بارت٥٦
#منطقة_13
#مريم_السعدي
اسينات- ركض ابو سلام عليه رفعه كعده وهو رايح منتهي الرجفه الصارت عدي موطبيعيه. راح افقد الثاني
ركضت جبت مي ابو سلام صحاه بهدوء
ميصير ابني انت ولائك لبلدك انت قاسم يمين بابا
وهو ساكت مسح انفه وارتجى راسه عالقنفه وكف ابو سلام وغمض همس
بابا اسينات سويله كلاص ليمون
اي عمي
ركض سويتله بقه واكف يمه شربه كله يله عافه
خليل ابو ضحكه العاليه صار بس ساكت
سلام شهر ممتصل ضل مرتين اتصلت بي مغلق وابو كال. لتتصلون بي مغلق تلفونهم والمكان البي حتى كهرباء ماعدهم
خليل اربع ايام يمي
البيت حيل هادي وكئيب بليل من اكعد اشوفه يكلب بصور تلفونه صافن بغير عالم
ويدخن
الاحد جلستهم بحضور اربع رتب من الجيش كشهود
مكان يحجي ابد حتى من احاجي يجاوب بهزه راسه اي لو لا
مياكل غير العصير كلشي مياكل
امه اربع مرات جتي تتوسل بي امشي يمي وهو ميرد
تالي تتوسل بيه ادير بالي عليه
رقيه مرتين جتي بجت عليه وتحاجي ميرد
لحد اخر يوم قبل المحكمه بيوم
دااطفي الضوايات
التفت عليه عرفت يريد يحجي
ها عيني شبيك
همس
باجر اشوفها
غمضت عيني وكعدت كدامه
اعرف
شون حنطق وعيوني بعيونها اسونه
تلمست شعره مال براسه بحضني
ميخالف حبيبي هذا مكتوبلك
اني مداكدر اعيش روحي تلوب عليها اتخيلها تبجي واموت قهر
استغفر الله ربي
اسونه ادعيلي وادعيلها
والله دااندعي وروح ابويه
خايف عليها
لايكلف الله نفسا الا وسعها لتخاف
اريد كون اخذها وانهزم
حبيبي انت قاسم يمين ولائك لوطنك عمري انت تضحي بروحك في سبيل بلدك
بروحي مو روحها
تبرد والله تبرد وتنسى
تنساني صفن خاف تنساني فك عينه وكعد
اسونه خاف تتزوج غيري
لزم كلبه ويتنفس
اسونه اموت
حبيبي شتتزوج هسه متعرف ربك شكاتب ياكلبي
تمدد وراسه بحضني ساعه ٢ بالليل امسد براسه واقره
حد ما حسيته غفه
ختمت القران على راسه
خمسه الا ثلث والباب انفتح القفل
عرفت سلام اجه
فات بهدوء وشافني بالهول بس تيبل لامب يشتغل
وخليل بحضني
بقه صافن
همس
السلام عليكم باوع لخليل فك عينه
شبي مريض
بجيت وغطيت وجهي احتاجيته هواي وهو هم احتاجه تقرب مني
اسينات
باوعتله
بلعت ريك
موزين ابن عمتك سلام
بقه صافن يمكن هاي اول مره اصيحه باسمه همس
ليش نزل محد فهمني احد بي شي
لا بس هو باوعت لخليل نايم بتعب
همست
حيطلكو من مرته باجر
كعد كبالي صفن لزم راسه وباوعلي همس وقع لو بعد
وقع
عض اصبعه مغمض
البنيه حامل
طرحت
فرح وجهه وباوعلي على كيفج بروحج شصاير بيج
موتني قهر صار شهر
استغفر الله ربي من تاخرت معاملته شكيت
هزيت راسي
تقرب مني شال راسه همس كومي كمت جر الكوشه خلاها جواه وخليل مكعد منتهي
غطيته وسلام واكف
طبيت كدامه افرغ جنطته وامسح بوجهي
وهو يسال وارد
فات لغرفه ضل شوي ورجع
همس
افوت للحمام انتي اذا تعبانه نامي
لامجاييني نوم
زين تسويلي لكمه خفيفه
