الفصل العاشر :
وصلت علي بداية الغابة الي في اخر المملكة وطبعا اكتشفت أن كورو مش هينفع يدخل معايا لأن الأشجار كثيفة وهو كبير وجناحاته كبيرة فممكن يتأذي لو دخل فخليته مكانه وقولتله لو احتجت حاجة هناديك ودخلت جو الغابة.
اشجار واغصانها حوليا بدأت اكسر في الاغصان علشان اعرف ادخل واعمل ممر ليا وفضلت علي كدة فترة اتعورت في ايدي كتير بس مكنش هاممني لغاية ما خلصت من منطقة الأشجار ديه ووصلت لقرية في قلب الغابة مكنتش كبيرة هو كام كوخ جنب بعض وكام محل وغدير ماء قدامهم مهتمتش بأي حاجة وجريت علي الغدير وفضلت ادور علي ضفافه بس ملقتش الزهرة ملقتش أزهار نرجس اساسا سبته وفضلت امشي جوا القرية ومابين الاكواخ وكان حركة الناس هادية ومافيش ناس كتير ، خرجت منها وفضلت مكمل طريقي في الغابة وبدور علي اي نهر واي غدير ماء حتي وعمال اعدي علي قري كتيرة وادور علي ضفاف الغدير او البرك البسيطة الي بلاقيها وكنت بشوف ازهار النرجس بس كانوا كانوا بيبقوا مجموعة مع بعض والزهرة الي عاوزها وحيدة انا متأكد أنها هتبقي مميزةومختلفة عن الكل ، فضلت مكمل لغاية ما تعبت جدا وكنت قريب من قرية دخلت جواها ولقيت فيها حاجة زي حانة صغيرة دخلت فيها وقعدت طلبت اكل مكنش ليا نفس لكن لازم اكل علشان اقدر اكمل كانت حانة صغيرة مفهاش ناس كتيرة هما اتنين والرجل الي شغال فيها كان كبير خمسيناتي سألني عاوز ايه فطلبت اكل خفيف وقعد شوية وبعد كدة جبلي الاكل بدات اكل بالعافية وببلع بصعوبة وعمال مشهد وقوع يفرا ومشهد ايد الكائن وهي بتخرج من بطنها يتكرر في دماغي ومشهد وهي شاحبة وبتنزف بين ايدي وبتموت ومش عارف اعملها حاجة سبت الاكل وحطيت ايدي علي وشي ولقيت دموع بتنزل من عيني وقبضة في قلبي وخنقة في صدري فضلت كدة شوية لغاية ما لقيت ايد علي كتفي لقيتها يفرا ؟!!
-يفرااا انتي عايشة الحمدلله انتي عايشة أنا والله ما كنت اقصد اعرضك للخطر أنا أسف يفرا سامحيني بجد أنا بحبك .
-يفرا من ؟؟ هل أنت بخير ؟
لقيت فجأة شكل يفرا اتحول ولقيته صاحب الحانة ولقيته بيقول :
-بني هل أنت بخير ؟؟
مسحت دموعي وبدأت استعيد قوتي تاني ورديت : اه انا تمام اقصد نعم أنا بخير ، كيف تتحدث العربية ؟
-كان يأتي الي زبائن من الفراعنة وكان لدي اصدقاء منهم فتعملت اللغة .
-حسناً .
-لماذا كنت تبكي ؟
-لا شيء .
-أخبرني لا يجب أن تكتم أحزانك بداخلك اخبرني من الممكن أن اساعدك .
-لا أحد يستطيع مساعدتي .
-فلتجرب إذن .
-حبيبتي تحتضر وتموت بين يدي ولا استطيع ان افعل شيء .
-وما بها ؟
-كائن من كائنات العالم السفلي اصابها في منطقة البطن والجرح سام والنزيف لا يتوقف .
-ما بها اذا ماتت ؟
-بعصبية : نعم هل انت عااااقل ؟؟ اخبرك أن حبيبتي ماتت بين يدي والآن تلفظ انفاسها الأخيرة وأنت تخبرني ما بها إذا ماتت ؟؟!
