#جوليت وأسرها....

البارت الحادي عشر

البارت الحادي عشر
رواية...جولييت واسرها...غياهب الإنتقام
بقلمي...نور سمو العراق...

💔💔💔💔💔💔💔💔💔💔

لم تكن خطيئتي و وقعت بئراً لعواقبها الوخيمه ...
رَسيتٌ سفينة في وسط الأمواج الهائجه ..
غريقةُ في بحور غضبك الكاسر ..
اكابر في موجات شوقي تجاهك ..لأنجو بفعلة فاعل لا تمد لي بها صلة سوى تلك العقول المحتدة كالسيف لفاجعتها المريره ...
فالتكن رؤوفاً رحيما بحمامة قد داهمت الاعاصير بيتها فتركته خاوياً على عروشه بين ليلة و ضحاها ...
كن لي القشة التي تنجي الغريق من الماء .لا الامواج الكاسحة التي تردي به الى قاع البئر ...فالتعفيني من دهاليز انتقامك المظلمه ..
بقلم...HafsaHafsa710

....................................

صرخت بصوت عالي....لااااااا جاسر

التفت جابر برهبه كبيرة وباوع لجاسر مصدووم همس بصعووبه ...جج جاااسر

رجعت خطوات خااايفه وايدي علئ شفايفي الدموع انسابت بغزارة علئ خدي الرجفه اعتلت جسمي...

والموت دخل برجلية مكدرت اسيطر علئ رجليه وعلئ نفسي....

انكطع عندي التنفس وشفايفي جفت مثل الموت بعيوني...

جانت عيووونه تنطق بالانتقام واللعنة....

جابر ضل يباوعلي ويباوع عليه مصدوم وبموقف لا يحسد عليه...

هجم بقسوة كبيره مثل اسد هائج وهجم علئ فريسته ..جانت حصة جابر هي الاكبر...

لزم جابر بكل عنف وكره وقسوه وهو يزمجر بغضب كاااسر.. لك نذللل لك حيووووان تغدرني تغدرني لك جااابر والله لاخليك تتمنئ الموت وما تلگاه عاااار...

جابر لزم ايده برهبه...بس افتهم جاسر خليني افهمك

ضربه بوكس بكل عنف خطيه جابر ما تماسك ورتطم جسمه بالشجره...

صرخ بي بصوت عالي ...تفهمني شنوووو ؟ تتمضحك انت وهل كلبه الساق...ومخليني اكل بهمي وما دكلي عندك لك ما تصورتك لهل درجه عااااار ...

هز راسه بنفي واسئ...الا انت يااا جابر الا انت غدرتني وطعنتني بظهري ...

رجع لزمها من قميصه بغضب وجهه يفح من العصبية زمجر بغضب شديد...والله ما ارحمك والله ...انت ومرتي اخر شئ جنت اتوقعه تضحكون وفرحانين ...واني القهر شيب راسي ...

رجع ضربه بقسوة باخمس المسدس علئ راسه...

صرخت وكعت علئ الارض واني ابجي واستنجد بربي...

جان الدنيا ضهر واكثر الفلاحيين ببيوتهم وبستان صبرية كبير ضعنه بي...

رجع لزمه بكل حده وشياطينه تتراقص كدامه...تخووني ويه مرتي عجبتك مووو لك...كوا...ساقط ما لكيت غيرها...لو حصلت منها شئ

جابر لزم راسه بوجع ودفع جاسر بكل قوووه ...رجع بيها خطوتين واشتدت ملامحه بقسوة اكبر...

صرخ بي جابر وقطرات الدم تنزل من انفه...احترم نفسك ولا تضل تتجاوز بيك خير جان حافظت علئ مرتك مو خليتها انهزمت واني حافظت علئ عرضك قبل لا يضيع ...

مسح الدم من انفه وتكلم بعصبية...لا تكعد تتمرجل عليه ترئ مرتك لو مو اني جان ضاعت...

رفع مسدسه بغضب وهو يضحك بقهر ...ههههه اتمرجل عليك ولك حيوووان والله لاخلي الدنيا تتمرجل عليك يا زمال...

رجع ابتسم ببتسامه نازفه...جنت شاااك بيك من يوم الي انهزمت بي هل حيووووانه بس كلت هسه يرجعها هسه يكول لا تخاف جاسر هل كلبه عندي ...

