آلكآتبــه شـهد آلطـآئي 👸🏻🐯'
.
💜{قال رَبِّ اشْرَحْ لِي صَدْرِي}💜
🖤...🧿..🖤..🧿..🖤..🧿..🖤..🧿...🖤
العنود : داشيلهن بالصينيه ولتفتت باب المطبخ
انفتح بس واحد ديحجون ويا ودير وجهه
ركزت كبل وكعن الكاسات من ايدي واطشر
الماي بالكاع هوه لتفتلي وخزرني
حوراء : لكككك احمممد انته هنااا
العنود : انه ضليت متجمده بمكاني
بس حوراء راحت ركضت حضنته وهوه
بادلها الحضن نوب اجت امي وزهراء
وبيبي امي كامت تهلهل وتبوس بي
لا صار اكثر من 6 اشهر ماشايفته
احمد : والله والشيخه راجع حيلها وتهوس
وتركص عمي يرادلج شيخ مو حوراء هههه
حوراء : جا ماتدري خطبوها مني بس
ماوافقت خاف نوب تجيب اخوان لابوي
وعمي ويشاركوهم بالحلال هههههههههه
احمد : هم صدك ماننطيها هسا نوب
ياخذونها ع مود فلوسها هههه
الشيخه : دهر صابكم ياملعبين كل همكم
الورث والفلوس كلمن يدور مصلحته ههه
حوراء : مدام ياقوت هيه هاي الدنيه هههه
احمد : هم عوزه ابوي من تالي وكت يطلعله
ابو جديد ويصير عنده اخوان هههه
زهراء : بس تدرون حلوه انو بيبي اخر
عمرها داتحفظ طفل وتوكله هههههه
احمد : لا نروح لولد عمها ينهون عليها ههه
الشيخه : دبسكم تمضحك و انته حميد
اريد منك تصيحلي عگاب وكاظم وانتن
كملن شغلجن
احمد : اكيد تردين تاخذين الموافقه منهم
حتى تتزوجين مو شيخه ههههه
الشيخه : امشي لك لا بالعكازه ههه
العنود : راح احمد يصيح لابويه وعمي
بس من شفته مدري شصار بيه تذكرت
شكل عباس وكولشي صارلي تذكرته
كبل صعدت لغرفتي
هديل : شنو احمد اجهه ؟
زهراء : اي اجهه هسا جان هنا
هديل : هاا وجا شبيه العنود
حوراء : مدريني حتى وكعت صينية
الماي من شافته وضلت صافنه وهسا
صعدت لفوك
هديل : انه رايحه اشوفها شوي واجي
عاد نفرش للناس لي تبات
زهراء : اوك
العنود : كاعده ومخليه اديه ع راسي ماريد
اتذكر شي اندك الباب
هديل : افووت
العنود : فوتي
هديل : شبيج صعدتي وليش ضايجه
العنود : مابيه شي بس دايخه
هديل : امم يعني مو من جيت احمد
العنود : لا عادي ماعندي شي بجيته
هديل : باعي اعرف زين انو انتي خايفه
و متوتره بسبب الصارلج لان مو قليل
لو انه بمكانج يمكن اتعالج هسا عند
دكتور نفسي بس الحمدلله انتي قويه
وتعديتيها واتمنى ماتخلين الافكار
تخرب حياتج عيشي حياتج كنو
اخر ايام الج بالدنيه لا تفكرين لباجر
ولا ترجين التفكير ع الصار البارحه
عيشي اليوم بيومه واحمد حاولي ترجعين
علاقتج بي وانتو تبقون اخوان
وهسا خل ننزل نفرش للناس وبدون مناقشه
العنود : الله كريم بس عود مال انزل افرش
انجبي ولي جايتني ع مود اشتغل وياجن
مو ع مودي اعرف سوالفجن هههههه
هديل : ههههه لا وعلي بس انزلي
خل نضحك شوي ونوب نفرش ونام
جوه كلنا اليوم
العنود : ههه يلا اغسل وانزل راحت
هديل وانه نزلت وراها وضلينه نضحك
ونسولف وي كرايبنه وفرشنه نوب صارت
ساعه ب 3 ونص يلا نمنه
شيخ فهد : سوينه الحنه والشباب كلها تركص
والزلم الكبار كاعدين يم ابوي بالديوان
