع راسه شجون انا اول ماشفتها ضقت بقوة حاس فيها شي مخبيه علينا شجون كانت اختي مرضيه وتعاني لحالها تخليت عنها ياشجون وخذلتها كيف ابسامح نفسي كيف ليتني مت قبلها ليتني فديتها بعمرري
شجون: استغفر ربك ولاتقول ليت تعرف ربك رحوم والي جاها باذن ربي تكفير ذنوب ترا الشيطان يفرح بكلامك لاتتخلى عنها الحين وهي بامس حاجتها لك يافارس محتاجة دعواتك لاتخليها قوم توضا وصلي وارتاح مسكت يده وحاولت تساعده
فارس: قام توضا وكبر للصلاة
شجون: خلته يوم كبر للصلاة ونزلت تحت وسوت له شوربة وراحت له
فارس: صلى ودعاء لاخته من كل قلبه وكان يدعي لها وهو يبكي بقووة حس براحه قام وجلس على سريره
شجون : جت جنبه وعطته الشوربة
فارس: مابي يشجون نفسي مو مشتهيه شي
شجون: لازم تغصب نفسك والا راح تمرض سويت لك شوربة علشان ماتتعب معدتك الي لها اسبوعين ماكلت الاخفيف
فارس: بس
شجون: قربت له الصحن تاكل او أكلك
فارس: لاخلاص انا اكل
شجون: انتظرته حتى خلص صح ماشرب كثير بس اهم شي دخل شي لمعدته شالت الصحن على جنب وهو قايم يغسل مدت له حبة بندول
فارس: ليه مايحتاج
شجون: ابغاك تنام عليها
فارس: بس مافيني نوم
شجون: لاتكابر عيونك حيل ذلابنة وشوف السواد الي تحتهم من زود الإرهاق
فارس: بدون معارضة أخذ الحبة ونام على مخدته وشرب معاها عصير ليمون يهدي من توتره شوي
شجون: غطته وجلست على الكنبة
فارس: حس براحة بعد صلاته الي صلاها ودعاؤه لربه ماحس بنفسه الا وهو نايم
شجون: يوم حست انه نام من انفاسه طلعت بشويش وتركته ونزلت تحت
ابو مشاري: ها طميني عليه يابنتي
شجون: بصوت هادي علشان مشاري فيه الحمد لله هدأ ونام
دلال: ابروح عنده
شجون: برايي تخلينه يرتاح انا ماصدقت ينام عارفه انه مانام كويس بعد وفاة الغاليه الله يرحمه والارق والجوع اثر على نفسيته أكثر ان شاء الله يقوم بأحسن حال
دلال: قامت انا ابصير قريبه منه علشان لو احتاج شي ماراح ازعجه انا احرص على مصلحته من غيري
شجون: براحتك يالله عن اذنكم
ام فارس: سبحان الله يالبنت مادخلت قلبي اول ماشفتها وكل يوم تدخل لقلبي أكثر وأكثر أخلاق عاليه وطيبة ورحمة وحنان وحكمة الله يحفظها
مشاري: ايه ماشاءالله عليها ليت أخوي يعرف قدرها ومايفرط فيه
ابو مشاري: يارب وقفتها معاها مايسناها لها ابد
دلال: دخلت بشويش على فارس وجلست بعيد عنه علشان ماتزعجه ضايقه حيل من تقرب شجون له لازم احمل منه والفت انتباهه لازم شجون تخيط خيوطها عليه وأنا اتفرج
فارس: بعد ساعة قام من نومته لف يدور شجون شاف دلال نايمه على الكنبة ايش جابها هذي الحين قام وراح للحمام يغسل وجهه
دلال: يوم سمعته بالحمام قمت من نومها قمت حبيبي
فارس: لالسه نايم ايش تشوفين قدامك وجلس على طرف السرير يفرك راسه
دلال: قربت جنبه وحطت يدها عليه تبي تحضنه
فارس: ماله خلق شي ابعد عنها ابنزل تحت
دلال: ضاقت من تصرفه طيب ابنزل معاك حبيبي
فارس: مارد عليها ونزل عند اهله
امه: فرحت فيه هي وابوه
فارس: باسهم مع راسهم وجلس عندهم ووجهه احسن من أول تلفت الا وين شجون ؟؟؟
دلال: بضيقة مادري عنها انا كنت خايفه عليك وجيت عندك شجون منعتنني بس انا صممت ماقدر اتركك وانت كذا
امه: فديتها شجون ماتبي احد يدخل عليك يزعجك ووراحت ترتاح بعدك تراها هي بعد لها اسبوعين ماتنام زين ولاحتى تاكل
