في ميسان بيت الشيخ حاكم
متواجد داخل الديوان عدة شيوخ وناس من ضمنهم علي وصادق والشيخ حاكم طبعا و ولده
شيخ عامر(شيخ عشيرة ابو ترف): الله بالخير
كلهة صاحت: الله بالخير شيخ
شيخ عامر: والنعم منكم ومن استقبالكم وانشاء الله احنه جايين نصلح اللي صار وكل اللي تآمرون بيه اعتبروه تم
شيخ حاكم: والنعم من اصلكم احنه ما نآمر وما نريد بحور دم
وانته تعرف لو نريد كبل ما يدخل ابني لحدة(قبره بالعامية) اللي كتلة يتوسد بصفة
شيخ عامر: الله يرحمه
ندري يابو راهب بس احنه مانريد تروح عالم مالهة ذنب وتتيتم جهال مالهة علاقة باللي صار
شيخ حاكم: واحنه هم ما نريد يصير هيج وما نقبلهة لا لاهلك ولا لاهلنة
شيخ عامر:هاذة اللي تريدة
وهسة كول يا شيخ اللي تكولة ما ينرد
شيخ حاكم: شيخ عامر اني كتلك دم ما اقبلة والفلوس ما تعوضني وانته تشوف الحمد لله خير من الله جثير عندي
هنا علي خلة ايدة على صدرة
شيخ عامر:لعد شتآمر كول شيخ؟؟
شيخ حاكم: رايدين منكم........
***********************
في بغداد بيت ترف
ترف كاعدة بغرفتهة ترسم هوايتهة وتخفف عنهة التوتر بهاي الهواية
ترف: يا ترى شنو حيصير ؟؟معقولة يقتلون ياسر ؟؟
لالا ماعتقد لان بابا كال ابوهم شيخ معروف وميقبل بالدم
ياربي راسي حينفجر احسن شي انزل يم ماما وجوجو(جوري )
نزلت ترف يم امهة واتفقو يسوون كيك لابوهم وحلويات خطية صار فترة عايش بتوتر
يشتغلن ترف وجوري بالمطبخ وجوري تغني وخابصة الجو
وترف بس تضحك عليهة وامهن تباوع عليهن وفرحانة بيهن تدعي ربهة يديم هالسعادة اللي هنة بيهة
*************************Z
شيخ حاكم:رايدين منكم فصلية
صادق:🤤شلوون...شنو فصلية
الكل مصدوم
راهب
شني اللي جاي يحجي ابوية شني فصلية من شوكت ناخذ فصليات لا ونوب من بغداد وهاي المن ينطيها اكيد مو لحسن واني مستحيل اخذهة
يلا اقنعة ينطيهة لواحد من ولد عمامنة
حسن :يابة شني هالحجي هاذة
شيخ حاكم :حسسن 😡
اي ابو احمد لا فلوس ولا دم نسد هالموضوع بفصلية
صادق:بس شيخ اني ماعندي بنات
علي غمض عيونة ودنك راسة
شيخ حاكم: بس اخوك عندة 2 علة حسب معلوماتنة
علي: يعني يا شيخ تريدني اضحي بوحدة من بناتي اللي مالي غيرهن بالدنيا هاي
شيخ حاكم: بتك راح تجي هنا تصير بتي يابو ترف احنة ما نظلم أحد لا تخاف عليهة
علي:والنعم منك شيخ بس ذني اللي طلعت بيهن من الدنيا ماكدر
شيخ عامر:ابو ترف كول يا الله شني ما تكدر تريد العالم تتذابح
هاهية شيخ شوكت تريد نجيبهة
شيخ حاكم:لا يا شيخ عامر اريد اسمع الموافقة من ابوهة
علي:انشاء الله خير شيخ
شيخ حاكم:على بركة الله يومين انشاء الله والبنية يمنة
ها شكلتو
كلهة كالت تم
كامو يطلعون وكف علي واجت كبالة ترف وهية تضحك ومتعصبة لان يتحرك هواي وهية جاي ترسم بيه واجت جوري تكفش بشعرهة وبقن يتعاركن ويضحكن
ابتسم و وكع(اغمى عليه) ركض اخوه والشباب عليه
اخذو الشباب غسل وصحصح وتوكلو على الله
مساءا في بيت الشيخ
