فحضنو استسلمات للنوم وغفات طاردة حزنها .. حس بنفسها تقال بعد قادها فالنعاس ونزل التحت كاعي حل الباب ودخل نيشان للصالون كانت خالتو مع رقية وفطيمة وزهرة كيهضرو
عصام : الواليدة !
رقية : ياك لاباس اوليدي ؟ نحط ليك تعشا
عصام : لالا الواليدة نهضر معاك ؟
رقية ناضت عندو كيهضرو بشويا : هانا اوليدي
عصام بحدة : الواليدة ! راك عارفاني عندي گود نخرج فالبشار ومايهمنيش
رقية فهماتو : اوليدي اللسان مافيه عظم ونتا عارف بنت عمك خضرة
عصام : الا خضرة تمشي طيب ماتجيش تحل فمها على لالاها
رقية : واخا الحبيب (حطات ايديها على صدرها ) مسحها فيا انا
عصام باس راسها : حاشة الواليدة .. غير هو الا بغات هاد المرة تجي لا هي لا غيرها تسد فمها باش نبقا مزيان معاهم
رقية : ايه اوليدي ماقلتي عيب
عصام باس راسها : تصبحي على خير الحاجة
رقية : مرتك اوليدي ماديرش فبالها .. نعطيك العشا طلعو ليها ؟
عصام : نعسات الواليدة
رقية : ماشي مشكل الحبيب تصبحو على خير
خلاهم وطلع الفوق لقاها كيف خلاها مشا كيفيقها والو مابغاتش تنوض ليه شاف حتى عيا وهزها داها لبلاصتها حيد ليها ديك الفراشة بزز باش مايجرحهاش العقيق .. بقات بدوبياس تخشا حداها جرها عندو طفا الضو وحط نيفو على راسها كيستنشق ريحتها حتى داتو عينو ..
التحت ..
فطيمة : عيطي ابنتي على راجلك را مشا الحال
رقية : ماعندك فين تمشي باتو معانا
فطيمة : الله يجعل البركة
زهرة جبدات طيلي كتصوني ليه مكيجاوبش : يمكن نعس اخالتي
فطيمة : عولنا عليه بكري
رقية : ايوا باتي الله يهديك الدار واسعة وعريضة
فطيمة : نتي مولات الخير
🍷لــطــــــــيــــــفة🍷
بقلم : وئام العمراني
الجزء 112
صباح الصباح فدار رقية لي فايقة بكري توجد الفطور للضياف زهرة بالسهير لي سهرات البارح كتعيط لايوب مازاال ناعسة اما ليلى مولفة تفيق معطلة ..
ناضت فطيمة تعاونها وجدو فطور بعقلو ومشاو يصليو بيدما فاقو الاخرين ..
فاق هو الاول توضى وصلى ومشا للخدمة .. خلاها مازال ناعسة مشا قدا الغرض فالمحال ورجع لقاها باقة جابدة عليه
خلاها ومشا وجد قهوة وشعل گارو هادا هو فطورو
كما بالخف مع قهوتو ورجع للبيت راشقة ليه حيد الغطا كيفيق فيها ايدو كتسارا فجسمها بكل اريحية ..
طلع لعنقها خشا وجهو كيهرها بلحيتو حتى بدات كتفيق
لطيفة مخصرة سيفتها : انننن وا خليني
عصام كيهرها : متتي نتي ماشي نعستي .. فيقي باراكة عليك
لطيفة خشات راسها تحت المخدة : باقي الحال
عصام : 10 هادي .. وانوضي
لطيفة بصوت نعسان : امم واخا
عصام ناض : هي دابا
لطيفة داتها عينها : اننن
عصام غوت حتى قفزها : لطيييفة
لطيفة ناضت قافزة : هووف هانا
عصام شدها من ودنها : كتأففي
لطيفة جرات ليزار غطات جسمها العاري : شكون عراني
عصام ببرود : لي حواك
لطيفة : انا لي حمقة
عصام كيجبد فحوايجو : عاد عرفتيها
لطيفة : شكو .. ااا زهرة ختي مازال التحت ؟
عصام فهمها علامن كتسول : مشاو
لطيفة : ننزل ؟
عصام حيد الشوميز قدامها والسروال لبس سروال سيرفيط گري وتيشورط اسود : نوضي تصلي بعدا
لطيفة حنات راسها بخجل : مكنصليش
عصام : من دابا تبداي
لطييفة هزات راسها باه : انا انتوضى ونصلي
لوات عليها بينوار وناضت للدوش توضات وخرجات لبسات عبايتها ومشات صلات الصبح ..
وهو جابد بيسي خدام فيه وحاضيها حتى سالات حيدات العباية وبقات ببيجامة ديال الدار وزيف حياتي
لطيفة : نمشي ؟
عصام : اجي
لطيفة وقفات قدامو : نعام
عصام حط البيسي و جرها جلسها فوق رجلو مد ايديه حيد الزيف من فوق راسها : لاش هاد القلاوي راك غير فالدار
لطيفة : ماخاصش نبقا بشعري عريان
عصام طلع حاجبو : اشمن قانون هادا ؟
لطيفة : ولفت
عصام : نسااي داكشي لي مولفة نتي دابا مع عصام وغاتبقاي معاه حتى للموت دونك نساي كاع داكشي لي عشتي قبل
لطيفة بتفهم : واخا
عصام : مانعاودش نشوفك بيه فالدار
لطيفة هزات راسها باه : نمشي دابا
عصام كيبوس عنقها :مازال ماخديت حلوتي
لطيفة خرجات عينيها : عصاام
عصام : الوريدة ديال عصام
لطيفة حتى بغات تدفعو وتنوض وهي تفكر البلان ديال البارح وهضرة زهرة استسلمات لقبلاتو ومداعباتو .. نطقات وسط فمو : نفطر ونجي ؟
عصام كيحيد حوايجها : الحوا ماعندوش وقت الوريدة
كمل فمداعباتو ولمساتو المنحرفة لي كتشعلها وتخليها ذوب بلا ماتحس حتى حسات بيه كيدخلو
لطيفة بصوت معسل : بشووياا
ماجاوبهاش خدام على ولادو حتى رتاح وريحها معاه ختمها بقبلة ففمها : بالصحة اوريدتي
لطيفة كتلهت : عيت مافيا لي يدوش
عصام هزها للدوش : ندوش لي غير رتاحي ليا
دخلها للدوش وهي غارقة بالحشمة ماقداتش تبقا حداه عريانة
لطيفة : صافي غاندوش بوحدي
عصام : مابقيتيش عيانة؟
لطيفة هزات راسها بلا : لا غير خرج
قرب لفمها خدا بوسة طويلة مص فيها شفايفها ومشا تحت الدوش دوش وتوضى وخرج خلاها دوش بوحدها ..
