Pila nalang ka kanto na liko, maka abot na dayun ko sa bodega na trabahoan ni papa. Usa sya ka QC manager didto ug in aning mga panahona jud na busy kaayo sya ug di sya makauli.
Naa naku sa street nga padung sa bodega maong nipara naku sabay pud sa pag para saakong katapad mao tong gihunong mi sa driver sa waiting shed. Nagbayad naku tas gibuka akong payong dayun ni naug pero wa ko ga expect na mo ana akong katapad na si Terzo na:
"Engrith, pa payong ko please?" Hina kay iyang tingog halata nga gaka ulaw sya, ni-Oo ko tas nagpakilid sa payong para makapayong mi duha padung sa waiting shed.
Pag abot namu sa waiting shed gi down naku ang payong tas nitan aw kos langit, hayag pa man ang langit medyo natabunan lang sa dag-um.
Maghuwat sa guro ko na medyo mo hina ang busdak sa ulan kay mahirap na mabasa ko, kasab an kog papa nya bawian raba kog cellphone inig mag sakit ko
"Engrith, pwede mangutana?" Ana sya, nilingi ko saiyaa while naa sya'y gi kuri-kuri sa cellphone nya.
"Unsa man?"
Ana ko while ni lingkod pero si Terzo nakatindog japun.
Di kaayo mi soud ni Terzo, bisan pag dugay nakay ming silingan, bisan pag ninang nya akong mama. Wa jud mi nagkasoud kay di ko ganahan nya, nya di pud sya ganahan naku. Pero bisag di mi ganahan sa usa'g-usa magstorya japun mi.
Iyang gipakita saakoa iyang cellphone. Picture sa building nga ga trabahuan ni papa. "Aha ning Mariana warehouse?" Ana pa sya.
Di ko gusto makigsabay ni Terzo tungod di mi close ug di sad ko ganahan sa batasan nya nga magboutan-boutan ug storya pero bisyoso diay.
Pero tungod kay pareha ramig adtuan siguro, bisag karun isabay nalang naku sya. Ug gaka animalan nakus ulan, dugay kaayo mo hinay!
Di ko ganahan mag ingkora diri sa waiting shed kay aside sa gahinay-hinay na ug baha, gusto naku mo uli nya ga gara ang ulan. Gapangtuyo-tuyo ata.
"Diha ko mopadung, sabay nalang saakoa." Ana ko kay Terzo. Ming ingkod sya sa tapad naku ug nag gawas ug stick sa sigarilyo.
Pagkakita naku sa gibuhat nya, nitindog ko ug nipalayo. Sugod pa
jud sauna di ko ganahan ug baho sa sigarilyo. Nya murag nakabati na si Terzo na di ko ganahan na nay manigarilyo doul naku imbis mag sindi na sya iyang giundang ug gibalik sa bulsa nya ang sigarilyo ug lighter.
"Sorry." Ana sya. Tas ni ingkod naku pero layo lang japun saiyaa.
"Aha diay ka padung Engrith?" Pangutana nasad nya para di mi kaunon sa kahilom.
"Sa bodega japun na adtuan nimo." Ana ko tas gikuha na naku ang payong kay ni hinay na ang ulan.
Ni tindog na pud sya tas ni doul naku while ako gi check sa naku ang pagkaon ni papa na naa sa bag while gahawid sa payong, nakabantay guro sya na galisud ko kay gikuha nya ang payong saakoa tas gicheck na naku kung nayabo ba ang baonan.
Nisuong naku sa payong tas nagbaklay nami padung sa dalan sa warehouse.
Hilom raming duha padung didto sa warehouse. Wa ko kabalo kinsa iyang adtuan didto, wa sad koy plano mangutana abi palang chismosa ko. Pero tinoud gud na chismosa ko.
Ako ga dali kog baklay kay baha tas sya? sya kay hasta jung ya-yaa lami kay mag una sa tinoud lang, gusto ko magdali para makauli ug mahuman na akong mga buhatonon sa balay.
"Engrith, gadali ka?" Hay, finally nakabati ragud sya. May kay ni sya na klase sa tao kay dali ra makabati sa palibot maayo mag pulis pero bagsak kay bata palang bisyoso na.
"Di halata?" Ana ko nya sa maldita nga tono, kay murag lang ga kusog nag balik ang ulan nya ya-ya kay sya.