-بهدوء : ماذا سيحدث لك أن ماتت ؟ هل ستنتهي الحياة ؟
-نعم ستنتهي الحياة بالنسبة لي ستموت حياتي وابتسامتي وروحي أنها كل شيء لدي لم اعرف للحياة طعم إلا بها .
-أنت تحبها كثيرا ، كنت انتظر هذا الرد منك أيها الأمير .
-أمير !! هل أنت تعرفني ؟
-نعم لقد كنت موجود أمس في حفل تسليمك اللقب .
-وكيف عدتُ إلي هنا في هذه المدة القصيرة المكان في ضواحي المدينة وبعيد ؟
-كيف أتيت أنت إلي هنا ؟
-التنين الأحمر ومن ثم سرت علي الأقدام إلي هنا .
-وأنا أيضاً لي طرقي الخاصة .
-وما هي ؟
-السحر .
-هل أنت ساحر؟!!
-نعم أنا من نصل الساحرة البيضاء وأستخدم سحري في الخير فقط ولا استخدمه في أي شر .
-وأنت تستخدم سحرك للتنقل من مكان إلي مكان أليس كذلك ؟
-نعم ، والآن أخبرني ماذا تفعل هنا وتترك حبيبتك تصارع الموت وحدها ؟
-أبحث عن علاجها ابحث عن الزهرة التي تحول أليها نركسوس أبن آله النهر .
-اااه لقد سمعت عن هذه القصة كثيراً ، لكن هل هذا سيعالجها ؟
-نعم الطبيت اخبرني أنها من الممكن أن تستعيد جزء كبير من طاقتها وقدرتها عندما تتناول أو تشرب ماء الوردة عند غليانها .
-أنا يمكنني المساعدة .
- قولت بسرعة : بجد ؟ احلف !!
-الرجل بأستغراب : نعم ؟ ماذا تقصد ؟
-لا تهتم لا تهتم ، كيف يمكنك مساعدتي ؟؟
-أستطيع أن اجعلك تري الزهرة ومن خلال الرؤية عليك أن تركز علي المكان حولها حتي يسهل لك العثور عليها بسهولة ، فأنا بسحري أستطيع أن أري ما اريده واعرف موقعه .
-موافق هيا إذا .
-اهدأ يجب أن تهدأ ويجب أن تركز جيداً لأني لا أستطيع أن أعيد الرؤية مرة أخري ، وأنا أيضاً سأري معك الرؤية وإذا علمت المكان سأخبرك .
-حسناً لا تقلق .
-هيا لنبدأ إذا .
وقام وبدأ يشيل الأطباق والحاجات من علي التربيزة وبعد شوية رجع تاني وراح حاسب الناس الي كانوا موجودين ومشيوا وقفل الباب بتاع الحانة وطفي كل الأنوار ونور شمعة وحطها في نص التربيزة ومسك ايدي الاتنين والشمعة ما بينهم وقالي غمض عينك واوعي تفتحها وبدأ يردد في كلام مش مفهوم كتير :
ألوهومورا أجوامنتى أنابينيو لأنيماجوس ا اب ابر ابرا ابراك ابراكا ابراكاد ابراكادا ابراكاداب ابراراكادابر ابراكادابرا .. ألوهومورا أجوامنتى أنابينيو لأنيماجوس ا اب ابر ابرا ابراك ابراكا ابراكاد ابراكادا ابراكاداب ابراراكادابر ابراكادابرا .
بدأت أحس بسخونة حوليا في كل مكان وأحس بحركة كتير وهوا وعاوز افتح عيني بس خايف بدأت أقول بصوت خايف : أنا أشعر بحركة حولي .
-لا تهتم ركز فقط في الرؤية ركز فقط في الزهرة ركز .
