قال لي بي غضب قلته ليك أنزلي امشي بيت اهلك ي شهد م بتفهمي انتي؟؟
مسحته دموعي وقلته ليه طيب تمام ي ماهر بس خليك على علم انا لو نزلته من العربيه دي ومشيت بيت اهلي م تفكر تجي تسوقني منهم تاني ،
فضلته قاعدة وانا منتظرة منو اي ردة فعل بس حتى م فكر يعاين لي بالعكس سكت وهو ماسك الدركسون،
الجواب كان واضح نزلته من العربيه وقفلته الباب بكل قوتي واتحرك قبل م ينتظرني ادخل حتى على عكس عادتو،
طلعته وانا م شايفه قدامي وببكي حتى السلالم دي م عارفه روحي طلعتها كيف ، ماما اول م فتحت لي الباب قالت لي مشيتو وين انتو؟والحصل شنووو؟منذر دة لحقكم الحصل شنو راجلك مالو مع الولد؟
كانت بتتكبم بي خلعه وانا دموعي في عيني
مسكتني قالت لي ي بت بتكلم معاك في شنو؟؟؟
قلته ليها ماف شي
قالت لي كيف يعني ماف شي؟ماهر مالو مع حسام والحصل شنو وانتي مالك بتبكي اتكلمي ي بت؟؟
قلته ليها ماما انا م قادرة اتكلم عليك الله خليني بس اللحظه
دي
قالت لي لا م بخليك الا تفهميني ماهر وين؟
إتفكيت منها ودخلته غرفتي ورقدته في السرير وبقيت ابكي،وهي تشيل وتتكلم معي في النهايه قالت لي انا بتصل على ماهر دقيقة طلعت من الغرفه...
..................
ي ولدنا الزول دة زي م نحن شايفين هو المتضرر منك م انت ..
ي سعادتك الزول دة انا متضرر منو عندي كم شهر تمام
طيب ليه م جيت فتحته فيه بلاغ طالما متضرر منو؟
م كنت لامي فيهو،م كان قاعد في بيتهم ،انا عندي كم شهر بمشي بيتهم دة اكتر من ميه مرة بس هو م راجل عشان يقعد زي الرجال ويعمل الكان بعمل فيهو دة ✅
طيب يعني اسي م عايز تسحب البلاغ دة نهائي؟
لكن الزول دة راسو كلو مربط شاش لو..
قاطعتو وقلته ليه ي سعادتك الزول دة لو طلع من هنا م حيسلم مني برة ✅
م كنت شايف قدامي ،ولا حاسي بنفسي واعي للأنا بعملو والممكن اعملو ومتأكد تماماً إنو الزول دة لو طلعوه من القسم م حيسلم مني ابداً واهلو م حيقدرو يتخذو ضدي اي اجراءات لأنهم عارفين ولدهم غلطان ✅
طلعته من القسم وطلعته تلفوني لقيت كميه من المكالمات من طه ومنذر وزياد
رجعته لي زياد م رد بعدها رجعته لي منذر ورد وقال ..
ي ماهر
اي ي منذر..
،في شنو ي زول وانت وين ومالك م بترد على مكالماتنا؟
انا ماشي على البيت
جاي علينا يعني؟
لا ماشي على البيت بجي عليكم بكرة الزمن إتأخر
قال لي انت متأكد إنك كويس ي زول؟
قلته ليه لالا انا تمام ي منذر والله.
قال لي جاي عليك،
م كنت في وضع يخليني اتكلم مع اي زول ولا اتفاهم معاه سواء كان من قريب او بعيد لما عرفته منذر جاي علي م رجعته البيت وقفلته تلفوني.
عديت يومين وانا قافل تلفوني وم طايق زول وحتى مهند في البيت م كنت متجاوب معاه،سألني مالك مع شهد؟لما م رديت عليه طلع..
جا زياد البيت وحاول يتكلم معي ويفهم مني الحاصل قلته ليه بي عصبيه ونفاذ صبر زياد م تفتح الموضوع انا لو شايف انو ممكن يتحكي كنت حكيت ليك من غير م تسأل، زول غلط علي وانا شوفته شغلي معاه بس ✅✅قال لي طيب شهد وين؟
بعد سؤالو لي عن شهد حتى راجعته نفسي بخصوصها في اللحظه ودة كان اليوم التالت من المشكله، بتفكيري في شهد وأخر كلامها القالتو لي لقيت نفسي بديت اطلع من الحاله الأنا فيها شويه شويه،بس هل انا ندمان لأني عملته كدة؟
لأ ابداً..
اخدته بعضي وعلى طول مشيت على بيتهم الساعه كانت 4عصر "الجمعه" ،لما وصلته البيت إستقبلني منذر واول حاجه قالها لي لما شافني ماااااهر؟؟ مالك ي زول في شنووو وانت وييين؟وتلفونك دة جادعو وين؟لا بترد ولا بترجع ولا بتتلقي في البيت
قلته ليه انا تمام!!!
قال لي تمام شنو ي زول م تمام ولا اي شي والله حيرتنا كدة ادخل نتفاهم،
دخلته لاقتني عمتي من المدخل مااااهر ي ولدي،مالك في شنو؟والحاصل شنووو؟والله قطعته قلوبنا انت كويس ان شاءالله؟
قلته ليها ماف شي ي عمتي انا تمام الحمدلله 🌻
قالت لي كيف يعني ماف شي؟مالك مع حسام اللماك معاهو شنو ؟
قلته ليها عمتي روقي ماف شي ،مشكله بسيطه وإتحلت
قالت لي مشكله شنو ي ولدي؟اللماك شنو مع العواليق الفقر دة ؟ومنذر دة مشى ليكم في البيت اكتر من مرة ،اكتر من مرة وقال ماف زول بفتح الباب ،كتر خير مهند الطمنا عليك لو م كدة والله كان راسنا شطب
سكتت
منذر قال ليها امي خلاص عليك الله م تكتري اسئله بعدين بعدين كدة خلينا نقعد اول ..
قالت ليهو كدة اجيب ليهو مويه واجهز ليهو غداء
قلته ليها لا ي خالتي والله م عايز على مشيه،
شهد موجودة صح؟
قالت لي اي قاعدة في غرفتها لكن كدة اتغدأ اول اسي نحن اتغدينا قدامك
قلته ليها ي عمتي انا متغدي والله م عايز شي الله يديك العافيه❤🌻بس كلمي شهد خليها تجهز عشان نمشي،
قالت لي ي ولدي كيفن الكلام دة؟سمح اشرب حاجه طيب حتى بعدين امشو..
.ٌ...........
