فره بهدوء صافن تقربت واركز عاكده حاجبي وانصدم
ذهب خالتي الجانت لابسته
بتوتها العريضه وقرانه ومحابسها
خليت ايدي على وجهي وبجيت
احمد همس
مليكه شنو هذا المن
قاسم حجه بصوت هاديء
ابو شهاب خلبها تجر نفس خل ترتاح
عيوني عالعلبه واحمد عيونه عليه خلاني جوه كتفه وباوع لقاسم اشرله
تاصبح على خير
قاسم كال
اي شي تحتاجون يمكم اني
صعدت رجلي رحت حيل
لهنا وانتهت اعرف.
لهنا وخلص حبل الوصل
دز ذهب خالتي يعني. يعني هو عايش ومرتاح. ومعناها هذا ذهب خالتج وعيشي وحدج
دموعي تنزل واحمد يشدد حضنه
وصلت لهولنا سد الباب وكعدت بالكع
كعد بصفي احمد
همس وباس راسي
ملوكه
باوعتله
ليش هالدموع مالمن هذا
مال خالتي وضحى
هز واسه وباوع للعلبه سدها جر نفس
توقعت بس شون عرفتي الرمز
هزيت راسي بالرفض مابيه احجي ودموعي تجري
ليش البجي ياعيني غير افتهم
كمت اشهك اختنكت وهوُشدد حضنه
لج بابا شبييييج. هييييً. واح اهفج. والله. شبيج حتموتين
يعني هاهيي ميحي بعد ضربت على فخذي بقوتي من دز الذهب بعني عايش. وراح هذا هو
انتي صدك تحجييين
غطيت وجهي احساس الخذلان شكد صعب
جر ايدي احمد بقسوه. صيح سمعي اكولج. اذا شفتج. بعد تبجين علي اكلب الدنيا على راسج
الولد ساعدج الله يوفقه. ويهدي و ىخللللص. لهنا خلص مليكه. امل بي ماكو كتلي الامل مللليكه
بقيت صافنه ودموعي تجري
ابجي منا لسبع سنين لو تموتين ماخليج. تفكرين بي. ولاهو اليحدر يوصل هنا مفهووووم
فزيت من صياحه وعصبيته شمر العلبه وفات للغرفه اسينات بس صافنه فززناها من النوم
من احمددفات جتني كومتني احجي وابجي وهي تهز راسها وتمسح بدموعي
مكدرت انام افتح بالعلبه واسد دورت كل ثغره بيها ملكيت شي حتى الترابه الداخلها مسحته اتخيله تلمسها واشم بيها ماكو ريحته موموجوده
ضميت العلبه ولبست الذهب والقران. اذن الفجر حسيت احمد طلع يركض وتلفونه على اذنه
اي هاي طلعت لا وداعتج طلعت لتخافين ماكو شي
ونزل
احمد- ليلتها منمت اختي مذبوحه. بحب واحد. مجرم. قاتل ٣. شون اخليها وانطيها مجال توني اغمض ودك تلفوني الضاهر الليله متريد تخلص
نور
فزيت
الو الوًنور
احمد فدوه.
تحجي وتشهك
احمد اخويه باربيل وعلي ميرد عليه فدوه تعاللي
خومبيج شي
موً اني امي. امي لاايد ولا رجل
جايج هاي لبست
فدوه لتتاخر خايفه وجهه اصفر كلش واكعدها متكعد فدوه. بس نبض باقي
جايج. عيوني انتي لتبجين
طلعت طاير طبيت شلت امها وياها وطلعت وديتهم مستشفى
صعده ونزله. ارتفاع ضغط مفاجىء وجلطه ونور انهد حيلها. ماتت بجي بقت الام بالانعاش ساعات
واني اتوسل بنور بس اكلي شي بس هذا عصير شربي نور حتوكعين منوويداري امج
لازمه راسها وكاعده عالكراسي بالمستشفى
جبرتها تنزل كافتريا ووصيت عصير ولفه بيض كوه اكلت وتتوسل كملها انت
اكلي نور
تباوعلي وتنصي عيونها تعبانه. ابتسمت الها.
نصت تلفونها دك
ردت
الو اي بالمستشفى تعال —
سدته ولزمت راسها. باوعتلي اذا صار بيها شي راح يحملني ذنبها بكولي لان بقت يمج. لو يمي الحك عليها
اخوج مو ادمي ولاجن اخوج
ابويه جان يكول شمسوي بدنيتي وطاني هيج ولد
الله يساعده ويرحمه كافي بجي عيونج. راحت كملي لفتج لخاطري
كملتها وتغمض من تبلع
بلاعيمج مو
هزت راسها معقجه وجهه العصير ثلج وخرته ووصيت حليب وككو جبرتها تشرب
كملته وغمضت الف رحمه على روح اهلك
ابتسمت باوعتلي
هواي داتعبك
تعبج اقصى درجات الراحه عدي
عفت اختك وحدها
لا يمها اسينات
هزت راسها تباوعلي وتنصي.
