فتوه الحارة (مكتمله)

السابع

#البارت_السابع
#فراوله_الروايات
#فتوه_الحارة
#بقلم_مريم_رفعت_ميرو

بسم الله يالا نصلى على النبى عليه افضل الصلاة والسلام 🥰يالا نبدا بقى وشجعونى بالتفاعل اوك 🥰
********
مكه مسكت مامتها وجدت تقوم اغمى عليها محمد نزل اسيل بسرعة وشالها وراح بيها على الاوضة بعد وقت كان العزا شغال ومحمد واقف فيه بس مكه قاعدة لاحول لها ولا قوه قاعدة زى الصنم ساكته مش بتتكلم دموع تنزل وعياط بدون صوت

زينب: تعالى يامكه يابنتى ادخلى الاوضة عشان متتعبيش ومسكت اديها ومكه زى المغيبة عن الوعى بتتحرك دخلت معاها بعد شوية العزا خلص

سليمان: خليكى معاها يازينب متسبهاش ماشى

زينب: حاضر ياخويا بس صعبانه عليا اوى دى بتتحرك زى النايمه مش حاسة بحاجه

سليمان: لا حول ولاقوة الابالله العلي العظيم ربنا يصبرها يالا روحى وحاولى تأكليها عشان متقعش منكوا تانى

اسيل نايمه على الكرسى محمد راح شالها مظبوط ودخلها اوضة وظبط نومتها وخرج نزل
***************※※※※※*********************
شخص 1 : امها ماتت كدا يحللك الجوا

شخص 2.: بس كويس انك نبهتنى قبل ما اروح ليها

شخص1: اى خدمه

شخص 2: تمام لما تكون لوحدها خالص ادينى تليفون تمام

1 : تمام بس متنساش الاتفاق عشان منزعلش مع بعض
انا زعلى وحش ماشى

شخص2: تمام الاتفاق هيتنفذ زى ما هو سلام

شخص 1:سلام
****************※※※※*************#بقلم_ميرو

الم (1) ذَلِكَ الْكِتَابُ لَا رَيْبَ فِيهِ هُدًى لِلْمُتَّقِينَ (2) الَّذِينَ يُؤْمِنُونَ بِالْغَيْبِ وَيُقِيمُونَ الصَّلَاةَ وَمِمَّا رَزَقْنَاهُمْ يُنْفِقُونَ (3) وَالَّذِينَ يُؤْمِنُونَ بِمَا أُنْزِلَ إِلَيْكَ وَمَا أُنْزِلَ مِنْ قَبْلِكَ وَبِالْآخِرَةِ هُمْ يُوقِنُونَ (4) أُولَئِكَ عَلَى هُدًى مِنْ رَبِّهِمْ وَأُولَئِكَ هُمُ الْمُفْلِحُونَ (5) إِنَّ الَّذِينَ كَفَرُوا سَوَاءٌ عَلَيْهِمْ أَأَنْذَرْتَهُمْ أَمْ لَمْ تُنْذِرْهُمْ لَا يُؤْمِنُونَ (6) خَتَمَ اللَّهُ عَلَى قُلُوبِهِمْ وَعَلَى سَمْعِهِمْ وَعَلَى أَبْصَارِهِمْ غِشَاوَةٌ وَلَهُمْ عَذَابٌ عَظِيمٌ (7)
كانت هذه الايات القرانية تخرج من بيت مكه وكانت زينب جالسه تستمع اليها استيقظت مكه من نومها
خرجت من الاوضة لقت حد قاعد بس صورة قدامها مش باينه قربت فابنت انها زينب

زينب: صبح الخير يامكه عامله ايه دلوقتي

مكه بصوت مبحبوح: احم الحمدلله ياطنط معلش تعبتك معايا

زينب: كدا يامكه دا سميرة الله يرحمها كانت اختى
مكه عنيها دمعت بس ساكته قاعدت لقت الباب بيخبط راحت فتحت لقت.......
****************※※※※※**********************
خالد: خلاص يادنيا وحياه ابوكى ياشيخه تعبتينى فى تغيرات الشقه دى مش كفاية اخوكى مرمطنى انهارده دا لسه عايزنى اروح اوقف رجاله يإمن الحارة

دنيا: بقولك ايه ياخالد

خالد: قولى سمعينى واطربينى كلى اذن صاغية

دنيا: متيجى نغير الشقة كلها وخلاص

خالد باصص ليها وكأنه هيقوم ياكلها وقال: سلام يادنيا هتجبيلى شلل والله

دنيا: طب خلاص منغيرش حاجه ماشى

خالد: انا دلوقتى مش عارف انتى عايزة ايه قوليلى

دنيا: اه صح افتكرت الست ام محمود دى اياك شايف اياك وانت جاى تسلم عليك بتعقد ترسم عليك لبنتها نخلص من محمد تطلع انت

