( الڪاتـبـةة ژوژو الطـشـهـه 💕 )
(حـب بـعـد مـصـا؏ـب 🥺♥️)
الحلقه 7💗
انس:الو
ايه:الو انس انا ايه
انس انصدم
ايه:شن جوك
انس بجديه:من الله بخير
ايه:ومني انا
انس:نعممم
ايه بربكه:انت حاكي مع سعد راجلي
انس:نعم من قالك
ايه:هوا سامع كلام وجاي يدوس انا قلت مرات انت فاتح الماضي وهك
انس ضحك بهزوه:الماضي انمسح من ذاكرتي بكل وانتي اخر همي
ايه انصدمت:والمطلوب مني انصدق
انس:والله هدا اخر همي شي يرجعلك سلام مش فاضي
سكر انس من ايه
ايه قعدت فاتحه فمها من الصدمه ماتوقعتش رد انس ح يكون هك🔥
أما انس سرح شويا بعدها عدا لي حوش هل ميرال وصل يالا الحوش دق الباب فتحله عصام
عصام:اووو دكتور انست
انس:اوووو عصام الله يانسك
عصام:تفضل نرجوا فيك ع الغذاء
خشوا انس وعصام للمربوعه سلم انس عليهم وقعدوا كلهم
عند البنات في الدار يهدرزن
سالمه كانت تشوف من الروشن:في واحد سمح بكككل فتحله عصومي وخششه
ساره بضحكه:اكيده انس خويا
ميرال:ياقرده يا أم لسان
ساره بضحكه:شكلها جالط
ميرال:كلمة جالط شويا فيها
سالمه:هوا سمح صح تبني نغمض عيوني؟🌚
كلهن ضحكن
عند عصام جا يالا الباب الجواني
عصام بصوت عالي:امييي
سعاد جاته:نعم
عصام:خلاص طلعوا الغذاء قاللكم باتي جا ولدهم
سعاد:تمام
عدا عصام وسعاد نادت مريم مرت خوها تساعدها وقعدن يطلعن في الغذاء
عند ايه وسعد ايه دارت الغذاء وحطاته ع الطاوله جا سعد ينشف في شعره
ايه:نعيما
سعد:الله ينعم عليك...ووو مكرونة بشاميل
ايه:درتها عشان تحبها
سعد شافلها شويه بعدين قال:شوي ونجي ونتغذوا
ايه:تمام
عند حوش هل ميرال طلعوا الغذاء وجو سالم وعصام رفعوه وقعدوا يتغدوا كلهم بعد تغدوا كلهم قعدوا يهدرزوا
عند البنات
ميرال:نحط من البسبوسه توا نجيكن
بنات:تم
عدت ميرال للمطبخ طلعت البسبوسه وقعدت تسخن في حليب النسكافيه بعدها صبت النسكافيه والحليب ووتت سفرة الرجاله وسفرة الصبايا والبنات ورنت ع عصام
عصام:ها ميرال
ميرال:عصومي وتيت البسبوسه والقهوه تعال شيلهن
عصام:تم توا يطلعلك سالم
ميرال:انت كرعينك انكسرن
عصام:ام لسان كلا انتي انا مش فاضي
ميرال:باهي تم
سكرت ميرال من عصام وشالت السفره يالا باب المربوعه ترجا في سالم يجي ع طلعة انس من الحمام بالغلط ناش الصفره وانكبت النسكافيه ع كراع ميرال
ميرال توجعت:ااااه😣💔
انس بخوف خذاه منها الصفره ونزلها لوطه:انا اسف ماشفتكش😔♥️
ع طلعة سالم انصدم بعد شاف ميرال قاعده ع الوطا وماسكه كراعها
سالم بخوف وبدون قصد طلعت منه:كنك ياروحي😳❤️
ميرال انصدمت عشان قدام انس وانس انحرج ونزل راسه🔥
ميرال:نرجا فيك تاخذ القهوه وبالغلط جا وناش الصفره
