#عشت_و_شفت 11 و الأخيرة
#حسن_الجامعي
______________________
ليلى : بس الحقيرة اللي اسمها روز قدرت تهرب زعما رح تبلغ فيينا او لا...انا خايفه يا جماعه راهو كلنا حنريحوا فييها بجد🔥...!
فريدة : الفرخه اللي اسمها نوسه وينها خليني نعرف كييف نربيها ونعلمها كييف تتقرب من ولدي...!
ليلى: اصلا ولدك غبي وجاهل كييف يتعاطف مع وحده بسهوولة هذه قولي!
فريدة : بالله خليني ساكته هذه كووووم والبنت هذه كوم تاني مدايرة رووحها قويه وهي رسمالها الشعر الاحمر متعها...!
رواد : تتواقعوا شن بدير هديكا المصيبه بعد ما عرفت مكان البنان نقصد على البنت اللي اسمها روز...تبلغ علينا وتوري الشرطه المكان بزبط...!
حاتم : احني لازم نتخلصوا من اللي اسمها روز زي ما تخلصنا من داليا...!
روز : خشششت عليهم بفزع وبقووة عين...انا مهربتش قاعده يا محترمين انت وياها 😠...!
كلهم :- انصدمووووا لما شافووا روز كييف واقفه ومتعصبه وواثقه من روحها...!
ليلى : اءءءءءءءءء...حاتم مش هذه روز ولا انا نتخيل😨...؟
روز : بدت تمشي وبخطوات جريئه وقووية...انا هي نفسسها خيركم مش مصدقيني ولا كيييف...!
فريدة : لو انا كنت مكانك كنت هربت بجلدي مش جايه اهني وراجعه من المكان اللي كنت هاربه منه...!
روز : قصدي خيركم مصدوومين مفهمتش...تتفكروا لما لبست القفطان الاحمر وقررت نكون هاديه وعاديه ونسمع الكلمه انا عند وعدي ومش هكي وبس انا توا رح نشتغل معاكم...!
حاتم : ابتسم على جنب بهزوة...ههههه وشنو اللي يضمن انك مش متعاونه مع شرطه او تبي تورطينا...!
روز : بالعكس انا جيت برجليا ولو تبوا تشوفوا او تفتشوني عادي انا ما عنديش مانع...!
حاتم : بدي يشوف ل ليلى بمعني شنوو نديروا بزبط...؟؟؟؟
ليلى : اءءءءءءء...خلاص اهني موافقين بالعكس هكي زاد العدد يا جماعه احني مش عصابه كبيرة راهو اهوا توا خشت معانا حبيبتي روز وكل يوم تكبر اكتر واكتر ونكسبوا فلوس اكتر و اكتر...!
روز : ابتسمت بطريقه لطيفه...اييييه فعلا ورح نبدا معاكم من اليوم تعرفوني عيلتي في ليبيا وقالولي انهم ماتوا ومعنديش حد هذه علاش قررت نشتغل معاكم...!
كلهم : صدقوووا كلامها وكان كلامها بجد مقنع لييهم ووافقوا ان هي تخش بيناتهم وبين مخططاتهم...!
الياس : يشووف لروز بطريقه مرتبكه ومش قادر يشبحلها من الحشم واللي داره فيييها...!
روز : شافت لألياس بخبث🔥...!
______________________
داليا : نضت فتحت عيووني ببطء راسي معبي دم و سيارة معبيه مرش من داخل وسراج وجهه كله دم وراسه في دومان يا ربي هذه شنووو اللي نعييش فييه معقوله هذه اللي عششته و شفته حقيقي اللي صاير قدامي حقيقي او كابوس للحظة كنت نفتح ونصكر في عيووني هل انا في حلم او في علم...؟؟؟؟؟...حركت ايدي بشوويه كانت فاشله بكل ايدي وفتحت الدرج لقيت هاتف متع سراج واتصلت بإسعاف التركي رقمهم كان سهل الحفظ واتصلت بيييهم بسسرعه وبخووف...رد عليا الدكتور وقتله على مكان الحادث ووين بزبط وقتله يستعجل بأي طريقه...مكنتش نعرف كل شي اللي عرفته ان تطورت مع عصابه وخلاص شكلي رح نطلع منها بعد ما تجي الاسعاف والشرطه تاخد اقوالي وهكي ندلهم على مكان ونحبسهم...فكنا الله منهم ومن شرهم نمووت ومنخليش ناس هذه دير نفس الشي مع ناس تانيه غيري بريئين💔...!
