على المامش،
شايل سنين العُمر شدّة أماني
ذايب بحبّ الناس والدنيا گصيفه
گلبك التعبان ما بطل نزيفه
يا طعم كل العراق الدايخ بليل
البنفسج .
- مظفّر .
ورد تلهث وعمتي خوله عاطت الحكو وداد راح تكتل نفسه بلمسدس الحكو عليه راح تنتحر طفر عمي باقر وابويه وجدي ركضو طلعو واحنه وراهم طبينه للبيت
وداد لازمه المسدسه وخالته على خاصرتهه وتعيط وماهر ومهدي كدامها واكفين جدي ركض هوه وابويه يردون يلزموهه عاطت والقرأن اضرب روحي لحد يتقرب
وجهه احمر مخرمش ويجري دم شعرهه منثور ودشداشته مشكوكه عليه متخبله
ابويه حجه بهدوء عمي بس عوفي خيولي
عاطت ماا ماا والقران اضرب نفسي وروح ابويا اكتل روحي عبالكم مااسويه شوفو
صعدته اليفوك بحركه سريعه ضربة طلقه صار بينه كلنه عطنه حتى ابويه دنك وجدي وجهه يبجي يريد يتقرب وصاحت شفتو
امي تعضعض باصابيعها ماهر ساكت بس مهدي ميت خوف الطلقه مدرين وين راحت بس سمعنه ضربت حايط وصوت الطلقه
بيبي صاحت اخذووو منهه راح تكتللها واحد رشييييد على بختك تحرك
عمتي تعيط ودكمز يمه بنتي ولج وداد عوفي يمه ولج تردين جلطيييني
بيبي شبيكم زلم انتو اربعه اخذو منهه
دار جدي وعاط كافي التفتح حلكه تعرف تكليفه
تأشر بلمسدس وعيونه دم شايفي هذا اكدر هسه اكتلكم بي واحد واحد تدرون منين ابدي بجدي لو ماهر
ابويه دمعته بعينه كله يابه بس عوفي ضيعين عمرج وتغضبين ربج وتخسرين حتى رحمته
..عموو تعبت والله جسمي بعد مايتحمل ضرب
ميخالف بابا ميخالف كلشي اله حل بس عوفي انطينيا حبيبتي بعد ابوج عوفي من ايدج
جدو صاح جدي انطي العمج لا تتهورين
زادت بلبجي انت اكثر انسان اكرهك واموت منك واتمنه تموت ونخلص من ضلمك
كال تمونين جدي تمونين بس عوفي تقرب ماهر يجره
عاطت والله اضربك لا تدنه
مااعرف شلون طب أمين فاتح عيونه ويرجف دفعهم وصار كدامها كلهه وداد باعيلي
صاحت شرايد تكمل وياهم عبالكم انطيكم المسدس وتتولوني ضرب
كعد كدامهه بعد متر هاي اني رافع ايديه فديوم مديت ايدي عليج بس يباوعله بخوف جاوبي هزت راسهه لا
عمي باقر راد يلوف ويشبكها لمحته بسرعه خلته على خاصرته
عاط امين لااااااااا اوكفي اوكفي
لا يتقرب لحد ياخذه
..هاي هيه والله محد يتقرب جر عمي باقر ودفعه صاح
العمامي لحد يتحرك ويدنالهه والقران شغلي يصير وياكم الكل اليتحرك احركه بعلي افني انطوني صبر
دار عليها وداد بس احجي وياي والله مااخلي احد يجيسج لا تعتبريني ابن عمج وكأنو احد موجود
شفتي شي مني
كالت أمين انت مالك دخل انت ساكت بس مطابقهم
لا لا والله ولا مطابقهم ولا راضي بليسوو بس جدي اله احترامه واني احترم قراراته
ضحكت أفااا رجال مشورب وتمشي وره جدك تدرون هذا اخر يوم اريد احجي كلشي واريح كلبي انتو عائله
نكسه عائله ديوثه تمشون وره جدكم وين شخصيتكم
رجال واحد يتحكم بيكم لعد هواي زلم ههههه
عمي باقر ماتحمل لزمه جدي وعصر ايده كله يابه ماتسمعها
