ماهر__على المامش،
شايل سنين العُمر شدّة أماني
ذايب بحبّ الناس والدنيا گصيفه
گلبك التعبان ما بطل نزيفه
يا طعم كل العراق الدايخ بليل
البنفسج .
وداد __يل متعِبني ما املّك
بذرَات الضَباب تضيّع
اجيك مغمُض اندَلك .
اباوع وداد ترجف عمي بسام كام كله ماهر شنو هلحجي منين جبته
دفعها احجي جنتي سوين وسمعتج هي مدنكه وتبجي
بيبي كالت ماهر فهمنه شنو شمسويه اختك
عاط ودااااد احجي جنتي سوين لا اخلي المسدس براسج
جدي كله وخر مسدس خل تحجي
كله والله وقسمن بذات الله اذا ماحجت لااخلي كله براسها كلبه احجي
ابويه طب على صياحه كال شكو شكو
عمي بسام التفت شمدرينه يكول تريد تشرد التفت ابويا الوداد شافها تختض وعيونها تباوعلهم
كلهم شنو هل حجي
جاوب ماهر يعني ويامن ويه الحيوان
كله انت اسكت وسد حلكك
جدي صاح وداد احجي صح اليكوله ماهر لو غلطان
هزت راسهه اي محسينه غير عمي باسم وماهر تولوهه ضرب وهي تعيط امي تعيط وجر بيهم
اني كلبي حسيته راح يوكف وعيوني تجري دمع واستنجد بابا فدوه وخرهه بابا راح يموتوهه
بابا راحت البنيه فدوه عوفوهه خطيه ورد طبت تركض جيتت بنصهم تدفع ماهر وجدي وابويه يجرون بسام
اني انتهيت بيبتي صيح ربي سترك ربي سترك ربي عفوك ربي تكاتلو
صياحهم مله البيت وداد جثه لا ايد ولا رجل امي ورد لفلفن جسمهه يغطنه دشداشته مشككه
كعدت بمكاني اشوف عمي وحبيبي وحوش اول مره بحياتي اكره ماهر اول مره اريده يختفي من كدامي
كعد يلهث وعمي يصيح يهد يريد يكتلهه وجدي شال عوجيته كله لو تگربت لا اخليك مكسر اكعد وهيد
باوع على ماهر وانت اذا فتحت حلكك اكسر سنونك واخليك تفل دم اشوفه يفرك براسه وفتح دكم دشداشته صاح مي وحبت ضغط طفرت ورد الغرفته
بيبي يم وداد تلم بشعرهه ملخ باوعت عليهم كون كسر بيديكم متخافون الله شمسويه وتوليتوهه تكفخ كفخكم عزلاييل ولا ردكم
كله بيبي سكتين لا اكوم اموته والله
كالته انجب ولك صايرلي رجال ويعيط اكوملك اوكلك طين صير ادمي وتادب ولا تعلي صوتك عليه
ابويا صاح ماااهر سد حلكك واحترم
سكت مدنك وعيونه شرار احسه على ساعه يفترسهه
وكل شويه يباوعله بطرف عينه وبغيظ
جدي كال فهمنه السمعته وبس
كال جدي جاي تعبان من الكليه طلعت من الامتحان وبوجهي للبيت طبيت سمعت صوت غساله عبالي امي كلت انطيه ملابس اذبهن يمهه واطب انام
بعدني مواصل للباب اسمع صوت وداد تحجي وتبجي عبالي بيه شي كلت افتهم منهه ويامن تحجي كل اعتقادي وحده من بناتنه
طبيت هاي ماتت خوف وارتبكت خلتني اشك بسرعه سدته اكلهه ويامن تحجي دكلي لمى كتله وليش سديتي ضلت تخربط
جريت التلفزن كتله افتحي هاي ضلت تلعلع شنو اشك بيه وماعندي شي وجنت احجي ويه بت خالتي وانت تدري بيه بس اسولف وياهه
الماعده شي سوي هيج كتله فتحي جهازج ماقبلت