شببك وي مها
جريت نفس وارتجيت
شكلتلج هي
كالت رزلني
ومكالت شسوت حتى ارزلها
نصت راسها
بنت اخوج وكحهه تره اسمحيلي نص الليل. تدك السندويش علبه من الفتحه اخترعت عبالي انتي من رحت شفتها ها خيرج تكولي شتاقيتلك
فكت عينها كلها
صددك
لعد شكلتلج
كالت رحت اودي صينيه اله بيبي دزتني وصيح عليه
تدزين بيش ساعه جتي ساعه ١١ بليل والبيت صنطه توقعت انتي وفزبت خفت لابيج شي
خليها عليه
معليه منها اصلا مكمت ابات بالسندويش بس الضهريه اخذلي ركسه بي. ارتاح. بس جريئه متوقعت منها هالشي
مراهقه شسوي اني احاجيها واعقلها اواعدك متوصل. بعد
سكتت صافن عليها همست
هذا اخويه اجه
اني حطلع خاف يحجي حجايه وماتحمل
تعبتك ويابه احمد
لاتعبج راحه ابتسمت
فدوه ديري بالج عروحج اكلي تقوي
اتشاء الله
وطلعت من المستشفى
كبل للمحل
مجوي لليل ضل بالي خابرت كم مره مترد متت قلق
اراسل مترد عليه
تالي عزلت ورجعت للبيت
مليكه- الصار مرضني بس نايمه واسينات تروح وترجع. تتلمس كصتي. واني ابقه مغمضه
اسينات- ب١٢ ونص الضهر طبت ضل تضحك
اسووونه بابا جابني اسونه.
هلاو ضلوله والله شتاقيتلج.
بابازقبل كال من ارجع اجي عليج لان بيبي حتروح كربلا
ها زين وجابلي هواي شغلات باعي هاي الي والج
رفعت علاكتها وهم بيها لفات. مطعم
داطب اكعد مليكه دك تلفوني هو
راين ردبت
الو
الو سلام عليكم
هله ابو ضل
هاو شونج اسينات انشاء الله زينه
الحمد لله
تهانينا نجاحج
شكرا
هاي ضل جلبت تريد تجي ومقبلت تروح وي امي لكربلا. بلكن بله امر تقنعيها حتى ادز خليل ياخذها لان عده روحه للنخيب
خليها يمي كلتها بتوسل والله تونسني
جر نفس همس
مو اني ماريد اعلمها تتاذين وتتاذه باجر عكبه دوام
ميخالف عود من ارجع من الكليه اجيها
الله كريم اني ٣ ايام ونازل يعني تضل عدج هالفتره كلها والله فشله ومصرف. هاي بس تتطلب
لا والله حبابه هنا وواني عادي حتى من متجي اسوي حلويات النا للبيت فهي ويانا لتشيل هم
ماشي ماعدي غير حل بس اريدها تبرد نارها وتكبر حتى اسيطر عليها من اجبرها متتاذه
سكتت
الو ويايه
اي
ماشي محتاجه شي
لاشحتاج تسلم
ديله فيماللا ماوصيج بيها بعد مثل اختج الصغبرهً
اوك
سديته منه انتبهت على روحي. اصب عرك. ليش هلكد. اتاثر ويدك كلبي. هيج انسان هيبه. هيج انسان كامل
وبدت ضله تسولف
انتيدليش كمتي متجين
امتحانات حياتي
اي بس احنا خوات
صحيح يله بعد احي دوم وانتي هم تعالي
بابا صيح عليه وكلي متروحين بعد بالكوات قبل
بالكووات ههه ليش
جيف سبحنا
كالتها ونصت
ليش ميقبل اتلمس شعرها واسولف وهي تلعب بشعر الكوشه مال قنفه
مو يكول ميصير عدهم ولد عيب
حان كتيله بس اني ومليكه واسينات
كتله حتى كلي منو سبحج بالحمام كتله اسينات طبت ريابه سبحنا سوه
وكف كلبي وهي صافنه
ضل كتيله فتنا للحمام سوه
كتله بس منزعت كل هدومها والله بقت بال—
وضربت على كصتي مغمضه
راسن صيح كالي كومي كومي حتسووولف.
عضيت شفتي بخجل اني شون منتبهت لهاي السالفه هاي لسان متسكت تخط الاكو والماكو واني غبيه تبللت هدومي وذبيتها بقيت بالداخليات. بس غسلت شعرها خاف يبقى شامبو وطلعت
توبه بعد
مليكه. صحصحت بس السكوت غزاها متحجي ابد تشتغل وتصلي وتاكل وتشرب وهادئه
احمد ميحاجيها بس عيونه تلاحكها وين متروح
—-
خليل- وصلت بغداد رحت لصايغ اخو صاحبي ودزيت على صاحبي وياه.