اوك
طب للحمام واني رحت للمطبخ سويتله. عشا خفيف حضرت الصينيه وطببتها لغرفته
همس
لالا بالمطبخ
اوك
اخذها من ايدي وطلع
كعد عالميز ياكل ويصفن
ويسال
وارد عليه يتحسب ويصفن
هذا شون باجر شحيكضيها
مادري خايفه عليه
ربج رحيم
تنهد باوعلي وانتي ليش هيج تعبانه ضعفانه منتهيه
تعبني خليل كلش كلتها وبجيت عبس وجهه وتقدم جنت واكفه عالسنك كام من الميز واجاني
هذا امر ولازم يتنفذ قانون وهو رجل عسكري
هزيت راسي عمي هم كال هيج
مد ايده على وجهي بهدوء مسح دموعي وتنهد
مطفيه اسينات هيج عزيز عليج اخوج
اخوتي
الله مرزقني الاخت داشوف معزتي بكلبها
هزيت راسي ونصيت
تقرب بهدوء كلش باس راسي غمضت عيوني بقه شفته على كصتي واصابعه تغلغلت بفروه شعري وخر الكماشه ونزل ابتعد عيونه سكرت يتلمس بشعري ويباوع بعيني
رجعت غمضت بسكينه همس
واني ماعرف ليش هناك بس الوب روحي يمكم بس ردت تخلص العمليه داارجع
فتحت عيني
حتاجيتلك هواي انت اقرب واحد اله
هز راسه لتخافين عليه
توه يقترب مني بهدوء راد يدخلني لحضنه واسمع خليل بالحمام البره يتقيا ويكح
ركضت عليه وهو ورايه
همس اطلعي اني يمه
سد باب الحمام خليل يهمس وهو يرده
تقريب الربع ساعه وطلعه مرتجي عليه
همس
اسينات مي شوي
اوك
جبت اله شربه وتمدد
وضل خليل يحجي حجي شهر وسلام يتجاوب وياه.
عفتهم وفتت يم ضل مكدرت اسمع بعد موضوع صار شهر نحجي بي وماله حل
حسيت ب٨ على صوت ابو سلام
ميصير ابني وراك احنا اني واخوك وسلام. نتاذه
خالي مداكدر
تكدر كوممم على حيلك عيببب لعد شكو دخلت جيش اذا موكدهااا
باوعتله سلام بصف ابو منصي راسه لابس لبس العسكريه بدلته الثانيه وكام خليل لبس قميصه المعلكه نتر ابو سلام
البس البددله شوفهم انت كد القانوننن ورتبتك
صار خالي
همس والتفت عليه بتعب
اسونه
اي حبيبي هسه اجيبها
ركض جبتها اله يلبس ويرجف يباوعلي وينصي
نصه يلبس حذاءه نصيت قبله اربط القيطان همس
كون ميت قبل لا اوصل
لا فدوه لتكول هيج
لا والله كون طالعه روحي يهمس خجلان من خاله
وكف سلام وراه وابو سلام كدامه كلهمً ببدلاتهم العسكريه وطلعو بالسياره
ركضت عالسجاده. مكمت لحد ماطبو
خليل- وصلنا واشرلي سلام
هاي اللجنه هذا عقيد جاسم
مد ايده تسالم وياه وواني هم مديت ايدي بحزم تسالمت وياه
كال بسخريه
هاا صير كدها ابني واكع علمود مره
نترت بي
شفتني واكع جاي بحيلي هاي امر ولازم يتنفذ
اي شفت خالك بهيج حاله ميكدر يسويلك شي
صفن عليه سلام
وتقدم
سياده العقيد احنا زلم جبنا رتبنا بتعبنا منايمين للضهر رجاءا. ثمن كلامك ووزنه والا اطلع منا وعدل للكليه العسكريه
سكت ودار وجهه
خليل- اصفن واكول جوز متجي متكدر وين الله ومتجي والمحها تمشي بشموخ وامها وياها ذاك اللبس المحتشم والترتيب ورفعه الراس
بلعت ريكي سلام همس
طيها مجال تفوت
تدنيت
مغمض كلبي اليرجف ثبات جسمي جذذذب