اردف بنفس النبرة والضحكه المستهزئه...بس انت وين مكيف علئ الوضع وجبيت تكمل طعنتك وياي جاي هنا تتغزل وتتمضحك يا ساقط والله اموت وما انسئ هل منظر...

جان جابر يباوعله بنهيار عظيم من كلامه اللاذع ومن جبروته القاسي...

وجهه المسدس عليه وضغط علئ الزناد ..جانت نظرات جابر جامده وبنفس الوقت ثابته وتبين ان هو مخايف منه...

غمضت عيوني باسئ وبروح انثئ كسيرة...لا يمكن اقبل يكتل جابر ما اقبل يخلي بركبته جابر انسان مستحيل اكو مثله قليل امثاله والله...

ابد ما استغلني وعاملني بطيبه وكل احترام...

ركضت عليه واني اتعثر بخطواتي لزمت ايده بعنف وحطيت المسدس بصدري صرخت بوجهه بكل غضب...اكتلنييي اني اكتلني اني وطفلي وموتني خلصني منك ومن قساوتك وضلمك...

باوعلي ثوووواني ما حسيت نفسي اله علئ العشب الرطب بسبب الراشدي القاسي الي اخذته منه...

صرخت وحطيت ايدي علئ خدي حسيته صار نااار ...

رفعت عيوني الدامعه اله وهو قابلني بعيون تحمل حمم بركانية من الغيض...

تقدم مني بطوله الفاااارع واني زحفت علئ العشب ولزمت العشب والطين بقسوووه ...سحبني بقووة من ركبتي اختنكت بين اديه...

حسيت انرفعت من الارض لان جانت قبضته قوية علئ عنقي وبسبب طووله وصغر حجمي ويه حجمه...

همس بفحيح مرعب...تنهزميين تنهزمين مني عبالج مراح الكاج لج لو تطمين نفسج بقصر مشيد اطلعج اطلعج ...

لزمت ايده اريد اخفف من الالم الي حسيت بي من ايده ..

ترك عنقي وهزني بقوووه...ليييش ليش انهزمتي ليييش ولج خليتي اليسوه والمايسوه يذكرني بديوان ويكولون مرته انهزمت منه...بحياتي ما توقعتج صلفه وادبسز هييج...

فتحتي عليج ابواب جهنم والله ...محتار شلون اعذبج محتار شلوون ادمرج بس هييين اذا ما ذليتج ما اطلع جاسر...

همست بخووف..طط طلگني ورجعني الامي ...

صرخت برعب واني الزم وجهي بسبب الراشدي الثاني الي اخذته منه حسيت بالدم نزل علئ شفايفي..

وكف جابر وهو يترنح بمشيته همس...جاسر جولييت ما الها ذنب اني المذنب الحق كله عليه

باوعله بغضب ورد عليه بحقد...حسابك بعديييين خلي اخلص من هل كلبه وانت حسابك عسير...

سحبني واني ابجي واصرخ واضرب بي جان لازم ايدي بقسوووة وعاصره بكفه القاسي..

ضرباتي جانت متشفع عليه جانت ضعيفه مقارنة بي

جنت حافيه حتئ النعال من الخووف انزع من رجليه وهو جان يسحب بيه مثل البهيمة الي يسوقها لجزار للمجزة..

رغم برودة الجوو وبرودة الطين بس ما احس بي مقارنة ويه الخوف والحرگه الي بداخلي...

فتح باب السيارة وشمرني بيها ...

مشه بخطوات سريعه والمسدس بيده...

فتح باب السيارة وصعد واني لزكت بباب السيارة اشهك وابجي...

باوعلي بقووة صرخ بوجهي...بس تطلعيين صووت افجر راسج والله...

هزيت راسي بنفي ورجفه وشهكات...

درت وجهي للجام شفت جابر مرتجي علئ جذع الشجرة ودايخ من ضربات جاسر...

حسيت رگبتي انخلعت من سحبته القويه دار وجهي عليه صرخت بوجع واني احط ايدي علئ ركبتي مسحت دموعي بخوووف واني اباوع اله بنهيار عظيم....

باوعلي بعيون هشمتهن القسووة حفر اصابعه الحاده بخدودي وهمس بفحيح شيطاني. مقهووورة علييه الله اعلم شصار ودار بينكم...هامج جابر موو؟

باوعتله بنظرات حزينه وشلال الدمع ختلط ويه الدم حطيت ايدي علئ وجهي وبجيت مقهورة علئ حالي...