بدأت اخد شهيق وزفير واقول لنفسي اهدي اهدي فكر في زهرة النرجس هتلاقيها فين ؟ فين ؟ في.. فجأة الظلام الي حوليا أختفي تدريجي وشوفت نفسي واقف عند شلالات ماية تلت شلالات لافين حولين بعض وعاملين دائرة وكأنهم بيصبوا في بير ولقيت الزهرة علي صخرة كبيرة في وسط الماية ما بين الشلالات بس تحت عند المصب وكنت انا واقف علي الارض بعيد عن مجري الماء بس قدرت اشوفها كويس خالص قولت بفرحة : لقيتها لقيتها .. بعدها كل حاجة اختفت وبدأت تتلاشي ولقيت الضلمة تاني حوليا وسمعت صوت الساحر بيقول : افتح عينيك لقد انتهت التعويذة .
-هل رأيتها أيضا موجودة في مكان به ثلاث شلالات علي دائرة وهي توجد في الاسفل عند المصب .. أين هذا المكان ؟
-أنه قريب من هنا ، بعد القرية ببعض الأميال .
-شكراً لك كثيراً ، لا أعرف كيف أشكرك واوفيك حقك.
ولقيت حاجة مناسبة ممكن أهديهاله كان في ازارة علي التربيزة كسرتها وخدت حتة منها وجرحت نفسي وسحبت الماية الي وقعت منها وبدأت اعالج الجرح وبعد ما الجرح لم خدت نفس الماية وخدت ازازة تانية بعد ما فضيت الماية الي فيها وحطيت الماية الجديدة الي شفيت بيها جرحي وقولتله : هذه مياه نقية وفيها قدرة الشفاء ، أعلم انك ساحر لكن السحرة لا تقدر علي علاج أنفسها فستساعدك هذه المياه في أي وقت هذا أقل ما يمكن أن اقدمه لك .
خدها مني وشكرني وكمان حاسبته علي الأكل وكل حاجة وعرفت أن أسمه دميتري سلمت عليه وشكرته تاني وخرجت من عنده ناديت كورو قعد شوية علشان المسافة وجيه ركبته بسرعة وطيرت بيه من فوق الغابة وفضلت ادور علي الشلالات الثلاثة ادور ادور لغاية ما اخيرا لقيتهم نزلت بيه ما بينهم عند المصب ونطيت علي الصخرة الي عليها الزهرة لقيتها فعلا هي الي شوفتها في الرؤية وكانت مميزة عن أي زهرة نرجس شوفتها ورقها مختلف وشكلها مختلف لما تيجي تبصلها تبهرك .
بدأت أحفر علشان اطلعها بالجذر علشان متموتش في الطريق مني وأكون خسرت كل حاجة علي الاقل الجذر هيقويها شوية ويمدها بالطاقة عقبال ما اوصل القصر ، كل ده وكورو بيطير فوقي مستنيني اخلص لكن وأنا بحفر لقيت حاجة مسكت رجلي وسحبتني بعنف جوا الماية من الخضة معرفتش اطلع وعمال اغرق مش عارف اوزن نفسي وحاسس بحركة حوليا حاولت اهدي نفسي وزنتها بصعوبة وبدأت اعوم للسطح لكن شوفت الي سحبني شوفت عيون زرقا في الماية وبتبوصلي شوفت حورية بحر ؟!!! لا لا مستحيل !! عومت بسرعة للسطح لكن لقيتني بتسحب لتحت تاني بسرعة بدأت اتخنق وبجد مش هقدر فبحركة من أيدي عملت انفجار بسيط في الماية والي مسكاني سابيتني ، عومت بسرعة لفوق وطلعت علي الصخرة بتاعة الزهرة اخدت نفسي وبحاول استوعب الي شوفته واهدي نفسي وبقول أكيد بتهيق بس لقيت راسها قدامي بشعرها الأحمر وعينيها الزرقا وبشرتها الغريبة بيضا لدرجة شاحبة وجسمها الي عبارة عن زعانف وقشر معدا ايديها هي الي طبيعية زينا وزي وشها ، صرخت وبعدت لورا
وقولتلها باليوناني : من انتِ ؟؟ ποιος είσαι ?
-ماذا تفعل بالزهرة اتركها مكانها .
-لا أنا احتاجها بشدة ليس لكِ دخل بها .