شوي واللجنه دزت عليه
طبيت وحدي
جانت واكفه وعيونها عالضابط ممقابيلنا تتنفس بغضب
اي سوال منسالت لان اجراء روتيني قانوني
الضابط المسؤول كال
وقع هنا ابني
باوعت الورقه مذكور طلاق سياسي وكذا ماعرف قرتها اولا
وقعت وجر الورقه مني نطاها الها
دتقره وصفنت اباوعها بس عيوني تروح عليها كامت تتنفس بخوف ايدها رجفت
باوعت للضابط همست
اخوتي مو دواعش باوعتلي
والله مودواعش خليل والله
غمضت عيني ونصيت
اللجنه كالت
بابا وقعي ورانا عمل هذا امر وصدر
بس خل افهمكم اخوتي مسجونين عدهم والله مو منهم مستحيل يبيعون تعب ابويه
جاوبها النقيب وي اللجنه
ميخالف وقعي
باوعتلي تهمس
تقربت
ادري بيك مجبور هسه توضح كلشي
خليل خليل باوعلي بقيت منصي راسي مدت ايدها تلمست ايدي غمضت. رجفت ايدي باوعتلها عيوني انترست دمع. تحلف بعيونها والله اخوتي مومنهم
الضابط همس
وقعي فضيها
باوعتلي وباوعت للضابط خزرته نصه رافع تك حاجب
وقعت وتباوعلي
باوعلها وارمي يمين الطلاق
التفتت عليها وهمست
زمرد
راسن ردت
اوكف اوكف بجت بس دقيقه
كطعت كلبي اتنفس من حلكي ماريد دمعه مني تنزل يصنفوني تصنف الكاعدين باللجنه
باوع بس خل اكولك اذا ثبت انهم مو دواعش ترجعلي مو
نصيت راسي
بس جاوبني وهذا هو
واني منين اجيب الحيل احجي
الضابط كال
ابني كمل يمينك ورانا عمل
رفعت راسي باوعت بعينها الترجف الدمعه بيها ورميت اليمين ٣ مرات وهي بس صافنه بلعت ريك من كملت
وقعت بسرعه وطلعت سلام لحكني طلعت من المحكمه العسكريه ركض وهو ورايه عبرت الشارع وكفت تكسي صعد ويايه ورجعت للبيت
ردت ابقى وحدي
كلمه كلمه اتذكر بكلامها اريد
مخلاني سلام الا كتله مابيه شي دانام
وتركني
اسينات- اخر سنه هاي الي وضله ثالث
داومت بس روحي طالعه
لمحت احمد من بعيد عبر الياس واجاني
بشري شونه خليل
مزين ابن عمك ميت
استغفر الله ربي اليوم جلستهم مو
اي
الله يعينه على كيفج وي روحج اسينات
اخويه هذا احمد
حقج بس مترهم هيج باعي وجهج ياعيني موهيج كالوها خليل يريد قوه هسه. مو واحد يبجي وياه مرته شتكول لعد
يعينه الله ويعينها استغفر الله
دايحجي وهمس
هاي رجلج اجه
التفتت شفت سلام تقدم مد ايده لاحمد سلم تصافح وياه واحمد ترخص
مسحت دموعي باوعتله
خلص مو
هز راسه ويباوع بعيني
شونه
زين نام وعفته وجيتج
نصيت راسي تنهد
احمد ياقسم
هنا تاريخ
التاريخ ذيج الصفحه
امم هو عبر واجه
شعجب
ديسال عن خليل
ها خو يسال قاسم
باوعتله عاكده حاجبي
رفع تك حاجب وفرك وجهه اندار نتر
تجين للبيت عدج شي بعد
وليش دتنتر ملازم الخط يرجعني
سكت ونصه
اني جيت ارجعج بعد كيفج
مشه ومشيت وراه التفت شافني وراه كمل طريقه
صعدت بالسياره وهووصعدت التفت عليه
من نوصل سويله شوربه لان بلاعيمه احتقنت
اي اوك
محتاجه شي مسواك
لا البارحه السايق تسوك
امم
شبيك عصبي
مبيه شي