كاله ولا حركه امشي اطلع
كالت شفتو بس كله اطلع
. .أمين كلهه وداد شرايده
بعد مااريد شي حجيت البكلبي وهاي هيه
...فرك وجهه سحب نفس متردين تزوجين
بجت همه حتى فرحت الزواج اخذوهه مني شخلولي
...تردي
ههههه بابا انت شتحجي اني روحي من الدنيا قيس
...واذا اكلج اني ازفج بيدي اله
جذاب
...وعيونج وروح عمي
وجدك
التفت الجدي كله جدي قابل انت
غمض عيونه هز راسه اي التريده يصير
باوعلهه سمعتي
بجت بحركه وصوت اني ورنيم ورد نرجف عليها بجينه على حالهه وعله صوتها بلبجي واذا جذبتو عليه والله مااتردد اكتل روحي اذا مو بمسدس بأي شي بسجين هم
... وكف امين وعد مني وماعليه شارب اذا احد تقربلج لو رفض واني اكعد بمشيتج واليخلف بوعده حسابه وياي حتى لو جدي
اخاف والله اخاف اصدك
...بت عمي اني أمين لليوم ما انطيت احجايه ورجعت بيه وهذا ماهر هم قابل التفتله هاا مو قابل ماهر كال اي
واذا ضربتوني وصل يمهه ودار علينه يمه رانيا ورد تعالن بسرعه تقربنه كال هاي امي واخواتي هسه يصعدنج كدامي بس هذا وبسرعه جر المسدس
صعدنها ركض امي جرتهه وخلته كدامهه واحنه وراهه ركضنه بيه ركض
رنيم __جدي بس شاف وداد صعدت بسرعه كعد ومدد جسمه رخه من الهبطه وجهه اصفر بيبي شافته عمي باقر وماهر ركضو عليه شالو هلى التخك مددو
صاح مهدي رنيم بسرعه حباية الضغط مااعرف شلون ركضت اجيب الحبايه اخذهه مني عمو باقر بابا كاعد ومنتجي
محد حجه بيبي كاعده بصفهم وكلهم صافنين وداد خلتهم يضربون اسداس باخماس دوهنتهم
ماهر مدنك بس امين اخذ المسدس ورجع للبيت
ساعه من الهبطه كلوبنه بلغت الحناجر
وضع وداد كان هستري تحجي وتبجي واليتقرب تتخبل من ضربت الطلقه ثبتت جنونهه وتوقعو سويه وتضرب نفسهه كان خوفهم عليه اكثر من كلشي
صفنت شنو الوصلهه لهذا الحد معقوله حبها لقيس خلاهه تفقد اعصابه وتتهور وتصول بيهه للانتحار جسمي لهاي الحضه يختض
عمتي كاعده محنيه ودموعه تنزل كامت دخلت الغرفته ساعه وجدي استعدل كعد محني وعيونه حمر من الضغط
عمي باقر ومهدي طلعو لذاك البيت شويه وشفنه عمتي خوله لابسه عبايتهه وبيده جنطه زغيره
بيبي كالت خيرج خوله وين رايحه
باوعتلي كالت كومي عمه خلي ورد وداد يحضرن روحهن
كال ماهر وين يمه
ماحاجته كالت كومي رنيم مابيه حيل احجي
كال يمه وكتج مشوفين جدي
هوه منو وصلنه لهل مواصيل غير جدك
رفع راسه جدي خيرج ام ماهر
عمي انت طالبنه بطلابه بناتي كبش فداء مسويات شي معيوبات اني لو رايحه مني وداد شكول وشحجي جدها راكب راسه وخالهه بعقله وماتحملت
بيبي كالت مو وقته خوله مشوفين الرجال ضغطه معلك
عمه شوكت وكته كحت والله حتى حجي مابيه احجي اني لهنا وهذا حدي اجهولت من بيتي الكم وكلتو ولد شباب وعينه عليهم ونحصرت اني وبنياتي بغرفه وحده وتحملت وسكتت
سنين اني محصوره بهل بيت الي بي ١٥ نفر وناس تردم ناس وبلعتها