على طبلة الفطور كانو مجموعين العائلة كاملة الا عصاام .. النساا بيناتهم كيهضرو ويدردشو فمواضيع مختلفة
رقية قربات ليها الملوي : فطري ابنتي ماكتاكلي واالو
ليلى : بصح ياختي ماكلتك فحال الفريخة ههه
زهرة : دويتي القزمة
ليلى : انن ماما هضري معاها
رقية : تي بعدي من القزمة
ليلى بغضب : والله حتى نقولها لخويا
زهرة كتشرب اتاي : سيري .. هو ل مسميها عليك
ليلى : وا باعدو مني
فطيمة : لااواه زيينة البنات
ليلى : ربي يخليك اخالتي
زهرة : لطيفة فين عصام ؟
لطيفة : الفوق
زهرة : فطر ؟
لطيفة : نطلع ليه ؟
ليلى : طلعي ليه ابنتي
هزات بلاطو دارت فيه الفطور مع قهوة وطلعاتو ليه لقاتو فالصالون جالسة مدور بيه الوراق .. حطاتو حداه
لطيفة : خاصاك شي حاجة ؟
عصام هز راسو بلا : شكون التحت ؟
لطيفة : غير خالتي وخالتي فطيمة والبنات
عصام كيحسب : ايوب ماجاش ؟
لطيفة حتى بغات تهضر وهي تسكت : ماعرفتش
عصام : علم الله اش دارت ليه تاني
لطيفة بمكر : علاش مالهم مخاصمين ؟
عصام هز حاجبو : كتسولي ولا كتجاوبي ؟
لطيفة ناضت : غا سولت ! نوجد ليك الغدا ولا تغدا معانا التحت ؟
عصام شاف فيها : الوريدة ! شفتك مهلية فيا
لطيفة باستغراب : علاش ؟
عصام : والو .. اجي لهنا
لطيفة كحلات بالعما : قول من تم
عصام خرج فيها عينيه : نعاود الهضرة
لطيفة مشات وقفاات حداه : نعام !
عصام كيلعب فشعرها : نخرجو ؟
لطيفة عينيها كيخرجو القلوبة : بصح !!
عصام : بلعاني
لطيفة : نمشي نلبس
عصام شدها : اجي فين زربانة !
لطيفة بعبوس : هااء ياك قلتي لي نخرجو
عصام : ماشي داابا .. سيري وجدي لياا الغدا بعدا
لطيفة بفرح : واخا ! شنو بغيتي تاكل
عصام عض على شواربو : مكرهتش ناكلك نتي ..
لطيفة : ءءء
عصام : الحوت غاتلقايه تما طيبيه
لطيفة : واخاا ..
🍷لــطــــــــيــــــفة🍷
بقلم : وئام العمراني
الجزء 115
مشات للكوزينة جبدات الحوت لي قال ليها كان جامد حطااتو يتطلق ومشات كتقاد فشلايض والعصير حتى رجعات ليه لقاتو مطلوق جبداتو كتشوف نص عرفاتو ونص لا
خدات طيليفونها دخلات لصديقها اليوتيوب كتقلب حتى لقات الطريقة بدات كتقاد لكل واحد شرمولتو .. صهداتها البيجامة حيداتها وبقات بديبوغدوغ وسروال ..
قلبات على الحامض مالقاتوش خرجات عندو ايديها عامرين
لطيفة : خاصني الحامض
عصام خدام فالبيسي : هبطي جيبي ليلى عصريها فيه
هبطات على نيتها بيديها هاكاك وهو ماداهاش فيها دخلات لقات اخت رقية واقفة فالباب مادات ماجابت دخلات للكوزينة زربانة باغة غير تخرج وكتخدم بلا عقل..
خدات الحامض وتمات خارجة حتى كتلاقا بشي رجل فالباب مازال صغير التقادة دعصام واقف مع رقية واختها وزهرة .. تصدماات ماعرفات ترجع ولا تخرج وخصوصا مالابساش ..
الرجل بنظرات اعجاب : هادي هي مرات عصام
رقية خرجات فيها عينيها تدخل : اييه هي
لطيفة مع الدعقة ماعرفات مادير دازت من وسطهم طالعة حتى كتحس براسها مجرورة من شعرها
فاش سولاتو على الحامض قالها ليها غير بالطنز ماتوقعش ديرها بصح ماردش ليها البال فاش نزلات
لبس كلاكيطتو وناض يجيبو داز للكوزينة مالقاهاش نزل يشوف حتى كيتصدم بولد خالتو كيشووف فيها ويسقي عينيه وهي هاكاك بديبوغدوغ صدرها نص فيه عريان وشعرها مطلوق .. الا هو كيشووفها كيتهز من بلاصتو باش غايحس واحد اخر
ماترددش انه يجرها من شعرها مطلعها ماعندوش الوقت فين يرعرع على لاخر ويحيد ليه عينيه من بلاصتهم
طلعها جامع شعرها بين ايديه حتى كان غايتقطع
لاحها فوق الناموسية وسد الباب ورجع عندها كيمشي ويجي باغي يطرطق
مد ايديه للتيشورط قطعو فوق لحمو ولاحو
عصام بالغواات صاااعر : زااامل انااا شماااتة ابنت القحبة ( ضرب على صدرو بالجهد ) شماااتة انااا
لطيفة كتبكي : والله مادرت شي حاجة
عصام جمع معاها حتى بانو ليها النجوم : سكتي اينعل عدو رب حيااة مك ( غوت حتى قفزات) واااش قلت ليك نزلي ؟؟
لطيفة شادة حنكها كتهز راسها بلا
عصام : وشنووووو نززلك ابنت القحبة شنوو واااش لربك باغة تجهلي دينمي
مسح على راسو حتى كان غايطير شعرو غادي جاي قدامها عريان من الفوق لحمو كنزز وعروقو خرجو كيحس بالعافية شاعلة فيه فوقما كيتفكر شوفاتو ليها عض على فمو حتى سال الدم
كيسمعها كتبكي وتشهق جمع معاها بصقلة اقوى من الاخرى: سكتييييي قطعييي حسك مانسمعووش
لطيفة كتشهق الدموع مكيتحبسوش ليها: سمح ليا ..