طبيت بليل عليه.
انصدم من كميه الذهب ساعتين ٣ يوزن ويكسر ويحسب ويضحك صاحبي
يول منين خامطهم
امانه وروح ابويه امانه
ام در خمسين مره خابرت وتتوسل
حجيه والله بالصايغ اني. لتخافين.
يمه هاف يبوكون الفلوس منك من تطلع
ديله. بله. نجومي وسلاحي اكش بي ذبان لعد
سديته منها كمل. حساب كال
هاي الملاوي محشيه شمع وهذا السلاح كله شمع.
المهم كسر بجمع شكد
كلها تصيير
٣٠٠ مليون شنو بايعين بيت ومسوين فلوسهم ذهب
اعتقد هيج
زين عمي شوكت تريد الفلوس
والله باقرب وكت. اريد اشتريلهم بيت خطيه
صاحبي نط
ولك بيت بصفي ديبيعو شونه يخبل
صفنت نضيف. عمار يمعود
اي والله نضيف يخبل
زبن اريد محل يعيشون من اجاره
بي مشتمل معزول يكدرون ياجرو
ها محلوله لعد امشي نشوفه امشي
تسهلت والله ورحت وياه بصف بيت صديقي الحايط عالحايط. يخبل. ٢٠٠ متر والمشتمل ٨٠ متر
مرتبات وحيل نفها
خابرت الحجيه كالت الا لشوفه يله احكم
حجيه اتي كاعد اربع ايام تحبين امر عليج
والله يمه اتعبك خاف
لاا تعبج راحه
احجي واضحك بس خلي تصير.
والله. وجبتها ثاني بوم توقعت البنات وياها مجابت اخد وحدها
تفتر وتهز راسها موافقه. كالت
سوي مكاتبه. هاهي توكل بالله مدارس قريبه ثانوي وابتدائي سوك هم قريب كله يمها حتى اني يمها والمنطقه مرتبه هنا حيل
بيت صاحبي قريب على بيت خالي
كملنا مكاتبه خطيه الولد معافني كملنا كتله
حبيبي سويلي سويت ببيتك حكابلك واكعد بعد
ليش شتصير منك الحجيه
ام الدنيا كلها هاي اووف
ولك هههه بس لا ام زبرجد
زبرجد ولك مو زبرجد
لعد شسمها والله نسيت
احسن لتتذكر
يول بس لا مصاحبها
يول. هو اني شفتتتها مذهب الحلو
احجي معصب ابتسم عمار ورجعنا ورجعتها لكربلا وطلعت للنخيب
جان ببالي نزلت اللخ اشوفها وكمل تجهيز البيت متوقعت مكالمه امها. تدعيلي بالخير
يمه كون الله يحفضك ويكللك بالنصر بكل خطوه على عدوانك
رحمه الله والديج حجيه
يمه احنا كعدنا بالبيت وشوي شوي دناخذ وخطيه صاحبك لكالنه ماجرين. توهم عرسان والحمد لله. دبرت
صفنت
حجيه شون جيتو من كربلا
يمه تكسي وذبنا
البيت فارغ خاله.
اي يمه. مو خطيه ام سلام طلعت ويايه وشترينا هواي شغلات المحتاحيهن بعد الله كريم
الف عافيه حريت نفس مبتسم مرتاحين انشاء الله
حيل مرتاحين
الله يجعلكم زين ومدارس البنات
بعد خطيه ابو سلام كال اني يمي اكملها وادزها بيد ام سلام
الحمد لله
يله ابني الله يحفضك
سديته منها ابتسم
وين ترحين اذا مو بالبيت اشوفج بالمدرسه. وين تطيرين يختلوج مني
ماصدكت شوكت انزل داشوفها والحمد لله بنزلتي. رحت بيت خالي خابرني سلام كال
ضل يم اختك جيبها لبيتنا اني اتاخر بنزلتي
خليها هناك شرايد منها
لا خليل فدوه تتعلم امي بالبيت تضل يمها
خوش حجي
وفعلا رحت لاهلي وجبت ضل وضلت تبجي تريد اسينات
تالي كتلها امشي هناك محد اكو
ماريد همست وجهي عابسته هسه بس اشوفني تكوم تنبش
جر نفس كال اني موحود ابقي بيت سلام سلام سبوع يله ينزل يومين وارجعج فضيها امشي
اوك
رحت وياه وصلنا كيفت بيه ام سلام. وضل ممصدكه جرتني. لبيتهم الخدامه جانت دتنضف بيت فريده وام سلام بيومها خطيه كلسا تجي يمنا مكيفه. جنت اتهرب من عيونها من تباوعلي اكول خاف تكولي شي اتي مااكدر عليه. بس الكاها تسكت عضيمه هالمره تتفهم المقابل من نضراتها
خليل صاح عليه
طلعت
ها عيني
اكولج شسمه. عدي شغله تجين ويايه
