Cikin kaya grey white aka shirya ta, yarinya ce wacce bata wuce shekaru bakwai da haihuwa ba. Kamannin ta ya fi kama da na larabawa, kyakkyawa ce sosai, mai karancin magana.
Doguwar riga da wando, zubin Pakistan wears ta fito tare da mayafin su. Idanunta basa dauke da ko tozali bare fustar ta a sa mata hoda amma a haka ta fito tayi kyau abinta.
Kasancewar ta mai gashin gaban goshi, yasa duk yanda aka boye shi da dan kwali baya ɓoyuwa, don haka doguwar jelar gashin ta kawai ake boyewa cikin ribon bayan ribon.
Kafarta dauke take da Safa saitin kalar kayanta tare da tambarin sunan "zeezee na" haka zalika sneakers din dake kafarta. Jakar goyon ta ce kawai baka tare da kalar grey white na cartoon character din Elsa ta frozen.
Cikin natsuwa ta juyo ta kalli wacce take shirya ta mai suna hafsi tace
' Aunty hafsi? Mai ke faru ne? Naji sai tafi ake da murna ko mun samu baƙi ne?
'eh Zainab ga duk kan alamu, sai dai kar ki manta da abinda nake fada miki kullum babu ruwan ki da magana da wani baƙon da baki sani ba, bayan kun fito daga karatu zaki je ganin likitan ki.
Gyaɗa kai tayi alamun ta gane sannan ta sa kai zata fita. Amma sai ta tsayar da ita sannan ta miko mata wayar da ke kara kusa da ita.
'za ayi miki magana. Ko bata fada mata komai ba ta san muryar wanda ta saba ji ne, sai dai ta kasa gane alaƙar su dashi shin mahaifin ta ne ko kuma wani da yake taimaka mata kawai? Tana ka ra wayar a kunnan ta ta ji Muryar shi yace
'zeezee nah? Bata ce komai ba ta cigaba da sauraron sa.
'da fatan kina nan lafiya kuma hafsi tana kula min da ke sosai? Nan ma bata ce komai ba.
'haba zeezee nah ba dai fishi kike yi dani ba?
'yaushe zaka zo muje gida? Abinda ta iya cewa kenan kafin ta mikawa hafsi wayar ta kama hanya ta fita.
Kallo daya zaka yi mata ka gane cewar duk gatan da take ciki bai ɗebe mata kewa daga kuncin dake ranta ba. Yarinya ce dake da matukar bukatar soyayyar iyayen ta, ba ta mai aiki ba.
Haka ta fita ta samu wuri daya kusa da class din su ta zauna tana kallon yadda sauran yaran ke ta tsalle da murna. Kamar yadda suka zata ziyara aka kawo musu a matsayin su na marayu, wadanda suka rasa gatan iyaye, wanda suke zaune a gida na musamman tare da 'yan uwan da basu da haɗi na jini sai ƙaddara mai muni da ta haɗa su tare. Wasu tsinto su ake akan bola, wasu a kofar gida, wasu a gaban gate din kasuwa, wasu akan layi, wasu kuma a gaban gate din gidan masu kuɗi. Wasu har a cikin kwata, an yasar dasu an bar su saboda ba'a san su. Haka ta fahimta. A kullum tunanin ta shine ita a wanne hali aka samo ta? Waye wanda yake kiranta, kuma yake gatanta ta haka?
Hawaye ne suka ciko a cikin idanuwan ta, tunanin ta kullum shine ina mahaifiyar ta? Shin bata son ta ne ta kawo ta nan? Ta kan ji kishi mai tsanani idan ta kalli wasu masu zuwa kawo musu ziyara tare da yaran su, mai yasa tasu ƙaddarar ta zamo daban? mai yasa na su iyayen suka kasa zama irin wanda suke kawo musu ziyara da tallafi? Mai yasa aka zabi a barsu a killataccen wuri tamkar dabbobi daji ko na zoo wanda ake mararin ganin su ba wai don tafiya da su ba? Mai yasa ita kulawar ta ta bambanta ta zama tamkar na sarauniya akan sauran yaran da take gani acikin gidan? Wacece ita kuma menene asalin tarihi ta?.... Katse tambayoyin da take yiwa kanta aka yi ta hanyar yi mata magana
'sannu? Tana dago ido ta ga wani yaron matashi wanda bai fi shekaru sha biyar ko sha shidda ba, ya tsira mata ido.
Juyawa ta yi ta kalli gefe da gefen ta don ta tabbatar da ita yake.
Murmushi yayi kana yace
'eh dake nake naga kowa yana ta murna amma ke kin zauna ke kadai kuma kamar kuka kike yi? Sannan wancen zuwan ma idan ban manta ba na ganki, kin zauna ke kadai a bayan wancan bishiyar. Ya nuna mata wata ƙatuwar bishiyar mangwaro dake jikin dakin su.