خالد: حاضر يادنيا فى اى توصيات تانى

دنيا: لا مفيش انت هتروح لمحمد الورشة ولا عندك شغل برا

خالد: لا تأمين مع الرجالة سلام

دنيا: سلام

خالد فى نفسه: خاطب بطه بلدى بس اعمل ايه القلب وما يريد
*******************※※※※********************
محمد قاعد رد على الفون: ايوه يابوسى

بوسى: تعالى انهارده بقالك كتير مجتش عندى ليه

محمد: مش فاضى يابوسى دلوقتى بعدين بعدين

بوسى: لا تعالى مليش دعوة بقالك كتير اوى مجتش

محمد: طب شوية وجاى حاضر

بوسى بدلع : نص ساعة ماشى واجى

محمد: ماشى اقفلى بقى(زهقت الراجل😂)

محمد: ياربى اخلص بليه بليه

بليه: نعم يابرنس محتاج حاجه

محمد: روح جيب الحاجات دى وطلعها عند بنت الست زينب ماشى يابلية وشوف لو محتاجه حاجه تروح ليها علطول يالا روح

بليه راح ومحمد عمل تليفون

محمد: زى ما اتفقنا ماشى

..... : حاضر يامعلم

محمد: متنساش ونبه على اللى معاك

..... : حاضر يابرنس كله تمام متقلقش

محمد: انا دلوقتى رايح مشوار كله يكون تمام ماشى

.... : امرك يابرنس كله تحت السيطرة متقلقش

محمد: ماشى سلام

..... : سلام

محمد اخد مفتاحه ومشى راح لبوسى وهو مش طايق نفسه ومستغرب ازاى خو كان بيحب يروح ليها ودلوقتي لا حتى مش طايق يروح البيت ولا عايز يشوفها

طلع البيت وقال: خير يابوسى عايزة ايه

بوسى قربت عليه بدلع: ايه يابرنس هى بوسى حبيتك موحشتكش دا انت كنت كل يومين عندى دلوقتى خلاص ولا جدت اللى كفتك

محمد بص ليها بصه نارية: تقصدى مين يابوسى

بوسى بتوتر: وانا ايش عرفني ياخويا الشارع كله بيتكلم
عن البت المسهوكه اللى بتوصلها وبصراحه هى مش لايقه عليك محمد مسك اديها ولوحها ورا ضهراها وقال: لو جبتى سيرتها تانى مش هيحصل طيب تمام وطلع ورقه من جيبه وقال: دى متلزمنيش ومش عايزها تانى وقطعها

بوسى بصدمه: انت انت عملت ايه ها انت نهيت كدا كل حاجه يامحمد صح

محمد: قسما بالله لو شوفتك تانى مش هيحصلك طيب ولو جبتى سريتها تانى معنديش مانع تشرفينا تاخدى الضيافه بس مع الاموات ماشى وسبها ومشى بوسى: والله ما هسبها يامحمد ويا انا ياانت محمد مهتمش بيها ومشى

بوسى: والله لهطلعها من هنا بفضيحه متتنسيش بنت**
***************※※※※************************
شخص 1 : استعد دلوقتى اهجم

شخص 2:حاضر ياباشا بس هو فين دلوقتى

شخص1: هو دلوقتى نزل من عند اللى متجوزها دى

شخص2:ماشى اول ما ننفذ هنقولك سلام

شخص1:سلام
*************※※※※※************************
مرة واحدة بعد صلاه العشا صويت وصريخ عالى اوى والناس كلها بتجرى وكل الستات اللى قاعدين قاموا يجروا على بتهم وظهر واحد ماسك سيف و مجموعة كبيرة اوى من الشباب دخلين
شاب منهم زعق وقال: جرا ايه ياحارة مفهاش راجل
(دا انت هتتنفخ استنى بس😂) كل واحد واكل حق التانى

محمد دخل من باب الحارة لقاها فاضيه طلع يجرى بسرعة وسمع اللى قاله محمد قلع التيشرت وشده: حارة ايه دى اللى مفهاش راجل ياننوس عين امك انت انطق ياض الشاب زقه بس لضخامه محمد متحركش سابت