بنيه اجه نصيبها والولد رايدها ورايدته وخوش ناس وكالتلك جدي اريده اني ومقتنعه بي ليش هيج تعاندها وسويته غصب عنهه
ماهر كله يمه اسكتي رحمه الربج بتج هاي تنجرع
ليش متنجرع من ضلمكم من طغيانكم من عنادكم من الله واكبر عليكم شمسويه بايكه ناهبه لو لمن تشرد وياا اصير موزينه صير وداد كحبه حبت وشردت
اني هاي كدامكم ماخذتهن ورايحه البيت اهلي بيت جدهن موجود اذا ميلفيهن لو اعرف اجدي واعيشهن ولا حكمكم شنو جايزه من بناتي مارايدتهن
بيبي صاحت خوله اكعدي واسكتي ارحمي الرجال على ساعه ينجلط
واني مو ام متخافون عليه فديوم يصيربيه شي واشوف بتي لا اخو راحمهه لا عم لا جد لا بيبيه شنو من بشر انتو اهم شي حجايتكم
وحق الكفل زينب هل مره حدي وياكم هاي عتبت البيت ماخذتهن وموليه
صاحت ووووورد وووورد
نزلت وجها مخطوف ها يمه صاير
سوده عليه لا يمه ماكو شي حضرن روحجن اخذجن البيت جدجن
ورد ضلت صافنه وتباوع علينه جدي كام مشه طلع وكوه يمشي بيبي كالت ياوكاحتجن ياعرامتجن
اخذت عوجيتهه ولحكت جدي اني وبابا نباوع بعيونه
ماهر مزنبر من نهد سالفت وداد
كله دروحي شوفي اذا مااحرك البيت
زمخت بي وحركتهم التلفيك وياا
كلهه هاا هيج مو كض تلفونه ركعه فلشه التطلع منا اكسر رجليه واشوف ياهيه تكسر حجايتي
عاطت بي امه انت شنو صايرلي رجال تكسر وتضرب عود شوفوني امشي لك لا والقران اتبره منك ليوم الدين يخوفني بطولات ماهر اتأدب لا اعيد تربيتك
...لج يمه شتريدين بس عملت بتج دين ماخلت بعقلي هاي شمخبصه وهيج كاتله نفسه عليه راح اتخبل
ماهر شبيك ولك ذني تربيتك الكل يحلف بيهن شنو شمخبصه انت متستحي وتحجيه كدام عمك
...الي تكتل نفسه ومستعده تنتحر علمو واحد ميسوه فلسين شيسموهه والله اني شفت ودرت هاي بغداد كلهه شبر شبر ماشفت مثل عملتهه توكف بوجهنه لو زوجوني قناد .. .لو انتحر
ماردت عليه دارت وجهه على ورد الي حايره بينهم كالتلها امشي نزلي اختج ولمن ملابسجن يله
...صاح وتالي يمه وتالي
كالت اخذهن ومااضل دقيقه يمك ترديني ادفن وحده منهن من وراكم من ورا وسواسكم راح تموتوهن وهنه شابات ولك ذني خواتك شمسويات زانيات طالعات من الطريق انت مو داك رجل على رنيم هاي الكدامك اعترضنه كلنه شي كيفنه ليش بس هي وداد وكفتولهه سجينت خاصره هاا لان غريب
وشبي الغريب ابوك مو غريب عمتك شمياء موغريبه امشي من كدامي ماهر تره روحي طالعه منك تريد تولي الله وياك ومحمد وعلي اني ماخذه بناتي وطالعه
ابويا شافه مدخل كلي يابه اني رايح شوفي بت عمج وطمنينه عليها
شاف ابويه طلع كله بله متستحين تحجين هل حجي
نزلت امي كعدت يمه ضلت سولف اني صعدت ويه ورد يمهن
فتحت الباب وداد كاعده ومكرفصه وراهه رانيه ترتب بشعره تمشط بي مسبحيهه
كعدت على صفحه ورد تفتر تلملم بلغرفه هوسه وغراض مكسره اباوع تحفيات ممروده مكياج
مطحون طحن كمت وياهه ساعدته بدون مااسألهه