مره مرتين كتله وداد مكطع الدنيا على اديا ذني اعرف دمراتج فتحي الجهاز ارحملج ماقبلت وضلت تعيط كضيته من زنده اجيت اكطعه لوماالزم اعصابي
جرت التلفون شمرته بلحايط تخبلت هاي الماعده شي سوي ليش كسرت الجهاز قفلت الباب و اخذته شغلته كلبته اشتغل بس الزكه مكسره
اجت جرته ماكدرت ضلت تتلاوه وياي وتبجي اني ممسويه شي وماعندي بس انت مريض شكوكي
كتله فتحي اعوفج متفتحي اخذه الجماعه يفتحو وبذاك الوكت اعرف العندج والماعندج شي
حصرته يله فتحت جهازهه لكيته متراسله ويه رقم وهواي حجي لحكت على اخر مسج متواعده وياا اذا منطيتوهه يشردون والمطي ابن الحرام مطابقه
يحجي ويكز على سنونه ويباوعلهه عين عليها وعين على جدي وابويه
جدي وجه صار دم ساكت ابويا ساكت حاير بجدي لايصير بي شي ورد تبجي على بجي وداد بيبي وامي
يخافن يحجن
عمي بسام كال زوجوه وخلصو منهه هاي جيبلنه العار
ماهر كال واشوف كلام عمي صح زوجهه جدي حتى لو سكتاوي بس خل يستر عليه لهل عايقه هاي
بسام كال ادري ولج مامربيج منين طلعتي انتي شموكليج حرام بت الخر..... ساق....... منين طلعتي
ماهر كال مكوده عندي ملفيلي بت ملهى بلبيت كلبه
ماخفتي على اختج علينه شردتي ماكلتي ذوله يطينون
مايضل راس واحد بينه مرفوع صاح وداااااااااد اشرب من دمج ساق.....
يفور يريد يمرعده ماتحمل طفر عليه وابويه وامي وايسر ركضو لزمو وهوه يعيط ويرد يلزمه وجه زنبر
عيونه حمر كمت اردد ايات القصار بس تعدي على خير
امي ورد تكومن على وداد يحمنه خلنه بحضنهن
جدي كله ماهر ولك ارحمني راح اموت من وراكم بس اكعد انطيني صبر طركاعه وطاحت علينه اتلاحكلهه كبل لا يطيح الفاس بلراس
سحب جهازه يكلب بي بابا كله شراح اسوي كله دبارهه عندي صبرلك عليه كلهم اخذوه مااريد اشوفه
امي ورد سحبنه كوه تمشي اخذنه لبيتهم واني على كعدتي خابر سلم وكمل وسألهم على احوالهم
كلهم يابه توكلو على بركت الله المره الكم يحجي بتعب
بيبي ساكته ماادري شرد عليه وجدي ابتسم بمتنان وختمه وياا سد الجهاز وشمره يمه
بيبي كالت انطيته هز راسه كالت هي ذاك اليوم كوه جبناهه شافنهه النسوان لو شوفوه المكموعه وجهه مايكصه السيف
جدي تنهد صبرج عليه تربيته عندي اعيده الها بابا مدنك وميكدر يحجي للعصر البيت سكن ماهر طلع وعمي بسام طلع المحله عمي باقر مسافر لسليمانيه يجيب بضاعه
امي رجعت تلكيته هاا شلونهه
...كالت شلونه تكسر الكلب تبوس بليدين لايزوجوني مااكدر اريده مااكدر دونه
زين يمه احجي ويه جدي تره والله حرام عليه ليش مينطيه اله شكو بيه
..كالت دسكتي هوه جدج يتحاجه وهذا ماهر كابه عنده اجا ورانه طلعنه وقفل الباب واخذ مفاتيح
كلت كبر شكد كرهته ولا توقعته هيج
..امي فتحت عيونه هاي عليمن ولج ادبسزز اخوه وياخف عليه وهي هم ماشاءالله لسان وكحه متنجرع
