راهب
خلص دوامي 3 الظهر رجعت البيت ملكيت أحد كلت يجوز نايمين
صعدت لغرفتي حتة ابدل
راهب: هاي شنووو😡😡
نزلت اركض ادور عليهة وينهة هاي بت الكلب نزلت واسمع صوت ضحك وحجي من الحديقة رحت واني احس أعصابي حتركت حرك أول ما وصلتلهة لزمت شعرها هية كبل فزت
ترف: اااخ شعري شكوو
غدير: خوية راهب شبيك شصاير
راهب: غدير امشي طبي لغرفتج
غدير:بس غير افهم
راهب: غدييييير كلت طبي لغرفتج
غدير باوعت على ترف اشرتلهة ترف بمعنى روحي وفعلا راحت
راهب وهوة يضغط على شعرهة: من الصبح لهسة كاعدة ما عرفتي تصعدين تعزلين الغرفة
وليش فاتحة كنتوري هدومي بالكاع ليييش غراضي مكسرتهة ليش شني عبالج تحركين كلبي ولج
يحجي وهوة صاك سنونة ويفر شعرهة بيدة
ترف
يحجي واني احس راسي راح يتفلش راح اموت بيدة اذا بقى بهالعصبية
ترف:شنو جاي تحجي اني متأكدة رتبتهة قبل شوية جنت كاعدة بيهة
ترف وهية تحاول توخر ايدة: وحتلو الغرفة هيج محاجة تمد ايدك تكدر تكلي بهدوء
راهب لزمهة من ايدهة حيل: يعني تجذبيني جرهة وصعد فوك
ترف
يربي هاذة شبي ميعرف يحجي عبالك لازم مذنب صعدنة وفتح الباب 😲
ترف: ش..ش..شنو هاي منو مسوي هيج
ملابسة وملابسي بالكاع
تحفيات مكسرة
كتبي مطشرة
ساعاتة
مي وعصاير متبدية عالفراش
راهب
اباوع عليهة مبينة صدك مصدومة
لا راهب لا تنخدع ياما وياما عدت عليك هيج نماذج من برا بريئة وهية جنهة حية
راهب: وهسة شنو رايج باللي كدامج
لزمتهة من حنجهة اسمعي لج كدامج نص ساعة اجي الكة كلشي مثل ما عفتة الصبح وملابسي تكويهن يلا ترجعيهن فهمتي ماريد الكة بيهن كسرة وحدة
ترف
بعدني مصدومة بالغرفة واحس فكي انخلع لازمني قووي اباوع عليه يحجي بعصبية وحركة مبين كولش يحب النظافة بس حقة على هالحالة اللي بيهة الغرفة بس لحظة لحظة شنو الجمال هاذة حنطاوي على سمار شعرة شوي عالي وجنه فحم شواربة وحواجبة عبالك عيونه سود يتيه اللي يباوع عليهن ما حسيت على نفسي الا من سمعت طبكة الباب
(عزة بعيني اي والله شلون اباوع هيج عليه هسة شيكول علية ثول الثولني هوة شكال
هاا اي اي كال رتبي واكوي )
بديت ارتب بالغرفة واعزلهة وخليت ملابسة على جهة شلت كتبي ورجعتهن لجنطتي بالكنتور لميت الكزاز بقة بس الفراش شلون اطلعة يربي
هففف حاولت اشيل الجرباية حتة اطلعهة مكدرت احس ظهري راح ينكسر بقيت اجر بيهة جر لحد ما طلعتهة خليتهة برا وكلت بعدين اصعدهة رجعت كملت الغرفة وصعدت الزولية شريتهة نزلت بالكوة اجر النفس كبل تمددت عالسرير على ظهري كلت ارتاح واسوي ملابسة
راهب
احجي وياهة وهية ولا يمي صافنة بوجهي عفتهة وهية بعدهة صافنة اباوع عليهة
(شبيهة هاي بس شنو هالجمال ماشاء الله العيون تكول لامة خضار الدنيا الرموش سهام وتجرح اللي يباوع عليهة خشمهة سيف لو شفايفهة شني هاي فراولة اريد اضوكهن شتهيتهن )
راهب شبيك اصحى على نفسك تخبلت عفتهة ونزلت جوة حتة هدومي ما بدلتهن بقيت مكنك بتلفوني
"صارلهة ساعة ما خلصت "
حجة راهب وهوة يكوم لغرفتة دخل لكاهة نايمة على ضهرهة بنص الجرباية بالعرض وفاتحة اديهة رجليهة طالعة لان شايلة دشداشتهة
(رجلين لو كيمر مصبوبات صب ونوب الدشداشة سودة)