راهب:يابة اكدر اعرف ليش طلبت هالطلب
حسن:اي يابة شلون تقبل ناخذ مرة بمكان أخونة
شيخ حاكم: احسن ما تصير بحور دم وتروح وادم جثيرة هاذة احسن حل
راهب:والمن تأخذها
شيخ حاكم:الك
راهب:تعذرني شيخ هاي اول مرة اعارضك صار سنين ما متزوج تتالي اخذلي فصلية
شيخ حاكم:رااهب
لعد رايك المن انطيهة لاخوك المزوج هية كلهة جم سنه وترجعهة لاهلهة وهاذا آخر كلام
عرفت شيخة فضة وسعاد وغدير انو راهب راح ياخذ فصلية
شيخة فضة ما قبلت عالصار من اهل الله وما تريد تظلم هالبنية المسكينة الي راح تجي وغدير نفس الشي ضايجة من هاي التقاليد الي هيج تقيد الإنسان وتفرض كلشي عليه
أما سعاد فهاي بركان على وشك الاشتعال متخبلة لان راهب راح ياخذ فصلية
تعرفون ليش ضايجة؟؟🤔 امم بعدين اكول
*********************
في بغداد
رجع علي لبيتة وراح صادق لبيتة
نورس: حمد لله على سلامتك ابو ترف
علي:الله يسلمج نورس
نورس: بشرني شكالو
علي:مو هسة نحجي
صيحي البنات
نورس:انشاء الله بس مبين رادو شي جبير
جووري ترررف تعالن اجة بابا
نزلن البنات يركضن حضنن ابوهن وباسن ايدة وراسة
ترف:حمد لله على سلامتك بابا
علي:الله يسلمج يروح ابوج
جوري:حمد لله على سلامتك حبيبي😙
علي:ههه الله يسلمج حبيبة ابوج تعالن يمي
كعدن بصف ابوهن يباوع عليهن والدمعة بطرف عينة
"صعبة بعد كل هالتعب والتربية ينطيهن لناس غرب حتة يصيرن مجرد خدامات "
ترف وهية خالة ايدهة على خد ابوهة:بابا حبيبي شبيك ليش هيج حزين وضايج صار شي مو زين ما قبلو بالفلوس يردون دم؟
علي:لا بنتي ماكو شي
مايردون دم
نورس:لعد طلبو فلوس
شكد رادو؟
ترف:بابا اذا على الفلوس سهلة حتة لو نبيع بيتنة وبيت عمو وننطيهم
علي دنك وكال: لا فلوس ولا دم
يردون وحدة منجن
نورس شهكت وخلت ايدهة على حلكهة
ترف ساكتة وتباوع على ابوهة
جوري:بابا يعني شنو لازم وحدة تتزوج واحد منهم؟😢
ترف:بابا فهمني شنو يعني
علي صافن على بناتة وبرائتهن:لا بابا مو تزوجين تروحين فصلية
لا عرس ولا اغاني ولا فستان ابيض تروحين تخدميهم وتنسين اهلج ودراستج
ولو تبقين طول العمر لو يحددون مدة وترجعين
كامت نورس بعصبية: انته شجاي تحجي تريدني انطي وحدة من بناتي لناس لا نعرفهم ولا يعرفونة علمود تقاليد همجية من ناس همج
(آسفة عالمفردة)
علي:نوووووورس الزمي لسانج الهمج ذول اني واحد منهم
ترف رغم صدمتهة بكلام ابوهة بس حاولت تهدي الوضع
بابا اهدة ماما مو قصدها هية بس خايفة علينة
علي:ادري يا بابا اني هم خايف عليجن انتن قطعة من كلبي
جوري بس تبجي وخليفة
الاب صافن ومحتار شيسوي كدامة بس يومين
الام تبجي على حظ بناتهة
ترف تباوع لاهلهة وهية تحس نفسهة كبرت 100 سنة وتدري ابوهة وامهة ما بيدهم شي واذا وحدة تروح يعني هية لان الأكبر ولان مستحيل تخلي اختهة تروح
كل واحد بغرفتة وكل واحد نايم يفكر باجر شيصير وشلون راح تعدي هالايام اللي مبين عليهة صعبة
8 صباحا في بغداد
✊✊
ترف:اتفضل
علي:صباح الخير
ترف:صباح النور بابا
