P
"Sure na jud na wa ka kabalo?" Pangutana saako ni Riccy.
Lunes karun ug gahapon ra 'to nahitabo nga gihulatan naku si Terzo tungod naa koy gusto mahimbaw an, ug syempre naa jud koy nakalap pero di sa naku iingon kay Riccy kay ako'y gakaulaw para kay Lexus.
Gahapon ni chika saako si Terzo na Bisexual jud daw si Lexus dugay na pero karun daw ang first nga naay daghan nahibalo tungod atong picture nila na naa sila likod sa gym naghalok halok.
Although gusto kaayo naku ichika ga pugong ko na dili kay makasala nya ko, aporada rako pero di ko ganahan na makasala sa laing tao.
Nagsugod nakug type saakong keyboard ug summary sa research namo, kung kabalo palang ko na talapungo diay ni akong amiga nya wa pa man diay nya buhata ang part nya sa research edi human na unta mi karun, edi awa naa mi sa canteen run nya imbis tabangan ko nya puro tabi ang buhat nya.
Naghilom hilom rako nya labaw pud si Riccy while gi encode naku ang naa sa bondpaper, nay ni ingkod tapad namo ni Riccy pero wa naku pansina kay kabalo ko uyab ra na ni Riccy iyang gipa cutting class para naay mamati sa chika nya.
Naa naku sa ikatulong paragraph nya ang nitapad namo is hilom japun kaayo, himala wa sila nagtabi.
Nabatian naku nga nagtutok si Riccy saako mao tong gitan aw naku sya ug iyang tutok kay saakoa kay halata nga gapangutana.
"Unsa nasad?" Gakairita nakung ingon saiyaa pero nilihok ra ang itom sa iyaang mata padung sa tapad naku mao tong gitan aw naku.
Halos mahugno akong saktong pangutok pagkakita na si Terzo diay ang nitapad naku.
"Gi istorya nimo kay kinsa kinsa?" Kalma ra nya nga pangutana mao tong gisipatan naku sya.
"Chismosa rako pero di sad ko ganahan na manabi labi nag nagpromise ko na di jud."
"Unsay chika?" Sambat ni Riccy pero wa namu sya pansina.
Unsa nasad kahay chika na nigawas nya ako iyang pahimungtan.
"Uban gali ta."
Ni tindog si Terzo, gisipatan ra naku sya utro, Samoka hinay nya na ingon tas gibira ko nya, nahulog ang mga papel tas gipunit ni Riccy.
"Ako nay bahala ani Xis." Ana sya tas gikuha akong laptop edi ako ni uban nalang ko kay Terzo kay murag wa man jud koy choice.
Wa japun sya nibuhi saakoang siko na gihawiran nya, gatan awon nami sa uban college students akong uban kaila na gakalabyan namu kay ga heart-heart sa mga kamot nila pero tas an ra naku silag kilay.
Kung kabalo lang jud sila na igso ni naku, undang na unta sila sailang ghost ship namu ni Terzo.
Gidala ko ni Terzo sa likod sa Gym, honestly di jud ko ganahan diri na part sa school kay naa dri nagtambak ang mga karaan ug gubang mga gamit sa school, aside ana sagbot kaayo.
Halos molugwa akong mata pagka kita naku na kompleto ang mga barkada nila Terzo, naa pud si Lexus na problemado kaayo ug naw'ng tas naa sya'y laki ka holding hands.
Wa ko ka familiarize sa laki na ka holding hands ni Lexus kay nagtalikod ug nay ka storya pero pag atubang saakoa mura kog kalipongon.
Animal akong ig-agaw!
"Axel?!"
Kurat nakung ingon, wa jud ko nag expect kay animal kadaghan nyag ka fling ani na bae wa ko nag expect!
Kalma ra akong ig agaw pero tutok kay sya saakoa.
"Maria, ikaw ang nagkalat?" Ana sya na seryoso kay ang tingog.
Sa tinoud lang wa jud kabalo nganong gidala ko ni Terzo ug naa ko diri.
"Kalat sa?"
Wa pa koy online online sugod ganiha pagmata naku maong wa jud ko kahibaw' unsay pasabot nila.
Kasagara akong gaka kalap na chika kay ginapost jud ko na sa page namu ni Riccy na Chixmix.
Oo, inana mi kalala na chimosa naa miy page tanan mahimbaw an ug gusto namu mahimbaw an ddto ra namu makuha. Pareha mi ni Riccy na Mass-Com student, nagkaila mi sa journalism club atong second year high school mi tas nagka-grupo mi, dayun tuloy tuloy na nagka amiga mi.
Pagtung-tong namu ug college, daghan nag kaila namong duha tungod kay si Riccy kay part-time na model tas ako kay naka-uyab ug Vlogger mao to medyo ilado tas nagdecide mi maghimo ug page na didto namu ishare ang mga chika na makalap namo.