حقه يشوفه تشرد شمدريج مايكسره ويرجعه يشمرهه
لا يمه على بختج هوه يحبه اصلاً ماسمعتي امه كالت ميت عليه
...شمعرفج بلناس مانعرفهم لحد مانعاشرهم وهمه غرب قابل عشرت عمر وياهم ونعرفهم هوه جار سنين وياا ومرات متعرفي بعد مجربي دسكتي يمه
بيبي طبت كالت هاا شيماء شسويتولهه
كالت والله ياعمه تبجي تكطع الكلب ورد حايره بيهه وعفته تبجي ومقفول عليه الباب
...هذا ماهر مو
اي اجه طلعنه وكال اليفتحه الها يحسب الله ماخلقه حتى حترام الي ماخله مكال مرت عمي واكفه عيب
... اعصابه تالفه اعذري حبيبه هوه يحبج ويقدرج دكت اخته دكه مال وحده بت شارع مو حفيدة رشيد
ميخالف عمه هوه يكلك اكعد اعوج واحجي عدل الولد اتقدم وطلبه وسألتو خوش ناس ويتيم وشاغول ماينخاف عليه ليش عمي رافض هم خطبه شباب
حبو بعض شبيه كفر
...ياعمه حجيت وياا ردت يكلي انتي تعرفين شي وانه اعرف شي مايفيده ولد عينه زايغه يتلصلص جماعت سوك ويعرفو كلهن معميلاته موخوش يمشي بضاعته براسهن
يكلي يجن يمه ضحك وسوالف وميانه هاي انطيه اله ويوم يومين وترجعلي مطلكه من وره النسوان عليمن
يجي نصيبهه وامشيهه بس غير كون واحد بي خير
...والله عمه تردين الصراحه ياهوه من ولدنه مايباوع
ذاك من ذاك وشاب وابو محل ومصلحته هنا قابل طابلهن للبيت وهوه ختارهه يعرفهه مؤدبه وتربيته صح ومطالعه من عده العيبا قابل هوه غشيم من اختار
وداد يعرفه شنو همه اليصيرون هيج مياخذون اي ويحده اذا ماينخبوهه نخب وشوفت عينج متمسك
بيه ويريده بايديه ورجليه
...يمه حبيبه ذاك عمج وحاجي اني تعبانه شمحصله من وداد وضيم وداد لا صبون عمج اكل روبه وخبز واني اكلت وياا سوده عليه اكله قهره من وره هل عرمه هاي
حرت بوضعه ماهر سبوع ماشايفته ولا اريد اشوفه مره اجه سمعت صوته شردت سديت الباب كمت اخاف منه وانرعب
تعده السبوع واسمع اخبار وداد من امي لو اخابر ورد دكلي كوه ماهر منطيهم المفتاح ومحلفه تنطيه اكل وتسد الباب لو شردت حصته صير ورد
اليوم فتحت شباك غرفتي على تركهم وشباك غرفت ورد مقابيلي خابرته كالت اني جوه دقايق واصعدلج
شويه وصعدت حاجيته من الشباك كتله شلونهه
...هزت راسه موزينه بس تبجي ومتاكل تريد تموت
زين ماحاجيتي ماهر خطيه والله حرام عليه
...شسويله رنيم حرت بينهم وهذا متخبل علينه والله حتى اني اشوفه يتبعني ويباوع لحركاتي لومن الزم التفلون وخبل مهدي وياا خلا مثله
وهسه شنو الحل
...يم ربج
عمتي خوله شكالت من اجت
...امي صارت دمايه هي وماهر ومهدي من شافت وضع وداد مزوركه ثنينهم اجت تضربهم وطردتهم بس تبقه عملت وداد متسولف وحقهم
خوما ضربه مهدي
...هوه راد يسوي كام يكمز من سمع لو ما الزمه وامي كالتله اذا ضربته يامهدي اهج من البيت والقرأن وماتلكوني موتوني ارحمو بحالي
