Ka phone ka ban nghal zat ka tihdan a ni ve hrim hrim bawk a..
Keimah ni chat room ah chuan ka lut a. Engthil nge maw an sawi ni
Ka chhiar zar zar a, awi heng ho hi. Jungkook leh Keima chungchang hlir an sawi nih hi, zahthlak hian.
Awi LalJimin thlalak rawn dah te chu, a rawn kal a a thlalak kha. Hepa zet hi zawng
Lawkin Jungkook nen hian kan in roommate dawn maw. Lalpa leh Jimin tih leh bak ni lo ang. kan kal loh vangin sawibuai thei kan ni silo.
Jungkook vang vek, enge mut a duh viau thin ni
Bathroom kawngkhar ri ah chuan ka hawi phei a. Enge ka hmuh saw😱😱 Jungkook chu a kawnga towel ven pah in a rawn chhuak a, a sam te chu a la huh vek a far deuh fah fah bawk.
A taksa saw chu a mawi chiang lawm. A sam huh zawng zawng nen sawn a inhmeh rem rem. Ka â mai dawn lawm le, ka en dauh dauh tih reng ka in hrelo
"I duhtawk khan en rawh ka pawiti lem lo nia" a rawn tih chuan ka harh zawk ka hawi sawn nghal
"Ka en lo che aw" tih pah in towel ka la a, bathroom ah ka lut nghal daih
******
"Roommate thar tur chu enge a an a" Jimin chuan ka bula rawn thut thlak pahin a rawn tia
"I lo mak khawp mai Park Jimin, ka thiantha i ni chiah em pawh ka hrelo. Min tih zah zia i hria em, tinge kan thlalak te kha group ah i lo post, roommate pawh hi nangma tih leh bawk a ni ang. Enge tuna taka nangmah a room hran i duhna chhan tur pawh ka hrelo. I phakar khawp mai biak pawh ka be peih lo che" ka ti a, ka hawi sawn hmak
Min rawn kuah a "Tae Tae sorry, i thianpa hi ka â em a ni, min ngaidam rawh. Nangmah ka zawt hmasa zel tawh ang " a ti a
"Kal mai teh"
"Ka chau" tih pah in min ngheng tlat nih chu, nghal khat tlat hi ni mai maw
Suga Hyung nen ka hmuh leh hun chu an thla ka la ve tawh chiang ang. Ka la ti mualpho ve dawn lawm...
****
Jungkook nen pawh room kan intawm tan ta. Ka nun hi a chep zo vek mai in ka hria.
Mahse enge maw taka nuam tihna ka nei tlat leh nghal a. Ka duh lo reng reng
Ka awmdan a danglam tur a ni lo
Chuan nuam tihthar deuh ka nei bawk
Zan rei tak tak thleng a phone khawih a ni, chhan chu Jungkook hian a duh loh vangin
Zan ah hian phone ah chiah attention ka pe a, chu chu a duh lo thin rapthlak. A phun hluk a mu daih zel
Si miah lo a zana ka mut pawh hian zing ah hi chuan kan lo inkuah chial zel lehnghal a. A thinphu dup dup mai ngaihthlak te hi nuam ka ti tan riau tawh mai...
Vawiin chu kan chau tlang bawk a, kan zawi hlawm khawp mai. Tawng peih a ram pawh kan awm lo
Karleh ah hian Hwarang a ka chanpui Park Hyungsik khan nipui a nei dawn a, ka kal ve dawn a nih hmel min rawn sawm ve sia... Ka member te pawh ka la hrilh lo. Manager bulah ka hrilh tawh a, nithum vel chu ka awmbo duh hmel.
******
Hyungsik kan lawmpui thu te chu chat ah kan sawi luam luam hlawm a. Ho deuh deuh in an rawn pawt a ka nui leh hak thin
"Tae, enge i tih renga. Rawn mu tawh rawh" a rawn ti hmuk a,. Ka men hmawn mai
"Ka tibuai che mi"
"Zan a rei tawh, i chau ve lo mi a"
"Ka mu pah deuh reuh tho lawm.. muhil leh rawh" ka tia, phone bawk chu ka en leh.