فارس: بحزن كلكم بكلمتين مني تركتوني الا شجون قلت لها كم كلمة وماتركتني صممت تواسيني حسيت بررراحة يوم طلعت الضيقه الي فيني كنت كامتها بصدري يوم طلعت ارتحت ماتخيلين يمه احس جبل على صدري وراح
أمه: ضمته عساها دوم الراحة يارب وشجون بنت حلال فديتها كلنا حذرناها ماتروح بس هي صممت ماتركك
فارس: ايه والله ماقصرت
دلال: خلاااااااااص حست انها تبي تنفجر اجل بعد مارتحت نرجع لبيتنا حبيبي
فارس: ناظرتها بعصبيه قسم انك فاضيه ماتبين تجلسين معاي دقي على سواقكم يوديك لأهلك انا ابجلس هنا ومتى ماقررت ارجع قلت لك
دلال: انقهرت مرة بس ماردت عليها تخافه وتعرف عصبيته
*****************
في اجتماع مع الشباب
ابراهيم : وهو يلعب بالوت صح عيال عزيتو عبدالرحمن
ماجد: كان يقلب بجواله حط الجوال بسم الله عليه من مات له
ابراهيم: مادريت خالته متوفيه لها اسبوعين كذا
ماجد: بلع ريقه أي خالاته
ابراهيم: ههههههههههههههه ايش عرفتي فيهم
ماجد: خلاص قلبه يدق بقووووووووة لا لا لااااااااااا يارب مو شعاع قلبي كيف بدون تردد دق على عبدالرحمن مارد ياربي ياعبدالرحمن رد الله يخليك وريحني دق ثانيه وثالثه بس لارد
عبالرحمن: كان يشوف الرقم ماله خلق أحد كيف عاد ماجد تركه جته رسالة فتحها (( توني اعرف والله ياخوي من اخوياي بس ارجوك طمني لاتكون شعاع))
سكت مارد أخذ جواله ادع لها لاتنساها من دعائك
ماجد: يوم جته الرساله أخذ الجوال بيد تررجف فتحه وقرا رد عبدالرحمن عرف انها شعاع حرك سيارته
ربعه: هيه مجود وووين
ماجد: ماعبرهم اسرع بسيارته وراح للمكان الي متعود عليها يطلع همه وغمه نزل ومشى عن البحر كان نصف اليل والجو هادي جلس وحط يدينه على رجوله وتوها تنزل دموعه من هول الصدمه مابكى بسرعه آآآآآآآآآآآآآآآآآآآآهـ ياشعاع ليتك رفضتني بس مابعتدي عني مجرد احساسي انك عايشه بنفس جنياي يكفيني جد انا حقيرر وماستاهلك انا تخليت عنك وتزوجت بس وربي ماكنتي تغيبن عن بالي تذكرت برائتها ضحكتها سواليفها جلس يبكي ويبكي كل مايتدمر شكلها بالعبايه آخر ماشافها مابقى منك الا بس عيونك نفسها والا كل شي تغير فيك حتى قلبك تغير علي جلس ساعيتن بدون مايحس بنفسه مانبهه الا آذان الفجر قام وهو مصمم على شي راح لبيته بعد ماصلى الفجر وفتح دولابه وطلع ثيابه وحطها بالشنطة
تهاني: هلا حبيبي وين راح تروح
ماجد: ابسافر عمرة وارجع لك كلها يومين وراجع لك
تهاني: تناظره بحب وحنان اخاف عليك ماجد انتبه لنفسك تراك غالي
ماجد: مسك وجهها بين يدينه وناظرها بحنان قال بقلبه مستحيل اعذب معاي قلب ثاني ضمها من عيوني ياقلبي وانتي انتبهي لشعاعي ومنصور
تهاني: من عيوني ياقلبي
ماجد: ركب سيارته بعون ربي ماخليك من دعائي ياشعاع كل سنه ابعتمر لك والسنه هذي ابحج لك ماكفرت عن الي سويته وانتي حيه ابكفر عن الي سويته بعد وفاتك
************************
في السجن
شجون: طلبتك يافرح سامحيه وحليله محتاج لنا الحين
فرح: ربي راح ياخذ حقي منه الي سواه فيني موقليل
شجون: ماتخيلت قلبك قاسي كذا
فرح: بعصبيه لانك مانحرمتي من اغلى شي بحياتك ماحد سلب شرفك منك وانتي طفلة وعشتي القهر طول عمرك لانك ماجربتي شغلي الدعارة واحتقار الرجال لك لانك ماجربتي تصير زي الكورة يشوتنها برجولهم متى ماخلصو منها ماجربتي يطفون زقايرهم برجولك وهم سكرانين انا عشت عذاب بسبب ابوي عشت جحيم وبكل سهولة تقولي سامحيه انا الحين انتظر قصاص وكل هذا بسببه انتي ماعانيتي زيي لاتلوميني يا شجون لاتلوميني ابد