خطيه عمتي طاحت بيهه
...الله كريم جاي تقرين
اي والله اليوم كملت ٤ كتب بقن ٣ اخلصهن وابلش مراجعه
...راح تاكليهن يمعوده ارحمي روحج
هزيتلهه حواجبي اذا موطبيه موبس اكلهن اكليهن وارشلهن صاص واسويهن طبق
...الله يباوعلج وميضيع تعبج
اي عليج الله ادعيلي شكد ماتكدرين ضحكت وكالت
..خبال التفتت الغرفته دشوفي عيني صايره زباله يمكن سبوع ممنضفتهه من الهوسه
اذا انتي ممنضفه غرفتج اني سبوع مسابحه وشايفه الحمام كمت اتنسه على ريحت الشابمو
...ضربت خده عزه بعينج الخايسه شبيج مسبحين
ولج والله ماالحك الساعه الاسبح بيه اخلصلي كم ورقه
...ضحكت بصوت وغمتني والله عليج افكار الخوارزمني اكعدي راحه هاي اخويه ياخذج مسبحين يشرد ولو هنه المثلج يكعد حضهن
بعده تحجي طب ماهر صاح ويامن تلعلعين كمزت
صارت بيه خوفه بسرعه نزلت البرده اسمعه دكله
شبيك فززتني ويه رنيم داسولف
كلهه ومالكيتي غير الشباك تحاجيه ولي هناك وسولفي وياهه
...كالت ماهر شنو قصتك ماالحك اروح البيت جدي منا احاجيه شكو سالمين
نتر ممنوع تفتحين الشباك تردين انتقام هناك تحاجيهه
صاحت شوو رنيم فتحي البرده بلكت يصدك انوب اندار عليه استاذ ماهر
كله ميحتاج عوفيه وشنو استاذ
كالت وشبيه كلمة استاذ لو هم تريد اذب حركتك بيه رجعت صاحت رنيم طلعي راسج خلي يشوف ويصدك
خفت عليه واني ارجف شبيه صايره اخاف منه سحبت البرده بهدوء بدون مااباوع عليه لمحته واكف وراهه
كتله هاا ورد
كالت وجعت ورد شبيج وليتي
ماارحت بس ماردت ادخل او اصير سبب مشكله عفيه ماهر هاي اخر مره احاجيه منا لان مداالحك اشوفه منا كلت اسهلي يمي لان دااقره
كالت شبيج
مابيه لا صير سالفه والله مالي دخل بعد ولا افتح الشباج ماالحك امرلها
عاطت ورد رنيم شكو شبيج تتوسلين واذا حاجيتني من الشباك سالمين شكو نوب وداد تغلط احنه نبتلي
تره والله انزل اخليهن بيد جدي اشوفه يقبلك
ذيج ماتت خوف شوفه سويتلهه
ضليت اباوعله تحجي بحركه وتشمر بيديه هوه يباوعله ويباوعلي يشوفني وينصي ويرجع يباوعله مكتف ايديه
كله كافي شمسويلج كتلج صوتج منا الشارع شبابيك مفتوحه وطرمه جبيره يطلع الصوت
كالت لا والله خويا انت من شوكت تدخل اذا فتحنه شباك من وداد خلتك حتى بينه شك
لا اشك ولا شي لسويه سالفه اني طالع
دار وجهه كالت الله وياك وخلي بالك وضعك مال علاج نفسي هز ايده وطلع
ثاني يوم اجه واني ستوني كاعده من نومت الضهر بنصهم اغمس جاي وبسكت واطفر الحك اكمل قرايه
طب واني نصيت اكل كعد بصف جدي باس راسه
وهوه وعمي باقر ضلو يسولفون
رفعت راسي عينه عليه نصيت بسرعه كمت مااعرف اصب لازمه القوري وايدي متوتره جبيت الجاي بلصينيه صاح جدي بابا انتبهي فرغتي بلصينيه
رفعت راسي خليت القوري بصفي ماما تباوعلي كتله انتي صبي ودنيت النجانه والصينيه يمهه
