#عشت_و_شفت 6 ( حقيقية )
#حسن_الجامعي
______________________
عند روز في الديسكو💔:-
روز : فتحت عيوونها ببطء...شافت رووحها قاعده على الكنبه عيوونها معبيات دموع حاسة بقرف وتعب شافت شووية للمكتب اتفكرت كل شي صار معاها اتفكرت شن دار معاها الحقير حاتم...ناضت فتحت الباب لقاته مصكر وبدت تبكي وتتكلم بصوت هادي بكل 💔...افتحوووولي الباب حرام عليكم خلاص انا تعبت منكم...!
ليلى : فتحت الباب بفزع...اءءءءءء خ خيرك شن في شن دارلك حاتم قوليلي...!
روز : عيطت عليها...بررري شووفي راجلك الووسخ بري بدل ما جايه تستعبطي عليا يا وسخه انتي وراجلك حرام عليكم اللي درتوه فيا حرام💔...!
ليلى : تعصبت...خلاص صكري فمك وتعالي معاي باش نرجعك للدار متع البنات الساعه توا قريب 3 الفجر...!
روز : بدت تبكي وتعييط...خدي مني شرفي الحقير الوسخ...حسبي الله ونعم الوكيل فيه!
ليلى : هيا بسرعه بري قدامي...راهو مش ناقصتك بككككل هيا نبي نتمرقد نعسانه...!
روز : بتوتر...انتي كيف راضيه على راجلك هكي قصدي كييف تشوفي فيه يتقرب من البنات وانتي ساكته مفهمتش هذه راجلك ولا تمثيل علينا...!
ليلى : تعصبت...شي يخصني بري قدامي بسرعه للدار يلا...!
روز : وهي تمشي شافت الباب من فوق وتبي تهرب معرفتش كييف تتخلص من ليلى...اءءءءء ليلى في وحده فوق شووفيها شكلها وحده من البنات...!
ليلى : انصدمتت...كييييييف😨...وووينها حي عليا من حاتم وووينها اتكلمي يا بنت...!
روز : ش ش ششفتها فوووق راهو تحاول تهرب...!
ليلى : من كتر الخوف طلقت ايد روز وركبت تجري باش ادوور على البنت...منوو في اهني يا شباب في وحده حاولت تهرب اهني...!
روز : ركبت في جرتها بفززع...وتبي تعرف مكان الديسكوا بتخشله وبتهرب من الباب الخلفي معرفتش كيييف دير...خششت للديسكوا بدون ما ليلى تنتبه عليها...ياااارب ساعدني يا رب كووون معاي يارب...شافت الباب الخلفي فرحتت وتبي تهرب!
حاتم : ششدها من شعرها وحط على راسها المسدس...وووووين ماشيه يا حلوة...!
روز :- 😨اءءءءءء...بالله عليك خليني نهرب بالله علييك نبي نروح لعيلتي حرام عليك ساد اللي درته فيا حرام عليك💔...!
ليلى : جت تجري بفزع...انتي وحده سافله وحقيرة وتستاهلي اللي داره فيك حاتم دخلها للدار وخلينا نخلصوا منها هيا نعسانه اني🤬...!
______________________
يوووم جديد :- 🆕️
عند اوس في شركة...!
ترن ترن ترن:-
اوس : خيرها متردش هذه...!
نوسة : ناضت من النووم على صووت التلفون...اووووووف متخلوش واحد يرقد...وردت على مكالمه...الووووووو...!
اوس : باهي الحمدلله اللي رديتي على المكالمه يا هانم...شووفي الساعه قداش توا يا فالحه...!
نوسة : شافت الساعه و شهقت...وووووك عليا عطلت من اوول اليوم توا الساعه 10 ومفروض انجي 9 ووووك عليا...!
اوس : اتعالي بسسرعه مالا ومتتأخريش مش ناقص هو الوقت...!
نوسة : تي باهي منحبش حد يتأمر عليا اني...برااااده!
اوس : 😳...لو بتقللي ادب رح نطلعك من الشغل فهمتي...!
نوسة : به به توا فوووتني نبي نرقد تعبانه شوووية...!
اوس : لا اله الا الله...تي اما نووم نوضي للشغل لو اي بنت مكانك راهو جت بكري وبسرعه من الفرحه قصدي علاش انتي متحسيش بالنعمه اللي عطيهالك ربي...!
نوسة : وجعها كلام اوس وتفكرت لما كانت تعامل في امها واختها بالاسلوب مش حلو وربي خداهم منها💔تغيرت نبرة صووتها بحزن...خلاص اوكي نلبس ونجيك اسسفه...وسكرت الخط!
