راهب
كاعدين وسمعنة غدير تصيح ركضت اني وابوية والشيخ دخلت شفت...
.
.
.
.
.
.
.
.
.
.
.
.
ترف
كعدت لكيت عمتي وغدير يمي كالو راح يجي شيخ يحجي وياي شوي ودخل راهب وعمي وياهم رجال جبير بس وجهة منور
دخل سلم على عمتي وحجة وياي شوي
كام يقرة علية كل ما يحجي ويقرة احس شي يخنكني مداتحمل فجاة ما حسيت شي بعد بس اباوع بعيوني اشوف الشيخ يقرا بس ماسمع شي شفت راهب حاضني من ورا بعد نمت مادري شنو صار
" فدوة كافي تعبت عوفني بحالي"
"لا حبيبي لا تحجين هيج اني وياج لحد منموت سوة"
"حرام عليك اتركني بحالي ليش هيج تسوي بية"
"هههه لان احبج اريدة يعوفج ماريدة يمج"
"انته مجنون اني ما اعرفك واني احبة هوة تعذبني وتاذيني وتكلي احبج"
" اياج تعيدين هاي الكلمه لا تخليني اشوفج غير وجه" يحجي وهوة لازمهة من زندهة قووي
" ااه اترك ايدي احجي ما اسكت لان اني داحجي الحقيقة اني احبة احبة افتهمت عوووفني بحالي "
"جنيتي على نفسج حبيبتي "
فجأة كعدت من النوم كمت من فراشي بس مو اني الي جاي امشي اريد اوكف ماكدر هاي مو اني الي جاي اتحرك
مشيت دخلت الحمام و......
.
.
.
.
.
.
.
.
.
.
.
.
.
.
.
.
راهب
دخلنة الغرفة الصوت جاي من الحمام دخلت شفت ترف كلهة دم ولازمه جام بايدهة وامي لازمتهة وغدير مضروبة بايدهة دخلت اني وابوية لزمناهة و وخرت امي لازمهة اني ما حسيت الا ندفعت
دفعتني ودفعت ابوية ولازمه ألجام تريد تضرب روحهة ركضت عليهة وصحت على حسن والشيخ يدخلون دخلو بالكوة لزمناهة وطلعناهة الشيخ قرة عليهة يقرة وهية ترافس عبالك روحهة تطلع لحد ما هدت امي كالت انتو طلعو اني وغدير نسبحهة ونومهة عفناهم وطلعنة
الشيخ مازن: يابو راهب البنية حالتهة تعبانة لازم تستعجلون عليهة
الشيخ حاكم:انشاء الله
تعبناك ويانة ابو حمزة
الشيخ مازن:لا تحجي هيج احنه اهل
اني اترخص واي شي تحتاجون خابروني
الشيخ حاكم:انشاء الله شيخ الله وياك
راهب لازم اهلهة يعرفون هاي امانه
راهب: يعني شسوي
الشيخ حاكم:يعني تخابر اهلهة يجون
راهب:انشاء الله يابة هسة اخابرهم
رحت للحمام غسلت وجهي وادية كلهن دم رحت للصالة
راهب: الوو ابو ترف
علي:اي اني اتفضل
راهب:اني راهب زوج ترف
علي بفرحة جبيرة: هلا هلا ابني شلونك ترف شلونهة انشاء الله زينه وينهة خلي احاجيهة
راهب:هلا بيك عمي بخير احنه الحمد لله
اكلك عمي احنه محتاجيك يمنه
علي:خير ابني صاير شي لبنتي
راهب:لا ماكو شي انشاء الله بس مريضة شوية وتريد تشوفكم
علي: اي ابني اليوم يمكم انشاء الله من اوصل اخابرك
.....
لليل خابر ابو ترف
راهب:هلا عمي وين وصلتو
علي:احنه يم.....