طفرت صعدت فوك تحت انضاره طبيت لازمه كلبي شبيه هيج والله راح اتخبل ليش خايفه منه لا يكوم يشك بيه وماعندي شي
يومين مرن اقره وماارفع راسي اجت رانيه سلمت عليه وصعدت مانزلت لحد ماصاحوني على العشه
نزلت اكلت وشلنه السفره رانيه كوه تمشي بطنه ثكيله وداخله بشهر السابع واكف انضف المواعين وهي تغسلهن واسولف وياهه على وضع البيت وصار بوداد
...كالت خل يطيه جدي ويفضه ضلون بلمشاكل ميتوب من عناده يستفاد
رانيه انتي متعرفين هي سوت غير رايده تشرد
...اخذت مني الماعون وكالت والله خوش سوي جدي هي يله يمشي وياا مال بلطيب يركب راسه ويصيح انا لو انت
ياا كل عقلج اكله ترد ويا ودكلي انا لو انت
...رنيم وحده يحجي حق وداد اكرهه مااحبه بس خطيه تحبه وشوفيه مستقتله علموده وهوه مابي شي
الولد احسن من نصير لا يشرب ولا يدولبهه انطيهه
واخلص من همهه عاجبته كعدتهه دكابله العمر كله
مااعرف شنو تفكيرج
...لعد احسن تشرد وصخم وجهه لو الولد اعوج اكول حقه بس اليكتلج كله دكول زين شبي رشيد لازك بست الحسن يردله رشدي اباضا يله يقبل لو الدكتور يجيهه
هوه مو راد أمين يزوجه الهه
...اسكتي ولت ولا ردت شنو امين ياخذهه على حورهه انوب امين الهادء الرزن ياخذ هاي ام لسانين ويبتلي والله اطلعله كرون
دنيت يمه لايسمعونه كتله حجي بيني وبينج سدت المي كالت شنو وتباوعلي وتمسح بيديهه بدشداشتهه
حتى ماما وبابا مرايديه ساكتين يستحون من جدي امي متريده الامين لان وكحه وبابا يكول مابيه شي بت اخويا بس مترهم كل واحد طبعه شكل مااصور
يتوالمون
...كالت همزين مصارت رنيم اني مااكرهه وتبقه بت عمي بس وداد مثل طبع جدي التريده سوي والبراسه براسه وامين مال وحده مثله ومثل مستوا
هم صح يله يمعوده تاليته لو تشرد لو تزوج غصب عنهه
...ههههه لج هاي عرمه هسه تاخذه لتخافين عليهه
رانيه والله خطيه هي يعني صعبه تحبين واحد وتحلمين اصيرين اله بيوم وليله كله توكف ضدج وانتي متكدرين تحجين لان تنضربين تذكرين انتي
من حبيتي نصير سوه واخذج
...لاذكريني ايام سوده جنت اكضي اليل نهار بجي وهم جدي عارض اووف والله ايام شفت المر بيهن والحمدالله عبرن ونكضن
طبت شوف ابنهه واني وكفت اسفط بلماعين نفتح باب المطبخ واني ضهري عليه اجاني صوته واني اخليهن بلسله ينشفن من مايهن
ماعرفت شلون اصرف هذا اول لقاء بيناتنه بعد سالفت وداد حجه بصوت هادء كال شلونه حبيبتي
كتله زينه بدون ماالتفت ضليت اسفط
حسيته تقرب من صوت مشيته
لزمني من زندي دارني مدنكه حسيت باصابعه على حنجي رفع راسي اليفوك عيوني استقرن بلكاع
همس باوعيلي
مارديت
قرب وجهه رنيم
اممم
باوعي مشتاقلهن وروح اباويه اجي ادورج وانتي شارده مني
ماكدرت شوكي وخوفي منه متناقضات اريده ومااريده
بس اريد اشوفهن وضلي زعلانه ميخالف
