E
Ganiha rako gadukaon pero di ko gakatulog kay basig masobraan kos tulog diri sa bus nya malahos ko ug ahang terminal.
Pag abot sa bus sa terminal sa libona ako muy pinakauna ni tindog para monaug, init na kaayo akong likod ug samput iningkora nya hastang dugaya raba dayun kay mang naug aning uban pasahero.
Pag abli sa pertahan sa bus ni naug ko diritso, kung lain tao ang mag tan aw abi palang excited kay ko. Gi gakos naku akong kaugalingon pag naug naku sa bus kay bugnaw na kaayo ang panahon, gi ablihan napud sa conductor ang compartment maong gikuha na naku akong maleta.
Gihikap naku akong cellphone sa bulsa sa akong suot ng hoodie para itext unta akong mga parente nga magpasundo ko pero nakita naku akong Lolo nga naay kastorya nga kaedad nya, nidoul ko sa ilaa ug ni bless.
"Hulat sa ta diri Maria kay gipa hanginan pa ang jeepney." Ana akong Lolo mao tong nangita kog maingkoran.
Siguro kong laing tao ang moingon ato saako na maghulat sa, di guro ko mosugot kay allergic jud ko anang maghulat pero tungod akong Lolo man kaya naku mag antos, akong Lolo ug Lola ang mga tao na kaya naku antusan ug hinulat kay sila ang usa sa mga importanteng tao saakoang pagkatao.
Gikuha naku akong phone ug nag online, naa pamay signal diri na dapit kay naa may doul na tower. Daghan kay ug message na nag pop up mga classmate ug barkada naku halosa.
Mga classmate naku kay nangutana about sa mga nabyaan naku na buhatonon ug mga barkada naku nangutana ug okay raba ko ug kung kanus ako taman diri kay kabalo na jud na sila na pag makasala ko mao ni ang punishment ni mama saakoa.
I exit na unta naku pagkahuman naku sila replyan tanan pero naa usa ka message request sa messenger naku mao tong gi view naku. Di unta naku pansinon pero nacurious ko mao tong gi view although wa naku gi accept ang message request.
Lexus Lyle Capistrano
You have 154 mutual friends including Riccy Beunaveno.
Lexus:
Hi Engrith, sorry kaayo sa nahitabo ganiha.
Lexus:
Sorry jud kaayo Engrith, nadamay paka ug ayo sa gubot namu. Kabalo ko nga dili ikaw ang nagkalat base sa pagka shock nimo pagkahimbaw an ang about sa ig agaw nimo.
Lexus:
Ay'g kabalaka, as much as possible tabangan naku imong classmates sa mga nabilin nimo nga assignments diri sa school tutal kami man ang sad an. Ako na pud ang bahala mag bayad para sa phone ni Bridget para di naka kasab an ug ayo sa parents nimo. Sorry for the trouble we caused you Engrith.
Lexus:
Ug I hope okay ra saimoa ang about l sa ig agaw nimo ug sa mga issue. Pag amping sa imong stay diha sa Lolo ug Lola nimo, namention man gud saakoa ni Axel na mao imong punishment pag makasala ka sa school.
Accept request | I don't want to hear from Lexus Lyle
Gi exit na naku akobg messenger, siguro makita ni Lexus na gi seen naku pero bahala sya magproblema na gi ignore naku sya.
Gitawag naku sa lolo naku kay naa na ang jeepney namo mao tong nitindog naku ug gipalong akong phone then nidoul na sa jeepney, gitabangan ko ni lolo na ibutang akong bag sa likod. Ni ingkod dayun ko sa front seat pero nidoul akong lolo saakoa ug gihatag ang yabi sa jeep.
"Gasakit naman akong tuhod sa katugnaw Maria."
Gidawat naku ang yabi ug ni balhin sa driver seat tas akong lolo ni puli saakong gi ingkoran. Naay nisamay sa likod namo kay niuyog ang jeep mao to gitan aw naku, ang silingan diay nila lolo na si Romeo kauban iyang anak na si Phyllis.
"Kinsa ning ga drive?"
Ni doul si Uncle Romeo sa atubangan mao tong ni bless ko saiyaa.
"Si Maria man diay ni."
Ana sya saiyaang anak mao tong nidoul pud si Phyllis saakoa.
"Hala dai uy, kagwapa na nimo."
Nikatawa rako saiyaang giingom ug gi on na ang makina sa sakyanan.
Nilingi ko kay lolo na giduka na.
"Wala nay kargahon?"
Ana ko sailaa nga naa sa likod.