______________________
عند روز و باقي العصابه في المستودع :-
نوسة : دخلووها وهي مربوطه وفمها ملصقينه باللصقه باش مطلعش صوووت...ووخايفه وتعيط تتحاول تقاوم لكن مقدرتش كانوا الحراس اقووى منها...!
ليلى : هذه هي نووسه اللي مدايرتلك مشاكل ههههههه😂...!
فريدة : تي هذه اوسسخ ما خلق ربي وحده نصابه والله حاله وخلاص...شن جيبك من بلادك جايه اهني تنصبي وتعيشي لحظة ولا كييف...!
نوسة : شافتهم كلهم كلهم لما شافت فريدة كييف مقعمزة بيين ناس عصابه متع سلاح وقتل انصدمت بسسس مش نفس وضع الصدمه لما شافتتت صحبتها اللي كانت تقرا معاها في جامعه تكووون وسط عصابه وخاطفييين...!
روز : اوول ما خششت نووسة شافتلها بطريقه كأنها تعررفها ولما قربت اكتر عرفتها هي نفسسها نووسه صحبتها وحاولت تخفي ردت فعلها المخلووعه هذه وبكل هدووء تصرفت ولا كأن شافتها🔥...حطوها وخلو فمها مصكر واضح علييها نفاخه...!
ليلى : حبيبتي روز شن رايك الليله نديروا سهرة محتاجين فلوس ونظموا مع البنات اللي تحت الديسكوا وانتي تنضمي معاي...!
روز : من عيوووني حبيبتي بس خلوونا نحطوا نوسه مع البنات وبعدين ساهل ونضموا الامور وكل شي...!
نوسة : في حاله صدمه مش عارفه كيييف تتجاوزها 💔...!؟؟؟؟؟
فريدة : خلوونا كلنا الليله نجتمعوا عند ديسكوا نغيروا جوو بجد تعبانه انا وولدي مش ناووي ينوض من الغيبوبه خليني ناخد بريك شويه ونرجع للمستشفى...!
روز : انصدمتتت...قصدك انتي بالعمر هذه رح تنزلي ترقصي ف ديسكوا...!
فريدة : وانتي شنو دخلك يا عقرب الرمل خليكي في حالك عشنا و شفنا والله...!
ليلى : تشبه ل روز وتضحك...🤭...!
روز : اوكي معناها خلوونا توا نمشوا نجهزوا البنات لأن معندناش وقت هلبا راهو...!
فريدة : انا بنمشي نطمن على ولدي شووويه وانتي فتكيت منك ومن دره الكبد متعك زي لصقه في جنبي...!
نوسة : 💔...؟؟؟؟
🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥
______________________
في المستشفى عند داليا و اوس و سراج :-
داليا :- كانت مقعمزة كان في العمليات المشددة ونقلوه للغرفه وقعدت تقريبا 5 ساعات تستنى امتى تتحسسن حالة سراج هو وقف معاها وحذرها من ناس هذه وكلامها طلع صح بعد ما حاولوا يقتلوهم...وقعدت تبكي بشهقة من الخوف ان يمووت بعد ما يموت معاش عندها امل بكككل وخايفه هلبا ولما كانت معاه حسست بالأمان بس بعد ما حسست ان بيريح منها عرفت قييمته...اغلب البشر هكي ميحسوش بالقيمه الشي اللي عندهم الا بعد ما يشوفوها كيف تريح منهم من بين ايديهم💔...فتحت التلفون متعها وبدت تسمع في القرأن وتدعي ان ربي يشفي سراج في اقرب وقت💔...!