انس بربكه:انا اسف بالغلط نشتها
سالم:مايهمك شي عادي تصير
مسك سالم يد ميرال وصباها معاه
سالم:عدي خشي جوا توا نجيك
هزت ميرال رأسها وخشت جوا
انس خش جوا وسالم رفع القهوه وعدا للمطبخ
عند سعد وايه يتغدوا قاعدين
سعد:سلم يديك غداء حلو بكل
ايه:الله يسلمك
سعد:ايه نسألك سؤال تجاوبيني بي صراحه؟
ايه بربكه:اي اكيد
سعد:لو خيروك يرد الزمن وتقعدي عايشه في الماضي ولا تقعدي عايشه في الحاضر؟
ايه:تبي الصراحه
سعد:اكيد
ايه:نقعد في الماضي
سعد انصدم وانصعق كأنه حد غرس موس في قلبه💔🤷🏻♀️
سعد ناض وعطاها كف لا يسمع ولا يقرا😳🔥
ايه انصدمت
سعد بعصبيه:وبكل عين وقحه تقولي فيها ماعندكش حتا ذرة احترام ولا اخلاق
ايه بصدمه وحاطه يدها مكان الكف:انت سألتني وانا جاوبت بصراحه شن فيها من اخلاق
سعد:قصدك بالماضي انس الوسخ صح
ايه انصدمت:لا انا نحكي ع الماضي بي صفه عامه يعني من ايام الطفوله وهك
سعد بصوت عالي بكككل وعصبيه:اناااااا كلب انااااا فاسد اناااااحقير يالي مزال قاعد معاك ايه انتي طاااااالق😡😡😡🥵
ايه انصدمت وحطت يدها ع فمها
سعد:لمي دبشك انشيلك حوش هلك
عدت ايه تجري للدار وهيا مصدومه
عند ميرال خشت جوا وتعرج ع كراعها عدت للمطبخ شوي ولحقها سالم
سالم:ساهله ياقلبي
ميرال دموع في عيونها:توجع واجد
سالم:توا انكلم تغريد اديرها لك
ميرال هزت راسها
رن سالم ع تغريد وشوي وجت
تغريد:سلامتك ياقلبي
ميرال:الله يسلمك خلاص يا سالم عدي توا انكلم نجاح تجدد لكم القهوه
سالم:تم طمنيني عليك
عدا سالم تغريد دارت لي ميرال كراعها بي مرهم الاسعافات الأولية وحطتلها شاش طبعا هيا حرقه عاديه كراعها قعدت حمره بس وشوية انتفاخ
........
ميرال ناضت:صحيتي ياقلبي كلمي نجاح خليها تشيل للصبايا قهوتهن وتنظم صفرة الرجاله
تغريد:ولا يهمك توا انا نديرهن
ميرال:نجك نعدي نبدل
عدت ميرال لبست=سروال احمر واسع وقميص ابيض دانتيل ونزلت
اما تغريد شالت للصبايا القهوه وكلمت سالم شال القهوه للرجاله
فات باقي الوقت عادي والكل يهدرزوا⤴️
الساعه 4:00 العشيه ناضوا انس وعيلته يبو يروحوا
عند الرجاله والشباب في المربوعه
عبدالسلام:انستونا وشرفتونا عاودوها
إبراهيم؛الله يانسك انشالله
عند الشباب
زياد:لنقنكم ثلوبه مره اخره تلقوني مكلط عندكم
عصام بضحكه:بالجوده والله حتا انتم صقوره من اللاخير وانشاءالله معرفة خير
انس وزياد:تسلم
رجب:تي انا ماصدقت لقيت واحد تافه كيفي منور يا زياد
زياد بضحكه:نور نورك ياطيري
طلعوا الشباب والرجاله للصور
عند البنات والصبايا
ناديه:معرفة خير انشاءالله
سعاد:انشاءالله عاودوها
ساره:عطيني رقمك ميرو
ميرال:سجلي عندك 091....