عبالي بيك شي
هاي كل يوم احمد يجي شو حتى ماعدج صديقات
باوعتله ابتسمت
ليش تضحكين
درت وجهي
متحجين شو تضحكين
احمد ابن عمي تره
واني شكايل كايل شييي
لاسلامات
طلع بسرعته
- احمد-
واكف بالمحل والولد صاحبي من الناصريه دارتب بالغراض واحط بالمحل وهو ويايه ماشاء الله عليه قلافه
جنتله
احترمه حيل رغم مصار سنتين من تعرفت عليه بس ذهب على حاله هواي وكفلي وهسه وبعد مسواكي صار شهري من عده ويجيب من الناصريه بنفسه الحموله
واجلب بي عالغده نوبات ابيته عدي لو ما فراك حمزه فلا اعوف الناصريه بس مليكه منو يبقى عدها
راح الولد
وعزلت على روحي وارتب ضهريه تصكع صكع شغلت سبلت الغرفه محطوط على حاله تمددت بالكع كباله
دك تلفوني
جريته
وانصدم برقمها صار اربع شهور اخر مره من شفتها وسويت تصليحات ببيتها بعد مشفتها
رديت
الو
هلو احمد
هلو نور هله بيج
شونك شون صحتك
اني زين يم رحمه الله انتي شونج وين ماوين
كالت
اني قبل يومين جيت للبيت بعد مكدرت اضل بيت اخويه
امم يعني مستقره لو هم يومين وتطفرين
ماكدر ارجع بعد تعبني
بقيت ساكت مومال الوم واكولها كتلج كومه ومسمعتي سكتت
همست
الاجار دزيته مو
اي من شوكت من راس الشهر رحت بيت علي ونطيت بيده ووقعلي الولد
امم عاشت اديك
محتاجه فلوس نور احجي
جرت نفس همست
عبالي اخذه اني الاجار
وكفت شكد محتاجه احجي
لالا شكرا
اكولج ليش تحسسيني دوم غريب عنج السياره من دااخذها من تداينت منج المحل مومرتين تسوكت منج وارجعها بالتقسيط
ميخالف انت معفتني
تره عدي والله خير من الله شكد تردين
صفنت
الو
ها احمد
شكد تردين انتي وين
اني ببيتي
همم اجيج هسه
ليش بالمحل
اي
لافدوه لتجي
كيفج اذبها من بالمخزن شكد تردين نور لتشلعين كلبي
ردت اتعاب محامي
محامي محامي ايش
خاف اخويه يرفع دعوه عليه
توكفين محاكم نور هاي تاليها تطبين محاكم
مديرحم بحالي احمد بحجه متباتين وحدج بيعي البيت اخذ راتبي كله وهسه لو تاخذين قرض لو تبيعين البيت محتاج
اويلي الله هذا بلوعه مو اخ بابا وانتي شبيج
شسوي يعني ليش هو بيدي
طيتج الف حل وانتي ولاواحد منه متقبلته
بقت ساكته واني روحي فغرت نور حخليلج ٢ بالمخزن حلي امورج شون ميعجبج الضاهر اني ماعرف اتصرف فيماللا
سديته راسن ضعف الامل اليبعدني كل يوم اكثر تعبني وكل ماشوف تغيير اكول اي يا الله يمكن اكو امل وترجع تشمرني لسابع سما
نفس اليوم العصر دافتح. وشفت علي اخو رجلها طبك وراه سياره اخوها
نزلو مد ايده اخوها فوك الباب يفتحها وباوعلي جر عينه ممومال اجي افكس عيونك هسه
درت وجهي طبيت بالمحل كاعد وعلى اعصابي
كمت افوت للغرفه من كل عقلي اتصنط واشتغل الصياح مال الشفيه وهي تبجي وتحجي وتتوسل
علي يكولها بس المحل يبقى لاخته واخوها موافق وهي متخبله ماريد ارجع يمك تعبت
عاد كلها ااجرلج بيت بصفي تكعدين شسويلج ٣ تقدمولج وانتي ترفضين
