Hilom ra ming duha ni Bridget, gainatubanga mig ingkod sa atubangan ni Dean.
Wa naku tanawa ang mata ni Bridget kay kabalo ko ug halata kaayo na puno ug kalagot iyang pag tan aw saakoa. Gipa expalain mi ni Dean sa nahitabo, todo bakak si Bridget para sampungan ang tinoud na rason nga nag away mi tungod sa internet news.
Ang ingon ni Bridget kay Dean kay nag away mi tungod sa libak-libak na gitouhan man sad ni Dean maong gi barugan nalang sad naku iyang himo himo na storya para di mapangka na mabaw kay mig rason sa away, mapa cyber crime nya ming duha daghan kayg ma dig-up na ek-ek about sa school page.
Naa'y gisulat si Dean sa log book nya tas gitunol nya saamoa ni Bridget.
"Name, Course, Address, emergency contact, signature."
Nagsugod na ug sulat si Bridget pagkahuman nya gitunol nya diretso saakoa.
Engrith Maria Uytengco
Bachelor in arts and broadcast journalism
Bugo reyes village, Cagayan de oro. misamis oriental 9000.
09*******
Gitunol na naku kay Dean ang log book, gitan aw to ni dean tas nitan aw sad sya saamoa.
"Tagaan tamong duha ug Two weeks suspension tungod sa inyong gibuhat, two weeks kay di namu bata, unta na realize na ninyo girls."
Murag nahugno akong kalibutan sa gi-ingon ni Dean saamoa, dugay kaayo na ang duha ka simana pero kung mupalag pud ko basig ma expelled nya ko, wa pakoy plano dauton akong pag skwela, mayataps kong maderErt.
"Sorry ma'am." Ana ming duha ni Bridget.
"You two may go now." Ni tindog mi diretso ni Bridget pag ingon ni dean na pwede nami mohawa.
So all in all, tulo mi ka simana ni Bridget na di moskwela kay two weeks from now semestral break na, and knowing na dragon akong mama halata na jud kaayo na aside sa kasab an ko nya, ipadala ko nila'g bukidnon para didto ipabakasyon sa lola ug lolo naku, di man sa di ko ganahan sa kinabuhi sa probinsya, di lang jud ko ganahan na lagyo kay ang tindahan didto pati ang mga silingan.
Nigawas na mi ni Bridget sa POD office nga way pinansina, tanan iyang barkada naghuwat saiyaa sa gawas tas naa pud didto naki tapok si Riccy, although wa sila nag-inistoryaha naa lang sya didto nakitapok.
Una ni tindog si Axel tas nidoul saakoa, mohawid unta sya saakoa pero nilihay ko. Gitan aw dayun naku sya nga puno ug kalagot, wa man lang sya kaaparta sa amiga nya? Inana sya ka weak? Mali toud na mamasangil sa binuhatan pero di mawala sa huna huna naku na tulo ko ka simana na mag antos didto sa bukidnon tungod lang wa nya apartaha.
"Maria, sorry kaayo."
Tukar nasad sya ana iyang maria-maria naku, sa balay rako gasugot na tawagon ko ug maria kay kung sa school feel naku mura kog santa nya di bagay sa batasan naku.
"Xis, akong laptop?" Lingi naku kay Riccy na gahawid saakoang bag, gidoul ko saiyaa tas gikuha akong bag.
"Naa na sa bag nimo. Tana na, basig maabtan nasad tas pag busdak sa uwan wa tay payong raba." Binuang ni Riccy.
Inani mi ni Riccy, bisag unsa pay mahitabo di najud dayun na namu istoryahan. Ang uban mo ingon sila na gabinogo daw mi kay di mi kabalo mo dawat ug defeat, infact kabalo mi.
Kabalo kaayo mi modawat ug defeat maong mo act mi na walay nahitabo para di bug at sa kasing-kasing ug di sakit sa pride.
"Ahh, Engrith dawata nalang ni oh, as a sorry sa nahitabo." Tunol ni Lexus sa blue nga payong.
Gitan aw ra naku iyang payong tas nitan aw ko sailaa tanan magbarkada ug gisipatan silag mata, sala nila nganong tulo ko ka simana nga di maka skwela, tulo ka simana ang makalas tungod nila.