عصاام : نسمح ليييك ؟؟؟ حتى شافو فيك الزوامل وتزللو عليك اش غاندير دابا بيها
لطيفة كتشهق روحها غاتخرج : مكنتش عارفة والله
عصاام مغدد وكلامها كيزيد يصعرو زادها صقلة اخرى : مااعارفااش لدينمك جلسي حطي كرك للارض لهلا يطيب ربو
ناض كيمشي ويجي كيقشر فمو ويمسح على راسو حاس براسو غايطرطق .. مشا للحمام خشا راسو تحت لاڤابو الما بارد عالله يبرد شوياا
خرج كيمسح راسو بانت ليه جالسة مكمشة فراسها نيفها دايز بالدم وفمها مجروح فالجنب
عصبو منظرها اكثر ما هو معصب مشا جرها من ايديها حتى جات طايحة عاود نوضها داها للدوش طلق عليها الما وهي مازال بحوايجها .. قطع الديباغدوغ فوق لحمها مقطع معاه السوتياان باغي غيير شي حاجة تبرد نارو تزلع صدرها قدامو ونزل عليه بالعضان تحت الما
كتبكي وتشهق النفس تقطع فيها والما زاد خنقها .. زايدها الم سنانو لي على لحمها
نزل مع كامل جسمها بالعضاان حتى وصل التحت نزل السروال وخشاا راسو لكن مكيعضش غير مصيصات خفاف خلاوها تنسا راسها وترفع شادة فشعرو مزيرها عليه
طلع عندها عاض على شفايفو ما تلاح على فمها بالبوساان كيشفي غليلو فيه حتى شهقات فاش حسات بيه تخشاا فيها بالجهد
بدا كيضرب هازها مكاليها مع الحيط وايديه فمؤخرتها كيعبزها حتى حس برجفتها بين ايديه تبعها هو شهق بحرارة وضرب ايدو مع الحيط حتى قفزها
باسها ففمها بوسة حنينة ونطق وسط منو : غاتحمقيني شي نهار
لطيفة بهمس كترجف بين ايديه : مادرت والو
عصام ماجاوبهاش خلاها ومشا دوش توضا وخرج ..
لبس وصلا وخرج يبدل ساعة باخرى
بقات شحال واقفة فالدوش كتستجمع انفاسها وذاتها واحاسيسها
كتحس براسها عياانة ولحمها كيضرها .. توضات وخرجات نشفات شعرها ونعسات بفوطتها كتحس بعرق كيضرب بقوة فراسها
التحت ..
زهرة كتمشي وتجي : اليووم يصفيهاا ليها مافيهاش
ليلى وقفات : نطلع نفكها
زهرة : يجمعك معاها !! عيطي على ماما
ليلى : راه خرجات قدام عينيك مع عدوزتك
زهرة : نعيط لايوب ؟
ليلى : خاصك غا السبة
زهرة شيرات عليها بمخدة : نوضي تقودي علياا
ليلى خرجات عينيها : سمعي !!!
زهرة : صافي قتلها
ليلى : يالاه نطلعو ولي ليها ليها !!
زهرة : الباب تخبط ! زيدي قدامي
طلعو عندها عيااو يدقو كيسمعو السقيييل كان عصام خرج وسورت عليها الباب ..
هادشي كاامل لي دار كيحس بالعاافية شااعلة فييه ماكرهش يحيد قلبو ويلووحو احسااس الغيرة كيقتلو من الداخل
واحد الراس كيقولو سير لييه هرس ليه سنانو وحيد ليه عينيه من بلاصتهم ..
ضرب على الفولون زوج مرات باغي شي حاجة تبردو .. عارف راسو الا بقا تما غايصفييها ليها ولا يصدق مسبب ليها فشي عاهة مستديمة
جبد الطيلي دوز ابيل وتسنا حتى جاوب
"الو حبيبي"
عصام : الله اينعل حياة بات طبنمك اولد القحبة فينك ؟
يوسف : امالك اصحبي تاني
عصام مزير على سنانو : فييينك
يوسف : القضية حامضة ! انا فلاجونص
عصام قطع عليه ودور الڤولون قاصدو .. وقف قدام اجونص كراء السيارات بلاصا ونزل مخنزر من الشوفة تعرفو معصب ..
دخل نيشان لا سلام لا كلام جلس فكرسي داير رجل فوق رجل مرجع راسو اللور كيحاول يبرد
يوسف مد ايديه للفيكس طلب ليه قهوة مسوسة مرة كيف عادتو ودار حتى هو رجل فوق رجل كيتسنااه يدوي
عصام دار عندو خاصو غا معامن : كولني
يوسف كيطنز عليه : احح عليك احبيبة
عصام شير عليه بالكتاب لي كان تما : نوض ايحرق طبنمك
يووسف حط الكتاب بلاصتو : اش كااين ازبي ؟
عصام حيد النظاظر باغي يشعل : سوق عدوربك !
يوسف قرب ليه القهوة حداه وعطاه گارو : قاد المزاج بعدا ..
هز گارو شعلو ونتر نترة طويييلة رجع راسو اللور كيحس بعرق فراسو كيضرب ..
يوسف مادوااش معاه حيت اصلا عارفو ماغاديش يعاود ليه .. تسناه حتى كمل گاروه وتكالما
هز سوارتو وطيليفونو وناض : نتحركو ؟
عصام هز نضاضرو دارهم وناض غادي : حرك غا قلاويك
خلاه غا كيشوف ويضحك .. هز طيليفونو ودوز ابيل ...
يوسف بابتساامة عريضة : حبيبة ! نتشاوفو ؟ ... علاش؟ بففف وااخا على راحتك ..
قطع ورجع كيكمل خدمتو حااقد
خرج من عندو بعدما حس براسو تهدن شوياا بقا غير كيدور ماباغيش يدخل للدار دابا وقف حدا البحر كيشووف فيه مقاابل معاه عمقو كعمق عينو وهيجاانو كهيجان احساسيسو الثائرة ..
نار الغيرة كتحرق فيييه ..
سمع دقان فالزاج لي فيقو دور راسو كتبان ليه واحد خيتي من صحاب الطريق كيلو دالماكياج وشبر دالباس مبتاسمة ابتسامة تقحبين ..
عبس ملامحو بقرف وديمارا معوج الطريق هي لي بقات ليه دابا ..
شد طريق الدار راجع فحالو حيت بدا كيطيح الظلام حتى المحال ماعندوش الخاطر يمشي ليه ..
دخل للدار عند رقية لقاهم جالسين على طبلة العشا .. رقية غير شافتو وقفات
رقية : الله اوليدي الله .. مالها مسكينة اش دارت حتى تسد عليها
عصام بتحذير : الواليدة !!
رقية : امالك عاصي ماالك .. كلشي بالعقل اوليدي الدرية باقة صغيرة راعي شويا
عصام جلس شاد فراسو : الواليدة! عفيني من هاد الهضرة الحنانة
رقية جلسات حداه حطات ايديها على راسو بحنان : مالك اوليدي هازها منين تقالت
عصام تنهد : كدير غير لي فراسها
رقية : وا وليدي .. ساعف الله يرضي عليك راه ولد خالتك ماكانش جا يديها وعلى غفلة شافها .. دير غا بوجهي الحبيب ماخاصنا صداع ..