يحجي ومتانق ويحك. بكصته منحرج. للاخير والعطر مالته سابقه بامتار
وين شغله وواني شون اجي وياك
باوع عالكع وباوعلي
مو. نسوان وميصير اطب وحدي ماعدهم رجال
ابدل يعني
اي فدوه اا باعي
ها رجعت مديت راسي
همس
شحتلبسين
ابتسمت
اكشخ مثلك
اي هه تفهميني
تدلل
بدلت وضل ويايه وين حنروح
وي خليل
يعني وين
ماعرف
طلعنا وياه اخذ سياره خاله. مرتبك جان بيده اوراق وهوياته بجيس مخليه كلسا يباوعلهن ويباوع للطريق وصلنا
ونزل باع لكع الرصيف ابتسم
المي ديجري دك الجرس ويعدل روحه كدام الجامه مال سياره. صارت عيني بغينه رفعت تك حاجب
ابتسم وضم ضحكته
مفضوح حبيبي فتحت الباب مره. تطلع بالخمسين
هلت بحراره بي اشر عليه كال
حجيه اختي الصغيره
هله بيها تفضلو تفضلو
طبيت منحرجه وضل لازكه بيه
لهجتهم تختلف وخليل منصي وجهه صار دم
تفاجات نزل خروف ويا من الصندوك وخلاه بالطرمه ربطه غسل وفات ورايه
طببنا استقبال مرتب رغم بساطه الاثاث بي والمره لسانها عسل بترحيبها.
وحجه خليل
ضل انتبهت على بنيه صغيره تطلع اكبر منها كم سنه يم الباب تمد راسها وتنهزم كامت شري شوي تبتعد مني تباوعلها وتاشرلي
اروح يمها
لا ضلوله كعدي
وتكعد بس عيونها عليه
المره باوعتلها وباوعتلي
بنيتج هاي
هه لا مثل بنتي هاي حفيده ام سلام
ياعيني سبحان الله اكول ليش عيونها مملونه مثل امها وخالها
ابتسم خليل منصي يكلب بالاوراق
صاحت
تعاي فيروزه. تعاي اخذي ضله لعبيها وياج
همست
هاي هم يتيمه سوده بوجهي
انتي الخير والبركه حجيه
وحجه خليل
حجيه اوراق البنات كامله خالي دزها بيدي بس بعد يراد بصمتهم وصور
اي عدي صور مال مخيم من طكينا اجيبهن
صفن خليل بلع ريك ويباوع بحيره
اي جيبيها
جابتهن لزكها بصمغ جان جايبه وياه ووجهه تغيرت ملامحه. كام يتصرف بعصبيه من يلزم الاوراق من يكلب الحاجب انعكد والوجه الاسمر انطعن دم
همس
هاي لازم بصمتهم
وكفت الحجيه
هسه ابصمهم واجيبها
اخذت الاوراق وهو صافن عض اصبعه بله وعي باوعلي رافع تك حاجب ويهز برجله بسرعه
شبيك
هز بيده فرك وجهه
ابو الخل
يابه شكو شبيه
باوعلي بغضب
عرفته عصب ابتسمت جتي ضل كعدت يمي خربانه ضحك ورجعت تختل وره الحايط تلعب وي الطفله
وهو عينه على فيروز ويهز رجله نار غادي كملت الاوراق واخذتهن
كال
هاي توديها للمديره. واي شي تخابرين مرت خالي ولو كلها كامله
ضلت المره تدعيله وهو مزنبر وكف. وباوعلي بغضب رافع تك حاحب همس
يله
طلعنا وهو يمشي بسرعه والمره تدعيدله
همس يمي
شحصلنا منج غير الدعاوي
شنو يريد فلوس ممعقوله. التفت باوع للمره توه يحجي وعيونه تشكلت فوك عالشباك مال غرف ضل يتنفس بسرعه شال ايده حكً كصته. يصم ضحكته اللي ترست وجهه
نصه راسه وكطع كلامه كال فيماللا
طلعنا المره سدت الباب من طلعنا
ابتسم ولم شفته واني اراقبه
افتتتر ورد رجع كبال بيتهم
رفع راسه
واني عيوني وياه
تنهد انرفع صدره
من انتبه بنيه واكفه وره البرده تباوع وترد تختل وترد تباوع
ارتجى براسه مبتسم عالكشن همست
ابو الخل
مجاوب رايح بغير عالم
خليلو
هااا ها وتلفت هاشبيج
اطلع اشرت بحاحبي عالطريق ابتسم
اطلع حتجيبلها حجايه
تلفت وباوعلي منو احد شافني
يابه عالم رايحه جايه
هز راسه رد اندار طلع ايده من الجامه مال سياره ولزم السقفيه مال سياره انتبهت سواره يحاول يبينه
يمشي ويبتسم
مصلاويه مو
شفتيها حجاها وباوعلي عيونه طايره.