ماريد عوفني انت اكبر كذاب اصلا انت راتبي تاخذه تريد انطيك البيت تاكل فلوسه وتاجرلي
سمعت عيطتها وبجيها ليش تضربنييي لان حجيي صدك ليش تضرب
طلعت دمي فاير مداكدر بعد اطب للبيت اطيح حضهم متسبع على مره. روحي تلوب اختنكت
طلعت بره المحل واسب بيها صووج انتي صوجج صوججج منطيتيني مجال اساعدج
واكف بالشارع العالم الجوارين بصف بيتها طبو سمعو صوتها طبو يحاولون يصيحون والعار يكولهم محد يتدخل
بقيت واكف مكتف طلع. علي وراح صاير نار هذا هم حريمه وره شوي طلع اخوها وركع باب البيت
باوعلي رافع تك حاجب بقيت اباوع بعينه باستصغار نتر
شبيك انت هااا شو تباوع
جريت عيني مبتسم
صيح
عيونك لا افكسها
باوعت كم واحد بالشارع واكف يباوعولي ويباوعوله
منو يممك انت حاجي وياك اني
اي لعد لتباوع زين حباب
بكيفي مباوع عالشارع انت شلك دخل
لا ممباوع عالشارع
تقربت منه
اكول شو تتعارك وتصيح خوماكو شي
كمز عليه جرني من زيكي هبدته بكله ابتعد ورد تقرب محنفش ضربني بوكس وانهاليت عليه كطعته تكطع
العالم التمت وكلها تصيح اخوها البده هوًتحرش
جرو مني والمنطقه تهدي بيه غسلت وجهي وداريد اطلع مبرد كلبي وردو جروني هو طلع بالسياره
ووله
واني اسب بكل لغات العالم بي
رجعت للبيت لليل- دكت مرديت عليها
رجعت دكت جاوبتها
ها نور
خوممتاذي
منين اتاذه من اخوج لا والله اني اذيتي منج انتي
بقت ساكته وصوت نفسها يرجف
ضربك
ضررربته قصدج
احمد خيولي ياذيك
لابله خوفني بابا خلي يفكر يتنده غير الجيش كله اجيبه. اذا عده حكومه واذا عده عضلات افشهن ولج هذا مره اخوج
سكتت
تردين شي
شهكت خفت عليك
نور وحده بجبنج وفهاوتج. اني ماريدددها بحياتي
اني احمد جبانه اني
انتي اجبن وحده شفتها. لج بابا اوكفي بوجهه ولج علكو قطعه الدارللبيع.
بجت
اي ضلي ابجي ضلي دروحي سديته بوجهه غادي نار
للصبح. اتكلب مكدرت انام رجعت خابرتها ب٢ بليل مدري شداسوي
ردت مستغربه
خومنايمه
لالا
نور طيني مجال طاوعيني
سكتت
نور لتسكتين فدوه احجي
اخاف ارتبط
سكتت مغمض
والله اخاف
بقيت ساكت سكرت جروحي منها داخت بخوفها اتمنى تفتحلي الباب واامننها
طيني مجال واشوفج احمد شيسوي
تصبح على خير
وانتي من اهله
يومين خنست لاحس ولاخبر
والعالم رايحه جايه عالبيت تطب تفتر تشوفه وتطلع. المقاول وياهم
واني الوب
يومين بس كعدت الصبح اسبح ومليكه تحضر الريوك دك تلفوني صاحت
حمودي هاي نور
عالسريع طلعت جاوبت والخاولي براسي
الو
احمد- احمد عفيه
كولي نور
ماعدي غيرك يوكفلي
فد يوم نخيتيني وتاخرت
لا والله لهذا اول واحد جيتك انت
امر تومرين
شوكت تجي
هسه اجي للمحل اشرت لمليكه رايح شلت المحفضه وركض طلعت ادري بيها بمحنه وادري بيها واكفه وموابن سلمان اليوكفوله وميرد الوكفه بالف من غير حبها بكلبي
طلعت وراسن رحت فتحت المحل وعزلته عليه دكيتلها ردت راسن تعاليلي للفتحه