ماما جاتني في الغرفه فجأة،قالت لي شهد ي بت قومي راجلك جا برة ،اطلعي سلمي عليهو ،وبعدين اجهزي عشان تمشي معاهو ❤
قلته ليها انا م بطلع اسلم عليهو ولا زفت وم ماشه معاهو✅
قالت لي اجي ي بت في شنو كدة قولي بسم الله مالك كمان؟جاوبيني عندي كم يوم بسألك السؤال دة وانتي سااااكته اوووعى يكوني حسام كان برسل ليك عشان كدة ماهر ضربو؟
قلته ليها بنبرة حادة امي انتي بتفكري فيني كدة؟
قالت لي اها مالك مع راجلك ي بتي؟وهو مشى ضرب الولد لشنو لا انتي دايرة تقولي لا هو داير يحكي ي بتي م تدسي مني شي عشان كان في شي نحلو ونعرف نتصرف
قلته ليها ماف شي دي مشكله بيني وبينو وماف زول يتدخل فيها انتهينا✅
قالت لي سمح طالما دة قولك ودة اسلوبك تقومي تمشي تحليها معاهوفي بيتكم اسي
سكتت
جابت لي التوب والشنطه قالت لي قومي يلا امشي مع راجلك واتفاهمو براحه لو حصل بينكم شي اقعدو حلوهو بالهداوة
قعدته في نص السرير وشلته التوب والشنطه رميتهم في السرير التاني وقلته ليها م ماشه يعني م ماشه كلامي واضح ✅✅
قالت لي بنبرة حادة والله امشي اكلم منذر يجي يشوف شغلو معاك لأنو دي قلة ادب فارغه منك بس م اكتر الدلع البتسوي فيهو دة كان زمان اسي انتي بت متزوجه تصرفات الشفع دي م بتنفع حكمي عقلك دة وختي الرحمن في قلبك وخليك مسؤله وبطلي البتسوي فيهو دة ،كان اي واحدة بتختلف مع راجلها بتسوي جنس عمايلك دي وبتقول م راجعه معاه كان الدنيا خربت ،قالت كلامها دة وطلعت خلتني ✅💔
امي م بتفهمني وم حتقدر تفهمني ابداٌ،انا موجوعه شديد من تصرف ماهر معي،والواجعني اكتر اني هنت عليهو ،حتى م فكر يراجع نفسو ويرجع يتكلم معي ولا حتى فكر يرفع سماعه التلفون ويتكلم معي ويعرف حالي كيف وهو عارف الحاجه دي ممكن تأثر علي قدر شنو،وعارف إنو انا م حتغمض لي عين بسببو وفعلاً دة الحصل بس هو انانيتو طاغيه طاغيه شديد وم بفكر غير في نفسو😭😭💔كنت بفكر بيني وبين نفسي وببكي
بعد 5دقايق وانا قاعدة في نص السرير ومغطيه وشي بي يدي وببكي من كلام حسيت بالباب فتح،
اتوقعته اسمع صوت منذر زي م قالت امي انها حتكلمو بس العكس،
سمعت صوت ماهر وهو بقول لي بصوت خافض شههد❤فضلته ساكته لغايه م حسيت يدو في كتفي اتنفضته منو ورفعته راسي وقلته ليه م تهبشني،اوعى تهبشني ،
بقى يعاين لي مسااااقه بعدها قال لي انتي كويسه؟؟
لما م رديت عليه قال لي قومي خلينا نمشي البيت!!
كنت مقررة اسكت ون اتكلم معاه بس كلامو هنا استفزاني
قلته ليه بيت؟؟؟
اي بيت الانت جاي تسوقني ليه بعد 3يوم دة ؟انت الجابك هنا شنو اساساً؟
مد يدو وقال لي شهد..
نزلته من السرير وانا دموعي ماليه عيوني قلته ليه ماااا شهد،مااا شهد ي ماهر وم تمد يدك دي و..
قبل م اتم كلامي مسكني حضني وقال لي لزيتو وقلته ليه قلته ليك م تمد يدك دي وتقربها مني م تقرب مني إياك انت فاكر نفسك براك بتعرف تقرف؟اسي انا قرفانه منك ومن خلقتك دي وم طايقاك ابداً ي ماهر
قال لي طيب نمشي البيت نتفاهم وقولي العايزة تقوليه هناك
قلته ليه عاين انا م كيفك ولا مزاجك وقت م عايز تجيبني ترميني في بيت اهلي ووقت م عايز تجي تسوقني،قبل يومين لما كنت بسأل فيك وبقول ليك ي ماهر ما تسكت و جاوبني مش اخترته تسكت؟مش قلته ليك لو نزلته من العربيه دي م تجي راجع تسوقني وبرضو اصريت على موقفك؟
عايز شنو انت اسي؟عايز تتفاهم معي بعد م طرته ارضيت حماقتك؟يلا انا بعد كدة م عايزة معاك اي تفاهم امشي كمل الكنت بتعمل فيهو وخليهو ينفعك
ضغط عيونو بأصابعو وقال لي بحيل مهدود انتي م عارفه شي تمام انا...
قاطعتو وقلته ليه لا عارفه،مش القرف البرسلو ليك حسام دة ولا غيرو؟طيب جاوبني انا ذنبي شنو في قرفو وبطالتو؟ليييه تتعامل معي كاني عملته معاه شي بالحرام وكأنك م كنت عارف شي؟ ،قبل م تتزوجني مش كنت عارف إنو انا كنت متزوجاه ولا لأ؟كنت عارف ولا لأ سألتك انا رد؟الكلام الكاتبو ليك دة مش ياهو البحصل بين اي اتنين متزوجين؟الزول دة انا عندي منو قسيمه ن كنت عايشه ولافه معاه ساي علشان تقرفني بسببو،وبعدين تعال هنا وانت احتفظته بكلامو دة كلو ليه؟م حذفتو ليه؟كنت بتقراه علشان تزيد حماقتك و تقرف مني انا صح؟صح ي ماهر؟
قرب مني تاني عايز يضمني لزيتو وقلته ليه م تقرب مني قلته ليك واطلع برة بيتنا ي ماهر ،
رجع كم خطوة ورا و
طلع مشى..
بعدها قدر م امي ومنذر حاولو يتكلمو معي علشان يفهمو مالنا والحاصل بينا شنو ابيت اتكلم المشكله كانت م بتتحكي اقول ليهم شنو يعني؟الكلام الكاتبو حسام لماهر؟كدة ي دوب ولعته المشكله زيادة ومنذر وانا بعرفو حيكبر الموضوع اكتر من ماهر وممكن يحصل اكبرمن كدة،وصلته الحد في النقاش مع منذر لدرجه إني في الاخير قلته ليه دي مشكله بيني وبينو انت م تدخل وكان عايز يضربني بس امي دخلت في النص،وحكت لبقيه اخواني حسام ومؤيد ومجتبى وعملو لي موالات مكالمات واسئله وتحقيقات
.......................
شهد ردة فعلها على قدر م إنها كانت طبيعيه على قدر م إنها صعبت علي الموضوع شديد،انا لما اخترت اوديها بيت اهلها لأني م كنت في وضع يخليني اقدر اتعامل معاها في اللحظه ديك ، انا واحد من اللي لما يغضبو م بشوفو قدامهم وفي لحظه ممكن يخربو اي شي عشان كدة على الأقل محتاج مساحه عشان اقدر احكم عقلي وتصرفاتي واقدر اضبط نفسي واهدأ ودة م معناها إنو هي غلط وانا بعاقبها لأ ابداً بس انا خفت عليها مني ف فكرة إنها تكون في بيت اهلها كانت بالنسبه لي اضمن من إنو تكون قدامي في البيت والحاجه دي كانت في صالحنا نحن ال2 هي محتاجه تهدأ وانا كمان ودي خطوة بالنسبه لي كانت إنها بتخفف علينا نحن الإتنين ،اخر مرة مشيت بيتهم منذر كان عايز يغصبها على الجيه معي بس انا رفضته قلته ليه خليها طالما هي م عايزة تجي برضاها خليها تاخد راحتها ووقتها ❤💔
..........