منتبهت زين
اذا امها مختلتها
بس شفتها
والله مشفتها يكفي احس بيها تنتضرني او تراقبني
هههه واكع
ادعيلي سونه البنيه اريدها حيل اريدها
السوار منها
باوعلي راسن
لج انتي شنوووو ولا عمار صاحبي
هههه من عيونك مبين
اي مالتها لبسته الي بيوم النزلت من السياره. هاي جانت
—
وحجالي القصه كامله
الفرح بين سطورها
العشق والعاطفه بكل كلمه وابتسامه. وصفنه
كمل وباوعلي
بعد كل ماانزل نمرلهم شتكولين نقوي علاقتنا
ماشي شكو منها
تنهد همس
فايت انام اني
متغديت
خله ايده على كلبه
شبعت بعصير البرتقال وداعتج
ههه فدوه لعمرك الله يجعلها من نصيبك
اوووف يابه اوف هم صدك وتصير
طب نام بغرفه ببيت خاله واني يم ضل
مليكه خابرت اكثر من مره وكتلها اني راح ابات خطيه ضاجت —
احمد- يومين. ومرجعو واخابر نور مترد اعصابي تعبت تالي رحت للمستشفى لمحت اخوها درت وجهي شافتني نور راسن جتي تجاهي
وينج مو داخابر
والله بالاستعلامات تلفوني
ادري ليش مطلعتو
مكاعد تصحى احند امي دتروح
كالتها مايسه وجرت نفس
ممحتاحه شي
لالا روح خاف هذا يسويلي هوسه
ماشي
طلعت رجعت للبيت مليكه وحدها زعلانه. عليه مكسور خاطرها واني موبيدي اخاف عليها منصدك رجعتلي
وبديت اشاقيها
بدلي خل نطلع
ماريد والله تعبانه
اخذج عالشط
لالا ماريد
زين نزور الهضر تذكرين من حان ابويه باخذنا
صفنت
ابتسمت دبدلي ياعيني
هزت راسها طبت بدلت واني بدلت وطلعت تخبل بسترها وحجابها تتهرب بعيونها مني
زعلانه بعدج
هزت راسها لاوبرطمت
شبيج مليكه
جرت نفس بخنكه وباوعت بعيني انترست عيونها دمع
عبست حلكي منو وياج هلكد شايله بعينج حزن ياخويه. بيش مقصر فهميني
مو بيدي همست وشهكت موبيدي والله موقصدي اقلل من هيبتك واحجي كدامك وابحي
ميخالف بس الله انطانا عقل نفكر بي
هزيت راسي لا تنهدت متدري شكد تعب لخاطري
بلعت ريك تتوقعين ليش محتى يطلعج من ذاك المستنقع. وينقذج
هزت راسها
اذن خلص الولد راح وميرجع بعد
رجفت شفتها ونصت
مليكه الوكت اكبر مرهم للجروح خليها للوكت
هزت راسها
طلعنا وتباوع عالشوارع طبينا للخضر بجت هواي غسلت وجهه ببير الخضر ونفس مجانت امي تكول
بيض وجهه بجاه. هذا مقامك عد الله وريح كلبها
احجي بداخلي واغسل وجهه
ابتسمت براحه
وطلعنا صعدنا اليخت حيل تغيرت نفسيتها ضحكت وسولفت ورجعنا كعدنا مطعم
رغم خوفها من كل الناس جانت تمشي ورايه. من يجي احد كبالنا
واني عفتها براحتها
تعشينا اكلنا دوندرمه نزلنا سوك اشترينا كم غرض هي محتاجته. واني هم
اشتريت
اخر شي تسوكنا مخضر
تنزلين ويايه حتى تعرفين شتركبين
اوك
نزلت وتختار ردت احسسها بمسووليتها عالبيت. رغم مان طبخها. مو كلش بس دتتحسن
طبينا للاسواق هم تسوكت للريوك جنت مناشيها باللي تريده. هي مكيفه رغم متصرف الا للضروره بس حسيت نفسبتها تغيرت
رجعنا قاسم جان بالباب. تقريب ال١٢ طبينا
باوعلنا ونصه
ها قاسم خوماكو شي
لا بس شسمه
تاخرتو
بقيت اباوعله عيونه بله تحكم تروح لمليكه ويرجع يباوعلي يحاول يبينها عادي
ارتباكه وملامحه القاسيه مخفت مشاعره واني اختي انلجم كلبها بعد استحاله اخليها بذممهم
صعدت مليكه وبيدها جياسه التفت باوعلها وباوعلي
شافني صافن بوجهه بسك
همس مرتبك