والحجي كل شوي موديلهم طارش بسكم
كافي ركص واغاني بس حميد وعليوي شلون
بيهم اذا ميذبون لحم ميرتاحون ضليت ل 1
كاعد يم الولد سوالف وضحك ومداهر انه
وكرار ونوب طشينه كلمن راح لاهله
رجعت ميت تعب كبل سبحت ونمت
كعدت ب 7 غسلت ونزلت تلكتني الشيخه
صباح الخير شيخه
الشيخه : اللهم صلي ع محمد وال محمد
يمه عين البارده عليك هلا بكل اهلي
هلا يمه صباح النور
شيخ فهد : شيخه سويلي درب خل
اطلع اشوف الولد
الشيخه : جا يمه ماتتريك
شيخ فهد : لا من تودون للولد اكل وياهم
الشيخه : صار وليدي بس خل اخذلك
طريق
العنود : انه بين النايمه والكاعده لان صوت
ابجي الجهال موتني كل شوي واحد كاعد
مثل الجني يايبجون ياحلمانين نوب هسا
الشيخه اجت تاخذ طريق مدري لمن
الشيخه : عندو يمه كاعده
العنود : اي بيبي هياتني كعدت
الشيخه : يمه كومي غطي اخياتج لان
فهد يريد يطلع وهذن ماع راسهن شي
العنود : اوك بيبي كمت غطيتهن وحوراء
وهديل ليشوفهن يكول ديحاربن مو نايمات
كل وحده عايفه فراشها ونايمات ع فراش
غيرهن وزهراء نايمه بنص الجهال مدري
شعجب ماتخبلت منهم
شيخ فهد : سولي طريق وكبل طلعت
للمطبخ كلت صباح الخير
العنود : صباح النور باوعتله شكد
انيق هذا كاعد من الصبح ومشسور
ومرتب نفسه وعطره طاش بالجو
مثل حظي وجهي بالكوه غسلته
يلا هوه عريس شي اكيد يرتب
انه شعندي الوصخ احلى هههه
محمد : عنود شنو وحدج كاعده
العنود : ايي ليش
محمد : حتى تسولنه ريوك ونكوم نشتغل
لان هم يلا بعد مانلحك
حوراء : صباحوو
محمد : مساؤو صار الظهر وانتن نايمات
حوراء : اللهم صلي ع محمد وال محمد
ياظهر لكاك هيه ب 8 له ربع شبيك
من الصبح وععع
محمد : لج احترمي نفسج لا وعلي
اطلع طنكورتي مال النوم كلها بيج
حوراء : لا والله خوفتني وحتى وهاا خاف
مامنقهر حتى اقهرك راح ارجع انام
العنود : حوراء انجبي وفوتي جوه منا
ناس وانتو تداهرون وروحي كعدي البنات
زهراء : ها صباح الخير
الكل : صباح النور
العنود : الله جابج زوزه يلا تعالي وياي
خل نحضر الجاي والريوك وحوراء
وهديل يلمن الفراش حتى ننطيهم
ريوك ونظف البيت صاير هوسه
زهراء : اوك بس جا شبي محمد طلع
معصب شكو شصاير
العنود : غير البومه اختج لسانه لطويل
مدته ع الولد والله فشله
زهراء : عوفيها هوه هذا طبعها وابو طبع
ميغير طبعه ف خليها ع راحتها
العنود : الله كريم وهسا يلا بساع
حضري ستكاين وخواشيك
زهراء : اوك
العنود : خلصنه كولشي من ريوم وتنضيف
وغده وطلبات الخطار ومتنه تعب بس
كامن ويانه كم بنيه شابه من كرايبنه
واكو وكفن ع الطبخ وي امي وعمه
وهسا وقت الزفه وكلها متحضره
ومشغلين الدي جي والجهال تهوس
وتركص والحجيه تركص وي الشباب ومنتظرين
فهد ينزل هوه وصلاح ومحمد وعلي وكرار
ماقبل غيرهم يفوتون ويا لان زحمه ونسوان
وشي وخبصه ف ماقبل وجان يطلع....
__🖤__.___.__.__🖤__.__.___.__🖤__
حبايب انطوني رئيكم بالقصه ولا تنسون
التصويت كليباتي احبكم 🧿💗ء:-)
__🖤__.___.__.__🖤__.___.__.__🖤__