اوس : ناض من الغيبوبه واخيييرا وبدي ينوض بشويه بشويه من التعب💔...انا ووووووين؟؟
الدكتورة : لو سسمحت خليك مكانك مش مفييد لصحتك هكي بالله علييك استاذ...!
اوس : انا وين و امي ويين انا اخر مرة كنت معاها في شركه هي وبنت شعرها احمر تقريبا اسسمها نور او نووسه حاجه زي هكي احكيلي بالله عليييك...!
الدكتورة : متخافش انا رح نتصل بيييهم ونبلغهم انك نضت من الغيبوبه خلييك هادي لو سمحت لأن هذه شي رح يأثر في صحتك بليييز...!
اوس : كان حاسس ان في شي من وراه صاير الدليل ان امه مش موجوودة في جنبه ومختفييه وحسس ان وحييد ومفيش حد وقف في جنبه وقت الغيبوبه💔...!
______________________
بعد مروور سساعات طويله...!
الساعه 12 في ليييل...!
تحت الديسكوا عند البنات :-
نهى : شفتوووا يا بنات كييف الكلبه اللي اسمها روز كيف استغلتهم نبي نعرف كييف حطوا فيها الثقه هكي وخلوها تشتغل معاهم...وتوا تشووفوا العذاب و الذل اللي بيصير معانا توا وهي رح تتحكم فينا تووا...!
ميسم : خلاص فكينا منها خلييها ربي يحاسب مش احني حبيبتي مالنا و مالها...!
نوسة : مقعمزة وخايفه ومتبكششه وساكته وترعششش من لما حطووها وهي على نفسس الحاله...سكوووت وصدمات وخيبات💔...!
نهى : البنت هذه ملبوسسه شكلها...حبيبتي كلمينا شوويه حتى انتي ضحك عليك الياس زيينا...!
نوسة : تلفتت بفززع...كيييف يعني الياس ضحك عليا انتم شن تقولوا...!؟؟
ميسم : هذه يا حبيبتي يضحك على بنات ويقوللهم امي و بوي ميبونيش نتزوجك ف تضطر بطلة الروايه هذه انها تهرب ههههه وهو هكي قدر يضحك عليها ويدفها للجماعه اللي يبيعوا في البنات زي تووا هكي...!
نوسة : انهار احرررف هذه الياس اللي كانت تحكيلي عليييه روز زمان...ضحك علييها بس كيف صار هكي وبدت تشتغل معاهم...لالا اكييده هما متفقين من الاول مع بعض...؟؟؟؟
نهى : انتي تعرفيها البنت اللي اسمها روز شكلك احكيلنا...كسساد الجو من غير شي...!
نوسة : اءءءءءءءء...انا تعبانه شويه توا حبيبتي خليني ناخد راحه ونحكيلك قصتي💔...!
روز : نزلت تحت من ديسكووا بفزززع شافت يمين ويسار تبي تشووفهم موجودين حاتم و ليلى او لا...دوررت علييهم شافتهم الزوز يتكلموا في المكتب ويخططوا ويحسبوا في الفلوس الحرام متعهم ومش عالمين بشي...مششت تجري تحت فتحت الباب اللي فيييه البنات...!
البنات : خافوا من فتحت الباب متع روز بطريقه سريعه ومرعبه...يا بنات متخافوش رح نطلعكم الليله من اهني متخافوش...حبيبتي نووسه متخافيش رح نطلعك من اهني تصرفوا عادي وكونوا مكمنين واهم شي تتصرفوا طبيعي حبيباتي تمام نحبكم هلبا انا خليكم قووويات واخيرا رح نطلعوا من سجن هذه🔥...!
البنات :- كل وحده تشووف لتانيه بفرررح وبحب وببهجه وسعادة...😍❤...!
روز : صكرت الباب ورجعت للديسكوا وشافت الياس كييف بيخش و معاه وحده...اهلين استاد الياس...!
الياس : كييف قدرتي تضحكي علييهم راهو مش ساهلين ويراقبوا فييك عندك علم ولاه...!
روز : وخليهم يراقبوا شن ليا علاقه فيهم انا المهم نشتغل شغلي وخش بسرعه انت والحلوة هذه...!