وهو ساق بسرعه كبيره وضل يخطف من بين السيارات و وجهه ما يبشر بخيير ابببد ...

جنت بين لحظه ولحظه اباوع عليه واراقب القسوة الي بعيونه شكد اتصلوا عليه وشكد رن موبايله بس هو ابببد ما فتح خط ولا شاف منو المتصل...

للحظات تشاهدت علئ روحي وجريت نفس دعيت الله يحميني منه...

الكاسر فعلا هو كاسر ابببد ما اهتم للطفل الي هو من صلبه ولا خاف الله بينه...

جانت عيونه تجدح ومركز بالطريق بقووة ولازم الستيرن بقسووة حتئ شرايين ايده مبينه من قبضته القاسية...

اعصابه مبينه ديحظر لامر مريع ومخيف اكيد اني الي الحصه الاكبر من انتقامه...

ياووويل حااالي. يمه وييينج...

.............................

البصرة خور الزبير...

حازم..

ببيت اشبه بالخرابه حيطانه تعبانه ومتهالكه مثل امي ومثل ابوووي...

باوعت الامي الي من قتل عاصم الشيخ مهيوب وابنه وحفيدته هي علئ هل حال تووون وتنوح وتبجي...

وعاصم كاعد بزاوية من زواية حياطين الغرفه المحفر ..ويمسح بوجهه جانت لحيته واصله لحد خده وشعره مخربط وشكله مبهذل وعيونه حمر...

امي جانت كاعده علئ بساط قديم ..وتنوح كالت...يمممه جووولي يمممه ...يممة شلون حالج يمممه ..خذوووني غصب وعفتج يممة...

سوده عليه يصغيرونه...والله ما ردت ازوجها والله ماردتها تزووج كله بسببك عويصم الكلب دمرت اختك وبهذلتها شكول عليك يا ابن بطني شكول عليك يممه عاصم

هو صرخ بصوت عالي...كاااافي يمممه كااافي لا تخليني اكتل روووحي تعبت والله تعبت ما يصير هييج موتوني

ردت عليه بغضب.. طبك مرض نذل حيوووان ولك ليش ليييش تخلي تلث ارواح بركبتك ولك شلوون الك كلب وكتلتهم ...

بجت بصوت عالي...ولك اختتتك ..اختك المسكينه شلون بيها جبتني غصب عني وخليتني اعوف ذيج مدمعة الرخيصه بنص الوحوش ...

باوعتله بتوسل ودموعها غسلت وجهها الي عدم ملامحه الزمن...ليش يمه ليش ما رحمتني ليش ما رحمة شيبات ابوووك ولك جبنه عمرنا كله تعب بتعب تاليها تكسر ظهرنا وظهر اختك المكسورة بعملتك...

باوعت الابوي حط ايده المعاقه علئ وجهه وهو يغم بكصته...سوده بوجهي يا بويه يا عزيزتي يا جولييت عفتج الوحدج...

والله لو رجلية واديه يعنني والله اجيبج وما اخليج ولا لحظة هناك...

بويه شني حالج شلون عايشه تذكرينه لو كاللوج اهلج مجرمين انسيهم

نسيتنه بوويه والله اموت وانه احن واون علئ شوفة عيونج الحلوة وطولد الحلو يا بويه يا جوولي...

مسح دموعه بكف ايده المتعب وهمس..جانت مثل النسمة البارده تحضر مصلايتي وتجيب الماي والطشت ما تقبل اكوم للمغسلة اتوضئ ...

اااه يا بويه يا جولييت يالحنينه...من اشوفج ينزاح كل تعبني ...الله يعينج بوية...

ابوج ضعيف ما عنده غير الدعاء...ابوج كسره الزمن وخلاه ما يكدر يحميج يا روحه ..

عقلي طفر من راسي واني أتخيل جاسر يضربج وياذيج...

جر نفس...اتذكر من زفيته اله كتله بوويه.جاسر جولييت امانة عندك ..اشرلي علئ عيونه وكال بعيوني...

همس بنحيب...بعدج بعيونه يبنيتي لو عذبج...

امي لطمت علئ وجهها..سوده بوجهي يمه يالحلوة يممه تبجين تصيحين يممه وانه ما اسمعج عساني بالموت قبل لا اشوفج مضروبه لو ما اذينج...

