لعنة الفراعنة (قيد التعديل )

الفصل الخامس عشر

لو فرج الله عن يوسف في أول البلاء لما آلت إليه خزائن مصر بعد الدعاء فقد يطول الابتلاء لكي يعظم العطاء فلا تستعجل ، وكن واثقاً بربِّ السماء."

اللهم صل وسلم وبارك على السيد الأكرم محمد صلى الله عليه وسلم، صلاة تكون طريقاً لقربه، وتأكيداً بحبه، وباباً يجمعنا به، وهدية مقبولة بين يديه، وسلم وبارك كذلك أبداً، وارض اللهم عن آله وصحبه السعداء،واكسنا حُلل الرضا.♥️✨

الفصل الخامس عشر

استيقظ مراد صباحا ونظر حوله وهو يتمني لو كان ما حدث بالأمس مجرد حلم لا بل كابوس ولكن للأسف ليس كذلك استيقظ مراد وادي فرضه ثم ارتدي ثيابه وذهب لنفس العمارة التي كانت تذهب لها طمطم وصعد للاعلي وطرق الباب وانتظر اجابه ففتح له الطبيب مازن صديقه منذ ايام الجامعه
مازن ببسمة ترحيب / مراد باشا هنا بنفسه يا مرحبا يا مرحبا
مراد ببسمه صغيره / اهلا يا مازن بعتذر لو ازعجتك في وقت زي ده بس الموضوع ضروري
مازن وهو يتنحي جانبا / عيب عليك يا بني ده كلام برضو اتفضل أتفضل البيت بيتك في أي وقت تنور
دخل مراد وهو يبتسم ثم جلس علي أول مقعد قابله وجلس قبالته مازن / خير يامراد اوووه استني قبل ما تتكلم هروح اجهز الفطار لينا ونتكلم براحتنا
مراد وهو يمنعه من الذهاب / لا استريح انت هو موضوع هنتكلم فيه وامشي علي طول
مازن وهو ينظر له بتعجب / فيه إيه خير يا بني قلقتني
مراد وهو يتحدث بألم / المريضه اللي عندك اسمها طمطم سمير
مازن وهو يضم حاجبيه دليل علي عدم فهمه / آه مش دي اللي بعت ملفها ليك عشان تقولي رأيك في الحاله مالها دي
هز مراد رأسه بألم شديد / دي تبقي خطيبتي وبنت عمي
نظر له مازن بتعجب شديد / بنت عمك وخطيبتك وكانت جايه ليا وهي عندها في بيتها دكتور في المجال ومن اكبر الدكاتره
مراد بوجع / هي ماكانتش حابه تعرف حد وانا عرفت صدفه
مازن وهو يهز رأسه بتفهم / طب اساعدك إزاي يا مراد قول وانا مش هتأخر
مراد وهو ينظر له بألم / عايز انا امسك الحاله..