جيت
سمعت تفتح البوب واعدل بروحي وشعري فتحت باب المخزن ولمحتني وكفت وتقدمت بهدوء ونصت راسها
شنو تعبان وجهه
شنو ذبلانه وضعفانه
شنوعيونها حمر من اثر البجي
بقيت صافن عليها عاكد حاجبي اريد ارززززل حدما يبرد كلبي بس البيها كافيها ترفع راسها وتنصي وترد ترفع راسها تفرك باديها
احجي اسمعج جريت نفس
بقت تباوع بعيني همست
اريد منك عقد ورقي
عقد!! عكدت حاجبي عقد ايش
عقد. - ززواج كالتها ونصت خجلانه
ابتسمت مسالت ولاحجيت ابد
صاار
بس ورقي في سبيل ميكدر يسوي شي بالمحكمه
اي طبعا
ماريد تاخذ على نفسك. بس مستحيل اتقبل رجل بحيااتي سنين وحدي. ومرتاحه هيج فتره حدما اسوي. تقاعد مال مرض حتىً استلم راتبي واكعد بتركيا واخلص من اخويه
تركياا عكدت حاجبي
اي ااجر البيت واخلص منه اخلص تعبني
ماشي ها هي شوكت تردين
اليوم اذا ماعدك شي لان من هدد اخاف يجي اليوم قبل باجر لان ياهو الديجي يسال عالبيت اكوله بطلت
صار لبسي نروح
هسه
اي هسه يله بسرعه
طبت وتتلفت حايره واني ركضت اعدل واتحضر مرتاح خلي الفكره التريدها براسها واني مسوول عن تغييرها اني
جنت طاير ورقه ورقه تدللين.
طلعت وتتلفت فتحت السياره صعدت وطلعت راسن
جايبه مستمسكاتج
اي اي
خوش
تنهدت راح اخابر ابن عمي
ليش
ابتسمت درت وجهي واسطه عمود التحاليل تتاخر سبوع عشر ايام
ها
اي فحتى يخلصها
اوك كيفك
خابرت قاسم ادري بي بالبيت كتله كال بسيطه ويضحكك توصل محكمه. تخابرني احاجي الضابط وخلص بس اريد غده حمودي مرتب
ههه تدلل
وصلنا نزلت مرتبكه تباوعلي
ليش خايفه
مادري خاف
ماكو خاف بعد طبينا اباوعلها تتلفت وتباوعلي تقربت منها
همست راسي بالكع
شبيج
خاف ياذيك
باوعت بعينها
ابتسمت وتكتفت
خايفه عليه خايفه منه
احمد فدوه ماريد تتاذه من ورايه
ابتسمت ميلت راسي بس طيني فرصه وحده افهمج اني كدها
بقت تباوع بعيوني واني دخت ذاعو اسمنا وطبينا.
عقدنا وهي تعاين وتنصي يابه من عقدت واحجي واباوع بعينها ردت الكل ويايه يفرح فرحتي
كملنا وطلعنا الضابط مشه سوالف التحاليل وطلعنا
مكدرت اضم ضحكتي
تطبك العقد وتباوعلي همست
شكرا
نروح للبيت
وين
بيتي
ليش
نكول لمليكه
احمد كتلك بس حتى اخلص منه
تخلصين من اخوج مني متخلصين بعد
وطلعت بالسياره خليتها صافنه الطريق كله همست
لبيتي فدوه
ماشي
وصلتها همست
شكرا
اني هنا هاليومين ابات اخاف يجي حتى موجود ماشي
ماشي
توقعي حتى علي يكلب عليج
اعرف
فوتي ارتاحي وامنني
طبيت للمحل صافن ابيع واني بغير عالم ابتسم وي روحي خابرت قاسم فهمته عالسالفه كلها الناقص يضحك ويكولي اوكفلها يابه. ليش لعد واخيرا طبت للفخ
جنت حاجيله عن عذابي وياها بكعده من كعداتنا قبل وفاة حمزه الله يرحمه
ساعه اقل وسياره وكفت باب بيتهم مديت راسي اخوها راسن خابرت قاسم كتله دزلي احد كال اني وصاحبي جايين بسياره شرطه الا اخلي يسويها على روحه
