🍷 لطيــــــفةة🍷...
وئام العمراني
الجزء 7
دااز الوقت وهي كضوور بين الشوارع تالفة ماعارفة فين تمشي ولين تجي
معدتها كتغوت بالجوع لكن لبسها مسمحش ليها تمشي تاكل فينما دازت كيبقاو العينين يشوفو فيها
دازت من حدا محل الالبسة التقليدية
تنهدات ودخلات تاخد شي حاجة تلبسها
استقبلاتها البنت بابتسامة لي رغم ملابسها العجيبة بالنسبة ليها الا انه الزبون كيبقا زبون كيفما كان
قيسات احدى الجلالب لي عطاتها وهي غير مبالية واش تجي معاها ولالا المهم تستر راسها ..
خلصاتها وخرجات خلات البنت ساهية فشكلها وطايتها لي جات مع ديك الجلابة عباار
مشات لطيفة نيشان لأحد السناكات خدات طاجين كلات حتى شبعاات وعمرات كرشها ولكن قبل متخرج مشات عند الولد لي خدام تما
لطيفة : اسيدي واخا نسولك
الولد : مرحبا الخاوا
لطيفة : محتاجين شي وحدة تخدم معاكم هنا ؟
الولد : معرفتشي اختي انا غير خُدام هنا مشي ساقسي الشاف
لطيفة : فين نلقاه ؟
الولد : عاين هنا بيدما جا وهضر معاه
لطيفة : واخا
مشات جلسات حاطة ايديها على حنكها كتدعي فخاطرها تلقا خدمة تستر فيها
بانو ليها الناس داخلين خاارجين والظلام بدا يطيح وشعلو اضواء زينو المدينة
بقات حالة عينيها كتشوف هاد المكان لي غريب عليها نوعا ما حتى بدات كتخوا الدنياا تماا وكل واحد توجه لعشوو الولد لي خدام تما بدا كيجمع كيستعد باش يسد
لطيفة : ايمتا غايجي اخويا ؟
الولد : ماعرفتي بالحق ضروري يگوز ياخد الحساب داليوم تينا غير ستناي هنايا
هزات راسها اه وبان ليها راجل داخل كرشو سابقاه وموسطاجو كثيف لابس جاكيط فالاسود رمقها بنضراتو وسط عينيه الخضرين فحال شي صقر
شاف فالولد وهو كيسولو بعينيه شكون هادي ؟
الولد : شاف هاد السيدة قاتليك كدقلب على خدمة وبغات تخدم هنا انا قوتلا ستناي حتى تجي وشوف معاها
الرجل تقدم وهو كيعبرها بعينيه : مرحبا مرحبا بغيتي تخدم ؟
لطيفة هزات راسها باه
الرجل : وشنو كدعرف تعمل ؟
لطيفة : اي حاجة كنعرف نسيق نجفف وراسي خفيف دغياا كنتعلم
الرجل : ايااه مرحبا الالة نيت محتاجين شي مرا دير الميناج السيدة لي كانت خدامة معانا راجلها مريض وكتقابلو
ايلا بغيتي تخدمي بلاصتها حتى تجي مرحباا
لطيفة هزات راسها بالزربة : اه اه اسيدي نخدم ماشي مشكل
الرجل : مرحبااا عندك فين تبات ؟
لطيفة هبطات راسها بأسف : لا
الرجل بتاسم وشاف فالولد : "صافي جمع وسد المحال "
رجع شاف فلطيفة : " ايذا بغيتي انا نديك فين تباتي باش من الصباح انشاء الله تبداي الخدمة "
لطيفة بتردد : وو واخاا
الرجل بتاسم حتى بانو سنانو : اجي معايا
ناضت تابعاه خدا الحساب ديال اليوم من عند الولد وخرج وهي تابعاه
تقدم لسيارتو فتح ليها الباب
" تفضلي "
لطيفة : فين غانمشيو ؟
الرجل : ياك قلنا غانضبر ليك فين تباتي باش تبداي الخدمة
لطيفة هزات راسها باه وتقدمات بتردد وهي معنقة رزمتها .. دخلات وسد الباب موراها ومشا لبلاصتو طلع ديمارا وهو كيفرنس
