الفصل الثالث :
فوقت من الأندهاش الي عندي وأنا باصص في عيون التنين علي كرم بيشدني بعزم ما فيه ودخلني القصر وقفل باب القصر بسرعة قبل ما نار التينن تدخل ...
أول ما دخلنا خدت نفسي ومكنتش مستوعب الي شوفته تنين ؟ يالهوي ؟ وصلت لتنين لا أنا لازم امشي من هنا ، لقيت الملك زيوس وهيرا واقفين وأيفرا واقفة بعيد شوية وعلي وش الملك كمية غضب تقريبا هيولع فيا وقال بصوت هز القصر من قوته :
- تباً لك ، هل تعلم ما كان سيحدث بسبب غبائك ؟؟؟ كان سينهار كل شيء كنا سنموت بسبب شخص أناني مثلك .
- أنا والل....
- أخرس ، لا أريد أن اسمع منك كلمة واحدة ، أنا كنت مخطيء عندما سمحت لبقائك في قصري ، لا تستحق هذا ، تريد العودة لوطنك أليس كذلك حسناً ستعيش هنا لمدة معينة وسأكلفك ب 10 مهمات وسوف تجتازهم واذا خسرت واحد فقط واحد فقط سأرميك لهذا التنين يفصل رأسك عن جسدك واذ اجتازتهم بنجاح سأقوم بأرجعاك لوطنك والآن اغرب عن وجهي لا أريد أن أراك إلا حين اطلبك .
كنت ساكت ومش فاهم حاجة لقيته بعلو صوته : أغرب عن وجهييييي. كنت هرد لان مسمحش حد يكلمني كدة أساساً لقيت أيفرا خدتني من إيدي وقالتلي يلاا يلا دلوقتي واهدي بصيتلها وهديت شوية ومشيت معاها طلعنا الأوضة ، رزعت الباب ورايا وبدات ازعق واكسر في الاوضة وأقول :
- ازاي يكلمني كدة ؟؟ انا عملت ايه يعني علشان ده كله هاااا؟ وانا ماليش فيه اذا كان هيديس ولا بيس ده عامل لعنة ولا نيلة انا مالي وانا هعرف منيييين مكشوف عني الحجاب يعني لاا يكونش فاكر نفسه آلهة بجد لا علي نفسه .
- اهدي طب اهدي بس محصلش حاجة خلاص مانت مش عارف ممكن كان يحصل إيه.
هديت شوية واستغربت وقولتلها :
- هيحصل ايه ؟
- لو أي حد من الشعب أو القصر كائنات العالم السفلي لمسته في حيز القصر فالحماية الي علي القصر والي علي البيوت كلها هتتكسر وهيقدروا يدخلوا بسهولة ويقضوا علي كل حاجة ، فتخيلت لو التنين بذات نفسه قرب منك وحصلك حاجة كانت المملكة كلها هتدمر .
- امممممم واووووو ده طلع موضوع كبير اوي لا زيوس ليه حق يتعصب والله بس مش فاهم برده .
- اسمه الملك زيوس .
- ياستي فكك .
- إيه ؟؟
- نفضي نفضي .
- إيه ؟
- لا مش قصة متاخديش في بالك يا أيفرا .
- حسناٌ.
- طب سؤال مش هيديس الي هو آله العالم السفلي والموتي ده اخو زيوس ؟؟
- اها .
- امال لعنة ايه الي عاملها وحماية ايه مش فاهم ؟؟
- بص يا استاذ ه...
- اسمها بص ياسيدي.
بصيتلي بغيظ
- طيب خلاص اتفضلي .
- لما حكيتلك الصبح ان الآله زيوس كسب المعركة وحكم مع أخواته التلاتة الأرض حلو ، هيديس وهو ليه كمان اسامي تانية هاديس او حادس المهم هو كان بينه وبين زيوس عداوة من زمان .