علي:بنتي اكدر احجي وياج شوية
ترف:طبعا بابا اتفضل
(اعرف بابا بشنو جاي يحجي وياي💔)
علي:بنتي شنو رايج بكلام البارحة
ترف:اي بابا طول الليل افكر بيه
علي:اي و شنو جوابج
ترف:ماعرف شكلك بابا بس مداكدر اتخيل حياتي بدونكم
شلون اعوفك بابا شلون اعوف ماما وجوري
دراستي احلامي طموحي أصدقائي شلون اعوف هاذة كلة واني مالي ذنب باللي صار
حرام هيج بابا والله حرام ليش تريدون تعذبوني ليش تريدون تموتني واني حية
ترف كامت تبجي وتحجي تهسترت 💔😢
علي: بس بس اهدي بابا اهدي خلص ماطول ما قابلة ماجبرج ولا يهمج يروح ابوج بس هدي اعصابج يا بنتي
حضنت ابوهة وتبجي تبجي تبجي لحد ما غفت
نومهة بفراشهة وطلع
نورس:هاذة جان صوت ترف موو
يعني كتلهة وتريد ياخذوهة مني علي
علي: نورس مو بيدي
بس لا ماطول ترف ما تريد ما اجبرهة خليهم يموتوني بس ما ياخذونهة
************************
ورة ما خلصت عطوة الفصلية
رجعو خبر لشيخ حاكم ابو البنية ما يقبل ينطي بنتة اطلبو اللي تردونة من الفلوس بس شيخ حاكم رفض واعتبرها اهانة وهمة كسرو كلمتهم وياه
كام راهب وحسن اعصابهم واصلة للسما اخذو ولد عمامهم تلثمو اخذو سياراتهم وسلاحهم ونزلو لبغداد
************************
في بغداد5 مساءا
ترف:بابا شنو هاذة الصوت
جوري:عااااااا بابا هاذة رمي
علي:نورس اخذي البنات وصعدي فوك اني رايح اشوف شكو
نورس:علي وين رايح فدوة ابقة لا تطلع
عافهم وطلع وصل لبيت اخو ولكة زلم تارسة الشارع وكلهة ملثمة داكين بيت اخو وبيهم واحد يصيح
راهب:لكم جبناء اطلعو اليوم انعل......
علي:يا ابني صدك جذب ميصير هالشي وين عايشين احنه كول يا الله
راهب: لا تدخل احنه ما جينة عليك احنه جايين على جتال اخووي
بهاي الاثناء طلع صادق ومصطفى من البيت شافهم راهب كبل جيت(قفز) على مصطفى وخلى سلاحة براسة
راهب:شوف حجي احنه ولد شيوخ و ولد عشاير انته اختار ابنك هاذة ويلحكة ولدك و ولد عشيرتك واحد واحد لو باجر الصبح فصليتي بباب بيتي هاذة آخر حجي منا لباجر ان ما اجيتو تجيكم جثتة بالباب
سحلو مصطفى للسيارة وراحو وعافو العالم اللي تصيح وصادق الي وكع والعالم شالتة
***********************
رجع علي و وياه صادق للبيت
ترف:بابا😢😢
جوري:بابا فدوة وين جنت
نورس: علي شنو هالرمي هاذة شصار
كعدو حجة صادق:ابني راح علي ولدي راح يضيعون
ترف:عمو ليش هيج تحجي
علي: اهل الولد اخذو مصطفى رهينة منا لباجر اذا ترف ما راحتلهم يدزون جثتة
نورس:يمة وليدي
جوري كامت تبجي
ترف صافنة
صافنة على امهة اللي كامت تبجي على مصطفى اللي مثل ابنهة وجوري اللي صار يومين متاكل ولا تداوم من الخوف والقلق وابوهة الي حستة صار عجوز فجأة عمهة اللي تكسر ظهرة و ولد عمهة اخوتهة الي راح يرحون من اديهة كل هاذة لان رفضت
رفضت تتنازل عن حياتهة وحريتهة
حالة صمت لمدة ربع ساعة
ترف: بابا
علي:ها ترف
"اني موافقة"
***********************
فضلا وليس أمراً ممكن تصويت +تعليق ماتاخذ من وقتكم هواي