' haka ne? Ya ce still yana dan murmushi.
Sake binsa tayi da ido kamar wanda ta ga sabon halitta ko kuma yake magana da wani sabon yare.
'Don Allah ki dena kuka, abinda nazo na fada miki kenan, sannan Allah yana tare da ku, kuma al'umma gaba daya suna tare da ku kuma sun zamu iyayen ku, kin ji...? Ya dan kai dubansa zuwa kasa inda ya cikaro da tambarin da ke jikin takalmin kafarta wato zeezee nah. Don haka yace kin ji ....zeezee nah? Sai dai maganar ta zo a matsayin tambaya ne sama da zaman ta a matsayin lallashi.
Kan shi sai da ya ɗan ɗaure alokacin domin sai da ya sa ke kare mata kallo da kyau domin ya tabbatar da zargin sa akan ta.
Tabbas! wannan yarinyar ba mara gata ko marainiya bace tana da cikakken gata, a zahiri ma daga gidan kuɗi ta fito ko sarauta. Bai kammala nazarinsa ba hafsi ta zo da sauri ta kama mata hannu tana cewa
'mai kike yi anan bana ce kar kiyi magana da kowa ba, zo muje cikin class kafin malamin ku ya shigo.
Haka ya bi bayan su da kallo, inda ta kama hannun ta suka wuce, kafin su kai ga shigewa cikin ajin yarinyar ta juyo ta sake kallon sa, sannan suka shige.
'Abba mai kake yi anan? Ka zo mu tafi ya ji muryar mama sa tana magana, sake kallon kofar da suka shiga yayi sannan ya zo ya shiga cikin motar suka bar farfajiyar gidan.
Sai dai ya tafi da tunanin ta, ba yau kadai, ba tun shekarar da ta gabata da ya ganta yake ganin ta kusan kullum a mafarkinsa.
Yau kuma da yaga fuskar ta da kyau, yasan ba zai dena ganin ta har sai ya sake ganin ta idan sun sake dawowa. Don haka zai ajiye wannan image din na fuskar ta har zuwa wata dawowar.
Lumshe idanuwa yayi sannan yaje fa kansa a jikin kujerar motar da yake zaune ta gaba, yayi kamar yana son yin barci, sai dai take fuskarta ta dawo mishi. Kyakkyawa, mai manyan idanuwa, pink lips, oval face, black brow, pencil nose. Ta yaya zan iya mantawa da ita yanzu? Mai yake damuna? Mai nake tunani game da ita? Mai ya sa nake tunanin ta har haka? Ya jefa wa kansa tambayoyi marasa adadi, sai dai a halin gaskiya shi kansa bai sani ba, bai son mai yasa take farautar sa a mafarki ba, bai san mai yasa gabansa yake faduwa ba idan ya ganta ko kuma yanzu da yake tuna kamannin ta, ya kasa gane farin ciki yake ji ko akasin haka. Zuciyar sa na fama da different emotions akan yarinya daya.
'Abbba!!! Da sauri ya bude ido ya kalli daddyn sa dake gefansa yana tuƙi.
'naam daddy. Yace cikin sanyi.
' mai kake tunani ne? Ina ta magana shiru?
'ba komai na dan rufe ido ne kadan da yake yau mun tashi da wuri saboda shirye-shiryen zuwa nan so akwai barci a idona, yace tare da ajiyar zuciya.
Daddyn sa kallon sa ya sake yi cikin tsanaki kana yace 'ka tabbata?
'yes, mai kake cewa? Abba ya tambaya
'Tambayar ka yayi ko kana bukatar mu tsaya a pharmacy? Inji maman sa wacce take bayan mota.
' no still ina da ragowar magani na, mu wuce gida kawai.
'To, haka daddyn sa yace sai dai hankalinsa bai kwanta ba, gani yake kamar ɗan sa yana da wata damuwa da yake boyewa. Wanda hakan babbar illa ce ga lafiyarsa.
Suna isa gida, ya wuce dakinsa inda ya ɗan watsa ruwa ya canza kaya zuwa riga mara hannu da wando three quarter na shan iska duk ka Ash colour.
Cikin locker dinsa ya bude inda ya dauko sketching book din sa, tun daga shafi na daya har zuwa na goma duk hoton mace ce wanda babu fuska, ko dai a zaune ta juya fuska ko kuma a tsaye tana kallon ruwa ko taurari.
Idonsa akan guda daya ya tsaya wanda take zaune a kasan bishiyar mangwaro ta juya baya, wani daga bayan ta yana kallonta.