"Padeny-deny pa sag klaro kay na siya jud." Sambat ni Alliyah barkada nila na permi naku kontrahan kay suyuon kay ang abnormal tanan nalang saakoa kasuyaan maong kontra jud kay mi sauna palang.
"Unsa diay naa? Kay murag wa najud ko kabalo unsay gakahitabo, galibog naku nganong gapasinginlan ko ninyo na wa man ta koy gibuhat!"
Wan a, hurot na akong pasensya di na naku kaya makigdeal nila murag lang, wa ko kabalo unsay nahitabo tas saakoa sila mo-pin-point tanan na wa gali ko kabalo unsay naa.
Nitalikod naku nilang tanan kay molakaw na unta ko pero duha palang ka step akong nabuhat naa'y ni-igo sa likod naku.
Ni atubang ko nila tas gipunit naku ang ni-igo saakoa, animal agod ra sakit kaayo cellphone man diay, layshohon kay de-Iphone 6s.
Gipunit naku ang cellphone tas gitan aw naku ang naa sa screen. 'Student council member Lexus Capistrano bisexual and in-a-fake-relationship with Axel Daroy. Si kinsa jud diay ang tinoud na uyab ni Lexus?' Mao naka butang sa screen, ahh wow.
Basig kani ilang gikaproblemahan naku, nganong ako ilang pahimungtan? Karun pa gali ko nakabalo na akong ig agaw diay ang kahalok ni Lexus. Tas fake relationship pajud, Wow. So unsa lugar? FuBu ra sila? Iw.
Gitagak naku ang cellphone tas gitumban naku, ni crack ang screen. "My phone!" Arte na ingon ni Bridget, kaluha ni Alliyah.
Gidout godout naku ug tunob taman sa ni black na ang screen. Animal, ig mamasangil, mamasangil lang unta di manglabay ug cellphone awa.
"Ug makig-storya gali, way labaya ha?" Binuang ug suko nakung ingon sailaa. Gaba.
Nitalikod naku tas nipadayon naku ug baklay pahawa sa atubangan nila, nakatabang sad diay na P.E namu karun kay nagsneakers ko tas naguba naku ang cellphone ni Bridget.
Pareha lang sila sa kaluha nya na arte, porke sapian, mura rabag mga ka gwapa gipakarapang raba ang naw'ng.
Naa naku sa hallway, gipaspasan naku akong kaugalingon kay sagbot kaayo akong pants, modungo na unta ko pero nabatian nalang naku na naa'y nibira sa buhok naku.
Gilingi naku, si Bridget diay. Lagot kay iyang naw'ng, mura na syag gisagpa ug animal tungod saiyang nawng.
Gihawiran naku ang kamot ni Bridget ug gidout naku akong kuko mao to nakabuhi sya kay gipalubong naku akong kuko.
"Buang ka na babae! Nganong gi-guba nimo akong cellphone?!" Ana sya saakoa tas gibira nasad akong buhok, akong clean-bun na pagkabugkos na tang-tang na.
Gago! Murag ni itom akong panan aw pagkakita naku na natagak akong bugkos. Nalate ko para matarung akong buhok, gitagaan naku ug daghang oras akong buhok para lang matarung tas gitanggal ra nya?!
Daghan kay ang ga aparta saamoa, si Erla nawala na ang poise while gapapansin ka Lexus, naa sad ang ²mga barkada nya, pati akong mga barkda naa nasad para apartahun mi pero gipa pahawa ra naku sila, mao ni ang rason na wa juy ga away saamoa ni Riccy, pareha mi member sa martial arts club sa baranggay namu.
Gihawiran naku sa pulso si Bridget tas gialsa naku sya ug nitambling sya sa paatubang saakoa, lagubo kay iyang likod pula kay pulso tungod sa kuko naku, sipaon na unta ko nya pero nakalihay ko, sa kalagot naku gitumban naku tuhod nya.
"Pila ko ka oras nagtarung sa buhok naku tas tanggalon ra nimo?!" Lagot na kaayo ko pero ang uban mura rag kataw-onon nga ambut while ga tan aw saamoa.
Abi guro nilag lalom kay ang rason naku nganong gi-inana naku si Bridget. Di ko nila pag unhan kung di sila ganahan na mabaslan.
"Ms. Uytengco, Ms. Bridget, prefect of descipline office. Now." Sambat ni sa Dean namu, weird ug immature kaayo.
College nami pero nag away-away japun mi, pero okay ra, atleast kabalo ko na lala kaayo ang nadawatan na sakit ni Bridget. Bahala sya diha.
Nisunod ko kay Dean padung sa office nya pero nibalik ko para puniton akong bugkos tas si Bridget gitabangan pa ni Alliyah na makatindog, dunggan pud kay naku ang ingon ni Alliyah sa kaluha nya na:
"Ignan bitaw kag ayaw na ug tumpangi na, awa ikaw pay agrabyado."
That's right bitches. Ayaw ako. Ayaw si Engrith Maria Uytengco.