فريدة : صفت السيارة وخششت للديسكوا...اهلين حبيبتي روز ابدت الحفله ولا مزال...!
روز : هههههه رح تبدا توا البنات يجهزوا في نفسهم توا...!
رشيد : صف سيارته وخشش بكامل اناقته...نشالله نكون معطلتش عليكم بسس...!
روز : لالا تفضل مزال الووقت مزال مبدتش الحفله قاعده ههههه...!
ليلى : رووز كلهم جووو ضيوفنا ولاه...؟؟؟
روز : اي اي كلهم وصلوا توا قاعدين داخل كلهم!
ليلى : اووكي معناها كلمي الدي جي يشغل الموسيقى وانا رح نطلع البنات تماممم؟؟
روز : اوكي حبيبتي بري...!
ليلى : مششت وهي لابسه قفطان اسوود طويل وفرحانه بالمساعده متعها روز...!
روز : انتي بري طلعيييهم وانا رح نطلع روووحك من مكانها😏...!
______________________
قبل ساعات :-
محمد : انتي لازم تكسبي ثقتهم فهمتي يييعني لازم ترجعي لعندهم وتكووني قوويه وتعطيهم اسباب منطقيه انك ترجعيلهم هذه شي رح يساعدنا ان نكشفووهم...!
روز : انا خاييفه بجد مش عارفه رووحي قدها او لا...!
محمد : خليكي قدها نعرفك قووويه انا...شووفي ديري بالك على روحك انا موجود في جنبك تووا فهمتي عليا...!
روز : اوووكي خلاص رح نتنفسس شويه بس ونستعد ونمشيلهم للمستودع متعهم...!
محمد : ربي يكووون معاك روز بجد انا ارتحتلك هلبا...!
روز : دمووعها تجمعوا بدت تبكي...انا وووحده متنفعش دمرت روحي بروحي بجد💔وتوا معنديشش سند ولا شي وعارفه رووحي رح نندم عمري كله ان سيبت عيلتي بجد حالتي تاعبه هلبا💔...!
محمد : خداها وحضنها بالقوة...خليكي قووويه وننهوا كل شي ونرجعوا لليبيا انا وياك...!
روز : مرات محد يتقبلني منو رح يكون موجود معاي...!
محمد : انا موجود معاك ونتزوجوا انا وياك فهمتي عليا توا...!
روز : تلفتت وشافتله بطريقه غرييبه...شووف انت اكيده قاعد تبصر راهو مش حنقدر نحط ثقه في حد تووا حتى لو انت لأن منعرفكش الا مدة قصيرة خووي انا اسسسفه...!
محمد : لالالالا متخافيش مش اللي في بالك راهو...رح نتزوجوا زواج مصلحه انا وياك وهكي انتي تعيشي معاي بنفس الحوش وتكملي قرايتك وانا نفس الشي ولو مش حابه ترووحي نقعد معاك اهني...!
روز : شافت لكلامه وتبي تشوووف لو تنفد صح او لا رح تختبره وتشووفه ان هو هذه الانسان الصح او لا🔥...اوووكي موافقه بس توا خليني نجهز رووحي في ارواح ناس في القصه ولازم نساعدهم انا💔...!
محمد : وانا حنكون في الموعد بزبط وهما اكييده عندهم حفله ليله ولو مداروش حاولي انتي تقنعيهم المهم نفضحووهم في الجرم المشهود...!
روز: طلعت وهي خايفه و متوترة😥...اوووكي !
🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥
______________________
الآن :-
روز : يلا يا بنات ارقصوا وكل وحده تشووف شغلها يلا يلا حبيباتي بسسرعه...!
نوسة : خايفه وتشووف لروز كيف متوترة وتتكلم بصووت عالي في بنات...!
روز : ربي يسترنا في هل ليلة مشيها على خييير...!
ليلى : ترقص هي و حاتم وعايشين اجواء رومانسسيه مع بعض وفرحانين يحسابوا كل شي ماشي تمام وتحت سيطرة...!
