آلكآتبــه شـهد آلطـآئي 👸🏻🐯'
🖤...🧿...🖤...🧿...🖤...🧿...🖤
شيخ فهد : رحت للحلاق ومناك
اجيت بدلت ورحت لبيت زينه ع مود انكص
الكيك وناخذ صور جبرت نفسي ع موده
لان ماحب هيج سوالف اول مافتت
زرفن راسي بالجكليت وطورمني بالهلاهل
والهوسات نوب كعدت شفت زينه
لابخاته لبخ بهاي الالون مدري شني
من مكياج اشكال الالوم حاطاتلها
نوب بعدين دانكص الكيك وجان اباوع واشوف
ام زينه داتحجي وي العنود بس صح ماسمعتهن
من الهوسه بس دفعته بحركه مو حلوه
وحتى شكلها من تحجي وياها مو مال واحد
يحجي عادي مال واحد ماعجبه الوضع
انتبهتله وكفت مقابيلنه وشوي ضايجه
بس شطالعه صدك حلوه ونازكه
رغم مامخليه مكياج طوخ بس حلوه
وحتى لبسه فد نازك كلت بكلبي
(جا شجاني الله مارزقني بوحده نازكه مثلها 🤦🏻♀️)
العنود : باوعت ع فهد لكيته صافن علي
سويتله حركه بحاجبي عود شنو
شيخ فهد : من شفتها انتبهتلي استحيت
كلت هسا شدكول شكو صافن بوجهي
كلت خل اصيحه سويتله حركه بيدي انو تعالي
العنود : شفته اشرلي رحتله كلتله ها
شيخ فهد : هم شفتن احد صوركم لو شي
لو صور زينه
العنود : لا بس بنت خالتها وبيبي صاحت
بيها كالتله ميقبلون
شيخ فهد : تمام روحي
العنود : باوعتله صفح ورحت نوب شوي
هوه راح واحنه وره ساعه هيج كالو اجن
السيارات هم بساع لمينه نفسنه ورجعنه
للبيت ميتين تعب من الركص بس كبل
صعدنه سبحنه ونزلنه نضف البيت
واكو كوم نسوان ضلت للحنه مال الزلم
حوارء : اكلج هديل
هديل : كولي
حوراء : عود هذا هوه هم عرس مختصر
خاطر ربكم عازمين نص الشعب العراقي
عود مسوينه بس اهلهم وهاهيه
هديل : لج انتي ماشايفه الناس هسا لراح
تزعل علينه ولج كومه ناس ماعزمناهم
مينعدون هذول عود بس منطقتنه
العنود : هيه صح تعب وشي بس حلوه
انو تشوف كومه ناي بعرسك وكولها تركص
وفرحانه انه بعرسي اسوي دعوه عامه هههه
هديل : دعرسي اول وبيج خير وادللي ههه
زهراء : دعوفن العرس تعالن نحضر للعشه
هديل : يلا هم صدك عاد نعشيهم ونغسل
الموعين وبعدين نبدل ونركص
العنود : يلا لعد كومن
محمد : يممممه هدديل وينجن
اصيح ومحد يسمع ومااكدر افوت زحمه كومه
نسوان لازم ياخذلي طريق اخر شي اجت حوراء
حوراء : ها شبييك تصيح
محمد : وجعه انتي شبيج انه اصيح ولد
انتي شكو وتصيحين ويلا اخذيلي طريق
حوراء : لا والله خاف ماتقبل لعد واذا
ولد يعني ع راسك ريشه وانه ع راسي حشيشه
محمد : وتلاسن بعد دمشي يلا
حوراء : اطلب بااحترام يلا اروح
اسويلك طريق
محمد : ههههه دمشي لا انطيج راشدي
يخليج فاقده الوعي اسبوعين
حوراء : لعد باي ماسويلك طريق لو يجي
شيخ عكاب هنا
محمد : ههههه والله واجاج شيخ عكاب
شيخ عگاب : ها داسمع اسمي شعدكم
شتسولفون علي
محمد : بنت اخوك ماتقبل تسويلي
طريق له اطلب منها بااحترام شوف يابه
شيخ عگاب : حكه لازم تطلب الاشي بااحترام
ويمكن مااجيتها بااسلوب عدل
حوراء : من الفشله كتله لا عمو راح اسويله
طريق لحضه
شيخ عگاب : ههههه عفيه بس لا تعيديها مره ثانيه ودكولين لو يجي شيخ عكاب
اذا اجيج مره ثانيه اخنكج ههه
حوراء : من حجه هيج كبل ضحكت وشردت
رحت سويتله طريق وهوه صعد
محمد : شخصية حوراء حلوه عكس
التؤام مالتها هادء كلش لا هاي المفترسه
بس هاي غزاله بريه شرسه حلوه
يوو خل اسبح واحضر نفسي واولي اكرب
منا لليل احسن
الشيخه : يلا يبنيات صبن عشه
ام فهد : شيخه همه غير ينطونه خبر
خاف بعدهم ديصلون
الشيخه : جا انتظرنهم وبس يشيلون
عشاهم انتن بساع صبن للنسوان
خطيه الجهال جاعو
ام فهد : حاضر
العنود : عمه يلا يكولون صبو بساع
ام صلاح : منو كالج
العنود : محمد كال
ام فهد : يلا لعد تعالن انتي والبنات ساعدنه
انه وامج روحن انطنهم السفر خل يفرشون
ويوزعون الخضره والفواكه ولبن
العنود : انطلقنه بالشغل انوب شلنه عشه الزلم
وبعدها النسوان والصواني والمواعين كومه
للصبح منخلص غسلهن وهذول بدو بحنة فهد
وناس كلها تركص واحنه وحده صافنه بوجهه
الثانيه ونريد نبجي هههه
الشيخه : شعدجن هنا كاعدات خيرجن
هديل : بيبي دنريد نغسل مواعين
الشيخه : خايبات كومن لا بالعوجيه والجن
عرس هذا وانتن تفكرن بالمواعين
روحن بدلن اركصن وبعدين الولد يغسلوهن
حوراء : عااااا يلا رايحه ابدل ملبه بيجن
زهراء : ارووح ويااج اخذيني
العنود : ولجن تعالن عاد بس نلمهن
الشيخه : خليهن يمه انه هسا اصيح
لبنات وياجن جا بس انتن المناسبه الجن
العنود : خلصنه تنظيف وصعدنه بدلنه
ونزلنه نركص وشي خلصة الحنه مال الزلم
واحنه صعدنه غيرنه ملابسنه وداوزع ماي
للنسوان واكفه بالمطبخ انه وحوراء
حوراء : باعي اخذي هاي الكاسات الماي
بارده احسن من ذنيج
العنود : داشيلهن بالصينيه ولتفتت باب المطبخ
انفتح بس واحد ديحجون ويا ودير وجهه
ركزت كبل وكعن الكاسات من ايدي واطشر
الماي بالكاع هوه لتفتلي وخزرني
🖤...🧿...🖤..🧿..🖤..🧿..🖤..🧿...🖤
حبايب لهنا ويخلص البارت انطوني رئيكم
بالقصه و منو تتوقعون هذا الشخص ؟
ولا تنسون تصوتون 🤪🌚
🖤...🧿..🖤..🧿..🖤..🧿..🖤..🧿...🖤