ساكتين بس نلملم شلنه كل الكزاز والمكياج ورد لمت
الملابس شويه صار مجال نرتب اباوع مرايه صايره
نصوص نصوص ميصلح غطيته بجرجف
رانيا ضفرت شعرهه وخرت جرتهه مددته كالت رنيم اني ضاله هنا بس عينج على فضل اخذه مهدي ويا خابرني
ورد__كعدت الصبح كوه جريت روحي لل٣ منايمه عيني على وداد رانيا كاعده فاتحه عيونه وابنه نايم بصفهه شافتني دارت صفح هاا عندج دوام
اي عندي امتحان بلكت أجله وارجع
...ليش امتحني عيوني اني ضاله
ميخالف امي هم عصبيه مااكدر بالي يضل هنا كعدت لمت شعرهه عدلت ثوبه وخرت من يم ابنه
عفته وطلعت غسلت ورجعت بدلت شلون ماكان حتى مااعرف شلبست
وصلت للكليه دخلت امتحنت وماادري شجاوبت سمر ونغم طول الطريق يباوعلي وميعرف شبيه اخذت كتبي ونزلت للكافتريه راسي مصدع
اخذت كهوه بس اريد استجمع نفسي راسي موتني مااندل دربي خليت كتبي والجنطه وكعدت وحدي هوسه الطلاب واصواتهم وترتني اكثر
حاولت اعزل روحي واشغل روحي بوجودهم شربت الكهوه طلعت جهازي اكلب بي خابرت رانيا اطمان
على وضع وداد كالت زينه مريكتهه وهادئه مامسويه شي ماهر طالع من الصبح بس مهدي موجود مارايح للجامعه
سحبت نفس وسديته منهه شويه ارتاحيت دنكت ارسم باصبعي على الميز اشكال عشوائيه وصافنه بأختي
اخذت كلبي من شفته لازمه المسدس تضرب نفسهه
شفت بعيونه ضلم جدي وتيقنت هوه انسان مستبد
انسان يمشي كلمته ولازم الكل يطيعه سكوته البارحه مااعرفت افسره خوف من الفضيحه لو خوف على وداد
اجت صورته كدامي دموعهه وهيه تتوسل بيدين ماهر وتبوس بي يتركه ومايضربه لازم الحزام خانتني نفسي وغرغرت عيوني شلون الك كلب تضربهه وهي تستنجد بي يتركه مابكلبه رحمه
وصلهه الحاله سحبت مسدسه من يم مجر الكومدي وتدري بي متروس طلق خالي للحمايه سحب اقسام وتعيط اكتل روحي بس تضرب
مسحت دموعي اخذت كتبي وطلعت ركض امشي مدنكه وعيوني تكت دمع اريد اوكف مااريد احد يشوفني وين اختفي من انضار الطلاب اليلاكوني ويستغربون شكلي ودموعي
صرت وره الجامعه كعدت على المسطبه مهدود حيلي ضميت وجهي واناشغ تطلع من كلبي شكد مر وقت واني بهاي وضعيتي ماادري
وخرت ايديه مسحت دموعي مبرطمه النشغه تصعد و تنزل سحبت الجنطه طلعت كلنكس مسحت دموعي وتنزل اختي لو رايحه مني يعني اليوم نحضر بجنازتهه
مجرد اتخيل ارجع ابجي واعصر عيوني اريد اسكت
حسيت جهازي يهتز سحبته رقم نفصل واصله رساله فتحته مكتوب عيونج راحن شبيج منو وياج
استغربت وين يله ستوعبت انتفضت اباوع منا ومنا ماكو احد حديقه مجرد يمرون طلاب يعبرون للمكتبه وقت محاضره والحديقه فارغه
المكتبه صايره لوفه ماانشاف وحدي دخت منو هذا شلون عرف بيه ابجي لزمت الجهاز وديتله انت منو
هاي اكثر من مره تودي رسأئل ومااعرفك
ماارد عليه ضليت بقلق كعدت اهز برجلي ماتحركت
مر الوقت واني على كعدتي خابرت سمر الخط اجه