حطت ايدها علئ صدرها برعب...يمه سوده عليه يممه ضربوج اذووج ...يمه عيروج باخوج ...يمه شنو حالج يممه جولي ...اخاف اموت وما اشوفها

عاصم كتمت الاه بداخله وخله وطلع بره متضايق من كلامهم...

واني ضليت محتار بيهم ساعه اشربهم مي ساعه اوكلهم رغم هم رافضيين....

وكل شويه وذكروا جولييت ...وبجوا عليها

يعرفون بزوجها قاسي ما يرحم...

همست بوجع ...يارب اختي وديعة عندك ارحمها وحنن كلوبهم عليها...

.......... ................

جابر...

حاس بدوخه وعثيان راسي وخشمي كله ياذيني...

ابد ما رفعت ايدي علئ جاسر مو خوف منه بس اضل بنظر نفسي غلطان ...

غلطة الشاطر بالف بهذلت جولييت وبهذلت نفسي...

بس لحد الان اعرف اني هي من طلعت جانت عبالها اهلها موجودين لان شافت بنت خالتها هاله وامها وأختها...عبالها امها ما هربت ويه اخوانها...

تنهد بتعب ووكفت بصعوبه اتذكرتها من اخذها وهي تباوعلي وتستنجد بيه خايفه منه...

نظراتها سهام تخترق صدري اذتني حيل مجان بيدي اي شئ ما كدرت اساعدها...

شفت صبرية اجت من بعيد وهي شايله حزمة حطب علئ راسها...

باوعتلي مصدومه شمرتها من ايدها صرخت بغضب...يممممه جويبر شبييك جووويليته وينها...

اجت كعدت يمي ومسحت الدم بشيلتها المليانه تراب كالت...خاااب احجي جكليته وينها

بس لا داوود الكلب هو ضربك واخذ جكليته وروح امي اليوم افرغ مسدسي برأسه

تنهدت بضيق...اجه زوجها اخذه

بهتت ملامحها وحجت بصعووبة...زوجها...اخذها ..منوو گلة علئ مكانها منو فتن عليها...

ضربتني علئ صدري...انت كتله جويليته عندي ولك هي جانت خايفه منك يالنذل يالفتان يالمنافق

دفعته ايدها بغضب...دعوفيني يعني اني لو مفتن عليها تلكين هذا حالي اني وكعت بمشكله ما الها حل

وكفت وتخصرت بغضب...بس لا ضرب جكليته وروح ابوووي هسه انه رايحه لهلك ياخذوني البيتهم واريد الزلمه الي يمد ايده علئ جويلييته...

صرخت بوجهي بعصبية...وانت شمالك شمالك غبي اثول ليش ما ساعدتها دشوف ذاك بوري جاا ركعته براسه مثل ما ركعت داوود وخليت دمه بطووله

امداني شلون تخليني ياخذ جكليته...

راحت تمشي بهمه وتصيح وتغلط وتفشر وبعدها كالت...سوده عليه يمه جكليته هل موقف ما تمنيته الج تمنيته لحسنه وابو اللول بس هي دوم توكع بالفقير...

راحت شووويه واجت مسدسها بيدها كالت...يالله كووم اخذني الاهلك خليني اهدن علئ كويسر كبل لا يرفس الفرخه ويطيح فرخها...

صحت بيها بعصبية...انتي شتحجين هو اخذها المن هاده انتي اسكتي واكعدي لا تزيدين المشاكل..

صرخت بوجهي بغضب عارم...خاااب كووم ولك هذا هسه تلكاه شك بيك انت وجكليته واكيد هسه يموتها...

انه لازم اروح واكله جكليته ضلت عندي وتحت حمايتها ومحد لمس منها شعرة لا جويبر ولا غيرة...

والعتدي علئ جولييت افلش راسه بالبوري واذا فذس ومات حتئ الفاتحه ما اقراها...

لزمت راسي بوجع وانكطع عندي التنفس بسبب سيلان الدم...

هي انقهرت عليها ساعدتني ووكفت علئ طولي اخذتني البيتها خلتني علئ الفراش انطتني وصله مسحت نزيف الدم...

اعتقد صار عندي كسر بخشمي،من وره جاسر الكلب ...