بينما في المنزل استيقظت نيرة من النوم ونظرت حولها بملل ثم نامت مجددا وهي تتحدث بنعاس / احلي حاجه هنا هي اني اصحي براحتي ومفيش شغل ومفيش حسام لا قرف
فتحت عينها وهي تسمع ضوضاء في الخارج نهضت بانزعاج شديد ثم وقفت وهي تبعد شعرها عن عينها وتمسك نظارتها وتتجه للنافذه وجدت أطفال يلعبون اسفل النافذه خارج باحة المنزل نظرت بانزعاج ثم صرخت / انت ياض انت وهو روح العب بعيد يابا مش ناقصين دوشه علي الصبح
تحدث احد الفتيان / وإنتي مالك انتي بنلعب في بيتك
نيرة بانزعاج / لا صوتكم واصل ليا وانا نايمه. ومش عارفه انام
صبي ما / واحنا مالنا ان شاءالله عنك ما نمتي
نظرت نيره لهم بشر ثم خرجت من الغرفه واتجهت للحمام واحضرت سطل من الماء وذهبت لغرفتها مجددا وقامت بسطل الماء عليهم وصرخت / كل واحد يروح يلعب عند امه
صىخ الأطفال وهاجوا ثم رحلوا وهم يلعنون هه الفتاه المجنونه بينما هي رمت السطل بجانبها بملل / ابو مناظركم علي الصبح عكننتوا علي الواحد
سمعت صوت هاتفها ينبهها باقتراب انتهاء الشحن فذهبت له وامسكته وذهبت لحقيبتها وبحثت عن شاحن ولكن لم تجد واحد زفرت بضيق شديد ثم وقعت عينها علي حقيبه بجانب الباب / يمكن يكون فيها شاحن
ذهبت للحقيبه وفتحتها ونظرت بداخلها وأخذت تبحث عن واحد وللمفاجأه وجدت شاحن ابتسمت بسعاده وسحبته ولكن وجدت دفتر يقع خارج الحقيبه فقد كان عالق بالشاحن امسكت الدفتر وكادت تعيده للحقيبه ولكن لفت نظرها اسم مدون عليه نظرت للاسم بتعجب شديد / ميسرة عبدالمنعم رأفت الشافعي الاسم ده شوفته فين
فتحت عينها بشده وصدمه وأخذت هاتفها ووضعته علي الشاحن ثم فتحته ودخلت علي أحد ملفات العمل ونظرت للاسم للمدون في الأسفل / جاسر رحيم رأفت الشافعي
وحسام رحيم رأفت الشافعي....... معقول يكون تشابه أسماء بس

نظر ابريس بعشق لميسرة التي نامت خلال رحلة العوده للقصر وضعها بحنان شديد في فراشها ثم وضع الغطاء عليها وخرج وجد كلا من بيك وازي ينتظرونه
بيك بنظره غامضة / هل حان الوقت
هز ابريس رأسه / لقد تمادي حورس كثيرا في تصرفاته لقد كاد يقتلها لولا انها هربت يجب أن نبدأ في التجهيزات
نظر ازي لبيك ثم أعاد نظره لابريس / ولكن لا شئ سينجح في قتل حورس الا اذا دمرنا صولجان-هرمس والشئ الوحيد الذي يمكن تدميره هو...
اكمل بيك كلماته / عين اوزريس والشمس
نظر لهم ابريس واغمض عينه بتعب وكأنه لا يعرف كل هذا هو يعرف هذا كله لكن هو لا يمكنه فقط لا يمكنه تعريضها لأي اذي
ازي / وايضا قبل كل شئ يجب الحكيم احمس ان يخبركم ما هي طريقه تفعيل العين وبمجرد تدمير الصولجان يمكننا اعتبار ان حورس انتهي لان روحه موجوده بذلك الصولجان
ابريس بنظر غامضه وشاردة في مستقبل كان يتمناه قديما وكان حلمه الوحيد ولكن لم يحسب حساب قلبه لم يظن يوما ان يحب ومن؟؟ الشمس؟؟؟ هذا حقا ما لم يخطر يوما علي باله ولكن ليس هناك حاكم علي القلوب اغمض عينه بألم ما سيحدث هو ما يجب حدوثه  فتح ابريس عينه وتحدث بحسم وهو يجبر نفسه علي ذلك / جدوا لي الحكيم احمس بأسرع وقت

بينما في الغرفه كانت ميسرة تسمع كل شئ فقد استيقظت بمجرد ابتعادها عن أحضان ابريس اغمضت عينها وهي تفكر ماذا يمكن أن يحدث وما هي عين اوزريس هذه ومن هو الحكيم احمس وما هو مصيرها من كل ذلك ماذا سيحدث لها هل ستعود للديار ام تظل هنا عند فكره العوده خفق قلبها بشده وسؤال يتردد برأسها لمن ستعودين لا أحد لكِ ولكن هنا لديكِ عائلة كبيره بيك وازي نانيس واسينات وست والأهم قلبك هنا وروحك ابريس اغمضت عينها بألم ماذا تفعل هي لا تعرف شئ اغمضت عينها وهي تفكر في مستقبل مجهول لها علي ماذا ستستقر الأمور