- ازاي ؟
- هحكيلك زي ما قريت بالظبط كان هيديس واحداً من أطفال كرونوس وريا، وساعد أشقائه في الإطاحة كرونوس. بعد هزيمته، زيوس، بوسيدون، و هيدس رمي النرد لمعرفة من الذي سيتحكم في عالم مختلف من العالم؛ هاديس ينتهي بهم كملك الرذيلة وإله الموتى والعالم السفلي . هاديس هو الآن مرادفا كاسم للعالم السفلي، وليس فقط للإله. سقط في الحب مع بيرسيفوني، ابنة زيوس وديميتر ( زوجة زيوس الثانية ) . خطفها على عربة له في يوم ما وجلبها إلى العالم السفلي معه. ديميتر كانت ذهولة جدا في اختفاء ابنتها وحدث أنها تسببت في الأرض لوقف النمو ومجاعة كبيرة تغلبت على الحقول حتى وافق زيوس للمساعدة في جلب بيرسيفوني مرة أخرى. لكن انتهى الأمر ببيرسيفوني الوقوع في الحب مع هاديس، لكنها تظاهرت أنها لا تزال غير سعيدة.وبسبب هذا، أعلنت بيرسيفوني أنها سوف تضطر إلى قضاء ستة أشهر من السنة في العالم السفلي مع هديس . وهذا خلق مواسم الخريف والشتاء، لأن ديميتر رفضت السماح لأي شيء أن تنمو خلال تلك الأشهر الستة التي ذهبت فيهم ابنتها. وبس ومن وقتها وبقي في عداوة بينه وبين زيوس وفي مرة زيوس كان عاوز ياخد بنته بالعافية بس حصل حرب وزيوس طبعا انتصر بس هيديس برده مسلمهوش بنته وكمان عمل اللعنة ديه وعلشان زيوس يقدر يحمي الممكلة من قوة هيديس واعوانه عمل سحر وجدار حماية علي كل البيوت والقصر بس الحماية من كتر ما كان زيوس مهتم بالشعب اكتر منه ، الجدار ضعف علي القصر فأي كائنات منهم لو لمسوا حد في حيز القصر او في منطقة القصر الجدار ينكسر كله .
- يااااا كل ده .
- الي قلقني دلوقتي الي قاله الملك .
- إيه الي قاله الملك ؟
- هو انت مكنتش واقف معانا ؟ قال انه هديك 10 مهمات ولازم تنجح فيهم كلهم والا هتموت .
- ايه ده هو مكنش كلام تهديد ؟؟
- لا الملك عمره ما بيقول كلام ويرجع فيه .
- يامصيبتي يا لهوي ياخراابي يعني أنا كدة روحت في خبر كان والمهمات ديه بقي بتبقي مهمات مستحيلة بقي وهعمل فيها توم كروز مش كدة؟؟
- مين ؟؟
- لا متاخديش في بالك متركزيش والمهمات ديه شكلها ايه ؟؟
- لا محدش يعرف الملك الي بيختارها .
- هو انا كان مكتوبلي اموت من بدري فانا اتأخرت فكدة حلو اوي هتوحشيني والله .
- هههههه لا ضحكتني ، اهدي يابني مش هيحصل حاجة .
- اضحكي وانتي ضحكتك حلوة كدة يخربيت حلاوتك .
- ههههه اعتبر ده تثبيت بقي ؟
- تثبيت ؟ لا انا اسف اني علمتك مصري يا أيفرا وامشي من هنا .
- ههههه المهم ارتاح انت دلوقتي وانا هنزل احاول اشوف الملك وبكرة اول ما تصحي تعالي ليا الاوضة علشان اخدك وافرجك علي المملكة تحب ؟
- احب جدا.
- حلو اوي يلا إلي اللقاء .
بتكلم عامي علي لغة عربية مسخرة والله ، بعد ما خرجت انا وقفت جنب الشباك ، شوفت التنين والكائنات ماشية في شوارع أثينا في شكل مريب ومخيف ، وانا ببص لقيت التنين رفع راسه وبصلي ، انا تنحت وقفلت الشباك وبعدت عنه وقعدت علي السرير افكر هعمل ايه ؟ وليه الملك دايما محسسني ان مافيش طريقة ارجع بيها ووقت تاني يحسسني ان في طريقة ؟ هو ليه مش طايقني أساساً ؟ وكرم ااه كرم فين صحيح لازم افهم هو ازاي هنا وجيه ازاي ؟
خرجت براحة من الاوضة بصيت في الطرقة لقيتها هادية وشعل نار منوراها بس عددهم مش كتير مشيت براحة فيها سمعت حركة خدم استخبيت ورا عمود من الاعمدة الموجودة بسرعة وسمعتهم بيتكلموا باليوناني :
- ماذا نفعل في هذا الشخص الذي اتي مع الاسد .
- لا اعلم اخبرني انه سيجلس في غرفة تحضير الطعام .
- هل الملك يعرف ؟
- لا أعرف لكنه اكيد رأه
وخلصوا كلام واختفوا استغربت هما مسميني اسد ؟! انا فهد يا اغبية بس يلا مش مهم جريت علي المطبخ ادور عليه لقيته فعلا ودخلته لقيت كرم قاعد علي التربيزة الي فيه وحاطط راسه عليها ناديت بهمس عليه ، بص بخضة ولما عرف انه انا هدي ، فشاورلته انه يجي ورايا ومشينا كنت رايح بيه الاوضة لكن لقيت حركة وشوفت الملك لقيت باب فشديت كرم ودخلته ، لقيناه باب بيودي لحديقة القصر ، خدت نفسي وبصتله ولاول مرة اخد بالي منه هو اكبر مني مش في سني يعني اربعيني بس حافظ علي شبابه وشعره طويل ولابس برده اللبس بتاعهم وكان اسمر وطوله كويس قدي المهم قولتله :
- اووف بجد فلتنا بأعجوبة .