Naka abot rajud mi sa bodega. Nakita kos gwardya didto mao tong nisulod sya, siguro para ipahiba'w sa papa naku na naa ko.
Nakabalik na ang gwardya tas nagdala syag duha ka bangko. "Ingkod sa mong duha oh, Terzo. Engrith huwat huwati sa daw imong papa kay naa pa sya'y gibuhat."
Nisipat nalang ko sa giingon sa gwardya. Maghulat nasad. Karun nga adlaw puro ra ata pag huwat akong gibuhat. Gakalagot ko aning adlawa!
Nagstorya si Terzo ug ang gwardya mao tong gigawas naku akong cellphone ug gi open akong facebook account. While ga scroll scroll ko nakita naku ang post sa university page namu.
Don Mariano National School
Dear girls, undang na ug pantasya sa inyong pinalangga na si Lexus Ong kay
#MayNanaloNa #🌈👬
*Attach picture*
648 Likes | 500 Comments | 300 Shares
Picture ni sa kauban ni nga nakatalikod, tas halata kaayo na ga halok sila, giatay kadaghang bae ang nadiscourage uy hastang ka gwapo nya tas maadto ra sya sa ambut kung gwapo pud sad.
Nagtabo lang si Terzo ug ang gwardya nya tungod wa pa japun akong papa ug wa jud koy lain choice kundili maghulat gi tap naku ang comment section, kasagara comments kay gikan sa mga babae nga naga pantasya ni Lexus.
Amarra Zaela: Crush, ngano man!?😭
16 hours ago • 6 replies
Zebvi Orca: Magpa trans nalang ko crush kong in-ana man diay!😭
16 hours ago • 50 replies • 60Reacts
Erla Yuana: Andama na raba unta kong ihatag ang tanan para nimo!
Just now • 5 replies • 23 Reacts
Erla Yuana: 😭😭😭💔
Just now • 6reacts
Halos mandagko akong mata saakoang nabasa. Kolera mani si Erla uy, easy to get kay moves ang mga comment. Hastang ka gago bayhana ambut nganong na amiga naku.
Gilingi naku si Terzo na naghilom na nya ang gwardya kay wa na diha, nisud na guro.
"Terzo, bay-ot si Lexus?"
Ana ko saiyaa tas nikalit ug dagko ang mata niya mura bag naka kitag balbal.
Siya akong gipangutana kay sila ni Lexus ang magbarkada, basin diay maka kalap kog news naa koy maika chika sa akong mga pinalanggang chismosa pud.
"Aha man ka nakadungog ana?" Ana sya saakoa while ni kalma na iyang naw'ng.
"Hala duh, kabalo man gud tanan sa University kay naa man guy gi post sa page na nay kahalok si Lexus." Ana ko saiyaa, siguro pati sya na amigo kay wa pud kabalo kay pag ingon naku nag open man sya diretso ug cellphone tas halos balion ug dugmokon na nya iyang cellphone sa kalagot iyang nakita.
Hina na ang ulan, pero wa pa japun si papa nakagawas busy guro kaayo. Nigawas nagbalik ang gwardya mao tong gihatag nalang naku saiyaa ang sling bag.
"Kuya, pahatag nalang kay papa kay basin mabusdakan nasad kog ulan inig maghuwat pako." Ana ko nya ug gitonol ang bag nga gi dawat sad niya.
"Pahatag nalang kuya, salamat." ana ko.
Ga scroll scroll pa japun si Terzo sa comment section sa post na akong pasabot saiyaa tas ako ready to go na, like duh lisud na mokusog nasad nya ang ulan.
Ni tindog si Terzo tas gisulod sa bulsa iyang cellphone dayun nisulong sa ulan. Klaro kay sa iyaang dagway na lagot kay siya.
Wa man lang gihulatan ang unsay tuyo nya diri sa warehouse.
Gipasagdan nalang naku sya tas nagbaklay nasad kog akoa. Bahala sya diha.
"Engrith pang hulat!"
Ana sya saakoa tas nisuong sa payong.
Murag gago na tao mosu'ng sa ulan tas magpahulat nya ya-ya raba may mobaklay.
Pero tungod kay naa koy gusto mahibaw an, huwatan naku sya.
Sige, sa ngalan ng chismis, sige pagbigyan tika.