توه طب للبيت واسمع صياحه
طبيت وراه وصلت لباب المطبخ
نور جانت بله حجاب خيالها مبين تحجي وتهدد وصوتها يرجف
كلشي متكدر تسوي مالك دخل بيه بعد مابيعه للبيت
توه تقدم عليها
وفتحت الباب وطبيت نور فلتت جوه
سحلته من ياخته
لك انت متتوب
مو اثار الضرب مال قبل هالمره بعد مراحت
معليك انتتتت اطلع برره ولج عدج علاقه بي موو
اكل تبببببن ضربته مرتي شتريد تسوي سوي
تخبل وضل يضرب واني ادفعه اي غير يجي قاسم عاد مو كوه لازم روحي هىعاد استلمته العالم التمت نور مطلعت بعد وهذا الردته
وطبكت سياره الشرطه بالباب
وهو يصيح
اسحلكم محاكم واخليها تتوسل
واني بحيل صدر اضحك ولك مرتي بابا وطب قاسم
ولا جن ابن عمي راسن حجيت
وهو انجر بوشه خاف حيل وخنس
سياده النقيب بيت زوجتي واخوها متعدي اكثر من مره ويريد يبيع البيت
كذاب مو زوجته
طلعت الورقه من جيبي وقاسم عاش الدور زايد
تفضل ويانا الولد فعلا زوجها تفضل
لالا وين اتفضل
اتفضل شبييك خايف لو عدك خياسات
لا سيدي بيننا اني واختي
اخذونا للمركز وقاسم ابد مكال اني ابن عمه واني مغلس مقبلت نور تجي ويانا
بالمركز توضحت امور هواي ووقع تعهد ميتقرب من دنطلع قاسم جره من زيكه
شوف لاك الولد ابن عمي واخويه رائد وخالي- وابن خالي- يعني تختفي من الكره الارضيه اختك تنساها ابن عمي اذا صار بي شي من سابع كع اطلعك مفهوم
وهو منصي راسه عافنه وطلع يركض
ضحكت ضربته على جتفه
نوكفلك بيوم عرسك
ميصرفلي هالحجي غدوه اريد
معود تدلل خل اروح اعزل المحل عفت الجوارين بي
رجعت للمحل عزلته وطبيت لبيتها
دكيت باب المطبخ
فتحتها بهدوء خايفه
شبيج
ويين اخذو
هاهي ميوصل بعد لهنا امني
احمد وين اخويه
رجع لبيته يبجي شبيج بابا
الشرطه شمدريهم
اني خابرت ابن عمي
بقت صافنه عليه غمضت وكعدت
شو باوعيلي
رفعت راسها بقلق
كتلج بس طيني مجال والباقي عليه
يعني هاهي
هاهي وداعتج قرفصت كدامها مبتسم
نصت راسها ارتبكت
جوعان عدج شي يناكل
وكفت وكفت وياها
دتمشي وكفتها خليت ايدي عالحايط قطعت طريقها
التفتت عليه فكت عينها
هزيت راسي اضحك
متشتغل بعد خزرتج
ااحنا كلنا عالورق
غمضت
يجي يوم يصير سيد نور تصييرين حلاللللي
كلتها قريب وجهه
ابتعدت مني يمي
همست
روح احمد
رايح للمحل اليوم اتاخر يله اعزل شون حتباتين وحدج
صارلي سبوعين ابات وحدي شكو عليه
تنهدت شهر اليجي حضري روحج لو تجين عدي
لو اجي عدج
غطت وجهه همست
فدوه لتستغلني
اني استغلج اشرت على روحي رافع تك حاجب اني
كتلك مااكدر والله
اترخص
عفتها وطلعت -
مليكه- رجعت من الدوام دااغسل هدومي واشرها. تمددت وغفيت. حسيت احد ايده على خدي يمرره بهدوء وهمسه صوته
حبايتج بلعتبها مليكا
فزيت واتلفت وحدي اني كلبي يدك سريع
وينك عمري انت وينك اربع شهور صار كمت بلعت الحبايه واكلت دك تلفوني اسينات