-لماذا اذن ؟! هذه الزهرة أنا احميها هذه وصية اختي ولا يجب أن اخذلها .
-اختك ؟؟ هل اختك ايكو ؟؟
-نعم هي ، هل تترك الزهرة الآن ؟
-لا أنا اعتدز حقاً لكن حياة أغلي ما املك تعتمد علي هذه الزهرة .
-حسناً فلتحاربني أولاً .
بدأت احس الموضوع ممل والوقت بدأ يمر وأنا اتأخرت بحركة من ايدي وتمتمة تعويذة بسيطة كونت ايدين من المياة وكتفوها وهي عمالة تحاول تفكهم وتصرخ مهتمش بصريخها وخرجت باقي الزهرة من الارض وناديت كورو نزل بسرعة ركبته وأنا محافظ علي الزهرة وكأنها روحي وقولتلها بصوت عالي :
-أسف لكن الوصية ليس لها أهمية حياة شخص ما أهم.
وحركت أيدي والماية رجعت زي ما كنت وهي عرفت تتحرك وكانت بتبصلي بأستغراب ومش عارف ليه مهتمتش واتحركت بكورو بأسرع ما يمكن ناحية القصر علشان أنقذ يفرا وبدعي من جوايا ميكنش فات الأوان ..
روحت بسرعة للقصر وبدأت اشوفه من بعيد بيظهر ووصلت ونزلت بسرعة اديت الحرس الزهرة وقولتلهم باليوناني : أسرعوا علي حجرة تحضير الطعام واجعلوا أحد يغليها بسرعة .. هزوا رأسهم وأتحركوا وانا اتجهت لأوضة يفرا وعلي أمل أن الاقيها لسة عايشة كل ما بقرب كل ما خوفي بيزيد وقلقي ورعبي أني أكون اتأخرت ، وصلت للباب وفتحته بتردد وبصيت لقيتها نايمة زي ما كانت ولقيت الطبيب واقف جنبها ومديني ضهره ولقيت واحد تاني واقف قدامه تقريبا زيه لسة هتكلم لقيته بيقول للي معاه : قلبها توقف ماذا أفعل؟؟ في كل مرة كان يعود مرة أخري للنبض بعد عدة دقائق الأن لا يريد أن ينبض مرة أخري ؟!
- نعــــــم ؟؟ وسع كدة .
زقيته وجريت عليها بسرعة وطلعت علي السرير وبدأت أعملها مساج للقلب لأنهم ميعرفوش ده فضلت أعمل بسرعة واقولهم بزعيق وأنا بنهج : قم بقياس نبضها بسرعاااا وأول ما يبدأ بالنبض اخبرني هيااااا لن تموتي يفرا.
كلهم كانوا مستغربين أنا بعمل إيه بس مهتمش وفضلت اعمل المساج لغاية ما الطبيب قال فجأة : لقد عاد حقا لقد عاد النبض ماذا فعلت ؟!
وقفت الي كنت بعمله وقعدت اخد نفسي لقيت الباب خبط والحرس داخلين بطبق فيه ماء الزهرة المغلية . خدته منهم وحطيته علي التربيزة الي جنب السرير وقعدت جنبها ورفعتها في حضني ومسكت الطبق وبدأت اشربها براحة وأنا بدعي وبسمي في سري أن الموضوع ينفع ، شربتها كل الطبق لكن هي ولا أي حركة ؟! رجعتها للسرير تاني وقولت بزعيق وقومت مسكت الدكتور من هدومه : فين هاااا فين أنها هتقوم لما تشرب ماء الزهرة هااا فيييين ؟ كنت بتقول أي حاجة علشان تخلص نفسك مش كدة رد علياااااا ..
- أنا لا أفهمك أيها الأمير تكلم اليوناني أنا حقاً لا أفهم ..
رميته من أيدي وبدأت أكسر في كل حاجة حوليا وأقول ليييه؟؟ ليه هي ؟؟ أنا عاملت كل حاجة علشان تعيش ؟؟ ليه ؟ أنا الي كنت مفروض أموت ليييه ؟؟ ووقعت علي الارض علي ركبتي وبدأت أعيط واقول : يفراا علشان خطري متموتيش مش هرجع زمني واسيبك والله بس ارجوكي متسبنيش أنتي كمان ...