تقدم عليهة وهية على وضعهة وكف يم راسهة يباوع على وجهة وشعرهة مبعثر
ترف
بقيت على السرير ما نايمة بس مابية حيل اكوم بقيت مغمضة وافكر باللي يصير (شلون راح اتحمل كل هاذة علمود الغرفة هوسة الا شوية راد يكسر راسي بايدة ما يعرف يحجي بهدوء بس يصيح هسة عالاقل صير جنتل كول متكدر وحدهة خلي بس اصعدلهة الفراش..شكاعد تحجين ترف احنه مو ببغداد هنا الرجال الكل بالكل وخاصة راهب شيخ وضابط وفوك كل هاذة مغرور مغرور هواااي هففف كافي خلي اكوم لا يجي والله مابية حيل يمد ايدة)
فتحت عيني شفتة فوك راسي ويباوع كبل شهكت وخليت ايدي على كلبي
ترف:صدك جذب حرام عليك وكفت كلبي
راهب
صدك شكلها يضحك عبالك شافت وحش لو جني
راهب:شبيج اخترعتي
اذا خلصتي شغل طلعيلي ملابس وحضري الحمام
ترف (عابت اي والله حتة ما كال الله يساعدج شلون سويتي كل هاذة وحدج ):اي ان شاء الله
كمت ولزمني ظهري رجعت كعدت
راهب
(شو هاي كامت وكعدت )
راهب:شبيج
ترف بوجع:مابية
راهب:شلون ما بيج وانتي شوية وتبجين
ترف:مابية شي ثواني ويجهز الحمام
عافتة وكامت
ترف
(ياربي ظهري راح ينكسر بس ماريد ابين ضعفي أكثر من هيج ساعدني يا رب )
شوية وصاحت ترف :الحمام جاهز
دخل يسبح وراحت هية تمددت على فراشهة ما حست على نفسهة الا على غدير
غدير:ترف ..ترف يمعودة اكعدي ساعة ب6
ترف:اي حبي كعدت هياتني (يبوو ما سويت ملابسة يلا اكمل العشة والتهي بيهن)
غدير:يلا لعد غسلي وتعالي نسوي عشة
ترف:انشاء الله دقايق واجي
نزلت غدير وكامت ترف غسلت وجهة بدلت ملابسهة ولبست حجابهة ونزلت جوة دخلت للمطبخ لكت غدير واكفة كبال الثلاجة
ترف:ها غدير ليش صافنة
غدير:لا ماكو شي بس محتارة شنسوي عشة؟
ترف:اممم شنو رايج نسوي مشويات؟لو متاكلوهة
غدير:لا بالعكس خاصة راهب يحبهة كلش
ترف:ماشي لعد نطلع اللحم نشوي تكة ونسوي كبة وراح اسويلكم سباكيتي باللحم شكلتي؟
غدير:ماشي بس سباكتي شنو
ترف:اسوي وشوفي كولش طيب
بدن يسون الاكل غدير كلت وترف سوت السباكيتي ومقبلات حضرن السفرة راحت غدير صاحت اهلهة التمو كلهم عدا ترف بقت ترتب المطبخ وكالت من يخلصون تاكل وحدهة
شوي وسمعت صياح
" شوي هااي شني هاللعبان النفس"
ترف
رحت ركض للصالة لكيت حسن يصيح وكلهم يباوعون علية
حسن:انتي الي سويتي العشة
سعاد:اي هية الي سوتة
حسن:ماحاجي وياج سعاد هية عدهة لسان وتحجي
جاوبي😡
ترف دنكت :اي خوية اني سويته ليش بيه شي
حسن: تعاي شيلي ماريد اشوفة كبالي لعبت نفسي وهاي آخر مرة تسوين هيج اكل مو عبالج عد اهلج فهمتي
ترف
شكد خجلت من حجة هيج اريد واحد يردة حتة زوجي عشتو بقة ساكت حسيت نفسي راح ابجي بالكوة لزمت نفسي رحت اخذت السباكيتي وديتة للمطبخ كعدت حسيت شي يحرك وجهي تلمستة لكيت دموعي تنزل عشرة عشرة بدون ماحس بس ما لازم اضعف
(لا يأكل براحتة خلي اغسل واني اكلة اني اموت عليه )
راهب
صاحتنة غدير عالعشة اني وابوي وحسن دخلنة كعدت
(شني هالترتيب لا ومقبلات هم ياهو هيج مسوي اكيد مو سعاد هية حتة طبخهة ما ينوكل غدير لا لا ما اتوقع هية بالكوة تساعد بالمطبخ يجوز امي بس لا ما دخلت المطبخ معقولة!؟؟)