Cikin murmushi wanda ya bayyanar da dimple din dake gefan kumatun sa na dama. Ya dauko alkalamin sa ya rubuta "zeetah" babu shakka yasan sunan ta Zainab. Amma wacece ita? Mai take yi a cikin gidan nan tare da shiga ta alfarma? Abinda yake son sani kenan yanzu.
Cikin kwarewa ya fara wani sabon zanan a sabon shafi, cikin ransa yana fadin a yau na samo fuskar ki da kuma sunan ki zeetah.
**** DON
"yaushe zaka zo? Kalmar da ta kasa barin cikin zuciyarsa kenan, ya kamata yaje ya ganta. Shi kansa yana son ganinta sama da yadda take son ganin shi, a kullum da tunanin ta yake barci kuma ya farka dashi, tana cikin duk wani motsin sa, hankalinsa baya barin kanta haka tunaninsa.
Bashi da babbar damuwa sama da yadda ƙaddara ta raba su, kuma ta zaɓi ta cigaba da raba su saboda tsoron lafiyar ta da ranta gaba daya. Ya rasa inda zai boye ta a duniya da zuciyar shi zata gam su tana lafiya kuma babu wani lahani da zai sa me ta.
Kai ta gidan marayu shine shawara mafi kyau da tazo masa, a ƙalla kafin ya samo mafita akan al'amarin.
Cikin fuska mai cike da damuwa ya juya ya kalli na kusa da shi, kana yace
' ina son zuwa kano domin ganin Zeezee nah, na kasa hakuri, shekara biyu kenan ban ganta ba sai dai a hoto.
'Don! Wai mai yasa kullum muke magana akan abu daya ne, ka sani duk ranar da ka ziyarci wannan yarinya to kamar kayi shelar inda ka boye tane don haka a kalma mafi sauki kayi signing contract din kashe ta ko sace ta domin da ita ne kawai za'a iya cimma ka. Inji na kusa dashi
'Ta yaya za su gane inda zan je? Shin ba za su hakura ba su manta da komai, shekaru kusan bakwai kenan? Ba su da aiki ne sai na bibiya ta? Ni a gani na komai ya lafa kuma ya wuce. Yace cikin fishi da gazawa gaba daya.
Dariya na kusa dashi yayi kana yace
'kwarai kuwa! Aikin da aka dauke su su yi kenan, shi mafarauci baya taɓɓa hakura akan abin farautar sa har sai ranar da ya cimma sa. Don haka har ka manta kana raye ne kawai don kana karkashin kariya ta, idan kana son kare Zainab to ka tabbatar ka gina kan ka, ka zama untouchable. Ka fara tunanin yadda zaka karbo fadar ka da aka kwace maka, ka ginu da son daukar fansar jinin masoyan ka da aka raba ka da su, da masoyiyar ka, ka tauna kasa don aya taji tsoro. Domin a gaskiya na gaji da ajiyar lusarin namiji. Ya karasa cikin dariya. Ita wacce ta rage ka bar ta ta rayu cikin kwanciyar hankali while you embark on your mission, And your unpaid debt domin kasan bana abu kyauta. Ya sake kyalkyalewa da dariya.
Maganganun sa sun tabba shi ainun, don haka yana ganin lokaci yayi da zai dena lusarancin da gaske, ya zama jarumi ta yadda ko sunan sa makiyan sa suka ji to sai sun fitsare wandon su don ta haka ne kawai zai iya karbar fadar sa da kuma sunan sa na Don.
Ta haka ne kawai zai iya gina irin fadar da yake son sa zainab aciki.
**** ABBA
Yau kimanin wata daya da ziyarar su gidan marayu, amma jin su yake kamar shekara. Ita kawai yake son sake gani ko daga nesa ne. Amma ya rasa ta ya ya hakan zai faru.
Gidan marayu gida ne mai tsaro, yawanci sai ka sanar da su kafin zuwa ka. Ta yaya zai sanar da su ga me da bakuncin sa bayan har yanzu shi yaro ne? Ba wanda zai saurare shi ma, yace da kansa.
Sai dai a yau ya yanke shawarar sake ganin ta ko ta halin yaya, don haka suka hada baki da direban da ke kai shi makaranta akan zai yi siyayya akai gidan marayun, shi tunda babba ne sai ya ya jagoranci tafiyar.
Haka akayi kuwa ya je yayi siyayyan kayan ciye-ciye katan-katan.
Wanda ya kunshi carton din chocolate, biscuits, sweet, chew gum wanda adadin su ya kai katan goma gaba daya.
Ahaka suka zuba su gaba ɗaya a bayan booth suka nufi hanyar gidan.
Suna isa bakin gate din yaji gaban shi ya fara faɗuwa, zuciyar sa kamar zata fito waje, cikin dan lokaci kadan ya ji yana zufa, har ya bude baki zai ce su fasa kawai domin yayi losing confidence dinsa, amma sai ya ga mai gadin gate din ya nufo motar su.