إتصلت علي مناسك واظن ماما حكت ليها انو انا عندي مشكله مع ماهر وم عايزة ارجع البيت وطلبت منها تتكلم معي،
م كنت عايزة احكي ليها بس هي ضغطت علي علشان تفهم المشكله ف بديت احكي ليها وابكي،
قالت لي وااااااي لكن م قادرة اصدق إلهي تتحرق بجاز وسخ ي حسام الكلب ،وااااااي فظيع دة مريض مستحيل يكون طبيعي في راجل بعمل كدة؟
فضلته ساكته وانا ببكي
قالت لي بسس
على فكرة ي شهد تصرف ماهر رجولي شديد وسليم ولو م كان عمل كدة حرفياً كان بنطبق عليه لفظ الباطل البنقولو دايماً دة،شهد انتي مرتو يعني عرضو وماف راجل بستحمل اياً كان وإن كان طليقك حتى يعاين ليك بطرف عينو ساي لضفر من ضفورك خلي من انو يرسل ليهو حجات زي دي عنك ،احمدي ربك انو م انتحر بيهو ،دة تصرف طبيعي منو واياً كان العملو بسبب الحاجه دة انا شخصياً شايفاه م مفروض يتلام عليه انتي متخيله معي ختي نفسك مكانو مرتك يجي واحد زي حسام يكتب ليك عنها كلام زي دة وحجات مقززة زي دي،انا اتخيلته نفسي مكانو ساي يشهد الله عايزة اركب طيارة وامشي انتحر بحسام،دي حاجه بتهز الما بتهز وم ليها علاقه بالثقه او الحب او غيرو دي حاجه بتمس رجوله الراجل ي شهد اسي جربي اتصلي على حسام احكي ليهو الكلام دة بالتفصيل صدقيني صباح يوم بكرة حتلقيه عندك، ولا اقول ليك خليك من حسام كدة اطلعي قولي الكلام دة لي منذر صدقيني نهايه اليوم منذر حيكون في القسم ومتهم بجريمة قتل،الحاجه دي حارة شديد لأي راجل قلبو حار✅💔
بقيت ساكته ودموعي جاريه..
قالت لي شهههد افففففف اسمعيها مني الموضوع على قدر م إنو بزعل بس انا لو مكانك بنبسط لأنو عندي راجل قلبو حار علي كدة ودة من حبو الشديد ليك ي شهد افهمي ،عارفه غيرتو دي ممكن توصلو مراحل ابعد من كدة ،وحسام دة اصلاً هو باطل وانتي عارفه كدة من مواقفو الزباله معاك،تتزكري ي شهد لما كنتِ حامل وضربك وخلاك مرميه في مكانك الا فاطمه اتصلت على ماهر جا ساقك وداك المستشفى،
تتخيلي ي شهد لو دة ماهر كان حيخليك بالحاله ديك؟حيسكت على تعامل امو الرف معاك؟
لأ ي شهد،خليك عاقله وواعيه وافهمي انتي عندك راجل رجولتو بتسد عين الشمس ودة عوض ربنا بعد م ابتلاك بي واحد الله جابو في الدنيا دي بس بي إسم ذكر ساي✅✅💔
قفلته منها وقلبي واجعني اكتر وزدته في البكى
انا عارفه إنو موقف ماهر يمكن صح بس برضو م قادرة اتجاوز حته انو انا هنت عليه،هنت عليه الايام دي كلها ، كان موقفي ممكن يتغير لو جا راجع نهايه اليوم واتفاهم معي،كان ممكن يتغير لو حتى رفع سماعه التلفون وغض نظر عن الحاصل بينا وحاول يتطمن علي بس هو لا عدة الكم يوم ديل عادي عادي شديد ف معناها زي م هنت مره حأهون الف مرة جايه اكيد😭💔
وانا نايمه صحيت بصوت ماما بتصحي فيني وبتقول لي شهد،ي بت شهد ،فتحته عيني مخلوعه قلته ليها في شنو؟
قالت لي هاك ختت لي التلفون،قلته ليها منووو؟ طلعت وهي ساكته
شلته التلفون م عاينته للرقم ختيتو في اضاني وقلته الوو؟
سمعت صوت بقول لي "حبيبي "سكتت وانا قلبي عايز يطير من الكلمة دي
قال لي شهد،صوتو كان مبحوح،قال لي اتوقعته اي شي بس م اتوقعته ابداً تعدي علينا ايام نصل للمرحله دي ،يعني كانت ممكن تهون لو كنا على نفس الموقف دة في بيت واحد،م طايقاني م حأخليك تشوفيني،وم حتسمعي صوتي بس المهم تكوني موجودة في البيت ،شهد انتي عارفه وجودك بفرق فرق السماء عن الأرض في حياتي صح؟طيب ممكن تبطلي عناد وركوب راس بعد كدة وتخليني اجي اسوقك؟انا كل يوم بقعد احسب الساعات عشان الأيام دي تعدي وم حاسي بي إنها ماشه ابداً،
فضلته ساكته وانا بسمع في كلامو وببكي بس م محسساهو إني ببكي💔
قال لي فهمنا انك زعلانه وم طايقه وشي ولا حتى سماع صوتي بس من حقي اتطمن عليك ممكن تفتحي تلفونك؟ممكن لما اتصل تفتحي الخط حتى لو م حتتكلمي انا عايز اتطمن وفتحه الخط دي حتطمني ممكن ي شهد تعملي الحاجه دي لغايه م حالنا يتعدل ونرجع؟❤💔
قفلته الخط واتفقعته بكى ،انا مشتاقه ليه مشتاقه ليه شديد بس برضو م قادرة اتجاوز العملو ابداً😭❤💔
،الصباح وانا شغاله بنضف وبمسح في البيت فجأة جرس الباب ضرب وعلشان انا م لابسه دخلته غرفتي اشيل توب جيت لقيت ماما بتقول:
اهلاً وسهلاً اتفضلي،اتفضلي ي بتي كيفك ان شاءالله طيبه واتفاجاته بي فاطمة في وشي،هي زاتها اتفاجأت لما شافتني في وشها قالت لي بي دهششه شهههد؟انتي هنا؟وجات سلمت علي بي حرارة وحضنتني وماما من وراها مُكشرة وشها وبتعمل لي حركات،
فاطمة قالت لي كيفك وكيف احوالك ان شاءالله تمام؟
قلته ليها الحمدلله اتفضلي اقعدي
،خليتها قاعدة ودخلته المطبخ جات ماما لاحقاني قالت لي اسمعي هنا دي الجابها ليك شنو؟انتي الناس ديل مش انا قلته ليك اقطعي علاقتك بيهم نهااائياً؟انتي ي بت دايرة تخربي بيتك بقصادهم؟مش كفايه الراجلك عملو واسي مشكلتكم م دايرة تتحل تاني دايرة تشربكي نفسك معاهم؟
قلته ليها ماما؟؟اسي انتي مالك ؟وانا ذنبي شنو هي الجاتني م انا،
قالت لي اقطعي علاقتك معاهم رسمياً وم تخلي يكون في اي تعامل بينك وبينهم ولا اقول ليك اسي انا بطلع اقول ليها الكلام دة ،
قلته ليها ماما ،مسكتها وقلته ليها فاطمة دي م زي باقي اهلها وهي م قصرت معي كدة بعدين نتفاهم ي امي لو سمحتي تمام؟
جهزته مويه وعصير وطلعته لفاطمة،
قلته ليها اولادك كيف؟
قالت لي تمام والله كانت متغيرة شديد ووشها شاحب م فاطمة السمحه بتاعه الزمان ولونها سمح ومهتمة بنفسها وفي حزن كدة ظاهر على وشها💔
قلته ليها عيانه ولا شنو ي زوله؟
قالت لي بري والله لكن ي شهد هموم الدنيا كملتنا💔
سكتت وانا بعاين ليها مسافه وقلته ليها الله يصلح الحال خير مالك؟
سكتت مسافه وهي بتعاين لضفورها قالت لي اتصلته عليك تلفونك مقفول كل الوقت م عارفه بيتك لكن ختيت النيه وقلته اجي لي خالتي سوسن توصلني ليك والحمدلله إني لقيتك
قلته ليها خير اتفضلي!!