كمت صعدت بلخط وصلت للبيت نزلت ركض طبيت صارت بوجهي رنيم
كتله هاا شلونهه
...لا تخافين رانيا ماعايفتهه زين وضعهه
هااا صدك ذبيت غراضي على الميز رحت ركض طلعت مي بارد غسلت بي ضليت اسوي اشه اشه
رنيم واكفه تباوع وتضحك الفطيره لزمت حجابي نزعته كالت بدلي ماما مسويه اكل متانيج نصب
كتله وين هنا لو هناك
...لا هناك لكل ملتم حتى عمتي خوله
رفعت حواجبي شعجب لعد امي شبيه البارحه
...بيبي اجت راضته
ديله خوش ابدل واجي والبنات شياكلن
...هستوني صعدتلهن صينية الاكل
هزيت راسي صعدت فوك بدلت مجرد فتحت الباب وداد ورانيا كاعدات كدام الصينيه ارتاحيت مجرد شوفتهه زينه
رفعت راسهه عيونه مورمه اخخ يااعيون اختج وين جنتي جمارة بيت رشيد بجمالج بيوم وليله نبلعتي
ابتسمت دنكت كوه تاكل رانيا كالت تعالي
لا هياتني نازله اكل جوه
هاج بدربج اخذي فضل يريد يلعب دولبني
ماشي اخذته ونزلت سلمت ردو كلهم عمامي موجودين ماهر ومهدي وايسر كاعدين بس أمين ماموجود
مرت عمي مسويه مقلوبه وزعت المواعين وكعدنه ناكل
هدوء عكس كل مره الوحيد جان جدي وعمي ماجد ساكتين البقيه نضل نسولف ونضحك
اباوع كلمن عينه بماعونه جدي خاشوكتين وكام بيبي شافته ماحجت عمو ماجد دنك ساكت
رجعنه كملنه اكل رنيم بصفي همستلها جدي بي شي
...لا بس ضغطه صاعد من البارحه وبابا اليل كله يمه ينطي علاج ويقيسه اله وسويناله نومي بصره فورنا يله نزل
خوفتيني خاف بي شي جدي
...لا والله مابي شي موتدرين بس ينقهر ضغطه يعلك
شويه واشوفه
...اي فدوه خليج يمه هوه يحبج
سكتت كمت لميت وياهن السفره
من هذا اليوم الكل عايش بصمت اختي بس تاكل وتنام حتى متنزل عده السبوع اريده تسبح متقبل
نومهه كثر رانيا رجعت لعيالهه مااعرف عمي ماجد شلون اعتذر من الناس ورفض الخطبه
واكفه اشر بلملابس اجت رنيم تركض وتضحك طايره
كتله خير بشري ربحتي اليانصيب
...كالت والله اليانصيب مايجي الي
نوريني وسمعيني بلكت افرح
...كالت خبر تحفه راح يصير عدنه عرس
لازم عرسج انتي وماهر
...لا ولج جدي قبل ينطي وداد لقيس وحتى اخذ رقمه وكله ودي اهلك
صدك جدي سوه هيج
...اي والله
الحمدالله مرات المصيبه جيب نتيجه
...ههههه ديله راجعه اقره
روحي الله يسرلج
باستني ورجعت
صعدت الودادكتله بلخبر هزت ايده وعيونه على السكف لوتلزم ضفيرته وتكطع بلشعر الطالع منهه
عفته ونزلت اجه بالي الرساله والرقم ماعندي جرئه اخابر واعرف منو صاحبه
كاعده اقره ولازمه تلفون ابحث بلكوكل عن موضوع بحث انركع الباب كمت اريد امشي اشوف منو
طب ماهر عصبي كبل الغرفته ثواني وطلع كال باعي ورد ماعندي غيرج جهازج خلي يمج شوكت مااتصل تردين من اكلج طفي السيركت اطفي
شنو مافتهمت جرني للطرمه فتح صندوك الكهرباء باعي ذني النقط تنزليهن كلهن
ليش اطفيهن
...سوي مثل مااكلج وتأكدي من الباب تخلي مفتوح من ااخابرج طلعي اتأكدي منه ماشي
ماهر شكو غير تفهمني