"Wa naman, adto nata mo fogs nyag baga sa dalan." Ni Ok rako sa giingon nila mao tong nagsugod nakug drive. Gi on napud naku ang suga kay ngitngit na ang dalan nya ga fogs na. Sa tinoud lang tugnaw na jud ug ga sunop na sa hoodie naku ang katugnaw pero wa nalang ko nikibo ug nagdali nalang ug drive.
Sigi pud kog lingi sa side mirror kay basig naay magsunod saamoa dilekado kaayo. Naka abot nami sa sentro mao tong nihunong mi sa gas station para magpatubil.
Gadali kog patubil kay tugnaw na jud ug sig kindat kindat saakoa ang mga gasoline boy mura jug ka mga gwapo sa mga hinampak.
Pagkahuman namu, nagpadayun namig byahe. Gihunong naku ang jeep sa atubangan sa balay nila Uncle Romeo ug ginaug na nila tanan karga nila.
"Salamat sa sakay. Ug may'ng gabii."
Ana si Uncle Romeo ig nisulod na sa balay nila.
"Dai, ugma sa wednesday ba. Simba ta ha?"
Ni Oo ko sa giingon nya ug nilarga na, nakamata sad ni lolo kay lubak lubak na ang dalan.
Monday karun, tuesday ugm, magkatuloga rako ugma sa balay.
Pagka abot namo sa balay ninaug na si lolo ug ginaug pud akong maleta tas nisulod na sa balay while ako giplastar pa nakug tarung ang jeep.
Pagsulod naku sa balay naa akong lola sa sala mao tong nidoul ko nya ug ni gakos ayha ni bless.
"Ni tawag man tong mama mo, naa nasad daw kay sala." Ni ungot rako sa gi ingon ni lola, di toud ko tantong gakasab an pero di ganahan akong lola na di ko mo angkon sa tinoud.
"Mag kaon sako la."
Nitindog na si lola pag ingon naku ato, nag andam sya'g plato ug kubyertos para ipakaon ko.
Kabantay ko diretso sa buhok sa akong lola, last time mi nagkita kay two months ago pero kulot nakay iyang buhok. Mura na ug microphone sa kakulot.
"Hali na."
Murag bata nga tawag saakoa sa lola naku mao tong ni doul ko diretso sa lamesa ug ni kaon way pangutana pangutana ug unsay sud an kay kabalo jud ko na kung dili gulay, karneng manok ug baboy jud na.
"Nya unsa may nahitabo Maria?"
Ni inom ko ug tubig dayun gi storya naku tanan ang nahitabo except sa part nga naa mi'y page para sa chismis makasab an palang ko.
"Sigurado jud kaha ka na uyab si Axel anang tawhana?"
Panigurado ni Lolo, pati si lolo na naghilom rag tan aw sa Tv naka fucos na saakoa, wa katoo na naa silay apo na inadto. Wa ko kabalo kung mosuporta akong mga apohan sa kalaki ni Axel pero dawaton naku ang responsibilidad ug kalagot ni Axel ug naa may mahitabo.
"Makig away ba gud ning apo nimo Mario ug di tinoud."
Mario, pag tawagon gali ni lola si lolo ug Mario nasuko o seryoso jud na sya.
Didto pud nakuha ni Mama akong ngalan. Ang ngalan saakong lola kay Erin ug akong lolo kay mario mao tong gi nganlan ko ug Engrith Maria kay gasabak palang daw akong mama saakoa excited na kaayo akong apohan kay ako ray babae nga apo nila. Bugtong bae ra si mama sa tanang anak nya hinilig ug bae akong lola mao tong pagkahimbaw an na babae ang gisabak ni mama dinhi ko sa bukidnon gipa dako.
"Awa gud ang kalaki sa mga apo nimo."
Ana si lolo ug nisulod na sa kwarto nila. Paggawas nya balik naa sya'y dala na cellophane ug gibutang nya sa kawayan na bangko namo.
"Ara'y bedsheets oh, gikan abroad padala sa oyoan nimo ikaw nay bahala sa kwarto nimo."
Nibalik na si lolo ug panan aw ug Tv, mana pud kog kaon, hiposon na unta naku pero giignan ko ni lola na atimanon akong kwarto mao tong gibuhat pud naku.
Dili kaayo dako ang balay diri sa libona, naa ray upat ka kwarto pero duha ra ang gakagamit. Akoa ug ila lolo. Gi plastar na naku ang bedsheets sa higdaanan laysho kaayo ug bedsheets kay Louis Vuitton.
Pagkahuman naku ug plastar sa bedsheets sunod naku giplastar kay akong mga sinina ug mga gadgets. Nihigda ko sa bed para magpahuway kay kapoy kaayo akong lawas.