Minho Hyung chuan Voice hi a rawn thawn a
Ka ngaihthla nghal vat
A la uang em em zui, a tawp ah ka hmangaih vek che u a rawn ti tel kher bawk... Ka nui hak hak a
Ka rinloh lutuk in Jungkook a rawn thu chhuak nawlh a,.
"Enge ka sawi i hriat kha" a rawn ti ram hmak nih chu, enge maw a lo buai ve vak ni
"Enge" ka duh chauh
"Rawn la teh" tih pah in ka phone ken lai chu a la daih a. A switch off hmak a, a ma lam dawhkan pawhdawh ah a khung hmak nih chu.. thinrim tawk in ka melh ran a engmah a ngai duh lo lehnghal
Min kuai mu lawp a, a mah si chet in min muttir a min kuah bet tlat zui. Ka tal ve na a, a ni ang thahrui ngah zet chu keihian ka hneh lo deuh a ni
Tal peih tawh lo chuan ka mu a
"Midang i biak vak vak hi ka duhlo tih hi i la hrelo ang ka ti, nge ni a hre reng chungin i tilui zawk" ka nghawng zawn ah chuan a thaw ham ham bawk a, ka mur chuai chuai thei nia.
"Sawi tur i nei lo mi" engmah ka sawi loh vang chuan a rawn tia. ka chhing nghal daih.
"I thinrim lo tiraw" a rawn ti leh a, ka thinrim khan ka hre sia mahse engtik khan nge a lo reh hman ka hre hauh lo
"Awle, mittui Tae baby" ka nghawng ah a fawp a nih chu.
Chuan in engtin maw min koh kha Baby min ti tlat a ka hriat chu.. ka â mai dawn, ka hmai a sa hat hat mai
*****
Hyungsik Hyung te inneih ni pawh a ni tep tawh.. An mahni Giheung -gu lam ah a nei dawn nih hmel a, ka phur ve tawh khawp mai
"Hyung" Jk chuan min rawn ko a, ka lo hawi hu a
"Vawiin ah hla ka record dawn a, min kalpui la" a rawn tia
"Eng hla maw"
"Surprise"
"Surprise a nih chuan i release hunah ka lo ngaithla zawk ang" ka ti a, a ruk tak chuan ka kal chak reng mahse kalchak lo angin ka awm mai mai
"Chuan i rawn kal dawn nge dawnlo"
A ti sap a
"Ka sawi kha i hriatthiam chuan ka rawn ka...." Ka ti hman chiah a
"Awle, tha lawm midang ka sawm mai nge" a tia a tho nulh a kal nal nal nih chu
Ani pui khan enge a hriat roh a. Hmmm sawi pawh ka sawi zawh hma in a kal daih lehnghal, min sawm luih ka rin laiin.
Jk p.o.v
"Jungkook a nalh tawp, kha zet chu, i lo bawn bik mange"
"Ka lawm e Hyung, chuan enge kan tih ang"
"Ka hre nang min treat la, kan chhuah dun lohna pawh rei tawh lawm" a tih chuan ka bu zeuh a.
Jimin Hyung ka sawm ta tawp a Tae in duh miau si lo a. Tih luih vak kha a thinrim ve thei sia mahse a hmuhnawm hi ka ti thei nia.
Jimin nen chuan kan ei dun mial mial a, eitur hi chu ka van duh ve tak em
"Taka Jungkook tinge Taehyung nilo a kei min sawm daih a" a rawn tia
"Ka sawm lawm, a peih lo a"
"Mak thei e Taehyung hi chu hrethiam rawh a la inhre chhuak lo mai mai nih hi"
"Anih nang enge in an zel a"
"Kan tha mahse, Yoongi hi chu hma han la vak chi hi nilo ve a. Ka thinrim chang a tam"
Kan titi dun malh malh a, ka puar khawp mai
Kan haw lam ah Jimin hian dawr ah min hruai leh khanglang a kan rei phah ta vek. Dar 10 velah dorm kan chhuah san a, tunah dar 3 a ri tawh nia. Jimin hi chu a...