فريدة : بدت تشرب في الخمر ودير في رووحها قوويه قدام روز لكن كل شوويه تحط في ايدها على قلبها من الوووجع...اخخخ يا قلبي شنوو صايرلي...!
رشيد : مقعمزة وينقي في البنات من بعيييد ويتفرج علييهز وهو منسجم...!
روز : بعتت رساله لمحمد ( هيا بسسرعه توا )...!
نوسة : مدايرة روحها ترقص قدام ليلي و حاتم وخاييفه بتموووت من الخووف...يااااارب استرني يارب...!
فريدة : طاحت وهي حاطه ايدها على قلبها من الووجع ووالوواضح انها ماتت وثقلت من المشروب😱...!
الشرطه : فتحت الباب بالقووة ودخلت على ديسكوووا وشافت ان الكل يرقص وشافت العصابه كييف الاسلحه في ايدهم والبنات نصهم مغصووبات غصب على قعده وهذه شي أكدلهم المعلومه والشكوى اللي قدمها محمد...الكل يسسسلم رووحه بسسرعه انبطاح انبطاح...!
ليلى و حاتم : خافوووووا اول ما شافوا الشرطه بخوووف وتوتر...شنوو درنا احني حضرت الشرطي😨...!
رشيد : رفع اييده فوووق وخدوه منه المسدس وحطووا الكلبشات في اييده...والله كنت حاسس من الأول انك وحده وسخه يا بنت الحرام اللي بلغتي فينا كلنا...!
محمد : روز انتي كوويسه حبيبتي قووولي...؟؟
روز : انا كوويسه الحمدلله...نووسه حبيبتي تعالي تعالي حبيبتي انا اسسفه بجد بس غصبن عني والله العظيم💔...!
ليلى : شاافت لروز و نوسه وبدت تعييط وفقدت اعصابها...يا بنت الحرام انتي وياها يا كلبات حسابكم رح يكوووون عصصيير يا وسسخه منك لييها يا كلبه...!
روز : خلاص خلاص ضمي فمك انتي حقييرة بري سحيقه ان شاء الله...!
الشرطه : حطت الكلبشات في ايد الياس وكان عيووونه حمر وسكران ومش فاهم شي...ههههههه روز شنجو قالوا بلغتي علينا صحه لييك يا بنت طلعتي بنت امك رسسمي ههه...!
روز : درب يسسد ما يرد يا واطي...ربي يفك اسرك يا حلو...!
حاتم : بدي يوشوش بشوويه ل روز...بالله عليك استري عليا ومتقوليش ان اغتصبتك بالله علييك...!
روز : تلفتت للشرطي...شوووف هذه اوسخ واحد فيهم هذه اللي اعتدى عليا ويكون تبع عمران صاحب الاوتييل يعني مع بعض...!
الشرطة : اووكي فهمت علييك...عقابه رح يكوون عصير عند القانون و المحكمه و عند الله طبعا...عشنا و شفنا هلبا ناس زييه وتعذبوووا عذاب نار وهما عايشين🔥...!
روز : في مدام تانييه ناقصه ويينها زعمه...!
نوسة : بلغت ريقها بخووف و شهقت...اهيييا فريدة ام اووس شوووفيها😱...طايحه ع الارض!
الشرطي : نزل وشافها وحط ايده على رقبتها...ان لله وانا اليه راجعون ...انها انتقلت الى رحمه الله...!
نوسة : حرااااام...صح هي تستاهل بسس ولدها ما يستاهلش بجد رح ينووض ويشوف صدمات طوول هكي💔...!
البنات :- فرررحت البنات كانت مش متووقعه اللي شافت حياتها واللي شرطه عووضتها ورجعتها لبلادها وكل وحده فييهم كانت تشكر في روز كل دقيقه من الفرحه والحريه...وفعلا ربي ميرضاش بالظلم والجبروت وظلام والفسق و الكبائر هذه كلها🔥...!
______________________
#تسريع_الاحداث
روز :- قررت انها ترووح وتشووف عيلتها وتجس النبض متعهم وكانت متعووده على دلعهم وحبهم لييها هل مزال موجود او لا...وكان معاها محمد وللأسف مش رح تحط فيييه ثقه ليين يتنفد الكلام اللي هو قاله هل هو على قد كلمته او لا...وكانت طيارتهم الساعه 10 الصبح...!