بدينة ناكل وكام حسن يصيح عالاكل عود لعبت نفسة واجت هاي هم بقة يصيح عليهة يابة بالكوة لازم أعصابي عليه حتلو فصلية بس تبقة مرتي كدام الله وكدام أهلي المفروض يحترم وجودي اجت اخذت الاكل وطلعت كبل مااحجي حجة ابوي
شيخ حاكم:انته صدك ما تحشم احد
ولك لا احترمت نعمة الله ولا خليت احترام الي ولا لاخوك
حسن:شني يابة ضجت عالفصلية
شيخ حاكم:انجب ولك ولا كلمة اسمع منك سكتتلك هواي واكول ميخالف مكسور ما اكسرة أكثر بس لهنا وكافي ترف مرة اخوك حالهة حال مرتك بالبيت تحترمهة وغصبا عليك مفهوم لولا
حسن:صار شيخ بس اعصابك
شيخ حاكم:سديتو نفسي
عاف الاكل وكام الشيخة تنهدت وكامت راحت للمطبخ غدير شافت الجو مكهرب راحت لغرفتهة وسعاد نفس الشي
راهب:ما مرجية منك هاي حسن
حسن:تعذرني يا خوي مدري شلون حجيت هيج بس تعبان ومالي خلك
راهب:اعديهة هالمرة بس ان شاء الله ما تنعاد
حسن:انشاء الله بس لا تضوج نفسك اذا تريد اعتذر منهة هم حتة ماتزعل مني
راهب:لا مو هيج بس جان خليت احترام الي هسة شتكول علية بلة حتلو فصلية ميخالف بس ما نريد يصير الحك وياهة ونتعايب
حسن:ماعاش اللي يعيبنة
ترف
خلصت اكل وضميت البقة حرام نعمة الله بقيت افتر بالمطبخ حسيت أحد دخل عبالي غدير نداريت شفتهة الشيخة دنكت وحجيت
ترف:اتفضلي شيخة محتاجة شي اسويلج
الشيخة كعدت عالكرسي
شيخة فضة:ستكان جاي
ترف
يوومة شكد هيبة بس مبين الحزن بعيونهة ومبينة حنينة كولش رحت اصب جاي اني اصلا محضرتة لان بابا جان طلب ورة العشة يريد جاي فمتعودة
ترف:اتفضلي شي محتاجة شي بعد
شيخة فضة:لا
شوي وشافت حسن وراهب طلعو راحت لمت السفرة وجابت المواعين بدت تغسل بيهن كل هاذة والشيخة تباوع من جوة لجوة خلصت وبقت تتنشف بالمواعين الغسلتهن
شيخة فضة:شتسوين
ترف:شيخة انشف المواعين قبل مااضمهن
شيخة فضة:ليش تنشفيهن قبل ما ترجعيهن
ترف:ماما معلمتني هيج حتة خاف بيهن مي ما يوكع بالكاونتر وتصير ريحة هيج احسن
شيخة فضة هزت راسهة وطلعت راحت لغرفتهة
شيخة فضة
دخلت المطبخ وشفت الفصلية ماشاء الله حيل حلوة صليت على محمد كعدت حيل مؤدبة بالحجي مدري لان ما متعودة جانت مرة حسن هيج جم يوم وكلبت كتلهة على جاي كبل صبت مبين محضرتة نطتنياه وراحت جابت السفرة وبدت تغسل اباوع عليهة شلون تغسل مرتبة سوت المطبخ يلمع وانة حيل احب البنية النادرة حجيت وياهة نزل كمت
ترف
راحت الشيخة خلصت شغلي وصعدت فوك دخلت سبحت طلعت كبل للفراش رتاحيت شوي وكمت مشطت شعري جنت لابسة دشداشه لون سمائي مو كولش ضيكة لا تخصيرتهة حلوة مشطت ورحت رتبت ملابس راهب اللي يحتاج كوي كويتة والي ميحتاج كبل صفطتة خلصت و كعدت اباوع بالتلفزيون طالع فلم حلو اجنبي
راهب
طلعنة اني وحسن لجماعتنة سوالف وضحك رحت جبت حبشكلات لغدير ادري تحب هالسوالف بس من الفاتحة لهسة ما جايبلهة جاي اشتري وتذكرت ترف تذكرت تصرفاتهة مال اطفال اخذتلهة مثل غدير
حسن:ههههه شوي هاي كلهة لغدير
راهب:اي خطية تدري شكد تحب هالسوالف واخذت للجماعة هم
حسن:هاا الجماعة اي يابة حقك ليش شو الجماعة ينكرطون كرط
راهب:حسسسسن شجاي تمسلت😡
حسن:هههههههههه علكيفك يخوي اشاقة وياك
راهب:اي حسبالي
رجعنا راح حسن لغرفتة ورحت اني لغدير دكيت الباب
غدير:ادخل
راهب:كاعدة ولج ساعة 11
