🌹#السلام_عليكم_ورحمه_الله_وبركاته🌹
✍️إخوات دي دي فتحي و مش هقول فانز دي دي فتحي لانكم اثبتولي قولا وفعلا انكم اخوات ليه مش مجرد فانز وبس... حتي اللي انا معرفهومش معرفه شخصيه كان بيبعتلي علي الخاص عشان يقف جنبي ويطمن عليه وكانوا بيبعتولي ارقام تليفوناتهم عشان ابعتلهم واشاركهم حزني ووجعي وكسرتي بس لاسف كنت منعزله انعزال تام ومعنديش غير السكوت وبس لان اللي جوايا من كل معاني الحزن والوجع والقهر اكبر بكتيير اوي من اي كلام ممكن اشاركه مع حد ولا حتي عايزه اشاركه مع نفسي.
✍️فكل الشكر والتقدير والاحترام ليكم و لكل اللي سأل عليه سوا علي الخاص ولا العام ولا الواتباد وبجد ومن غير مبالغه انتم احلي واجمل اخوات واصحاب وربنا يديمكم ويديم حبكم نعمه في حياتي يارب وميحرمنيش منكم ابدا يارب العالمين... لانكم فعلا اثبتلوا ان الصديق وقت الضيق وبرغم اني مردتش علي حد فيكم بقالي حوالي شهرين بس محدش منكم إضايق وبطل يبعتلي عشان يطمن عليه... بالعكس كل يوم كنت بلاقي رسايل اكتر من الاول وفانز جميل يبعتلي يطمن عليه حتي لو بكلمه واحده مني بس المهم انه يطمن عليه.
✍️وانا بعتذر منكم جدا... اني مقدرتش ارد علي حد فيكم ومقدرتش اتواصل معاكم... لان اللي حصلي فووووق فوووق طاقتي والله العظيم... لان اللي حصل لحسين اخويه وحبيبي... كسر قلبي نصين بمعني الكلمه واول مره اعرف يعني ايه قلبك مخلوع من مكانه... و اول مره اعرف يعني ايه كسر ضهرك مع اني امي وابويه كمان متوفين وقلبي اتحرق واتوجع عليهم بس مش زي وجعي وحرقه قلبي وكسرتي وقهرتي علي حسين... عارفين يعني ايه تكونوا محضرين له شقته وعزاله ومحددين ميعاد فرحه والقاعه والطباخ... عارفين اليوم اللي حصله فيه ده احنا كنا بنجيبله النجف بتاع شقته عشان ده كان اخر حاجه ناقصه فيها.
✍️عارفين يعني ايه اخويه وحبيبي ونور عنيه يقع من علي السلم يموووت مع ان السلم مش عالي ولا خطر😔 وكل تعبه وغربته ال١٢ سنه يرحوا علي الارض 😔ويندفن في أرض غريبه ومنشفهوش عشان مفيش طيران ولا نبوسه وناخده في حضننا ونودعه حتي😔وبدل مانزفه علي عروسته نزفه لقبره😔و ياريته كان وقع من علي السلم وتعب شهر شهرين تلاته و رجع بس هو لاسف وقع ورحل من دنيتنا😔 وكان والله مكلمني قبلها بيوم واقوله مالك مستعجل ليه كدا ياسحسه في الكلام ومال صوتك زعلان كدا ياحبيبي،، يقولي،،، غشيم مين ياحبيبتي اللي يسمع صوتك ويزعل انا بس عايز انام شويه... اقوله طب قولي بس مالك ياحبيبي وروح نام... يقولي والله مفيش حاجة ياحبيبتي هو انا عمري خبيت عليكي حاجه ياحبيبتي عشان اخبيها عليكي دلوقتي 😔ومعرفش انه هو مخبي عليه هو و الزمن الحاجه اللي فاقت خيالي وفاقت قدرتي انه هيفارقني لابد ودي هتكون اخر مكالمه ليه معاه😔 يارتني كنت انا بداله وهو فضل يفرح ويتجوز ويفرح بشقته وبعزاله وينام علي سريره اللي هو اختاره هو وعروسته ويعوض تعب وشقاء ١٢ سنه غربه وحزن وهم 😔
✍️عارفين يعني ايه حسين اخويه يعني دنيتي الحلوه اللي راحت مني... يعني الضحكه الحلوه اللي كانت بتحلي ايامي وحياتي وبتهون عليه اللي انا فيه مهما كان ... والله لما جوزي الاول كان ببعتلي جواب كنت بقراه انا وهو سوا وكنت واخدها صحبي وابني واخويه وحبيبي لاني بحبه وبعشقه والله اكتر من اي حاجه في الدنيا واكتر من نفسي والله العظيم لو كانوا خيروني بينه وبين الدنيا كلها وعمري فوق منهم كنت هختاره هو وافديه هو بس لاسف مفيش اختيار وسمعت الخبر اللي صدمني وكسر قلبي والله لو قولتلكم من ساعه ماسمعته لغايه دلوقتي اني مش مصدقه اصلا انه حصل واني حاسه اني في كابوس وهصحي منه الاقي كل حاجه زي ماهي وان سحسه حبيبي لسه معايه بكلامه وضحكه وهزاره اللي برغم من اللي هو كان فيه بس بيملي الدنيا ضحك وهزار عشان يهون علي اللي قدامه😔والله من يوم ماسمعت الخبر ده وانا وداني عن نفسها معدتش بسمع بيها اد كدا حاسه اني الخبر خرم وداني او بمعنى أصح سدها من شددته وقسوته ومعدتش قادره ولا عارفه اسمع حاجه تاني.
