آلكآتبــه شـهد آلطـآئي 👸🏻🐯'
🖤....🧿....🖤...🧿....🖤.... 🧿.... 🖤
العنود : مشه هذا الاسبوع اسرع من البرق
واليوم حنة النسوان واحد يطخ بالثاني ميشوفه
من كد الخبصه كولها مخبوصه نسوان وزلم
هديل: يلا بنات تعالو نبدل ترى هاي الهوسه
ماتخلص وراح تصير ب 1 ونص واحنه كولشي
ممسوين
حوراء : والله انه حروح ابدل بعد لو يجي
ابوي يكولي انطيني ماي ماكوم متت تعب
العنود : ديلا يلا ع الاساس مشغلينج
شغل سندريلا شو بس توزعين جاي وماي
حوراء : قابل مثلج بس افتر وكولشي
مامشتغله ولا شلتي حاجه
العنود : انه؟ ياحقيره لعد منو ساعدهم بالطبخ
وصرت كلي ريحة بهارات وبصل
هديل : طبجن حمس انه صاعده وانتن ضلن
هنا تتعاركن
العنود : صعدنه وره هديل بساع سبحنه
عن ريحة الاكل ورحنه بدلنه وتمكيجنه
وانطلقنه لبيت العروس بس محد شاف
ملابسنه بيت جدي لان نزلنه لابسين عبايات
من رحنه لبيت العروس وشافونه كله تفاجئة
والله لان طالعين فد نازكين مو امدح بنفسنه
بس الصراحه
الشيخه : يابنات تعالن يمي
العنود : ها بيبي رايده شي
الشيخه : دنكي يمي خل احجيج
العنود : اتقربت يمه
الشيخه : اريدجن تبيضن وجهي كدام
النسوانمثل ماهسا طالعت جنجن ملائكه
اريدجن تهوسن لاخيجن اذا فات حتى
مايكولون ماشفنه اخواته وهديل وحيده
لا تعوفنه
العنود : صار بيبي من عيوني هيه هديل
اختنه الله شاهد ف اكيد فهد حاله حال
صلاح شلون مانهوسله
الشيخه : عفيه بنيتي يلا روحي تونسي
العنود : شوي واجت العروس بس صدمه
شطالعه خزي من كثر المكياج مركزات عليه
بالمكياج مضيعات ملامحه ف النسوان
لتمن يردن يشوفنه وكذا
هديل : شفتيه شمسويات بيها بالمكياج
زهراء : ترى حرمات مضيعات ملامحه
هيج وهيه مايلوكله المكياج القوي
حوراء : ترى بالعقد بكياجه البناتي احلى
هديل : اي والله
العنود : هيو هديل من تفوت تبدل
نروح نخفف المكياج ونعدله
هديل : اوك بلكي تصير احلى
العنود : ضلينا نهوس ونركص نوب كامت هيه
تبدل نوب بعدين دكينه الباب كالت فوت منو
هديل : هلاو ياب خلصتي تبديل
زينه : اي خلصت
هديل : منو وياج بالصالون جان
زينه : امي وبنت خالتي
هديل : لعد ماكالو لام الصالون تخفف مكياجج
لان مضيع ملامحج هيج
العنود : عوفو الكلام تعالي اعدله الج
زينه : شنوو؟
العنود : شبيج
زينه : يسلمو حتلو مو حلو ماريد احد
يعدل بيه شي
هديل : شبيج زينه ترى بس ردنه نعدلج مكياجج
زينه : هديل ماريد اعدله هيجعاجبني ويلا
انه طالعه
هديل : لا تضوجين هيه هاي ماعده اسلوب
بالكلام دتعاي خل نركص محد يفيدنه
العنود : انه ماجنت اتوقع هيج رده بس
هيه ماعده ذوق شسويله اروح اركص
احسن مااضوج نفسي ع شي تافهه
حوراء : وين جنتن