ساره:تمام
طلعن ساره وامها وروحوا كلهم والباقينن كلهم خشوا جوا
عند ايه كملت دبشها ولماته وهيا تبكي رفعت شنطتها وطلعت لي سعد في الصاله
ايه:انا واتيه
سعد:قدامي للسياره
عدت ايه ركبت السياره وسعد سكر بيبان الحوش وركب السياره وقربع الباب قعدوا طول الطريق ساكتين وصلها يالا باب حوش هلها وحرق العجل وغبر عليها وعدا
عند ميرال وهلها وعيت خالها
ميرال:عيلت صاحبك يهبلووو يا بابا
نجاح:مش غير يا بابا عمتو ناديه وبنتها ساره كيوت بكككل
عبدالسلام بفرحه:باهي الحمدالله انسجمتن معاهن
عصام:الحق مشاءالله عليهم حتا عويله احترام وجوهم فستري
سالم:اها بكل
يونس:مشاءالله حتا هيا ترباية إبراهيم
عبدالسلام انتبه لي كراع ميرال بخوف:كنها كراعك يا بابا
ميرال:امبدري انكبت عليا القهوه
باتها وخالها والعويل:الحمدالله ع سلامتك
ميرال:الله يسلمكم
عبدالسلام:مرات تبي مستشفى يا بابا
ميرال:لا يا بابا انتفاخ بسيط وقعدت حمره بس
سالم دزه لي ميرال(تتألمي قاعده ياروحي؟☹️❤️)
ميرال دزتله(لا ياقلبي مش واجد بس احتكاك بسيط❤️)
سالم شافلها ورمش عيونه وابتسم ميرال ردتله نفس اللقطه طبعا الشيطانه سالمه هيا الوحيده الي منتبهه معاهم😂♥️
يونس ناض:هيا يا عيله حتا نحنا انروحوا
عبدالسلام:خليكم بدري
يونس:والله خلاص الساعه 4:30 عندي مشوار
ناضوا عيت خالها كلهم سلموا ع بعض وعدوا روحوا قعدن ميرال ونجاح يضمن في الحوش
عند انس وهله بعد روحوا بدلوا دبشهم وقعدوا كلهم في الصاله
إبراهيم:ها شن رايكم بيهم عيلة صاحبي انسجمتوا معاهم؟
ساره:مش غير يا بابا يهبلو بككككل اخلاق وذوق وبناته عسل وحتا مراته جوهن يهبل ياريت نعرفوهم من زمان
إبراهيم:مشاءالله الباين انسجمتي أمك كنها ماتكلمت
ناديه:الحق مشاءالله عليهم ن
ماعندي مانقول أخلاق وذوق وأدب بناته بكل
زياد:الله واكبر كذا الكلام
ساره وانس ضحكوا
إبراهيم:امتى تعقل ياولد
زياد:مزال ما طلعلي سن العقل
كلهم هزوا راسهم يمين ويسار
انس ناض:انا ماشي مكسد مع اصحابي بعدها ماشي المستشفى عندي مناوبه ليليه
كلهم:سلام
طلع انس وعدا
عند ايه بعد خشت حوش هلها فتحلها خوها الباب
رائد خوها بخوف:خير كنك
ايه تبكي جايا تتكلم داخت
خوها انصدم ورفعها شالها للمستشفى طول
عند ميرال ونجاح مكسدات في الحديقه
نجاح:ميرو
ميرال:ها
نجاح بربكه:يوسف يبيني نقابله
ميرال بصدمه:نعممم
نجاح بربكه: قال نبي نشوفك وهك
ميرال:من بدايتها هك مقابلات باين عليه مش تمام وانت بالجو مش مرتاحتله
نجاح:عليش تخوفي فيا وبعدين هوا جدي واجد ومن حقا يشوفني يعني كيف يصير بينا شي رسمي في المستقبل وهوا مش شايفني
ميرال:ووين يبي المقابله
نجاح:قالي في مطعم او مول عادي