Gihawiran naku si Riccy tas gitalikdan namo sila, bahala sila maghuna-huna na oa kaayo ko or whatever basta kay di ko ganahan na ug connection sailaa.
After naku iingon kay Riccy ang tinoud nahitabo daghan kay mig gitabi padung sa waiting shed kung aha mi mag sakay, halfday ra mi ug klase duha ni Riccy kay inig hapon gagamiton among home room sa mga senior high. Dili kaayo dako among school, sa tinoud lang public school rako ga skwela kay di man mi tantong sapian.
Makaya gud sa parents naku na ipaskwela kog prestigious school, ako lang jud ang dili kay gusto ko ilaan to nila sa duha ka manghud naku.
Akong mama kay nurse ug online seller tas akong papa kay manager sa usa ka warehouse sa hardware, naa koy duha ka manghud na ug kaluha sila tas naa sa grade 3 mao nang saakoa jud gaasa akong mama ug papa mao tong pag graduate nakug senior high sa public rako ni enroll.
Naka-sakay na si Riccy tas ako naa pa japun ko sa waiting shed naghuwat ug jeep, lahi mi ug gasakyan ni Riccy kay sya taga sta.ana tas ako taga bugo, gaskwela raming duha sa public school diri sa tagoloan.
Naa'y nihunong na jeep pa-puerto sa atubangan naku maong nisakay naku, unom pa mi na pasahero mao tong nag alley sa kadali ang driver, wa pa napuno ang jeep, nagsout kog headset pero wa naku gi on ang music, gusto lang ko na walay mo storya naku labi nag schoolmates na maintriga sa nahitabo.
Gitan aw naku akong relo, kinse minutos nakung nag ingkora diri wa pa japun ni andar mao tong ninaug ko ug gi-On akong music tas nagbaklay ko hinay hinay bisag ga taligsik na. Wa koy pake sa ulan labi nag gipaghulata ko.
Nivibrate akong cellphone mao tong gitan aw naku, nag text si mama. Wa man sya nalagot sa text nya pero lami kay mohilak.
MaderErt:
Maria, giignan na tika na ayaw jud pakig away. Nagpalit nakug ticket nimo sa bus, gi andam napud naku imong gamit. Molarga ka ug pa-bukidnon karung gabi-i taman sa mahuman imong suspension. Gabii larga para di mo magsapon sa papa nimo
3.15 pm.
Gamay ra kaayo to na text pero lami kay mohilak, mao to sa ka lagot ug kafrustrate naku nipara ko diritso ug multicab bisag di ko ganahan ug sakay ani kay gakapakong ko.
While ga andar na ang multicab kulbaan na kaayo ko, kabalo ko unsa malagot akong mama, dili ni ang first time na advance kay sya ug palit ug ticket sa bus nga way pangutana pangutana sa sala naku, sa tinoud lang ika-tulo na ni nahitabo, gipalarga ko nyag bukidnon tas pag uli na dayun naku sya nangutana unsay tinoud jud nahitabo.
Pag abot sa stop naku, gikoot naku diretso akong singkwenta sa bulsa ug ninaug, keep the change angkol mas nabalaka ko na ipadala kog bukidnon!
Halos maligsan naku ug tabok sa dalan sigig dali-dali daghan kay'ng sakyanan ug driver ni sirina ug kasaba naku kay gapakamatay ba daw ko. Mas mosugot pakong magstay sa ospital kaysa sa lugar sa saakoang lola, way signal didto.
Pag abot naku sa balay akong mga manghud ra ang naa, nanan aw ug cartoons.
"Ni duty na si mama." Naghubo kog sapatos, tutok japun kay ang mata ni Laveen sa Tv murag kulang nalang iglue na naku iyang mata adtos screen.
"Maa daw tamam kailangan mimo sa maleta mimo." Dugang ni Leevan sa giingon sa kaluha nya while naay gi um-um.
"Alas 7 daw ang byahe nimo" Dungan nila na ingon saakoa, porbida nagpuli puli pag silag ingon saakoa ang ending mo adto ra japun kog bukidnon. Kahasol.