عاد مراد للمنزل وكاد يصعد الدرج ولكن وجد نسرين ترتدي ثياب الخروج نظر لها بتعجب / نونو رايحه فين
توقفت نسرين وتحدثت بحنق / رايحه اقابل أسر.
مراد  بحاجب مرفوع / لوحدك
نسرين بتوتر / هو استأذن من بابا وقالي.....
قاطعها مراد بنبره لا تقبل النقاش / لا مينفعش مهما كان ده مش جوزك ده مجرد خطيبك خدي حد معاكي.
وبينما هو يتحدث كانت كلا من نيره وكريمة ويهبطون الدرج
كريمة ببسمه  / يلا يا نونو عشان منتأخرش علي كلب البحر
نسرين بتعجب / أنتم هتيجوا معايا
نيره وهي تتدخل / الله امال نسيب بنتنا تخرج معاه لوحده ليه يعني مينفعش طبعا فقررنا انا وكرميلا ان نيجي معاكي بقي وثوابنا عند الله
كريمة وهي تهز رأسها / فعلا أصل عمل الخير يا أخت نسرين لازم يكون من غير مقابل
نسرين وهي تفكر / ده اذا كان أسر طلب يشوفني بره بسببكم.
مراد بضحك شديد / هو انتم عملتوها معاه لا حول ولا قوة الا بالله العلي العظيم الواد ده صعب عليا وقطع قلبي بس يلا انا اساسا مش بطيقه معاها يابنات ومتسيبوهاش أبدا
ثم تركهم وصعد للاعلي ونظرت الفتيات لنسرين ببسمه / يلا عشان منتأخرش
كاد الجميع يخرج تحت ضحكات نسرين وهي تتخيل وجه أسر ولكن قابلوا صلاح وهو يدخل المنزل وكان يظهر عليه التعب الشديد نظرت كريمة له بقلب متألم وبتسرع قالت / مالك يا صلاح
نظر لها صلاح ببسمه واهنه / لا مفيش حاجه بس شويه إرهاق
كريمة بدون وعي وهي تقترب منه وتضع يدها علي جبينه / هو ايه اللي شويه إرهاق دي راسك بتولع اطلع معايا فوق هعملك كمادات يلا
نظر لها صلاح بعشق كبير بينما هي حاولت أن تتجنب نظراته / معلش يا نيره خليكي انتي مع نسرين عشان زي ما انتي شايفه كده
نسرين وهي تتجه لصلاح وتعانقه بحب / لا انا كمان مش هروح واسيب صلاح تعبان كده
صلاح بحده فهو لا يصدق ان كريمه ستظل معه والان نسرين اخرب الأمر / لا روحي لخطيبك
استعوب صلاح لهجته العنيفه / احم اقصد مينفعش يعزمك ويستناكي وفي الاخر تقولي معلش مش هعرف اجي لا روحي والانسه نيرة هتكون معاكي
كريمة وهي تغمز لنيره / مش هوصيكي يا نيرة تاخدي بالك من البنت
نيرة وهي تبتسم بشر / عيب عليك يا اسطا مش انا اللي اتساهل في مهماتي توكلي علي الله وشوفي الاخ اللي بيموت جنبك ده وسييبي ليا المغفور اليه أسر
ضحكت نسرين بشده / طب يلا يا نيرة وانتي يا كريمة خلي بالك من صلاح عشان هو تعبه صعب شويه وهيزيد
هزت كريمة رأسها والتفت لصلاح ولكن فتحت عينها بصدمه فقد احمر وجهه بشده وكان يستند علي الحائط وهو يكاد يغشي عليه ركضت اليه وحاولت ان تسنده ولكن لم تستطع فنادت بصوت عالي/ مراااااد يا مراااااد
خرج مراد من غرفته بانزعاج وكان يرتدي شورت قصير وتيشرت بدون أكمام / فيه إيه يا..... صلاح
ركض علي الدرج بسرعه كبيره وامسك أخيه الذي كاد يسقط أرضا ثم حمله بسرعه وصعد به لغرفته ووضعه علي الفراش ثم ركض لغرفته واحضر عدته واخذ يفحصه حتي انتهي ونظر لكريمة التي هبطت دموعها بشده عليه تنهد بتعب / هو كويس بس عنده نزله شديده وحمي واللوز التهبت
كريمة بدموع وهي تصرخ / كل ده وكويس امال لو مكانش كويس
هز مراد رأسه بيأس منها ومن كلامها / هروح اجيب ليه العلاج خليكي جنبه واعملي له كمادات دافيه تخفض شويه من حرارته
هزت كريمة رأسها بايجاب ونظرت له بحزن شديد ورحل مراد ليحضر العلاج بينما هي هبطت للمطبخ واحضرت وعاد للماء الدافئ وقطعه قماش وصعدت وظلت بجانبه تحدثه كثيرا / تعرف يا صلاح رغم كل االي عملته بيا بس والله عمري في حياتي كلها ما كرهتك لحظه وآحده ولا ثانيه حتي قلبي الغبي ده قالي لا أكرهه إزاي وهو طول عمره كان ساكن جوايا بعمل نفسي بارده وم بيهمني حد وبضحك وتهزر بس من جوايا بتقطع كل ما اشوفك يا صلاح انا مكنتش بحبك لا انا كنت بعشقك بس انت.....
صمت وهي تبكي بشده ودموعها تهبط شعرت بيده تمسح دموعها بحنان ويتحدث بتعب وهو يفتح عينه بصعوبه / اوعي في يوم تبكي ولو حتي عشاني اوعي يا كرميلتي بسمتك دي حد يمحيها ولو كان الحد ده انا انا حبيتك آكتر من روحي وعشقتك بكل كياني يا كرميله وعمري في حياتي ما حبيت حد غيرك وربنا يشهد بكده
كريمة ببكاء يزداد / امال ليه سيبتني عشانها وقولتلي هي حبي الوحيد والحقيقي وانت مجرد تعود ليه لو كان كلامك صحيح ليه كدبت عليا
نظر لها بألم شديد وكاد يتحدث لولا دخول صلاح / يلا انا جبت العلاج
نظر لوجوههم وجد كريمة تمسح دموعها وصلاح ينظر لها بالم شديد تنهد بتعب فلا احد هنا مرتاح الحب تعب والم فقط لا وجود للراحه به اغمض عينه وهو يتذكر معشوقته الوحيده