اا ردت اكولك تره التانكي طوافته عطلانه جيت اصعد ووو شسمه كلت اكولك
ها لا هسه اني اسويها بعد محتاح شي
نصه راسه وتنهد رجع رفعه
شونها ككالت اسينات مريضه وديتها طبيب شنو
لا والله شوي تعبانه نفسيتها وطلعنا الخضر ومطعم سوك هالسوالف
هز راسه مبتسم زين تسوي جان يريد اي خيط وصل بيه اي شي يسوي تواصل بيننا مشكلتي اني مداكدر
همس
اي شي تحتاجون
رديت راسن
مشكور مشكور
سكت فات للبيت واني افوت بالغراض
واصعد
ومليكه ترجع
فتت نمت وهي هم
الايام تمشي بسرعه واني بمكاني
سبوع وام نور توفت
مشفتها بعد
العطله على وشك تخلص والبيت فارغ
كلبي لعب
صاحبي بالعماره تواصل ويايه هذا من ايام السجن سوا
وكال الشغل بالعماره. بالانشائيه قوي
حسيت اخوها حيدك الناقصه. قدر الامكان قلصت مسواكي وراسي يروح ويجي
اقساط السياره ممكملها بعدني
شون حتصرف مادري
وبعدني اخابر مغلق
اعصابي توترت حيل وتعبت من التفكير
والشغل عبالك زاد
صبغ
بواري
كهرباء
واني اطلع ماكول لا بس ردت اجمع خاف يدك الناقصه
سبوعين بالتمام ودكت من شفت رقمها ضلمه وضوت يوني
راسن اخذت من خاطرها سكتت متلبكه حجيت عنها
نور تحبين اطلع من المحل
سكتت وصوت رجفه بنفسها
احجي همست كون يمها واشيل حزنها
احمد اني وسكتت
احجي نور لتخجلين اني مهيا روحي
والله ماعرف ديحاربني يكولي متباتين. وحدج تجين هنا
وانتي سالتها حاير
ااني اريد بيتي وبحت تعبانه هنا هوسه. ومرت اخويه تسممع راتبي صارشهرين اله
نترت بعصبيه
انتي لييش ساكته.
مو امي فاتحتها ووتكاليف المستشفى
لاحول والا قوه الا بالله
نور ارجعي لهنا ومخد يكدر يحاجيج اني يمج
اخويه هذا احمد
جريت نفس بتعب ادري بتعبها شكد تعبانه ومداعرف اساعدها
مدري شون طلعت مني
دخليني بحياتج والباقي عليه
صفنت همست
شنو
سمعتي نور تنهدت سمعتي كلش زين. وشون متفهميها. فهميها. دهليني لحياتج. والباقي بركبتي
همست
غلطت من خابرتك
غمضت عيني براحتج همست
مع السلامه
نور نور دقيقه
سكتت تنتضر
من تردين تنهين كلشي طيني خبر قبل كم يوم
همست
ماشي
الله وياج سديته وشمرت الفون
متعجب على ضعفها وخوفها وانصياعها اله وعفتها توازن الامور عفتها براحتها
فتره مرت قدمنا اني واسينات حمزه جان ملتحق اخذتها ويايه وقاسم هم اجه
قدمت على كليه التربيه بنات وانقبلت واني تربيه مسائي قسم تاريخ
نفس الجامعه بس كلمن قسم
اسينات جانت بس تبات عدنا الصبح نطلع سوه بسيارتي للجامعه وترجع بسياره خال قاسم لبيت ضل لليل يرجعوها
هالشي صار براتب انها مدرسه لضل. وسوولها غرفه
جانت من تجي وي مليكه تضل تشكي من رقيه
ومليكه تردد
شوكت اشوفها شوكت
من جنت اباوع لفراغ مليكه تاكل بروحي اكل. تالي فاتحتها.
تدرسين شنو رايج
صفنت بوجهي اخجل اداوم
لتداومين درسي خارجي
مو خاف ماعرف
اني وياج
صفنت بحيره همست خاف افشل
جربي شخسرانه وكت وديكضي وانتي وحدج كاضيتها حرامات واني رسبتي تعيدين
هزت راسها حايره واني مصدكت جبت كلشي تريده. كتب واقلام ملازم صاحبي بالجامعه اخته توها تخرجت للاعداديه واخذتهن منه
جنت رغم الثقه بي مراقب مليكه هواي تلفونها حركاتها عيونها وصفناتها
واني بحيرتي
نور مبينت
والبيت تاجر
والمحل بقه محد اجه بس كل شهر يحي اخوً رجل نور ياخذ الاجار لاخته.