امي جات طالعه سكتت وبقت تعاين لي وامي بتعاين لينا نحن ال2عشان سكتنا،
فهمتها انها م عايزة امي تسمع العايزة تقولو،بعد مسافه قلته ليها عن إذنك دخلته غرفتي م تميت دقيقتين جيت طالعه قلته ليها فاطمة تعالي ،بقت تعاين لي وامي بتحمر لي،قلته ليها اتفضلي،
جات داخله وامي لسه بتحمر لي بي غيظ ،دخلنا وقفلته الباب،
قلته ليها اقعدي ي فاطمة ،قعدت وسكتت ،
قلته ليها فاطمة خير احكي مالك؟نحن قبل كل شي مش كنا اخوات ؟؟
قالت لي بصوت مبحوح والله ي شهد م خير نهااائي،عارفه بالحصل في اليومين المضو ديل وراجلك ماهر اريتو راجل السرور م عليهو عتب ابداً وفشاني في حسام لأنو حسام م راجل ولا شاف الرجاله بعينو و بقى سكااري ساااي ولافي من هنا لي هنا كان شفتي ومرة يتقبض ويتجلد وتاني يرجع لسكرو وحالو ،عندو فترة م قاعد معانا مع خالو في الدهب امو ودتو على اساس انو حالو يتصلح ويبقى زي الرجال ويتهدي هناك لكن قام خرب مرة واحدة وكل البطلعو مكمل في السكر والكلام الفارغ،وطبعاً الدكان قطعو وقطع راسنا بي سفاهتو وانطلاقتو مع البنات والنسوان المتزوجات البباريهم وحالتنا والله ي شهد بقت بالبلاء كان شفتي وعمتي جاها سكري والله معذبها عذاب السنين ي شهد والظروف بقت صعبه شديد ي شهد اصعب م بتتصوري ،والله ي شهد بقيت بعوس الكسرة وببعيها في البيت ،وبعمل الدلكه والبخور والريحه وبجيب لي شويه ملابس ووحاجات بقسمها في الحله عشان شويه نمشي بيها امورنا واساعد بيها ،وفي النص الوضع الكعب النحن فيهو دة حسام م اكتفى بكل العملو فينا دة وبدل م يعقل امورو زاد سؤ وجا راجع وقرفنا حياتنا يومي جوطه يومي مشكله في البيت والله موقف امو وابوه واخوهو بي رجل واحدة بشيل الليل دة بتكلم وبهضرب بس و أظن هو على حسب م انو بسكر بقى يرسل لي ماهر كلام م تمام وماهر دة قبل فترة جانا في البيت سأل منو انا دي طلعته ليه وقلته ليه مافي وقدر م حلفتو عشان يدخل رفض ورجع على طول واظنو كان بفتش عليهو عندنا كتير،اها حسام دة قدر م رجعناهو الدهب بعدي فترة بسيطه بنضغط في الشغالشغل بلم ليه قروش بجي راجع والله ي شهد م بدي منها امو غير قريشات بتنتهي في نفس اليوم والباقي بكملهم سكر وسفاهه وبقى يسرق ي شهد،بسرق وبنط البيوت عديل نهاراً جهاراًلما م يلقى حق السكر ،والله امو في البيت م رحمها كان شفتي الانبوبه سرقها،التلفزيون سرقو،عندها سراير حوش اتنين جمب الباب سرقهم،قبل فترة نط في بيت ناس والله ي شهد قبضوه م خلو فيه حته سليمة والله بقى علينا الما بقى في زول فضايح فضايح م يعلم بيها الا الله واظن ببلع الحبوب دي وبشرب السجارة زي البقى مجنون كدة تلقيه احياناً ماشي ويتكلم براه، اسي من من خالو م تم اسبوع م عارفه الكلم ماهر بجيتو منو بس يوم الحصل طلعنا مخلوعين بأصوات صراخ وكواريك قدام البيت طلعنا لقينا ماهر بضرب فيه والحله كلها واقفه تتفرج،والله انا من مغستي منو م زعلته عليه واسيلو طلع من المستشفى واتقفل في السجن لو علي انا دي والله اهون علينا من البعملو فينا في البيت وهو سكران والله قطع حشى امو دي وخلاها تتمنى الموت💔لكن ي شهد لو دخلوه السجن وبقينا في موالات محاكم وجرجرة وغرامات والله بتبقى لينا مشكله لأنو نحن بقينا عدمانين الشي،والله ي شهد حق الأكل نحن عندنا في تلتله خليك من انو ندفع غرامات وغيرها💔
قلته ليها بصوت مبحوح فاطمة
قالت لي دة الحاصل والله ي شهد شوفي اسي الحال بقى صعب كيف والله الأنسولين البتاخدو عمتي براه ميزانيه دة غير انو زول السكري دة م بتحمل لا جوع ولا غيرو ومحتاج معامله خاصه ،اسي من يوم الحصل والله ي شهد عمتي م ارتاحت ولا اكلت ولا غمضت ليها عين بس شغاله تهضرب وهي قاعدة جمبو في المستشفى وتهضرب وانتي عارفه انو حسام دة نفسها الطالع ونازل وقدر شنو بتريدو،خربت طبعو وبوظتو لكن اها نقول شنو غير حسبي الله ونعم الوكيل بس؟؟
م لقيت نفسي قادرة اواسيها قلته ليها الله يصلح الحال💔قالت لي ماهر لسه بلاغو في القسم ومنتظرين حسام يطلعوه من المستشفى عشان يدخلوه السجن والله ي شهد لو علي انا لو عملو فيهو العبر م اسفاً عليه بس والله خوفي كلو على عمتي وانا عارفه وضعنا كيف يعني لا حمل مستشفيات ولا غيرها،بس عليك الله خلي ماهر دة يخلي موضوع البلاغ دة و اصلاً بعد كدة حسام ابوهو سايقو بذات نفسو مرجعو الدهب عليك الله ي شهد خلي ماهر يخلي موضوع البلاغ دة بس والمجنون في ذمه الواعي خليه يعتبرو مجنون انا عارفه لو دخلو السجن واتحكم واتفرضت عليه غرامات عمتي حتعمل اي شي عشان تطلعو من السجن اي شي حتى لو تشحد او تبيع حجات البيت حتبيعهم عشان تطلعو ونحن والله ي شهد العلينا م يعلم بيها الا الله💔
قلبي وجعني لقيت دموعي جاريه💔
وهي زاتها كانت بتبكي،
يعني حاجه حسبي الله ونعم بس ،في بني ادم بلدي ذنوبو؟والله ام حسام دي والدة ذنبها😭💔حاجه حارة شديد لما زول يتكلم معاك بصيغه وكأنو بترجاك ترجي عديل💔
ونحن بنبكي ماما جات داخله وشايله كبايه العصير والمويه في يدها وقالت ليها خليتيهم يسخنو قلته اجيبهم ليك،لما شافتنا بنبكي بقت تعاين لينا قالت لينا مالكم؟
مسحته دموعي قلته ليها ماف شي،
قالت لي سمح معليش ازعجتكم وطلعت ،بعد لحظه صمت مسافه قلته ليها طيب م تبكي ي فاطمة إن شاءالله م يحصل الا كل خير صدقيني اشربي المويه و العصير كدة،يلا شيلي العصير ،
بعد م راقت شويع قالت لي ماهر كيف اسي؟ان شاءالله الطعنه الطعنو ليها م كانت كبيرة؟
قلته ليها بخلعه طعنه؟؟؟
قالت لي طعنو بالسكين قالو في رجلو ولا وين م عارفه انا م شفتها لكن سمعته نسوان الحله بحكن كدة💔
خفته واتوترته طبعاً،ماهر مطعون وانا م عارفه؟
............