اوس : حس من صووتها انها زعلت منه...ياربي يصبرني نشالله...!
عند نووسة:-
نوسة : لبست سروال ابيض مع بلوزة صفره ووشاح وكعب بس مش عالي هلبا لبساته ودارت شوويه ميك اب وقريب تكمل شيشه البرفان😂...وطلعت وهي متحمسه للشغل...نزلت من اوتييل وشافت موقع الشركه لاقته قريييب منها رح تمشيلها على رجليها...!
البنت1: شووفي التركيات شن يلبسوا تقول لابسه بيجامه وووك عليا تضحك فيا😂...!
البنت2 : ايييه وووك شوفيها شكلها تركيه متفهمش ليبي احسن شي ناخدو راحتنا في القرمه😂...!
نوسة : تعصبت منهم وشغلت دماغها...احم احم هل تتكلموا علي!
البنت1 : شن تقوول هذه تؤا ترجميلي 😂
البنت2 : قالتلك هل تتكلمين علي او لا...!
نوسة : تعصبت...حبيبتي انتي وياها شن رايك توا نمشي نبلغ البوليس يجي ياخدك ويرميك في الحبس كم شهر ويرحلوك على بلادك يا روحي😏...!
البنت1: اءءءءءءءء...قصدك انتي ليبيه😨...!
نوسة : اي اي ليبيه وتوا ماشيه نحرش البوليس يخليكم تقرموا زيييين في السجن...!
البنت2: خافت...اءءءء استني بليز خلاص قوليلنا شن تبي واحني حاضر المهم فكينا من مشاكل البوليس...!
نوسة : اممممممم...نبي فلوس اللي عندكم في شنطه كلهم...!
البنات:- 😨...مشش ساهله طلعتي يا بنت...!
🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥
__________________________
عند داليا في الاوتيل:-
داليا : نضت ولبست اي لبسه عندي تعبانه ومرهقه ومش مستوووعبه الكارته اللي تسببت فيها بجد...لبست سروال اسود وبلوزة سوده وسبيدروا مدرتش مكياج بكل...كل شوويه نفتح ف شنطه نشووف قداش مزال من فلوس خايفه يتموووا مني ونقعد بدون مصروف...طلعت من اوتيل وانا نبكي وخايفه ان نمووت في البلاد هذه وبدوون ماحد يندري عليا💔...شفت قهووة وواضح ان اللي يخدموا فيها ليبين فرحت😍...!
داليا : السلام عليكم...اءءءءءءءءء القهوة هذه ليبيه...!
رشيد : واقف وواضح عليه واحد عصبي وكبير ومعقد...شن تبي تفضلي ؟
داليا : وخي انا محتاجه شغل في اي مكان...ضروري نشتغل على روحي اتنصب عليا وخايفه بجد من الغربه ونبي نسافر لليبيا ومعنديش حق التذكرة اصلا...!
رشيد : الاحسن انك متخدميش اهني لانك حتتسببي في مشاكل هلبا هيا بري من اهني...!
داليا : مفيييش مشكلة عادي رح نخدم انا مضطرة هلبا بجد...شووف اكيده محتاجين عامل او عامله ينضف القهوة صح...!
رشيد : فكر شوويه...اممممممم تمام تمام ابدي شغل ممنوع تخشي للمخزن وومنوع تتكلمي مع زباين اخدمي وانتي ساكته اما الراتب متخافيش حيكون راتب كويس اهم شي الشغل...!
داليا : فرحت...ح ححاضر الحمدلله ياربي الحمدلله لقيت شغل❤...!
رشيد : هههه توا تشووفي شغل على اصووله...بس اهم شي متخشيش المخزن يا حلوة...!
__________________________
عند اوس و نوسه لي شركة ❤:-
نوسة : جايبه شكاليط وعصاير وفرحانه...يا حليلي ان شاء الله ديما نلقا ليبيات يقرموني باش ناخد منهم فلوسسهم الله قريب الف ليرة خديتهم منها😂...!
اوس : واقف فوق يتفرج عليها من روشن...هههه مهبولة اهيا تاكل في شكلاطه تحساب روحها صف الاول ابتدائي...!
نوسة : خششت وهي تتفرج على شركه...يا حليلي شنووو هذه كله قويه الشركه حلوة بكل...شكلهم معبيين هلبا يا كبدي...!
نيهال : واقفه وتكشخ عليها وشافتها من فوق للوطا وتقيد فيها...احم احم!
نوسة : استغربت...خيرك تشبحيلي ان شاء الله خير...!
نيهال : شافتلها ببرود وملل...😒 انتي الموظفه الجديدة اهني...!
نوسة : اي اني يا حنه خيرك شن في!
