لعنة الفراعنة (قيد التعديل )

الفصل الواحد والعشرين

وأخاف أن يعاقبني الله بذنبي فيحرمني قيام الليل !
فلا تحسبنَّ أنك تقوم إليه برغبتك ؛ولكنّه اصطفاء الله لك ..لأنه يحبك!"♥️🌸

~قيام_الليل ي حفيدات عائشه~♥️🌸

فصيح اللسان و اتاه ربي بديع الكلام بيانا و حكمة رسول السلام أتى للأنام فصلوا عليه حبيبي محمد.🌸♥️

الفصل الواحد والعشرين

ليث بتركيز / اسمع اللي هقوله كويس آوي ونفذة
نظر ابريس لميسرة فهزت رأسها بايجاب فتحدث ابريس وهو ينظر حوله لهؤلاء الرجال / في الجزء الخلفي للقلاده في زر احمر اضغط عليه هيمنع صورتك توصل بس صوتك هو اللي هيوصل
فعل ليث ما قاله وفعلا اختفت الصوره ولكن مازال بإمكان ليث رؤيتهم
تحدث ليث ببسمه / اسمع بقي قوم بكل هدوء وامشي معاهم
ميسره وهي تصفق / الله عليك ياباشا بدريه طلبه فخوره بيك
تحدث ليث ببرود / اعملي زي ما قولت.... هو كل البنات كده ولا اي
ابريس وهو ينظر بملل لميسره / هيا نفذي ما قال ميسره ولا تجادلي حتي نتمكن من الخروج من هذا المأزق
هزت ميسره رأسها ونهضت هي وابريس بهدوء ونظروا لهؤلاء الرجال وجدوهم ينظرون لهم بحده
احد الرجال / من انتم وماذا تفعلون علي حدود مملكه الافاعي
ابريس ببسمه حانقه / حمدلله علي السلامه يا ميسرة وصلنا مملكه الافاعي
ميسره ببسمه لهم / طبعا لو حلفنا لكم اننا جئنا في سلام مش هتصدقونا
تحدث احد الرجال للباقين / يبدو انهم ليسوا من هنا فلغتهم غريبه علينا لنأخذهم للملك وهو يتصرف معهم
ميسره وهي تتحدث / ودلوقتي يا باشا هنعمل ايه
ليث وهو يبتسم ببرود / روحوا معاهم بهدوء خالص
ميسرة / احيه ده هيقتلنا
ليث بهدوء / مش عشان توصلوا لكهف الجنوب لازم تمروا من القريه دي
ابريس وهو يهز رأسه / اها
ليث وهو يبتسم / يبقي تمام امشوا معاهم ونشوف الملك لو مسالم يبقي خير مش مسالم يبقي هتصرف واطلعكم متخافوش
ميسره وهو تبتلع ريقها/ استر يارب استرها يارب
تحدث احد الرجال وهو يدفعهم بحده/ توقفوا عن التحدث هكذا ثم مع من تتحدثين انتي ومن أين يأتي هذا الصوت
ميسره بتوتر / ااا.... انه لا شيء
تحدث أحدهم / اذا انتم تستطيعون المحدث بلغتنا اذا هيا سيروا أمامنا بهدوء
سارت ميسره بجانب ابريس وخلفهم الحراس يوجهون الحراب لهم
ميسره / آه يا ميله بختك يا ميسره مش بتلحقي ترتاحي ثانيه يا مسكينه
كريمة وهي تكمل / آه عيني عليكي ياختي منه لله المز اللي جانبك ده هو سبب كل المشاكل
ضحك ابريس بسخريه/ فعلا انا سبب كل المشاكل انا نموذج قذر فعلا
دفعه أحدهم من الخلف / هييي توقف عن الحديث الغير مفهوم وتحرك بهدوء
ليث بهدوء / تمام اقفلوا التواصل دلوقتي وأما توصلوا تواصلوا معايا لان انتم لو الحجر طاقته خلصت هيكون صعب يتشحن تآني وانتم هناك
هزت ميسره رأسها ومدت يدها واطفأت القلاده بينما تحدثت دانه بتعجب/ ليه يا ليث مقولتش ليهم يقاوموا ويهربوا
ليث وهو يضم دانه ويتنهد / لان يا جنيتي كده كده لازم يعدوا من خلال القريه دي اللي اسمها ممكله الافاعي فحتي لو هربوا هيهربوا علي فين اكيد علي القريه بس وقتها هيكون الكل واخد احتياطاتة منهم وواخدين موقف عدائي ده لو وصلوا للقريه ومكانوش الحراس دول خلصوا عليهم وأساسا ايه اللي يضمنهم ان مدخل القريه خالي من اي احتياطات وأنهم هيعرفوا يدخلوها بسهوله
اما بقي لو مشيوا معاهم بهدوء فده فيه خيارين يا يكون الملك بتاعهم مسالم ويسمح ليهم انهم يمشوا او يكون مش مسالم ووقتها هيكونوا بالفعل في القريه ويقدروا يهربوا منها ووقتها بقي انا هقولهم الطريقه علي حسب دراستي للوضع اللي هما فيه
كريمة وهي تصفق وتصفر / الله عليك يابني ربنا يحميك لمصر يارب
نظر لها ليث وابتسم بيأس منهم
نهض مراد ونظر لطمطم واشار لها / طب يا جماعه عن اذنكم هاخد طمطم عشان هنشتري حاجه كده
كريمة وهي تنهض / طب يلا عشان منتأخرش
مراد بسخريه / آيوه وانتي ايه دخلك فينا
كريمة وهي تبتسم باستفزاز / منا مش هينفع اسيبكم لوحدكم لان أولا هكون محرم وثانيا مش هفوت الفرصه دي عشان افرسك يا مراد
مراد وهو ينظر لصلاح ويشير له / شوفت عشان لو صحيت في يوم لقتها اختفت متبقاش تستغرب هي راحت فين.
ثم نظر لكريمة / بعدين يا أخت كريمة مش محتاجين محرم يا ماما لان عمي مهران مستنينا وهنفوت عليه ثانيا انا هوريكي يا جذمه إزاي تفرسيني يلا يا طمطم