خرجت ميسرة من غرفتها بعد أكثر من خمس ساعات نوم نظرت وجدت فقط ازي هو من يجلس ويقوم بصناعه اسلحه ميسرة بمزاح / اوووه عزيزي ازي المسكين احيانا تقطع قلبي يا رجل
ضحك ازي /ولما اقطع قلبك يا اميره
ميسرة وقد ابتسمت من لقب اميره ثم جلست بجانبه وهو يصنع الاسلحه وتأملته / انت نظيف جدا يا ازي قلبك طاهر مثل الأطفال
خجل ازي كثيرا من حديثها وتظاهر بالعمل / احم اشكرك ميسرة وانتي أيضا
ضحكت ميسره عليه / يا لك من ملاك يارجل انت حقا طيب القلب منذ جئت لهنا وانت دائما من تعد لي الطعام دائما وتترك لي طعام بالغرفه كل ليله تحسبا اذا اصبحت جائعة
ابتسم ازي وتحدث بلطف / هذا لا شئ ميسرة
ميسرة وهي تبتسم /بشده محظوظه هي من تصبح حبيبتك ازي فستحصل علي الطف الرجال كافه
ازي ببسمه حنونه / القائد أيضا لطيف وحنون
ميسرة بخجل / وما علاقة القائد بحديثنا هذا
ازي بضحكه كبيرة / اوووه انظروا من يخحل الان
ضربته ميسرة في كافه بخجل / توقف عن هذا
_ يتوقف عن ماااااااااذا
نظر ازي برعب لهذا الصوت الغاضب فوجد ابريس يكاد ينفجر ووجهه احمر بشده
ميسرة في سرها / مامي
ازي وهو يبتلع ريقه / قائد لقد عدت مرحبا بك
تجاهله ابريس وهو يسلط نظره علي ميسرة التي تحاول تم تثبت مكانها ولاتخاف
بينما هو تقدم منها بعنف فعادت للخلف وهي تصرخ / ايييه
امسك هو يدها ونظر ببسمه غاضبه لازي / اكمل ما كنت تفعله عزيزي ازي لن نتأخر
هز ازي رأسه برعب من ملامح ابريس
بينما ابريس اخذ ميسرة وذهب للتله الخاصه بهم وترك يدها بعنف واقترب منها بسرعه / إيه اللي كان بيحصل ده
ميسرة بجهل / إيه اللي حصل
ابريس بعنف / ميسرة متستهبليش انتي كنتي قاعدة بتضحكي مع ازي ليه
ميسرة بغباء / وفيها ايه يعني عادي ا...
قاطعها صراخه الذي رنّ صداه في المكان / فيها ايه! ؟؟؟ فيها انك قاعده بتضحكي مع حد غيري لا ومش بس كده بتضربيه في كتفه وتهزري معاه
فتحت ميسره عينها بدهشه كبيرة / انت بتغير عليا
ابريس بصراخ / آيوه بغيييير
ميسرة وهي تضع يدها علي فمها بصراخ وفرحه / احلف اخيرا جه يا ميسرة اليوم اللي تلاقي حد فيه بيغير عليكي ههههههههههه
نظر لها ابريس بتعجب / هل انتي مجنونه
ميسره وهي تقفز وتصرخ / نعم انا مجنونه
ثم توقف ونظرت له بعشق / واعشقك
صرخ قلب ابريس من السعادة لقد اعترفت هي تحبه نعم تحبه كما يحبها هو
ضحك بشده عليها وهي مازالت تصرخ بفرحه وتقفز ولكن اقتربت منه بشده وامسكت يده وسحبته وجلست بجواره ثم أخرجت هاتفها  وشغلت اغنيه رومانسيه ونظرت له ببسمه / هنستني هنا لحد الغروب لان ده كان حلمي من صغري اتفرج علي الغروب مع شخص بحبه علي اغاني هاديه
ابتسم ابريس علبها بشده بينما هي وضعت رأسها علي كتفه وأخذت تنظر للامام بهدوء وهو فقط بكتفي بتأملها عن العالم كله