داحس مو هذا ماهر الجان قبل ايام دخت بتصرفاته ليش وياي شكل وايه وداد انكلب حيوان مفترس
رفعت نضري لوجهه معانيه رخت
عيونه ذبلت اصابعه
تتحسس بهدوء تام شويه شويه
شفايفه تحركن برهاوه بدون صوت احبج
رخت اعصابي حسيت بروحي ضعت تدنه الفاصل
شبر نفسه يضرب وجهي عيوني متعلكه بعيونه
همس يمته اخذج تعبت بت روحي
اجيت انصي رفع وجهي قرب وجهه ميل راسه تنفس خدي نفسه يرجف ويه كل شمه
نزل وخشمه يتحسس وجهي وصل النحري حسيت بملمس ناعم محسيت غير صوت خفيف ورجت كررهه
اني هنا مبنجه رفع راسه عيونه رايحه كلي شكد اعاند روحي الزمه يمج تجبرني المج الي ماتكدر
همست شنو .....بعدني مامكله خذ شفايفي غمضت استطعم كل تفصيله انفاسنه تضارب
حسيته تعمق صار نفسه مخربط دقايق من معركه هوه المقاتل الوحيد يسحب هوه ويرجع
رجليه رخت انتجيت على الكاونتر وتقرب وياي
سندت روحي
رفع راسه حاصرني بين ايديه دنكت وهوه راف راسه للسكف ياخذ هوه وينفخ يريد يهدء
كال هيج اني يمكن اتهور واخذج خلي بس نعقد سيد وره امتحاناتج نسوي حفله
رفعت راسي مصدومه لا لا عفيه ماعندي وقت
دنك مجرد عقد بدون عزيمه وحفله لو بدشداشة البيت محد يشوفج وره الباب يقدلج
خليه ويه الحفله حلاتها هيج
ابتسم تردين حفله
دنكت خجلانه اي واريد اعزم صديقاتي
تدللين
صاحت رانيه رنيم وينج بس ماعينج هلكد
برسعه وخر صار يم الميز واني ضليت اعدل بروحي وخجلانه
طبت شافت ماهر عقجت وجهه كالت هلو ماهر
كلهه هلا بيج ام فضل
كالت شنو شسون هنا وحدكم
كتلها جاي ارتب بلمواعين
خزرتني وباوعت على ماهر
كله شنو ام فضل مدخليج تحقيق وطبقيهن هنا
ابتسمت وانت جاي تلعب بعقلهه
فك عيونه باوعلي بسرعه وباوعلها كال حاشاها هي موطفله والعب بعقله اتفاهم وياهه على امور الخطبه
تقدمت يم السنك غسلت وهي تحجي ياخطبه ابن عمي تريد تمشي دربك بيهه قلت البنات
مسح وجهه متوتر ابتسم مجامله واحسه يخفي ارتباكه لا تلطشين بلماضي الفات مات واحنه ولد اليوم
سدت البوري ونكتت ايديه هههه ومنو كلك احجي عن قبل لو انت تريد تعيد امجادك براس هاي
اباوعلها تحجي بكره وهوه زنبر وجهه شويه ويطك
التفتلي كال رنيم روحي كملي قرايتج
كتله لا ماعندي شي استراحتي هسه
كالت رنيم عدنه حجي روحي
اي ليش متحجون كدامي
...كال بقلة صبر كتلج روحي اصعدي ارتاحي فوك
ضجت ورانيا هزت راسهه كتلهم اعرف بيكم ضامين عليه شي تره عمري ١٨ وماضل شي وادخل جامعه افتهم لاتصرفون وياي عود انتو كبار وتفتهمون
باوعت على ماهر واذا انت معتبرني طفله وتمشيني بكيفك صارلكم ساعه واكفين شمرون حجي والغاز واني مو طفله كدامكم وماتفتهم اذا هيج معتبرني الغي الخطبه كلهه
عفتهم وطلعت صعدت اول بايه وكفت البيه مايخليني استغفل وضعهم لازم اسمع البينعم نزلت تقربت يم باب المطبخ