ثم اخذ طمطم وخرجوا من المنزل بينما الجميع يضحك علي ملامح كريمه التي تكاد تحترق
ليث وهو ينظر لدانه ويغمز لها /ماتيجي نتمشي شويه
كادت دانه تجيب عليه لولا سماع الجميع لصوت أمرأه تدخل للباحه الاماميه حيث الجميع وتتحدث بتذمر / الله فين الشباب اللي هنا يطلع يجيب الشنط اكيد مش هتخلوا آنسات هما اللي يشلوا الشنط وانتم قاعدين
دخلت خلفها فتاه تضع ميكب كثير وتتحدث بتكبر / اووف يا مامي الشنط تقيله آوي
الام نجلاء / خلاص يا اميره الشباب هنا كتيره اهي هما هيشلوها
نظرت اميره للجميع ودخلت اختيها سلمي و اسماء  ونظروا للجميع بانبهار
تحدثت سلمي بدهشه / الحقي يامامي ده فيه شباب قمامير كتير اوي هنا
نجلاء بهمس / اخرسي يا بت هتفضحينا ويقولوا مدلوقه
نظرت دانه لهم بعدائيه ثم نهضت وجذبت ليث خلفها / طب يا جماعه انا وليث هنخرح نتمشي اسبوع كده يكون الفرح خلص والدنيا بقت هاديه يلا ياليث
نظر ليث لها بتعجب وهي تسحبه خلفها بسرعه بينما اميره نظرت لليث بانبهار شديد وتحدثت ببسمه لعوب / اسمه ليث حلو الاسم آوي
بينما كانت دانه علي وشك الخروج فوصل لمسامعها همس أميرة فتوقفت واحمرت عيناها بشده وتركت يد ليث الذي كان يتعجب تصرفاتها ذهبت دانه ووقفت امام اميره وتحدث بصوت وبسمه مرعبه جدا قد اكتسبتها من فتره بقائها مع ليث في مكان واحد / قولتي ايه يا ننوسه عين بابا وماما
اميره وهي تنظر لها بحاجب مرفوع / قولت ايه مش فاهمه انا بس قولت اسمه حلو امال لو قولت انه....
ضحكت دانه ضحكه بلا روح  مقاطعه كلامها واعادت رأسها  للخلف ثم وفجأه ضربتها بمقدمه رأسها بشده فصرخ الجميع برعب بينما دانه امسكت شعرها وجذبتها بحده وتحدثت بفحيح / من أولها كده ليث لا ياروح امك فاهمه انا مش هفضل احذر كتير ليث no اعيد تآني ولا وصلت
بينما الفتاه كانت لا تعي شئ من ألم رأسها وهي تري الدنيا تدور حولها دانه وهي تعدل حجاب الفتاه وتتحدث برقه مخيفه / أنا مش بحب ازعل حد مني والله وبحب اضحك واهزر بس لحد ليث
اقتربت منها لهمس / وفرملي عشان بتقلب بجنون معايا
ثم تركتها وذهبت وجذبت يد ليث خلفها وهي تستشيط
بينما نجلاء صرخت بغضب في الجميع / بقي ده استقبالكم لينا كنتم هتموتوا البنت
صلاح بسخريه / والله يا عمتي بنتك اللي غلطت بتعاكس في الراجل قدام مراته
رفعت اميره رأسها له بصدمه / مراته
كريمة بسخريه / آه يا دلوعه مراته
نجلاء / خلصنا اتفضلوا لو سمحتوا هاتوا الشنط
صلاح وهو ينهض بملل / حاضر يا عمتو لو سمحتي خدي البنات وادخلي جوه عشان زي ما انتي شايفه فيه ضيوف هنا تحدث وهو يشير لحسام وجاسر
تحدثت سلمي بتذمر / يا سلام واشمعنا يعني نسرين وكريمة يفضلوا هنا
كريمة وهي تضع قدم علي قدم /وانا زيك يا عره انتي
هز صلاح رأسه بيأس منهم /مش هنخلص هروح اجيب الشنط
نظرت اسماء له وهو يخرج وتحدثت بهيام / شايفه يابت يا سلمي قمر إزاي ولا مشيته كلها رجوله كده و...
لم تكمل كلامها فقد تعرقل صلاح وسقط أرضا
بينما كريمة ضحكت بشده / العين رشقت ياباشا
سلمي بضحك علي اختها / طب بطلي لأحسن الواد كان هيتكسر بسببك اهو
اسماء بتذمر / ليه يعني هحسده ولا هحسده مهو قام زي الأسد اهو
وهنا سقط صلاح من علي درج المنزل وهو يصرخ / حسبي الله فيكي يا بومه انتي اااااه
بينما كريمه ركضت برعب / صلاح يانهار اسود
اسماء وهي تنظر بخوف لصلاح / متخافش يا صلاح بإذن الله مفيش حاجه وهتقوم زي.....
كريمه وهي تقاطعها / بس بس اخرسي يخرببتك. هيموت مننا
نظرت اسماء  بتذمر وصمتت بينما اميره دخلت المنزل وهي تفكر في طريقه لرد اعتبارها من دانه وايضا لفت نظر ليث
بينما جاسر وحسام كادوا يموتون من الضحك لما حدث لصلاح
تحدثت نسرين بحنق / تعالوا شيلوه معانا لحد جوا
ذهب حسام له وسانده / قوم يا ضنايا قوم وخليك أسد كده
صلاح وهو يضع يده علي ظهره / أسد.... أسد ايه بقي ده لحد ما الزياره دي تخلص هكون قطه حسبي الله فيكي يا اسماء يام عين مدوره
بينما جاسر يسير خلفهم فنظرت له سلمي بهيام /انت مصري
نظر لها جاسر ببرود /اممم فيه حاجه
كادت سلمي تتحدث ولكن قاطعتهم نسرين بحده / اتفضلوا يا جماعه ندخل جوه اتفضلوا
دخل جاسر وهو يبتسم علي غيرتها ولحقته نسرين
بينما سلمي نظرت لوالدتها / هو ايه أصله ده كل ما وآحده فينا تكلم شاب منهم تطلع لينا وآحده زي العمل كده وتقطع عليها
نجلاء ببسمه خبيثه /متستعجلوش لسه قدامنا وقت