كان أسر ينتظر نسرين خارج الكافيه الذي ابلغها بعنوانه نظر في ساعته بملل ولكن لمح تاكسي يقف أمامه وتخبط منه نسرين ابتسم لها سرعان ما اختفت تلك البسمه حينما لمح تلك الفتاه التي تدعي أشرف كما تذكر تهبط معها زفر بضيق شديد من هذه الفتاه واقتربوا منه فاشار لهم ودخلوا وجلسوا علي طاوله بعيده تطل علي النيل بمراكبه الشراعيه الساحره جلس ونظر لنيره التي تضع قدم علي قدم وتضم يدها بصدرها وتراقبهم بصمت تحدث بضيق وهو يحاول الا يظهر هذا الضيق علي ملامحه / مش المفروض نتقابل لوحدنا ولا إيه أنا استأذنت عمي
كانت نسرين ترد فاجابت نيرة بصوت غليظ يشبه الرجال / معندناش بنات تجابل رچال وحديها واصل
نظر لها أسر بتعجب بينما نسرين ضحكت علي تقليدها للهجه الجنوب
نسرين وهي تنظر لأسر / احم أتفضل حضرتك كنت حابب تقول ايه.
أسر وهو يأخذ نفسه / طبعا مش حابب اع......
نيره بصوت عالي / جرسوووووووووون جرسووووووون ايه المكان ده مفيش واحد جه سألنا هنشرب ايه ولا ناكل ايه
مسح أسر علي وجهه بعصبيه /نسرين انا....
نيرة بصوت عالي / اووووف انتم ياللي هنا فين الجرسوووون
أسر بصراخ / ممكن تسكتي شويه
نيرة بصراخ مماثل / لا مش ممكن انت مالك انت ولي أمري ولا إيه مش فاهمه
أسر وهو ينظر لنسرين ثم يمسك يدها وينهض
فنزعت نيرة يدها من يده بينما نسرين تنظر له بصدمه علي غضبه ومسكه ليدها
نيره وهي ترفع اصبعها   في وجهه / اسمع يا ديك البرابر انت اولا صوتك يعلي عليا هوريك مقامك إنت متعرفش مين هي نيره  ثانيا بقي تلمس ايد البنت ايدك هتتقطع امين ولا إيه
نظر لها أسر واحمر وجهه بشده ثم ابتسم بسمه شر وهز رأسه بهدوء / تمام جدا
ثم نظر لنسرين / كلامنا منتهاش يا نسرين لسه فيه كتير
   بس هنكمله لما لما افضي الطريق من المزعجين
   ‏تشنجت نيرة بقرف / بتتكلم علي نفسك ولا إيه
   ‏نظر لها أسر ببسمه ثم حمل اشياءه ورحل
   ‏نظرت نسرين بخوف لنيرة/ليه كده يانيرة ده ظابط وممكن يأذيكي
   ‏نيرة بعدم اهتمام وهي تجلس مجددا / اعلي ما في خيله يلا اقعدي كلي بقي عشان أنا جعانة
   ‏ نظرت لها نسرين بتعجب علي برودها الشديد
   ‏ نيرة وهي تضرب بيد علي يد / جرسوووووووووون
   ‏ضحكت نسرين علي هذه الفتاه