- انت عاوزني في ايه ؟
- عاوز افهم انت مين وجيت هنا ازاي ؟؟
- هيهمك في ايه يعني ؟؟
- هيهمني بس جاوب .
- ماشي ، انا مؤرخ يوناني وانا في اليونان بكشف عن الاثار وفي مكان تنقيب لقيت تمثال حلو وغريي للآله زيوس فخدته وانا في البيت بدرسه التمثال وقع ولقيت انفجار نور حصل وحاجة زي البوابة اتفتحت اول ما لمستها لقيتني بتسحب لجوا ولقيتني هنا انا هنا بقالي 20 سنين اساسا ولاول مرة الاقي حد زي فلما سمعت كلامك في الغابة فرحت وكلمتك بس فهمت بقي .
- طب محاولتش ترجع او تلاقي طريقة .
- حاولت كتير بس كل ما بلاقي نفسي وصلت حاجة بلاقي حيطة سد بس الي اعرفه ان الملك زيوس مخبي حاجة وهو السبب اني مش بعرف اوصل لحاجة .
- ازاي؟
- لا ده احساس بس لسة متأكدش.
- طب هعمل ايه ؟
- الي لازم تعمله انك تنجح في المهمات الي هيدهالك لازم يا فهد هي ديه الطريقة الوحيدة لرجوعك وللرجوعي .
سكت وفضلت افكر هل هنجح ولا لا؟ وهل هعرف ارجع ؟ ، خليت كرم يجي معايا الاوضة علشان يرتاح هناك بدل ما يقعد في المطبخ ، ودخلنا ونام علي الكنبة أو حاجة شبه الكنبة يعني معرفش عندهم اسمها ايه وأنا نمت علي السرير وكنت تعبان وبكل المعلومات والافكار ده دماغي هينفجر فنمت نوم عميق ومفكرتش في حاجة ..
صحيت من النوم علي النور الي داخل الاوضة بصيت حوليا لقيت كرم قولت أكيد مشي وهو كان معرفني ممكن الاقيه فين لو احتاجته ، قومت قعدت علي السرير وبحاول استوعب انا فين وليه الحمدلله الذاكرة رجعتلي وقومت استحميت ولبست وانا خلاص خارج لقيت الباب بيخبط فتحته لقيت أفروديت ، وقفت مكاني وسكت من الجمال الي قدامي كانت لابسة فستان ضيق من فوق وكاشف عن رقبتها وكتفها الابيض واكمام شيفون بسيطة علي كتافها ونازل علي واسع بس بهدوء بسيط جدا من اللون البنفسجي الفاتح وكان عامل مزيج مع لون عينيها جمييل وشعرها فرداه علي كتافها كانت ساحرة بمعني الكلمة.
خرجني من تركيزي كلامها :
- ايه مالك بصصلي كدة ليه ؟
- امممم هاا لا خالص بس سرحت شوية اتفضلي ادخلي .
- لا يلا انت تعالي علشان افرجك علي أثينا قبل ما الملك يطلبك زي ما اتفقنا .
- تمام يلا انا جاهز .
خرجنا من القصر وبدأنا نمشي في شوارع أثينا الي كانت عظيمة فعلا من البيوت والشعب والمعابد والقصور ، أيفرا بعد كدة دخلتني معبد كان معبد اكروبوليس وده كان موجود في زمننا عادي وفضلت تفرجني علي تماثيل وتشرحلي التاريخ بتاع المملكة والمعالم وتحكيلي عن الحروب وفعلا كان تاريخ غريب وعظيم ، دخلنا السوق الكبير في البلد الي كان مختلف عن السوق بتاعنا كان في أسلحة وسيوف وفي أماكن للحيوانات والأحصنة وأماكن للأكل وناس راحة وجاية وناس بتشتغل بجد، قعدت انا وأيفرا علي مكان كان حاجة شبه مطعم وطلبت لنا اكل لان طبعا انا معرفش حاجة بس فعلا الاكل كان طعمه حلو وفضلنا نتكلم :
- إيه رأيك بقي في اثينا ؟
- لا بجد حلوة أوي احلي من زمني بكتير .
- تعرف انا بيجيلي فضول اعرف عالمك ده ما تحكيلي عنه ؟
- مافيش حاجة مميزة في عالمنا ،عالمنا بيدمر واحدة واحدة بسبب غبائنا وكله واقف مش بيعمل حاجة ، كله حروب وتفرقة وظلم ، تقدري تقولي الجانب السيء مسيطر أوي عندنا .