داليا : كانت رح تمشي تبلغ على العصابه بس قالولها انها مسكوهم بالجرم المشهود ومتعرفتش على نوسة ولا تعرفت على روز وهي هكي القصه حقيقية كانوا يسمعوا على بعض لكن مشفوش بعض ولا يعرفوا بعض...وبعد ما سراج ناض من العملييه قعدت معاه ليين ناض وشفاته بصحه كوويسه واطمنت علييه وقررت انها ترجع لليبيا وتسسيب سراج وتمشي💔...!
نوسة : رووحت من المكان الوسخ اللي كانت فييه طووول للمستشفى وشافت اوس وشافها وهي من كتر ما تحبه مقدرتش تسافر وتمشي قررت تكون واقفه معاه لعند ما يطلع وقالتله كل شي على امه وعمايلها وطبعا بعد وقت طووويل باش استوعبها وفهمها💔...وقالتله ان هي تبي ترووح لليبيا وتمشي وتسيبه وترجع لحياتها القديمه لكن برووحها💔...!
العصابه : كل واحد فييهم خدي عقابه اللي يستحقه فعلا فعلا حاتم تم الحكم عليييه بالإعدام و ليلى كدلك...ورشيد حكم علييه 15 سنه سجن بسبب عدة جرائم دارهم خطف و قتل وتهديد...الياس تم الحكم عليييه نفس الشي اقل شي 10 سنين ضاعوا من شبابه تعلمه درس في حياته معادش ينسسساه او يفكر مجرد تفكير ان يضحك على بنت او يحتال علييها🔥...!
______________________
تاني يوووم بعد الحادثة 🔥 :-
( طرابلس _ ليبيا )
في حوش عيلة روز...!
طق طق طق :-
رزان : اتكون ( ام روز )فتحت الباب وشهقت بصووووت عالي بكل...هذه انتي!؟؟؟
روز : دموعها تجمعوا...ماما حبيبتي استحشتك💔...!
رزان : كشخت عليها من فوق لتحت بدوون ما تتكلم...!
روز : تبي تحط رجلها وتخش للحوش...انا رجعت ماما...!
رزان : دفتها بالقوة...بعدي من اهني بوووك حلف لو خطيتي خطوة داخل الحوش رح يطلقني لذلك مفيش داعي تخشي...في شنوو احني قصرنا معاك شنو السبب اللي يخليك تهربي من حوش عيلتك وتخونيهم...!
روز : تجمعوا دموعها بدت تبكي...بسس ماما انا💔...وقطعتها...!!!
رزان : بدوون بسبسه زايده...هيا خووودي بعضك وامشي من اهني...!
روز : بدت تبكي بشهقه...بسس وووين نمشي يا ماما معنديش حد موجود معاي💔...؟؟
رزان : ابتسمت بهزوة...ارجعي من وين ما كنتي ارجعي للمكان اللي هربتي ليييه فهمتي وياريت تنسي ان عندك ام او اب لأن احني نسيناك من زمان حبيبتي روز...وصكرت الباب في وجها...!
روز : بدت تبكي في شارع...انا اسسسفه حرام عليكم والله العظيم كانت فكرة غبييه ومكانش لازم نهرب والله ان ندمانه💔...!
محمد : كان يشوف فيها من بعيد وجي يجري لما شافها تبكي...خ خخيرك خلاص روز معاش تبكي خيرك اهدي شوويه❤...!
روز : حضنت محمد بالقوة...انا معاش عندي عيلة محمد كلهم سيبوني انا السبب عارفه بس لو تشوفها كيف عاملتني امي خلاص تبروا مني💔...!
محمد : شووفيلي جاي...انا رح نكون لييك سند والله ورح نتزوجك ونكملوا قرايه اهني ونطلعوا نعيشوا برا فهمتي خلاص اهدي وانا عند كلامي❤...!
روز : حضنت محمد بالقوة...ربي يحفظك ويخليك ليا ربي حيعوضني بييك انت الحمدلله على كل حال❤...!