...سوي الاكلج عليه ومالج دخل
عافني وطلع يركض طبيت امي يم خالتي متدري بأبنه وين شرق غرب متعرف حايره بيه على فراش الموت
ضليت قلقه صارت ب١٢ بليل وهوه ماكو صعدت شفت وداد نايمه رجعت نزلت بلهول البيت صنطه حتى مهدي مدري وينه
جبت مخده خليت الجهاز يمي وسويته عام مااعرف شكد نمت
كعدت ب٨ الصبح طفرت شفت الجهاز مامخابر رحت البيت جدي بيبي وجدي وعمامي ملتمين وماهر يمهم
وجوهم مكلوبه بيبي ادك على رجليهه
وجدي لازم راسه ومدنك
بيبي كالت ولكم منين اجتنه عين وانفتحت علينه عين الماصلت على النبي شاوفوكم داير مدايري يمه
شلون بيه ولك اخيك شودا شدلا بهذا الطريق ماهر
ابو دروب
رنيم __كعدت من السته اقره مجرد غسلت ولزمت الكتاب يمي حلويات اكلت على مااتريك
مر الوقت بيه باوعت الساعه ب١٠ الصبح شعجب محد صاحني
اسمع صفارت الشرط ركضت لشباك الهول الفوك
البيت طوقو وجنود هواي دفعو الباب ودخلو
نزلت اركض اريد اعرف شكو بيبي وامي يبجن دخلو واني اسمع اكعد ارفع ايدك ...ارفع ايدك بل ١٥ شخص اغلبهم ملثمين
كعدت ارجف اشوف جدي وعمامي يحجون وياهم
أمين نزل من شافني على الدرج اجاني اخذني للغرفه
دخلت مذهوله واني أسال شكو يمه شصاير
ورد همست ماعرف منو مخابر الشرطه
على شنو
ماادري
محصورين بغرفه
طلعونه لغير مكان يكملون التفتيش
دمعت عيني واني اشوف جدي ياكل بروحه ويباوع للضابط وكأنو بنضرته يترجا
طلعو وهوه بيدهم طفر جدي وابويا وعمامي البقيه
ليش بويا ماخذي شمسوي
الضباط كال هوه اعترف وانطانه الدليل
جدي باوعله مصدوم
لايابه متوهمين وين يادليل
باوعله ولك شسويت
كله جدي هيج افضلي
ولك ياافضلك خايس طايح الحظ
دنك
وجدي تقدم يضربه وهوه واكف ماتحرك خطوه مستعد يتلكا ضرباته
الجنود بعدو جدي
والضابط يكله حجي خلي نشوف شغلنه واذا عدكم شي تعالو للمركز
عمامي يطافرون ويحجون وياهم
عمتي ام ماهر دك على رجليه وصيح ولك يمه عوزي ضيم فوك ضيمي اخوك بلحبس وانت تلحكه على يابخت متفكرون بيه
امي مواقل منهه ربته ويانه وعشنه سوه
كعدت ارجف وهمه ياخذو
جدي كعد بلكاع وايديه فوك راسه
عمامي مصفصفين ميعرفون شيسون
ليش ماهر
ابويا كوم جدي دخله للاستقبال طبينه جوه
عمي بسام يعيط هذا غبي وين عقله اكو واحد يورط روحه بهيج تهمه
جدي واكف كال روح وراهم شوفو ولد اخوكم لتعوفوهم
بعده يحجي كعد روحه راحت كلنه ملتمين حرنه بي ضغطه صعد خشمه طك دم حارو بي
ابويا ومو هنا بلدوام تلاحك عليه أمين وايسر وعمو باقر اخذو للمستشفى
بيبي ومرت عمي الي مااعرف شوكت رجعت ينوحن اني ورد نتصفن ومانعرف شكو
للعصر رجعو جدي محني صاحو وخرن من كدامه
مذهوله من اخذو كدامي وهوه مطاوعهم
لليل رجع عمي بسام وبابا سألو كلهم ماكو بعدهم يحققون
بيبي كالت شمسوي
عمي بسام عصبي صاير نار وجهه احمر صاح هذا السك....شمودي الهم عاف الشغل العالم كله وركض على التزوير ،،
..........يتبع