مهند انا فاهماك وفاهمة انو انت شايف دي حاجه بين اتنين متزوجين وخاصه بيهم وم عايز تدخل في الموضوع،بس عاين انت منو؟
انت اخو ماهر الكبير وبمثابه ابوه اليوم تمام؟
يعني شنو؟
يعني كلمتك مفروض تكون مسموعه عند ماهر ولا على كيفو يسمع كلامك ،وانت قاعد معاه في بيتو م منطق ابداً يسوق شهد يوديها بيت اهلها قدامك وانت ساكت بتتفرج ما صح وحركه ما جنتل منك ،
انا اتصلته ي سمر وحاولته افهم من شهد نفسها الموضوع وم حكت وم حبيت اضغط عليها
طيب م تضغط على شهد بس تمسك اخوك من يدو وتمشي بيه بيت مرتو تقعدهم وتختهم قصادك وتقول ليهم ي حليناها في اللحظه دي ي حليناها وم ترجع الا وهم ال2 معاك ،وانا متأكدة إنهم حيسمعو ليك صدقني ❤🌻
سمر انا...
انا عارفه انو انت مقتنع بي انو اي مشكله بين اتنين يدخل فيها طرف تالت حتبوظ وعايز تخليهم ياخدو راحتهم ومساحتهم بس ي مهند المساحه دي لو كبرت حيحصل جفا وخمول 💔
انت فاهمني ي مهند؟
فاهمك ايوة انا اصلاً نيتي اني اختهم واصالحهم بس متردد لأني سألته ماهر من اصل المشكله وبرضو م جاوبني ف قلت يمكن حاجه خاصه هم م عايزين زول يناقشها وعايزين ياخدو وقتهم
عاين ي مهند مش نحن اتفقنا بي انو نتخلص من خوفنا تجاه حاجات معينه بمواجتهتا ونحشر مناخرنا في حاجات ونعتبرها استثناءات؟
ايوة !!!
طيب معناها زط صح؟
زط؟؟؟انا م قلته ليك اللفظ دة بايخ وسخيف؟؟؟
خلاص دسيس 😔
ههههههههه متخلفه و هبله والله انتي😂💔🌻✅
.........................
كلام فاطمة دخل فينا غصه خلتني شايله اليوم كلو بكى وم عارفه ببكي من زعلي عليها ولا من خوفي على ماهر وفقدي ليه،فاطمة من الناس الوقفو معي في اسوأ لحظات حياتي انا لولاها م كنت حأكون طلعته من البيت داك لغايه اللحظه،واحدة من الناس الخافو ربنا فيني شديد فكونو اشوفها بالحاله دي والله م بتهون ابداً،فضلته على الحال دة وانا بفكر لغااايه الساعه 12بالليل ،م كنت قادرة اوقف تفكير في الموضوع وم قادرة اوقف تفكير في ماهر،م قادرة اتنافق مع نفسي واقول اني م مشتاقه ليه وعايزة اسمع صوتو ،بقيت اتقلب في سريري وانا م قادرة انوم،فتحته تلفوني وفتحته صورو وبقيت اعاين فيها وابكي،بعدها دخلته المكالمات وبقيت اعاين لرقمو وسرحانه وتلقائياً لقيت نفسي متصله عليه،بعد اكتر من جرسين فصل الخط ورجع لي هو،بعد مسااافه فتحت الخط اول م فتحتو ..
قال لي شههههد؟؟حبيبي🌻❤
فضلته ساكته وانا بسمع في صوتو
قال لي ي بابا انتي كويسه؟
لسه انا ساكته وببكي بصوت بطيء
،سكتت مسافه واخد نفس عميق حتى قال لي بي تنهيدة حبيبي وانا كمان مشتاق ليك،مشتاق شديدوفاقدك والله لو عارفه فقدك بعمل فيني شنو م حتخليني افقدك ثانيه ي شهد💔
هنا انا اتفقعته ليه بكى في التلفون💔هو فاكر نفسو هو براه الحاسي بالفقد،حتى في دي فاكر نفسو براه البحس وانا لا😭💔بقيت ببكي وهو بهدي فيني وبقول لي حبيبي خلاص بطلي بكى،
................
كل شي ممكن يكون بالنسبه لي عادي واقدر اعديهو الا بكى شهد،في حياتي دي اي شي ممكن يهون إلا شهد دي حاجه اتفرضت في نفسي فرض وبلقى نفسي مقيد بيها غصب عني،لما اتصلت وكانت بتبكي فكرة انو احاول اهديها بالتلفون بالنسبه لي م كانت كافيه ابداً ،اصلاً كنت محتاج لسبب يخليني اسمع صوتها واتسبب بيهو عشان امشي اشوفها لأني اكتفيت بالبعد دة في الايام الما عايزة تعدي دي،خليت الخط فاتح وانا بتكلم معاها طلعته الشارع م كان معي عربيه لأنو رجعته لي عزو تلفونو،بتكلم معاها وانا ماشي في الزلط وبأشر على اي عربيه ماشه في إتجاهي،م كنت عايز اقفل منها الخط وهي بالحاله دي عشان اطلب ترحال،م كنت قادر ابداً،وهي كانت لسه بتبكي وببتنهد وانا بهدي فيها لغايه م وقف لي بتاع بوكس ركبته معاه ورا ولسه بتكلم معاها نزلني في شارع رئيسي بعدها اقرب امجاد ركبتها ،قفلته السماعه وقله ليه ماشي ال... ي معلم،قال لي تمام بي 300جنيه،قلته ليه امشي بسرعه طيب،
م قلته ليها جاي عليك ابداً بس كل العملتو اني كنت لسه سامعها بتبكي وكل م اقول ليها كفى كانت بتبكي زيادة ،شهد وانا بعرفها م بتصل للمرحله دي من البكى الا بعد م تكون خلاص وصلت الحد الفوق طاقتها حتى،اكتر من ساعه الخط فاتح وهي بتبكي ،بعد اكتر من نص ساعه بالضبط قلته ليها حبيبي انا في شارع البيت ممكن تطلعي ؟
سكتت
قلته ليها شهد انا عارف انك صاحيه اطلعي بس خليني اتطمن عليك م عايز اسوقك ولا عايز اجبرك على حاجه انتي م عايزاها بس تعالي طالعه اتطمن عليك بس وارجع ،يلا ي شهد وحياة الخلقني وخلقك اطلعي خليني اشوفك انتي م متخيلهةفي اللحظه دي انا مقلق كيف وصلته هنا وم حاسي بنفسي وصلته كيف،يلا ي شهد اطلعي الله يرضى عليك م هو ي إما تطلعي او اتصل على منذر باقي الليل دة واقول ليهو انا قدام بابكم جاي اسوق مرتي وم حيمنعني اكيد✅
.........