الشاب بوقاحه: وانت مالك يالا انا بتكلم
محمد مرة واحدة عطاه بالقفا وقعه على الارض وشده تانى: لا ما انت متعرفش ياض انى كبير الحارة هنا وهعلمك الادب بس استنى عليا وضربة ومرة واحدة بقى كل واحد بيضرب التانى ومحمد ماسك الواد ضربة جى يلف فى حد ضربة على راسه من ورا بحديده اخر حاجه شافها لما مكه صرخت وقع على الارض والشباب اللى جم يتخانقه جروا بسرعة وخالد جيه بس كان متعور فى راسه ودايخ الناس طلعه محمد وامه بتصوت

زينب: ابنى هيموتوا ابنى يالهوى مكه خرجت

مكه: استنى انا معايا اسعافات اوليه

زينب: طب يالا يابنتى اسيل خرجت جرت على زينب ودخلت لمحمد وقاعدت ومكه جابت الحاجه وبتعقمله الجرح لحد ما الدكتور يجى رعد شوية دخل الدكتور مع
سليمان

دكتور: هو هيفوق كمان شوية بس من اثر الخبطه بس جرح صطحى ومتعقم وبعدين بص لمكه: تعرفى تعلقى محلول وتدى ابر فى الوريد

مكه: اه بعرف انا اللى عقمت الجرح

دكتور طيب دى ابره هيخدها كمان نص ساعه عشان الحراره وعلقيله المحلول وهيكون زى الفل

سليمان: هنتعبك معانا يابنتى معلش

مكه: ابدا ياعمى مفيش تعب ولا حاجه

بعد شوية محمد فاق: ايه دا

كانت مكه وزينب واسيل قاعدة جنبه على السرير

مكه: حمدلله على السلامة

زينب: اخيرا فقت يابنى معلش الخبطه كانت جامده ابن الجزمه ضربك بحديدة

محمد: اكيد هربوا ولاد ولسه هيكمل

اسيل: عيب عيب ياحمودى

محمد ضحك: ماشى ياست اسيل انتى عامله اية

اسيل حضنته: حمدلله انت لسه متعور فى راسك

محمد: اه شوفتى على اخر الزمن اخد بالحديدة على دماغى بس مسرهم يقعوا تحت ايدى مش هسبهم

اسيل: خلى تاتا زينب تبوس راسك التعويرة تخف مامى بتعملى كدا الكل ضحك على كلمها دا

مكه حضرت الحقنه: طب هات ايدك عشان اديهالك
محمد مد ايده وهى حطت الابره وهو سرحان فيها وفى شعرها اللى نازل على عيونها عطاها مظهر جذاب برغم من شحوب وشها بس كل دا مدراش جملها وجمال عيونها السوده الواسعة

مكه: هزته انا خلصت يا محمد انت رحت فين

محمد فاق: ها انا موجود اهو

مكه: حمدلله على السلامة يالا يااسيل

زينب: خليكى يابنتى دا انتى واسيل دى عامله للبيت صوت كدا خليكوا شوية

مكه: معلش مرة تانية عشان عندى شغل بكرا تصبحوا على خير

محمد وزينب: وانتى من اهله

مكه دخلت البيت هادى اوى وساكت مفوش روح ولا اى حاجه تشجع انك تكون قاعد فيه اصلا دخلت اسيل تنام وطلعت قاعدت تنضف وتشغل نفسها بعد ساعتين ونص خلصت كل التنضيف ودخلت اخدت دوش ودخلت الاوضة طلعت البلكونه قاعدت: منمتيش ليه
مكه اتخضت وبصت وراها

محمد مبتسم ابتسامه تخطف القلب: قلبك رهيف اوى

مكه ضحكت: دماغك بتوجعك

محمد: شوية صداع وبيروح ويجى عادى هى اسيل نامت

مكه: معلش اه اسيل نامت

محمد: عارفة انا مليش فى الاطفال ومش بعرف اتعامل معاهم بس اسيل ليها حاجه كدا تشد اى حد يلعب معاها ربنا يخليهالك

مكه: يارب اسيل دى هى اللى عوضتنى عن كل حاجه هى الحاجه الحلوة اللى طلعت بيها من الدنيا

محمد بيسمعها وهو عارف انها فى حاجه مزعلها بس مش عارف ايه هيا تليفونه رن

محمد: ايوه ياخالد

خالد: تعالى بسرعة كارثة نزلت على دماغنا تعالى

محمد: طب انا جاى دلوقتى سلام

محمد: بعد اذنك يامكه

مكه: اتفضل

بعد شويه مكه سمعت الباب بيخبط بسرعة جامد و..

#فراوله_الروايات
#فتوه_الحارة
#مريم_رفعت_ميرو
***************※※※※**********************
☆نهاية البارت معلش صغير

☆توقعتكوا متنسوش الفوت والكومنت