رفعت موبايلي شفت كووومه اتصالات من صلاح وجعفر وابوووي يمكن خمسين اتصال متصل...

بعدها اجت رساله من ابووي كاتب..هيين جااابر اذا ما ندمتك ما اطلع شيخ عكاب...

ما اهتميت للكلام...

شفت صبريه لبست جواريبها ولفت شيلتها ولبست عبايتها اخذ فلوسها وراحت طلعت بس،ما عرفت وين راحت...

ولو هي تهدد تريد تروح الجولييت...

باوعتلي قبل لا تطلع كالت...جابر مو تضل امدد ترئ،ما بيك شئ،خو چم بوكس ...

دير بالك علئ طلياتي ودجيجاتي وهااا كنوش اليوم خانس مدري شبي دير بالك عليه والحصن شربهن ماي ما اوصيك ...

انه يمكن اتاخر لان طريقي طوويل...

استغفرت ربي بقهر سكتت محجيت وياها بالي كله. عند جولييت...بس لا يموتها ويموت الطفل هذا تخبل مو جاسر القديم ورطه ياربي ...

احميها مالها غيرك انت الامان الها ولجابر...

.............................

ريهام...

رجعت البيتنه بعد ما اجه جابر اخذني قبل كم يوم

كوولش حز بخاطري كلام نوال وتفاجئت معقووله اكو هيج بشر اببد متخاف من رب العالمين

تكذب بكل عين صلفه ...اني والله ابد محجيت اي شئ عنها...

رغم جعفر نهار كله يغلط عليها وكل شويه وكال ما تولي الاهلها ...

اخووي ومات المن ضاله تاخذ الها رجل ثاني لو تكوش علئ واحد منه...

وكل شويه وكال...خلي صلاح يتزوجها اني ما اتزوجها لو شيصير ما اتحملها...

ولا انسئ قبل شلون تحرض عليه فلاح ودكله اجه سكران...

وكمل بعدها...ترئ مبينه تريد رجل شدعوة هلكد مستعجله خلي تنزل الحموله وصلاح يتزوجها...

ردت وقار...شنو صلاح يتزوجها خطيه صلاح ترئ ما تلوگ اله صلاح مؤدب وحباب وهاي تنطنط والله حرام بيها صلاح...

وكملت...تزوجها انت تلوگ الك انت زايح الخلق والاخلاق وهي نفس طينتك ...

رد علئ وقار...بالله اكلي تبن ما ناقصج انوب اتزوج نويلة تنجرع هي ...هو فلاح الجان كلها تتراعش منه يضربها وتكوم مثل النسره توكف بوجهه...

مو انوب اني العبد الفقير المسكين اوكع بيد نويلة وجهه الطاوة...

اني كتله...لا خطيه لا تحجي عنها وتاخذ ذنبها حرام والله وان شاء الله الله يعوضها...لان زوجها مهما يكون عزيز وهي مكسورة...

باوعلي وضحك باستهزاء...ههه باع هاي ولج نسرة تعرفين شنو نسره ولج هاي تاكلج بلگمة ..تاخذج للشط وتجيبج عطشانه ...هاي ابليس بجلالة قدره...

جنت والله ادافع الها وما اقبل يحجي عنها وهي اتهتني باطل ...

ومن اجيت اجي لاهلي اعتذرت مني وبعدها كالت...اذكرج انتي محجوزه الجعفر...بس حرامات انتي تلوكين الصلاح...

جاوبتها بهدوء...صلاح او جعفر منو يكون من نصيبي اصووونه واكون اله زوجه صالحه وارفع راسه مهما يكون...

تركتها واجيت بس ضجت حيل منها...

ما اعرف شبيها من تشوف صلاح تتخبل وحتئ وهي بالعده تطلع بدون بوشي ودكول استشرعت كالو البوشي مو شرط بالعده...

اني ما اريد اخذ ذنبها لان بصراحه ما مستشرعه علئ البوشي والعده وما اريد اخذ غيبتها هي تتجازه هي وربها ...الله يهديها ويوفقها...

كمزت علئ صوت ابووويه المرعب وهو يصيح ...ام جااااابر ام جااابر وينج...

اجت امي تركض واني رحت اركض وراها...

شفت ابوي واكف بهيبته وهو لابس،عبايته الرصاصيه علئ جتفه وسبحته قابض عليها بغضب..والعكال والجفيه ...