دخلت طمطم للمركز الذي تتلقي فيه العلاج ثم ذهبت لكي تتجهز بينما مراد كان يقف في الخارج وهو يقوي نفسه لأجلها هي فقط لا يجب أن يضعف اخذ نفس بهدوء ثم طرق الباب ودخل نظر وجدها متسطحه وتنظر للسقف برعب ودموعها تسقط دون أن تشعر اقترب مراد منها وانحني امام وجهها وهمس بحنان / بطوط قلبي ليه زعلانه لا وبتعيط كمان
طمطم وهي تبكي بشده / خايفه آوي يا مراد بتوجع آوي آوي
نظر مراد لدموعها بضعف / لما بشوف دموعك بحس اني ضعيف لاني مقدرتش امنع دموعك دي
طمطم وهي تنظر له بحزن / لا يا مراد متزعلش بس انا...
مراد ببسمه / كنت حابب اقولك بس اني دي اخر مره هحضر معاكي الجلسات
امسكت طمطم يده بخوف / لا لا يا مراد متسبنيش زي المرة اللي فاتت خليك جانبي ومعايا يا مراد
مراد ببسمه وهو يضحك بخفوت / يابنتي خليني اكمل كلامي كان قصدي ان دي اخر مره هحضر الجلسه كابن عمك بس هحضرها كزوجك يا زوجتي العزيزة
نظرت له طمطم بدموع اكثر وهي تبتسم / بجد يا مراد بس مش....
مراد وهو يقاطعها / اششششش مفيش بس يا قلبي خلاص انا قررت واخر الاسبوع هنفذ يا عمري انتي
جاءت الممرضه / احم احم دكتور مراد كل حاجه جاهزه
نهض مراد ونظر لها وهز رأسه ثم نظر لطمطم الخائفة ببسمه مشجعه وهمس لها / عايزك يا طمطم لو حسيتي بالم اصرخي ومتكتميش ألمك يا حياتي اتفقنا
هزت طمطم رأسها ببسمه ضعيفه وخائفة
فبدأ مراد يجري لها الجلسات بينما هي تتألم وتحاول ان تتحمل ومراد بجانبها يبتسم لها ويشجعها