ميرال:ديري رايك عصام كان شافك يكسر رقبتك وانتي عارفتيه تافه وهك بس وقت الجد مافيش اوعر منا
نجاح بخوف:يمي خوفتيني
ميرال:نصيحه من اختك انا اكبر منك صلي استخاره وكان ارتحتيله ولقيتي روحك واثقه منه وتقدري تقابليه بدون خوف تيسري ولاكن كان صار العكس فوتي الموضوع
نجاح جت حظنت ميرال:نحبك يا احسن اخت
ميرال ابتسمت:نموت فيك
عند سعد بعد وصل ايه عدا للبحر وقعد يبكي💔
"اي يبكي ماتنصدمنش سعد قصته قصه ولو تعرفن الي صاير معاه ح تتفهمنه وح تقدرن وضعه💔🔥🔥🔥"
سعد يبكي ومطبس راسه:ياربي ليش تعاقب فيا يا ربي ما عمري درت غلط طول عمري انصلي الاوقات الخمسه وماشي تمام ياربي انت عارف كل شي ياربي ماتحط ملح ع جرحي وتوجعني بس ممكن انت تحبني لأنا انت لو حبيت عبدك ابتليته يارب خفف عني يارب انا من صغري نتعذب 💔💔💔😭😣
"قعد سعد يبكي ويشكي لي ربي لانا هوا الوحيد الي يمكن يخفف عليه شي صعب إنك تكون من يومك تعاني في هموم وتزداد هموم اخره💔"
عند ايه عدا خوها يجري بيها للمستشفى وصل خدوها منا وخششوها للكشف وقعد يرجا برا شوي وجا الدكتور
رائد بخوف:كنها يا دكتور
دكتور:نبض قلبها ضعف فجأه درتلها اللازم اليوم لازم تبات هنا عشان حتا صحة الجنين
رائد:شكرا دكتور
عدا الدكتور ورائد رن ع هله وخبرهم وبعد شويه جو كلهم للمستشفى... اما ايه عاطينها منوم لحد الان ماناضتش
عند انس وصحابه يهدرزوا
انس:ماخبرتكمش شن صار معايا اليوم
صحابه:شنوو
انس:رنت عليا ايه.....
خالد بعصبيه:والله إنها مستفزه للنم
احمد:كنها الزح مش تزوجت وفاتاتك وحطتها ع النصيب شن مزال تبي منك
انس:مش عارف تي اخر همي هيا انا صح مزال في حاجات اذكر في بالماضي بس وربي لو نموت مستحيل نرجعلها الكلبه
جهاد:تي هيا متزوجه مبرد جد اصلها
انس:فوتوا انا مش مدورها بكل بس حبيت نحكيلكم عشان نحنا مانخبوا ع بعضنا في شي
"محلاها الصحبه الي هك حتا ولو شي تافهه مستحيل يخبوا ع بعضهم بذات الأولاد لو حبو بعضهم صداقتهم قويه بكل بي عكس البنات مرات يرخن بي بعضهن بس ديما الأولاد كان داروا صداقه صح صداقتهم قويه بس في حتا بنات هك بس انا حكيت الي نشوف فيه♥️✅"
فات باقي الوقت عادي ع الكل⤴️
ايه اهلها روحوا قعدت اختها بس
-----------------------------------------
سعد قعد يشكي واجد بعدها روح لي الحوش ورقد من التعب
-----------------------------------------
انس قعد مكسد مع اصحابه
----------------------------------
ميرال وهلها مكسدين يهدرزوا
----------------------------------------
الساعه 9:00 عند ميرال تحكي هيا وسالم ع الفون
ميرال:حبيبي
سالم:عيونه
ميرال:خاطري نعرف شن الشي الي مخبيه عليا
سالم انصدم وبربكه:كيف انتي سامعه عليا شي