فهد !!
سمعت صوتها الرقيق المرهق بينادي عليا ؟!! بتخيل ؟؟ شيلت ايدي من علي وشي بسرعة وبصيت ناحيتها لقيتها لقيتها قاعدة ومفتحة عينيها الي وحشني لونهم الي بغرق فيه ندت عليا تاني وحشني صوتها يفرا عايشة يفرا مسبتنيش جريت عليها وحضنتها جامد وفضلت اقول : وحشتني وحشتني بجد مش قادر اوصفلك احساسي دلوقتي وفرحتي كنت هموت منغيرك بجد يفرا انا بحبك بحبك جدا خليكي معايا دايما...
لقيتها بصوتها الناعم قالتلي : أهدي فهد أنا بخير ومعاك أهو خلاص وكملت بهمس وعلي فكرة أنا كنت حاسة وسامعة بكل حاجة حوليا وكنت سامعة كلامك وعصبيتك وخوفك عليا شكراً يا فهد أنك انقذت حياتي كان ممكن بسهولة تتخلي عني وتفقد الأمل .
بعدت عن حضنها وحطيت ايدي الاتنين علي وشها وقولتلها : لو كنت فقدت الأمل فأنك تعيشي كنت هبقي بفقد الأمل أني أنا الي هعيش ، طلما أنتي مش موجودة يبقي أنا مش موجود يفرا .
ابتسمتلي وقد أيه كنت فعلا محتاج الأبتسامة ديه لأن منغيرها يومي مكنش بيكمل كنت دايما بصحي عليها وبنام عليها بقت أدمان عندي ، فصلني الدكتور ولا الطبيب النيلة ده وهو بيقول : السلامة عليكِ أميرتي كان الجميع خائف علي حياتك كثيراً وبالأخص سمو الأمير الجديد بالسلامة مرة أخري وسأذهب لكن قبل ذهابي أريد أن اقيم لكي معاينة حتي أتأكد من زوال السم من جسدك .
وبدأ يكشف عليها قدامي وطبعا بطرق قديمة أوي ده لو شافوا مستشفي حكومة حتي والأسعاف بس هيقعوا من طولهم بس الفرق الي بينا وبينهم هي الأمكانيات التكنولوجيا الحديثة عندنا مش موجوده عندهم بس هما بيقدروا يعالجوا ويكشفوا ويعملوا أدوية وعقاقير وكل ده بمواد الطبيعة والأشياء البدائية يبقي هما أحسن مننا بكتير .. ابتسم بعد ما خلص وقالها أنهت تمام وكويسة جدا وكمان قوتها زادت وقالها علي بعض النبتات الي هتشربها وخرج من الاوضة هو والي معاه وأنا بعد ما خرجوا نمت جنبها وخدتها في حضني وقولتلها : أنا واحد بقاله يومين ما شفش النوم فأهدي كدة ونامي علشان انتي كمان عاوزة راحة . ومستنتش ردها لأني نمت فعلا لأني كنت مطمن ومرتاح أن يفرا جنبي ومعايا وفي حضني ❤️
_________________________________
فعلا أنا اسفة علي التأخير بس كنت تعبانة مقدرتش أكتب ❤️
فوت بقي وشير وكومنتس لأني تعبت فيه❤️
أخت إيكو ملهاش وجود في الأسطورة الحقيقة فكانت الزيادة لزوم السياق الدرامي للرواية بس❤️
التعاويذ هي من فيلم هاري بوتر والي مفروض تعرفوه أن التعاويذ ديه فعلا حقيقة وتعاويذ يونانية استخدمها الفيلم وكل واحدة ليها نتيجة معينة وليها طرق للأستخدام بس مقدرتش أذكرها طبعا لأنها مش مذكورة في أي كتاب ولا طريقة استخدامها احمد يونس بس هو الي اتكلم عنهم في حلقة عن التعاويذ السحرية ❤️