راهب:اهاا اني جاي عليكم ابقو مكانكم
رحتلهم بالمكان سلمت عليهم وجبتهم للبيت
علي:السلام عليكم
الشيخ حاكم وحسن: وعليكم السلام ورحمة الله وبركاته
الشيخ حاكم:اتفضل ابو ترف
علي:زاد فضلك شيخ
........
الشيخة فضة:يا هلا خية اتفضلي اتفضلي
نورس:هلا بيج عيني شلونج
الشيخة فضة:نحمد الله انتي شلونج
شلونج بنيتي اللهم صل على محمد وآل محمد شني هالجمال
جوري:تسلمين خالة
الشيخة فضة:غدير تعاي
غدير :السلام عليكم
نورس وجوري:وعليكم السلام
نورس:هلا حبيبتي شنو هالجمال هاذة
غدير:تسلمين خالة
شلونج جوري
جوري:الحمد لله بس منين تعرفيني
غدير: هههه يروحي ترف مالهة سيرة بس عليج
جوري: فديتهة طاك كلبي عليهة
نورس:بلا زحمه ام راهب بيهة مجال نشوف ترف ميتة على شوفتهة
الشيخة فضة:والله يا ام ترف ماعرف شكول
نورس: شصاير حجية وينهة بنتي
ااااااااااه 😲😲
يتبع....عميــــــــــان وياهو اليفهم ويندل...
وانه ادري اليحب بأخلاص كلش بالعشگ ينذل..
البارت الثالث عشر
فصلية ل راهب
هلوو حلقوماتي بقلاواتي شلونكم 😍😍
يلا نبدي اعرف متشوقين 😻😻
.......................
راهب
كاعدين بالديوان نحجي وحجة ابوية
الشيخ حاكم:ابو ترف انة رايد اكلك شي
علي:اي شيخ كول
الشيخ حاكم: ..........
الشيخ حاكم: ..........
بعدة ماحاجي وسمعنة العياط والصريخ من البيت عرفت ترف كعدت
ركضت اني وحسن والشيخ وعمي ابو ترف طبينة شفت غدير وبنية شابة واكفات يم الدرج يبجن صعدنة فوك طبينة للغرفة شفت امي وام ترف وسعاد لازمات ترف وترف ملابسهة مشككة وشعرهة مكفش وبس تصرخ امهة تبجي وتصرخ على رجلهة ابو ترف ساكت ومصدوم
حسن من شاف ترف ما مستورة كبل طلع رحت اني وابوية وعمي لزمناهة وامي لزمت عمتي الي بقت تملخ بروحهة وسعاد واكفة وياهن
ترف بس تصرخ ابوية كام يقرا قرآن وية كل حرف يزيد عياطهة نص ساعة يلا هدت كبل نامت
نزلنة كلنه جوة كعدنه كلنه بالصالة
علي: بنتي شصايرلهة
نورس:لا علي لا هاي مو بنتي هاي مو ترف
الشيخ حاكم: والله يابو ترف ماندري شنكلك بيوم وليلة هيج صار وجبنه شيخ.......وحجة الي صار خلال هالايام
علي:لا حول ولا قوة الا بالله العلي العظيم شسوي هسة يا ربي
نورس: اتصرف شوف حل ماعوف بنتي هيج اذا تبقى هيج تموت
اووف يا بنتي ما شفتي راحة ابد دخيلك إلهي احفظهة وارحمهة وارحمني ولا تفجعني بيهة
الشيخة فضة:اهدي ام ترف كولي يا الله انشاء الله نلكة حل
راهب( كلبي يوجعني على ترف على حبيبتي اي حبيبتي اني ليش خايف اعترف لنفسي اني حبيتهة وحبيت طفولتهة وبراءتهة ونعومتهة كلشي بيهة حبيتة ياارب نور بصيرتي حتة اساعدهة )
الشيخ حاكم: اني من رأيي ناخذهة للنجف هناك هواي شيوخ وسادة عدهمعدهم خبرة بهاي الشغلات
علي:اي صح حجيك ناخذهة هسة لعد
نورس:اي علي نروح هسة