ابويه شكله يرهب اول مره اشووفه هييج ...

امي باوعتله بخووف...هااا ابو جابر خير شصاير

رد عليها بقسوة...ابنج العار ابنج السكط طلع هو الي ماخذ جولييت وضامها من ابن عمه ولج شلون وين انطي وجهي من ولد اخوووي والله اذا ما ذبحت جابر بيدي ما اطلع عكاب العلي...

امي لذمت علئ صدرها بخوف...يممه يممه ابني جابر بس لا سواله شئ جاسر ابني يمه ما عندي غيره ...

والله شيخ جابر مستحيل يسوي،شئ،غلط هذا تربيتك هذا ابنك عصبة راسك ...

زمجر بوجهه بغضب...يا عصبة راسي ولج هذا طيين راسي هذا حط راسي بالطين...

ابنج العار ماخذ مرة جاسر وضامه عند اختج صبرية بديالئ وكل يوم يروح يتطمن عليها

باوعتله بنظرات جامده كالت...مو جابر الهزم جولييت اني انطيتها اله وخليته ياخذها الاختي ...

ابويه فتحت عيونه بغضب صرخ بوجهه...تدرين واني مخليتني وراج انتي الهزمتي البنيه وخليتي الشيوخ تعيرنه بيها بنص الديووان...

ردت بهدوء...البنيه مسكينه وبيت اخوك ضلام خفت عليها تضرر

ضرب علئ صدره بعصبية مفرطه...ولججح شلووون تتصرفين من كيفج انتي وابنج شنووو شلون تخلوني وراكم هيج ما الي اي اهميه عندكم هيج محد معترف بيه ....

والله والله مثل ما كسرتوني اله اكسركم...

تعرفوني مو ظالم وتعرفون اني احمي الدخيل ليش ما جبتيها اليه وحميتها من جاسر...

انتم تعرفون شسووويتو بهذلتو البنيه اخذها جاسر وهو قايم الحد عليه...

الرجال مصدوم علئ اهله وبنته وهي كسرت راسه ونزلته ...اكيد هسه يتهور ويكتلها ودمها بركبتكم اليوم الدين بسبب غبائج انتي وابنج الحيوان...

نزلت راسها بخوف وهمست...ما جنت اظن تحمي البنيه فتصرفت من كيفي ...

تقرب منها وهمس...ما عندج ثقه بيه

بلعت ريكها بدموع وجاوبت بصعوبه...لااا

لزمها من جتفها بغضب كال بقهر وعصبية...مدام ما ثاقه بية انتي طالق

فتحت عيونها برعب ولزمت ايده بتوسل...فدووة شيخ فدووه والله اني اعتذر فدووه والله خايفه علئ ابني والله جابر مسكين لا تطلكني وين اروح تعرف ما عندي احد غير صبرية...

نكث ايده منها وخله وطلع وهي ضلت تبجي وتنوح علئ حالها...

ركضت وره ابويه واني ابجي واتوسل بي يرجع عن قراره...

وكف جر نفس لزمني وضمني الصدره كال ...بوويه امج واخوج قللوا من قيمتي كدام الكل...

انه طالع وان شاء الله محلوله ...

حطيت ايدي علئ وجهي وبجيت...ياربي ابغض الحلال عند الله الطلاق ..

ما حبيت ابويه وامي يوكعون بهيج غلط يارب رحمتك اغفر الهم...

رجعت لكيت امي كاعده وتبجي ومنهاره ممصدكه ابوية طلكها...

عضت اصبعها بقهر...اووف منك يا جابر اوووف كتلك يجيك يوم ويلكونك...

والله ما همني الطلاك مثل ما همني جابر وليدي بس لا كتلو واذو يارب جابر امانتك وين ما يكون...

بجيت برعب اخويه جابر حبيبي مستحيل اقبل ياذو لو يقتلو يمكن تعاطف وياها وساعدها بس مستحيل يغلط وياها جابر اخلاقه عاليه والله ميسوي هيج..

اخذت الموبايل اتصلت بي مفتح خط...

رجعت اتصل بصلاح بسرعه فتح خط كال...الوو

جاوبته ببكاء ودموع...صلاح اخويه جابر ويين

رد بصوت هادئ...لا تخافين خابرت جاسر صح ما حصلته بس رسلي رساله وكتب جابر بخير

ضليت ابجي بنحيب...فدوة صلاح لا تخلي جاسر يكتل جابر انتم تعرفون جابر شنو وترئ امي الي ساعدت جولييت مو جابر بس هو جان يعرف...