ميرال:لا مش هك حاستك مخبي عليا شي وتأكدت لما مره قتلي لو عرفتي اني مخبي عليك شي وهك
سالم تنهد:مانقدرش نكذب عليك اي انا مخبي عليك شي وخايف نقوله
ميراب بصدمه:للدرجه هذي ه الشي كبير
سالم:واجد بذات عندك
ميرال:باهي ه الشي كيف يعني غلط ولا لا
سالم:اها غلط بس بدون إراده وانا خايف نحكيلك وما تتفهمينيش
ميراب تنهدت:باهي انا لو عرفته في رايك ح تقعد علاقتنا
سالم:مانضنيش اصلا انا هدا الشي الي خايف منا
ميرال:اووف باهي قول
سالم:لو تحبيني مش توا خليها مره اخره ح نحكيلك بروحي
ميرال:حاضر
سالم:انحبك موت
ميرال سكتت
سالم تنهد بي وجع:تصبحي ع خير
ميرال بي وجع: وانت من اهله
سكرت ميراب من سالم وهيا مشوشه نزلت لوطا عشان تهدرز مع هلها
اما سالم بعد سكر منها خاناته دمعته وطاحت🔥
عند سعد ناض لقا روحه راقد ع الكنبه متاعت الصالون حرك رقبته يمين يسار بعدها عدا المطبخ شرب اميه وركب سيارته وعدا لي خوش هل ايه دق الباب فتحله رائد خوها
رائد باستغراب:أهلين سعد وينك ياراجل معقوله
سعد استغرب إنه رائد يحكي معاه عادي:خير شن صاير
رائد:تفضل خش المربوعه
خش سعد المربوعه
رائد:ايه راقده في المستشفى
سعد انصدم وناض:نعمم وكيف
رائد:هدي قعمز نحكيلك
قعد سعد في مكانه:باهي كمل
رائد:امبدري بعد وصلت ايه شفتط حرقت العجل وعديت بسرعه وايه خشت اول ما خشت تبكي بعدها داخت شلتها المستشفى الدكتور قال.......وهدا الي صار
سعد انصدم وخاف عليها:توا قاعده هيا واختك صح
رائد:اها مرافق واحد بس خليناها معاها
سعد ناض:هيا ما حكت شي داخت طول صح
رائد:اها...انت وين ماشي
سعد:ماشيلها في المستشفى توا اندبر كيف انخشلها
رائد:تم
طلع سعد وعدا ركب سيارته وافكاره مشوشه
عند انس قاعد في المستشفى في مكتبه ويشتغل
عند ميرال وهلها يهدرزوا كلهم قاعدين
ميرال:بابا
عبدالسلام:نعم بابا
ميرال:احكيلي ع التسامح وكيف تسامح الشخص وهك
عبدالسلام باستغراب:مافهمتش
ميرال:قصدي مثلا حد يدير معاك غلط او يخبي عليك سر كبير ويبيك تسامحه وانت مرات ماتقدرش تسامحه كيف يصير
عبدالسلام:ع حسب الغلط كان عادي ويستحق الإنسان فرصه ليش لا المسامح كريم وكان غلط كبير وماينغفرش ف الابتعاد عن ه الشخص يكون احسن ح نحكيلك لي عمق
قعد عبدالسلام يحكي لي ميرال وهيا منتبهه معاه واجد
عند انس قاعد يشتغل بعدها ناض يبي ياخد مق قهوه من الكفتيريا وهوا ماشي شاف اخت ايه
انس:اهلين ريان
ريان:اهلين انس
انس:خير انشاءالله
ريان:اختي ايه جوا
انس بخوف:كنها
ريان:اليوم جتنا.....وهدا الي صار
انس:اها الف لابأس عليها
فجأه
بتبعع.....
رجعت بعد غياب نبي رايكن وتفاعلكن ع الحلقه الاحداث الصح قريب يبدن ♥️