ايوة هي كانت مكالمة في لحظه ضعف بس م انوقعتها تجيبو لغايه عندي زي الزمن دة،الساعه كانت ماشه ل واحدة ونص ،م قدرته اقفل الخط وم قدرته امنع نفسي من انو اطلع ليهو انا مشتاقه ليهو ومحتاجه اشوفو شديد،وعارفاه مجنون زي م جا نص الليل دة لغايه هنا ممكن يتصل على منذر ويعمل القالو،قلته لنفسي حأطلع بس م حأتكلم معاه حأكتفي بي اني اسمعو عايز يقول شنو واكون ثابته على موقفي منو ،شلته التوب لبستو وانا حاسه رجولي هي السايقاني لا إرادياً والله م عارفه دة هبل ولا عبط بس م كنت قادرة اكذب على روحي انا مشتاقه ليه شديد💔
بقى يتصل كتير وانا م برد
طلعته وفتحته الباب براحه عشان امي م تصحى وم عارفه منذر في البيت ولا لأ المهم طلعته وخليت الباب شبه متاكا،و بالفعل لقيتو واقف برة منتظرني،اول م شافني م انتظرني اجي عليه هو الجا علي،
قال لي شهد؟؟!عايز يقرب مني شديد تاني رجع وقال لي حبيبي طمنيني عليك انتي كويسه؟
فضلته ساكته،قال لي طيب حتى لو م اتكلمتي المهم إني شوفتك واتطمنته عليك دي حاجه بتكفيني❤
حسيت من معنى كلامو انو حيمشي بكدة خلاص،وانا م عايزاه يمشي اساساً هو جا متين عشان يمشي،يمشي كيف من غير م يناقشني في اي شي حتى؟اذا الانا فيهو ده اسمو فصلان ف إذاً انا فاصله ومنتظرة كلمة واحدة بس منو😭💔
حسيت نفسي متسمرة في مكاني،هو شكلو صدق إني م عايزة ارجع ليه ،صدق ولا بايع م قادرة افهم واحدد بس كل العارفاه اني حاسه بنفسي بعيدة منو عندي زمن وم عايزاه يبعد وم عايزه اتراجع عن موقفي وعايزة الحاجه دي تجي منو هو 😭💔
قال لي يلا ادخلي البيت بعد كدة؟!
ادخلي البيت؟يعني ولا ارح بيتنا انا جاي اسوقك معي حتى😭💔
بقيت واقفه زي الهبله م ابديت اي تجاوب لكلامو💔
قال لي يلا حبيبي ادخلي البيت ،
بقلته ليه انت صح حسام طعنك بالسكين؟"م عارفه الجمله دي طلعت من وين المهم قلتها"
سكتت م رد
قلته ليه رد بتكلم معاك انا،
قال لي لا م طعني،
قلته ليه متأكد؟؟يعني انت كويس
فضل ساكت بعد مسافه قال لي اي
متأكد!!
بعدها حسيت بنفسي وبإنفعالي وتصرفي
قال لي حبيبي❤
فضلته ساكته
قال لي ممكن ترجعي بعد كدة خلاص ونتفاهم في بيتنا؟
مع كلمة بيتنا دي قلبي عمل شححح
قال لي انا عارف تصرفي يمكن كان غلط بس الغلط دة كان اهون علي من انو اتصرف معاك تصرف م تمام ،انا لما اغضب بكون كدة ي شهد وما بكون شايف قدامي وم بقدر امسك نفسي وانتي عارفه كدة،انا لما رجعتك بيتكم تصرفي دة حتى لو كان غلط كان من خوفي عليك،من خوفي من انو م اقدر اضبط نفسي وتسمعي او تشوفي مني تصرف م يعجبك ،كنت محتاج المساحه دي عشان اعدي الموضوع دة ،وانتي لو كنتي معي م كنتي حتخليني ابداً كنتِ حتضغطي علي ،انتي اكتر زول مفروض يكون فاهمني ي شهد💔
بديت ابكي وهو برغي معي في الأخير قال لي إذا البكى حيريحك ابكي وانا حأسمعك ومنتظرك تخلصي بس المهم في الأخير م تخليني ارجع فاضي،بعد كم دقيقة كدة شفته إضاءة قويه جايه بإتجاهنا إفتكرتو منذر على طول دخلته وخليتو واقف،
بعد م دخلته البيت ب 5دقايق اتصل علي،فتحته الخط قال لي بقيتي احسن؟
سكتت مسافه قلته ليهو انت لسه واقف؟
قال لي عايزاني ارجع؟!
سكتت
قال لي شهد❤🌻
قلته ليهو ماهر انت بجد حسام م طعنك سكين ولا بتكذب علي؟بتكذب علي صح؟
قال لي لا م بكذب عليك انا بخير م اتخدشته ولا خدش حتى بس لو م مصدقه ممكن لما ترجعي بيتنا تتأكدي من كدة بنفسك ❤🌻
حيوان خلاص😭😂🙈💔
قال لي قلتي شنووو؟
قلته ليه بالنسبه لشنووو؟
قال لي بيتنا؟!
فجأة صفر صفارة طويله
قلته ليه ماهر؟؟!
قال لي بحاول اوقف عربيه،
قلته ليه عربيه؟جيت بشنو انت؟الزمن اتأخر ،
قال لي ماف زمن بتأخر طالما الموضوع بخصك انتي،
سكتت مسافه وقلته ليه ماهر م حتلقى عربيه توصلك بالليل دة الزمن فعلاً اتأخر،
قال لي طيب اكسبي فيني أجر و خليك بتتكلمي معي م حأحس بطول الطريق لغايه م اللقى عربيه
قلته ليه خلي بالك من الطريق،
قال لي وانا كمان❤🌻
قلته ليه انت كمان شنووو؟
قال لي بحبك❤🌻
سكتت مسافه حتى قلته ليه بس انا م قلته كدة،
قال لي م شرط تقوليها نبرة صوتك اتكفلت بي إنها توصلها❤🌻
وفضل يرغي معي ويرغي لغااااايه م نمته في الخط والله م عارفه كنا بنقول في شنو المهم كنا بنتكلم وكنت مرتاحه شديد ومطمنهه بسماعي لنبرة صوتو اللي كانت بمثابه مهدئ للأعصاب❤🌻
...............
صحيت الصباح شلته تلفوني لقيتو مرسل لي"راحتي في الدنيا دي كلها نصيبها في الدنيا دي كان متمثل في تلاته حروف "شهد"...❤🌻
م عارفه حسيت بشنو وانا بقرا الرساله ،حسيت اني عايزة اقوم وانطط ،عايزة اتصل عليه واسمع صوتو المبحوح وهو صاحي من النوم،لا م عايزة اكتفي بكدة وبس انا عايزة افتح عيني واللقاهو جمبي بملامحو الحلوة وماخدة وضع الجديه ديك،عايزة اقرب مخدتي منو واللصق انفي بأنفو ،عايزة احس بإحساس انو يجرني غصب عنو ويرقدني في حضنو ويغطيني ويقول لي عايز اكمل نوم بالطريقه الصح،عايزة يلقاني بعمل في حاجه ويمسكني ويجي يمسكني ويقعدني ويرقد في رجولي😔❤🌻
..................
ي ماهر،
اي ي مهند
صباح الخير
صباح النور❤🌻
عاين عايز اتكلم معاك في موضوع وعايزك تسمعني،
طيب احكي خير ي باشا،
اليوم شنو؟
الجمعه!!!
طيب جهز نفسك عشان بعد الصلاة نحن طالعين مشوار
مشوار؟مشوار وين؟
حنمشي نجيب شهد البيت🙂 كفايه بعد كدة جيب مرتك وحلو مشكلتكم واتصالحو هنا في بيتكم دة الصح،م ضروري تحكي لي بالمشكله المهم البتعملو فيهو انتو ال2دة لعب شفع وم صح 💔
...............