غدير:هلا راهب وين اروح ما جايني نوم وكلت اشوفلي فلم بلكت انعس
كول محتاج شي
راهب:لا يروح اخوج هاج هاي العلاكة الج
غدير😁😁:مشكووور حبيبي ليش هيج تعبت نفسك
راهب:جم غدير عندي اني بالعافية
اكلج لعد ليش ما رحتي يم ترف اذا كاعدة
غدير:والله يخوي تريد الصدك خفت منكم وكلت يجوز البنية تعبانة وتريد ترتاح من الصبح لليل هية تفتر بالبيت هاي عود بعد ما جاي لا خطار لا شي
راهب:ليش ولج تخافين لا غدير دير بالج تخافين مني اني اذا قسيت وياج لو عصبت عليج لمصلحتج رايدلج الخير فهمتي يا دكمة
غدير:هههههه دكمة
فهمت اكول هاي المن العلاكة البيدك
راهب:هاي لترف كلت يجوز مثلج تحب هيج شغلات
غدير:اهاا اي ليش لا يااارب تبقى هيج هادئ وياهة وماتعصب وتخوفهة
راهب:ليش يابة اخوفهة شني كالولج علي طنطل
غدير:لا يخوي مو قصدي بس ما شفت نفسك اليوم من اجيتهة وانته صاير نار
صدك انته ليش هيج ضربتهة
راهب:ماكو شي لا يضل بالج يلا خلصي فلمج ونامي لا تسهرين
تصبحين على خير
غدير: انشاء الله
وانته من اهل الخير
وراح راهب لغرفتة دخل للغرفة باردة حيل ندار شافهة منتجية عالتاج مال الجرباية شعرهة مفتوح ولابسة دشداشة بالنسبة الة مطلعة كل تفاصيل جسمهة خصر منحوت وصدر رمان والزنود يشيبن الرأس من بياضهن راح يمهة خلة ايدة على راسهة عدل نومتهة وغطاهة وبقة يستغفر يريد يسيطر على مشاعرة حقة اذا هيج ملاك نايم بصفة ومايكدر حتة يلزم ايدة بسبب كبرياءة هوة شرط ما يصير شي بينهم شلون يتراجع هسة ما ترهم
راح بدل وخلة حلوياتهة عالميز واجة نام بقة بالنص ساعة يباوع لوجهة وهية نايمة شعرهة بصفهة ورموشهة سبحان السواهن والشفايف متفرقات وحمر من البرد وهية سابحة (جنهة طفلة يربي بس شلون طفلة صدك لو كال حسن تنكرط خل انام احسن ما اسوي شي اندم عليه بس ليش هيج باردة الغرفة يبوو نسيت هاي طلعت فراش الكاع وما تندل مكان الصوبة الكهربائية يلا الصبح اشغلهة)
حسن
بصراحة من حجيت هيج وياهة شفتهة شلون خجلت ودمعتهة صارت بعينهة اخذت الاكل وراحت وعيت على روحي من حاجاني ابوي (اني شصخمت أخ يا عصبيتي بلة شني ذنبهة ذبيت حركة كلبي بيهة شكد فشلة من اخوي) اعتذرت من اخوي وطلعنة سوة لليل ورجعنة دخلت لغرفتي لكيت سعاد نايمة اتمنى يوم اجي الكاهة متعدلة مرتبة روحهة بس صارت 9 راحت نامت ادري دجاجة همهة بس اهلهة والفلوس( شوكت ارتاح يا ربي لا ولد ولا بت عندي ولا مرة تريح وبيهة حظ الدوام تعب ونوب موت اخوي ) استغفرت ربي ونمت
ترف
احلى نومة نمت صار شكد منايمة هيج احس بدفو بس اكو شي ضاغط على خصري فتحت باوعت هاي اني وين نايمة رفعت راسي 😲
نايمة على ايدة و وجهي بصدرة وايدة على خصري جف ايدة صاير بضهري لان اني ناعمة ردت اكوم وكعد
راهب:ها كعدتي صباح الخير
ترف:لا رد بس تباوع
راهب:الصباح لله ترة
ترف:هاا لا مو قصدي بس ليش نايمة بحضنك
راهب ابتسم وهوة يتذكر شلون كامت ترجف بالليل واجت نامت بحضنة تدور دفوعبالك بزونة بردانة
راهب:بردتي بالليل ونمتي بحضني ليش ضايجة هيج ترة ابقى رجلج مو غريب
ترف
امداني ما تحملت البرد الله يعلم شيكول بكلبة علية
ترف:لا مو قصدي ما ضايجة
راهب:لعد ش...