نظر مراد ببسمه لخوف كريمة علي صلاح / ده العلاج يا كريمة البرشام ده ياخده بعد الأكل انا قولت لماما تعمله اكل وبعد الاكل ياخده وتناديني اديله الحقنه
هزت كريمة رأسها بايجاب وأخذت منه الادويه
فابتسم مراد ومد يده بقطعه شوكولاته / خدي جبتلك دي
نظرت كريمة ليده وابتسمت بحنين لذكري الطفوله
(مراد الصغيره / شوفوا جبت ليكم ايه
نسرين / إيه يا مراد وريني كده
مراد وهو يخرج قطع شوكولاته كثيره لهم / اشتريت دي ليكي وانا جاي من المدرسه
صلاح ببراءه / كده كل مصروفك خلص يا مراد
مراد ببسمه / لا أبدا انا فرحان عشان جبتلكم
كريمة وهي تأخذ وآحده بعنف / هات بعدين اتكلموا
نظر لها الجميع وضحكوا علي شكلها وهي تأكل)
مراد وهو يخرجها من ذكرياتها / روحتي فين يا كريمة
كريمة ببسمه وهي تمسح دموعها / في طفولتنا
ابتسم مراد بحنين /ايام يلا هروح ادي طمطم بتاعتها
هزت كريمه رأسها ونظرت لصلاح مجددا وهي تأكل شوكلاته / عارف لو كنت فايق كنت عطيتك حته من بتاعتي
فتح صلاح عينه بارهاق وابتسم / أنا صاحي اهو هاتي حته
كريمة بحنق / انت صدقت ده كلام لحظه حماس بس نام نام
ضحك صلاح بصوته كله عليها بينما هي تنظر له بتذمر

