من باب اموت ابغيبتك
ومن باب اموت ابجيتك
ولليوم مدري اشتنحسب؟
محبوبي لوچتالي
آلُگآتٌبْہ ۆآلُرۆآئيَہ بْنْيَنْ آلُبْصٍرآۆيَ
1990
نوال جان عمرها 15 سنه زوجها ابوها لرجل غني جداً ويشتغل بـ الدوله جان عمره تقريباً 37 سنه عاشت بعذاب ولا جنها طفله تعرضت للضرب الشديد منه ومن امه الي جانت تدخل ب ادق تفاصيل حياتها حتى لبسها مر على زواجها شهر وطلعت حامل خفف زوجها ضربها وجانت تتهرب منه وحتى تخاف تشوفه مرت اشهر الحمل عليها بصعوبه الى ان صار ذاك اليوم
نوال -الساعه١ ضهر صار عدها الم قوي جنها راح تولد اخذها زوجها للقابله الي يمهم طولت ساعات والدتها الى ان صارت الساعه بـ٥ العصر طلعت القابله
-مبروك يمه اجاك ولد يخبل
-الحمد لله ياربي اذن ب اذنه وسماه
(ياسر )
مرت الايام والاشهر وياسر يكبر يصير احلا واحلا طفل محبوب جدا بس للاسف عيون الناس ماترحم ضروه حيل
(2002)
ياسر
مراهق بعمر الـ١٢ سنه جان يتعرض للتنمر من اصدقائه بسبب عرج برجله صار وياه من جان عمره خمس سنوات
شاطر وذكي واخلاقه جداً عاليه وجميل جداً صفاته كلامه تصرفاته من الطفوله والي يشوفه يگول عليه زلمه معدل بس للاسف جان كل كلمه حلوه يسمعها من الناس يتمنى ان يسمعها من ابوه الي همه فقط ان يكون ياسر قاسي مثله دخل ياسر للبيت بعد ما استلم شهادته من الخامس ابتدائي جان فرحان انه جاب درجات عاليه
ياسر-يمه يمه
-هايمه
-نجحت
-عفيه بـ ابني الشاطر انشالله يارب تعيش حياة احس من عدنه وانشالله اشوفك دكتور
الاب-ولك ياسر ليش طاگ (ضارب) ابن عمك
-هو كلما امشي يضحك المدرسه عليه
-هو انت هم زلمه الله انطاني ياك اشو مابيك حض 'ضربه راشدي قوي طيحه ع الگاع هسه فشلتني وي اخوي لزم حزامه وضل يضرب ضهره حيل وصوت صريخ اخته ليلى واياد طرش اذنه
-ماتحمل ضرب اكثر من هيج گام طلع يمشي بسرعه من البيت وگعد ع صبه ب الباب
-براء جانت تلعب وي صديقاتها ب الشارع وشافته گاعد بره راحت اله وضلت طبطب على جتفه
-ياسر فز مرعوب عباله ابوه ارتاح گلبه وعيونه من شاف براء هيا الي طبطب عليه
-لا تخاف هو يحبك بس يريد مصلحتك
-يا مصلحه الي يضربني عليها انا جاي ابشره ناجح وهوا گام يطگني
-عادي انا مرت ابوي امس طگتني ب الصونده جي حجيت وي بنت ما اعرفها
-نسه وجعه وباوع عليها شلون صرتي هسه
-زينه
-تعاي نلعب
-انا ما اريد لعبه بيها ركض امس مرت ابوي طگتني ما اگدر اركض (كذبه جميله سببها ياسر مايگدر يركض اخر مره ركض بيها نقلوه للمستشفى)
-يلا نلعب غميضان
-يلا ههههههه
ضلو يلعبون ويضحكون ونسى ياسر الي سواه ابوه جانت براء تنسي كلشي يصير وياه صديقته الوحيده من جان عمره ٦ سنوات وهو يلعبها ويدير باله عليها وهيه هم جانت كلما شافته تعبان راحلته واسته وطبطبت على جتفه تعود عليها وصارت اسراره عندها الشخص الوحيد الي تنضرله بطريقه غير نضرة الشفقه
،
،
الاسم :- براء
العمر :- ٢٥ سنه
هاي اقرب وحده الها تنطيها شبه كلش جبير
،
،
دخل ياسر للبيت لگه ابوه نايم دخل تعشى وراح نام يم اياد
-ياسر نمت لو بعدك
-حجى من جوه البطانيه هو ابوك يخلي واحد ينام
-شبيه شسوه ؟
-ضرب ليلى خطيه لأن رسبت بـ الامتحان
-انا رايح اشوفها
-اوگفلي اجي وياك
-يلا تعال
طلع تأكد ابوه مموجود راح يمشي ع كيف صاح من وره الباب
-ليلى گاعده لو لا ؟
ليلى -بصوت كله دموع فوت ياسر
-دخل وراه اياد وسد الباب
-حضنها ياسر وضلت تبجي وتناشغ
-بس بس حبيبتي لا تبجين
-طكني حيل
-اخ يبعد اخوج والله لو ادري فلا طلعت
-انت شعليك انا جنت موجود بس ماگدرت احميها
-انا ماراح اخلي ابوي يعيد الي سواه بيه بيكم انا راح اس.
بعده ما كمل كلامه ودخل ابوه للغرفه وبيده عصه
-شسوي ولك انا ماعرفت اربيك عدل اليوم اسويلكم اعادة تربيه
لزم العصه وضرب ياسر حيل على رجله الي يعرج منها وجانت الضربه جديره انو ترجع رجل ياسر لطبيعتها بس بيها الم قوي لذالك ما انتبه الها......
فتر على اياد الي حاضن ليلى بـ زاوية الغرفه افتر عليهم وضربهم طفر عليهم ياسر يعرج احضنهم صار الضرب على ضهره اجت ٤ ضربات قويه بضهره صرخ حيل وافتر على ابوه ودفعه ع الگاع طلع اخته واخوه وانطه ابوه نضرة احتقار اخذهم لغرفته وراح نام بعد ما تأكد انو اياد وليلى نامو صفن وراح شاف امه الي تبجي بـ المطبخ ضل يباوعلها من بعيد راح للغرفه ونام وضل يشخر لأن تعبان حيل ماحس على نفسه بس فز هو واخوانه على صريخ امه
يتبع ......
آلُگآتٌبْہ ۆآلُرۆآئيَہ بْنْيَنْ آلُبْصٍرآۆيَ