عصام باس راسها: يكون خير الحاجة ( شاف فزهرة لي مقابلة التلفازة) فين راجلك نتي ؟
زهرة مكتشوفش فيه : ماعرفتش
رقية كتلف الهضرة : نوض الحبيب نوض ترتاح
عصام تكا فالصالون : غا خليني الواليدة ( هز مخدة ضرب ليلى ) تهزي جيبي ليا دوايا
ليلى ناضت مدات ليه ايديها : الساروت
عصام تفكر انه ساد عليها النهار كامل وقف جامع النوضة : غبري عليا كمارتك
طلع للدار حل الباب كيسمع السقيل والضو طافي .. مشا بالزربة للبيت
تنهد فاش لقاها ناعسة قرب حط ايدو على جبهتها .. حرارتها معتدلة
حيد الغطا حتى بان ليه جسمها العاري الفوطة فجيه وهي فجيه ..
قرب كيفيقها حتى ناضت كتحل عينيها بصعوبة راسها حاساه غايطرطق ..
عصام كيشوف فحنكها لي تنفخ فمها مجروح شويا فالجنب : تهزي ! شركتي الليل مع النهار
لطيفة حطات ايديها على راسها : فيا النعاس
عصام ناض حيد التيشيرط : كولي ورجعي موتي
لطيفة هزات الفوطة لواتها عليها وناضت بتتاقل جيهت البلاكار لبسات عليها بيجامة وخرجات للكوزينة
جمعات ديك الروينة وهزات الحوت قلاتو وداتو للصالون مع شلاضة والعصير من الثلاجة ومشات كتاكل بلا متهتم ليه ..
اما هو شرب دواه ومشا تكا بلاصتو كيحاول ينعس راسو كيحسو غايطرطق واحساس الغيرة كينهش فقلبو .. مكرهش يخشيها فيه يخبيها من عينين كلشي تبقا ليه بووحدو ..
كلات وسالات وناضت هزات الماعن غسلاتهم ورجعات كل حاجة بلاصتها ضرباتها بتجفيفة للكوزينة وخرجات للسيجور شعلات التيفي كتفرج .. ضربات النهار كامل بالنعاس ماعندها مادير ..
تبعات فلم هندي حتى سالا وناضت كتمشي وتجي وتقرقب باغة فاش تلهي راسها ..
لطيفة : قتلة دالعصا كليتها ! النعاس نعستو ! الماكلة شبعت ! شنو ندير ؟
عصام من وراها : ديريه بندير وتهزي طفي عليا الضو باغي ننعس
لطيفة مجاوباتوش طفات الضواو وهزات ايزار مشات للسيجور كتفرج ..
تكا بلاصتو كيتسناها تجي باش ينعس حتى سمع حسها تقطع ناض ساخط لقاها مكونة فبلاصتها كتفرج فالروسوم عايشة معاهم ..
طفا التيڤي وجرها من ايديها
عصام : باغة تفرقي الفراش كااع !! دايراها قد راسك
جرها وراه للبيت دخلها وسد بالساروت لاح الديبوردور لي كان لابس والشورط بقا بالبوكسر بيض
لاحها بلاصتها ومشا جيهتو نعس خاشي راسو فالمخاد حريق الراس عذبو ..
عطاتو بالظهر قلبها ضاارها احساس بالظلم والحگرة صعييب راودها .. مع انو راجلها ومن حقو يهضر حيت حتى هي غالطة ولكن عيااات من كل مرة تتهان وتبقا ساكتة .. كتحس براسها ضعييفة بزااف يمكن لصغر سنها .. او لان بصح شخصيتها ضعيفة
طبعا! بنت عانات التهميش .. الظلم .. الحگرة .. من نهار تزادت كيفاش حتى تكون شخصيتها قوية وتفرض راسها ..
دموع نازلين من عينيها كتحسهم كيحرقوها فقلبها .. تعالات شهقاتها فالغرفة بلا ماتشعر ..
حتى حسات براسها مسحوبة من ايديها
دورها لعندو وشعل الضو كيشوف فملامحها بشوفات مبعثرة عميييقة
عصام بصوت حنين مايل للهمس كيمسح دموعها : مالك ؟
لطيفة كتبكي(الصمت)
عصام جرها لعندو خشاها فصدرو كيبوس راسها : منك لافوط !
لطيفة كتنخصص : ضربتيني
عصام باس جبينها : ومانادمش
لطيفة كتسلت من بين ايديه باغة تعطيه بالضهر باش تكمل بكاها
عصام زير عليها بين درعانو : نعسي دابا الصباح ونهضرو
لطيفة : مابغيتش طلقني !
عصام زير على خصرها : كتقلبي على شي سلخة تاني
لطيفة بجرأة : مامخلوقاش غير للضرب والنعاس فحال الحمارة
عصام ضرو خاطرو باسها فراسها : شكون قاليك هاد الهضرة !
لطيفة : حتى واحد خليني نوض
عصام : عندك زوج حوايج اما غانوض نعطيك ما كلا الطبل اما اتحواي احسن حوية ختاري
لطيفة بالزربة خشات راسها فصدرو وقطعات الحس حتى حسات بيه نعس تسلتات من بين ايديه بشوياا ومشات تكمل فراجتها عجبوها الروسوم ..
فبلاصة اخرى ..
كان جالسة فاحدا الريسطويات ضحكتو موسعة مرسومة بين شفايفو كيتعشا فجو هادئ وممتع مع الونيس الجديد
ايوب : نمشيو !
البنت بدلع : خلينا شويا احبيبو علاش مكتبقااش معايا بزاف
ايوب بتحذير : حنان ! راه عندي خدمة الصباح
حنان بحزن : اممم واخا احبيبي لي بغيتي ..
ناض خلص وخرجو فاتجاه سيارتو ركبو وصلها لدارهم ورجع فحالو لدارو لي ولات كيدخلو ليها غير النعاس ...
نهاار جديد فدار رقية لي كيف ديما فايقة بكري محزمة كتوجد الفطور ..
زهرة خرجات بكري تقدي شي غرض وليلى عاد فايقة ..
الفوق كان فاق كيتحسس بلاصتها قفز فاش مالقاهاش .. ناض طافج هاكاك عرياان لقاها فالسيجور ناعسة على جلستها قدام التلفازة .. خنزر فيها ماعجبوش الحال ورجع توضى وصلى وخرج بلا فطور نيشان للمحل ..
فاقت على صوت الباب تسد ناضت كتكسل بشويا عليها .. اول حاجة دارت مشات للباب لقاتو مامسورتش مشات بفرحة جمعات بلاصتها طرفات الدار ونزلات كتجري وتنقز فالدروج ..
دخلات لقاتهم كيفطرو ..