اسمعه يكله عجبج السويتي وخليتيه شك
ضحكت رانيا واني اريده شك
...انتي شرايده شناويه عليه فهميني علمود افتهم دربج وين واماشيج
رانيا __ كتله ابن عمي دربي معروف والحمدالله كلبي الزوجي والجهالي ومااريد من ربي شي غير يسترهم
ويبعد عنهم كل سوء
سحب جكاره ورثه ويسمعلي وعيونه بلكاع ومره عليه امممم كملي
شكمل
...رانيا تعرفين ماهر شنو مو
ههههه افعالك سباقه اكيد اعرفك
...يابت الحلال كتلج الفات مات واحنه ولد اليوم زوجتي واستقريتي وبعدج حاقده ناويه تسولفين الرنيم وتخربين حياتي
ليش مااسولف وابنها هاي اختي الوحيده ماهر مااسمحلك سويه حقل تجارب النفسك انت مريض
وهاي متتحملك
...بابا تغيرت جنت بعقل مراهق وكله سويته من اجل مصلحتج ماردتج تخربين حياتج
ههه وتريد تخرب حيات رنيم وداد هاا وداد اختك لو عندك هاي الامكانيه حتى على اختك
...نتر لا تخربطين افتهمتي تره كوه لازم نفسي عليج كلجن غلطتن وسويتن مصايب منج ومنهه موزين ماموتيجن انتي وذيج
لهذا اختاريت رنيم كلت هاي طينه بيدي اشكله مثل مااريد قابل مااعرفك تربيه على ايدك وتستعبدهه
...رانيا هااي روحي من الدنيا استعبدهه ليش اريده على اطباعي وهي فقيره ومؤدبه البيها جنت اتمنا وبت عمي ولحمي ودمي ماالكه احسن منهه
ماهر هاي حفره وهاي منبعها انت متتغير وانسان حياتك غلط بغلط لاتصور ناسيه عيشتني ايام رعب
اموت بليوم الف موته كم مره حاولت انتحر بسببك
منو دمر حياتي منو عيشني جحيم التفكير غيرك
وتريدني اسلمك اختي على كص ركبيتي
...صاح تندمت وكبرت شتردين اكثر
ياندم ياندم تحجي عنه لك لليوم من اذكر جسمي يرجف هاك شوف ايديه على ساعه انجلط ياندم زرعت بيه خوفه نصير اسابيع يعاني مني وتحملني شكد دعيت عليك شكد نخيت واريد حوبتي تبين بيك
بس انت نكس وميصرلك شي ربك منطيك الدنيا
وينتضرك بلأخرى
...رانيا ثقي باالله ورسوله تغيرت موماهر قبل واعرف غلطت وياج ومتندم ورنيم ماالهه دخل والله حبيته
واريده واعيشهه احسن عيشه ومااقصر وياهه
اعرف السويته محد يسوي ساعت شيطان
عطت اسسس ياشيطان انت ابليس بذاته والله وحق الايام الكضيته بدمع وحق كل دمعه ياماهر اخليك تعيشهن يوم يوم وكول حوبت رانيا
ورنيم مصيرلك لو على جثتي لو اعرف احجي كلشي ومااخليك تلزم شعره منها
احجي وارجف اباوعله وجهه دخن خنزر عافني وطلع كعدت مهدود حيلي مر عليه كلشي عشته هسه بهل لحظه
تحاملت على نفسي وكمت طلعت موزه وحليب خلطته لفضل مااعرف شلون اشتغل ايدي متاخذ شغل
سويتله ممه ودخلت الغرفت امي همزين ضهريه محد كاعد لكيته غافي سوده عليه غطيته وبالي يمها الزمها انفضها نفض سايحه بيديه المايعه
كعدت امي كالت ها يمه بعدج تتلوين راحت تشليعات منج
هزيت راسي اي وايدي على شعر ابني امسد عليه ومدده رجليه حملي ثكيل بهاي البنيه عكس فضل