ترف
بعدة ما مكمل حجي وسمعنة عياط وصوت صراخ من جوة طفر راهب واني وراه حتة نسيت شلابسة نزلت وكابلتني غدير هم نزلت ويانه ولكينة الشيخ هم واكف بباب غرفتة باوعت واشوف حسن ........
يتبع.....
200 تعليق واذا اقل يبووووو انجلطالبارت السابع
فصلية ل راهب
مساؤؤ حلقوماتي اسفة عالتاخير بس نفسيتي زفت أتمنى تعذروني
*****************
ترف
نزلت اني وراهب شفت حسن يضرب سعاد بس احسة كسر عظمهة من قوة الضرب الغريبة محد اتدخل غدير راحت لغرفتهة وراهب رجع لغرفتنة اني باقية بمكاني اباوع ومصدومة
حسن:شعندج واكفة هنا تباوعين على مسرحية امشي ولي منا
ترف
من كلي هيج كبل طفرت لغرفتي دخلت لكيت راهب مكنك بتلفونة كعدت بصفة
ترف:احضرلك الحمام والريوك؟؟
راهب: لا مو هسة
ترف: زين اني حرجع انام اذا تريد شي كعدني
راهب(شفتهة تعبانه وجوة عينهة اسود كلت خطية): ماريد شي كملي نومج بزر النستلة
ترف: شنوو اني بزر نستلة😮
راهب:هههه اي بنات بغداد كلجن مدللات
ترف: اي اكيد كل بنية مدللة بحضن ابوهة وامهة
راهب: صحيح يلا نامي اني شوية واروح
ترف
حجينة شوي ونمت مادري بروحي ما متعودة عالشغل هيج والتعب
راهب
دخلت لونهة مخطوف مبين حسن عاط بيهة اجت بصفي سالتني تريد شي كتلهة لا ورادت تنام بس بصراحة ماريدهة تنام اريد تحجي وياي بعد اريد اسمع صوتهة كتلهة(بزر نستلة) كمنة نحجي شوي وكتلهة نامي خطية تعبانة
نامت يا الله وهية كاعدة جاذبتني وهية نايمة ساحرتني شني هالبنية
اكوم احسلي ليش ارتكب جريمة
رحت سبحت وبدلت ونزلت جوة لكيت غدير والحجية كاعدات
راهب: صباح الخير
باس ايد امه
الشيخة فضة: صباح النور يا هلا بهالطلة
اكعد تريك يمة
راهب: لا يمة ما اشتهي راح اسوي شغلة وارجع عالغدة انشاء الله
الشيخة فضة: الله يسهل امورك توكل على الله بس لا تتاخر عالغدة
راهب:انشاء الله
يلا محتاجة شي يمة
الشيخة فضة:سلامتك يا كلبي
راهب: غدورة محتاجة شي ؟
غدير: اي فدوة راهب محتاجين كم شغلة اني وترف
الشيخة فضة:ترف ياهي(يعني منو) ؟
غدير: مرة راهب يمة اسمها ترف
الشيخة فضة: اسم على مسمة ترف وهية ترف
راهب: ها يام راهب جنج حبيتيهة
الشيخة فضة: بعد يابني مو هسة
غدير: اهااا راهب الشيخة راح تدخل مرتك الاختبارات دير بالك
الشيخة فضة: دخلتهة أول اختبار ونجحت 😎
راهب: ههههههه والله يا يمة عندج سوالف تحت امرج يالغالية شتريدين سوي
يلة غدير كولي شتريدين حتة اتوكل
غدير: نريد كريم شانتي ونريد بسكت وحليب وككو وعصير طبيعي
راهب: عود اخابركم وكلولي
في امان الله
الشيخة فضة غدير: الله وياك
***********
ترف
فزيت من النوم باوعت الساعة 9 يا الله شكد عيب هسة شيكولون
كمت عالسريع غسلت وجهي بدلت ونزلت
ترف: صباح الخير شيخة
صباح الخير غدير
شيخة فضة: صباح النور
بعد وكت
ترف: اسفة شيخة ادري تأخرت
الشيخة فضة: يلا كملي الشغل وادخلي سوي الغدة
(مبين عليها الأدب ما شاء الله ولا ترد احسن من ذيج المكموعة)
ترف:اي شيخة صار
ترف
شكد عيب كعدت متاخرة
البيت نظيف مو هواي شغل يرادلة رتبت ومسحت وبديت اسوي الغدة دخلت الشيخة
اني ذابة حجابي على جتفي وكافة رداني
ترف: ها شيخة محتاجة شي