بينما مراد طرق الباب وانتظر حتي حصل علي اذن طمطم ودخل وهو يبتسم / شوفي جبت ليكي ايه
نظرت طمطم له ببسمه / شكرا يا مراد طول عمرك بتجبلنا حجات من مالك الخاص يابني متعبينك معانا
اقترب مراد منها وجلس امامها ببسمه / تؤتؤ مفيش تعب أبدا بالعكس انا بجيب الحجات دي وأنا فرحان لاني بجبها من كل قلبي وبكل حب
رفعت هي نظرها له ببسمه خجله فتحدث هو / أنا هتولي متابعه معاكي يا طمطم
رفعت طمطم عينها له بدهشه فاكمل هو/ مش معقول يبقي زوجك اكبر دكتور في الاقصر وتروحي لغيره بعدين انا دمي حامي وبغير عليكي
نظرت له بدموع تهبط بشده فابتسم هو بحب / تتجوزيني يا طمطم قلبي

عاد ابريس وميسرة  للمنزل وجد الجميع موجود بلا استثناء حتي اسينات فابتسم ابريس / حسنا الجميع هنا لنبدأ اللعبه
ثم نظر لاسينات فابتسمت له بألم / اخي مخطئ لطالما أخطأ في حق الجميع
ضمها له بيك بينما هي تذكرت ما تعرضت له قبل ان تأتي  اليه اخذت نفس بهدوء / أنا معكم يجب وضع حد لاخي
ابريس بثقه / اذا لنبدأ الان
ميسرة وهي تنظر لهم / قبل أي حاجه هتقولوها حابه اعرف اهلي فين دلوقتي انا أجلت السؤال ده كتير لاني مكنتش قادره اني اواجهه بس بما ان خلاص هنبدأ اللعب يبقي لازم اعرف
كانت تتحدث وهي توجه الكلام لابريس
تنهد ابريس بهدوء / قبل ما تعرفي فين اهلك لازم تعرفي حاجه مهمه يا ميسرة
نظرت له بتعجب / حورس ليس هو ملك كمت الاحق للحكم
نظرت ميسرة له بتعجب
فاكمل ابريس بألم / ابي هو من كان ملك كمت قبل أن...... قبل أن يقتله حورس

استووووووووب خلص الفصل اتمني يكون عجبكم وجهزوا لان المغامره بدأت واللي جاي كله خيال في خيال
ميسره عشان توصل للحكيم احمس هتخوض مغامره ولا في الخيال يا تري هتواجهه ايه محدش يعرف؟؟؟
وياتري ايه سبب بسمه أسر وهو بيكلم نيرة يا تري هيأذيها ولا إيه؟؟؟؟؟
طب نيره شافت اسم ميسره وربطت بينه وبين حسام وجاسر ياتري هتقولهم ولا الموضوع هيعدي ولا كأنه حصل!؟؟؟؟
مراد قرر يخوض الرحله مع طمطم للاخر عل هتنتهي بتجمع القلوب ولا هتنتهي بالبعد؟؟؟؟
كريمة هتسامح صلاح ولا كل شئ انتهي خلاص؟؟؟؟
جاسر عشان نسرين هيعمل المستحيل بس ياتري بعد ده كله هتكون مقدره ليه ولا لا؟؟؟؟؟

أسرار كتير بتنكشف وقلوب بتتجمع وقلوب بتتفرق ياتري ايه اللي هيحصل تآني في رحله ميسره إللي قربت توصل لنهايتها وهل يا تري الفرعون اللي حبته هيكون في آخر الطريق ولا........... 💔

حكايات متشابكه وقصص كثيره تري هل ستتشابه النهايات ام يكون الفراق هو النهايه......
توقعتكم