...كامت امي فتحت الضوه لمت فراشهه كالت اكلج رانيا يمه يمكن الناس يجون هليام يتفقون على الحاضر والغايب لوداد
شنو قبلت
...لا بعد جدج انطه موافقته
هاي هيه يمه خل تزوج وتخلص اذا ضل تشبع كتل هذا مو اخ وحش
... دهاج هذا ككو لفضل
كمت وياهه عزلت غرفته
يومين نحضر بلبيت ورد شفته بس مره وماله خلك وتعذرت من يمنه متكدر تجي ساعدنه
اجن النسوان والزلم بلصاله وكفت حضرت الصواني رنيم تدرس تمد راسه بس تاكل وتصعد
أمين طب بوسته وحضنته شكد مشتاقتله يومين يمهم ماشفته يم صاحبه بلشفه ملتمين يقرون
همستله نسوان جوا
..هااا دسويلي طريق افوت شكو ب٤ فات فتح الثلاجه طلع دوركه ستيل يشرب
علمود ست وداد يتفقون على الحاضر والغايب شرك يكح المي طلع من خشمه ركض ذبه بلسنك يكح فركت ضهره الكحه شكلت عنده كام كوه يجر النفس
انخبصت جريت الكرسي كعدته واحجي أمين بس ارفع راسك واتنفس
ضل يفرك بصدره هدء راحت الكحه دنك مسح وجهه همس رانيا سويلي طريق تعبان اريد انام
..اي اي هسه دخلت النسوان يسولفن امي شافتني يايمه وين صرتي قدمي شربت شي
وحده كالت لا عيوني ام أمين قابل نجربكم
بيبي كالت يله بيبي
مكمله بس أمين يريد يفوت يصعد بسرعه لبسن عبيهن
بيبي اشرتلي خلي يفوت عمتي خول كالت عمه استعجلي
طبيت لكيته على نصيته باوعلي بقلق كتله اصعد هنه نسوان كبار
...كال لحد يكعدني لو تنكلب الدنيا
ميخالف حتى ايسر مااخلي يصعدلك
بعده ستوه مشه خطوه طب ايسر كال هاا أمين الله جابك جدي سأل عليك يكول من يجي يبدل ويجي للصاله يكعد ويه الزلم
نتر أمين واني شكو كاعد اخوانها كاعدين وعمامهه
وبعدين ابويا موجود
..شعليه هوه كال
دمشي ولي صاعد انام وكله جاي تعبان اني بحالهم وطب صعد فوك
مرت ساعتين والنسوان طلعن اتفقو الحاضر والغايب ١٠ب١٠ وجان كلش هواي بوكتنه اني بعهدي ٥ب٥
لليل التمينه سويتلهم مخلمه لحم وجدي وعمامي طاحو على وجوهم ياكلون بجدر سويت يله يكفيهم وديت البيت عمي
كملنه عشه ونصير طول النهار يخابر وكل شويه هاا ماترجعين واني اكله ماضل شي يومين وصير الخطوبه عليمن ارجع وارد اجي
لملمت السفر اني وامي غسلنه المواعين عمي باقر وابويه استلمو الكعده لعب دومنه وطبك وياهم جدي
وجاي سويتلهم وكعك فضل بحضني هوست عمامي وصوت التلفزيون بيبي ماادري شجايه على المسلسلات الهنديه اجي واروح هي مخلصانه ومكابلتهن وصيح عليهم يسكتون تريد تسمع
عاطت باقر
كال هااا هاا كل شويه باقر
وجعت امي وابوي صوتك المسلسل خلصت ومامفتهمه منهه من صياحكم
دنك يكمل ولا يمه
امي على واهس بيبي تابع كمت شلت الصينيه وفضل بحضن امي طبيت للمطبخ اسمع عياط وصوت عالي محسيت غير ورد اجت تركض وتخرط بخدودهه وعمتي خوله وراهه بطرك دشداشتهه
.......يتبع