شجون: بحزن عشت زي عذابك اشتغلت اشين شغله وبحر الشمس وكانو يتفضلون علي بعشرة ريال تزوجت بذلة اخذ مني اعز شي مني وإهاني اشد إهانة يتقزز مني كل مايشوفني الفرق بيني وبينك اني بشرف واتتي لا انحرمت من عطفه الله يرحمه وحنانه بس يظل ابونا يافرح فهمتي ابونا الي جاك تبتي عنه ولاتنسي ان ربي يبدل ذنوب التايبن بحسنات بس لاتحرمي نفسك من برك لابوك وهو متوفي يمكن ربي يدخلك الجنة بسبب برك له مايكفي انه مات شر ميته يافرح
فرح: تنهدت بحزن تبي تقول الله يرحمه بس مو قاردة تتخيل طفولتها وعذابها ماقدرت لاتبجبرني ياختي ابد مو قاجرة تطلع من فمي وبكت
شجون: قربت منها وحضنتها خلاص ياروحي لاتجبري نفسك خلاص
****************
في بيت سلطان
دانة: الحق علي سلطان
سلطان: يركض لها ايش فيك ياعمري
دانة: مو قادرة اتحمل شكل النونو والي بطني راح ينزل ((( حامل بالشهر الثاني )))
سلطان: ارتبك وخاف وبسرعه شالها للمستشفى
الممرضات اخذوها منه
سلطان: يروح ويجي قلقان عليها
اهلها جو وخايفين عليها حيل واهل سلطان بعد
الدكتورة : طلعت
سلطان: طمنينا عليها
الدكتورة: انتم لسه شباب راح ربي يعضوكم غيره
سلطان: رحم دانة كثير والا الولد بداله ولد جلس عندها طول والوقت يهديها ويواسيها طبعا دانة دلوعة أهلها ويوم عرفت ان النونو راح سوت مناحة كبيرة بس سلطان جلس يدلعاها ويواسيها ويحاول تنسى
*********************
في المزرعة
شجون : حزينة اجتمعت عليها كل الامور فقد شعاع وموت ابوها وقرب قصاص اختها والولد الي ببطنها الي محتارة فيه ماتدري ايش مصيره
دلال: دنو ايش سوا سلطان يوم تعورتي
دانه : بدلع يووووه ياقلبي هو مرابط عندي مايفارقني وجاب لي عقد الماس بسلامتي
مشاعل: تسمع كلامها وتحس بغيرة بس تستغفر ربها لأنه فرق بتعامل غلاب عن سلطان مع دانة وكل شوي تستغفر جواتها ماتبي ابليس يلعب فيها
دانة: تشوف علامات وجه مشاعل تتغير وتزيد بالكلام مرة اصلا قبل كان يخاف علي مرة ومايخلني اشيل الدبوس الي تحت توقعته راح يزعل مرة ويتضايق لاني اجهضت قالي اهم شي سلامتك قلبي وماحبيته الا انه راح يربطني فيك والي جابه راح يجيب غيره وهـ بس فديت حنانه
مشاعل: الله يعوضني بغلاب ليته يحس او يشعر هذاني حملت منه سواها لي حكاية الحمل ولا اشوفه فرح ولا اهتم بس فدية خالتي الي طارت من الفرحة اهم شي عندي فرحتها
دلال: اجل ايش راح يسوي فروسي ان حملت كل شهر يترقبني احمل ويضيق اذا جتني الدورة
شجون: بقلبها وانا الي مابغيت احمل قدر ربي احمل بس ماقدر ربي لي شي الاخيرة
غلا: ياشين سامجتهم بعد
سحر: اقصري صوتك يامجنونة
غلا: تبي تغير الموضوع شوفو من جاء مو هذا صديق فارس الي اسمه غريب
شجون: تضيق لطاريه تكرهه كل ماتتذكر كلام زوجته عنهو ضاقت أكثر يوم سمعت صوت مسجل سيارته عالي بصوت اغاني هزت براسها بقهر وخيبة أمل
مشاعل: ايش فيك ياروحي
شجون: مافيني شي بس احس نفسي ضايقه ابروح عند الحريم وراحت بعيد تشم هواء حاسه انها مررة ضايقه تسترت كويس لأنها شمة ريحة دخان عرفت انه من غريب وفارس بس ماخلتهم يشوفونها اسرعت بمشيها بس بسرعة هدات تحس انها مهدودة مرة ومتأكدة ان الحجنين تعبان حيل تخاف تراجع دكتورة ينفضح امرها حطت يدها على بطنها الله يخليك لي ويقدرني اسعدك يمكن اصير وحيدة بدنيتي مالي انيس غيرك
*********************.
يتبع....