الشيخ حاكم:غدير غديير
غدير وجوري دخلن:هاا بابا
جوري ركضت تبجي لحضن ابوهة : بابا شبيهة ترف ليش هيج تصرخ
علي:ما بيهة شي باباتي لا تبجين هية بس مريضة شوية
جوري:لا بابا ارجوك لا تكذب اني ما تعلمت عليك تضم شي علينة اختي بيهة شي ليش مخليتوني اشوفهة
علي: بابا اختج حيل تعبانة وراح ناخذهة هسة للنجف
جوري تبجي:ليش بابا شبيهة تعبانة
الشيخ حاكم:بنتي كولي يا الله اختج ما بيهة شي انشاء الله روحي وية غدير ارتاحي بالغرفة جاية من سفر انتي
الشيخة فضة:اي يمة غدير اخذيهة ترتاح وسوي العشة
نورس: عيني ام راهب منو الة نفس ياكل
الشيخ حاكم: غدير جهزي ترف وحضريهة راح نطلع
غدير:انشاء الله بابا
راهب:اترخص يابة اجهز نفسي
الشيخ حاكم:مرخوص ابني
يلا شيخة انتي وجنتج حضرن العشة
الشيخة فضة:اي انشاء الله
علي:ابو راهب ما يحتاج صدكني مالنة نفس
الشيخ حاكم:لا تحجي هيج ابو ترف ما يصير لازم تتكوة بهاي الضروف
الشيخة فضة: كومي عيني ام ترف غسلي وجهج وارتاحي شوية
علي: اي نورس كومي ارتاحي ونامي ورانة طريق طويل
نورس:اي انشاء الله
بس بدون زحمه ام راهب اريد اروح يم ترف
الشيخة فضة:اي حبيبة تدللين سعاد ودي عمتج لغرفة راهب وترف
سعاد:صار شيخة
راهب
يحجون واني بالي مو يمهم بالي يم الي اخذت كلبي وعقلي احسهة جاي تروح من ادية
بس مستحيل اخليهة تروح هاي ترفتي
ترخصت منهم ورحت لغرفتي
دخلت لكيت غدير مبدلتلهة عافتني وطلعت
كعدت يمهة اباوع بوجهة عبالك طفلة نايمة
طفلتي
بنتي
حبيبتي
كمت أتلمس وجهة ناعم تذكرت أول ما اجتي شلون خايفة مني وتحجي وهية مدنكة لو من شفت لوحاتهة من نامت بحضني حضنهة بريئ اتلمست الجروح الي بوجهة رغم هالجروح بس بعدهة مثل الكمر نمت بحضنهة شوي ونفتح الباب
نورس: ها ابني تعذرني ماعرف بيك هنا
راهب:لا عمة لا تعتذرين هلا بيج اني رايح ابدل واجهز السيارة اخذي راحتج
اخذت هدومي ونزلت للحمام الجوة
...............
نورس
بنتي حبيبتي يا نور عيني شصارلج ذبلتي يا وردة امج
ربي يكومج بالسلامة
اذا صارلج شي اموت يروح امج
بستهة من راسهة وبقيت كاعدة وياهة اتذكر من يوم الي ولدتهة لحد ما دخلت المدرسة وكبرت بعد ودخلت الكلية وحلمت تكبر وتصير عروس وتصير ام بس القدر أكبر مني ومنهة
ادعي ليل ونهار الله يوفقهة ويحنن كلب عيالهة عليهة
...............
حسن
نزلنة من ترف ورة ما هدوهة امهة تبجي وامي تهدي بيهة صاح ابوية على غدير اجت وياهة بنية سبحان الخالق شهالجمال العيون زرك والشعر ليل والوجه مراية وفوكاهة تبجي خدودهة صايرة طماطة حضنت ابوهة من اشتعل ابوهة على هيج خلفة تحجي وية ابوهة منطلقة بالحجي هاي لو غدير جان فركت حلكهة فرك شلون تكل لابوهة تجذب
فدوة لله شلون تتمشى عود جنهة الهايشة العندي
..........