ا خجل حتى اساله عنها
ايست من جيتها
وكبريائي مسمحلي ارد اتصل بيها رغم حاولت اخابر من تلفون مليكه مغلق
والسالفه نامت
حن لاصرنا ولاتصيرنا لاكعدنا ولاضحكنا ولا تشاركنا لكمه
ارقام غريبه تالي الليل تدك عليه سوالف مزعطه ونفس تلعب الروح واسده
مره مرتين ثلاثه صوت بنيه. تتنعوص
منو انتي
اني وحده تخبك وانت محاس
بديهيتي واحساسي عرفت هاي مها
قررت اماشيها اعرف اخبار نور منها
وصارحتها
عرفتج وعيب عليج واني حاس بيج
بجت وتتوسل مو بيدي متحملت
جنت اسكت اريد تجيب طاريها اكثر من مره كتلها. نور تدري تره وهي سكتت
حدما طكت روحي وسالتها بعد شهر من محاولاتها انه اميل الها
نور ليش اجرت البيت
كالت
صديق ابويه تقدملها وبابا حيبيع البيت
انصدمت سديته منها
واعصابي تفور
يومينً ومكدرت بعد رحت للمدرسه الها
دتطلع ىصحتها
باوعتلي ونصت بقت تتلفت خايفه
اشرتلها صعدي اوصلج
تقدمت بله نقاش صعدت
مدري شون صايره ملامحي اللي وجهه صار اصفر
طلعت بيها بالفروع ساكت. ساكت ساكت وهي منطقت
تالي توها تهمس
شونك بالجامعه وصيحت بعلو صوتي
شون ترضخين لاخووج شون
غطت وجهه وكفت السياره. جانت تبجي بخنيك. وحسره
نور خليني اساعدج
هزت راسها برفض
نور باوعيلي
التفتت عليه تتنفس وجهه احمر دم وعيونها ذبلانه
بلعت ريك
سكتت خلص الحجي
كالت
مها تحبك خطيه لتاذيها ليش حجيت وياها واملتها وتركتها
فكيت عيني كلها بغضب
انييييي شعلليه مماملها لتكذب مسجاتي مخزونه. عرفت. عرفت حتكلبها عليه. كلها اكولها ابتعدي ماريدج. بعدج صغيره. مو ببالي انتي مماملهااااااا
سكتت وتباوعلي بحيره
تنهدت اعصابي فارت
انزلي نور
صفنت عليه
انزلي هاي بيت اخوج روحي
نزلت دتاخذ جنطتها
همست وعيوني كبل
هالاسبوع اطلع من المحل بلغي علي
صفنت
باوعتلها رافع تك حاجب طالع للعماره. دير بالج عروحج يمكن اخر مره نتشاوف
هزت راسها خانسه بلعت ريك وسدت الباب تباوعلي من الجامه فاكه خلكها وعبونها مدمعه طلعت وعيوني بالمرايه عليها بس تباوع لصفحتي
تعبتني حيل تعبت
فرغت المحل
وحجيت وي حمزه ومليكه وفعلا طلعت للعماره الشغل هناك لوز مااكعد ابد سويت دراستي امتخانات بس فصلي
يعني بنص السنه
وبنهايه السنه
ضروف عملي وابو سلام مشت معاملتي كمت اضل سبوعين باربع ايام ببغداد
كم مره اخذت مليكه هم ويايه بس جانت تستغرب حيل
مرت فتره واني بالعماره. وخابرت مليكه جانت ساعه اربعه العصر
ها ملوك
احمد تكدر تجي
شكو ياستار
احمد بطني ملختني مدري شبيه
صارلها شكد يمعوده.
صار سبوع بس اليوم فد مره بعد
مليكه- بقيتي وحدي مافد يوم خوفتني. جان الامان بالنسبه الي من اشوف ماطور اليراقب يفوت بثكل
كمت اعرفه من صوته
كمت احس بوكت جيته
ماطور شحن يوكف بباب بيتنا. بشكل يومي يروح ويجي مرتين. ويختفي
وهيج بين يوم ويوم نوبات يوميه
اسينات تبات يمنا يوميه. ونتعشى سوه. نوبات احتاج شغلات تعلمني عليها. بالدراسه
حنت اخس صعوبه كلش
حنت اتعب بسرعه
وتهون عليه بعد وكت
وبطني هاجت
الليل كله تون
مدري ليش شاكل اي دهن. هاجت
طبيعتي مااشكي الا لمن فد مره اصير
حدما حسيت روحي تطلع هاهي بعد
وخابرت احمد
خطيه للعشره بليل هو يمي جنت متمرغله بالكع بس شفته صيحت لزمته من زيكه
ودينييي
وددديني مداكدر الم الم قوي
كومني مرتبك وجهه اخترع. وركض صعدني بالسياره باوعت للساعه ب١١ وربع. وكت مرت الماطور هسه . للباب ووكعت بالكع. عصرت كل بطني وبجيت
تصيخت كنفدت على جسمي
خاول يشيلني احمد بالموه صعدتي السياره واني اناشغ وابجي.
تذكرت امي والمها
باوعت لاحمد
اني داموت احمد
ششششش مليكه املخ بشعري من الالم.
طلع احمد والمح ابو الماطور كدامنا صار واني اتالم واملخ بنفسي
سكنت روحي
لاهو
لاا هودج
ولا اي واخذ من المنطقه
حتى احتمال مو عليه جاي
احتمال من الشرطه.