لطيفة بابتسامة : صباح الخير
رقية بادلاتها الابتسامة : صباح الخير والرباح
ليلى : على السلامة ههه
لطيفة جلسات حداها كتفطر : الله يسلمك
ليلى كتكب ليها اتاي : لاباس لي ماهرسكش
لطيفة كتاكل : الحمدوولاه
رقية شافت فمها مجروح : ساعفي معاه ابنيتي را ايدو سابقاه
لطيفة : (الصمت ) كتاكل حانية راسها
ليلى : ايوا الطيطيف اش درنا فداكشي
رقية : ادييك اااه اش كاين تاني
ليلى : والو اماما غير لطيفة باغة تتعلم لونگلي
رقية ببتسامة : ايوا من الخير مافيها باس
ليلى : نساليو الفطور ونبداو صافي ؟
لطيفة : واخا
سالاو فطورهم وجمعو الطبلة وردو الغدا رقية مشاات تعزي شي ناس .. بقاو غير هوما بزوجات
ليلى جابت كتوبة وستيلوياات وجلسو فالصالون
ليلى : دابا غادي نبدا معاك من الاول .. يعني من الحروف خاص تحفضيهم هوما الاولين
لطيفة بابتساامة فرحة وحمااس مثل الطفلة الصغيرة : اه نحفضهم
ليلى بتاسمات : تبعي معايا هادي A كنطقوها إي
لطيفة كتقلدها : اي
ليلى : وي وهادي B بي
لطيفة : إي .. بي
ليلى :براافو عليك
داز الوقت وهوما تما لطيفة عقلها خفيف بزااف دغياا كتشد .. حتى سمعو شي حد داخل
كان عصام هاز فايديه تقدية حطها ومشا تلاح فالصالون كيشوف فيهم
عصام بملامح باردة : اش كتصنعو تم ؟
ليلى : كنعلمها الإنگلش .. عرفتي مرت خويا عقلها خفيف عطيها شهر تولي تهضر بيها
عصام شاف فيها كيف فرحانة عينيها كيلمعو بتاسم بدون شعور : مزيان !
لطيفة مازال مكتهضرش معاه ومكتشوفش فيه گاع .. ناضت حطات الغدا وجابت الخبز وليلى العصير وشلايض حطوهم
عصام غسل ايديه ورجع : فين الواليدة ؟
ليلى : مشات تعزي .. وزهرة خارجة مع الدراري
هز راسو باه وجلس كياكل اما لطيفة ماجلسااتش معاهم هزات وراقها وطلعات الفرحة لاعبة عليها دخلات كتحفض داكشي لي وراتها فحال شي ثلميذة حتى حفضات داكشي ما .. هزات ستيلو كتعاود تكتبهم مخدمة قناة سبايستون عينيها هنا وهنا .. تحلف عليها حتى عندها 7 سنين ..
تبع ليها العين حتى طلعات ورجع كيتغدا عارفها مقلقة منو ..اما ليلى مادات ماجابت .. كمل الغدا و طلع الفوق دخل كيلقاها جالسة مع وراقيها وحالة فمها فالتلفازة ..
حرك راسو بلا حول ومشا بدل بحوايج الدار غسل سنانو ورجع جلس حداها هاز وراقيه وحساباتو ..
حطهم فوق الطبلة و بدا خدام كيحسب حتى حس براسو باغي شي حاجة
عصام عينيه على الوراق : شي قهيوة الوريدة !
لطيفة ماشافتش فيه ناضت وجدات قهوة وجابتها حطاتها حداه .. ورجعات كتكتب جالسة فالارض وهو خدام كيحسب الوراق وشيكات وكيفرقهم على الطبلة مركز معاهم
لطيفة حسات بوراقو طغاو على وراقها وزاحمها جات ترجعهم حداه وهي ضرب كاس القهوة تكب فوق الطلبة وعلى سروالو نيشان جيهة المعلم حتى ناض قافز وناضت حتى هي كتشوف وراقها وكتاباتها ضاعو
لطيفة غوتات وطاحت كتجمع فيهم : هيييييه وراقي ويلي ويلي
عصام كيبعد الشورط على المعلم لي شويا كان ايتحرق : واا زبي حرقتيه يلعندلمك اش من وراق
مشا بالزربة حيد الشورط ودخل للدوش خوا عليه الما بارد حفض الله ماتصلقش اما كانت تحرمو من كلمة بابا ..
لطيطيف طاحت كتجمع فقط وراقها وخلات ليه وراقو وحساباتو والله ماتسوقات ليهم .. حتى سالات هزاتهم كتنفخ عليهم عاااد تفكرات انها صلقاتو
تبعاتو للبيت كتويل وتنذب لقاتو لاوي عليه غير فوطة
شافها كحل بالعما
عصام بين سنانو : غبري تقودي من قدامي
لطيفة عرفات راسها كحلاتها : والله ماشفتك .. نعطيك دوا ؟
عصام غوت : غااتعطيني التيسااع فهاد اللحضة ولا نوض نفرع عدو ربك
هزات كتافها ومشات خدات سوشوار وخرجات كتنشف داكشي حتى شافتو خارج للبالكون كيكمي لابس عليه غير شورط
لطيفة عضات على شفايفها بابتسامة شيطانية : والله الا غانتهنا منو عبرت عليه ..
كما وبرد وخرج للكوزينة هز قرعة الما نزل عليها ورجع عندها
عصام : صلقتي البيضات وكتبيضي فعينيك
لطيفة حابسة الضحكة : والله ماشفتك
عصام : كون شفتييني علم الله اش كنتي ديري
لطيفة هزات كتافها ببراءة : والو ..
عصام : خاص تكون سميتك يا لطيف ماشي لطيفة .. فين مامشيتي جارة المصايب
لطيفة بسذاجة : وراه هوما لي لاصقين فياا
عصام نوضها من ايديها وجلسها عندو حركتو المفضلة : الوريدة مقلقة ؟
لطيفة بدلع : اه
عصام كيلعب فشعرها هضر بصوت حنين : وعلاش ؟
لطيفة : ضربتيني
عصام : درتي علاش اوريدتي
لطيفة : كتقولي الوريدة ! والورد مكيستاهلش الضرب
عصام بشوفات قتالة : وشنو كيستاهل ؟
لطيفة : يتسقى
عصام : المعلم باش نسقيك صلقتيه اوريدتي
لطيفة توردو حنوكها : ماشي هاكاك
عصام خشا راسو فعنقها هضر بهمس بورشها : وكيفاش
لطيفة تلفها على شنو كانت باغة تقول بحركاتو ولمساتو : حيت .. امم انا ( كتميل عنقها مع حركاتو) ااه
عصام بعد عاض على فمو : حلوووة عسل .. خرجتي لي العقل وسكرتيني بلا شراااب
لطيفة ذوبها ولات كتلوى بين ايديه متنكرش انه كيحرك احاسيسها
عصام رجع راسو كيشم فعنقها ويبوسها بوسات متصلين : ديااالي نتي ديالي بوحدي
لطيفة قلبها ولا كيضرب بالجهد والفراشات كيلعبو فكرشها عضات على شفايفها مستسلمة لمداعباتو ..
تكاها فوق الفوطوي وجا فوق منها مكالي بايديه .. نزل راسو لشقة صدرها كيدوز عليها بلساانو كيطلع حتى لعنقها ويرجع وايديه كتعبز صدرها ..
لطيفة ولات كترعد : امم عصاام ماشي هنا
عصام بصوت معسل صعر عليها : الحوا ماعندو وقت ولا بلاصة الوريدة ديما تانقولها !