الشيخة فضة: شني غداج اليوم
ترف: حتاريت يا شيخة راح اسوي برياني وعليه دجاج مشوي ومقبلات
الشيخة فضة: اي
ترف: اذا ماتحبون اكدر اسوي غير شي
الشيخة فضة: كملي شغلج
ترف: انشاء الله
ترف
بقيت اشتغل والشيخة تباوع احساسي يكول اكو شي تحجي رسميات وتتعمد تباوعلي واني اشتغل أو اطبخ شنو الفلم 🤔
خلصت طبخ ورتبت المطبخ والشيخة بعدهة على كعدتهة
ترف: شيخة اصب الغدة لو بعد
الشيخة فضة: يجون الولد ونأكل سوى
ترف:انشاء الله
اني حروح ابدل محتاجة شي مني؟
الشيخة فضة:لا بس من تخلصين تعالي لغرفتي عندي حجي وياج
ترف: ا..ا..اي انشاء الله
ترف
يوومة كلبي راح يوكف شتريد مني اني حتة كولشي ما مسوية خلي اسبح وابدل عالسريع
لبست دشداشة رصاصي بيهة خرطة يم الصدر ردنة تلث ارباع وبيهة حاشية ورد وردي وحجاب وردي كملت ونزلت
الشيخة فضة
صحيح المات ابني بس ما يغلى على الي خلقة والبنية مالهة ذنب واني تابعتهة مؤدبة وحبابة ونظيفة وام بيت هية هاي اللي تناسب الراهب بس بقى احجي وياهة اشوف احساسي صح لو لا
✊✊
الشيخة فضة: ادخلي
ترف
دخلت واني مدنكة
ترف: شيخة طلبتيني محتاجة شي مني
الشيخة فضة: اكعدي هنا
ترف
رحت كعدت كبالهة اباوع عليها وجهة منور رغم كبيرة بالعمر بس حلوة ومبينة طيبة بس هيبتهة تربكني
ترف: كولي شيخة
الشيخة فضة: انتي شكد عمرج
ترف: هاا
الشيخة فضة : لا تصيرين فاهية ردي
ترف: عمري 19 سنه
الشيخة فضة:اهاا
تدرين اني بعمرج جان عندي راهب
ترف: الله يخلي الج انشاء الله
الشيخة فضة: امج ابوج عايشين؟
ترف:اي شيخة الحمد لله 😢
الشيخة فضة: ليش هالدمع هاذة
ترف: اشتاقيتلهم يا شيخة
الشيخة فضة:هاذة قضاء ربج اللي صار صار ذبي حملج على ربج
حجت وهية تمسح على رأسهة
ترف
مسحت على راسي اخذت ايدهة بستهة
ترف: سامحيني يا شيخة والله كل الي صار مالي ذنب بيه وحتى ابن عمي مالة ذنب اللي صار قضاء وقدر
الشيخة فضة: ونعم بالله
اي عندج خوان خوات
ترف: اي شيخة عندي اخت اصغر مني 17 سنه
ومعندي اخوان
الشيخة فضة:انتي خوش بنية مؤدبة وتسمعين الكلام الله يبارك بيج
ترف:اشكرج شيخة
الشيخة فضة: اني عمتج انتي حالج من حال سعاد
هسة اريد احاجيج بموضوع
ترف:كولي عمة عيوني الج
الشيخة فضة: اني اريدج مرة لابني
ترف: مفهمت؟
الشيخة فضة: يعني لا عبالج انتي وابني ضحكتو علية بالنيشان الي نطيتونياه
ترف😶😶: امم بس شيخة شنو اسوي اني راهب ماعرفة صحيح زوجي بس ليهسة غريب علية وهوة هم كال احنه مو متزوجين بس عالورق يعني احنه اثنينه قابلين بهالشي واتفقنة عليه
الشيخة فضة:هاذة الحجي ما يفيد اني اريد اشوف أولاد ابني قبل ماموت واريدهم منج انتي انتي مرتة وهوة ورجلج عوفو سوالف الزعاطيط هاي
يلا كومي جهزي الاكل رجلج على جية
ترف: اي اي انشاء الله بس لا تعصبين
ترف
كلامهة صح ومو صح يعني اي زوجي على عيني وراسي بس ماكدر اعتبره هيج هسة يعني ميشبهني بشي عصبي ومتحكم هفف
دخلت المطبخ وبديت اصب الغدة سعاد من الكتلة راحت لاهلهة همزين مالي خلك حجاية منهة
غدير: ترف
ترف
ترف:ها غدورة
غدير: راهب عالتلفون يريد يحجي وياج
ترف:
راهب