بعد مسافة الطريق وصل امام بناية نزل وحل ليها وقال ليها تبعو
تبعاتو المسكينة وهي معنقة ديك الرزيمة ونيتها مازال نقرة صافية
طالع فالدروج وهي تابعاه حتى فتح باب شقة دخل واشار ليها بيدو باش تدخل
ترددات فالاول لكن دخلات من بعد وهي كضور عينيها فالشقة
الرجل حيد جاكيطتو : رتاح مع راسك خود راحتك الدار دارك
لطيفة : شكرا
بتاسم و قرب خدا من عندها الرزمة وشد فيديها جارها معاه وهي مافاهمة والو
داها لكوزينة : " وجدلينا شي حاجة من ايديك ناكلوها من بغد نشوفو شنو نعملو
غمزها ومشا تكا على الحيط مربع ايديه كيشوف فيها بنظرات مكيبشروش بالخير
كيطلعها وينزلها من راسها حتى لرجليها وعينيه فيهم اعجاب بملامحها الطفولية الشرسة وفورمتها لي كتهضر
لطيفة شافت تا عيات ووكلات امرها لله جبدات الخضرة وبقات كتسولو على كل حاجة كيعطيها ليها نصبات طجين بالخف قدام عينيه ورداتو يطيب وجات خارجة حتى وقفها بيديه
الرجل : فين ماشا ؟
لطيفة : حتى بلاصة
الرجل : انا سمي المختار وتينا ؟
لطيفة : سميتي لطيفة
المختار : اسم مزيون فحال مولاتو اجي ازاين اجي ترتاح
مشا جلس وتبعاتو وهي موكلة امرها للرب العالي
جلسات وناض جلس حداها ومد ايديه حطهم على فخضها حتى قفزات
المختار : بشويش عليك متخافشي
لطيفة : حيد ايديك
مختار : عرفتي شني ازاين نساا عليك شغل الميناج خليك معايا وانا نتهلا فيك
ها شني قلتي
لطيفة ناضت من حداه : اسيدي انا جايا هنا باش نخدم
مختار وقف مقرب ليها وهي كترجع بلور حتى لصقات مع الحيط : خدم عندي ازاين نبرعك
غمزها وقرب كتر مد ايدو يحيد الشال على شعرها ودفعاتها ليه
خنزر فيها " كتمود ايديك "
قرب كتر وحيدو بالزربة حتى طاح شعرها مسبسب على كتافها ووجهها قرب وشنو بيديه وهي كتقاومو
" مزييونة العايلة"
خشا راسو فعنقها وهي كتدفع وتغوت ربي لي خلقها ولكن مرحمهاش معول على خزيت بعد مقاومة منها مدات ايديها لواحد الديكور كان حداها هزاتو بصعوبة ونزلات عليه للراس حتى طاح على وقفتو
حطات ايديها على فمها وهي كتبكي : قتلتو اويلي وليت قتالة
جلسات على ركابيها كتشوف فيه خايفة تكون قتلاتو حتى بان ليها بدا يتحرك
ناضت بالزربة حلات الباب وخرجات نازلة مع الدروج كتجري سامحة فكلشي فهاد اللحضة شرفها اهم من اي حاجة
خرجات من العمارة كلها وهي حفياانة كتجري وشعرها موراها كيجري معاها
تقدمات للشارع وبقات كتجري بلا متشوف وراها
الطريق كانت خاوية من الراجلين غير السيارات لي كيدوزو من تما بسرعة
ووحدة من هاد السيارات مارحماتهاش جمعاتها حتى تهزات ورجعات تخبطات للارض
الشانطي كلو وقف من هول الحاذث والمكان مطوق بالسيارات
حل طوموبيلتو وهو مصدوم من هدشي كان حاضي الطريق لكن هي لي جات فطريقو كتجري
نزل بالزربة كيشوف بنت غارقة فدماياتها وشعرها ولا كلو كيقطر بالدم
شعرها الاسود المسبسب...