لطيفة تخدرات بين ايديه ولات باغة غير تفلت : راك محروق
عصام طلع لوذنها وهضر بصوت بورشها : هاهو تفاهمي معاه .. جربتي حوا عصام ؟ دابا نجربو حوا هتلر
قبل ماتنطق انهال على شفايفها بالعضاان والمصان حتى تنفخو ولاو كيوزوزو ..
طلع البيجامة كيتلمس كريشتها وخصرها الناعمين حيدها وحيد السوتيان ونزل على صدرها كيشفي غليلو فيه وهي شادة فراسو خاشية صباعها فشعرو مزيرة عليه ترفعات لعالم اخر .. نزل ببوسات مفرقين حتى للتحت وناض شويا حيد السروال وتبعو السليب حتى خرج عينيه وناض طافج
.
عصام مخنزر : اش هاد القلاوي!!!
لطيفة بصدمة : شنو ؟
عصام كيشوف فنقيطات الدم نازلين منها رجع ليها السليب وسروال وناض كيتنتر غير بوحدو لبس وخرج يبرد
خلاها غاطرطق بالحشمة مارضااتش قدامو ومرضاتوش يشوف عيبها ناضت حابسة البكية بالفقصة مشات دوشات كتغسل وتقول ماغسلت خرجات كتنشف دارت فوطة صحية لبسات عليها ومشات كتصبن حوايجها وديك الفقصة مابغاتش تبرد
هزات السطل وشيتة وخوات الما فالدار كاملة كتسيق بالحفاا
سيقات ونشفات ومشات تجلس كتحس بوجع خفيف فكرشها حطات ايديها عليها كتبردها وتكات كتصنط لوجعها ..
خرج مكره كيغزز ففمو ركب ومشا للمحل يتلف الوقت
اليوم كامل وهي خارجة مع ولادها كتحاول تنسى خصوصا انه مابقاش كيجاوبها على ليزابيل ديالها
بعد نزهة خفيفة رجعات الولاد ورجعات للدار فلحظة حياتها تقلباات ولات معلقة ماهي مزوجة ماهي مطلقة ..
دخلات الولاد وكلاتهم وخلاتهم يلعبو مع ليلى ومشاات تكات بلاصتها
بعد يوم عمل خارج من الشركة عياان .. هادي حياة الموضفين ..
شاف الهاتف ديالو كيصوني هزو
ايوب بهدوء : وي حنان
حنان : ايوب لاباس
ايوب : الحمد لله
حنان : توحشتك .. ماغانتشاوفوش
ايوب سكت كيفكر ماعندوش الخاطر : عيان
حنان : حرام عليك شحاال ماشفتك علاش كتهرب مني ايوب وانا متيقت حتى وليت معاك
ايوب بصرامة : ماتنساايش راني مزوج
حنان : مزوج !!؟ فين مرتك ؟ كون كانت مديااها فيك متخليكش تجي لعندي
ايوب غوت محملهاش تهضر عليها هاكاك : لاالاك هاديك
حنان : ههه لالاتي ؟؟ بااش ؟ كون كانت مرا متفلتكش
ايوب قطع عليها مافيه مايبقا يتقابل مع النسا من جهة عندها الحق ومن جهة ماعندهاش الحق تهضر عليها وقدامو .. كيفما كان الحال كتبقا مرتو ..
عوج الفولون شاد طريق غير الدار وقف قدام محل عصام بلاصا ونزل داير نظاظرو ..
دخل بمشيتو المعتادة نيشان عند عصام للبيرو فين كان كيخدم
مد ايدو سلم عليه وجلس قدامو فكرسي حيد نضاضرو
عصام عينيه فالورقة كيكتب : افين ابا ايوب
ايوب تنهد ورجع راسو اللور : مع الوقت
عصام على نفس وضعيتو : الوقت قالت ليك لوح مرتك وولادك متسولش فيهم ؟
ايوب ببرود : ملايح حد انا
عصام حط الستيلو وشاف فيه بغمزة : اش تم ؟
ايوب : الساعة لله
عصام سد البيسي وناض : تهز ازبي نديرو قهيوة
مشاو للقهوة كل واحد فسيارتو شدو بلاصتهم وجلسو
على فنجان قهوة مزين بغروب الشمس كيتبادلو اطراف الحذيث
ايوب بود : اش غبار مراتك ؟
عصام شعل كارو : ماشي شغلك ! ماغاتقول والو ؟
ايوب مسح على راسو وتنهد : حياتي عذاب
عصام : اش واقع ازبي ؟
ايوب : اش بان ليك ؟ علاش انا غانسخط ونخرج من داري وهي تغضب وتجي لدارهم ؟
عصام : باش غانعرف انا
ايوب مابغاش يشرح ليه اكثر حيت كتبقا ختو : نساا اصحبي
عصام طفا الكارو : شوف ! الزواج ماشي غير حوا وصافي .. الزواج تفاهم وصبر ..
ايوب فهم انه كيعطيه الهضرة من التحت : متافق ! ولكن شحال قدنا نصبرو ؟ رحنا رجال وعيبنا واحد
عصام : تفااهم ازبي ! ماشي كلمة زوج تهز قلاويك وتخرج
ايوب : طلعات ليا الهضرة فراسي عيييت ندوي ونبهها وهي ولا فهاد العالم مامسوقااش
عصام تعصب : العصا لاش كتعطا ؟
ايوب ضبر فالطبلة بشويا بتأكيد : اقسم بالرب العالي ختك من نهار دخلات لداري هاد الايد عمرها تحطات عليها
عصام جبد بزطام حط الخلاص وناض : نوض نفكو هاد الحريرة
ايوب : خطيني اخويا خليها تم حتى تعرف غلطها
عصام خنزر فيه : تگعد ازبي
تنهد ايوب وناض معاه ركبو فسياراتهم وديماراو للدار ..
العشية تعاشات وظلام الحال وزهرة فاقت كتوجد كاسكروط للدراري هي وليلى .. اما لطيفة مانزلاتش گاع ..
على الطبلة جلسو الاخوات كيتبادلو اطراف الحذيث بيناتهم الدراري كيتكلو ويلعبو حركيين بزاف .. سمعو الصوت فالدروج وتحل الباب دخل عصام هو الاول وضرب تخنزيرة فزهرة لي تجمدات بلاصتها فاش شافتو داخل ..
توحشااتو بزااف زوجها صديقها وحبيبها يدير لي دار كيبقا راجلها لي كتبغيه ولكن ماعاطياهش حقو ..
القاو السلام وايوب مكيشوفش فيها عنق ولادو لي توحشهم وتوحشووه جلس كيهضر معاهم مامسوقش ليه
عصام شاف فليلى : دي الدراري وطلعي الفوق ..
داكشي لي دارت طلعات الدراري وبقاا الصالون فيه غير هوما ..