محمد : ارضي باللي كتبهولك ربي...عسى ان يكون خير ❤...!
روز : بدت تمسح في دموعها وتشووف للحوش متعهم بنضرات حزن وقهر❤...خلينا نمشوا محمد خلاص معاش طايقه نقعد اهني...!
محمد : هاتي ايدك ومعاش تفكري في شي طوول ما اني معاك روز تمام❤...!
روز : تلفتت لمحمد بنضرات حب وقووة...محمد انا نحبك❤...!
محمد : حتى انا❤...خداها من يدها وبدوو يمشوا في شوارع بطريقه حلوة وكأنهم متزوجين❤❤...!
🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥
______________________
بعد مروور شهرين من الحادثة :-
( طرابلس _ ليبيا )
عند نوسة بعد ما روحت هي و اوس...!
اوس : نبي نعرف حاجه علاش احني جيينا لليبيا وامك و بوك متوفيين واختك كدلك...؟
نوسة : بلعت ريقها...اءءءءءءءء نبي نشووف الحوش فهمت نبي نتأكد ونشوف كل شي اهني وناخد ملفي وحجاتي خيرك وبعدين نرجعوا اوس خيرك هكي...!
اوس : انا اسسف...بس وينه الحوش هو معاش فهمت انا...!
نوسة : خلاص اصبر شووية ونوصلوا...قدموووا شوويه ليين وصلوا للحوش متعهم وشافاته الحوش متعهم زي ما هو...!
اوس : هذه هوو الحوش متعكم او لا...؟
نوسة : اي اي هو هذه رح نطق الباب ونشووف مني اللي خدي بدالنه...!
اوس : حط ايده على راسه بقلة صبر...اخخخخخخ هيا نستنوا نشوفوا...!
طق طق طق :-
جيهان : فتحت الباب ولما شافت نوسة انصدمت😱...هذه انتي كييف صار امتى رجعتي!
نوسة : انصدمتتت...اءءءءءءء جيهان انتي عايشه كيييف صار هكي قالولي انك متتي انتي وامي ووينها ماما...!
جيهان : دفتها بالقوة...نحي ايدك من اهني معاش في خشوش للحوش هذه مرة تانيه فاهمه ولالا...!
نوسة : بلعت ريقها بخوف...لييييش خيرك جيهان شن في؟
جيهان : امي ماتت غاضبه عليييك وماتت وهي مقهورة من عمايلك السودة فهمتي ولالا...!
نوسة : دموعها تجمعوا...ككييف ماتت وامتى ؟
جيهان : تقريبا هذه شي يخصنا انتي خودي الشاب الامور اللي جايبتيه معاك وتوكلي من اهني وانا طلعيني من دماغك انسيني متبريه منك راهو...وصكرت الباب في وجها💔...!
نوسة : بدت تبكي بششهقة...خلينا نمششوا اووس بالله علييك💔...!
اوس : خداها وحضنها بالقوة...خلاص قتلك انا فكينا منها ومتجيش صكرتي دماغك...!
نوسة : خلينا نمشوا من اهني بالله علييك حاسه روحي بننخنق...!
اوس : خداها من ايدها وبدووو يمشوا باش يكملوا حياتهم بشكل طبيعي بس نوسه مشت وخانقتها العبره وشايله من اختها💔...!
اوس : خداها وحسسها بالأمان من بعد اليووم انا هو رح يكون في جنبها❤...!
______________________
عند داليا و سراج في ليبيا...!