كان الحراس يدفعون ميسره وابريس تجاه أحدي البوابات المحكمه الغلق فتحدث أحدهم فتم فتح البوابه ودخل الجميع نظرت ميسرة حولها وجدت كل شئ عليه رمز الافعي وهناك بعض المباني علي شكل افعي ميسره وهي تكاد تبكي / لا اللي بيحصلي ده عمل سفلي اكيد
ابريس وهو يمسك يدها / اشششش اهدي يا قلبي هنعديها زي ما عدينا اللي فات بس ثقي بالله وكمان دلوقتي معانا حد يساعدنا ويبدو انه عارف هو بيعمل ايه
هزت ميسره رأسها وشعرت بشئ في ظهرها نظرت وجدته احد الحراس يدفعها لدخول قصر عملاق نظرت ميسره وجدت هناك تمثالين الافعي علي مقدمه للقصر ابتعلت ريقها وهي تتحدث بخفوت / ياتري المره دي هنلاقي ايه
ضحك ابريس بخفوت / هنشوف
دخل الجميع للقصر ثم أخذهم الحراس لقاعه كبيره تتوسط القصر نظرت ميسره حولها ثم تحدثت / المشهد ده بينعاد للمره التانيه في حياتي اول مره لما جيت هنا اول يوم وست والحراس اخدوني لحورس كنت واقفه نفس الوقفه بس تعرف المره دي انا فرحانه تعرف ليه
ابريس بسخريه / اشمعنا يا ختي
ميسره بضحكه كبيره / عشان مش انا لوحدي اللي وقفت الوقفه دي يا كبير
نظر إليها ابريس بغيظ ثم تجاهلها ثواني وكان هناك أحد الأطفال يخرج من أحدي زوايا القاعه ويقترب من ميسره ثم اخذ يمسك في قدمها وايضا في ثيابها ميسره بملل / يا جدعان اللي ليه عيل يبعده بلاش قرف بقي
ولكن الطفل مصر علي جذب بنطال ميسره
ميسره بغيظ / كخ  يا حبيبي يلا روح لأمك بدل ما ازعلك
ثم ضربته بقدمها بعيدا فعاد و
جذبها  الطفل اكثر فضربته ميسره علي رقبته من الخلف / بس يابابا كدة عيب الله يحرقك دماغ العيال باظت سيب ام البنطلون يا حبيبي
انتفض الحراس عندما قامت ميسرة بضرب الطفل ثم ضرخ أحدهم / كيف تجرئين علي لمس الملك أيتها الغبيه
نظرت ميسره لابريس الذي ينظر بتعجب لما يحدث بينما هي تحدثت / أنتم هتجبولي بلوه ملك مين اللي المسه بس صلوا علي النبي هو أنا شوفته
احد الحراس بصراخ / توقفي عن هذا وتحدثي بلغتنا وانحني للملك يا غبيه
ميسره بحنق / أين هو الملك
شعرت بالطفل يجذبها فدفعته بيدها لبعيد / بس يابابا
احد الحراس / للمرة الثانيه تلمسين الملك هل تريدين الموت
ميسره بسخريه / ملك مين و...
صمتت قليلا ثم نظرت للأسفل حيث الطفل واشارت له بصدمه/ هذا الملك
احد الحراس / نعم قدمي له الاحترام وانحني له
ميسره بسخريه / احيه ده ملك مين يابا بعدين انحني إزاي لا مؤاخذه امدد علي الارض
ابريس وهو يكتم ضحكته / ميسره اعتقد ان هذا ليس طفل بل قزم اي انه كبير في السن ولكن جسدة هو الصغير
نظرت ميسره للملك مجددا وضربت كف علي كف / لا حول ولا قوه الا بالله العلي العظيم ليه بس كده معلش يا صغنن بكره تكبر ده ملك إزاي بس صحيح يوضع سره في أضعف خلقه
تحدث الملك واخيرا وهو يبتعد عن ميسره ثم يجلس علي عرشه / من انتم ولما كنتم علي حدودنا
ميسره وهي تنظر لابريس / المفروض اني اخاف وهو بيكلمني يعني ولا اي
ابريس وهو يزجرها بعينه / احم مولاي ملك الافاعي نعتذر عن اقتحام مملكتك دون حق ولكن نحن لم نأتي لأي  اذي بل فقط كنا نريد المرور للكهف الجنوبي
تحدث الملك وهو ينظر لميسره / حسنا يمكنني السماح لك بالمرور وأعطيك امددات أيضا ولكن مقابل ذلك سوف تترك لي هذه الفتاه
ميسره وهي تتحدث بتذمر / يعني يوم يارب ما حد يعبرني يبقي البيبي ده ويوم ما ابريس يعبره حد يكونوا حوريات صحيح المنحوس منحوس
ابريس وهو ينظر لها بصدمه / ياخربيتك احنا في إيه ولا إيه
ميسره / إيه يعني هنراضيه بمصاصه ونمشي
تحدث الملك لابريس / ماذا قلت
ابريس وهو يتقدم له وتحدث بهدوء / اعتذر مولاي ولكن هي زوجتي ولا يمكن لي أن اتركها
أشار الملك لحراسه الذين احاطوا ابريس / اذن هي لي وانت ستعاقب لرفضك امر الملك
ميسره باستخفاف / والنبي يا جدعان بطلوا هزار واللي ليها عيل تيجي تلمه بلاش قرف بقي في يومكم اللي مش هيعدي ده  قال ياخدني قال روح يا قمر غير البامبرز يلا
نظر الملك لها بحده / انتي كيف تتحدثين معي بهذه اللهجه
ميسره بسخريه / ياغتي يا غتي عسل اوي الواد ده
فجأه وجدت الحراس يجذبون ابريس بحده معهم فنظرت لهم بشر ثم اخذت تحاول منعهم ولكن جاء باقي الحرس ليسحبوها بعيدا عنه
وضع الحراس ابريس في قفص ملئ بالثعابين بينما ميسره تصرخ بشده ان يتركوه ولكن اخذوها لغرفه كبيره والقوها بها وهي تطرق الباب بعنف وتصرخ ان يتركوها نظرت خلفها وجدت الغرفه مجهزه من كل شئ فجلست في الأرض واغمضت عينها فجأه تذكرت القلاده وهمست بامل / ليث

كان ليث يقف مع دانه في حديقه عامه وهي فقط تنظر بضيق امامها فاقترب منها وضمها من الخلف / الباشا زعلان ليه
استدرات دانه له وتحدثت بغيظ / يا سلام يعني مشوفتش العقربة وبناتها ولا الجذمه اللي ماشيه تعاكس فيك
ليث ببسمه وهو يعيد شعرها للخلف / طب وايه يعني
نظرت له دانه بحده فامسك هو يدها وذهب لاحدي المقاعد وجلس عليها ثم قربها منه بحنان ووضع يده علي كتفها بتملك وتحدث بعشق / هو ينفع بلاك يكون غير لجنيته
هزت دانه رأسها برفض
فاكمل ليث ببسمه اكبر وهو يمرر يده علي وجنتها / طب ينفع دانه تكون غير لليث
دانه وهي تهز رأسها برفض / تؤتؤ
ليث ببسمه اكبر وهو يضم وجهها ويضع جبينه علي خاصتها / طب هو عمر ست في الدنيا دى لفتت نظر بلاك ليها غير جنيته
رفعت دانه نظرها له وابتسمت بعشق ثم قبلت خده بحنان وتحدثت بنبرة عاشقه للنخاع / بلاك طول عمره لجنيته من وقت شافها وهي صغيرها ودانه دايما لليث من وقت ما عينها وقعت عليه وهي بتشتغل معاه من وقت ما قلبها كان بيدق بسرعه جنبه وهو بقي مقدر ليها
رفعت نظرها له وابتسمت وهي تضمه / تعرف يا بلاكي لما طلبت منك الطلاق زمان
ضمها ليث بشده علي أثر تلك الذكري السيئه فاكملت هي بعشق /وقتها كنت بقول كده وخلاص عشان بس انا كنت مجروحه من كذبك عليا بس من جوايا عمري ما كنت هسيبك حتي لو وافقت انت علي الطلاق انا وقتها اللي كنت هقفلك يا بلاكي
ابعدت نفسها عن احضانه ونظرت في عينه بعشق / قلبي مش حمل يبعد عنك ثانيه يا ليث قلبي
ابتسم ليث وقبل خدها برقه / لولا اننا في الحديقه كنت عملت فعل فاضح في الطريق العام
ضحكت دانه بصخب عليه بينما هو سمع رنين الهاتف فاجاب بتعجب / الو يا جاسر
جاسر بلهفه وتوتر / ليث بسرعه ارجع ميسره في مصيبه