عصام تكا على سداري مسرح ايديه : غاتبقاو شوف فيا نشووف فيك ؟
زهرة نطقات بزز : ايوب لاباس ؟
ايوب حاني راسو : الحمد لله
عصام جمع الوقفة : ماكاين لا لاباس لا قلاا .. (سكت) مالك نتي مع راجلك ؟
زهرة حنات راسها : والو اخوياا
عصام : والو ! هاد السيد غير جا وطج من دارو?
زهرة حابسة دموعها : ماعرفتش
عصام غوت حتى قفزها : واش كتفلاي علياا !؟ الالة الا ماقاداش على الزواج جلسي فداركم عند مك تهز بهبالك ..
ايوب كيهدنو بعينيه ماعجبوش الحال يغوت عليها ونفس الوقت مارضاش يدافع عليها قدامها
عصام شاف فيه ورجع كمل : راجلك مامسوقاش ليه ! دارك لهلا يقلب ! ولادك شكون بغيتيه يقابلهم ليك الجيران ؟؟
زهرة طاحو دموعها شافت فيه بصدمة من كلامو مفروض يحامي عليها ماشي يجي ضدها : خويا !
عصام بشوفة حنينة : خووك اه وباغي مصلحتك .. هاد ولد الناس ماشفناش منو العيب لا هو لا عائلتو .. ولي مانرضاهش على راسي مانرضاهش عليكم .. راك ختي ماشي برانية وباغي نشوفك مرتاحة وفرحاانة هاد السيد عمرو ضربك ؟
زهرة بدموع : لاا
عصام : عمرو خصر ليك خاطرك ؟
زهرة : لاا
عصام : عمرك شفتي عليه شي حاجة ماهيااش ؟
زهرة كتمسح دموعها : اهـئ لاء
عصام هز ايدو باستسلام : وا لي غلب يعف ابنت ميمتي
ايوب كيشوف فيها كتبكي وتنخصص ضرو خاطرو عليها ولكن مقصح قلبو
زهرة راسها للارض : سمح ليا اخويا
عصام ناض : ماعندي مانسمح ليك راه راجلك قدامك
ايوب تبع ليه العين حتى خرج ضور عينيه لعندها : غاتبقاي كتبكي ؟
زهرة بدون اي كلمة ناضت تلاحت عليه عنقاتو مزييرة عليييه توحشااتو كلمة قليلة فهاد شي لي كتحس بيه دابا
ايوب عياا يقاوم احساسو اتجاهها وشوقو ليعا لكن مقدرش جرها لعندو اكثر خشااها فيه معنقها بكل قوتو
كحيس براسو ضعييف قدامها كيكون فحال الطفل الصغير محتاج مو يعيا يبعد عليها ولكن كيلقاا راسو ديما راجع لحضنها لمغناطيس كتجرو لعندها ..
زهرة بعدات بشويا شادة فعنقو كتنخصص فمها كيرجف ونيفها حمر بالبكا : سمح ليا
ايوب حط جبهتو على ديالها دوا بصوت خافت : توشحتك
زهرة انهارت باكية ماقداتش تحبس دموعها
ايوب مد ايدو مسح دموعها وباسها فيهم : وا صافي
زهرة كتهضر بلا عقل : انا حمارة مكنسوااش فرطت فيك
ايوب حط صبعو على فمها : شششش المهم ماتعاودش وديري عقلك
زهرة هزات راسها بلا : لااا منعاودش اهئ اهئ عمرني نقوليك لا
ايوب جابت لو الضحكة : وصافي باراكة من البكا ..
زهرة بحرقة : توحشتك
قربها ليه اكثر وطبع قبلة هاادئة على شفايفها لي توحشهم .. قبلة حب .. قبلة صلح .. كلشي تجمع فيها
شد شفايفها بين فمو كيمصهم بشوياا ويطلقهم كيروي عطشو من عسل ثغرها حتى سمعو الصوت فالباب بعدات بزربة كتمسح فمها ودموعها
دخلات رقية كتمشى بشوياا من التعب مابقاتش قادة على الدروج القات السلام بابتسامة وجلسات
رقية كتستاراح : الله .. زارتنا البركة اوليدي اش خبارك
ايوب ناض قبل راسها : الحمد لله الحاجة كي بقيتي
رقية : نحمدوه ونشكروه اوليدي
زهرة مشات جابت ليها الما عطاتها تشرب وجمعات الطبلة مشات تعمر اتاي وتوجد العشا
اما ايوب بقا مع رقية كيداكرو ماقال ليها والو وحتى هي مجبداتش معاه الهضرة مخلياا الوقر بيناتهم ..
طلع لدارو ودخل كيلقا الدراري فالصالون
مشاا للبيت لقاها متكية وليلى جالسة حداها فايديها كاس
كيشوف فيها وجهها حمر وعينيها فيهم اثار الدموع قرب حط ايدو على جبهتها لقا حرارتها معتدلة جلس حدا راسها وليلى ناضت
عصام : مالك ؟
ليلى : غير الوجع عطيتها الخزامة مابغاتش تشربها
عصام شاف فلطيفة كيبعد شعرها على وجهها : نديك الطبيب
لطيفة هزات راسها بلا : لاا .. عادي
ليلى : هاك عطيها تشربها اتولي لاباس هانا انخرج
عصام بتحذير : ماتنزليش التحت
ليلى : واخا
خرجات خدمات مسلسل وجلسات كتفرج والدراري حداها كيلعبو
عصام كيقيس خدودها بحنان : تشربي دوا ؟
لطيفة خيبات سيفتها : لااء خايب
عصام داق من الكاس شويا : ندير ليك السكر
لطيفة دارت خشات راسها فكرشو كتوجع : لااا ايي
عصام ضرو خاطرو : غاتبقاي هاكا ؟ خودي هادشي شربيه باش مايبقاش فيك الوجع
لطيفة كتوجع عضاتو من كرشو : واالاا ماابغييتش
عصام عض فمو صابر : كتعضي
لطيفة : غانموووت
عصام خنزر فيها : نوضي للطبيب
لطيفة شدات فدراعو : لاا الطبيب لاا نشرب القرفة والحليب ويمشي الوجع
عصام : القرفة ؟
لطيفة : اه راها مع العطرية
قادها فبلاصتها وناض كيسووط داز على ليلى كتفرج مشا للكوزينة قلب على القرفة كيجبد العطرية يحل ويشم ويحطهم حتى لقاها داق منها تأكد وجبد الحليب دارو يفيض جبد طيلي ديالو كيقلب واش بصح كتليق للوجع لقا بلي فعلا ولكن ماخاصش يكتر دار زوج معالق حتى غلا الحليب وحيدو دار فيه شويا دالسكر باش تشربو وقاد بلاطو فيه مكسرات وفواكه جافة تعطيها الطاقة وشكلاط وهز كلشي داه داز من حدا ليلى ماشافش فيها خلاها كضحك