داليا : بعد شهرين من اليوم سراج طلع من العمليه وتحسن الحمدلله...قلتله ان رح نسافر لليبيا ومرضاش ان يخليني نمشي برووحي ومشي معاي وركب طيارة معاي وقعمز في جنبي ووصلنا لليبيا...كنت مش طايقه نشووف عيلتي لذلك مشينا لحووش عيلته تعرفت عليهم وترفوا عليا وامه عجبتني وحبيتها انا وقررت ان نتزوجوا قلتلها ان احني كيف متعرفين ومش عارفين بعضنا كويس قالتلي الحب رح يجي بعد الزواج...لأن الحب اهتمام واحترام❤...ووافقت وكان سراج راضي بكل شي وانا راضيه والحمدلله...تزوجنا وكبرنا وانا بديت عايشه في حوشهم كأني بنتهم بزبط اوول مرة في حياتي نعيش بين عيله مقدريني فاهميني مش زي العيله المصلحجية والخاينه اللي كنت عايشه بيناتهم💔...سراج غيرلي حياتي للأفضل رجعلي فلوسي ورجعت فتحت الشركة ورجعت الموظفين وبديت انا وسراج شركاء في شركه وشركاء زواج و حب❤...والحمدلله على كل حال❤...!
🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥
______________________
اغنية عشت وشفت 👁💔...!
يهدالي بال إزاي وإزاي أنام وأرتاح
مبقتش متطمنة ومخوّنة الباقين
ولا للي سابنا ومشي بنجيبو بعد ما راح
ولا الحياة تضمن في وسط ناس خاين
أنا عشت وشفت الجبروت الرحمة ياهل الله
الناس مستهونة بالموت ويا رب صَبّرنا
دنيا وللا عايشين مع ديابة
عجبي ع اللي فَكرها متسابا
يا ساتر من شر وغلّ البني آدمين
يا عالَم انتو اتعلمتوا القسوة دي فين
نهايته يللي ما تعرفش حرام ولا عيب
إيماني ربنا عدله وعمره ما بيّسيب
أنا عشت وشفت الجبروت الرحمة ياهل الله
الناس مستهونة بالموت ويا رب صَبّرنا
دنيا وللا عايشين مع ديابة
عجبي ع اللي فَكرها متسابا
______________________
*كل واحد خدي نصيبه في دنيا والظالم خدي نصيبه و المظلوم خدي نصيبه والمجروح نصيبه والمقهور خدي نصيبه...وربي ديما ريدلك الخير ويختبر فيييك وكل واحد ونصيييبه في الحياة الدنيا❤...؟
*رد بالك تخووني عيلتك وتطعنيهم من ضهرهم على خاطر ( راجل )هذه اكبر خطيئه ديريها في حياتك وطبعا حتدمر والكل يتبرى منك زي ما تعرفوا مجتمعنا الليبي هكي...وهذه يلي صار مع ( نوسة و روز )بدات❤...!
*الحب والراجل للمرة المليوون نقوللكم يجي برووحه والله يجي برووحه انتم خليكم مع حب العيلة والام و الاب والراجل يجي بروحه لأن هو نصيب ومكتوب من عند الله❤...!
*لكل ظالم و مظلوم نهاية اقروا الروايه من اول للنهاية وشوفوا كيف الاقدار تتغير وشوفوا كيف حكمة ربي تمشي وخليكم مؤمنين بيه(ونعم بالله)❤...!
*تقربي من ربي والله العظيم صلي وادعي راهو الصلاة تنهي عن الفحشاء والمنكر في قوله تعالى : ( إِنَّ الصَّلاةَ تَنْهَى عَنِ الْفَحْشَاءِ وَالْمُنْكَرِ ) صدق الله العظيم ...!
النهاية ❤
______________________
نتمنى تكون عجبتكم الرواية...قصتها حلوة وقوية زي ما قلتلكم كان لازم اني نطوولها اكتر ليكم بس صاحبة القصه طلبت مني نختصرها في اقرب وقت لأن الضي هارب على اغلب بلدان ليبيا...وشكرا للناس اللي تابع فيا...وفي ناس معذورة فعلا من قصة النت ورح نخلي الرواية فترة على قروب باش يقروها الكل...ورح ننشرلكم رواياتي اللي محد قراهم لتوا ونرجعلكم برواية جديدة كل الحب وشكر ليكم ونتمنى انكم تعطوني رأيكم في تعليقات اللي يقولولي حلوة و تهبل شكرا بس نعرف ان هي حلوة نبي تعليقات طووويله انا نفرح لما نشووفهم😂❤...ربي يحفظكم ويخليكم فانزي...باي باي ❤...!
🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