طلعت من البيت اخلص كم شغلة بالعشيرة بس احس روحي مرتاح وبالي صافي وشي واحد كبالي(جنة عدن) اي هاذة اسمها جنة عدن لوما الظروف جان دخلت هاي الجنه
خلصت شغلي وتذكرت غدير كالت تريد شغلات من المحل خابرتهة
راهب: الوو
ها غدير شني الشغلات الردتيهن
غدير: ها خوية
اي لحظة اخلي ترف تكلك
(هاي خطة امي فديت الشيخة لازم نخليهم يحجون هواي حتة واحد يتعود عالثاني😉)
راهب
كالت الوو لو احس كلبي صار دمام
ترف: الوو
ها راهب
راهب: (يروح راهب حته اسمي بلسانج غير )
ها كالت غدير تريدين شغلات من المحل احجيهن "رجع لبرودة ثكيل وكذا
ترف: اي كم شغلة بس خاف اكلفك
راهب:تكلفيني شني ترة انتي تبقين مرتي حتلو بس عالورق وكافي لا تسمع غدير
يلا فضيهة احجي
ترف: اي هسة لويش هالعصبية هاي ترة محاجة تصيح
راهب: استغفر الله يا بت الناس احجي مالي خلك ترة
ترف: محاجة ماريد شي
هاج غدير
راهب: لج بت ال.... اني الج
غدير: بش اهدى خوية علكيفك
راهب" سدي التلفون تخلي اليمج تصعد للغرفة اذا لكيتهة نازلة احش رجليهة حش
*********************
ترف
شنو هاذة شبيه احجي وياه عبالك يحجي وية الخدامة مالتة يزمخ ويصيح ترة اني حتة ما كلت شي غلط شبيه هيج يصيح لا ويغلط هم
غديرغدير:هاي ليش هيج ترف صدك جذب والله اليوم شكلج تنامين مستشفى
ترف: ميصير هيج يعني ما يحجي بهدوء ابد كلة صياح
غدير:وربي طيب وحنون ودمة عسل بس هوة شخصية قوية ويعني لا تنسين الي صار
ترف:ما ناسية بس هسة انتي وعمو وعمتي تعامولني بالحسنى ما تضوجوني ولا تصيحون علية
غدير :ميخالف حبي هسة انتي روحي لغرفتج مابينة حيل يرزلنة ثنيناتنة ترة
ترف: لخاطرج ترة ماشي
غدير:هههههه اي لخاطري صح لعد ليش وجهج صار اصفر
ترف:عابت راح اصعد اذا احتاجيتي شي كليلي
ترف
صعدت فوك ماعرف شسوي غرفتي مرتبة غراضي مرتبات هفف فتحت التلفزيون ساعة 4 شو تأخر يمكن ميجي
شوي وصاحتني غدير
غدير:ترف ماما تكول انزلي ساعديني اجو عمامي للمضيف
ترف:اي اجيت همزين راح اشغل وقتي والله ضوجة
غدير: اسكتي يا ضوجة يمعودة خلصي بسرعة لا يجي راهب
ترف:لا تأخر يمكن ميجي هسة
ترف
نزلنا للمطبخ كالت غدير لازم أول شي نحضرلهم مي ونوب كهوة
حضرت صينية مي شوي ودخل شاب سلم على غدير
قاسم: هلا هلا ببت عمي شلونج
غدير:الحمد لله انته شلونك شخبارك
قاسم:الحمد لله على الله
هاي الحلوة منين شو ما شايفهة كبل؟؟
ترف: (يا الله شكد خجلت) اني ترف
قاسم: ماشاء الله اسم على مسمى
بس منين انتي؟
غدير:هاي ترف مرة راهب
قاسم:اهاا مبروك ترف يستاهل والله ابن عمي
يلا نطني الصواني خلي اروح
اخذ الصواني وراح
قاسم
اني قاسم ابن عم راهب عمري 24 خريج هندسة حاسبات وعندي سنتر جبير الحمد لله حالتي زينة اني ما مزوج بس احب بنية جانت وياي بالكلية بقالهة سنة وتتخرج واتقدملهة
احب اضحك واتشاقة عكس اخوتي و ولد عمامي
ترف
خلصت شغل صار المغرب الشيخ معزوم عالعشة برا عندة كعدة وعمتي ما تريد هسة وغدير تباوع مسلسل وحسن بغرفتة
صعدت لغرفتي تعبت كولش دخلت
اول مدخلت وكعت بالكاع واحس وجهي اشتعل نار
******************
راهب
سديت التلفون من غدير بقيت افتر بالسيارة اريد اهدي أعصابي لان اذا رحتلهة هسة اموتهة وعلي