نيهال : المدير فوق يبيك قالي اول ما توصل كلميها تركب فووق...!
نوسة : وانتي خيرك تتكلمي هكي زي المايعات...حبيبتي انا مش من نوع اللي نجامل لبستك اخيييه شعرك دره وواضح عليك مزيته وووه عليا...وركبت😂...!
نيهال : تعصبت منها...هي هي احترمي نفسسك حبيبتي ره نفش غلي فيك اليووم واطييه...!
نوسة : تركب وهي تضحك عليها حرقتلها دمها...بلا بلا بلا...!
نيهال : ايوووواااا شكلها بتعبني هذه...يارب المدير يتزوجني بسس نبي نتزوجه يا ناس طرف😭...!
طق طق طق:-
اوس : تفضل!
نوسة : وصلت استاد اوس تفضل تبي حاجه...!
اوس : اكيده باش بنقولك بتبدي تتعلمي توا على الاجهزة وكيف تحولي المكالمات ليا وتتعامل مع الناس وكدا...هذه كله رح تعلمهولك نيهال الموظفه اللي معاك لوطا فهمتي عليا ولاه...!
نوسة : قلبت عيونها بملل...محبيتهاش شكلها وحده تافها وحسودة واضح علييها لا ومزيته!
اوس : تعصب...توا علاش تتكلمي على لبسها فووتيها اهم شي الاحترام...!
نوسة : معندهاش احترام قليلة ادب واضح علييها قصدي متبيش تفكير...!
اوس : توا انتي علاش تحكمي عليها بدون ما تعرفي اصلا توا بتعيبيها بيجي حد يعيبك قصدي كما تدين تدان...وهيا لشغلك بري ابدي...!
نوسة : قعمزت على كرسي...اي وقداش المعاش الشهري...بصراحه لو تعطيني يومي يكون احسن لأن مفلسه حاليا...!
اوس : عندك شهر كامل مش رح تاخدي شي لوو مخدمتيش اي شي بينخصم منك...فاهمه !
نوسة : اووف باهي فهمت لكن حاول تفكني منها البنت اللي تحت هذه مبردها...!
طق طق طق :-
اوس : نفخ وحط ايديه على راسه بقلة صبر...واااك عندي شغل مش فاضي كل شويه واحد خاش...تفضضل😤...!
فريدة : خششت تجري...اهليييين ولدي حبيبي كيف حالك اليوم علاش طلعت بدون ما تفطر اليوم يا روووحي...!
نوسة : قلبت عيونها بملل...اووووف نفاخه هذه...هيا انا رح نمشي نبدا شغل عن اذنكم...!
فريدة : شافت نوسه من فوق لتحت...تي منو هذه القزمه...!
نوسة : تعصبت...عفووووا🤬...!
فريدة : بإستحقار... ولدي منو هذه اللي جيبها متقوليش الشغاله الجديدة يا ولدي هذه قصيرة بكل وشوف لبسها تقول من يامات جدي وحناي...!
اوس : 😳
نوسة : تعصبت وتنرفزت من اللقطه🤬... شنوووووو🤬...اي لا هكي هلبا حبيبتي احترمي نفسسك خيرلك...!
فريدة : وشنو بديرلي لو مسكتش يا قزمه يا فارة يا حشرة...!
نوسة : تعصبت وخدتها من وشاحها...ناخدك من شعرك زي توا ونتفهولك تنتيييف🤬...!
اوس :- ناض بفزع يبي يحززز بينهم...😨....!!!!
🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥
__________________________
عند داليا في القهوة☕:-
رشيد : شرب رشفه من القهوة...وشاف لداليا من فوق لتحت...وقت الدوام يتم الساعه 2 في ليل!
داليا : بلعت ريقها بصدمه😨...كييييف لساعه 2 هي قهوة ولا ديسكوا ليلي معليشي😨...!
رشيد : ديسكو ليلي ينقلب بعد 12...تنضيف اهم شي بين كل نص ساعه فاهمه...!
داليا : مترددة وخايفه...اءءءءءءء...بس هلبا لساعه2...!
رشيد : معناها تسيبي الشغل بكل لو مش عاجبك هذه النظام متعنا...وياريت تلتزمي بالمواعيد...!
داليا : بصووت تاعب...اخخخ اوكي تمام حاضر...!
رشيد : بصوت عالي...نضفي كل شي بسرعه توا شويه تاني بيبدا المكان يزحم...!
الشاب : اءءءءء استاذ رشيد الكبير قاعد في سيارة ويستنى فيك...!
رشيد : تغيروا ملامح وجهه...اءءءءءء ت تمام اهوا بنمشيله تووا...!