ليلى : اياااه خوياا ولا كيتسخر
دخلهم وسد الباب ومشا حط البلاطو وحيد عليها الغطاا جلسها متكية على الكادر وعطاها الكاس شربات شوياا وبعداتو
عصام كيبزز عليها : شربي متعصبينيش
لطيفة : حاار
عصام باستغراب : هادا حار ؟
لطيفة كدمع : حيدو عليا مبغيتوش
عصام طلع حاجبو : يااك الالة
لطيفة : اممم
عصام مسح على راسو : منين جبتي هاد الفشوش
لطيفة بدات كتبكي : اشمن فشووش واش نشرب دوا ولا نتسنى مفششة
عصام مبرد عارف ليغيگل لعبو بنفسيتها : لا مامفششاش غير شربي وسالي عليا هاد القلاوي را صبري قليل
لطيفة : لاش كتخصر عليا الهضرة انا ماقلتش ليك عطيني دوا خليني نموت
عصام سد ليها نيفها وشربها بزز حتى كملاتو وباسها ففمها : كتمشي غير بالعكس
لطيفة : هننن
قرب البلاطو حطو على رجليه طاويها فوق الفراش والاخرى مطلوقة ايد مورا ضهرها وايد كيهز بيها لي فخوي سيك كيغمسهم فالشكلاط ويوكلها متبعهم ببوسة حتى كملاتو حط البلاطو فوق الكوافوز وحيد سباطو وتخشا حداها معنقها
عصام كيمسح فمها من الشكلاط : شويا ؟
لطيفة بدلع غير مصطنع : اممم
عصام نزل باسها من شفايفها : مال الوريدة ؟
لطيفة ببراءة هزات كتافها : والو
عصام خشا راسو فعنقها كيبوسها هضر بهمس: وعلاش البكا ؟
لطيفة حطات ايديها على كتفو : ختك برا
عصام هز عينو فيها : ماحاويكش غا هنينا
لطيفة غمضات عينيها : عيييت
عصام باسها فراسها : رتاحي
لطيفة خشات راسها فصدرو وهو كيلعب فشعرها بشوياا حتى نسعات مستحليااها ..
قبل جبينها وخرج برا عند ليلى والدراري
ليلى وقفات : كي بقات ؟
عصام حك ودنو : مزيان ! هارون تمشي عند بابا ؟
هيثم : لاا نمشي عند بابا انا
هارون مشا كيجري : انا نمشي
ليلى : اا خويا !
عصام شاف فيها بمعنى شنو
ليلى كتفرك صباعها : بغيت نهضر معاك
عصام نزل عند الدراري : هبطو عند باباكم انا جاي .. متجريوش فالدروج داكوغ ؟
هيثم هارون بتفهم : داكوغ
نزلو الدراري وشاف فيها كيتسناها تهضر
ليلى بتوتر : ب.. بغيت نبدل ستيل ديالي
عصام بسخرية : هاد الستيل كتبدليه كل شهر !!
ليلى بتاسمات : عارفني كيعجبوني الحوايج ..
عصام : ضبري راسك اش غانقوليك
ليلى مدات ايديها : غانبدل كلشي من الزيرو
عصام تنهد وجبد كاغط بونكيغ : ضربي وقيسي
ليلى خداتها بابتسامة : ماخاافش ندي معايا لطيفة ؟
عصام مسح جبهتو : تولي لاباس ونديكم !
ليلى تلاحت باستو فحنكو : لهلا يخطيك عليينا
عصاام شدها من قرفادتها منزلها معاه فالدروج ..
نزلو التحت لقاو العائلة مجموعة زهرة وايوب ورقية كيهضرو
عصام شاف فايوب غمزو بمعنى كلشي مزياان
ايوب وما ليه براسو مأكد ..
رقية : فين مراتك اوليدي
عصام : عيانة شويا
رقية : ياك لابس
عصام جلس : ماشي شي حاجة
رقية : لاباس عليها بنيتي مسيكينة صحيحتها قليلة
زهرة : راه مازال صغيرة
رقية : اييه صغييورة
على طبلة العشا تجمعو كيتعشااو فجو عائلي
رقية : كون اوليدي غير جبتي معاك فطيمة
ايوب : مرة اخرى انشاء الله
زهرة : لطيفة متنزلش ؟
ليلى : خليتها ناعسة نطلع نشووفها ؟
عصام ناض على العشا : خليك
طلع عندها الفوق لقاها كتفرج
عصام : الوريدة ! كيبقيتي
لطيفة بابتساامة : بيخير
عصام : علاش مانزلتيش
لطيفة هزات كتافها ببراءة : حيت ماقلتيهاش ليا
عصام قلبو كيضرب مد ليها ايدو تنوض : اجي
نوضها ونزلها معاه التحت سلمات عليهم وجلسات كتعشا معاهم
زهرة : كيبقيتي الوريدة ؟
لطيفة بابتسامة : الحمد لله خويا ايوب لاباس ؟
ايوب : ربي يخليك اختي الحمد لله
لطيفة : خالتي لاباس عليها ؟
ايوب : اللهم لك الحمد كتسلم عليك
تعشاو وسالاو وناضت ليلى جمعات الطبلة وزهرة حطات سينية داتاي جلسو مجمعين عليها لطيفة جالسة حدا عصام حاط ايديه مورا ضهرها كيلعب فيه حتى غفات حاطة راسها على كتفو خلاها مرتاحة مافيقهاش
كملو حذيثهم وسالاو وتفرقو كل واحد مشا ينعس وعصام اصر على ايوب يبات معاهم ..
بعدما خوا الصالون هزها ناعسة وطلع بيها الفوق قادها فبلاصتها وتخشا حداها نعس ..
فبيتهم بعد مدة من الفراق اخيرا اجتمعو فبيت واحد بزوجهم وتالثهم الشوق ..
متكي فوق الفراش متكيها عندو على ضهرها كتلعب فايديه
زهرة : بلاصتك بقات قداش
ايوب : كامونية لديلمك
زهرة ضحكات بدلع : ههه كنبغيك والله
ايوب خشا راسو فعنقها كيشم ريحتها : هي الا درتي عقلك
زهرة كتلوا معاه : نديرو على قبلك احبيبي
ايوب : الليلة ليلتك ازهيرو
زهرة باغراء : كلي ليك
بتاسم وقلبها جا فوق منها وانهال على ثغرها كيشفي غليلو فيهم ..
بعد مدة من القبل والمداعبة حساتو كيدخلو بشويا ..
ترفعو فالممارسة لي دامت مدة طويلة (تحية لساعة ونص😸)
طاح عليها كيسترجع انفاسو وهي دورات ايديها على عنقو
ايوب بصوت باح : كنعشقك ازهيرو
زهرة بتاسمات وباستو ففمو : روحي نتا
تصاالحوو☺فنظركم شنو جاي فالطريق امم ؟
يتبع...