هديل : بعدين اكولج تعالن خل نركص
عاد بعدين نبدل
العنود : ركصنه وشي هنه بدلن انه تعبت
مابدلت شوي وكالو العريس اجه حيكصون
الكيك هوه والعروس
زهراء : ولججن تعالن نتلكا من الباب
مانخلي غيرنه يتلكنه
هديل : يلاا بسااع
العنود : تلكينا ونهوس ونهلهل
اخونه خوش اخو يستاهل الهوسه
خدود روبه ياضوها منين دورها ولكاها
وحنه الطكينه اصبع حتى الحاكم وكفنا
💃🏻💃🏻💃🏻💃🏻💃🏻💃🏻💃🏻
ونوب كعدو انه وكفت ع صفحه والبنات
كامن يجيبن ورد ومي يرشن ع النسوان
والشيخه تصلي ع محمد عن العين
ام زينه : شو خاله وخري منا
العنود : وياي خاله؟
ام زينه : اي وياج جا ويامن شو وخري
ياخاله
العنود : كلتله اوك خاله وابتعدت صرت كبال
فهد وزينه بس ع صفحه وكلت بكلبي
( ياا عزه هاي العائله يعني كولها هيج
ماعدهم اسلوب بالكلام)
شيخ فهد : اليوم الحنه مال النسوان العصر
وبليل حنة الزلم وانه لسا كولشي ممسوي
بلكوه لحكت اروح للحلاق يسويلي مساج
لوجهي لان بين علي التعب
علي : هاا فهد رايح للحلاق
شيخ فهد : ايي هم يالله بعد مالحك
علي : ماشي اخذ راحتك بس من ترجع
وصي الشيخ عكاب مو يعصب علينه بس
ليوم خل ناخذ راحتنه بالركص هههه
شيخ فهد : امشي لك يريد يركص هم عوزك
علي : اهوو فهد لا تصير نفسيه ليوم ممكن
اليوم عرسك اضحك شوي هههه
شيخ فهد : هههه انه نفسيه جاا بطلت ماسوي
حنة زلم وماكو ركص
علي : لا عمي كلشي ولا تلغيه حتى حنشغل
باسم الكربلائي ونكعد بس مو كولشي ماكو
شيخ فهد : ههههههه لا ياناقص امشي
لك اردحو اليوم ع راحتكم والحجي انه
احجي ويا
محمد : هاااا ولكمممم شسولفون
شيخ فهد : احترم شوي لا تصير خبل
علي : لك محمد لا تحجي ويا ع ساعه
ويلغي الحنه احترمه بس ليوم وباجر
كرار : انتوو هنا وانه ادور عليكم
شيخ فهد : ليش شتريد منه
كرار : جا غير باسم اجهه وهوه عمك طه
واريدكم تستقبلونهم بالاحضان
محمد : كرار لا تخليني اعفطلك وهاي
مو اخلاقي تعرفني هههههه
كرار : لا ابد مو اخلاقك انته كله صاعد
ع المنبر وتقرى ع الحسين ع. ههههههه
شيخ فهد : شو دروحو انتو وباسم وطه
اروح للحلاق احسن
علي : روح شعوزك انته روح
شيخ فهد : رحت للحلاق ومناك
اجيت بدلت ورحت لبيت زينه ع مود انكص
الكيك وناخذ صور جبرت نفسي ع موده
لان ماحب هيج سوالف اول مافتت
زرفن راسي بالجكليت وطورمني بالهلاهل
والهوسات نوب كعدت شفت زينه
لابخاته لبخ بهاي الالون مدري شني
من مكياج اشكال الالوم حاطاتلها
نوب بعدين دانكص الكيك وجان اباوع واشوف
🖤...🧿..🖤..🧿..🖤..🧿..🖤..🧿...🖤
اسسفه ع الانقطاع بس عندي ظروف وهذا
بارت قصير لعيونكم لا تنسون تصوتون وتنطون
رئيكم بالقصه اآح ـبــكم قلبــوشـآتي 🤪💜:-)
🖤...🧿..🖤..🧿..🖤..🧿..🖤..🧿...🖤