- أووه للدرجة ديه ؟
- أها .
- طب وعاوز ترجع ليه طلما هو وحش كدة ؟
- أنا عاوز ارجع لملاك الحاجة الوحيدة الحلوة في حياتي وولادها الي هما ولادي بجد يومي مكنش يكمل غير لما أسمع صوتهم .
- ملاك زوجتك ؟؟
- ههههه لا طبعا زوجة ايه وايه زوجتك ديه كمان اسمها مراتك بس علي العموم ملاك اختي مش مراتي أنا مش متجوز .
- اااه فهمتك بس مم...
قطعت كلامها بصيتلها لقيتها بتبص علي اتنين ولد وبنت ومركزة اوي ركزت أنا كمان وبدأت اسمع حوارهم اليوناني :
البنت بنبرة باكية : لا لن تتركني أنت وعدني أنك لن تتركني وستحبني للأبد .
الولد بجمود : لا استطيع أنا لم أعد احبك وجدت من هي أجمل منكِ .
البنت : لاا ارجوك أنا احبك كثيراً لماذا تفعل ذلك هل هذا المقابل لحبي لك طوال هذه السنين لا تستطيع تركي هكذا .
الولد : أنا اسف لكن ليس هناك حلاً آخر حبك أنتهي لدي .
أيفرا اكلمت وقالتلي بصوت حزين : اااه قلبها بيتحطم .
- وانتي عرفتي منين ؟
- انا اقدر اشوف قلوب الناس كلها هل تريد ان تري أنت ايضا ؟
استغربت جدا ومردتش بس هي مستنتش ومسكت ايدي وغمضت عينيها وسمعتها بتقول " أنظر لها " بصيت علي البنت ومكان قلبها بدأت اشوفه فعلا كان بينبض بسرعة وشقوق بتتكون وكأنه زجاج بيتشقق.
أيفرا فتحت عينيها واتكلمت : شوفته ؟
- اه حاجة غريبة اوي ومخيفة بس زعلت عليها والله مع انها جميلة متستحقش كدة شكلها بتحبه بجد .
- ايه رأيك ارجعلها فرحتها تاني وقلبها زي ماكان ؟
- وده إزاي ؟؟!
غمضت عينيها تاني وبدأت تتمتم بكلام مش سمعه بصيت ليهم لقيت الولد كان ماشي بس وقف ومسك مكان قلبه ووقع فاقد الوعي كنت هقوم بسرعة اروحله لقيت أيفرا مسكت ايدي وكأنها بتمنعني بس لسة مغمضة عينيها فالبنت جريت علي الولد وفضلت تهزه وتعيط وتقوله انها بتحبه
- استيفظ متري استيقظ ارجوك انا أحبك اتركني موافقة لكن لا تموت لا أستطيع العيش بدونك أرجوك .
قولت هي أيفرا موتته هي مجنونة ؟؟ لسة هسألها لقيت الولد فاق فجأة وبعد كدة حضن البنت وسمعته :
- لا تقلقي فأنا كنت أمزح أنا أحبك أكثر هديرا .
والبنت فرحت أوي وحضنته ولقيتني شوفت قلبها تاني والجروح بتاعته بتلتئم وكأنها مالهاش وجود وقاموا هما الاتنين ومسكوا ايدين بعض ومشيوا .
استغربت جدا بس كنت فرحان للبنت وبصيت علي أيفرا لقيتها مفتحة ومبتسمة وقالتلي : أنا في ايدي جميع خيوط قلوب الأحبة وأستطيع أن أخلق او أمحي الحب من قلوبهم جميعاً ، فهد أنا لدي هذه القدرة علي خلق الحب ..
تقريباً هي خلقته في قلبي أنا كمان ..
"نعم جميلتي فأنتِ آلهة الحب والجمال "❤️
معلومات بسيطة :
-أفروديت في الأسطورة الحقيقة مكنتش آلهة الحب الي هو المشاعر والأحاسيس والعواطف والرومانسية لا كان حب الشهوة وأنا غيرت في الاسطورة لسياق الرواية ليس إلا .
- كل الأساطير الي في الرواية حقيقة والقصص حقيقة معدا بعض الأحداث في أخر كل أسطورة بزودها أنا وبرده لسياق الرواية لأن في أساطير فعلا غريبة ومعلومات أغرب وغير مقبولة فبحاول علي قد ما أقدر أسهل قصصهم واحليها وأخليها مقبولة وممتعة .
- إني اذكر الآلهة ده مش دليل خالص إني مصدقة وإني بنشر كفر ، أنا الرواية كتباها علي إنها أساطير وخرافات وخيال ولا تتم للواقع بصلة .
رأيكم علي الرواية وفوت وشير ❤️