راهب
تجمعنة كلنه عالعشة خلصنا ودعنة امي وحسن وغدير وجوري بقت يم امي صعدو ترف وامهة وابوهة ورة واني اسوق وابوي بصفي بالصدر مشينة بالسيارة واستراحينة و وصلنه النجف الظهر حجزنا بفندق ترف واهلهة غرفة واني وابوية غرفة ارتاحينه وابوية خابر عالشيخ مازن انطانه عنوان شيخ معروف هناك المغرب اخذتهم ورحنه للعنوان وترفتي ابد ما كعدت لا اكلت لا شربت اذا ما كعدت اليوم لازم اوديهة مستشفى
وصلنه العنوان دخلنة غرفة جبيرة حيل واجانة الشيخ رجال جبير ومبين من اهل الله حجينالة الي صار
الشيخ:نوموهة هنا
نومناهة عالفراش والشيخ كعد بصفهة كام يقرا عليهة ايات ويحجي حجي ما مفهوم
الشيخ:الله أكبر
علي:خير شيخ شبيهة بنتي
الشيخ:بنتك مسكية
الشيخ حاكم:شقصدك شيخ
الشيخ:يعني مسحورة
نورس:يمة بنتي منو ساحرهة
علي: مو مهم منو سواه شيخ المهم تساعدهة
الشيخ: انشاء الله اكدر
الشيخ يحجي واني عيوني عليهة اكول شوكت ترجع ترف
الشيخ كام يقرا وام ترف هم طلعت قرآن وكامت تقرا
كام صوت الشيخ يعلى وترف كامت تطلع صوت غريب صوت حيوان
شوي وفتحت عيونهة كل قوتهن وكامت تباوع عالشيخ وتشوخر بصوتهة صاح الشيخ "جتفوهة"كمت اني وابوهة لزمناهة والشيخ بعدة يقرا يقرا واني كلبي اشتعل نار واني اشوف حبيبتي ماكو هاي مو حبيبتي مو ترف هاي مو عيونهة البريئة هاذة مو صوتهةالي من تحجي بيه يغرد ام ترف بس تبجي و تصيح " يارب دخيلك كلشي ولا بنتي ياربي احفظهة بحق محمد وآل محمد "
ابوية يقرا قرآن ويدعي الله يعديها على خير
جاب الشيخ مي خلاه يم حلكه قرة عليه وكال عدلوهة حتة تشرب اذا تقيات ورة ما تشرب يعني ما عليهة شي بعد
كعدناهة وبعدنه لازميهة وعمي دموعة عشرة عشرة على بنتة اني بالكوة فتحت حلكهة وبدة الشيخ يشربهة ويقرا لحد ما خلصت المي كلة
بقت دقايق وصاح الشيخ "يا ولد جيب الطشت هنا" جابو طشت قربت ترف وبدت تتقيا بس كل الي يطلع من حلكهة سواد جيير ينزل من حلكهة ربع ساعة بس تتقيا خلصت رجعتهة لحضني بس بعدهة نايمة
راهب:شيخ هسة شني مو كلت تصير زينه ليش بعدهة ما كعدت
الشيخ: لا تخاف ابني ما طول فرغت بطنهة نحمد الله ونشكرة هسة تاخذوهة تزوروهة وترتاح للصبح انشاء الله ما بيهة شي بس تبقون تقرون يمهة قرآن وغرفتهة فتشوهة زين خاف بيهة شي وتمسحون الغرفة بخل وتشغلون بيهة قرآن يوم كامل يلا ترجعلهة
علي وهوة حاضن بنتة:الله يوفقك يا شيخ
اجت عمتي يم ترف رتبت ملابسهة وبقت حاضنة راسهة وتبجي بالكوة كامت
كمنه سلمنه عالشيخ ورجعنه للفندق الصبح كعدت على صوت تلفوني عمي ابو ترف
راهب :الوو ها عمي ترف خوما بيهة شي
علي : ابني ترف.....