قبل ذلك في المنزل

كان الجميع يجلس في الساحه بما فيهم طمطم التي كان يبدو عليها التعب الشديد وايضا مراد الذي كان يركز معها فقط
تحدثت نجلاء بحنق / إيه يا مهران يعني مجتش تستقبلنا يعني
مهران بملل من اخته / مكنتش فاضي يا نجلاء بعدين يعني انتي صغيره عشان متعرفيش تيجي لوحدك
نجلاء وهي تنظر له بتذمر / بس معايا بنات يا اخويا يا بن امي وابويا واحنا لوحدنا
مهران بسخريه / نجلاء يا حبيبتي الموقف علي أول شارعنا يعني هتنزلي من العربيه هتمشي الشارع هتكوني قدام البيت ليه بقي عامله مناحه
تدخل سالم ليهدأ الجو / خلاص يا نجلاء حصل خير المره الجايه هاجيلك بنفسي عشان نستقبلك بعدين يا جماعه
احنا في فرح افردوا وشكم كده وكمان بدل كتب الكتاب هيبقي آتنين
نظر الجميع له بتعجب فابتسم ونظر لجاسر ونسرين / الاستاذ جاسر اتقدملي وطلب ايد نسرين وانا وافقت وبأذن  الله كتب الكتاب مع مراد
نهض الجميع ليهنئ جاسر ونسرين بينما جاسر غمز لنسرين التي خجلت بشده وتذكرت لقائها مع والدها الذي اعترف بذنبه انه ظلمها بخطبتها الاولي واخبرها بعرض جاسر فخجلت وفهم هو ردها وايضا أخبرها اقتراح جاسر بكتب الكتاب فوافقت بخجل شديد
نظرت سلمي لهم بقهر وهمست لاميره / شايفه شايفه كلهم هيتجوزوا واحنا خلينا قاعدين كده مش عارفه هو احنا وحشين ولا إيه
اسماء وهي تركز مع صلاح / اصبري بس يا سلمي وقريب آوي هتفرحي يا قلبي
سمعتها كريمة ولاحظت نظراتها لصلاح فابتسمت بسماجه وحملت صينيه المشروبات واقتربت / خدي يا سمكه يا حبيبتي اشربي
ثم أسقطت عليها المشروبات ووضعت يدها علي فمها وهي تتصنع الصدمه / اوووه يا نهاري ايه ده اسفه والله اصبري اصبري
ثم أحضرت كوب الماء وسكبته عليها / عشان بس العصير مايبهدلش اللبس
فصرخت اسماء اكثر /يا حيوانه انتي بتعملي ايه اوعي كده
ثم دفعت كريمة فسقطت أرضا علي كوعها
نظر الجميع لها ونهض صلاح برعب يعرج علي قدمه إليها / كريمه
أشارت كريمة ليصمت ثم نفضت ثيابها ببرود
بينما نسرين نظرت برعب لطمطم فكريمة ستقتلها بالتأكيد هذه المره
نهضت كريمه ونظرت لكوع يدها وابتسمت بسمه مرعبه ثم هزت رأسها ببرود ودخلت للمنزل بهدوء ارعب الجميع
بينما اسماء نظرت في اثرها وهي تسبها
نجلاء لاسماء / خلاص بقي يا اسماء انتي الكبيره
كادت اسماء تجيب ولكن فجأه شعرت بماء يُسكب عليها نظرت وهي تشهق بفزع وجدت كريمة تمسك دلو كبير وسكبته عليها صرخت اسماء بينما نهضت اميره وصرخت بكريمة / انتي مجنونه ولا إيه
رفعت كريمة اصبعها بتحذير في وجه اسماء وهي تتجاهل أميرة / قسما بالله ايدك القذرة دي تترفع عليا تآني هتتقطع فاهمه واتعودى يا قمر متبصيش لحجات غيرك عشان مفقعش عينك 
ثم كادت تذهب ولكن توقفت مره واحده واستدارت لها وتحدثت ببسمه بارده / صحيح ابقي شوفي بقي معطر حلو عشان ريحتك هتفوح شويه كده أصل يعني المايه كانت قاطعه فاتصرفت
ثم غمزت لها ودخلت للمنزل وهي تبتسم بسخريه /وحياه الغاليه لوريكي يا بنت نجلاء المعفنة
بينما نيره كانت تهبط من الأسفل بعدما صعدت لتستحم ولكن رأت كل شئ فصفرت لكريمة وهي تضحك / البت دي معلمه سلمت يدكي يا اختااه
بينما طمطم ونسرين لم يتحملوا فانفجروا في الضحك علي شكل اسماء عندما عرفت ان هذا الماء هو الماء الذي يضعونه امام الطيور والبط  التي تربيها والدة كريمة وانتشرت رائحة قذره جدا فنظرت اسماء للجميع بغضب ثم ركضت للداخل وهي تبكي وتصرخ انها ستجعل كريمة تندم وبشده
بينما اميره نظرت لهم بتكبر وسارت وهي تتجاهلهم
نيرة بسخريه علي اميره وهي تمر بجانبها / جرا ايه يا عروسه بتتمختري ولا كأنه سلم الكوشه بتاعتك
ثم اقتربت منها وهمست بجديه / ولا نسيتي روسيه دانه دي لسه معلمه حتى يا قطه
ثم ابتعدت عنها وأخذت تضحك بشده علي ملامحها وذهبت للجميع
بينما نجلاء اخذت سلمي وانسحبت للاعلي وهي تشتكي وتصرخ وتندب
بينما مهران نظر بيأس لهم / كريمة دي مش هتتعلم أبدا يلا يا احنا يا سالم نشوف مشاغلنا