مهند فاجئني طبعاً،يعني دة عبور بعيد شديد لأنو عمرو م حاول يتدخل في حاجه م بتخصو ابداً ولا عمرو حاول ينقاشني في حاجه بتخصني انا،م كان مني الا اقول ليهو طيب❤🌻
................
طلعته من غرفتي لقيت منذر قاعد في الهول وماسك تلفونو قلته ليه صباح الخير،
قال لي صباح النور،
قلته ليه امي وين؟قال لي في المطبخ،
دخلته المطبخ لقيت ماما بتغسل في العدة
قلته ليها صباح الخير،
قالت لي صباح النور❤🌻
قلته ليها كان تخليها انا بجي بغسلها،قالت لي لا انا قلته اخليك تنومي وم اصحيك بدري،بدل تعدي الليل وتساهري معاه في الشارع مش افضل تساهرو سهركم دة في بيتكم
طبعاً في اللحظه دي كأنو اتكشحت فيني مويه باردة اتصمغته في محلي،
م قدرته انطق حرف لأنها شكلها عرفت اني كنت مع ماهر 💔دخلته في ضفوري طبعاً وشكلي بقى بااايخ شديد قدامها بقيت قدر السمسة وضاااعه هيبه التماسك والعصبيه الكنت متغمصاها ديك واااي😭💔😂
...........................
عايني ي امي انا م عندي شغله بي اولادك تمام؟انا م عايزة اقعد معاك،م عايزة اعيش معاك نهاااائي وبعدين دة مش بيت ابوي الكنتي حتموتي وتدخلينا فيهو؟ اها ياهو اسي انا دخلته بيت ابوي وم عندي مكان بقعد فيهو غيرو تمام واولادك حرين لو عايزين يمشو معاك انا م مانعاهم لكن هم قالوها بعضمة لسانهم عايزين يقعدو محل م انا قاعدة،وانا اخواني م بخليهم وراي اساساً علشان يعيشو الانا عشتو ،اخواني يقعدو هنا قدام عيوني انا بعرف اخلي بالي منهم واربيهم عايزة مننا شنو انتي؟مش كفايه انك اخدتي مننا ابونا؟عايزة تفرقينا كمان؟لو عايزاني م افتح موضوع العملو فيني اخوك وادخل معاكم تاني في جرجرة وفضايح تعالي اغصبي ازاد او راكان على شي م دايرو،ياخي انتي ام انتي؟في ام طبيعيه بتتجاهل موضوع زي دة وتمشيهو عادي؟انتي ي امي للأسف قلبك مات وضميرك مات ماف شي بأثر فيك ولا في شي بفرق معاك عليك الله اختيني وتاني م.تتصلي علي تمام؟عندك ولد اسمو خالد ياهو طلع مخروب وتربيتك عايزة تطلعي ال2ديل زيو كمان؟اختيني ،اختيني وم تتصلي علي بالله.
إيليڤ؟؟؟
نعم ي خالتو ،
ردت لي الرد دة ودموعها جاريه
بتتكلمي كدة مع امك انتي؟
سكتت
إيليڤ سألتك انا جاوبي،
دي م ام دي ي خالتو لو م...
قاطعتها قلته ليها عييييب ،حرااام،غلط،اياً كان المجد الكانت صانعاهو امك م عندك حق نهااائي تتكلمي معاها بالشكل دة م درستي الحاجه دي انتي؟م قالو ليك الجنه مكانها وين؟
ي عمتو ..
حبيبه حبيبه عمتو عايني انا عارفه انتي عايزة تقولي شنو بس م انتي البتحاسبيها،اياً كان العاملاه م انتي البتحاسبيها بحاسبها ربنا وسبحانه وتعالى كل المفروض عليك تعمليه انك تهديها وتسعي تسعي في الدعاء لربنا عشان يهديها وينور بصيرتها ويطلعها من الهي فيهو دة غير كدة انتي محاسبه على كل لفظ او حتى نبرة م حلوه اتكلمتبي بيها معاها،اوعى ي بتي اوعى ،البتقولو ليك لو عندك اعتراض عليهو اعترضي بي ادب ،لو عندك.حل منطقي قوليه ليها بس غير كدة دة يعتبر تجاوز لكلام ربنا ،رضى ربنا عليك مربوط برضى امك حبيبتي عشان كدة ادعي ليها واجتهدي ليها في الدعاء ربنا يغيرها ويهديها اكسبيها في الدنيا رغم السؤ الفيها عشان تلقي ثواب في الأخرة فهمتي ي بتي؟يعني تخيلي لو واحد من اخوانك الصغار ديل سمعك بتتكلمي مع امك كدة؟اكيد هو حياخد العادة دي منك وحيتكلم معاها بنفس النبرة وبكدة انتي م حتكوني عملتي شي،مش طلعتيهم من هناك عشان يتربو كويس؟انتي بكدة حتقدري تربيهم كويس؟
بقت واقفه وساكته وهي بتعاين لي وانا بتكلم معاها،يعني حسبي الله من كدة ،اياً كان النحن عليهو انا جربته احساس انو جنى بطنك يتكلم معاك بنبرة كعبه والله الحاجه دي بتوجع اكتر من ضربه الفاس،وبعدين نحن بقينا في مجتمع بنقابل الغلط بالغلط،يعني الواحد يتكلم مع امو بأعنف النبرات والعبارات عشان هي غلط،هي غلط ونحن في مجتمع بقى يعالج الغلط بالغلط للأسف وكلنا بنستبيح الغلط و خسرانين اخرتنا على الاساس دة💔✅
..........
صلينا صلاة الجمعه،وطلعنا من الجامع وعلى طول ركبنا المواصلات ،على م قدر م كنت ملهوف على قدر م حاولته ابين اني متماسك،م حبيت ابين لي مهند انو انا وشهد مشكلتنا شبه اتحلت من امس بالليل لا عيشتو على اساس انو ماشي يحلها ،دي واحدة من الخطوات الممكن تعزز ثقتو بنفسو ،واضح انو كان شويه متوتر بس برضو م شديد او هو م حابي يظهر لي الحاجه دي...
.....................
وانا في المطبخ شغاله اعمل في الغداء وماما شبه نايمه،جرس الباب ضرب،قلته دة اكيد منذر جا من الصلاة جريت سرعه على الباب وانا ماسكه الكمشه في يدي لاني كنت شغاله بحمر والطوة في النار ،فتحته الباب للحظه حسيت نفسي بتخيل،والدنيا لافه بي
م مهند؟؟؟ ماهر ؟الزيني2 ،اتنين الزيني في وشي وانا لسه م مستوعبه ولابسه بجامع وشكلي حسبي الله بس،م حسيت بنفسي نفسي غير وانا جاريه ومخلياهم واقفين في الباب دخلته غرفه امي النايمه فيها لقيتها ماسكه المصحف،قالت لي بسم الله مالك ي بت؟
قلته ليها ماهر برة!!