Nisaka ko sa taas namu ug nisulod sa akong kwarto na lugmok kaayo, pag tan aw naku sa study table naku naa pa japun didto akong mga gadgets wala giapil ug sulod ni mama sa maleta mao tong gikuha naku akong string bag ug gisulod didto akong camera, lens, charger, ug powerbank tapad saakoang mga gadget kay naa'y P2500 ug note ni mama.
Pag-amping sa sembreak nimo. Tawag ug nay problema.
—Mama
Kung lain ni na panahon, malipay unta ko na gitagaan ko ug 2500, pero tungod kay mao na jud ni ang sitwasyon wa koy gana mahimaya. Ug tawag inig nay problema? Nakalimot man ata akong mamang pinangga na way signal didto.
Gikuha naku ang 2500 tas gibutang sa bag, murag wa na jud koy choice. Gitapad naku akong string bag sa maleta tas naligo na dayun ko, para mangandam sa paglarga naku. Lami kaayo di motuman kay mama pero kung magtuman pud kog akoa basig mao rani ang rason di naku nya ilhon nga anak.
Dili mi ingon mg close sa akong papa maong wa jud sya'y gakabuhat sa sugo ni mama kay lagi, disiplina rani para matarong mi na klase sa pagkatao. Gatarungon man ta kog disiplina nila mama ug papa ambut lang nganong aporada ko.
Nahuman naku'g ligo ug ilis, alas 5 kapin na mao tong gikuha naku akong cellphone nga nakacharge ug gi-open among page ni Riccy, kami ra duha ni Riccy ug barkada namu ang nakabalo na kami ang tag-iya ato na page ug di pud mi gapahalata mao tong ni post ko sa page about sa away namu ni Bridget ug nag pa as if na admin ra jud ko.
ChixmiX
Unsa naman ning mga college run uy manag-patayan tungod sa libak, somehow gaduda ko kinsa nilang duha ang libakera.
722 likes • 432 comments • 16 shares
Marissa Alle: Ang mas libakera ug naw'ng:Si b.
Analyn Jessa: Sus klaro kaayo na si Bridget ang sad an, aporada ug chismosa lang si Engrith pero wa pako kadungog na nanabi to sya
21 replies • 24 reacts
Angella Lanay: @Alliyah Kalaya @Bridget Kalaya
Riccy Beunaveno: @Engrith Maria Xis kinsa man jud ninyong duha?
Engrith Maria: Naa ranas mata sa nakabalo jud
Alliyah Kalaya: Don't judge a book by it's cover
Engrith Maria: Ka judge judge man sad gud mo.
Bridget Kalaya: Maka defend pud ning uban kay Engrith murag mga close friends
Riccy Beunaveno: Duh, atleast gi defend.
Omar Romo: @Engrith Maria Xis unsa ug kinsa man jud?😂
Nagkagubot na sa post naku sa page mao tong ni log out naku sa facebook ug nagsout ug sapatos kay alas sais quarenta na.
Pag naug naku dala akong bag nanan aw pa japun ug Tv akong mga manghud.
"Nangaon namo?" Ana ko nila ug gisulod sa string bag akong tsenelas na naka sulod na sa ziplock.
"Mana nagluto si mama ganiha." Dungan nasad nilang ingon. Naanad naku nilang duha ani na dungan ga istorya mao nang karun wa naku'y pake.
Niadto ko sa kusina ug nagkaon whilst nakitan aw napud sa cartoons na gasalida sa tv.
"Ate, amping daw ka ana si Laveen." Ana si Leevan saakoa pagkahuman nilag hinung-hunga.
"Unsay ako?" Reklamo ni Laveen.
Bisag gahi nig ulo akong mga manghud pinangga kay ko ni sila ug bisag dili sila direct forward sa ginaingon nila kay gapasa pasa pa silang duha, okay ra saakoa ang importante naingon nila unsay naa sa huna-huna nila ug di sila magsekreto sekreto saamoa nila mama.
Mga alas 7 kapin nahipos na naku akong kinan an. Gikuha na naku akong bags.
"Adto naku, Babye." Ana ko pagkahuman naku sa mga gibuhat naku.
"Love you daw ana si Leevan."
"Love you daw ana si Laveen."
"Pag amping mo duha, ayaw namo ug laag karun kay gabii na." Nagflying kiss rako sailaang diha ug nilakaw na.