جاوبني بهدوء...كافي ريهام لا تبجين كتلج جابر بخير يالله امسحي دموعج وتطمني والله بخير لا تخليني اقلق عليج...

همست بنحيب...ابوية طلك ماما

رد بصدمه وسرعه...لا ليشش ..شصار ليش طلكها تحجين صدك...

مسحت دموعي باسئ...اي والله لان هربت جولييت..

جر نفس...ان شاء الله يرجعها لا تخافين هسه اخابر عمي واشوفه وين واروح اله...

تنهدت ببكاء..شكرا صلاح متقصر

ضحك...ادللي ريهام اسعدتيني من اتصلتي رغم اليوم جان حيل مزعج...

رمشت بعيوني بخجل وقفلت الخط بسرعه رحت الماما طمنتها عن جابر بس هي ضلت تبجي وتنوح...

..........................

انت مؤلم...انت جاني..انت ما اظنك تعاني...انت جرح بيوم الاسود..انت جبار واناني...»

مرتين فقدت الوعي ورحت بسبات عميق اتمنئ اكعد والكاه حلم لكن هيهات هاي حقيقه وواقع اغرب من الخيال...

حياة صعبة وواقع مر ...

يارب يا اما امووت بسلام يا اما يرجعني الامي...

حسيته فر العراق بيه كل صار الجو مظلم ويخوف وبس النباح مال الكلاب...

الي يخليني ارتعد واضم نفسي بخووف من الصووت...

باوعتله ...هذا الكاسر هذا المجرم الئ اقام عليه الحد ما اريد اني وياه نتشابهه بالاحرف...

اني وياه ما نتشابهه باول حرف...مستحيل يجمعنه حرف الجيم...هذا كاسر واني جولييت...

رجعت باوعت لعيونه تجدح بوسط الضلام وشرايين رقبته بارزه وضارب عليه فقط ضوء القمر...وابد ما باوعلي

حسيت بشئ نزل علئ شفتي حطيت ايدي علئ شفايفي شفت خشمي ينزف دم بغزارة...

رفعت ثوبي من صدري ومسحت الدم...

اباوع الاديه كلهن طين وحالتي يارثاء اليها....

درت وجهي للشارع المظلم بأنارة خفيفه...بجيت بقهر وين اهلي عني وينهم يربي...

وصلنه يم منطقه بيها حفريات وظلمه نزل ضليت اباوعله بخوووف...

بطني كل مره احس بيها قووويه هل مره ما حسيت بأي حركه معقوله طفلي مثلي خايف من ابووو وصار صامت مثلي....

فتح الباب باوعلي وهو بقمة غضبة كال...انزلي

زحفت علئ الكشن هزيت راسي بنفي ما قبلت انزل..

هو سحبني بقوووة من ايدي ضليت اصررخ واني لازمة بالستيرن وابجي...يممممه بابا ...عووفني لا تكتلني والله ما الي ذنب والله عووفني ...

سحبني بكل قوة وشالني بين اديه مثل الطفل واني اصرخ واضرب بضهره برعب ...

حسيت الموت دخل برجلية وفقدت الوعي....

نهاية البارت ...يتبع

كونوا...انتم كونوا بخير..💔

نور سمو العراق..😘

البارت اهداء للجميع ..رغم قصير بس ما حبيت اخليكم تنتظرون...المهم اهل الواتباد شكرا الوقفتكم المشرفه الكم مني اجمل تحية...

وكروب الفيس احبكم ولا ارووووع 😍😍

بس متابعين البيجات اعتب عليكم ...اببد ما قدرتوا ظروفي رغم اببد مدا اتاخر بنشر البارت رغم اني اتفقت وياكم بين يوم ويوم...

وهماتين تصويتكم والله قليل بالنسبه للمشاهده ..ياريت تصوتون فضلا وليس امرا...احبكم بكد هوايش صبرية...

احب اعيد المتابعه Rose_mohammed14 كل عام وانت بالف خير...

البارحه نشرت البارت اكثر من عشر مرات لكن للاسف ما اعرف ليش ما وصل لحد الثنتين اني كل شويه ناشرته وميوصل....هسه حنشره احتمال هماتين ميوصل