الو هاسونه
اكولج مليكه فدوه بس تصنطي خليل جوه عدكم
ليش خو خابري
ماكو مغلق فدوه حتخبل من الصبح ماكو
بسيطه
مديت راسي اسمع ماكو شوي وامه حجت
يمه شون يضل هيج هذا
يمه شسويله كلي راح التحق كتله روح
خاف يسوي شي بروحه
شمدريني الله الحافظ حصعد انام
ديصعد رفع راسه شافني ركضت للبيت داسد الباب عتعت شكل صعد
لزمه همس
على كيفج
روح وخر
قاسم- مليكه دقيقه
دفع الباب وفات
روح اخخويه هسه يجي
تنهد ورفع راسه ليفوك يتاخر احمد
روح قاسم
تقرب يلزم ايدي جريت من الميز السجينه ووجههتها عليه بالقران ادجك بيها
ابتسم ورجع ليوره همس مبتسم
دججيني
عبالك ماسويها
وعبالج اعيدها والزمج تخافين مني مليكه
مااخاف بس من الخلقني اني
سبعه
اطلع منا
مليكه قرب روحه السجينه انغزت بركبته
مليكه متغفريلي ياسر على صدره عيونه صارت حمر
بلعت ريك واتنفس سريع
اتنفس بيج اني كل حلمي انتي. شتريدين اوفرلج. بس اشاره انطيني
هزيت راسي
لوووتموووت
هلكد
اكثر اكثر اتقرب بالسجينه وهو يتقرب
راح تفوت بركبتك
غمض
خليها بلكن تحنن كلبج
ماكدر اني. وسكتت اني موالك قاسم
ليش شبيه اني مليكه ليش شبيه بس فهميني دمعت عينه
انكسر كلبي عليه وخرت السجينه وذبيتها
باوع لايدي همس
طيني فرصه .
مااكدر اعذرني وحل عني كلبي مو الي. حتى انطي الك
منو الساكن بي فهميني
ماكدر اححجي
اهد الدنيا لعيونج
يحجي وعيونه حمر بنفس ضايع يتوسل
فدوه والله اخليج بعيني لو الصار قبل مينغفر مو والله وروح ابويه وغلاتج مو بوعيي وومراهق
لا والله مسامحتك. بس عوفني فدوه. عوفني بناري
تحبين مو
اي احب ومااخجل اكولها لان مغلطانه. محافضه على سمعتك وسمعه اخويه.
حشاج من الغلط حتضل نفسي بيج. لاخر يوم بعمري
الله يهيالك بت الحلال التسعدك
بس انتي بكلبي
الله يملي. كلبك بغيري. متتعيب وشمس تسطع بس مو بيدي. والله موبيدي
بيش احسن مني بيش مفضلته عني لج عنده. حبي من الطفوله. ولج عده حناني الشايله بكلبي الج
ماعرف بس الاعرفه. اني ماكدر افكر بغيره موبيدي
غمض وضرب ازاره الباب بقبضه ايده تفلشت وطلع من يمي سديت الباب ابجي
وينك
وينك
وين عفتني
ثكيله الدنيا ثكيله الامل النطيته الي حيخلص مفعوله. حبيبي
بيومها هواي تاذيت هواي بجيت للوحده طب احمد
همس ملوكه
مرديت محضرتله عشاه وهدومه
مصاح بعد
توني اغفه
ودك تلفوني رقم غريب
رديت ساكته
اغنيه كاضم الساهر
احبيني بلا عقد وضيعي في خطوط يدي كملت نص الاغنيه. واني كعدت عدل
قاسم هذا
لا كلماتها تصيح عابس
انطفه الصوت وتنهدد بحسره. وهمس رقم. رقم بهدووء وتسلسل
7-8 50
بجيت اشهك
همس
كدام ربعي اني السبع بس ياسبع كدامج
عابس
عمري انتي
وينك
ماكو فراك بعد مليكا العدي كملتا وانولدت من جديد لاجل عينج. الباقي ضل عدج
يتبع
مريم السعدي
عوفوني ارتاح وانزللكم براحتي
ماكو قفله اليوم ارتاحو