Sallama mai gadin yayi musu sannan ya tambaye su bukatar su, bayan sun gama hausawa. Sadi direban sa shi ya shige gaba wajen bayar da amsa akan cewar sun kawowa marayu kayan abinci ne.
Bayan an gama duba motar don tabbatar da cewa basa dauke da kayan lahani ko Baraza ga yaran aka barsu suka wuce.
Bai tabba tunanin za'a bar su cikin sauki haka su wuce ba.
Tsayawa yayi yana duba farfajiyar gidan domin tabbas daga nan bai san mai zai yi ba kuma. Shin zai ganta yau kuwa? Domin babu yaro ko daya a tsakar gidan. Yana tsaka da muhawara yaji sadi yace
'To yanzu ina muka nufa? Wa zamu bawa wannan kayan?
Dan daure fuska abba yayi domin bai son sadi ya gane halin kiɗimewar da yake ciki kana yace
'ciki zamu shiga da su mu bawa committee din gidan ko? Yace ba tare da shi kansa yana da tabbacin hakan ba.
'To' haka sadi yace tare da bude mota ya fita ya fara sauko da kayan daga booth. Sai dai har zuwa lokacin Abba bai bar dube-dube ba kamar wani mara gaskiya.
Sadi ne ya wuce gaba wajen kai kayan zuwa cikin wani office wanda aka rubuta "orphan welfare" anan aka jibge kayan, sannan Abba yazo yasa hannu. Akayi musu godiya da addu'o'i.
Anan daya daga cikin ma'aikatan yake tambayar sa ko shi ɗan Alh. Muhammad Babagana ne, saboda kamannin su da ya gani.
Cikin murmushi ya amsa da cewa shi ɗan sa ne.
'Tabbas barewa ba tayi gudu ɗan ta yayi rarrafe ba ko shine ya aiko ka? Ya sake tambayar shi
'A'a zuwan kan sa ne, inji sadi
'To marayu sun gode sosai Allah ƙara arziki, Allah yasa ka biyo halin mahaifin ka domin yana tallafawa gidan nan sosai da ma sauraran wurare a yadda na ji. And again don Allah ka gaishe shi ka ce masa inji mal. Mutttaƙa na garko.
'To, kawai yace masa duba da yaji karshen maganar amma ace ya fadi mai yace tiryan-tiryan to ba zai iya ba domin hankalinsa ba shi a wurin, addu'a kawai yake yi ga Allah da ya bashi ikon ganin ta. Ko da daga nesa ne.
Bai yi aune ba yaji ya cikaro da mutum, dawowar da zai yi cikin hayyacinsa ya ga wacce idon sa mararin gani ta ko wanne hali a kasa, ta zauna dirshan.
Mai take yi a ƙasa haka? Ba dai da ita suka cikaro ba? Ya tambayi kansa
Da sauri ya karasa wurinta ya mika mata hannu alamun yana son taimaka mata, don ta miƙe amma sai taƙi ta tsaya tana kallon sa.
Fuskanta har ta fara ja, alamun gaf take da ta fara kuka, manyan idanuwanta sun ciko da kwalla, hancin yayi ja shima, dariya ce ta so ta kwace masa amma sai ya katse ta da murmushi.
Har ga Allah bai san mai ya jawo masa dariyar ba, shin jin dadin ganinta ne, ko kuma jin dadin ganin ta a kasa ne tare da jar fuskarta oho? Ya tambayi kan sa tare da dariya acikin ransa.
'subhanallahi, Zainab ya aka yi haka, sannu tashi, haka yaji na kusa dashi yace tare da zuwa inda ta fadi ya daga ta.
'ya jikin naki da sauki ko? Ya cigaba da cewa
....naji ance baki da lafiya.
rashin lafiya? Mai ya same ta? Ciwon me take? Take yaji fara'ar da yake ji duk ta tafi.
Wata murya mai tsananin dadi ga kunnuwan sa ce ta dawo dashi daga karamin nazari da ɓacin ran da yaso faɗawa.
'Eh, amma da sauki' Nagode. Ya ji tace tare da karkaɓe jikinta da share fuskar ta.
'ok Allah ƙara sauki, shiga ciki likitan yana office yana jiranki.
Haka ya tsaya yana kallon ta har ta isa bakin office din, sai dai ba ta shiga kai tsaye ba ma a wannan karon sai da ta juyo suka hada ido.
Bai san dalilin ta na kallon shi ba amma shi a wurin sa duk da bai san haƙiƙanin abinda yake ji aransa ba, yasan da cewa 'yar aikensa wato zuciyarsa ta na faɗa masa cewar ba zai sake wani farin ciki mai dadi ba sai da wannan yarinyar.