ثم خرجوا من المنزل بينما حسام انفجر ضحكا / اخيرا كنت هموووت وانا كاتم الضحكه يخربيتكم ايه العيله دي هي وعيالها ملزقين آوي
نسرين وهي تتحدث بقرف / ده انت لسه مشوفتش حاجه ده بس عشان لسه مستريحوش من السفر وتعبه وبعد كده هتلاقيهم بيعملوا عروض أروع وأروع وسبحان من يصبر كريمه عليهم كل مره يجوا هنا لازم كريمة تعلم علي واحده منها وتعملها عاهه مستديمه
حسام وهو يضحك بشده / كريمة ديه بتفكرني بحد كده
نظرت له نيره بغيظ
شعر جاسر باهتزاز القلادة في جيبه فاخرجها ونظر وجد ميسره تنظر لهم بيأس وتحدثت وهي تجلس بتعب / كالعاده يا شباب مصيبه جديده
حسام بتعجب / إيه اللي حصل
ميسره / شغلوا الصوره عشان مش هعرف اتكلم كده
ضغط جاسر علي الزر وتحدث / في إيه يا ميسره الملك طلع مش مسالم يعني
ميسره بضحكه / الملك طلع بيبي يا أخ جاسر
جاسر بتعجب / بيبي قصدك يعني الملك بيبي الثاني ولا إيه
ميسره بضحكه / لا الملك طلع بيبي بالمعني الحرفي اللي هو طفل هو مش طفل آوي بس هو حجمه تقريبا أربعين سنتي لو هكرمه يعني
نظر الجميع لبعضهم بتعجب
ميسره بتنهد / هو فين ليث لازم يساعدني اخرج من هنا عشان هو حبس ابريس في قفص افاعي والواد ياعيني زمانه متبهدل يا عين امه دلوقتي
نيره وهي تنظر حول ميسره / بس شايفه المكان حواليكي محترم انا رأي كده تدخلي تاخدي دوش وتغيري وتريحي ساعتين بعدين نفكر بالراحه كده إزاي نخرج المسكين ده
حسام وهو يضربها / اخرسي انتي عشان بتعملي مشاكل لما تتكلمي بعدين لحد ما تعمل اللي انتي بتقولي عليه ده يكون الجدع مات
ميسره / فين كريمة وليث ودانه
نيرة وهي تضحك/كريمه فوق بتهدي نفسها وليث ودانه بره بيروقوا علي نفسهم
اخرج جاسر هاتفه وحدث ليث ودانه الذين كانوا بحديقه بجانب للمنزل فقط عشر دقائق سيرا ويصلوا
هبطت كريمة من الأعلي وهي تنظر لهم بحده / آه يا جذم كده تبدأوا من غيري.... بت اميسره ايه اللي حصل
ميسره وهي تنظر لكريمة / شوفتي اكرميلا الراجل الاوزعه عايزني ابقي من النساء بتوعه
كريمة / مين الاخ ده
ميسره بحنق / ملك الافاعي بيقول لابريس سيب البنت دي
اكملت كريمة / واعطيك ميت بجره
ميسره وهي تنظر لها بقرف / أنا إللي بجره اني بكلمك
وصل ليث ودانه فجلس ليث وتحدث بهدوءه / ها ايه اللي حصل وبالتفصيل
حكت ميسره كل شئ حدث فابتسم ابريس بخبث
فقالت دانه بخوف / يا ستير يارب فيه مصيبه هتحصل بعد البسمه دي
نظر لها ليث وغمز لها / حبيبي اللي عارفني
ثم نظر لميسره / دي نقطه لصالحنا ان انتي عجبتي الملك
ميسره بتعجب / ازاي
ليث وهو ينظر لها بتركيز / اسمعي اللي هقوله وتنفذيه بالحرف الواحد
هزت ميسره رأسها فتحدث ليث بخبث شديد / اسمعي بقي الملك معجب بيكي يعني إيه.... يعني شويه وهيطلبك ليه وانتي قولتي انه قله واوزعه صحيح دي نقطه عايزك بقي تنفردي بيه عشان
وضعت كريمة يدها علي اذن نيرة / استغفر الله العظيم استغفر الله العظيم
نيرة وهي تنزع يدها / اوعي يابت عايزه اسمع
كريمة / اختاااه هذا منكر وفاحشه
نيرة وهي تنظر لميسره / ملكيش دعوه انا هتفرج علي المنكر
كريمة / اختاااااه احذري
ليث بتحذير/ لو سمعت نفس منكم هغربلكم بالمسدس ده
ثم اخرج مسدسه
كريمة / خرسنا اهو
نظر لها ليث بحاجب مرفوع ثم اكمل / لما يطلبك هتعملي اللي هو يقوله حسسيه انك مش معترضه علي وجودك وان انتي موافقه وكل حاجه خليه من الاخر يأمن انه يقعد معاكي لوحدكم من غير حراس لاغيه وخليه يصرف اي حد من الغرفه اللي هيطلبك فيها
هزت ميسره رأسها / ولو مطلبنيش دلوقتي لسه هستني ده يكون ابريس راح في شربه ميه
ليث بغموض وهو يبتسم / هيطلبك الناس دي بتحب الجديد يعني وآحده جديده اكيد هيحب يجربها
كريمة وهي تنظر له وتحذب نيره وتغطي اذنها  / يا أخي معانا أطفال هنا
ليث وهو يزفر بضيق / حد يشيل البت دي من هنا عشان والله هقتلها
ثم نظر لميسره / سمعتي اللي قولته حاولي باي طريقه ممكنه تكوني معاه في مكان لوحدكم تمام
ميسره وهي تهز رأسها بايجاب/ تمام طب وبعد كده
ليث ببسمه مرعبه / بعد كده دي هقولك عليها وقتها