كان مخلط بالدماء الحمراء...
المعلكةة مع ضربة كانت شوياا قويةة
للحظة سهى فيهااا كيتأملها
كيف طايحة قداامو...و دمها
مشكل داائرة على جبهتهاا
وبركةة ضااير بيهااا فاق
من سهوتو فش حس بناس
كيتجمعوو تنهد...مقااد على صداعات و الجوقةةة
بزرباا تكى عليها و هزهاا مخلي ناس كيشوفو فيهم
طلعهاا فلوطو حطهاا و كسيرا
"اوووف على صباح"
كسيراا كيضرب حسااب
شنو يقول لحضروو البوليس..
خمس دقاائق كانت كافيةةة
بش يوصل لكلينيك....
هبط و هازها بين يديه اي
واحد كيدوز من حداه كيسهى
فهاد الملاك لي دم غطا ليهاا
عنقها و جبهتهاا شعرها
الاسود المخملي لي مسبسب
طايح كيلعب فالهوااء...
واصل تال الارض...بزربةة
جاو عندو الفرمليات...
وهزوهااا غاديين بيهااا...
لغرفة الانعااش...
يلاه وقف ..وهو يسمع شي
صوت
"سيدي تقدر توقع هنا"
مد ليه ورقة و ستيلو...
وقع عليها ومدهاا ليه ..
الطبيب شاف فالورقة وهز راسو بواخا
"شنو سميتك وعلاقتك بالمصابة؟"
"ايوب...(بعد صمت قليل) ايوب الحياني انا راجلها"
الطبيب هز راسو بواخاا
"شنو وقع ليها واش اكسيدون؟"
ايوب..."وي "
طبيب
"تبغي نعلمو البوليس؟"
ايوب
"لا بلاش لا دااعي"
طبيب نصاارف مخليه گالس..
سمع تيليفونو كيصوني...
دوز الابيل و هو كااعي...
شوياا قلبها مبتاسم...
"ممم وي واخاا كولفليكس و شكلاط ممم واخاا بيزو"
قطع و تنهد...شاف فساعتو
و رجع راسو للخلف....
❤️فبلاصة خرى....
كان گالس جلسة القرفصاء
و شاد رااسو بجوج يدين...
"لطيفة لطيفة لطيفة"
ايزاا كتولو و تجبد فحناكهاا
"ايييه بنت الحرام هربااات حيت عااارفةةة اش داايراا ناااس كاملين يقولو و انا نكدب اولدي ونسترها و نخبي عليك"
محمد وقف كيف مسطي بسروالو القندريسي...
"لالالا ايما لا لا لطيفة متخونيش "
يزا واقفة قبالتو و مخرجا عينيها
"كيفاش كتكدبني "
محمد رجع بعد و شد راسو
رجع نفس الگلسةة ديالو
"لطيييفة علاش علاش كنت غنسامحك"
يزا رجعات لخلف و خنزرات فيه
"لي هلا يسهل عليها تريكا ناقصةة"
مكملاتها يزا تا دفع الباب الخشبي ودخل واحد شاارف الشيب داير فيه طريقو
"مححححمدددد"
محمد شافو ووقف
"عمي جيتي "
يزا شافتو و هي توگض
"سي عبدقادر مزيان مني جيتي تشوف بنتك المصونة ضحكات علينا لي يسوا و لي ميسواااش"
عبد القادر عاااقد حواجبو
والقسوةة ضااهرة على ملامحوو
"لالة يزاا لي نقول هو الا رجعات بهاد اليد (هز يدو ) غادي نفصل راسها على عنقها"
يزا بدات ضحك
"ههه هذا هو مضمون فيك "
محمد غير سااكت وقلبو كيتحرق
🌸يتبع🌸
ارائكم البنات ..