وماخس اله الم قوي كلش انكطع نفسي صيحت واحمد زيد بسرعته
وصلنا المستشفى وااني ايدي دميتها من التعضعض
ازدحام. الشارع زيد المي
نزل احمد يركض جاب كرسي وركض بيه طواريء
سونر وتحاليل بعد ساعه الم وبجي صرحو انه المراره مورمه. لازم تنشال
احمد الخوف الشفته بعينه تذكرت بي سلمان وخوفه على صبحه
يباوعلي وعيونه مغرغره
خابر قاسم همس
الحكلي ابن عمي
اكثر حجايه اذتني بجيت بقهر. حس روحه وحده حبيبي من كثر الالم صار عدي اغماء
الدكتور كتب احاله فوريه عمليات
اسمع قاسم يلعلع
دكاتره بيهم حظ ماكو انطيني تصريح. نقل مستشفى خاص مااريد هنااا
وطلعوني واني روحي تطلع احمد يحجي.
قاسم حان سويناها هنا
احمد المستشفى زباللله جايز منها.
جان معصب وكلسا يندار عليه واني اون
وصلنا نستشفى اهلي حسيت بالفرق من اخذوني راسن عادو تحاليل وطوني مسكن والدكتور بكل هدوء يحاحيني ويستفسر
احمد تعب هلك كعد وقاسم واكف على راسي
ساعه ودخلوني عمليات
حسيت روحي اموت
لزمت ايد احمد
غمض عينه ودار وجهه وعيونه مليانه دمع
بس اكولك شي
نصه اذنه عليه
احمد مقصرت ويايه. والله
عبس وجهه صار احمر مكدر يحجي
بس هاي الحجايه اذا رجع وشفته بيوم كوله. سامحتك. ومنستك من دعائها
صفن بعيني
همست
كوله انتضرتك هواي. كلتها وبجيت
مسح دموعي وهز راسه مصبر قاسم عيونه عليه ويهز برجله تالي مكدر تقرب مني
همس
لتخافين ماكو شي
مخايفه
هزيت راسي بالرفض
تنهد ابتسم يله سبعه وكلي الله
يارب
اخذوني
وخلو القناع مال اوكسجين وبدت روخي تطير غمضت
ووجهه صار كبالي يضحك
هذا الهيج كايل شسماا
ر. راء. راء عابس
اي تفطنت مالت رعددد رععد
يقلد عليه من احجيها ويضحك
همساته
اني الجنت اصعد واشم عطرج.
وطارت روحي
ماحسيت اله شفافي تتبلل بطعم اللبن. بللتها بلساني.
ريحتها بانفاسي وكانما. مثل قبل من يجبرني اكل اللبن.
ببلعت ريك ودموعي نزلت
كذبت عليه
عفتني
كذذاب كذذاب كتلي ماعوفج
صوت وحراره باذني
والللا ماعفتج ردتج تعيشين مليكا
اريد افك عيني مااكدر همس
طيني مجال اداريج فد طيني مجال
وصوت وخده ترد حيفوتون. واتورط وياك
حسيت يم ركبتي وجهه نفس قبل غمضت وملت عليه
وصخيت
راح الاخساس
صوت احمد
واعيه ملوكه مليكه
والممرضه تهمس
كاعده كاعده. بس البنج قوي
فتحت عيني
جان حلم
جان مموجود
بلعت ريك عيون الممرضه عليه وتدير وجهه دموعي نزلت
احمد ابتسم مسح وجهي
حمد الله عسلامتج. حبيبتي
غمضت هزيت راسي
قاسم فات
همس
ها صحت
امم صاحيه
شونج مليكه
هزيت راسي مغمضه
خلت الممرضه المغذي بايدي وتباوع بعيني
غمضت اريد ارجع لحلمي اريد احس بي
احمد بيده عصبر
همس
يله شربي
لا ماريد.
مليكه لازم
وخله السديه موضع جلوس
كعدت وراسي ثكيل خله العصير يم شفتي بالقصبه شلت ايدي البيها مغذي الزم الكلاص وانتبه
بيدي
مكتوب
ببطنها
7850
شهكت ابجي واضحك
احمد صفن
شبيج شبيج مليكه
ضحكت ودموعي تجري اباوعله قاسم صفن بوجهي واحمد مبتسم شبيج خبله
محجيت بس ارجف
كملت العصير بسرعه اريد يطلعون
احمد اريد انام
نامي كلبي
تمددت طلعو وباوعت بيدي ابوس بيها واشتم بعمق جان هنا متاكده. ماجان حلم
طبت الممرضه
فدوه الله يخليح
بلي
فدوه. وينه الولد
احجي ودموعي تنزل
ياهو النقيب
لالا الكتبلي هاي
وجهه ارتبك بعدت نضرها
مادري منو كتب وطلعت ركض
عابس انت هنا عابس متاكده. احجي وابجي بس كلبي فرحان كلش
يتبع
مريم السعدي