بينما ابريس كان في القفص ينظر حوله لكم الافاعي الموجوده في القفص معه اخذ يحاول البحث عن أي شئ يمكنه ان ينقذه ولكن لم يجد شئ نظر لهم برعب واخذ يحاول ان يشجع نفسه وان يفعل اي شئ لينجو من هنا بميسره فتح عينه ولكن الافاعي مازالت مكانها لم تتحرك نظر لها بتعجب شديد كيف ذلك
سمع صوت خلفه / انها لا تتحرك الا بأمر من الملك
نظر وجدها أمرأه اقتربت الفتاه من القفص ونظرت له باعجاب شديد / إن الافاعي تتحرك بأوامر الملك فقط وهو عندما وضعك بالقفص لم يأمرهم بمهاجمتك
نظر لها ابريس بتعجب ثم نظر للافاعي بحيره بينما اقتربت الفتاه اكثر وتحدثت بتعجب / ولكن لما سجنك الملك
ابريس بسخريه / لا شئ فقط خلاف بسيط بيننا
تحدثت الفتاه وهي تنظر له بدقه / انت وسيم كثيرا اتعرف ذلك
نظر لها ابريس بدقه وتذكر حديث ميسره (يعني يوم يارب ما حد يعبرني يبقي البيبي ده ويوم ما ابريس يعبره حد يكونوا حوريات صحيح المنحوس منحوس) ضحك ابريس بشده وهو يهز رأسها بيأس حتي في أصعب الاوقات تمزح ولا يهمها شئ أبدا
نظرت له الفتاه باعجاب شديد / ضحكتك جميله جدا
ابتسم ابريس بسخريه ولكن سرعان ما تحولت لخبث / اممم وانتي جميله ايضا
نظرت له الفتاه بتعجب / حقا انا جميله
ابريس ببسمه مغازلة / لا بل ساحره هذه أول مره اري فتاه جميله في مملكه الافاعي
الفتاه بتعجب / هل أتيت هنا سابقا
هز ابريس رأسه / نعم هذه ثاني مره لي هنا واول مره اري جميله مثلك
الفتاه بفرحه / حقا هل تعلم هذه أول مره يتحدث معي احد هكذا
هز ابريس رأسه ونظر لها ثم غمز لها وتحدث ببسمه لعوبه / عندما يسمح لي الملك بالخروج من هنا سوف نتحدث كثيرا
تحدثت الفتاه بلهفه / أنا يمكنني اخراجك
نظر لها ابريس / حقا وكيف ذلك فالملك هو من يمكنه فقط اخراجي
الفتاه ببسمه متلهفه / لا انا ايضا يمكنني الحصول علي مفتاح الملك فهو اخي
نظر لها ابريس بتعجب / كيف ذلك
الفتاه وهي تبعد شعرها للخلف / اخي غير الشقيق ولكن انا يمكنني الحصول علي المفتاح اسمع عندما يحين الليل سيذهب الملك لجناح أحدي نسائه وانا سأحضر المفتاح واخرجك وبعدها سوف نذهب من هذه المملكه المقيته فأنا لا احبها أبدا
اغمض ابريس عينه هو لايحب خداعها ولكن ماذا يفعل حياته هو وميسرة معرضه للخطر / حسنا موافق ولكن انتبهي لنفسك
فرحت الفتاه بشده لخوفه عليها ثم قالت وهي ترحل / حسنا لا تخاف سأكون بخير الي اللقاء الان سنلتقي ليلا عندما يذهب الملك لفتاته الجديده
اوقفها ابريس بتعجب / فتاته الجديده ماذا تعنين
الفتاه وهي تهز رأسها / الفتاه الجديده يقال انه وجد فتاه اليوم حقا اشفق عليها فأخي هذا مختل هو يعذب الفتيات فقط
وقع قلب ابريس برعب وتحرك بعنف / اسمعي يا
تحدثت الفتاه ببسمه / سمارا
ابريس وهو ينظر لها بجديه / حسنا سمارا اسمعيني جيدا هل... هل يمكنك اخراجي قبل ذهاب الملك للفتاه
نظرت له سمارا بتعجب / كيف ذلك اظن انني لن استطيع
ابريس بلهفه شديده ورعب/ لا لا ارجوكي حاولي ارجوكي فقط حاولي قبل أن يمس الفتاه بسوء
نظرت له سمارا بتعجب / وما علاقتك بالفتاه
ثواني وشهقت وعادت للخلف بدموع / هي هي حبيبتك انت هو من جاء معها كنا سمعت من الحراس
نظر لها ابريس بحزن وهز رأسه / اسف لم أكن اريد ان اخدعك ولكن انا انا....
قاطعته سمارا وهي تشير له بالصمت وترحل بينما هو اخذ يضرب القفص بغضب شديد جدا