داليا : خيره خاف لما قاله الكبير يبيك...اووووف ياربي يصبرني شن هذه!
الشاب : اشتغلي بفم ساكت لو سمحتي يا انسسه...!
داليا : خدت المياه وبدت تصب فيها على القهوة كلها وتبي تسيق...اوووف ياربي...!
_وووين الصابون ووين المواد التنضيف...!
_كيف يبوني انضف بدون مواد تنضيف...!
_خليني ندووزر في الدولايب باش نخلص اليوم!
داليا : بديت ندوور في كل مكان مشفتش شي ومفيش مواد تنضيف والقهوة خامرة حشاكم معبيه قهوة والفحم تبع الرقيله وماكلة وتراب منحكيلكمش على منضر...بس غصبن عني...بديت ندووور في كل مكان معاش في مكان غير المخزن اللي قالي ممنوع تخشيله...معنديش ما ندير المياه عبت المكان ضروري نخش...خششيت و شفت اللي معمري ما كنت نتوووقع نشووفه في حياتي شششفت😨...........!؟؟؟؟؟؟؟؟؟؟؟؟
__________________________
عند محمد في اوتيل:-
محمد : يسمع في اصوووات عاليه حط ايديها على ودنه من الاصوات العاليه...يجري في مستشفى ويعيط...طلعوووني من هني طلعووني من هني💔...قتلتوا عيلتي قتلتوا امي و بوي يا مجرمين...حسبي الله ونعم الوكيل...!
_انت ولدنا يا محمد متنساش ان احني اللي ربيانك وكبرناك💔...!
_متصدقش كلام الناس كله كدب احني عيلتك الحقيقية...!
_شوووف احني بوك و امك الحقيقين كله كدب...احني عيلتك ومش مجرمين زي ما سمعت...!
محمد : ناض من نووووم مفزوع ويعيط...قتلتوا عيلتي لااااااااا لاااااااااااااا...هربت منهم لما عرفت الحقيقة هذه...!
الدكتور : اها يعني هذه مش عيلتك الحقيقية وانك عشت حياتك بيناتهم في كدبه...!
محمد : انا جيتك انت وعارفك انك مش حتبلغ عليا بجديات انا مش مريض...هما خافوا ان نفضحهم ونكشف المستور قدام الناس والشرطه داروني مهبول...الكلام اللي نقال عليا كله غلط...!
الدكتور : هما يبوا يتخلصوا منك توا قتلوا بوك و امك الحقيقين وخدوك وخلوك تعيش بيناتهم على اساس انت ولدهم وكدا صح...!
محمد : اءءءءءء...اي اي صح بس متقولش للمستشفى النفسي ان اني موجود اهني او نجيك كل يوم💔...!
الدكتور : اوكي تمام هذه موضوع باهي شن هو الموضوع التاني ؟
محمد : في بنت شفتها يعني شفتها كيف الشباب يغصبوا فيها انها تدخل للديسكو غصبن عنها...!
الدكتور : استغرب... اي كمل خيرهم...شن درتلهم!
محمد : بخووف...بلغت عليهم الشرطه ولما جوو الشرطه للمكان نفسسه دوروا في كل جهة وفي كل زوايه في المكان بجديات مكان غريب جدا جدا ملقوهمش مش بنت وحده واضح اكتر من بنت موجوده يبيعوا فيهم يا دكتور فهمتني...!
الدكتور : توتر...حط التلفون على طاولة...اءءءءءء خلاص انسى متهتمش للقصه هذه خليك في قصتك انت توا مالك ومال الناس...!
محمد : تعصب...انقولك يبيعوا في البنات وانت تقولي مالك ومال الناس...معندكش انسانيه بكل حضرت الدكتور!
الدكتور : علامات غريبه على وجهة... انا بجد اسف استاذ محمد!
محمد : بلع ريقه بخووف...على شنوو دكتور...!
الطب النفسي : استاذ محمد سلم نفسك وخليك مكانك والا رح نعتقلوك وتدخل للسجن🔥...!
محمد :- 💔..............#يتتتبببع!
رأيكم في الحلقة اليوم قولولي رأيكم في القصه حقيقية محبيتش نزيد من عندي راهو كان بنزيد بتولي باردة هلبا والحلقات قصار عارفها منبيش نطول باش منكملكمش الروايه في حلقتين وخلاص لالا تبي تركيز وهدوء وبساطه حتى في القرايه مش طووويله وكلام دجج على فاضي لوو انتم في مكان داليا ترضوا تشتغلوا في مكان هكي حتى ولو مضطرة رأيكم مهم❤...!
لو تفاعل ضعيف انزل حلقه 7 بعد غدوا ❤...!
🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