Walang Katugon ang Aking Nararamdaman
By: warriorMulan16
Magkasama tayo at masayang naglalakad sa dalampasigan.
Hampas ng alon ay malayang dumadampi sa ating mga talampakan
Sariwang hangin ating ninanamnam
Bughaw na dagat ang naglalaro sa ating balintataw.
Isang napakagandang tanawin lalo't ika'y aking kapiling
Ngiti at tawa mo'y lungkot ko'y kayang pawiin.
Tila lahat ng pangamba ko ay kayang burahin.
Takot at paghihinagpis nagawa kong limutin.
Malamyos mong tinig kay sarap pakinggan, tila isang musikang nakapagpapanatag ng puso ko't isipan.
Musikang pumapawi ng aking kalungkutan;
Musikang nagpapakalma nang nagwawala kong kalooban;
Musikang nagbibigay ngiti sa aking mga labi;
Musikang nag-aalis ng lahat ng pighati,
Hiling kong ang musikang iyon ay hindi mapawi.
Minahal ko ang buo mong pagkatao
Tanggap lahat ng kahinaan at kapintasan mo
Pero ang hindi ko matanggap ay yong hindi ka totoo;
'Yong hindi ka nag-eexist dito sa mundo;
'Yong katotohanang bunga ka lang ng imahinasyon ko.
Hindi ko matanggap na 'yong kagaya mo ay matatagpuan lang sa libro
Mas lalong hindi ko matanggap na'yong taong mahal ko ay bunga lang ng ilusyon ko.
'Yong minahal mo pero hindi ka minahal pabalik
Ito 'yong katotohanang na sobrang sakit
Katotohanang sasampalin ka ng paulit-ulit
Sadya yatang tadhana'y minsa'y kay lupit
Dahil nagmahal lang ako ngunit pagdurusa ang aking sinapit
Nagmahal lang ako pero luha ang naging kapalit.
Minahal kita kahit alam kong karakter ka lang sa isang istorya
Protagonista sa librong aking binabasa
Bakit ganyan ka?
Papel ka lang at tinta pero tila hinaluan ka ng mahika
Mahikang nagbigay daan upang ibigin ka.
Tila ba'y nasa loob ako ng salamangka
Ikaw ay naroon at kapiling Kita
Ako'y iyong inaalo dahil lumuluha sa sobrang saya.
Mahigpit Ang iyong pagkakayakap upang mawala ang aking pangamba
At patuloy mong inuusal "Tahan na! Wala akong balak iwan ka dahil mahal din kita"
Tila musika sa aking pandinig ang mga inusal Niya
Kumalabog ng husto ang a aking dibdib dahil sa tinuran ng aking sinisinta.
Nagpatuloy sa pagpatak ang aking mga luha
Sunod- sunod na hikbi ang kumawala
Dibdib ko'y tila pinipiga
Tila ninanais ng puso kong sumabog sa pagwawala
Ang senaryong iyon ay isa na namang katha.
Walang katotohanan at isa lang kahangalan
Nag- aambag lang iyon ng labis na kalungkutan
Nagising akong mata ko'y namumugto
Kay bigat ng aking pakiramdam tila gusto kong maglaho
Nang imulat ko ang mata, nabungaran Ang mukha mong kay amo.
Makailang ulit kong ipinikit at iminulat ang aking mga mata
Hindi makapaniwala nasa harapn kita king sinta
Nais sana kitang 'akapin ng Kay higpit, pero naisip ko baka ilusyon lang kita.
Ayaw kong umasa! Ayaw ko ng masaktan pa!
Hindi pa ako handang muling lumuha.
Bago palang nauulian ang puso kong nagkasira-sira
Pero isang hagalpak ng tawa mula sayo ang aking narinig
Tila totoo at hindi panaginip
Dibdib ko'y muling nanikip
Ang nakaraang nais kalimutan ay muling nanumbalik
Sakit, lungkot at poot ay muling nagbalik
Tadhana nga ba talaga'y sadyang kay lupit?
Upang bangungot ng nakaraa'y isampal ng paulit-ulit.