نظرت ميسره للباب الذي اخذ بالطرق
ليث بهدوء / افتحي الباب وشوفي
ذهبت ميسره لفتح الباب وجدت احد الرجال يحمل ملابس واشار لها / الملك يخبرك ان تتجهزي فهو بعد قليل سيستضيفك في جناح الجواري الخاصه به
نظرت ميسره له بصدمه وكادت تتحدث ولكن الحارس ذهب سريعا دون انتظار رد
دخلت ميسره وهي تحمل الثياب بتعجب / يا بركة... الملك بعت زي ما قولت ياباشا
ضحك ليث ببرود / وده المطلوب يا باشا دلوقتي تجهزي عشان الليله هتكون طويله
ميسره وهي تنظر له بشك / مش مطمنه ليك ياباشا
ليث بضحكة خبيثه / ليه بس ده هيحصل كل خير
أشارت دانه لليث انها ستصعد لتحضر حقيبتها فهي قررت أن تذهب للفيلا فهي لن تنام هنا مع وجود هذه الحرباء وبناتها هز ليث لها رأسه ببسمه بينما عاد ليحدث ميسره
نزعت ميسره القلاده وذهبت للحمام وارتدت الثياب وخرجت وامسكت القلاده ونظرت لهم بتذمر / هو قصده ايه باللبس ده
كتمت كريمة ضحكتها / إيه بس يا ميسره متاخديش الموضوع بشكل شخصي
نظرت ميسره لنفسها فقد كان فستان طويل من جلد الافاعي وعلي شكل حيه / هو اكيد مش قصده حاجه يعني صح
كريمة بضحكه عاليه / لا لا توكلي علي الله قمر ماشي معاكي
ميسره بحده / اصبري بس عليا يا كريمة الكلب
سمعت ميسرة طريق علي الباب فذهبت وجدت حارسين فذهبت معهم حتي وصلوا لجناح الجواري دخلت وجدت الجناح ملئ بالحراس وآلات غريبه نظرت لهم برعب بينما ليث نظر للمكان بتعجب شديد ماهذه الآلات انها..... يالله الآلات تعذيب
تحدث ليث بجدية / ميسره اسمعيني كويس
ميسره وهي تنظر حولها ثم وقع نظرها للملك الذي يرتدي فقط بنطال كبير وواسع وينظر لها نظره غريبه / ليييييث اتصرف الراجل ده شكله مرعب بجد

بينما كان ابريس ينظر من القفص بعجز وهو يصرخ بغضب شديد هو مقيد وميسرة الان اكيد تعاني سمع صوت همس بجانبه نظر وجدها سمارا وهي تبتسم له / هيا يارجل سوف اخرجك لتنقذ فتاتك
نظر لها ابريس بامتنان كبير / سمارا انا
سمارا وهي تحاول ايجاد المفتاح في حامله المفاتيح الكبير / لا تتحدث انا اتفهمك يا صديقي
ثم نظرت له بدموع / خذها وأخرج من هنا حسنا.
هز ابريس رأسه ونظر لها وهي تحاول إيجاد المفتاح المناسب / اسرعي ارجوكي
سمارا / حسنا أحاول انتظر قليلا
_ ماذا تفعلين انتي هنا
صدمت سمارا ونظرت خلفها برعب شديد فتحت فمها بصدمه بينما ذاك الحارس نظر لهم بشر كبير وابريس نظر له بغضب شديد

كانت دانه تصعد السلم وهي تفكر في قرارها هي ستظل طوال النهار مع الفتيات ولكن عند النوم ستذهب للفيلا الخاصه بهم زفرت بضيق وهي تصعد ولكن في ذلك الوقت كانت اميره قد رأتها وهي تدخل للمنزل لذا ركضت للمطبخ واحضرت زيت ثم سكبته علي الدرج ونظرت بحقد شديد للدرج وعندما رأت دانه تقترب من الدرج اختبأت جانبا وأخذت تشاهد بينما دانه كانت تصعد وهي لا تنتبه للدرج فجأه شعرت بشئ لزج تحت قدمها لم تكد تنظر حتي شعرت بجسدها يهوي من علي الدرج صرخت صرخه عاليه / ليييييييييييييييييييييث
وحينما وصلت لنهايه الدرج ارتطمت رأسها في حافه الدرج فشعرت بشئ لزج يسير علي وجهها واحاطت غيمه سوداء بكل شئ

ميسره بخوف وهي تري الملك ينهض وينظر اها بخبث ويتقترب منها / احم استاذ ليث لو فيه خطه يبقي ده وقتها
كاد ليث يتحدث ولكن سمع صوت افقده تركيزه وجعل ضربات قلبه تشتد والزعر يملأ ملامحه نهض بفزع وركض وهو يصرخ صرخة رنت في الارجاء / دااااااااااااانة

ميسرة ♥️
ابريس ♥️
ليث ♥️
دانة  ♥️

استووووووووب خلص الفصل يارب يكون عجبكم مش عارفه هو كويس ولا ايه لان اليوم عانيت من صداع رهيب أثر عليا وكنت بكتب وانا مش مركزه والله يارب تكون الاحداث كويسه مستنيه رأيكم وتوقعكم للي جاي
دمتم بخير
رحمة نبيل