قالت لي شنو؟
قلته ليها وانا نفسي قايم ومعاهو مهند،
قالت لي ومالك بترجفي كدة ؟م كنتِ عارفه يعني ولا امس م كان معاك؟
قلته ليها م كنت عارفه وعندي طوة في النار،
قالت لي وين هم فضلتيهم؟
قلته ليها واقفين في الباب،
قالت لي غايتو احيييييييهه بس،لبست توبها وطلعت،
بعد ربع ساعه جاتني راجعه قالت لي اللبسي اطلعي سلمي واوعى تقولي م بطلع بسلم عشان شينه وحماك قاعد برة،
قلته ليها منذر جا؟قالت لي اي قاعد برة،
قلته ليها طيب جيبي لي ملابس ،قالت لي اللبسي من الدولاب دة ،
غيرته ملابسي سرعه واتريحته م خليت ريحه في وشي م بخيتها من ريحه المطبخ والأكل،ماهر دة مجنون م قال لي جاي الحيوان😭💔
المهم بعد خوف وخجل ورهبه لبسته التوب وطلعته ليهم،ماهر اول م شافني قعد يضحكك الحيوان،
سلمته على مهند وقف على حيلو وسلم علي قال لي كيفك ؟قلته ليه الحمدلله وانت؟
قال لي تمام بس فاقدك ياخ!!؛
سكتت لما جيت اسلم على ماهر ضغط ماهر ضغط على يدي وهو يضحك،عارفاه بضحك شكلي😭💔
م قدرته اقعد على طول دخلته المطبخ كانو لابسين ال2جلاليب على الله🙈❤بس م ركزته مع مهند على قدر م ركزته على جلابيه ماهر م خلاني اركز بتفاصلو بضحكتو المستكلبه دي السجم🙈💔
ماما جات قالت لي سمح وقت عارفه انو جاي م كان تتكلمي عشان نجهز غداء محترم للناس
قلته ليها ماما وربي م عارفاه جاي اساساً امس جا بالصدفه بس😭💔
قالت لي سمح جهزي الغداء،
جهزتو وختيتو ليهم،لما قمت ماشه مهند قال لي وين وين م حتتغدي معانا؟قلته ليهو ل...
قال لي لا ؟اذا لا معناها نحن كمان م حنتغدأ
ماما قالت ليهو ي ولدي اتغدو انتو و...
قال ليها حتى انتي ي خالتي؟
ضحكت قالت لي سمح ي شهد تعالي،قعدنا في السفرة وبدينا نتغداء كل م ارفع عيني بلقى ماهر يعاين لي،منذر قال الطبخ منو انتي ي امي؟
امي قالت ليهو لا شهد
قال ليها كنت عارف انو م انتي الطابقه اصلاً ي امي انتي اكلك ليهو نكهتو الخاصه م زي ناس كدة بعملو اكل كدة لو م الجوع الواحد م باكل 💔
بقيت اعاين ليه مهند ضحك قال ليهو بالعكس ياخ ماشاءالله على الأكل ،
منذر قال لي م تصدقي دة تطبيل ليك انتي بس ومجامله ولا شنو ي ماهر؟!حق الله حقك غايتو معدتك متأزمة تاكل وتعمل رايح✅💔
ماهر ضحك،ضحكتو دي غاظتني اكتر من ضحكه ماما ومهند يعني كان بقدر يدافع عني بس ضحكتو دي معناها كلامو صح😭💔
م اكلته نهائي قمته دخلته المطبخ جهزته ليهم الشاي،مهند قال لي شهد خليك قاعدة،قلته ليه انا؟قال لي ايوة ،قعدته سكتت مسافه حتى قال ي خالتي بتنا دي ليها كم يوم معاكم ونحن جينا من بعد إذنكم عايزين نسوقها،م عايز ادخل في تفاصيل لأنو شكلو المشكله خاصه بينهم ال2 وحلها كمان بينهم ال2بس برضو شايف انو وهم بعيدين كدة م بقدرو يحلوها احسن تتحل في بيتهم لأنو كل م كانو بُعاد ممكن تتعقد اكتر من انها تتحل،
ماما قالت ليه عين العقل ي ولدي م قلته الا الحق ودة كلامي ليها والله اسأل اخوها دة يومي انا وكل اخوانها بنتكلم معاها لكن العناد ونشاف الراس تخلي لمنو؟المشاكل دي زي م بقولو حبوباتنا المصارين في البطن بتتشاكل خليك من البشر لكن شنو حلوها بالهداوة واذا في طرف بشد التاني برخي والعرس دة م شي هين المشاكل الصغيرة دي الناس بتقدر تتجاوزها بدون طلعه من البيت،
مهند قال لي شهد !؟اها انتي رايك شنو؟
منذر قال ليهو لا تسوقوها طوالي ي زول بدون م تاخد رايها زاتو،
مهند قال ليهو لا ي منذر ماف شي بجي بالغصب اهم شي موافقتها هي نحن زاتنا من غير موافقتها م بنسوقها من هنا ،
فضلته ساكته
ماما ضحكت وقالت ليهو اها ي ولدي الجواب بديك عنوانو والسكات دة موافقه بس خجلانه اقول كدة،
يعني بس امي تحب تدخلني في حتات ضيقه😭💔
فضلو قاعدين لي بعد المغرب يتونسو وياخدو ويدو في الكلام،لغايه م قالو نطلع،
ماما قالت لي جهزي نفسك عشان تمشي مع راجلك،دخلته الغرفه وانا م بين مبسوطه ومستعجله وعايزة ابقى تقيله في نفس الوقت،استحميت وغيرته ملابسي ،بعدها ماما جات قالت لي انا بعرفك عصبيه واخلاقك ضيقه براحه وبالهداوة حلي البينكم مع راجلك تمام ي بتي؟اسمعي الكلام والله يهدي سركم،
فجأة الباب دق منذر جا قال لي لسه م جهزتي انتي الناس دي طلعت!قلته ليهو خلاص طالعه،طلعته ومنذر لما عرف انهم م جاين بعربيه حلف الا يوصلنا البيت،وبالفعل وصلنا،لما نزلنا مهند قال لينا انا ماشي مشوار قريب هنا،
ماهر قال ليهو مشوار وين؟
مهند قال ليهو قريب قريب،انتو ادخلو،
ماهر قال ليهو طيب م تتأخر،بعد م مهند مشى بقيت اعاين ليه،مسكني من يدي ،دخلنا الشقه وانا داخلاها و مترردة زي الغريبه طبعاً،ماهر قفل الباب بي يدي وعلى طول مسكني وقربني عليه وقال لي فاقدك شديد،
بقيت اعاين ليه،قال لي البيت وانا وكل شي ،
ايوة انا حابه فكرة قربو مني وحابه فكرة رجعتي البيت بس برضو لسه في حاجه واجعاني منو💔قال لي شهد تاني م تعملي كدة ،حتى لو انا الوديتك بيت اهلك م تنشفي راسك وتعاندي كدة الله يرضى عليك،م بتخخيلي وم بقدر اشرح ليك الأيام الكنتي فيها بعيدة دي كانت قاسيه علي قدر شنو،
قلته ليه ماهر ..
قبل م اتم كلامي باسني وقال لي معليش ايوة انا غلط بس انتي فاهمة؟انا كان اهون عندي تكوني بعيدة من انو تكوني قريبه وتتأذي مني بكلمة او بأي تصرف تاني م مقصود في لحظه غضب،افهمي ي شهد💔
بكيت وقلته ليه وانا هنت عليك 3يوم،3يوم م حسيت انو مفروض ترفع سماعه التلفون وتتطمن علي حتى ،خت يديهو في خدودي ومسح لي دموعي وقال لي اسف طيب اذا كان دة المزعلك ايوة صح انا غلطته هنا وبعترف،ممكن ننسى الحصل علشان انا مشتاق ليك شديد؟
باسني في راسي مسافه وضماني عليه!!!قلته ليه بصوت مبحوح ماهر❤
قال لي روحو❤🌻
سكتت مسافه حتى قلته ليه ماف شي خلاص❤🌻
صحيت الصباح على حركتو وهو بجر في مناخر ?
يتبع.....