Unti- unti ko ng natanggapna wala na siya
Pero bakit? Bakit ang mukha niya'y nanumbalik?
Bakit? Bakit nararamdaman ko muli ang pait?
Ulo ko'y iniling ng paulit-ulit
Tanda ng ayaw ko ng maranasang muling malugmok sa sakit
Sawa na ako sa ganung pasakit.
"Ayos ka lang?" Malamyos niyang tinig sa aki'y muling pumukaw
Mababakas ang pag-aalala sa kanyang tinuran
Masayahin niyang ekspresyon ay napalitan
Pag-aalala sa kanya'y nangibabaw
Labis ko ba siyang minahal kaya hindi ko siya makalimutan?
'Yan ang tanong sa aking isipan
Kahit anong pagpipigil ko sa aking sarili hindi ko maiwasan na siya'y aking 'akapin
Noong una ay tila siya'y nag-aalangan din
Pero makailang saglit pa ay narinig ko na ang kanyang tinig upang ako'y pakalmahin
Pero walang patid sa pagbuhos ang mga luha kong taksil.
Nanatili kami sa ganun pwesto hanggang sa luha ko'y tumigil
Iginala ko ang aking paningin
Nasa loob kami ng bus 'yon agad ang aking napansin
Atensyon ng ibang pasahero ay nasa akin din.
Bigla akong natigalgal sa aking nakita
Wala ako sa loob ng pantasya
Nasa reyalidad ako at totoo siya
Ganun ba talaga maglaro ang tadhana?
May kawangis ang mahal ko
At nasisiguro kong kami'y nasa iisang mundo
Sa mundong ang katotohanan ay kay sakit at ubod ng pait.
Luha ko'y muling rumagasa;
Tila pagdaloy ng tubig sa ilog na di kayang masawata.
Animo'y libo - libong palaso ang sa puso ko'y tumama.
Ang sakit ay nanumbalik at muling nanariwa.
Akala ko tapos na... Akala ko wala na!
Akala ko paglipas ng panahon ay makakalimutan na kita
Pero isa lang pala itong malking akala
Nagpanggap lang pala ako na tanggap ko na...
Na tanggap ko na nawala ng pag-asa para sa ating dalawa
Subalit ng makita ko siya
Muling nagkapuwang sa isip ko ang salitang pag-asa
Sumagi sa isip ko na naisakatuparan na
Ang dalangin ko sa t'wina
Na ika'y bigyang buhay, dito sa mundong ibabaw
Upang magkasama tayo panghabang buhay hanggangbsa pagpanaw
Muli kong binaling qng aking atensyon sa taong nasa harap ko
Patuloy kung kinukumbinse ang sarili ko na ikaw ito
Mula sa piraso ng papel at tinta ay nagkatotoo
Na ang isang pantasya ngayo'y nasa harapan ko
Pangalan niya'y makailang ulit kong sinambit
Na may pagsusumamo at pananabik
Ngunit ang taong nasa harap ko'y nanatiling walang imik
Tila ba'y walang naririnig
Mapungay niyang mata'y matamang nagmamasid
Maamo niyang mukha ay nagdudulot ng pasakit
Pasakit na aking daranasin ng paulit-ulit.
Wala ng sasakit pa sa katotohanang sa libro ka lang matatagpuan
Sa katotohang ating pag- iibigan ay ilusyon lang
Sapagkat ako lang ang nagmamahal at ako rin lang ang nakakaalam.
Kaya't lahat ng pasakit ay ako lang ang makakaramdam
Ikaw ay kinatha upang maghatid ng kasiyahan
Magbigay tuwa sa mga pusong nalulumbay
Ngunit ang kasiyahang iyo'y bakit naging kalungkutan?
Bakit paghihinagpis ang nararamdam?
Ang tuwa'y nauwi sa puso kong sugatan
Ang galak na dulot mo'y panandalian
Ngunit pang habang buhay ang kalungkutan mong iiwan
This poem is dedicated to those wattpader who fell in love to the person who doesn't exist in
this world.
Written last October 2019
Written by: warriorMulan16