✍️انا مش عارفه ايه حكمه ربنا في اللي حصله ده بس اكيد ربنا اختارله الخير... بس انا حرفيا قلبي موجووع اوي اوي اوي عليه ومش عارفه اكمل حياتي من غيره وكل لما ابص لشقته وعزاله وصوره الطفل اللي كان نفسه يجيب زيه يكون ابن ليه وفيديوهاته وهو بيكلمني ماسنجر وصوروه اتأكد اني عمري ماهعرف اكمل حياتي وترجع زي الاول من غيره... بس عزائي الوحيد اني عاجلا او آجلا هروحله واخده في حضني زي ماكنت باخده علي طول لما كان بيجي من السفر 😔
✍️معلش طولت عليكم✍️بس حابه اوضح حاجه اخيره بخصوص موضوع #الجزء_٣_لعذاب_رعد... #معركه_عشق_الحيتان... والفانز الكتير اللي بيسالني عنه... انا والله العظيم كتباها ورق واخواتي واصحاببي زيزي عمروZizi Amr ورودينا طارقRodina Tarek كتبينها ورايه فون واتحملوا علي نفسهم كتير اوي عشان يخلصوها ورايه علي طول... وكنا هنزلها تاني يوم العيد ان شاء الله بس اللي حصل لحسين مكنش ابدا ابدا في احلامنا ولا حتي في خيالنا... وعشان خاطركم وخاطر وعدي ليكم قبل كدا اني هنزلكم الجزء ٣ لرعد وعشان عمري ماخلفت بوعدي ليكم غير لو حصلتلي حاجه تفوق طاقتي... فاانا ان شاء الله هنزلكم الجزء ٣ قريب لانه مكتوب وجاهز للنشر وربنا ان شاء الله يرفع البلاء والوباء عنا جميعا بإذن الله.
✍️✍️واعذورني لان دي هتكون اخر حاجه انزلها... لاني مش هكتب حاجه تاني برغم اني كنت بكتب في رواتين قبل مايحصل اللي حصل لحسين... عشان انزل واحده بعد واحده بعد معركه عشق الحيتان... لان الحظر وعدم الخروج من البيت كانوا بيدوني وقت ومساحه اكتب فيها ... بس بعد اللي حصل لحسين معندش عندي القدره ولا المقدره اني ارجع دماغي ككاتبه تاني وهكتفي اني افضل معاكم كااخت او صديقه ليكم وبس مش ككاتبه.
✍️لاني ان شاء الله وربنا يساعدني في ده يارب... عايزه ابدا في حفظ القرآن الكريم... وأوهب ثواب حفظه لحسين وامي وابويه... ويكون ليه ولي احبابي شفيع لنا يوم القيامه فياريت تدعموني وتساعدوني علي ده وتشجعوني زي ماطول عمركم ما بتشجعوني وبتدعموني.
✍️معلش طولت عليكم بس انا حبيت اخرج من وحددتي وكسرتي... عشان اطمنكم عليه لاني لقيتكم قلقيانين اوي عليه ووالله العظيم غصب عني عدم ردي عليكم لاني حرفيا مكتفيه بالسكوت وبس واني اعيش مع ذكريات وصور وفيديوهات حبيبي ونور عنيه حسين.
✍️✍️وان شاء الله هنزلكم معركه عشق الحيتان الجزء ٣ لرعد قريب وهعلن عنها قبلها ان شاء الله... وده هيكون اخر حاجه ليه انزلها و والله مكنتش عايزه انزلها بس فانز كتيير اوي بيسالوني عليها علي الخاص والعام والواتباد وعايزين يعرفوا ميعادها فاانا هنزلهالكم... وكمان عشان وعدي ليكم اني اعملكم الجزء ٣ لرعد اقوي من الجزئين اللي قبله وفعلا بفضل ربنا وبركته عملت ده.
بعتذر مره تانيه للتطويل... بس ليه طلب او اعتبروه رجاء ليه عندكم... وفضلا وليس امرا... عايزه كل اللي يشوف البوست ده ويقرا كلامي... يدعي لحسين اخويه وحبيبي ونور عنيه... ان ربنا يرحمه ويغفر له ويسكنه فسيح جناته ويرزقه الفردوس الأعلى من الجنة وربنا يصبر قلبي علي فراقه🙏 وحرماني منه😔 ارجوكم ادعوله انه يدخل الفردوس الأعلى من الجنة من غير حساب ولا سابقه عذاب🙏🙏
#دومتم_بخير_جميعا_وربنا_ميحرمكوش_من_حبايبكم_ابدا_يارب_العالمين 🙏
🌹#حبيبتكم_دي_دي_فتحي 🌹