"Jungkook Oppa" tih ri ka hriat chuan, ka inhup nghal chawt a. Fans ten min rawn hmu emaw ka ti hman
"Oppa" ka hnung a mi chuan a rawn tia, ka hawi phei chu
"Eunhi"
"Oppa, ka ngai lutuk che" tiin min rawn kuah a, ka lo kuah let ve
Eunhi hi Busan a kan thenawm a awm thin an nia. Kan naupan lai chuan kan inkawm nasa thei. Mahse trainee ni tur khan Seoul ah ka kalsan ta daih a. Ka kal dawn te khan a tap nasa teh sin. Hehhe lung a ti leng reuh zek lehnghal a
"Jungkook tu nge a"
"Aw Hyung ka thiannu a nih hi. Eunhi a nia, chuan Eunhi heihi Jimin" an in chibai ve a
Kan kal a ngaih tawh vangin engmah pawh sawi hmanlo in kan kal zui a. Mahse ka no. chu ka pek hram kha
******
Room ka luh chuan Taehyung lo mu chu ka hmu a, a muhil zawk nge ni
Ka pan hnai a, a thaw sek sek mai... A duhawm zia hi a
A chal ah ka fawp sap a, inbual turin ka lut nghal
Tae p.o.v
Keimah nilo Jimin a chhuah pui a, an la rei em em zui. Hla record te chu Jungkook hian a awlsam zia ka hre ve vek. Darkar 5 dawn an thang tawh, engchiah nge maw an tih le
Min hrechang eih lo niang. Sual dun lutuk mai
Mahse tinge keihi ka thinrim ve rikngawt a, ka kal peih lo ka tih vangin lawm Jimin a sawm. Nia an duh chen chen awmdun rawh se ka engah mah a thawk lo. A thawk lo hrim hrim, tihian ka him Jungkook min tibuai tu tur a awm lo a ka hlim lutuk hahahahahaha
Mahse lo haw tawh tur chu an nia lawm. Aaaaaa
Ninawm hian, tinge ka ngaihtuah char char le.
Jungkook hi ka duh a mi, nilo ka duh tur a nilo.
Kim Taehyung mipa i nih hi, i anpui chu i ngaizawng thei lo thil dik pawh a ni lo.
Ka inbengdai hleithei lo, tui vawt chu ka in khawlh khawlh a
"Khati khawp a an lo haw i nghahhlelh chuan phone la ni mai lawm" ka sir ah chuan Suga Hyung chuan a rawn ti thut a, ka tui in lai ka phuh teuh a sin le.
"Ka nghak hlel lo e aw, chuan i bialpa ngeiawm zet hi enkawl tha ang che" tiin ka room lam ka pan san hmak
Rei vak lo ka tei ka tei leh hnu chuan "Kan lo haw e" tih ri chu ka hre ta a.
Awm dan mai tur pawh ka hrelo, khumah ka lawn sawk sawk a. Puan ka sin a ka muhil der leh ta ringawt keihi ka mumal lo reng reng. Ka â tawh tak tak chu nih hi
Jungkook chu a rawn lut tih ka hre thei... Ka meng thut dawn mawle
Mahse ka chal ah a rawn fawp zauh mai. Nuam lutuk nilo tinge nuam ka tih ve rikngawt. A tihloh dan pawh ni lo. Bathroom ah a kal tih ka hriat chuan ka meng nghal hrawk a. Ka thin phu nasa bawk nen, hmanhmawh zet in ka tlanchhuak ta ringawt nia.
Tawk phawt se, kan la chhunzawm zel dawn nia.
Bye vek u🥰
Borahae