للعصر يلا رجعت دخلت لكيت عمامي بالديوان سلمت عليهم وترخصت
هاي اكيد نزلت حتة تساعد غدير قسما بالله اموتهة
دخلت واسمع صوت ضحك وسوالف بالمطبخ وشلون قاسم يتغزل باسمهة
عفتهم وصعدت للغرفة كاعد على اعصابي صار المغرب حسيت بيهة صعدت
دخلت للغرفة
اول ما دخلت سطرتهة راشدي وكعت بالكاع
دنكت عليهة لزمتهة من شعرهة
راهب: لج زلم مشوربة ما تكسر كلمتي منو انتي وتكسريهة وفوكاهة واكفة تتمضحكين ولا هامج
خلصت حجي وهم ضربتهة راشدي
ترف
احس شعري اتكطع و وجهي صار نار اريد بس احجي ردت احجي وهم ضربني بقيت نايمة على وجهي واشهك بالبجي
ترف: و..وال...والله مو قصدي..ا..اني مسويت...ش..شي
راهب
تشهك وتحجي احس شهكاتهة تزرف كلبي بس لازم اخليها طوعي مو اني الي مرتي تكسر حجايتي
رفعت رأسهة بايدي وجهة احمر ودموعهة على خدودهة خدهة احمر وبيه اثر ايدي
راهب: ليش تخليني اشوفج وجهي الثاني الي اكيد مراح يعجبج
ليش ما تسمعين الحجي
ترف😢😢😢
راهب: ( دنكت همست باذنهة)يلا بس كافي بجي هاي المرة بس جم راشدي لان ما تتحملين لانج ترفة
اخذت ايدهة وكومتهة وهية بس دموع تجري بدون صوت
ترف
بقة صافن وهمس باذني(ما تتحملين لانج ترفة ) احس انفاسة على اذني وركبتي انفاسة حارة بصراحة احساس حلو ماعرف ليش حسيت كلبي يرفرف وجسمي صارت بيه عبالك كهرباء
اخذ ايدي وكومني واني مو يمة احس نفسي بغير دنيا
شنو الاحساس هاذة؟؟
ترف: اكدر امشي وحدي
تركتة ورحت طلعت ملابس ودخلت للحمام فتحت المي وبقيت كاعدة ابجي ماعرف على شنو على اهلي لو على تصرفات راهب ساعة يضرب ويصيح وساعة هادي ويحكي بطريقة حلوة لو ابجي على احساسي ومشاعري الي ما لازم اخليهة تنمو أو أحد ينتبه عليهة
خلصت سبح بدلت وطلعت من الحمام
راهب
عافتني راحت طلعت ملابس ودخلت تسبح ادري بيهة جاي تبجي يمكن قسيت عليهة بس ما تحملت اشوفهة واكفة نسولف وتضحك ادري نيتهة صافية وقاسم هم خوش ولد بس اذا ما كرصت اذنهة راح تبقة ما تسمع الحجي وهية خوش بنية ومبينة خام عبالهة كل العالم مثلهة طيبين
طلعت من الحمام 😮
اشتعلت عشيرتج هاي شني
ترف
مشطت شعري اباوع بالمراية هاذة شبيه صافن هيج رشيت عطر وكملت ورحت يمة طلعت كتاب اقرة بيه وهوة مكنك
راهب: شجاي تقرين
ترف: كتاب كولش حلو
راهب: شسمة؟
ترف:قواعد العشق الاربعون
راهب: اي هاذة الكتاب حيل حلو
ترف :انتى قاريه؟
راهب:اي
لا عبالج اني همجي ترة اني من هواة القراءة والكتب
ترف: لا حشاك اني ما كلت هيج
راهب: مو انتن بنات بغداد عدجن زلم المحافظات همج وما يفهمون
ترف:( سديت الكتاب ) لويش هيج ماخذ نظرة عن بنات بغداد ترة مو كل اصابيعك سوة
راهب: ههههه علكيفج لا تتعصبين
ترف:(فدوة شكد حلوة ضحكتة) ل..ل..لا ما معصبة اا...اني حنام تصبح على خير
راهب: فدوة لليخجل وانته من اهل الخير يا ترف
******************
يخيم الليل على الناس وعلى قلوبهم لكن بعض قلوب البشر لا تعرف الليل من النهار بسبب سوادها فهي تستمد طاقتها من أذية غيرها
على من ينطبق هاذا الكلام يا ترى؟؟
قلوب بدأت براعم العشق تنبت فيها
قلوب نبت فيها الشوك
حلقوماتي احبكم كووومة
تفاعلو فديتكم